jo baanhon men bhar le pagale usakaa hee madhumaas ....!

vyastataaon ke kaaran kaee dinon ke baad aaj lautaa hoon parikalpanaa par . is baar mainne faagun par kuchh bhee nahee likhaa ...n koee kavitaa ...n koee geet ....n koee gjl .....! ab choonki faagun jaane ko hai aur parikalpanaa par faagun kee charchaa n ho to bemaanee hogee, isalie mainne sochaa ki aaj ateet ke aaeenon men jhaank kar faagun ko dekhane kee koshish kee jaae .
aaeeye dekhate hain hindee saahity men faagun kee gndh - shuruaat karate hain faneeshvar naath renu se , hindee saahity ko amar upanyaas dene vaale faneeshvar naath renu ke bahucharchit aanchalik upanyaas "mailaa aanchal " men faag geet athavaa ritugeet ke naam se gaaye jaane vaale lok geeton kaa badaa hee maarmik v sateek upayog huaa hai, jisamen se ek hai kaanhaa ke rngeele mohak mijaaj kaa mohamay varnan , jo is prakaar hai -
"are bahiyaan pakadi jhakajhore shyaam re
footal resam jodee choodee
masukee gayee cholee bhingaaval saadee
aanchal udi jaae ho
aisee horee machaayo shyaam re ....!"
mailaa aanchal men ek paatr hai fuliyaa jisane ramajoo kee stree ke aangan men khalaasee jee se bhent karake kahaa thaa ki "is saal holee naihar men hee manaane do " man kee mastee bharee is ichchhaa ko geet ke roop men is prakaar udelaa gayaa hai -
"nayanaa milaanee karee le re saeeyaan
nayanaa milaanee karee le
ab kee ber ham naihar rahibo
jo dil chaahe so karee le ......!"
aaeeye ek aise kavi kee charchaa karate hain jinhonne hindee saahity ko geet vidhaa kaa nayaa roop hee nahee diyaa apitu geet ke maadhyam se hindee saahity ko nayaa aayaam bhee diyaa , naam hai gopaal sinh nepaalee jinhonne holee par apanee abhivyakti kuchh is prakaar dee hai -
" baras-baras par aatee holee,
rngon kaa tyauhaar anoothaa
chunaree idhar, udhar pichakaaree,
gaal-bhaal par kumakum footaa
laal-laal ban jaate kaale ,
goree soorat peelee-neelee ,
meraa desh badaa garveelaa,
reeti-rasam-ritu rng-rageelee ,
neele nabh par baadal kaale ,
hariyaalee men sarason peelee !"
yah geet unhonne varsh 1957 men likhee , jo aaj bhee praasngik hai . kavivar sooryakaant tripaathee niraalaa ne faagun kaa varnan kuchh is prakaar kiyaa hai -
"sakhi, basnt aayaa .
bharaa harsh ban ke man ,navotkarsh chhaayaa .
kisalay-vasanaa nav-vay latikaa
milee madhur priy -ur taru patikaa ,
madhup -vrind vndee pik-svar nabh sarasaayaa .
sakhi,basnt aayaa . "
vaheen daa0 harivnsh raay bachchan kee najron men holee aisee hai-
"ek baras men ek baar hee
jagatee holee kee jvaalaa ,
ek baar hee lagatee baajee,
jalatee deepo kee maalaa,
duniyaa vaalon ,kintu kisee din
aa madiraalay men dekho ,
din ko holee , raat divaalee ,
roj manaatee madhushaalaa !"
prakhar geetakaar gopaal daas neeraj kee najron men basnt kuchh aisaa hai-
"aaj vasnt kee raat ,
gaman kee baat n karanaa .
dhool bichhaae fool-khilaunaa,
bagiyaa pahane chaandee-sonaa,
kaliyaan fenke jaadoo-tonaa,
mahak uthe sab paat,
havan kee baat n karanaa . "

jabaki isase alag hatakar mere ek varishth mitr shree raam dube kaa kahanaa hai , ki-

"apane haathon khud hee lenaa , mutthee bhar aakaash ,

jo baahon men bhar le pagale , usakaa hee madhumaas ...!"

is sandarbh men meraa maananaa hai, ki -" jeevan rupee pravritiyon ke kalash men saamoohikataa kaa rng bharanaa hee holee hai ........rngon kaa yah nishchhal tyauhaar aap aur aapake parivaarajan ke svasth pravritiyon kaa shrringaar kare ....aatmik shaktiyon kaa vikaas kare .....rakhe ullaasit,utsaahit aur prasannachit hameshaa .....snchaarit kare chetanaa men sadichchhaa -sadabhaav-sadaachaar .....aap sabhee ke lie holee mngalamay ho .....!"