veshyaa uddhaarak . (`main aur meree kahaaniyaan`kahaanee sngrah se . )

shakl jaanee pahachaanee kyon lagatee hai ?

door hai to paas itanee kyon lagatee hai?

likh chuke hain kaee, ise padh chuke kaee,

har gajl, meree kahaanee kyon lagatee hai ?

===========

" main tumase ek binatee karanaa chaahataa hoon ." tanay ne apanaa baaeek, chauraahe ke paas sthit, chaay kee ek chhotee see dukaan ke najdeek khadaa karate hue, manoj se kahaa .

kolej ke dinon se, tanay aur manoj, donon jigaree dost the . kolej men, donon dost, agar din men ek baar bhee, ek doosare se n mil paaen, to donon ke beech ladaaee chhid jaatee theen . par, kolej ke din to, jaise," te hee dinon gath ." tanay aur manoj, ab to shaayad hee kabhee mil paate the .

donon mitr, chaay kee dukaan ke paas footapaath par, ek bench par yntravat baith gae . chaayavaalaa ladkaa chhotoo, bagair maange donon ko, do kateeng chaay de gayaa .

tanay ne fir se vahee baat, manoj se kahee," main tumase ek binatee karanaa chaahataa hoon , tu ek baar `use` mil to sahee..!! vah bhee, teree hee jaati kee hai . dekh malay, meree baat samajhane kee koshish kar . meree ichchhaa hai kee, tum `use` apanee `bahana` maan lo..!! usakaa apanaa, is duniyaa men koee naheen hai..!!"

tanay kee yah baat sunakar bhee, manoj ne tanay ko kuchh javaab naheen diyaa . vah jaise kuchh gharee soch men pad gayaa thaa..!! manoj ko vichaaramagn dekhakar tanay bhee maun hokar chupachaap chaay peene lagaa .

kolej kee padhaaee khatm hote hee, jab donon dost aarthik upaarjan ke baare men soch rahe the ki, kyaa kaam kiyaa jaae? usee samay tanay ko ek paartanar mil gayaa,jo kee pahale se hee grih nirmaan (bilding kanstrakashan) ke bijnes men apane paanv jamaa chukaa thaa . usee paartanar ke saath knpanee ke kaamakaaj men, tanay vyast ho gayaa .

idhar manoj ko bhee ek prakhyaat praaivet knpanee men naukaree mil gaee aur dinabhar ke ati vyast kaaryakram ke chalate, apane dost tanay se milanaa kareeb-kareeb bnd hee ho gayaa .

donon dost ko apane-apane jeevan men vyast hue, ek-dedh saal huaa hogaa kee, manoj ko kisee doosare mitr dvaaraa pataa chalaa, tanay ne kisee baansuree naam kee ladkee se prem vivaah kar liyaa hai .

haalaanki manoj,tanay kee shaadee men n jaa sakaa thaa par, tanay ke ghar jab betaa paidaa huaa tab usake bete ko aasheervaad dene ke bahaane manoj, tanay-baansuree ko milane chalaa gayaa .

kolej se alag hone ke baad, donon dost kareeb do saal ke pashchaat mil paae the,ath donon ne beete dinon ko khoob yaad kiyaa, par pataa naheen kyon, manoj ko aisaa mahasoos huaa kee, tanay aur usakee patnee baansuree ke prem vivaah hone ke baavajood, un donon pati-patnee ke snbndh men, maano bahut badee see koee deevaar khadee ho gaee ho?

manoj ko aisaa bhee mahasoos huaa jaise, baansuree bhaabhee, manoj ko apane man men dabee huee, koee baat kahanaa chaahatee theen, par kah n paayee ho..!! vaise bhee, kahate hain naa, koee bhee samajhadaar insaan kisee bhee pati-patnee ke nijee maamalon men binaa poochhe apanee raay naheen detaa..!! manoj ne bhee yahee kiyaa .

tanay aur usakee patnee baansuree ke nijee maamale men binaa poochhe kuchh bolanaa uchit n samajhakar manoj ne, tanay se idhar-udhar kee kuchh gapashap karane ke baad, fir se milane kaa vaayadaa karake vidaa lee .

tanay aur manoj, donon doston ko, ek doosare se mile, kareeb ek saal ke baad aaj manoj kee aofis men, tanay ne fon karake use turnt milane ke lie aagrah kiyaa . shaam ko aofis se chhootate hee, vahee chaay kee chhotee see dukaan par,tanay se milane kaa vaayadaa kiyaa aur manoj ne fon rakh diyaa .

haalaanki, aaj tanay se milane ke baad, usane apanee jo daastaan, manoj ko sunaaee, use sunakar manoj ko bahut hairaanee huee..!! tanay kee baat sunakar manoj kaa man jad saa,maano vichaar shoony ho gayaa..!!

tanay kee utapataang harakaton ke baare men, manoj aksar sunataa rahataa thaa, par tanay ke jeevan men itanee badee gnbheer samasyaa paidaa huee hogee, is baat kaa manoj ko jraa saa bhee andaajaa n thaa .

tanay ne manoj ko bataayaa kee, pichhale saal, vah donon aakhiree baar jab mile the, usase pahale se, tanay aur baansuree ke beech ,apane-apane vyaktigat ahnkaar ko lekar, bahut gharaa manamotaav ho gayaa thaa .

ek din donon pati-patnee ke beech jhagadaa seemaa paar kar jaane par, tanay, naaraaj hokar, baansuree aur apane ek saal ke bete ko, usee bngale par chhodkar, apanee nayee skim ke apaartament men, akelaa rahane chalaa gayaa . naa kabhee tanay ne apanee patnee baansuree kaa haalachaal poochhaa, naa kabhee baansuree ne tanay ke saath sulah karane kaa iraadaa jataayaa . vaise bhee, vah bngalaa, baansuree ke naam par thaa aur tanay har mahinaa ek badee see rakam ,apanee patnee baansuree ko nirvaah ke lie, pahunchaa diyaa karataa thaa .

tanay aur baansuree, donon ke parivaarane un donon men sulah karaane kee koshish karake dekh lee,par parinaam shoony..!!

donon men se koee bhee apanee jidd aur ahnkaar chhodkar, thodaa saa bhee jhookane ko taiyaar hee n thaa..!! aur fir donon ke parivaar,is rishte ko lekar pahale hee naakhush the,isalie unhonne donon ko samajhaane kaa prayatn karanaa hee chhod diyaa .

tanay ke kuchh vyaavasaayik mitron ne bhee, pati-patnee, donon ke beech sulah karaaee, par do-teen din saath rahane ke pashchaat, firase vahee jhagade ke chalate, tanay aur baansuree, donon fir se alag ho gae .

hamaare shaastr men jaise likhaa hai," akelaa man shaitaan kaa baseraa hotaa hai..!!" isee nyaay anusaar, ab tanay ke apaartament par, kuchh ayyaash bildar doston ke saath khaane-peene kee mahafil roj sajane lagee . sirf 35 saal kee tanay kee aniyntrit javaanee ko, ek din 32 saal kee ek dehavikray karane vaalee veshyaa kaa saath bhee anaayaas hee mil gayaa..!! tanay kaa ek ayyaash dost us veshyaase apanaa peechhaa chhudaanaa chaahataa thaa, aise men tanay naamak akelaa bakaraa, usee ayyaash dost (?) ke jaal men buree tarah fns gayaa ..!!

tanay ke jeevan men ye saaree ghatanaaen,itanee jaldee ho gaee kee use kuchh sochane-snbhalane kaa maukaa tak n milaa, jab tanay ko jraa saa hosh aayaa tab tak tanay us veshyaa ke mohapaash men bndh chukaa thaa aur usakaa maano gulaam saa ho chukaa thaa .

tanay kee in ayyaash harakaton ke baare men usakee patnee baansuree ko jab pataa chalaa,tab apane satyavaan pati ko, saavitri banakar, us veshyaa se peechhaa chhudaane men sahaayataa karane ke bajaay baansuree, tanay ke us apaartament par, vakt bevakt jaakar, apanaa aur apane bete kaa bhavishy surakshit karane ke bahaane, tanay se dher saaraa rupayaa ainthane lageen, itanaa hee naheen tanay ke rishtedaar,snbndhee,mitr jo bhee mile unake paas apanee haalat kaa ronaa badhaa chadhaa kar bayaan karake, tanay ko bahut badanaam karane lageen..!!

tanay duhkhee man se bolaa,"manoj, tum hee bataao, ab main kyaa karoon?"

manoj ne dekhaa, dukaan ke andar se, chhotoo ne kap rakaabee dhoye aur vahee gndaa-mailaa paanee,chaay kee dukaan ke baahar, footapaath par bahataa huaa, kone men tootee huee jaalee se, gndee naalee men bahane lagaa, kaash, tanay bhee, vahee gnde-maile paanee samaan is samasyaa ko isee prakaar dho kar khud nirmal ho paataa..!!

manoj ne bade soch vichaar ke baad, tanay ko apanee raay dee," hamaare samaaj kaa najriyaa aisaa hotaa hai kee, pati/patnee ko chhodkar agar koee paraae marda/aurat se,naajaayajh snbndh banaataa hai to log,usee ko kos ne lagate hai."

par, manoj kee baat, tanay ne anasunee see kar dee aur usane fir se, manoj par dabaav daalaa,"main tumase ek baar fir, binatee karataa hoon , ek baar `use` mil to sahee..!! tum donon ek hee dharm- jaati ke ho . dekh manoj, meree baat samajhane kee koshish kar . meree ichchhaa hai kee, tum `use` apanee bahan maan lo..!!

manoj ne, tanay kee gnbheer samasyaa ko, bade dhyaan se sunee theen, magar samasyaa itanee gnbheer thee ki ab vah chaah kar bhee, use sulajhaa naheen sakataa thaa .

" ye baat kaise snbhav hai? ek veshyaa aur apanee bahan? tanay ke kahane par, ek veshyaa ko apanee bahan maan lene se kyaa, tanay kee samasyaa kaa samaadhaan ho jaaegaa? use bhee to yahee samaaj men rahanaa hai,us veshyaa kee pahachaan apane rishtedaar, doston se vah kaise karaa paaegaa? kyaa log un donon ke, bhaaee-bahan ke snbndh ko maanyataa denge? yaa fir tanay ke saath-saath, manoj ke charitr par bhee shak karenge ki, donon dost ek hee aurat ke saath ayyaashee kar rahe hain? itanee saral baat, tanay kyon naheen samajh paataa?"

jyaadaa sochane se, manoj kaa sir ab chakaraane lagaa .

" jyaadaa sochataa kyaa hai? chal, teree bahan se, main teraa parichay karaataa hoon..!!" itanaa kah kar, tanayane manoj kaa haath thaamakar, use apane baaeek par bithaa diyaa aur manoj kuchh kah paaye, usase pahale hee tanay ne baaeek bhagaakar, apane apaartament ke neeche laakar baaeek khadaa kar diyaa . manoj ab kyaa kar sakataa thaa? pyaare dost ko naaraaj karanaa bhee to theek n thaa..!!

tanay ne apane apaartament kee dor bel bajaaee aur kisee nistej, rasaheen aurat ne daravaajaa kholaa . tanay aur manoj andar daakhil hue, vah aurat, donon ke lie paanee lene bheetar chalee gaee . usake vaapas aane par, manoj ne dekhaa, ye aurat kareeb 32 saal kee theen, magar 40-45 kee lag rahee thee, maano kaal ke joradaar thapedon ne, use akaal hee vriddhaavasthaa kee or dhakel diyaa ho..!!

apane param mitr tanay kee ameeree ke bhavy numaaish jaise, keematee saajo saamaan se lade, apaartament men, manoj ko bechainee mahasoos hone lagee . vaise bhee, vah apanee marjee se yahaan aayaa naheen thaa..!! chaahe vajah koee bhee ho, par usake saamane, dehavikray karanevaalee ek aurat khadee thee, jise tanay, manoj kee bahan kaa saamaajik darjaa dene ke lie, usakee marjee jaane binaa hee, manoj par, tanay dabaav daal rahaa thaa .

manoj aur usakee honevaalee `bahana` aaraam se kuchh baat kar sake isalie," main fresh ho kar abhee vaapas aayaa..!!" itanaa kah kar tanay, us aurat aur manoj ko akelaa chhodkar, bheetar ke kamare men chalaa gayaa..!!

manoj ke lie ye sthiti, "n nigalate bane, n ugalate bane" jaisee nirmaan ho gaee theen .

achaanak, vah aurat manoj ke saamane vaalee kursee par aakar baith gaee aur jaise hee, usane manoj se kuchh kahane ke lie, usane apane bnd hoth khole..!!

binaa kuchh soche samajhe, binaa peechhe mude, binaa vah aurat se najr milaae, binaa tanay kee raah dekhe, manoj jhat se khadaa huaa aur apaartament kaa daravaajaa sfoorti se kholakar, bhaagataa-daudataa huaa, bilding kee seedhiyaan utar gayaa..!!

maano usane koee bhoot dekhaa ho?

doston, kahaanee to yaheen khatm hotee hai .

par kyaa kahaanee kaa ant yahee honaa chaahie thaa?

kyaa manoj ne jo kiyaa sahee kiyaa thaa?

kyaa manoj ne apane mitr kee chhotee see binatee ko n maanakar mitradroh kiyaa thaa?

mere man men, anaginat savaal uth rahe hain aur shaayad manoj ke man men bhee?

agar, aap manoj kee jagah par hote to kyaa yahee karate, jo ant men manoj ne kiyaa?

savaal jraa tedhaa jroor hai par, aap to vidvaan hain, aap saral javaab de sakate hain..!!

hain naa?

===========
kahaanee-marm .

" agar koee vyakti svayn ko keedaa banaa len to, ronde jaane par use shikaayat naheen karanee chaahie ." --- kaant

===========
maarkand dave . dinaank- 14-04-2011.