parikalpanaa blog vishleshan-2011 (bhaag:8 )

varsh-2011 men jahaan prem kee

rachanaatmakataa dikhee

vaheen rachanaatmakataa men prem....

gataank se aage ...

parikalpanaa blog sarve ke maadhyam se kie gae ek aankalan ke anusaar hindee men raajaneeti, saamaajik mudde, adhyaatm, darshan, dharm aur snskriti se snvndhit blog kaa ausat 22% hai, vaheen vijnyaan, antariksh aur itihaas se snvndhit blog kaa ausat keval 1% . yaatraa, jeevanashailee, svaasthy, grih dijaain aur chikitsaa se snvndhit blog kaa ausat jahaan 14 % hai vaheen samooh blog keval 2% ke aasapaas . sabase aashchary kee baat to yah hai ki jis hindee bloging ko nyoo meediyaa yaa knpojit meediyaa kahaa jaa rahaa hai usee se snvndhit blog arthaat nyooj portal aur print meediyaa ke blog kaa ausat keval 5% hai . kul hindee blog kaa 5% blogasaamaajik-saanskritik gatividhiyon se snvndhit hai, jabaki hindee prachaar prasaar se snvndhit blog kaa ausat 18% hai . haasy, vyngy, pahelee aur kaartoon se snvndhit blog kaa ausat jahaan 3% ke aasapaas hai vaheen shikshaa se snvndhit blog kaa pratishat keval 2% ke aasapaas .

saahity ke blog kaa ausat bhee bahut sntoshaprad nahee deekhataa, kyonki tamaam hindee premiyon men saahityakaaron kee snkhyaa sarvaadhik hone ke vaabajood ausat kevala14% ke aasapaas hai . any vishayon kaa aankalan karane par paayaa gayaa ki paryaavaran, vany jeevan, globalavaarming se snbndhit blog ke saath-saath veb dijaain, ee– larning, podakaast, rediyo, veediyo, khel, khel gatividhi, khaady, paak kalaa, teevee, boleevud sinemaa, manornjan aadi se snbndhit blog kaa ausata1% ke aasapaas hai . bachchon se snbndhit blog kaa ausat jahaan 2% hai, vaheen naaree sashaktikaran se snbndhit blog kaa ausat keval 1% ke aasapaas. sabase dayaneey sthiti hai bngaalee, kannad, gujaraatee, malayaalam, sindhee, urdoo, snskrit, tamil tathaa angrejee se anuvaad vaale blog ke saath-saath maanav snsaadhan, vitt, prabndhan, nivesh, sheyar baajaar, vyaapaar, sarakaar, vijnyaapan, kaanoon,khoj, intaranet maarketing, veb vishleshikee,praudyogikee, gaijets, mobaail,sngeet, nrity,faishan,udyam aur aavishkaar se snbndhit blog kee , jisakee ausat kaafee nagany hai .

varsh-2011 men adhikaansh muddon par koee n koee post dekhane ko avashy milee hai . saakshaatkaar se le kar krishi aur videshee ghatanaakramon se le kar dharm v mahilaaen– bahas ke harek mudde ko hindee blog par is varsh samet lene kee koshish kee gaee lagatee hai. ek blog hai kasbaa, en.dee.tee.vee. ke rabeesh kumaar arthaat ek patrakaar kaa kaa blog hai magar isakee adhikaansh post padh kar lagataa hai ki kisee aise 'saahityika' vyakti kaa blog hai jo apane aap men doob kar keval kaavy rachanaa naheen karataa balki samaaj ke prati behad snvedanasheelataa ke saath sochataa hai, vichaar rakhataa hai|nishchit roop se hindee blog jagat kaa anamol motee hai yah blog.

kaee blog intaranet jagat kee kaee hindee-upayogee halachalon ke baare men lagaataar bataate hue najr aaye. kyaa nayaa aayaa? kaun see takaneek kaa prayog kaise karen? intaraneta/ bloga/ hindee snbndhee kis samasyaa se kis prakaar chhutakaaraa paaen? apane blog yaa vebasaait ko kaise 'enaricha' karen? in saare vishayon par lagaataar baat karataa rahaa hindee blog tips jo blog snbndhee kaee samaadhaanon ke lie ek behad upayogee hai. vaheen mobaail bloging, post v taaiping snbndhee praaivesee, protekshan aadi kaee savaalon ke javaab pooree nirbheekataa ke saath dete rahe naveen prakaash apane blog hindi tech takanikee hindee men par . haan ek baat aur, bloging tips ke alaavaa yahaan kuchh aur bhee aapako milegaa jaise aapas kee baat, intaranet eksplorar,knpyootar keematen,deskatop,blogar tempalet aadi .kaee varshon kee chuppee ke baad pichhale varsh pun: sakriy hue praarnbhik dinon ke blogar shreesh sharmaa yaanee eepndit is varsh chiththaakaaron ke madadagaar saabit hue .

hindee blogajagat keval saahity aur muddon kaa akhaadaa maatr naheen hai. yahaan halkee-fulkee cheejen bhee maujood hain. jaise kaartoon, haasy aadi. varsh-2008 se sakriy taaoo raamapuriyaa ne taaoo daat in par isavarsh bhee khoob dhamaal machaayaa, jaisaa ki naam se jaahir hai, haasy kaa pitaaraa hai yah blog. dimaagee kasarat aur tanaav mukti ke lie sarvathaa upayukt jagah.

aprail-2007 se lagaataar kalaa aur sngeet men saraabor hokar tarah tarah kaa khoobasoorat prayog kar rahaa hai ek blog rediyo vaanee . yahaan puraane gaanon ko 'padhaa' bhee jaa sakataa hai aur daaunalod bhee kiyaa jaa sakataa hai. sageet ke vibhinn aayaam ko samete anokhe prayog karane vaale blogar yunus khaan madh‍yapradesh ke damoh shahar men paidaa hue aur ma0pra0 ke kaee shaharon men pale badhe . bachapan se hee sngeet, saahit‍y aur rediyo men gaharee dilachas‍pee thee . san 1996 se munbaee sthit desh ke pratishthit rediyo chainal vividh bhaaratee (vividh bharati) men ye enaaunsar hain . nae puraane tamaam ach‍chhe geeton men gaharee roochi hai inakee . sngeet premiyon ke lie upayukt jagah hai ye.

is varsh blog spes kaa upayog jaagarukataa failaane ke lie kaafee huaa .blog par mahilaa adhikaaron, paryaavaran snbadhee masalon aur samaaj ke vibhinn vargon ke hiton par kaafee kuchh likhaa gayaa . kaheen annaa kaa aandolan chhaayaa rahaa to kaheen keematon men badhottaree kaa ronaa.kaheen sarakaar aur sarokaar ke prati dvndv dikhaa to kaheen bngaal ke chunaavee parinaam par aashchary mishrit pratikrayaa, kintu is sabase alag ek blog aisaa bhee thaa jo har pal maanavaadhikaar kee baat karataa rahaa poore varsh bhar . maanav adhikaar snbndhee lekh yahee naam hai is blog kaa, faravaree maheene kee ek post men jisamen blogar kaa kahanaa hai ki, "anjaam dekhaa aapane husne mubaarak kaa,thaa misr kaa bhee vahee jo hai haal bhaarat kaa,parajeeviyon ke raaj kaa takhtaa palat kar do,jan men naee kraanti kaa josh ab bhar do,utho aao himmat karo kraanti kaa paracham dharo,mat bhoolo yah sarokaar achchhaa hai maanavaadhikaar."

saahityik blog kee shrenee men is varsh 'vaataayana' men kaafee sakriyataa dekhee gayee . varishth lekhak roopasinh chndel kaa blog vaataayan kavitaa, kahaanee, jeevanee, aalekh, riport aur yahaan tak ki saahityik samaachaaron kaa ek anupam guladastaa hai. is varsh isapar kaee saahityakaaron kee utkrisht rachanaaen padhne ko milee hai . isee shrenee kaa ek aur sakriy blog srijanayaatraa' apanee sakriyataa se sabako achnbhit karataa rahaa poore varsh bhar. isake modaretar subhaash neerav saahityakaar hain aur apanee rachanaaon kaa snkalan unhonne yahaan kiyaa hai. subhaash neerav ke any saahityik blog yathaa kathaa pnjaab , gavaaksh , setu saahity , vaatikaa aadi ne bhee is varsh paathakon ko kaafee aakarshit kiyaa .

do.sarojinee saahoo kaa vishv kee naareevaadee lekhikaaon men ek vishisht sthaan hain. dinesh kumaar maalee ne apane blog 'sarojinee saahoo kee shreshth kahaaniyaan' men lekhikaa kee kaee chunee huee kahaaniyon kaa anuvaad pesh karane kaa prayaas kiyaa hai, kintu afasos is baat kaa hai ki hindee men udiyaa saahity se anuvaad kaa ekamaatr yah blog is varsh apadet naheen huaa.

vigat chaar varshon se sakriy homiyopaithik upachaar se snbndhit prabhaat tndan kaa mahatvapoorn blog HOMEOPATHY -A NEW APPROACH is varsh pooree tarah nishkriy rahaa .

jis shareer ke sahaare ham jeevan bhar 'jeete' hain, usake prati aksar udaaseen rahate hain. tab tak, jab tak yah gnbheer snketon dvaaraa khud apanee or hamaaraa dhyaan n kheenche. ek blog hai RAINBOW/indradhanush,jahaan kainsar par baat hotee hai. chaat jaane vaale is rog se jude tamaam pahaluon aur jaanakaariyon se avagat karavaane vaalee blogar aar anuraadhaa khud ek kainsar vijetaa hain. hindee blog jagat men yah apanee tarah kaa snbhavath pahalaa blog hai aur varsh-2008 se lagaataar sakriy bhee hai.

ab aaeee betiyon kee baat karate hain . ek anokhaa blog hai betiyon kaa blog. hindee blogajagat men apanee tarah kaa yah anokhaa blog hai jahaan keval betiyon kee hee charchaa hotee hai. isamen betiyon ke maataa- pitaa aur khud betiyaan apanee baaten saajhaa karatee hain.

meediyaakarmiyon kramash: aar. anuraadhaa ,raajendr bhatt , pranav priyadarshee aur dileep mndal dvaaraa snchaalit blog rijektamaal par is varsh haalaanki kuchh khaas halachal naheen dekhaa gayaa, kintu kuchh achchhe vishay aur mudde ko uthaakar paathakon ko aakarshit avashy kiyaa hai. aankadon aur snvedanaaon kaa anoothaa sngam hai yah blog, kyonki yahaan tark ke aadhaar par bhaavanaaon ko sthaapit kiyaa jaanaa dekhaa gayaa hai.

ab aaiye jraa prem athavaa prem kee anubhootiyon kee or chalen,jahaan saadagee hai,pavitrataa hai aur bhaavanaaon kee gaharee anubhooti bhee.hind yugm kee anupam prastuti hai ek blog aavaaj jahaan saaj aur aavaaj kaa vehad sntulit snyojan dekhane ko milaa is varsh.vaise to is blog kaa andaaje vayn heen kuchh aur hai, kintu pyaar kee anubhooti se saraabor usakee ek prastuti ne paathakon ko kaafee aakarshit kiyaa sheershak hai isee ko pyaar kahate hain.. pyaar kee paribhaashaa jaanane ke lie chalie ham sharan lete hain.

shamasher bahaadur sinh kee kavitaa kee in pnktiyon "aaj koee jkhm itanaa naajuk naheen jitanaa yah vakt hai.. jisame ham tum, sab ris rahe hain....chup chup" ko panychalaaeen banaataa abhee kaa ek blog hai ehasaas pyaar kaa.. jisapar varsh-2011 men pyaar kee sukhad anubhootiyon se labarej kaee post dekhe gae. hridayaanubhooti kaa maananaa hai ki "pyaar ek maatr bhram hai isase adhik kuchh naheen,haan sabhee ko isakaa alag-alag gumaan jroor hotaa hai. koee pyaar men baavaraa huaa jaataa hai koee pyaar men khud ko talaashataa hai. aap sahee galat sab pyaar kee najr se dekhate hain aur yahee bhram aapako khokhalaa karataa chalaa jaataa hai,pooree tarah." vaise to vatavriksh ek blog hai, kintu blog par prakaashit utkrisht rachanaaon kaa ek naayaab guladastaa hai . isapar bhee varsh-2011 men anekaanek stareey prem kavitaayen padhne ko milee.is par is varsh prakaashit pyaar ke popakorn kaafee lokapriy huaa .

prem kee anubhootiyon ko kaavy men goonthakar anupam prastuti karane vaalaa ek aur blog hai aarnbhan jahaan is varsh prem par aadhaarit anekaanek mohak prastutiyaan dekhee gayee . vaheen meree bhaavanaaen par rashmi prabhaa ne kitaabon vaalaa pyaar kee charchaa kee . man ko chhootee huyee is kaavy prastuti ko paathakon ne kaafee saraahaa. rajaneesh ne kaavy men pirokar jahaan pyaar bharee baaten kee.... vaheen rachanaa ne kahaa ki pyaar ho jaane kaa ehasaas pyaar paane ke ahasaas se jyaadaa sukoon detaa hain .cinema- silemaa par is varsh prakaashit tamaam prem parak film kee sameekshaa prastut kee gayee hai p‍yaar hee p‍yaar, beshumaar..sheershak se .

blog kaa naam hai " kissaa aur kahaanee, gjl, geet aur chutakulaa, pyaar aur dostee" .is blog par har prakaar kee prastuti keval pyaar ko kendr men rakhakar prastut kee jaatee hai. hindee men majedaar, hnsaane vaale, shikshaaprad, kahaanee, kissaa, chutakulaa, dost, dostee, geet, gjl, shaayaree, pyaar, prem, kamaaee, chintaa, aar.tee.yoo., joks, aur bhee bahut khuchh hai is blog men. meree dos‍tee meraa p‍yaar naam se ek blog bhee hai blogar hain muskaan, jisapar is varsh kuchh behatar anubhootiyon se paathak roob roo hue . sach kaa saamanaa par poochhaa gayaa ki aakhir yah yah pyaar kyaa hai ? main aur meree soch par shashaank mehataa ne pyaar par badee khubasoorat kavitaa kahee kal kaa pyaar aur aaj kee dostee . unmukt ne kahaa pyaar to hotaa hee hai. rain baseraa par pyaar kuchh anokhe dhng se parosaa gayaa . kush kee kalam ne kahaa pyaar ko pyaar hee rahane do.. koee naam naa do, jabaki meree bhaavanaayen ne kahaa pyaar mar jaataa hai.

in sabake alaavaa spndan SPANDAN par roohaanee pyaar "rok staar", kvachidanyatoSpi par aap kis bachche ko jyaadaa pyaar karate hain,chalaa bihaaree blogar banane par pyaar, dostee aur bhakti, manoj patel dvaaraa anoodit naajim hikamat kee kavitaa tumhen pyaar karataa hoon main ko padhte-padhte par paathakon ne kaafee pasnd kiyaa . bahut kuchh likhaa gayaa is varsh pyaar ke oopar, kintu ek blog par likhaa gayaa bhaavanaaon se pare jaakar sach aur naheen likhaa gayaa sach ke sibaa kuchh aur.

har insaan kaa dimaag khoobasooratee par tat‍kaal pratikriyaa detaa hai. usamen bhee jitanee khoobasooratee chehare kee bhaatee hai, utanee imaarat, vas‍tu yahaan tak ki prakriti kee bhee naheen. maisaach‍yusets ins‍teetyoot aof tek‍nolojee ke ek shodh ke anusaar, mastish‍k men fasee faarm fes eriyaa yaanee efaefae bhaag hotaa hai, jo khoobasoorat aur aakarshak cheharaa dekh harakat men aa jaataa hai. riport ke anusaar, ab kis mastish‍k ko kaun saa cheharaa bhaa jaaegaa, yah gut‍thee abhee naheen sulajhaaee jaa sakee hai. balki p‍yaaree kee paribhaashaa hee badal gaee hai. p‍yaar yaa chaahat ke lie abheetak dil ko doshee maanaa jaataathaa, magar ab hakeekat saamane aaee ki ‘lav ed fars‍t saait’ yaanee cheharaa dekhate hee p‍yaar ho jaanekee ghatanaa mastish‍k kaakiyaa dharaa hotaa hai, chot bechaare dil par hotee hai. is varsh pyaar kee gahan anubhootiyon kaa vaijnyaanik parikshan karataa ek saarthak post lekar aaye daa. jaakir alee rajaneesh apane blog tasleem par dh‍vas‍t ho gayee p‍yaar kee paribhaashaa sheershak se .

........vishleshan abhee jaaree hai,fir milate hain lekar varsh-2011 kee kuchh aur jhalakiyaan

parikalpanaa blog vishleshan-2011 (bhaag-7)

"bloging men kamaaee" vishay par

khulakar bahas huee varsh -2011 men

gataank se aage -

vardapres, blogar, reedif aadi ke jarie blog banaanaa bahut aasaan hain. lekin kyaa blogon ke lie bhee usee tarah vijnyaapan jutaae jaa sakate hain jaise ki vebasaaiton yaa patr.patrikaaon ke lie jutaae jaate hain?

- baalendu sharmaa daadheech

(varishth hindee blog sameekshak )

varsh-2003 se safr kee shuruaat kar mahaj aath varshon men hindee bloging , jise nyoo meediyaa kaa darjaa praapt ho chukaa hai , atynt vistrit aur vyaapak hotaa jaa rahee hai| bloging dheere-dheere kamaaee kaa jariyaa bhee ban rahee hai | inheen vishayon kee padtaal karate kuchh upayogee post is varsh prakaashit hue hain | aaie chalate hain is varsh ke inheen kuchh upayogee post kee or :

blogon par googal aur maaikrosot dvaaraa die jaane vaale vijnyaapanon kee pradhaanataa hai. googal ne apane sarch injan par dikhaae jaane vaale doosare logon ke vijnyaapanon kaa daayaraa badhaane ke lie any vebasaaiton tathaa blogon par bhee unhen dene kee shurooaat kee thee. aisaa 'edasensa' naamak kaayarkram ke lie kiyaa gayaa, jisake lie koee bhee vebasaait yaa blog snchaalak aavedan kar sakataa hai. chhotee see prakriyaa ke baad googal se ek kod diyaa jaataa hai jise apane veb.pej men pest karane ke baad aapako googal dvaaraa sthaanaantarit kie jaane vaale vijnyaapan milane lagate hain. jis pej par jaisee saamagree, usee tarah kaa vijnyaapan googal dvaaraa svachaalit dhng se dikhaayaa jaataa hai. lekin ek ulajhan hai. aapako paise tab milate hain jab koee vyakti in vijnyaapanon par klik karataa hai. aisaa kahanaa hai baalendu sharmaa daadheech kaa .

hindee bloging se dhan kamaanaa

bloging se kamaaee karane kee aas dekhane vaalon ke lie yah ek achchhee khabar ho sakatee hai. ek naee sevaa chaaloo kee gaee hai. posts jeeniyas. yah bahubhaashee sevaa hai, jisamen hindee bhee shaamil hai. is sevaa ke jarie blog posten likh kar kamaaee kee jaa sakatee hai. yah sevaa do-tarafaa hai. jahaan blogar yaa vebasaait maalik kisee utpaad ke reevyoo v blog posten likh kar kamaaee kar sakate hain to to utpaadak yaa vikretaa aisee posten likhavaa kar apane utpaad kaa vijnyaapana/vipanan bhee kar sakate hain. chheeten aur bauchhaaren par yah jaanakaaree baantee hai varishth blogar ravi ratalaamee ne .

blog se kamaane vaale har lekh kaa sheershak har ek blog lekhak ko aakarshit karataa hai | blog se kamaaee karane ke kaee tareeke vibhinn blogas par vidvaan blog lekhakon ne samay par samay likhen hai | par fir bhee aaj savaal vaheen kaa vaheen hai ki kyaa blog se kamaayaa jaa sakataa hai? is vishay par badee bevaakee se likhaa hai ratan sinh shekhaavat ne apane blog jnyaan darpan par - blog kamaane men kitanaa sahaayak ? anubhav aur udaaharan | vaheen 5 mukhy afavaahen blog se paise kamaane ke sambndh men blog baabaa dot kom par dekhane ko milaa | vivek rastogee ne apane blog kalpanaaon ke vriksh par likhaa ki "kyaa vaakaee ghar se kaam (Work from home) karane ke paise mil sakate hain, kuchh daataa entree (Data Entry) jobs yaa fir koee aid klik yaa fir koee sarve. sab maayaa kaa makadjaal lagataa hai, aur jitanaa vijnyaapan men saral dikhaayaa jaataa hai utanaa saral hotaa bhee naheen hai." jabaki ek blog kee madad ke saath intaranet se paise kaise kamaae jaa sakate hain,isakee gahan padtaal is varsh kee gayee hai madad se aap ritaayar blog par |

is varsh yogendr paal kaa bahut hee upayogee aur mahatvapoorn aalekh prakaashit huaa bloging se kamaaee!! main taiyaar hoon, aap? is aalekh men yogendr kaa aatmavishvaas pooree tarah drishtigochar hotaa hai . yogendr kahate hain ki "pichhale 2 barshon se kamaane ke mauke dene vaalee saaeet ko dekh-parakh rahaa thaa aur kaee vebasaaeet ko jaanchane ke baad main is nateeje par pahunchaa hoon kee praarnbh men kamaaee karane ke lie edasens se behatar kuchh naheen hai, yah vichaar mere dimaag men bahut pahale se the par main pahale yah dekh lenaa chaahataa thaa kee edasens se theek-thaak aay ho sakatee hai yaa naheen aur paise samay par mil jaate hain yaa naheen? aur edasens par pooraa bharosaa hone ke baad ab vakt hai apane vichaar aapako bataane kaa aur uname aapako shaamil karane kaa haalaanki main pooree tarah googal edasens par nirbhar naheen hoon par baakee sabhee raaste tab khulate hain jab ham kuchh badaa kar chuke hote hain, praarnbh men googal hee madad karataa hai ."

is varsh pravaasee duniyaa par bhee isee vishay par ek vehatareen aalekh padhne ko milaa hai .vyaavasaayik bloging yaanee kamaane kaa ek nayaa jariyaa naamak aalekh men baalendu kahate hain ki "jab angrejee men ek lokapriy blog ‘dijital inspireshan’ chalaane vaale amit agravaal ne kahaa ki unhen googal edasens ke jarie rojaanaa ek hajaar dolar tak kee kamaaee ho rahee hai to bhaarateey blogaron men yakaayak hee utsaah, josh aur ummeedon kaa snchaar huaa. angrejee hee naheen any bhaashaaon ke blogaron men bhee. kuchh utsaahee yuvaa kaamakaaj chhodkar poornakaalik blogar ban gae to kuchh ne meediyaa haaus kee tarj par anek blogon kee shrrinkhalaa shuroo kar dee. yoon to kuchh blogar bndhu pahale se hee googal praayojit vijnyaapan lagaa rahe the, ab unakee snkhyaa kaee gunaa uchhal gaee. edasens vijnyaapanon ko paathak dvaaraa klik kie jaane par blog snchaalak ko ek bahut chhotee, parivartanasheel raashi kaa bhugataan hotaa hai. lekin varishth blogar ravi ratalaamee ko chhodkar koee hindee blogar is maadhyam se das-bees dolar se jyaadaa dhan kamaane men naakaam rahaa. haan, is pralobhan ne badee snkhyaa men yuvakon ko hindee bloging kee or aakarshit jaroor kiyaa." hamaaraa jaunapur par maasoom saahab kahate hain ki "vebasaait yaa blog banaa ke paise kamaanaa bahut mushkil kaam naheen bas aap ko pataa honaa chaahie ki aap ke paathako ko kyaa pasnd hai. is se pahale mainne blog kaise banaaen pe ek lekh likhaa thaa aur meree pichhalee post pe logon ne bahut se savaal poochhe aur bahuton ne mujhe mel kiyaa.main apane is lekh main aap sabhee ko yah samajhaane ki koshish karungaa ki googal edasens kyaa hai aur aap ko paise kaise mil sakate hain?"

education jangul par yah bataayaa gayaa ki bloging men kaeriyar talaashane vaalon kee naheen hai kamee vaheen 16 maarch ko sirasaa men aayojit bloging men kareeyar par kaaryashaalaa men kaise karenge bloging se kamaaee ke baare men vistaar se jaanakaaree dee gayee. bataayaa gayaa ki bloging kaa shauk aapakee kamaaeekaa behatar saadhan ban sakataa hai. apane isee shok kee badolat kaee log laakhon kamaa rahe hn. yadi aapako yah shauk hai to aap bhee dolar men kamaaee kar sakate hain. agar aap kee lekhan men roochi hai aur intaranet par kaam karanaa bhee aap ko bhaataa hai to bloging aap ke lie rojee-rotee kamaane kaa saadhan ban sakataa hai. saaibar-snsaar kee aadhaarabhoot samajh ke saath bloging ke kaary men jutaa jaae to praarnbhik parishram ke baad bahut jald aap apanee is abhiroochi ko apanee jeevikaa ke aadhaar men tabdeel kar sakate hain. desh aur duniyaa men aise blogaron kee lnbee kataar hai jo is vidhaa se laakhon roopaye maasik kee aamadanee paa rahe hain. blogar aur www.sunilnehra.com ke snpaadak suneel neharaa ne patrakaaritaa vibhaag kee print v saaibarameediyaa kaaryashaalaa men yah baat kahee.

hindee bloging kee chunautiyaan vishay par meediyaa meemaanshaa men umesh chaturvedee kaa ek saaragarbhit aalekh aayaa is varsh, jisamen umesh kahate hain ki ek amareekee snsthaa 'bostan knslating grupa' kee pichhale saal aaee riport 'intaranets nyoo biliyana' ke mutaabik bhaarat men in dinon 8.1 karod intaranet upabhoktaa hain. inamen mobaail fon dhaarakon kee snkhyaa shaamil naheen hai. traaee kee riport ke mutaabik disnbar 2010 tak desh men mobaail fon dhaarakon kee snkhyaa badhkar 77 karod ho gaee hai. inamen kitane log intaranet kaa istemaal kar rahe hain. isakaa sahee-sahee aankdaa maujood naheen hai. lekin itanaa to tay hai ki inamen se kareeb aadhe upabhoktaa apane mobaail fon par hee intaranet kaa istemaal to kar hee rahe hain. baharahaal bostan knsalting grup kee riport par hee dhyaan den to desh aur hindee men bloging kee snbhaavanaa jyaadaa hai.

varsh ke aakhiree dinon men dainik bhaaskar ke patrakaar aur apane blog shabdon kee safr ke maadhyam se hindee shabdon ke itihaas aur vyutpatti parichit karaane vaale blogar ajit vaadanekar kaa saakshaatkaar aayaa chitthaa charchaa par . ajit kaa maananaa hai ki "hindee kaa srijanadharmee samaaj sambhavath apanee khoobiyon se pare khaamiyon ke saath yahaan maujood hai. ham bloging kee prakriti ko hee samajh naheen paae hain. bloging ke mool svaroop se hatakar kaheen n kaheen ise saahity aur patrakaaritaa kaa kalevar dene kaa prayaas kiyaa jaataa rahaa hai. sngh-sammelan jaisee gatividhiyon ke jriye blogar khud ko mahimndit karane lagaa hai. print meediyaa men srijanadharmiyon ke lie kam hote avasaron kaa laabh blogavidhaa ko milanaa thaa, par ham usakaa laabh naheen le paae. haalaanki kaee logon kee nijee pratibhaa bloging kee vajah se jis tarah ujaagar huee hai, vaisaa ubhaar unhen barason men naheen milaa thaa. nijee taur par mere lie bloging daakyumenteshan kaa maadhyam hai."

kavitaa kosh ke snsthaapak lalit kumaar laalityne is varsh apane blog dashamalavpar. unhonne ek achchhe blog kee jarooraten sheershak se atynt shookshmataa se kaee khandon men bloging ke vibhinn pahalooon par prakaash daalaa hai . unakaa maananaa hai ki "intaranet par kisee bhee vebasaait (blog ek kism kee vebasaait hee hotee hai) ko apane pair jamaane men kam-se-kam ek varsh kaa samay lagataa hai; aur is dauraan aapako vaakaee men kaafee mehanat karanee hotee hai. niyamit, kaafee saaraa, rochak aur gunavattaa-poorn lekhan karanaa hotaa hai. meree salaah yahee rahatee hai ki aapakee najre dhan par naheen balki lekhan par honee chaahie; kyonki lekhan achchhaa hogaa to dhan apane-aap aaegaa… par yadi aap blog se dhan ke baare men hee sochate rahenge to achchhaa lekhan kataee naheen kar paaenge. aur chaahe jo bhee ho, ek varsh se pahale to ummeed rakhie bhee mat."

ab blog bane hain kamaaee kaa jariyaa sheershak lekh par bataayaa gayaa hai ki blog kee duniyaa naee takaneek banaane vaalee kampaniyon ke lie apane utpaadon kaa prachaar karane kaa ek sashakt jariyaa ban chukee hai. kampaniyaan intaranet par apane utpaadon kaa prachaar karane ke lie visheshajng blogar ko niyukt karatee hain. sabase dilachasp baat yah hai ki isake lie aapako koee peshevar blogar hone kee jaroorat naheen. ek aam blogar bhee paise kamaa sakataa hai. bas apane blog aur apane lekhan ko pesh karane kaa tareekaa aapake paas honaa chaahie aur bas shoharat aapake kadamon men hogee. saakshee junejaa ne kabhee kalpanaa bhee naheen kee thee ki keval shilpaa shettee aur big bradar prakaran par likhane se ve lagabhag 36,000 rupae kamaa lengee. unhen bas apane blog par vijnyaapan laanaa thaa. vijnyaapan kampanee ne apane vijnyaapanon ko saakshee ke blog par aane logon ke saamane pradarshit karane ke lie yah keemat dee hai.aise kaee udaaharan hain.

vartamaan samay men meediyaa ko paanch bhaagon men vibhakt kiyaa jaa sakataa hai. sarvapratham print, doosaraa rediyo, teesaraa dooradarshan, aakaashavaanee aur sarakaaree patr-patrikaaen chauthaa ilektraanik yaani teevee chaunal, aur ab paanchavaa soshal meediyaa. mukhy roop se vebasaait, nyooj portal, siteejan jarnalijm aadhaarit vebasaaeet, eemel, soshalanetavarking vebasaaitas, fesabuk, maaikro blaaging saait tivatar, blaagas, foram, chait soshal meediyaa kaa hissaa hai. yahee meediyaa abhee ‘nyoo meediyaa’ kee shakl men kaee mathaadheeshon kee neend churaa lee hai. is varsh aaee hindee bloging kee pahalee moolyaankanaparak pustak "hindee bloging: abhivyakti kee nayee kraanti" kee sameekshaa men yah baat sameekshak aravind shreevaastav ne kahee .

deshanaamaa par khushadeep sahagal ne is varsh kuchh is andaaj men kahaa ki akhbaar kee tarah har blogar jrooree hotaa hai... aise kaee log hain, jinakaa hamen ahasaas ho n ho, lekin vo hamaaree sahooliyat ke lie chupachaap karmapoojaa men lage rahate hain...aaj agar aapako akhabaar naheen milaa, aur usakee kamee mahasoos kar rahe hain to hokar, ejent, draaivaron jaise anasng heero ko yaad keejie, jinakee vajah se ham roj apane aas-paas aur duniyaa jahaan kee khbaron se roobaroo hote hain...akhabaaron kaa mahatv aaj lokal khabaron ke lie jyaadaa hai...desh-duniyaa ke bade shaharon kee khbaren to khbariyaa chainalon se har vakt milatee hee rahatee hain...lekin apane aasapaas kyaa ho rahaa hai, isake lie aaj bhee akhabaar se sastaa aur achchhaa saadhan aur koee naheen hai....
hin‍dee blaagon kee snkh‍yaa men dinon din hotee badhotaree ko aanalaaeen vijnyaapan kam‍paniyon bahut hee gnbheerataa se le rahee hain. bhaarat v videshon men hin‍dee b‍logon kee lokapriyataa ke sahaare vijnyaapan kam‍paniyon apanaa v‍yavasaay karanaa chaahatee hain evn isake lie hin‍dee b‍logars ko bataur pablishar apane kamaaee kaa his‍saa bhee denaa chaah rahee hain. yah jaanakaaree dee hai sajeev tivaaree ne, vaheen samaachaara4meediyaa par ek mahatvapoorn aalekh aayaa supriyaa avasthee kaa jisamen unhonne kahaa hai ki "blog jise abhee tak bhadaas kaa maadhyam hee samajhaa jaataa hai aur blogar chaahe ve kitanaa bhee achchhaa kntent kyon n de apane paathakon se prashnsaa ke do shabd naheen sun paate hain jinake ve hakadaar hote hain. aise men prashn yah uthataa hai ki kyaa blog kabhee ek snsthaan ke roop men ubhar sakegaa? yahaan baat chaahe kisee bhee bhaashaa ke blogar kee kyon n ho sabhee blogar ko ek jaisee samasyaa kaa saamanaa karanaa pad rahaa hai. blog ko agar ek kamaaee ke saadhan ke roop men n dekhaa jaae to patrakaaritaa ke najarie se yah ek bahut hee achchhaa prayaas hai, lekin jab koee risarch karake blog par apanee storee post karataa hai to usakee apekshaaen kaheen adhik badh jaatee hai. aakhir use ek patrakaar ke roop men vah sammaan kyon naheen diyaa jaanaa chaahie, jab ki vah storee post karane se pahale chaar gunaa jyaadaa mehanat karataa hai."


........vishleshan abhee jaaree hai,fir milate hain lekar varsh-2011 kee kuchh aur jhalakiyaan

aavashyak soochanaa

takaneekee samasyaa ke kaaran

agale do-teen dinon tak

parikalpanaa aur vatavriksh kaa

prakaashan avaruddh rahegaa !

asuvidhaa ke lie hamen khed hai !

aavashyak soochanaa