Email Post to a Friend: nirml-aannd

Your Name		Required
Your Email Address		Required
Friend's Email Address	Enter a comma separated list of up to 10 email addresses.	Required
Remember Me		Saves your name and e-mail address on this computer
Message		Maximum 300 characters
Please prove you're not a robot	Type the two words: Type the words you hear: Get a new challenge Get an audio challenge Get a visual challenge Help	Type the characters you see in the picture.

main hindoo kyon nheen: kaanchaa ailyyaa

kancha ailayya kee kitab 'main hindoo kyon nahin' ka up shirshak hindutv darshan, sanskriti aur rajanitik arthashastra ka ek shoodravadi vishleshan zaroor hai magar kitab apane vishleshan paksha men kuchh durbal rah jati hai aur apani pahale se tay kee huee prasthapanaon ko siddh karane kee aaturata men adhakachare nirnay sunane lagati hai.

kitab ke aakhiri adhyay men ailayya dalit chintan kee parampara men buddh, fule aur aambedakar ke bad apana zikr bhi karate hain. ek mahan parampara men uchit sthan pane kee unakee ye mahatvakankshaaa safal ho gaee hoti yadi unhone aambedakar jaisi shodh ke anushasan, aur vaishlaishik paddhati par nirbharata dikhaee hoti. afasos hai ki ek lambe samay tak aambedakar jaise vidvanon ko apana sahi sthan nahin diya gaya kyonki ve dalit the aur fir afasos hai aaj kancha ailayya jaise vidvanon ko unakee pratibha se adhik mahatv diya ja raha hai kyonki ve dalit hain.

ailayya hindoo devataon aur mithakon ka vishleshan karate hue ek behad sahooliyataparast ravaiya akhtiyar karate hain. ve jab chahate hain use itihas batate hain aur jab chahate hain brahmanon kee gadhi huee kahani qarar de dete hain. ravan ek mahan dalit bahujan raja tha aur usake brahman hone kee baten bakavas hain- ye kahate hue ve janate hain ki ki ravan ka hona aur usaka brahman hona ek hi prakar ke sroton se maloom hota hai fir bhi ve hans kee bhanti apane manamafik moti chunate rahate hain.

aisa nahin hai ki kitab poori tarah se khokhali hai aur usamen koee aakarshak nishkarsh nahin hain. ab jaise ailayya ji batate hain ki vidya kee devi sarasvati straee hote hue bhi hindutv men straiyon ke vidyarjan par pabandiyan bani rahin. aur dhan kee devi lakshami hone ke bavajood straiyon ko sampatti men hisse ka adhikar nahin milata raha. hindoo dharm kee aisi antarnihit visangatiyon ke viparit ve apani dalit bahujan sanskriti kee deviyon-pochamma aur kaitasamma ke gun aur udarata ka varnan karate hain jo apane bhakton par kisi prakar ka dabav nahin karatin.

ailayya batate hain ki bachapan se hi sikhaee jani vali jatiy bhedabhav ke alava kis tarah bachapan se hi unaka jatiy prashikshan shuru ho jata hai jisamen ve ped-paudhon aur janavaron ke sath rishto ke bare men tamam bate sikhate hain jabaki skool men di jane vali shikshaaa aur bhasha unake jivan ke parivesh se poori tarah vilagit bani rahati hain. yahan tak ki unake lie ved-puran aur othelo ek barabar se ajoobe hote hain.

ve ye bhi batate hain ki hindoo manas kis tarah se ek taraf to aneko kamuk devataon aur kam kala kee rachana karata hai aur doosari or apane samaj par tamam varjanaon kee ganthen bhi mare rakhata hai jabaki in kamuk kalpanaon aur varjanaon donon se mukt dalit bahujan samaj men yunik chetana ek svatah sfoort dhang se vikasit ho jati hai.

ek lambe samay tak bharatiy rajaniti men men dalit bahujan kee bhoomika aur ramarajy men hanuman kee bhoomika ka unaka samantar behad satik hai. magar aane vale dinon men jis dalitikaran kee prakriya kee bat vo kar rahe hain vo filahal kee samajik-aarthik sthitiyon men kaise sambhav hoga is vistar men ve nahin jate, jabaki dalit bahujan bhi apani samudayikata ko chhod-chhad niji sampatti kee hod men kood pade hain.

apani bhavana aur rajaniti men sahi hote hue bhi mujhe lagata hai ki ailayya ji ka vishleshan, aitihasik utpidan aur aaj bhi chal rahe bhedabhav se upaje apane kshaobh aur aakrosh ke chalate bich-bich men vikshaep ka shikar hota rahata hai.

ailayya kitab men jab-jab ek niji nazariye se chizon ko vishleshit karate hain to unakee bat tir kee tarah paini hoti hai aur achook hoti hai. jaise ki unhe skool men kabhi fule aur aambedakar ke bare men nahin padhaya gaya.. lekin aisi ghatanaon se ve apane hadabade nishkarsh nikalane men saralikaran aur samanyikaran ke shikar ho jate hain.

kancha ailayya kee ye bhi prasthapana hai ki brahman jati gair utpadak aur nishkriy shakti hai. mujhe yah ek jhadoomar bayan lagata hai kyonki yadi ved-puran, pathan-pathan, adhyatm aur darshan sab gair-utpadak kriyaen hain to fir ve aadhunik vishvavidyalayon men karyarat unake apane jaise pradhyapakon ke kam aur apani is kitab kee bhi upayogita ko kaise sahi thahara paenge?

ve bhi to n to khet men hal chala rahe hain aur n patthar dho rahe hain.. band kamare men baith kar apane varga/jati ke hiton ke lie tarkon ka ek tanabana bun rahe hain. aam janata dvara ekatrait kar se apana vetan pane vale ailayya ji brahmanon par bhi to yahi karane ka to aarop laga rahe hain. magar is virodhabhas ko vo chihnit nahin karate ulate ve manate hain ki hazaron salon se utpadan se door rahane ke karan brahman-baniya ek thas, tarkahin, avivekee aur hinsak manas men kaid ho gaya hai.

ailayya manate hain ki pichhadi jati se aane vale navakshatraiy hal men satta men bhagidari pa gae hain magar satta milate hi ve bhi brahmanavadi rang men dhal gae hain. dakshain kee pichhadi jatiyon ke ubhar aur uttar men bhi usakee anugoonj ko rekhankit karate hue ailayya ji bhool jate hain ki buddh kalin nand vansh, maury vansh, aur aalha oodal jaise aneko madhyakalin yoddha bhi uchch jatiyon ke n hote hue bhi sattavan the aur brahman unakee seva men the.

shivaji ke rajyabhishek karane se maharashtr ke brahmanon ne inakar zaroor kar diya tha magar kashi ke brahmanon ne ye samman hath se jane nahin diya. bad ke varshon men peshava ke senapatiyon men bhonsale, holakar aur shinde bhi uchch jatiyon se nahin the. ek taraf vo ek brahman peshava ke sevak the aur doosari or tamam brahman unake aashrait the. itihas men brahmanon aur pichhadi jatiyon,shoodron aur daliton ka sambandh itana saral ekangi nahin raha hai jitana aksar vidvajan pesh karate rahe hain.

ailayya ichchha zahir karate hain ki dalit bahujan, pichhadi, anusoochit janajati aur alpasankhyakon ka milajula manch taiyar ho magar kitab likhane ke das sal bhitar hi mayavati ne unakee ichchhaon ko nazaraandaz kar ke brahmanon ke sath sajhidari kar li hai.

ek taraf to ailayya neharoo, gandhi aadi tathakathit buddhijiviyon ko angrezo dvara dhala gaya batate hain doosari taraf aambedakar aur fule ke ubhar ko svikar karana angrezo kee majaboori bata kar fir ek bar suvidhajanak tark istemal karate hain. ve manate hain ki upaniveshavad ne bhi brahmanavad kee hi madad kee.. par aisa karate hue ve aambedakar ko mile zabaradast british sahayog ko jhuthala dete hain.

ailayya barabar parivartan men bhautik sthitiyon kee bhoomika ko nakarate hue kisi varg ya jati kee sanak aur duragrahon ko hi zimmedar thaharate jate hain. ailayya kahate hain ki tin hazar sal men akele aambedakar aise the jinhone mahar ghar men janm lekar dalitabahujan chetana ko janm diya. aisa kahate hue ve raidas, dadoo aur kabir ko bhool jate hain kya unakee aadhyatmik chetana bhi sirf brahmanavadi chetana thi ya samaj bhautik roop se us parivartan ke lie taiyar nahin huaa tha jo fule aur aambedakar apane samay men anjam de sake?

ailayya ji kee shikayat hai ki bharat men brahmanon ne dalitabahujan ke prati ek sazish ke tahat chup rakhakar unh bahishkrit kiya gaya hai jabaki yorop men paraspar virodhi sanskritiyon ko bhi apane itihas men jagah di gaee hai. ek to vaise hi bharatiy sroton ko aitihasik srot nahin gina jata yadi ailayya ji unhe yah daraja de rahe hain to poochha ja sakata hai ki pauranik aakhyanon men asur kaun hain, rakshas kaun hain, nag kaun hain, daity kaun hain.. kya ve virodhi sanskritiyon kee upasthiti nahin hain bavajood isake ki is upasthiti men ek sanskriti ke gun aur doosari ke dosh badha-chadha kar prastut kie gae hain?

ailayya ji apane kitab men bar-bar batate hain ki hindoo dharm sansar ka sabase utpidak dharm hai aur islam aur eesaeeyat aadhyatmik lokatantraik dharm hain. ve vibhinn dharmon ke prati kaisi bhi ray banane aur rakhane ke lie svatantra hain magar jatiy vibhajan ke charitraik dosh ke aadhar par hindoo dharm ke bare men yah nirnay atiranjit hai.

kya hindoo dharm isalie alokatantraik hai ki ve usake bhitar rahate hue aap kisi bhi pooja-paddhati aur aadhyatmik parampara ko apanane aur apani naee chalane ke lie bhi svatantra hai? tathakathit lokatantraik dharm islam aur eesaeeyat bhi aap ko yah vikalp nahin dete.

doosari taraf hindoo dharm chhodane par bhi gova men katholik brahman aur machhuaaron ke bich ka jatiy vibhajan kam nahin ho jata yahan tak ki unake charch bhi alag-alag hote hain. amarika jaisi mahan lokatantraik sanskriti men bhi kale aur gore charchon ka bhed aaj bhi bana huaa hai.

mohammad sahab ne islam men sabakee barabari kee bat zaroor kee hai magar arab men sirf musalaman hi rahenge aur khalifa sirf qauraish se hi hoga kya yah aagrah kisi jatiy rrangat se mukt hai? bharat men ansari aur saiyyad kya ek barabar hain? islam ke bhitar sthaniy sanskriti ke aayamon ke lie kitana sthan hai? kya vo bahut had tak arab sanskriti men hi kendit nahin hai?

dosh-darshan karana ho to islam aur eesaeeyat men bhi hazaron dosh ginae ja sakate hain. eesa kee karoona se dravit hone vale yooropi lutere laitin amarika kee mool ameri janajati ka sanhar padariyon ke aashirvad ke sath karate the kyonki unake anusar jo eesaee nahin ve jine yogy nahin the. uttari amarika men vahan aaj kee mool red indiyan kee janasankhya kya hai? kya ve sab zahar kha ke mar gae ya ek gahari nafarat kee niti ke tahat unaka qatle aam kiya gaya?

ailayya sahab manate hain (bina kisi praman ke) ki aary brahman bahar se aae aur unhone yahan ke mool dalitabahujan ko apadasth kar diya. . yadi ek pal ke isi kahani ko aitihasik sachchaee man bhi liya jay to kya ve prachin aary brahman aadhunik aatataeeyon se bhi gae guzare isalie hue kyonki unhone bajay dalit bahujan ka safaya karane ke bajay unake sath ek samajik sanyojan banaya aur ek hi samajik vyavastha men rahane ka vidhan banaya?

kancha ailayya kee yah kitab hindutv darshan aur sanskriti kee koee vivekapoorn janch nahin karati balki poorv niyojit nishkarsh apane pathak par thopati hai aur batati hai ki hindoo dharm ka har ek aayam sirf dalit bahujan ka utpidan karane ke lie hi hai. bade duhkh kee bat hai ki apani is ativadi soch ka vistar karate hue ve apani chintan shaili men unhi hindutv vadiyon ke sath ja kar khade ho jate hain ve jinaka itana bhishan virodh kar rahe hain.

hindutvavadi manate hain ki desh kee har samasya ka karan musalaman aur islam hain aur ailayya ghoshana karate hain ki sab musibat brahmanon kee khadi kee huee hai. is tarah ke blaik end vhaeet nazar se sachchaee ko pakadane kee ummid bemani hai. aur antatah kancha ailayya sahab bhi nirash hi karate hain.

kancha ailayya sahab ka sochana hai ki bharat men hindookaran ka javab dalitikaran hona hoga- matalab ye ki hinduon ko dalit sanskriti aur moolyon se sikhana hoga. mujhe unake is vichar se koee diqaqat nahin.. mera svayan ka bhi manana hai ki hindoo (bharatiy) sanskriti aisi sadndh bhari avastha men pahunchati ja rahi hai ki jisamen use bahut kuchh bhoolane aur bahut kuchh fir se sikhane kee zaroorat hai.

aur apane un bandhuon se to zaroor jinake oopar hazaron sal tak uchch jatiyan atyachar karati rahin. par mera aitaraz is dalitikaran shabd hai. ye thik hai ki gandhi ji ke harijan ke javab men tatkalin rajaniti ke paridrishy men dalit shabd upayukt tha jo aitihasik utpidan kee smriti apane kaleje men chhupae tha. magar aaj jab samaj ke dalitikaran kee bat hone lagi hai to achchha ho ki ham ek naya shabd eejad karen jo ek sakaratmak bhav jagata ho.

mitragan mujhe maf karenge ki main ailayya ji kee kitab ke nakaratmak pahaluon kee hi charcha kar raha hoon jabaki kitab padhate hue tamam maukon par main apane purakhon par sharmasar bhi hota raha aur apani sanskriti ke un pahaluon par vikshaubdh bhi hota raha jo manushy-manushy men bhed karati rahi. is vishay men ruchi rakhane vale mitrao se nivedan hai ki ve kitab hasil kar ke khud path karen.. aur apani ray qaaayam karen. kitab kalakatta ke samy prakashan (16 sadarn evenyoo, kolakata) ne chhapi hai aur mooly hai matra 120 rupaye, hindi anuvad kiya hai omaprakash valmiki ne.