Email Post to a Friend: nirml-aannd

Your Name		Required
Your Email Address		Required
Friend's Email Address	Enter a comma separated list of up to 10 email addresses.	Required
Remember Me		Saves your name and e-mail address on this computer
Message		Maximum 300 characters
Please prove you're not a robot	Type the two words: Type the words you hear: Get a new challenge Get an audio challenge Get a visual challenge Help	Type the characters you see in the picture.

ve din

rat ke koee
das baje the. sadakon par traifik kee nadi ka veg kuchh mand zaroor huaa tha par thama n tha. kali
rat men taron kee chamak bhi thi. magar shahar dhool aur dhuen kee moti chadar se dhaka huaa tha. sar
utha kar dekhane par aasaman to dikhata tha par tare nahin. hailojen kee raushani men nahaee sadakon
par fisalate skootar par savar ajay tak koee chamak nahin pahunchati thi par shanti ka man n jane
kaise us taron bhari rat ke rooman men nahaya huaa tha. ajay to chahata tha ki vo kar se
chalen magar shanti ne hi isarar kiya ki purane dinon kee tarah skootar se chalate hain. aur
purane dinon kee yad men hi usane skootar ajay ko hi chalane diya. pichhe kee sit par se
tezi se guzarati duniya ek bahav si maloom deti hai. kabhi-kabhi sirf bahana hi achchha
lagata hai.




sunil, ajay
ka sahakarmi hai, naee-naee shadi huee hai usakee. vaise to navavivahit duniya kee or adhik rukha
karate nahin. ek doosare ko khojane ke lie hi samay kam padata hai. isalie sunil aur nita ne
jab unhan khane ka nyota diya to unhai hairat huee aur khushi bhi. kisi navadampati ko dekhakar
hamesha ek sukh ka anubhav hota hai. unamen kisi fool kee tarah prakriti ka charam saundary
jhalakata hai. mushkil se hi unake bich  kabhi koee
vivadi svar lagata hai. ek doosare ke sang poori tarah razi, ek doosare men poori tarah rame
hue, ek doosare men hi base hue-jame hue. unase milane ke khayal se hi shanti men ek utsukata
jag gaee thi. aur jab ye tay kiya ki ve bachchon ko chhodakar jayenge to use ve din yad aane
lage jab vo svayan ek navavivahita thi. ve din bhi kya din the. un dinon men bhi sansar
tha, log the, samaj tha par jaise koee kuchh ahamiyat nahin rakhata tha sivay un donon ke. mano
ve kamal ke patte kee tarah sansararoopi jal par rahakar bhi usase gile nahin hote the. apani
bhavanaon ke dvip men ve aadam aur havva kee tarah nirdosh roop se rahate the. vahi
nirdoshapan shanti ko unake prati ek anokhe aakarshan se bhare hue tha.   




daravaza
nita ne khola. sanvala rang lekin khila huaa. aam taur par pila rang sanvali deh par nahin
jata. par usakee deh men kuchh aisi kanti thi ki halakee pili sadi us par khoob fab rahi thi.
sunil ko shanti ne ajay ke sath pahale bhi dekha hai. par use usakee navavivahita nita ke
sath ek alag sunil ko dekhana tha. donon ajay aur shanti se alag-alag hokar mil rahe the fir
bhi jaise ek doosare ko thame hue the har pal. unakee ek-ek cheshta ek doosare ke bandhan men
thi. hath chhoote hue the magar nazaron se bandhe the, nazaro se chhootate to mudraon se bandhe
rahate. unake hath aur pair bhi anayas hi ek doosare kee or unmukh rahate. vo ajay aur shanti
ko dekhakar muskara rahe the, hans rahe the, par asal men unakee ek-ek muskan ka srot aur
lakshay ve svayan the. unako dekhakar shanti men bhi ajay ke prati usake gahare aur purane
prem ka rang ghulane laga, fir se prem ka vahi svad milane laga.




ghar chhota tha
par suruchipoorn tha. unakee duniya kee tarah unakee grihasthi bhi simit thi. ek kone men ek
sitar bhi rakha huaa tha. shanti ko utsukata huee. nita ne bataya ki vo bajati hai. aur kuchh
sunane kee faramaeesh karane par bajane ko razi bhi ho gaee. sangit sunana aur sangitakar ke
samane baithakar sunana aur use dekhana, donon ekadam alag anubhav hain. nita  rag ke bhavon ko saz se hi nahin apane poore sharir
se bhi abhivyakt kar rahi thi. shanti ko usaka ye andaz bada mohak maloom diya aur vah
un bhavon men itana doob gaee ki usane kab ajay kee banh kasake pakad li use pata hi n chala. bhavon
kee tarange usake sharir se ajay kee deh men risane lagin. par udhar se aane vale bhav itane
anukool nahin the. shanti ko laga jaise ajay usakee pakad men bahut sahaj nahin hai. usako ajay
ke sharir men ek tarah ke tanav ka anubhooti huee. shayad ajay us sangit ka utana aanand nahin
le pa raha tha jitana shanti. sunil ka to kahana hi kya, vo to prem men dooba tha. us
poore mahaul men ajay ke badan se umadata vo tanav hi use vivadi svar laga. shanti ne us
asahajata ko varjit manakar usaka hath chhod diya. aur use zara ahamiyat n dete hue bhool bhi
gaee.




taqriban
dedh ghante bad jab ve ghar vapas jane ke lie navadampati se vida lekar lift men savar
hue tab tak shanti ajay kee asahajata aur tanav donon ko bhool chukee thi. us kee tabiyat par un
kshanon men bhi sangit ke ruman ka rang tari tha. lift ka daravaza band hote hi ve
akele ho gae. un dinon men aise mauqon par ajay jo karata tha use sochakar shanti ke man
men jhurajhuri si ho gaee. usane chaha ki un dinon kee tarah ajay us par jhuk aae aur halake se
choom le. usane tirachhi nazaron se dekha- ajay udasinata se kahin pare dekh raha tha. shanti
ne chaha ki vo hi use choom le. vo usakee taraf jhukee bhi par lift ka daravaza khula aur
ajay bina usakee or dekhe aage badh gaya. shanti girate-girate bachi.




lautate men
bhi shanti ne skootar ajay ko hi chalane diya. aasaman tab bhi taron se gachha huaa tha. aur is
bar rat se rooman nahin baras raha tha. ulate shanti ke man se sara rooman rat kee kalima men
ghulata jata tha. bina toote bhi kaise pyar ka dhaga itana dhila pad jata hai ki usase
udasi ke siva kuchh aur nahin buna jata- bina soche bhi shanti is khayal ke sahare thahar
gaee.




rasoee men pani
kee khali baotalen bharate hue shanti ajay se apane rishte ke bare men hi sochati rahi. ajay
bhi frij se thand pani lene rasoee men chala aaya. ve din hote to ajay dhire se aakar
usakee kamar men banhen dl kar usakee garadan ko choom leta. usane chooma bhi magar shanti kee
kalpana men. vastavikata ke tal par frij ka daravaza khole  ajay chupachap gatagat
pani pita raha. shanti ke man men bas ek hi saval ghumad raha tha aur bahut rokane par bhi
vo usake munh se nikal hi gaya- ab tum mujhe pyar nahin karate n?




yah sunate
hi ajay ko zor ka thasaka laga aur vo khansane laga.







***




(kal ke dainik bhaskar men prakashit huee)




chitra - vain gau