naam hee kaafee hain ..

kahate hain naam men kyaa rakhaa hain ,par agar kiseekaa naam hee usakee pahachaan ke lie kaafee ho to?nahee main n to kisee daiveey avataar kee baat kar rahee hoon nahee kisee mahaan kalaakaar kee . main jisakee baat kar rahee hoon usane bade hee kam samay men kelokapriyataa ke vah aayaam chhu lie hain jise paane ke lie achchhe achchhe taras jaate hain . jisakee aavaaz kee madhurataa ke kaaran n jaane kitano ne ise chaahaa hain,jisake suron ne shaayad hee kisee insaan ko bhaavavibhor n kiyaa ho.jise chaahane vaalo kee snkhyaa kee ginatee karanaa asnbhav ho aur jo desh men hee nahee videsho men bhee chhaaee .

kuchh anumaan lagaayaa aapane ?chalie main hee bataa detee hoon main baat kar rahee hoon ,sitaar kee . sitaar jisake taaro ko chhedte hee hraday men sngeet kee svar lahariyaa hilole lene lagtee hain ,jo mujhe bachapan se atipriy hain .




18 vee aur 19 vee shataabdee men sitaar ke kaee mahaan kalaakaar hue ,pahale kee sitaare yaa to aakaar men badee hotee thee yaa chhotee . aaj kee tarah madhyam aakaar kee sitaare tab nahee hotee thee ,samay ke saath saath sitaar kaa vikaas huaa,usakaa svaroop badalaa saath hee saath us par bajaayee jaane vaalee vaadan saamagree parivardhit huee . ab udaaharan ke lie pahale badee sitaaron par sirf aalaap, jod, mind kaa kaam hee hotaa thaa ,aur chhotee sitaaron par drutlay kaam ,us samay aisee koee bhee sitaar nahee thee jis par aalaap se lekar taano aur jhaalaa tak yaani dheemee lay se lekar drut lay tak kaa kaam ek saath kiyaa jaa sake.shaah sadaarng ne sitaar par bajaayee jaa sakane vaalee pahalee yogy gat banaaee, ustaad maseet khaan saahab kee banaaee maseet khaanee gate aur ustaad raajaa khaan saahab kee banaaee raajaa khaanee gate badee lokapriy huee . maseet khaanee gat yaani vilnbit (dheemee )lay men bajane vaalee gat ,aur raajaa khaanee drut lay men bajane vaalee gat huaa karatee thee .jis prakaar gaayan men bndish yaa khyaal ke sahaare raag yaa gaayan kaa vistaar hotaa hain usakee prakaar vaadan men gato kee sahaayataa se raag aur vaadan kaa vistaar kiyaa jaataa hain .ustaad imadaad husain khaan saahab ne sitaar men vaadan ke baarah ango kaa samaavesh kiyaa ,is samay vaadakon ne sitaar ke baaj ko kaafee vikasit kiyaa .chitr men ustaad imadaad husain khaan saahab sitaar vaadan karate hue .



sitaar kaa ek puraanaa chitr bhee de rahee hoon aisee sitaare hamane bhee bachapan men kaafee dekhi hain .



sitaar kee svar yaatraa men aaj bas itanaa hee ,agalee post men sitaar kaa vikaas kaise huaa ,kin mahaan sngeetagyo kaa yogadaan isamen rahaa,aur aaj sitaar kee vaadan shailee kitanee adhik parivardhitt ho gayee hain aadi .
leejiye sunie svargeey ustaad imadaad khaan saaheb kaa sitaar vaadan, raag hain khamaaj ,yah ek bahut hee durlabh ,apraapy rikording hain .

Get this widget | Track details | eSnips Social DNA