itanaa badaa khulaasaa. laakhon karodon rupayon kaa len den aur saath men seks skaindal.
shree shaant ke saath saath do aur khilaadee. khilaadiyon samet kaee anyon par shak kee suee. vipaksh fir bhee chup. aap kee paartee tak chup. oe, kyaa ho gayaa hai inako?? itanaa chup to pahale kabhee n the ye...
had ho gaee aashchary men daalane kee. kalamaadee to khud se khele bhee naheen the koman velth men, to khel kee dishaa to khair kyaa modate yaa badalate, us par se is mnhagaaee ke jamaane men unhen maatr apanee sookhee selaree ke alaavaa keval kameeshan kaa aasaraa jeevan basar karane ke lie. selaree ke sivaay, n to ghoos ghoos khelane kee har kriket maich kee tarah fees, n hee ghoos ke khel men main aof d maich ghoshit ho jaane ke baavajood kriket kee tarah inaamon kee baarish, n hee maadaling ke alag se rol aur paise, n kisee prodakt ke braand embesdaree se kamaaee. magar unake paise khaa jaane par itanaa hallaa. lokapaal bil, jel aur bas, maatr ek dimaand- sarakaar istifaa de.
too jee, haileekaaptar, bofors, gaing rep, bijalee ke bhaav, sarabajeet kee maut, shaaraabee ko shaheed kaa darjaa, nal men paanee kaa aabhaav, tootee sadak, patavaaree kee sau rupaye kee ghoos- har baat men sarakaar istifaa de. pradhaan mntree naitik jimmedaaree len.
magar aaj itane bade skaindal men vipaksh kee bhoomikaa fiks see sikhatee hai- jisamen saare chainal jaan diye de rahe hain pichhale 24 ghnton se- har pahale se jnyaat sattebaajee kee jaanakaaree ko sanasaneekhej khulaasaa bataate hue. draamebaajee men jaane kis kis ajnyaanee ko pakade string aopareshan kee shooting men vyast- jahaan satoreeyaa aur pntar aur bukee kee paribhaashaa galat bataaee jaa rahee hai. itanaa badaa bukee, inako intaravyoo dete hue kod laigvej kee jaanakaaree dete hue- 500 karod ko kod men 500 petee bataataa hai aur saaree duniyaa jaanatee hai ki ise us kod bhaashaa (kyaa vaakaee men vo kod hai??) men 500 khokhe kahate hain – 500 petee 500 laakh ko kahate hain. magar hadabadee bataane kee aisee ki koee edit to kyaa karataa in sab khulaason ko. bas chalaa dee khabar. bulaa lee painal aur lage savaal par savaal karane. jaise hee koee penal kaa sadasy koee lojikal baat kare jo inake khulaase ko kaatatee ho yaa use galat saabit kare to use samay kee kamee bataa kar turnt chhotee see brek aur fir brek se laut kar aaye to vo bndaa hee gum. gazab!! maano shreeshaant kee makar kaa tauliyaa- is ovar men hai aur dekhate dekhate agale ovar men gum.
jis dillee ke pulis mukhiyaa ko kal tak yahee chainal nakaaraa ghoshit kar vidaa kuye jaane kee taiyaaree karavaaye de rahe the vahee aaj inheen ke kaaran is khulaase ke baad heero kaa staar darjaa haasil kiye naye khulaason ke saath aane kee taiyaaree men hain. staaradam to aisaa hee hotaa hai. aaj hai- kal naheen -parason fir haasil. amitaabh honaa aasaan naheen. bahut kuchh fiks karanaa hotaa hai.
ab tak shak ho rahaa hai ki vipaksh bhee shaamil hai is maamale men varanaa aisaa kaun saa maamalaa is leval kaa rahaa hai jisamen sarakaar se istifaa n maangaa gayaa ho.
aaee pee el fiks- andaravarld shaamil- ladakiyon kaa istemaal. kisee kaa kahanaa ki aaee pee el banaa hee sattebaajee ke lie hai. aaee pee el sattebaajee kee dhooree. ekaaek sattebaajon kee desh bhar men dharapakad- jaise kal tak is baare men pulis ko kuchh maaloom hee nahim thaa. dhanyavaad midiyaa, aapane pulis ko soochanaa de dee varanaa unako kaun bataataa aur vo kaise jaan paate.
siddhu kahate hain ki saansadon ke ghotaalon ke baad bhee agar snsad paak saaf hai to fir aaee pee el apavitr kaise? shaayad—n n pakkaa hee ye bee je pee ke saansad hain. vo hee bee je pee- jise sarakaar se istifaa chaahiye kyoonki ...kyoonki kyaa. bas chaahiye.
haalaat kuchh aise ban gaye hain ki ab agar koi khilaadee baiting yaa boling ke pahale- eeshvar ko yaad karane ke lie aankh bnd kar haath jod le..to log anumaan lagaa lenge ki isakaa matalab ishaaraa kar diyaa ki ye fiks vaalee khel hai. sar khujaaye, taavel hilaaye, rist baind ghumaaye, joote kaa feetaa baandhe, paseenaa ponchhe..ho gayaa ishaaraa..lag gayaa sattaa.
ye to vahee haalaat ho gaye hain ki jaise rishtedaaron par se vishvaas hat gayaa hai bachchiyon ko maan baapon ke- baar baar meediyaa par sun sun kar ki 97% balaatkaaron men ghar ke log shaamil rahate hain.
jo maanasik dahashat in rep keson ne aam parivaaron men paidaa kee hai usase aaee pee el dekhate hue, kuchh der ko hee sahee, vo maan baap us dahashat ko bhool khush ho lete the, vo bhee ab unake hisse se jaataa rahaa. kyaa dekhen jo pahale se fiks hai- kaisaa eksaaeetament aur kaisaa khel!! baakee to tee vee par manornjan ke lie kuchh aataa naheen....
aaj ke is safar men
haay! ye kaisee dishaa hai,
haay! ye kaisee havaa hai,
jis taraf nikalataa hoon
kishtee doobatee hai meree hee!!
aur vo hnsate hue kahataa hai
nausikhiyaa nikalaa ye naavik bhee!!
-sameer laal ’sameer’
