niteesh kumaar jee kee tvitar taaimalaain - Nitish Kumar's Twitter Timeline

niteesh kumaar jee apanee paartee lekar en dee e se kooch kar gae. kal shaam se hee log vishleshan kiye jaa rahe hain. aise men agar niteesh baaboo kee tvitar taaimalaain par kyaa bamachak machee hai, vah aap baanchiye:

Nitish Kumar Timeline

---------------------------

not: aur bhee logon kee tvitar taaimalaain baanch sakate hain.

mamataa banarjee kee tvitar taaimalaain.

raashtrapati chunaav bamachak par ek tvitar taaimalaain.

aravind kejareevaal kee tvitar taaimalaain.

raahul gaandhee jee kee pahalee tvitar taaimalaain

filmee prem-prasng men dil ..

tamaam cheejen samaaj kaa darpan hotee hain. kis kaal men kaun see cheej samaaj kaa darpan ho, yah us kaal ke samaaj par nirbhar karataa hai. praaimaree yaa midil skool ke vidyaarthee ke lie pahale saahity samaaj kaa darpan hotaa thaa. ab naheen hai. saahityakaar, aalochak aur prakaashak kee tikadee kee bhoomikaa ne rahane naheen diyaa. kaalaantar men samaaj ko aur logon ne darpan diyaa. ek taraf sinemaa vaalon ne diyaa to doosaree taraf raajaneeti vaalon ne bhee apanee aukaat ke anusaar samaaj ko darpan pradaan kiyaa. aage chalakar kriket vaalon ne bhee is darpan daan men apanee bhoomikaa nibhaaee. unake baad tamaam maadhyam bhee peechhe naheen rahe.

pichhale kuchh varshon se ab yah kaam hindee sinemaa ke gaanon ne vaapas apane haath men le liyaa hai. ve har ek-do maheenon men samaaj ko darpan thamaate rahate hain. samaaj in gaanon men apanee chhavi dekhakar mast rahataa hai. aaj se saath-sattar varsh baad agar koee shodh karane vaalaa is vishay par shodh karegaa to badee tanmayataa ke saath hamaare kaal ke gaanon ko aage rakhakar siddh kar degaa ki is kaal kaa samaaj kaisaa thaa.

prem men dil ke mahatv jaise vishay par kaam karane vaale shodhaarthee ke paas gaanon kee kamee kabhee naheen rahegee.

jaise nabbe ke dashak ke gaane; "dheere-dheere aap mere dil ke mehamaan ho gae, pahale jaan, fir jaan-e-jaan, fir jaan-e-jaanaa ho gae" kee cheer-faad karate hue likhegaa; "is geet ke bol se saabit hotaa hai ki is kaal kaa naayak apanee naayikaa ko ekadam se dil kaa mehamaan naheen banane detaa thaa. vah is kaam ko dheere-dheere karane men vishvaas rakhataa thaa. vah naayikaa ko pahale jaan banaataa thaa, fir jaan-e-jaan aur antim step men hee jaan-e-jaanaa banane detaa thaa. is kaal kaa naayak 'lau' et farst saaeet men vishvaas naheen rakhataa thaa. is geet se yah pramaan bhee milataa hai ki prem ke tamaam charanon men naayikaa ke lie jaan-e-jaanaa sabase mahatvapoorn padavee hotee thee. kuchh samaajashaastriyon kaa aisaa maananaa hai ki is kaal kaa naayak choonki jyaadaatar naukareeshudaa hotaa thaa isalie vah knpaniyon ke ech aar dipaartament dvaaraa pratipaadit tarakkee ke siddhaanton men vishvaas rakhataa thaa. kuchh ech aar eksaparts kaa maananaa hai ki agar is gaane ke bol ko ek naukareeshudaa insaan ke naukaree men lagane se lekar usake pramoshan se tulanaa kee jaay to jaan kee tulanaa apvaaintament, jaan-e-jaan hone kee tulanaa naukaree ke paramaanent hone aur jaan-e-jaanaa hone kee tulanaa asistent mainejar banane se kee jaa sakatee hai.

is geet kee apanee cheer-faad ko sahee thaharaane ke lie vah usee kaal ke geeta; "aankhon men base ho tum, tumhen dil men basaa loongaa ...." kaa bhee sahaaraa le sakataa hai. vah aage likh sakataa hai; "is geet se ise gaane vaale naayak ke bhee naukareeshudaa hone ke pramaan milate hain. is geet men naayak apanee naayikaa ko soochanaa dete hue bataa rahaa hai ki naayikaa filahaal aankhon men hee basee hai aur dil men basane ke lie usakaa pramoshan honaa jrooree hai. vah kahanaa chaahataa hai ki naayikaa ekadam se dil men naheen bas sakatee. ki naayak kee ech aar polisee ke anusaar naayikaa kaa aankhon men basee hai yaane use abhee keval apvaaintament letar milaa hai aur kuchh maheenon baad jab usakaa aprejal hogaa aur tab agar naayak sntusht huaa tabhee vah naayikaa ko dil men basane degaa."

naayak aur naayikaa ke gunon men antar bataate samay shodhaarthee yah bhee saabit kar sakataa hai ki naayikaa choonki naukareeshudaa kam hee hotee thee isalie vah naayak fat se dil men basaa letee thee. apanee is thyoree ke samarthan men vah "dil men tujhe basaa ke, kar loongee main bnd aankhen ..." jaise geet kaa sahaaraa le sakataa hai. vah yah saabit kar sakataa hai ki naayak jyaadaatar prem men ghute hue rahate the lihaajaa jahaan naayikaa apane naayak ko fat se dil men basaakar aankhen bnd kar letee thee, vaheen naayak pahale naayikaa ko aankhon men basaataa thaa aur pooree tarah se dekhane parakhane ke baad hee dil men basane detaa thaa. "pal-pal dil ke paas tum rahatee ho" naamak gaane ke bol se saabit kar sakataa hai ki dil men basane se pahale naayak apanee naayikaa ko dil ke paas basaataa thaa. naayak kaa yah svabhaav unadinon usake prem men saavadhaanee baratane kee baat ko pukhtaa karataa hai. isase yah saabit hotaa hai ki naayak log prem men saavadhaanee rakhate the.

prem men lipt naayak ke jeevan men dil kaa kyaa mahatv rahataa thaa isabaat par prakaash daalate hue shodhaarthee likh sakataa hai; "prem men gire naayak ke dil men jharokhaa bhee rahataa thaa jisamen vah yadaakadaa naayikaa ko bithaataa thaa. prasidd geet dil ke jharokhe men tujhako bithaakar yaadon ko teree main dulhan banaakar rakhoongaa main dil ke paas ....geet se yah pramaan milataa hai ki prem men asafal naayak jab saty se samajhautaa kar letaa thaa tab vah naayikaa ko apane dil se nikaal kar dil ke jharokhe men bithaa detaa thaa aur naayikaa ko dulhan n banaa paane kee sthiti men usakee yaadon ko hee dulhan banaakar sntusht ho letaa thaa. sntoshagati praapt naayak ke paas aur koee chaaraa naheen hotaa thaa isalie vah naayikaa ko soochanaa dete hue bataataa thaa ki naayikaa ko udaas hone kee jrurat naheen hai kyonki vah dulhan n ban sakee to kyaa huaa, usakee yaaden to naayak kee dulhan ban hee sakatee hain."

prem men dil ke mahatv ko samajhaate hue shodhaarthee likh sakataa hai ki ; "dil kaa haal sune dilavaalaa ..." naamak geet se isabaat kaa pramaan milataa hai ki unadinon har dil kaa koee n koee haal hotaa thaa jisako koee dilavaalaa hee sunataa thaa. agar koee kisee ke dil kaa haal naheen sunataa to yah saabit ho jaataa thaa ki haal sunaane vaale ke paas to dil hai lekin use n sunane vaale ke paas dil naheen hai. vah aage likh sakataa hai; "haalaanki, isabaat kaa rikord naheen milataa ki binaa dilavaale jindaa kaise rahate the? kisee vaijnyaanik ne isabaat par risarch naheen kiyaa ki dil kaa haal n sunane vaale dilaheen insaanon ke shareer men khoon kee aavaajaahee kaise hotee thee?"

ek prashn ki ; "jeevan men dil jyaadaa mahatvapoorn hai yaa jaan?" par shodhaarthee likh sakataa hai; "tamaam geeton kee cheerafaad karane par yah pataa chalaa hai ki prem-prasng men jaan dil se jyaadaa mahatvapoorn hotee hai. film umaraav jaan ke geet 'dil cheej kyaa hai aap meree jaan leejiye ..' se yah baat saabit ho jaatee hai ki unadinon jaan kee keemat dil se jyaadaa hotee thee. haan, yah maananaa padegaa ki haalaanki jaan dil se keematee hotee thee lekin prem men paagal naayikaa vah bhee dene ke lie taiyaar rahatee thee aur usake ke lie bhee usakee bahut chhotee see shart rahatee thee. shart yah ki naayak bas ek baar usakaa kahaa maan le to use jaan dene men koee gurej naheen hai. isase is baat ke pramaan bhee milate hain ki naayak log naayikaaon kee badee mushkil se maanate the. nabbe ke dashak ke ek aur geet 'dil kyaa cheej hai jaanam apanee jaan tere naam karataa hai ..' se bhee yah baat saabit hotee hai ki prem men lipt naayak jaan ke aage dil ko kuchh naheen samajhataa thaa aur apanee jaan naayikaa ke naam karane ke lie tatpar rahataa thaa. ek aur geet dil, najr, jigar kyaa hai, main to tere lie jaan bhee de doon ...geet se yah saabit hotaa hai ki jaan keval dil se jyaadaa mahatvapoorn naheen thee balki najr aur jigar se bhee jyaadaa mahatvapoorn hotee thee aur shreshth prem men jaan dene ko bhee sabase oonchaa darj diyaa gayaa hai.

nabbe ke dashak ke hee ek aur geet 'mujhe neend n aaye mujhe chain n aaye, koee jaae jaraa dhoondh ke laaye n jaane kahaan dil kho gayaa , n jaane kahaan dil kho gayaa ..' ko aage rakhakar shodhaarthee likh sakataa hai; "is geet se naayak-naayikaa ke yadaakadaa dil khone kaa pramaan milataa hai. saath hee yah bhee pataa chalataa hai ki dil khone ke baad ye log pulis men rapat likhaane kee bajaay gaanaa gaate the. isase yah saabit ho jaataa hai ki bhaarateey naayak yaa naayikaa ko jab neend naheen aatee thee to unhen fat se pataa chal jaataa thaa ki yah inasomniyaa kee samasyaa naheen hai balki aisaa dil khone ke kaaran huaa hai. need yaa chain n aane ke baavajood ve kabhee doktar ke paas naheen jaate the. unhen vishvaas rahataa thaa ki dil kho jaane kee vajah se upajee aisee sthit men n to doktar ke paas jaane kee jaroorat hai n pulis ke paas jaane kee. is samasyaa ko gaanaa gaakar solv kiyaa jaa sakataa hai kyonki gaane men ' koee jaae jaraa dhoondh ke laaye ' kahane se koee n koee dil dhoondh kar laa degaa aur neend n aane kee samasyaa sulajh jaayegee."

prem-prasng men dil ke mahatv kee aur jaanch-padtaal karake shodhaarthee likh sakataa hai; "shodh se ham is nishkarsh par pahunche hain ki unadinon dil die aur lie to jaate hee the, ve tode bhee jaate the. ek prasidd geet 'dil ke tukade-tukade karake muskuraate chal die ...' se ham is nishkarsh par pahunch sake. yah baat alag hai ki kisee ne is baat par koee shodh naheen kiyaa ki dil tootane ke baad kaisee aavaaj sunaaee detee thee? kaee geeton se aise pramaan milate hain ki aksar dil tootane kaa ilajaam naayikaa ke oopar madh diyaa jaataa thaa lekin kuchh aise kes bhee hue jab naayak ne khud hee apanaa dil tod liyaa ho. jaise ek geet 'jis dil men basaa thaa pyaar teraa us dil ko kabhee kaa tod diyaa ...' se yah pataa chalataa hai ki kabhee-kabhee naayak khud hee apanaa dil tod liyaa karataa thaa. vaise tootane ke baad dil ke tukade kaise dikhaaee dete the isabaat par kaheen koee dastaavej naheen milataa. 'dil aisaa kisee ne meraa todaa barabaadee kee taraf ....' naamak geet se yah pramaan milataa hai ki dil toot jaane ke baad aabaadee kee taraf chalate rahane vaale naayak barbaadee kee taraf mud jaataa thaa aur apanaa satyaanaash kar letaa thaa."

"dil keval tootate hee naheen the, ve gaane bhee gaate the. 'har dil jo pyaar karegaa, vo gaanaa gaayegaa ..' jaise geet se isabaat kaa pataa chalataa hai ki keval naayak pyaar naheen karataa thaa. kisee-kisee kes men dil bhee pyaar kar baithataa thaa aur har vo dil jo pyaar kar baithataa thaa vah gaanaa bhee gaataa thaa. yah baat alag hai ki dil ke gaaye gaane kaise hote the is baat kee kaheen charchaa naheen huee hai. itihaas men kaheen is baat kaa ullekh naheen hai ki mohammad rafee, lataa mngeshakar vagairah achchhaa gaate the yaa fir dil. vaise kuchh filmee itihaasyakaaron kaa maananaa hai ki vaise to unhonne dil ko gaate hue kabhee naheen sunaa lekin unhen pooraa vishvaas hai ki saabut dil kee to chhoden, tootaa huaa dil bhee kisee anu maalik, shabbeer kumaar, mohammad ajeej yaa kumaar saanoo se achchhaa gaataa hogaa. itihaasyakaaron ke is nishkarsh par pahunchane se aise gaayakon ke gaayikee ke staar kee baat bhee saamane aatee hain. unadinon dil gaa sakataa thaa yaa usase aavaaj aatee thee, isabaat kaa pramaan 'dil kee aavaaj bhee sun, mere fsaane pe n jaa ...' naamak geet se milataa hai. naayak naayikaa se naayikaa naayak se aksar rikvest karate the ki donon apane maan-baap kee baat sunane kee bajaay dil kee aavaaj sune to prem kee vaitaranee paar karane men aasaanee rahegee."

jahaan dil ke gaane kee baat saabit hotee hai vaheen dil ke shaayar hone kee baat kaa bhee pataa chalataa hai. dil aaj shaayar hai, gam aaj nagamaa hai ..geet se pataa chalataa hai ki dil ke andar gaane kaa to tailent hotaa hee hai, vah chaahe to shaayaree bhee kar sakataa hai aur gam ko nagamon men parivartit kar prem men apanaa yogadaan de sakataa hai.

kaheen-kaheen dil ke mndir hone kee baat bhee saamane aatee hain. jaise 'dil ek mndir hai, pyaar kee isamen hotee hai poojaa, ye preetam kaa ghar hai ...' geet se aisaa prateet hotaa hai ki naayikaa kaa dil ke mndir hone men pragaadh vishvaas hai. isake pahale ki kisee ke man men yah prashn uthe ki; agar dil mndir hai to usamen kaun se bhagavaan viraajamaan hain?; naayikaa khud hee geet ke aage kee pnktiyon ke maadhyam se is baat kaa khulaasaa kar detee hai ki is mndir men pyaar kee poojaa hotee hai. dil rupee mndir any mndiron se is maamale men alag hai ki pyaar kee poojaa men fool, deepak, ghee, agarabattee vagairah ke prayog kee jrurat naheen padtee. kuchh itihaasyakaaron ne preetam kee poojaa kee baat karake yah saabit karane kee koshish kee thee ki naayikaa is geet ke maadhyam se sngeetakaar preetam kee poojaa karane kee baat kar rahee hai lekin is thyoree ko yah pramaan dekar maar giraayaa gayaa ki sngeetakaar preetam kaa janm us samay naheen huaa thaa jab naayikaa ne yah geet gaay thaa.

dil keval tootate naheen the. kuchh geeton se pataa chalataa hai ki dil kaheen bhee aa jaa sakate the. jaise ai mere dil kaheen aur chal ...geet se pataa chalataa hai ki naayak jab kabhee bhee kisee ek jagah se bor-sor ho jaataa thaa to dil ko sajest karataa thaa ki vah kaheen aur chale. vah kaheen aur chalegaa tabhee naayak ko bhee usake saath naee jagah jaane kaa maukaa milegaa aur usakee boriyat door ho sakegee. is geet men naayak dil ko ukasaate hue usase kahataa hai ki vah n sirf kaheen aur chale balki koee nayaa ghar bhee dhoondh le. kuchh itihaasyakaaron kaa maananaa hai ki shaayad naayak van room kichen men rahakar boriyatagati ko praapt ho gayaa thaa aur usase nikalane kaa yahee tareekaa thaa ki vah dil ko ukasaae taaki vah n sirf khud koee nayaa ghar dhoondhen balki naayak ko bhee upalabdh karavaae. vaise itihaasyakaaron kaa ek grup yah bhee maanataa hai ki naayak aisaa karake dil kee madad kar rahaa thaa kyonki usane apane lie gam kee duniyaan kaa chunaav to kar liyaa thaa lekin kaalaantar men gam kee usee duniyaan se usakaa dil bhar gayaa thaa. kuchh vaijnyaanik aisaa maanate hain ki bharaa huaa dil bhaaree hotaa hai lihaaj bhaaree dil ke kaheen aur jaane kee baat vaijnyaanik drishtikon se tarkasngat naheen jaan padtee.

tootane aur aane-jaane ke alaavaa dil jalate bhee the. naayak dvaaraa gaaye geeta; 'dil jalataa hai to jalane do ...' se yah baat saamane aatee hai ki naayak ko is baat se koee gurej naheen hotaa thaa ki usakaa dil jal rahaa hai? use is baat kee chintaa naheen thee ki agar agar dil jalane lagaa to ho sakataa hai aag usake kurte men bhee lag jaayegee aur kaheen usako beech baajaar sabase saamane kurtaa utaar fenkanaa n pad jaae. kuchh itihaasyakaaron ne is geet ke baare men anumaan lagate hue likhaa hai ki shaayad naayak ke mitr ne usake dil ko jalate hue dekhaa hogaa aur jab usane bataayaa ki naayak kaa dil jal rahaa hai to bindaas naayak ne usako do took kah diyaa ki dil jalataa hai to jalane do. aise naayak ko kaalaantar men logon ne dilajalaa kahakar pukaaranaa shuroo kiyaa. is geet se prerit hokar tamaam naayak khud ko dilajale kahalaanaa pasnd karane lage the.

dil men kisee ke lie pyaar-syaar to rahane kee baat aam thee lekin aashchary kee baat yah ki kabhee-kabhee naayak ke dil men bhnvaraa bhee rahataa thaa. jaise geet 'dil kaa bhnvar kare pukaar, pyaar kaa raag suno, pyaar kaa raag suno re ...' se pramaan milataa hai ki naayak ke dil men bhnvaraa rahataa thaa aur vah keval pyaar kaa raag gaataa thaa. use maalakaus, bheemapalaasee, malhaar vagairah gaane men jaraa bhee dilachaspee naheen thee. dil men rahane vaalaa bhnvar jab bhee gaataa pyaar kaa raag hee gaataa thaa aur naayak naayikaa se kahataa thaa ki vah pyaar kaa raag hee sune aur baakee ke raagon ko anasunaa kar de.

ho sakataa hai shodhaarthee aakhir men apanaa shodhapatr yah likhate hue khatm kare ki ; "kaalaantar men parivartan aisaa huaa ki pahale ke dinon men dil men rahane vaale naayak-naayikaa ko baad men dil men jagah naheen mil paatee thee. yahee kaaran hai ki baad ke dinon men naayikaa ne is baat se samajhautaa kar liyaa ki naayak ke dil men jagah kee kamee hai. aisee sthiti men use lagaa ki choonki andar basanaa eejee naheen rahaa isalie agar naayak mujhe dil men basaane kee jagah meree foto hee apane seene se lagaa le to bhee bahut badee baat hogee. aise men usane gaanaa shuroo kiyaa; 'mere foto ko seene se yaar chipakaa le saiyaan fevikol se ....main to kab se hoon redee-taiyaar pataa le saiyaan misd kaal se ..." is geet se yah saabit hotaa hai ki pahale naayak ke dil men basane vaalee aur apane dil ko mndir maananevaalee naayikaa ab dil konsas hone ke baaje braand konsas ho chukee thee. vah ab is baat se hee sntosh kar letee thee ki naayak use dil men basaane kee bajaay usake foto ko hee seene se chipakaa le to bhee bahut badee baat hogee. haan, vah braand konsas aisee hai ki kisee bhee lokal adhesiv braand se apanee foto naheen chipakane degee balki yah saaf bataa denaa chaahatee hai ki adhesiv kee baat par keval fevikol hee .............................................................

chndoo' j eksakloosiv chait vid jastis kaatajoo

"adaalat kee vajah se kabhee-kabhee bade logon ko sajaa bhee honee chaahie" naamak siddhaant ke tahat snjay datt ko sajaa ho gaee. is sajaa ne tamaam logon ko ektiv kar diyaa. kuchh ati-ektiv bhee hue. isane logon ko gutabaajee ke lie bhee prerit kiyaa. preranaa lekar do gut ubhare. ek vah jo yah chaahataa hai ki snjay datt ko jel honee chaahie aur doosaraa vah jo chaahataa hai ki snjay ko jel naheen honee chaahie balki unhen raajyapaal se maafee mil jaanee chaahie.

is doosare gut kaa pratinidhitv jastis kaatajoo kar rahe hain. unhonne pran taaip kiyaa hai ki ve raajyapaal se apeel karake snjay datt jee ko maafee dilaakar hee dam lenge. log unake virodh men bhee baat kar rahe hain.

ye main kyaa likh rahaa hoon? mujhe yahaan jastis kaatajoo kaa intaravyoo chhaapanaa hai aur main kuchh bhee ant-snt likh rahaa hoon. vaise aap man hee man sochane ke lie svatntr hain ki jastis kaatajoo ke intaravyoo kee baat par ant-snt likh diyaa jaanaa koee aashchary kee baat naheen. to aap baanchiye jastis kaatajoo kaa intaravyoo jinake saath baat kee hamaare blog snvaadadaataa chndoo chaurasiyaa ne.


chndoo: namaskaar sar.

jastis kaatajoo : namaskaar? kyaa kah rahe hain aap? aapako tameej naheen hai? yoo aar mach yngar too mee fir bhee aap namaskaar kar rahe hain. kyaa aapako naheen lagataa ki aapako pranaam karanaa chaahie?

chndoo : naheen, aisee baat naheen hai sar. daraasal mujhe lagaa ki "sar" ke saath namaskaar hee theek jaataa hai. "pranaam sar" kahane se kaisaa to feel hotaa hai. fir bhee aapane yaad dilaayaa to main apanaa namaskaar vaapas letaa hoon aur usake badale pranaam detaa hoon.

jastis kaatajoo : ye theek hai. vaise aapakaa naam kyaa hai aur aap kis chainal se hain?

chndoo : sar, meraa naam chndoo chaurasiyaa hai aur main kisee chainal se naheen balki blog snvaadadaataa hoon.

jastis kaatajoo : achchhaa!! aap bhee chaurasiyaa hain?

chndoo : aap bhee se kyaa taatpary thaa sar aapakaa?

jastis kaatajoo : aap bhee se meraa matalab ...daraasal aapakaa sar-nem sunakar mujhe deepak chaurasiyaa yaad aa gae isalie mere munh se nikal aayaa. abhee haal men mainne ek intaravyoo men deepak chaurasiyaa ko bevakoof kahaa thaa aur beech men bhee intaravyoo chhodkar baahar nikal aayaa thaa ..... aap bhee kyaa usee tarah ke savaal karenge?

chndoo : are naheen sar. soshal meediyaa vaale abhee tak menastreem meediyaa vaalon kee tarah jyaadaa bevakoof naheen hue hain. aise men .....soshal meediyaa vaalon ko vahaan tak pahunchane men abhee samay lagegaa.

jastis kaatajoo : are haan main to bhool hee gayaa ki aap soshal meediyaa se hain. khair, poochhie aap apanaa savaal. mujhe jaldee hai. kaee nyooj chainals par mujhe painal diskashan ke lie jaanaa hai.

chndoo: jaroor sar jaroor. meraa pahalaa savaal yah hai ki aapane ye snjay datt kee maafee ke lie gavarnar se rikvest kiyaa hai, vah kahaan tak jaayaj hai?

jastis kaatajoo : kahaan tak jaayaj hai se kyaa matalab aapakaa? vah snvidhaan tak jaayaj hai. maafee kee baat hamaare snvidhaan men hai aur yah hamaaraa adhikaar hai.

chndoo: sar, lekin kuchh log maanate hain ki ye aapakaa adhikaar kaise huaa? sajaa snjay datt ko huee hai, adhikaar to unakaa hai.

jastis kaatajoo : ek hee baat hai. snjay datt aur mujhamen kyaa antar ..are, ye main kyaa bol ... meraa matalab thaa ki ab jab maamalaa mainne uthaayaa hai to adhikaar bhee to meraa hee huaa. vaise bhee jo log aisaa maanate hain ve usee nabbe pratishat men se honge jinhen main bevakoof samajhataa hoon.

chndoo: lekin sar, snjay datt jee ne snvaadadaataa sammalen karake bataayaa ki ve choonki supreem kort kaa bahut aadar karate hain isalie sajaa bhugatane ke lie taiyaar hain. unhonne ye bhee kahaa ki ve koee apeel faail naheen karenge.

jastis kaatajoo : snjay datt ke kahane se kyaa hotaa hai? ve bhee to usee nabbe pratishat ...unake andar abhee bahut bachapanaa hai. aur fir apeel main n faail kar rahaa hoon, unake kahane se kyaa hogaa? meraa maisenjar meree apeel raashtrapati tak pahunchaa bhee chukaa hai aur main yahaan snt maanik daas ko kot karanaa chaahoongaa jinhonne kahaa thaa ki ; "kamaan se nikalaa teer aur snvaidhaanik adhikaar vaale ke haath se nikalee apeel vaapas naheen aate."

chndoo: aapake kahane kaa matalab ab snjay datt jee ko yah apeel sveekaar karanee hee padegee?

jastis kaatajoo : kis tarah kaa betukaa savaal hai ye? apeel to gavarnar ko sveekaar karanee hai. mainne apeel kee aur gavarnar ne sveekaar kee, isamen snjay datt beech men kahaan se aa gae?

chndoo : aapake virodhee yah bhee kahate hain ki aap isalie apeel kar rahe hain kyonki snjay ek selebritee hain.

jastis kaatajoo : yah bakavaas baat hai. mainne isake pahale tamaam apeel kee hain. logon ko pataa naheen ki mainne gopaaladaas ke lie bhee apeel kee hai. mainne sarabajeet ke lie bhee apeel kee hai. mainne banavaaree laal, ashafaak chembooree aur raamajatan ke lie bhee apeel kee hai. ve to selebritee naheen hai.

chndoo : vaise sar, aap ye jo apeel kar rahe hain, aisaa kyon kar rahe hain? tamaam korts se nikal kar kes kaa faisalaa huaa hai. agar sab aise hee maafee kee apeel karate rahenge to kort kaa kyaa auchity rah jaaegaa?

jastis kaatajoo : yahee to samajhane kee baat hai lekin aap kaise samajhenge? aap to usee nabbe .... dekhiye, ye jo apeel kaa root mainne apanaayaa hai vah desh ke lie meree sevaa bhaavanaa se paidaa huaa hai. itane varshon tak nyaay prakriyaa se jude rahakar mainne dekhaa ki korts men mukadamon kee bharamaar hai. jajon ko samay naheen milataa. infraastrakchar kee kamee hai. kes varshon tak latake rahate hain. varshon ke baad faisale hote hain. aise men mukadamon kee snkhyaa kam karane kaa sabase badhiyaa tareekaa yah hai ki jab faisalaa ho to usake khilaaf maafee kee apeel faail karake mujarim ko maafee dilaa denee chaahie.

chndoo: isase kyaa haasil hogaa?

jastis kaatajoo : thodee der pahale to aapane kahaa ki soshal meediyaa vaale abhee tak bade bevakoof naheen hue hain.

chndoo: mainne samajhaa naheen?

jastis kaatajoo: main iseelie to kah rahaa hoon ki agar aap bevakoof naheen hain to fir meree seedhee baat aapakee samajh men kyon naheen aaee? aapako kyon samajh men naheen aayaa ki jab sajaa hone ke baad aapeel kee vajah se mujrim ko jel naheen jaanaa padegaa to log adaalat men yah sochakar jaanaa bnd kar denge ki kyaa faayadaa vahaan jaane se jab sajaa hee naheen hogee to? yah honaa shuroo hogaa to fir mukdame adaalat tak jaayenge hee naheen. aisaa huaa to nyaay-prakriyaa men 'lipta' logon ko raahat milegee. adaalaton par bojh kam hogaa.yahaan main kavi kailaash gautam kee kavitaa kee pnktiyaan kot karanaa chaahoongaa jinhonne likhaa thaa ;

kachaharee hamaaree tumhaaree naheen hai
kaheen se koee rishtedaaree naheen hai
....................................

kachaharee kee mahimaa niraalee hai bete
kachaharee vakeelon kee thaalee hai bete
................................................

khule aam katil yahaan ghoomate hain
sipaahee darogaa charan choomate hain
yahaan jhooth kee hee kamaaee hai bete
yahaan jhooth kaa ret haaee hai bete

ab aapahee bataaie ki meraa plaan kyaa buraa hai? kyaa main apeel indastree chalaakar deshasevaa naheen kar rahaa hoon? vaise aapane kailaash gautam ke baare men sunaa thaa pahale?

chndoo: haan, sar gautam jee ke baare men mainne sunaa hai. unakee kavitaayen bhee pasnd hai.

jastis kaatajoo : yah to kamaal ho gayaa. hamaare beech aise snvaadadaataa bhee hain to kailaash gautam ke baare men jaanate hain!!! achchhee baat hai ki aapane unake baare men sunaa hai. aur sheksapeeyar ke baare men bhee sunaa hai kyaa?

chndoo: haan sar, unake baare men bhee sunaa hai. fir aapane apanee daleel men sheksapeeyar jee ko kot karake unhen femas bhee to kar diyaa hai.

jastis kaatajoo : ve mere kot kiye jaane se femas hue, yah to mahaj snyog hai. vaise femas to mainne tulaseedaas ko bhee kar diyaa hai. meree is apeelee prakriyaa kee vajah se kabeer bhee femas ho gae hain. lekin muddaa maafee kaa hai, ye kots vagairah to mahaj tareeke hain.

chndoo: lekin sar keval lekhakon aur kaviyon ko kot karake apeel kaa maahaul banaanaa theek hai kyaa?

jastis kaatajoo : mainne keval kots kaa sahaaraa to naheen liyaa. mainne to yah khulaasaa bhee kiyaa hai ki snjay datt kee ab shaadee ho gaee hai. unake bachche ho gae hain. aise men unako ...

chndoo: lekin sar, shaadee ko kaee mujarimon kee hotee hai. bachche bhee hote hain. to kyaa is tarah ke saare mujrim sajaa hone ke baad chhod die jaayenge?

jastis kaatajoo : lekin har shaadee-shudaa aur bachchon vaalaa mujrim ektar to naheen hotaa n. doosaree baat yah hai ki snjay datt ke pitaa jee aur maataajee ne samaaj sevaa kee hai. ve sainikon kaa manornjan karate the. snjay datt ne khud munnaabhaaee jaisee film karake desh ko gaandheegeeree kaa mahatvapoorn siddhaant diyaa hai. unhonne pooree duniyaan men medikal profeshan ke lie jaadoo kee jhappee jaisaa ek paath-breking ilaaj diyaa hai jo har marj men faayademnd hai.

chndoo : lekin sar, aap sabase kahate fir rahe hain ki aapane pichhale chaalees varshon men ek bhee film naheen dekhee. aise men ye yah munnaabhaaee jaisee film ko aage rakhakar aap baat kar rahe hain, yah kahaan tak jaayaj hai?

jastis kaatajoo : yah kis tarah kaa behoodaa savaal hai? yah tareekaa hai kyaa apane eldars se baat karane kaa? agar is tarah kee bevakoofee vaalee baaten karanee hai to main intaravyoo chhodkar chalaa jaaoongaa.

chndoo: maaf keejiye sar ...

jastis kaatajoo : aise kaise maaf kar den? main maafee dilavaataa hoon, maaf karataa naheen. aur fir munnaabhaaee dvaaraa pratipaadit saare siddhaant kyaa deshahit men naheen hain?

chndoo : aap kahate hain to yah sahee hee hogaa. vaise meraa ek savaal yah hai ki ye aapane jo apeel indastree kholee hai, use kyaa aur vyaapak karenge? kyaa aanevaale samay men ham usakaa failaav dekhenge?

jastis kaatajoo : jaroor dekhenge, kyon naheen dekhenge? abhee mere saath majeed meman jude hain. aanevaale samay men aur log judenge. meree ichchhaa hai ki akhil bhaarateey apeel mahaasabhaa kaa kaaryaalay har raajy aur har mahatvapoorn shahar men ho taaki aanevaale samay men jyaadaa se jyaadaa logon ko maafee dilaaee jaa sake. mujhe aashaa hee naheen balki pooraa vishvaas hai ki ek din is desh ke har us mujarim ko, jo aatnkavaadee n ho, kisee n kisee tarah kee maafee milakar rahegee.

chndoo : meraa agalaa savaal is kes se hatakar hai sar. soshal meediyaa men aapakee bahut aalochanaa ho rahee hai. aapane haal hee men kahaa thaa ki soshal meediyaa ko regulet kiye jaane kee aavashyakataa hai. to kyaa aap aisaa koee prastaav sarakaar ko bhej rahe hain?

jastis kaatajoo : jaroor bhejenge. aur meraa yah maananaa ki soshal meediyaa ko regulet kee aavashyakataa hai, bilakul sahee hai. doosaree baat yah hai ki soshal meediyaa ke lie kaanoon bane yah main isalie chaahataa hoon taaki us kaanoon ke tahat soshal meediyaa vaalon ko sajaa mile. jab tamaam logon ko us kaanoon ke tahat sajaa milegee to main unako maafee dil doongaa. to aap yah samajhen ki meree ichchhaa kaanoon banavaakar sajaa dilaane kee naheen balki kaanoon banavaakar sajaa dilaakar maafee dilavaane kee hai.

chndoo : aapane apanee daleel men marchent aof venis se porsiyaa ko kot kiyaa. shaaeelok ko kot kiyaa. tulaseedaas ko kot kiyaa. aise men ....

jastis kaatajoo : mainne inalogon ko isalie kot kiyaa ki aaj kee peedhee ko snskrit kaa jnyaan naheen hai. agar hotaa to mainne snskrit ke shlok kot karataa. ab aap hee samajhiye ki kahaa gayaa hai; "yeshaan n vidyaa, n tapo, n daann, jnyaann n sheeln, n guno n ...."

chndoo: sar ye kyaa kar rahe hain aap? is shlok kaa aapakee daleel se kyaa lenaa-denaa hai?

jastis kaatajoo : matalab ye ki aapako snskrit aatee hai? pahale kyon naheen bataayaa, main releevent shlok kot karataa. kyaa bevakoofee hai ye?

chndoo: sar, aapane sheksapeeyar, tulaseedaas, kabeer vagairah ko kot kiyaa aur jaisaa ki aapane bataayaa ki ve femas ho gae, lekin aapane hamaare samay ke kisee kavi ko kot naheen kiyaa. aisaa kyon?

jastis kaatajoo : main to chaahataa thaa ki main kavivar amar sinh ko kot karoon lekin tabatak ve jayaapradaa ke saath gavarnar se snjay datt kee maafee ke lie milane chale gae. isalie mainne disaaid kiyaa ki main unako kot naheen karoongaa.

chndoo : sar, aapane yah bhee kahaa hai ki aap salamaan khaan aur saif alee khaan ko bhee maafee dilavaaenge. kyaa aap aisaa karenge?

jastis kaatajoo : bilakul karoongaa. ab mainne apanaa jeevan maafee aur apeel indastree ko samarpit kar diyaa hai.

chndoo: lekin sar, salamaan khaan to shaadee-shudaa naheen hai aur saif alee khaan ke bachche naheen hain. in donon ne munnaabhaaee kee tarah koee mahatvapoorn siddhaant bhee naheen diyaa hai.

jastis kaatajoo : dekhiye salamaan khaan kaa gair shaadee-shudaa honaa hee meree apeel kaa aadhaar rahegaa. ki sajaa hone ke dar se unhonne shaadee naheen kee. udhar saif kaa shaadee-shudaa honaa meree apeel kaa aadhaar hogaa. ki unhonne kareenaa kapoor se shaadee kee jo raajakapoor kee ke khaanadaan se hain. aur fir saif alee khaan ne ejent vinod jaisee film kee jisamen usane bhaarat aur paakistaan ke aapasee snbndhon ko sudhaarane kee dishaa men mahatvapoorn yogadaan diyaa.

chndoo: sar, aapane hee kahaa ki aapane chaalees saal se koee film naheen dekhee. aise men ejent vinod ...

jastis kaatajoo : kis tarah kaa behoodaa savaal hai ye? aapane fir bevakoofee shuroo kar dee. main ye intaravyoo karoongaa hee naheen. main jaa rahaa hoon. get aaut from heeyar.

itanaa kahakar jastis kaatajoo uth gae aur kamare se baahar jaane lage. chndoo dar gayaa thaa fir bhee usane unake jaate-jaate ek savaal daag hee diyaa. usane poochhaa; "sar, aap abhee tak sheksapeeyar, tulaseedaas, kabeeradaas, maanik daas vagairah ko kot kar chuke hain. agar isase kaam n banaa to?

jastis kaatajoo jaate-jaate chillaakar bol gae ki ; "in sabako kot karane se kaam n banaa to fir main aoskar vaaild, barnaard shaa, o henaree, osolan moshaavaa, keets, gaalib ko kot karoongaa. ye samajh lo ki chaahe mujhe ratiraam chaurasiyaa ko kot karanaa pade lekin main haarane vaalaa naheen hoon. main kots ke sahaare snjay datt ko maafee ......."