agnigarbhaa hai daamodar

snbndhit kadiyaa-[1.]dam maaro dam aur naak men dam-1 [2] …dam le le ghadee bhar-2

kri shn ke ‘daamodar’ naam se sabhee parichit hain . pauraanik kathaaon men unhen ookhal yaa ped se baandhane kee vajah se unakaa naam ‘daamodar’ padaa. ‘daam’ yaanee rassee, rajju . poorvaanchal kee prasiddh ‘daamodar nadee’ yaa ‘daamodar ghaatee’ vaale ‘daamodar’ shabd ke saath yah vyutpatti naheen judtee. kuchh sandarbh ise ‘daamudaa’ bataate hain. jhaarakhand men maanyataa hai ki isakaa arth pavitr jal hai. nadiyon ko pavitr maananaa sanaatan bhaarateey aasthaa rahee . snskrit men ‘daaman’ kaa arth rassee, rajju hotaa hai . ‘daamudaa’ kaa is roop men koee arth naheen nikalataa . ‘daamudaa’ ko ‘daamodar’ kaa roopaantar maanen to is ‘daamodar’ kaa arth ‘daam’ se bndhe ‘udar’ se hat kar nikalanaa chaahie . ek maraathee sandarbh se pataa chalataa hai ki ‘daam’ santhaal bhaashaa kaa shabd hai . santhaalee bhaashaa atyant praacheen hai aur mundaa parivaar kee hai . yahaan bhoogarbh men koyale ke bhandaar hain . ‘daam’ kaa arth santhaalee men koyalaa hotaa hai . snskrit kee jmeen par isase ‘daamodar’ shabd banaa jisakaa arth hai koyalaanchal se nikalee nadee . dhyaan rahe, chhotaa naagapur ke ek kshetr ko ‘daamudaa’ kahate hain . koyale kee bahutaayat ko dekhate hue ‘daamudaa’ kaa arth nikalataa hai koyalaa pradaan karane vaalee bhoomi . damuaa bhee ek jagah kaa naam hai .

kinhee sandarbhon men pramaan mile hain jinamen ‘daamodar’ kaa arth agnigarbhaa kee tarah bataayaa gayaa hai . arthaat jisake garbh men koyalaa hai . ‘udar’ to spasht hai. daam men agni yaa koyale kaa hee bhaav nikal rahaa hai . mujhe asam, chhatteesagadh, udeesaa, jhaarakhand aur bngaal ke kinheen kshetron ke lie alag alag ‘daamudaa’, ‘damodaa’ shabd mile hai jinakaa arth koyalaanchal hai . jhaarakhand ke ‘damuliyaa’ kshetr men hee koyale kee shuruaatee bhandaar khoje gae the . bngaal ke mishanaree e.kaimpabel ne 1899 men snthaalee kosh banaayaa thaa, magar isamen ‘daamodar’ shabd kee pravishti naheen hain. yah bade aashchary kee baat hai. isake saath samasyaa yah hai ki daraasal yah bngaal ke puruliyaa kshetr men bolee jaane vaalee shaharee santhaalee kaa praatinidhik kosh hai. isamen apar daamodar vailee kshetr kee snthaalee bolee ko liyaa gayaa hai. jhaarakhand kee santhaalee isamen naheen hai. bngaal men muslim raaj hone ke kee vajah se faarasee shabdon ke hajaaron roopaantar isamen hain jinhen santhaalee kahaa gayaa hai. isamen ‘daam’ shabd hai, magar vah ‘dramm’ se nikalaa hindee, urdoo, faarasee vaalaa ‘daam’ hai jisakaa arth mooly hai. haan, ‘damaa’ shabd kaa prayog shvaas ke arth men bhee isamen milataa hai . aamataur par maanaa jaataa hai ki shvaas, shakti, dabaav, dhakkaa ke arth men dam shabd hindee men faarasee se aayaa . par santhaalee men is shabd kee maujoodagee se prateet hotaa hai ki snskrit ‘dham’ kaa svatntr vikaas ‘dam’ ke roop men mundaa parivaar kee katipay boliyon men huaa hogaa yaa fir indo-eeraanee mool kaa ‘dam’ shabd hee mundaa parivaar men daakhil huaa hogaa . kyonki kuchh vidvaan sudoor pashchimottar praanton tak mundaa bhaashaaon kaa vistaar dekhate hain .

taajjub yah ki jo snthaal samudaay ‘daamodar’ ko pavitr nadee maanataa hai athavaa any srot isamen agni, koyalaa jaise bhaav dekhate hain magar kaimpabel ke kosh men ‘daamodar’, ‘daamudaa’, ‘daamodaa’ jaise shabd hee gaayab hain. jabaki ‘dam’ dhvani vaale shabd jhaarakhand, bihaar, udeesaa, chhatteesagadh ke aadivaasee ilaakon men khoob hain aur isase milate julate naamon vaalee jo bastiyaan hain unake saath koliyaree, khadaan kaa rishtaa vibhinn sandarbhon se saabit hotaa hai. yah jrooree naheen ki ‘daam’ shabd santhaalee men nikal aae. sambhav hai yah aaryabhaashaa parivaar kaa bhee ho. khaas baat yah ki kaimpabel ke kosh men faarasee ke snthaalee roopaantar milate hain magar ‘daamodar’ jaise shabd kaa koee roopaantar naheen milanaa aashchary hai. isase aisaa lagataa hai ki isamen graameen aur ardhashaharee kshetron kee snthaalee ke shabd chune gae hain. theth yaa shaastreey snthaalee isamen naheen hai. yah to tay hai ki ‘daamodar’ kaa vah arth snskrit-hindee koshon se naheen nikalataa jisase usake nadeevaachee srot kee pushti hotee ho . haan, ‘daama+udar’ kee bahucharchit vyutpatti jroor milatee hai magar vah ‘daamodar nadee’ se mel naheen khaatee . hamaaree aadi bhaaropeey bhaashaaon kaa sambandh lagaataar janajaateey bhaashaaon se bhee banaa huaa thaa. bas, is dishaa men bahut kam kaam huaa hai. shabdon kee shinaakht to yoon bhee mushkil hai, kyonki janajaateey saahity kaa vidhivat adhyayan nahee huaa.

bhaarateey aaryabhaashaaon kee bhaarateey bhoobhaag men pasaree janajaateey bhaashaaon se ghanishthataa kee baat kaee staron par saabit ho chukee hai . aary-dravid bhaashaaon men rishtedaaree ko bhee isee sandarbh men dekhaa jaataa hai . hamaaree maujoodaa snskriti men khetee-kisaanee aur baagavaanee kee shabdaavalee ke mool men janajaateey shabdasampadaa hee hai . bhaashaavidon kaa maananaa hai ki vaidik kaal men pashchimottar seemaa praant men mundaa parivaar kee kuchh boliyaan prachalit rahee hongee . vidvaanon kaa kahanaa hai ki samoochee vaidik shabdaavalee men chaar feesad aise shabd bhee hain jinakaa prasaar yooropeey aaryabhaashaaon men naheen milataa . isase siddh hotaa hai ki vaidik shabdaavalee, tatkaaleen janajaateey shabd sampadaa se bhee samriddh huee hogee .

mumakin hai snskrit kee ‘dham’ dhaatu ke dam roop kaa vikaas mundaa parivaar kee bhaashaaon men bhee huaa ho aur eeraanee boliyon men bhee huaa ho . dham kaa dam roop bhaarateey boliyon men bahut lokapriy hai aur praayh aaryabhaashaaon se lekar dravid aur janajaateey boliyon men bhee yah najr aataa hai . ‘dam’ kaa arth hai shvaas, praanavaayu, jor, dhakkaa, dhaunkanaa, dabaanaa, kshan, kaalaansh, bhaap, dabaav, shakti, josh, vaashp, kheenchanaa, kash, senkanaa, vishraam, vaashpit vagairah vagairah . dhyaan rahe ye tamaam arth hindee ke kisee ek shabd men abhivyakt naheen hote . faarasee ‘dam’ kaa mool hai avestaa kaa ‘dam’ shabd hai . isakaa snskrit pratiroop hai ‘dham’ jisamen dhaunkane, foonkane, dhakelane, nishvaas aur foonk kar aag sulagaane kaa aashay hai . indo-eeraanee parivaar kee jyaadaatar bhaashaaon men jaise khotaanee, paarthiyan, faarasee, sogdiyan aur pahalavee men isakaa ‘dam’ roopaantar hee prachalit hai . snskrit,jed v yooropeey bhaashaaon kaa tulanaatmak karane vaale jarman bhaashaavid pro.ef bop ne athaarahaveen sadee men bhaaropeey dhaatu ‘dhm’ kee kalpanaa kee thee jisamen foonkane, dabaane kaa bhaav hai . pakornee isake lie dhem dhaatu bataate hain . unake mutaabik isamen dhaunkane ke saath saath dhool-dhunaa udne jaisaa bhaav bhee hai .dakshin-poorvee eeraanee jbaan paarachee men isakaa roop dhaman hotaa hai jisakaa arth hai havaa, vaayu. hindee men dhamman chamade se banee us jholee ( bhaathee ) ko kahate hain jise dabaane se bhattee men havaa pahunchatee hai. snskrit ‘dham’ men nihit foonkane, dhakelane kee kriyaa se shvaas lene ke aashay kaa shabd chaahe hindee men naheen banaa ho, par isake faarasee roopaantar dam men yahee saare bhaav hote hue shvaas lene kaa bhaav bhee prakat hotaa hai. hriday kaa kaam lagaataar foolanaa-sikudnaa hai jisake jrie nason men dabaav ke saath khoon daudtaa hai . ‘dham’ men nihit foonkane, dhakelane kee kriyaa kaa arthavistaar taakt, shakti ke arth men faarasee ke ‘dam’ men najr aataa hai. ‘dam lagaanaa’ yaanee jor lagaanaa hai.

“d loar daamodar rivar, indiyaa’ pustak men kumakum bhattaachaary ne ‘daamodar’ kaa arth agnigarbhaa (full of fire) bataayaa hai . aupaniveshak daur men jab british khojee ‘daamodar ghaatee’ men koyalaa khoj rahe the tab bhee is ghaatee ke sambandh men kuchh aise tathy saamane aae the jisase pataa chalataa thaa ki yahaan ki bhoomi se taap utsarjit hotaa hai, yahaan tapt koyalaa dabaa huaa hai . daamodar nadee men yahee bhaav hai – dhadhakate koyalaanchal kee nadee . angrejon ke dastaavejon men koyalaanchal ke kuchh shabdon par gaur karen-‘baraakar’ yaanee mukhy koyalaa khaan, ‘kaalee pahaadee’ yaanee koyale kaa pahaad, ‘angaarapatharaa’ yaanee taptaprastar (patthar kaa koyalaa ), ‘daamodar’ yaanee agnigarbhaa nadee . in sabhee naamon se yahee jaahir hotaa hai ki daamodar ghaatee kshetr, praacheen kaal se hee koyalaanchal ke roop men apanee pahachaan rakhataa thaa . ‘daamodar’ kaa mool naam ‘damodar’ rahaa hogaa . yah ‘dam’ vahee hai jo vaidikee ke ‘dham’ se aaryetar bhaashaaon men bhee gayaa . ‘damodar’ kaa roopaantar baad men ‘daamodar’ kee tarj par huaa . ‘dam’ ke ‘daam’, ‘daamoo’, ‘daamu’, ‘damodaa’, ‘damuaa’ jaise roop bhee saamane aae . ‘dam’ men nihit dhadhak, dabaav, taptataa, aaveg par gaur karen . jhariyaa kee jalatee khadaanon ke baare men ham sab jaanate hain . praacheen kaal men bhee is kshetr se bhoogarbheey gaise nikalatee rahee hongee . ‘dam’ shabd men gaiseey utsarjan spasht hai . ‘daamodar’ kaa nadee naam ghaatee ke naam par padaa hogaa . pahale yah samoochaa kshetr ‘damodar’ yaa ‘daamodar’ kahalaataa hogaa . ‘daamudaa’ yaa ‘damodaa’ naamon men chhupe koyalaanchal arth se yah spasht hai . baad men nadee ko bhee daamodar ( damodar ) snjnyaa milee .

ye safar aapako kaisaa lagaa ? pasnd aayaa ho to yahaan klik karen