ruaabadaar afasar thaa kabhee jamaadaar...

angrejo ke jmaane men hee mehataron / safaaeekarmiyon ke kaam kee nigaraanee karanevaale ko bhee jamaadaar kahaa jaane lagaa thaa aur gaanvon men yah shabd isee arth men abhee bhee sunaaee padtaa hai .

bhaarat men muslim snskriti ke prabhaav men jo shabd prachalit hue aur hindee samet tamaam hindustaanee bhaashaaon men aise tamaam lafj chal-fir rahe hai. jamaadaar bhee aisaa hee shabd hain. pahale muslim raaj aur fir angrejee raaj men sarakaaree karmachaaree hone ke kaaran jamaadaar kaa khaasaa rasookh thaa.

jmaadaar shabd banaa hai arabee dhaatu j-m se jisakaa matalab jisamen samooh, ikatthaa hone yaa bheed kaa bhaav hai. isee se nikale hain jamaa yaa jamaav jaise shabd jinakaa matalab hai samooh, jatthaa, adchan aadi. jamaa kaa matalab bachat kee raashi hotaa hai. isase hee bane shabd jamaakharch kaa matalab rupae-paise kaa hisaab aur jamaajathaa kaa arth dhanasnpatti bhee hotaa hai. mahaajanee paddhati men hisaab-kitaab ke bahee-khaate ke aamadanee vaale kolam ko bhee jamaa hee kahaa jaataa hai. yahaan bhee ekatrit hone yaa samooh kaa bhaav pramukh hai. isake baavajood is jamaa se jamaadaar shabd naheen banaa. jaanch, talaashee aadi ko bhee hindee men jamaatalaashee kahaa jaataa hai. magar isakaa jamaa se koee lenaa-denaa naheen hai. sahee roop men yah jaamaa-talaashee hai jisakaa matalab hai paridhaan kee talaashee. pakade jaane par sabase pahale chor yaa jeb katare kee jaamaatalaashee hee hotee hai.

arabee dhaatu jam se banaa jamaaat jise hindee men jamaat bhee kahaa jaataa hai. isakaa matalab hotaa hai kataar yaa pnkti . madarason men lagane vaalee kakshaaon ko bhee jamaaat yaa jamaat hee kahate hain. isee dhaatu se banaa hai jaamiyaa shabd jisakaa matalab bhee samooh, sabhaa, kaanfrens aadi hee hotaa hai. jaamiyaa-milliyaa vishvavidyaalay ke naam men isakaa arth spasht hai. varg yaa tabake ke arth men bhee jamaaat shabd kaa istemaal hotaa hai jaise . musalamaanon ke dhaarmik samaagam men baahar se aane vaale shraddhaaluon ke jatthe bhee jamaat ( tableegee jamaaat ) hee kahalaate hain aur fauj kee tukadee ko bhee jamaat kahate hain. kul milaakar vahee samooh vaalaa bhaav ubhar rahaa hai.

jmaaat shabd men faarasee pratyay daar judkar banaa jamaaatadaar . arthaat kisee jatthe, samooh kaa mukhiyaa. muslim shaasan men jamaaatadaar sarakaaree sevak hee rahaa . aamataur par jamaaatadaar faujee afasar rahaa magar raajasv vasoolee karane vaalaa pramukh kaarindaa bhee jamaadaar kahalaataa rahaa. gauratalab hai ki vasoolee kee kriyaa men jamaa karane kaa bhaav bhee hai iseelie lagaan ko jamaa bhee kahaa jaataa thaa. fauj men jis afasar ke maatahat ek tukadee yaa jamaat rahatee use jamaaatadaar kahaa jaataa. angrejee raaj men bhee jamaaatadaar british fauj ke us hindustaanee afasar ko kahaa jaataa thaa jisake maatahat sipaahiyon kee ek knpanee rahatee . ise seknd leftinent kahaa jaa sakataa hai. bolachaal men yah shabd jamaadaar men tabdeel ho gayaa. baad men doosare mahakamon men bhee mukhiyaa pad ke lie yah shabd chal padaa. angrejo ke jmaane men hee mehataron / safaaeekarmiyon ke kaam kee nigaraanee karanevaale ko bhee jamaadaar kahaa jaane lagaa thaa aur gaanvon men yah shabd isee arth men abhee bhee sunaaee padtaa hai .. [snshodhit punarprastuti]