bhaarateey snskriti men vanaspati kee mahimaa anupam hai. prakriti ke is adbhut sundar paksh par hamaare maneeshiyon ne bahut chintan kiyaa aur vanaspati ko eeshvareey darjaa diyaa. magar manushy ne sahajeevan kaa mahatv kabhee naheen samajhaa . lagaataar nasht ho rahe vanaspati jagat kee rakshaa ke lie saalaanaa vrikshaaropan parv jaise dikhaavatee anushthaan kiye jaate hain, magar sochane vaalee baat yah hai ki atynt praacheenakaal men jab samoochee prithvee vrikshaachchhaadit thee tab bhee vrikshotsav manaae jaate the.
ye jaananaa dilachasp hai ki vriksh shabd kee vyutpatti se jaahir hotaa hai ki us par 
kulhaadee chalanaa to usake janm ke saath hee tay ho gayaa thaa. vriksh shabd kaa mool arth hai ped yaa vriksh khaasataur par vatavriksh ke lie bhee sirf vriksh shabd chalataa hai. isake alaavaa kaatane vaalee chhotee retee . vriksh se hee hindee-raajasthaanee kaa roonkh, roonkhadaa yaa rooksh jaise shabd bhee bane hain. vriksh banaa hai vrashch dhaatu se jisakaa arth hotaa hai kaatanaa, chhaantanaa, vibhaajit karanaa, jakhmee karanaa aadi. vriksh men va+ri+ksh shaamil hain. gaur karen ki v varn men aavaas, nivaas kaa bhaav shaamil hai. vriksh aadikaal se praaniyon ke praaniyon ke aavaas rahe hain. pedon kee shaakhaaon par, lataaon par, kotaron men hajaaron tarah ke praanee nivaas karate aae hain. manushy tak sadiyon se aavaas ke taur par pedon kaa aashrit rahaa hai. baad men pedon kee lakadee par vah pooree tarah aashrit ho gayaa. ri men jaane, badhne , chunane ke saath saath gherane, failane , dhakane aur chhupaane kaa bhaav bhee shaamil hai. raah, raastaa, reeti 
jaise shabd yahee jaahir karate hain. vritt men jo gher yaa golaaee vaalaa bhaav hai vahee vat men bhee hai. iseelie vatavriksh sarvaadhik golaaee vaalaa ped kahalaataa hai. ksh varn men nihit vistaar kaa bhaav vriksh men sahaj hee samajh men aataa hai magar ksh men hee kshati kaa arth bhee samaayaa hai.
svaal uthataa hai vriksh ke arth men kulhaadee yaa aaree kaa kyaa bhaav ho sakataa hai ? mujhe lagataa hai ki pedon kee bharapoor badhvaar ke lie usakee kataaee-chhntaaee karane jaisaa jnyaan to vanaspatiyon ke saath sahajeevan ke shurooaatee daur men hee maanav ne arjit kar liyaa thaa. praacheenakaal men jitane saghan vanakshetr the unakee kataaee-chhntaaee kie binaa unase hokar gujranaa nishchit hee asnbhav thaa. snbhavath iseelie vriksh ke arth ke saath kataaee chhntaaee jaise bhaav bhee judte chale gae. ab ye kaal kee leelaa hai ki vrikshon kee badhvaar ke lie kaam 
aane vaalee chhotee retee shaasanatntr ke bhaaree bharakam masheenee kulhaadon men tabdeel ho gaee. sirf maargon ke lie , raastaa banaane ke lie saghan vanon men vrikshon kee kataaee karane vaale samaaj kaa itanaa patan huaa ki ab vrikshaviheen sthaanon par maarg banaae jaate hain aur usake dono aur dikhaave ke lie ped lagaae jaate hain.
vrikshon kaa mahatv puraanon ke is ullekh se samajhaa jaa sakataa hai ki ek putr das jalaashayon ke samaan hai tathaa ek vriksh kaa ropan das putron ke samaan hai. ek faladaayee vriksh apane svaamee ko narak men jaane se bachaataa hai. vrikshon ke boote apane vasuon ko paalane vaalee hamaaree prithvee kaa vasudhaa kahalaane kaa gaurav hamane use vrikshaviheen karake chheen liyaa hai . kyaa hamane khud apane lie narak kaa bndobast naheen kar liyaa hai ?
Friday, May 2, 2008
apane narak kaa bndobast
Subscribe to:
Post Comments (Atom)
pooree soochee 
5 kaments:
ajit bhaaee , vriksh par vistrit jaanakaaree ke saath vyaakhyaa karataa ye aalekh bahut achchhaa lagaa.
ham jahaan rahate hain usee ilaake ke paas ek saghan vrikshon se aachchhaadeet ilaakaa hai jahaan jo ped hain ve
jab se ye dharatee banee hogee , tabhee se , ye atal khade hain vahaan din men bhee andhakaar rahataa hai aur
dhoop aatee hai vo bhee pattiyon se
chhan chhan kar ..
aur haree aabhaa dekhate hee banatee hai -
ped lagaanaa puny kaa kaam hai . sneh,
-- laavanyaa
sabhee dharmo me bhee vrixo ke mahattav ke baare me seekh dee gayee hai,
hindu dharm me to anginat ped pooje jaate hai.
aur chipko aandolan kee photo lagane kaa aabhaar,
jald hee swapandarshi me Guaraa Devi aur unakee saathino par , chipko ke itihaas par ek article dekhiyegaa. ittefaak kee baat hai, ki kchh dino se mere man me bhee baar-baar chipko kee cheeze baar baar aa rahee hai. vaise bhee meraa bachapan chipko andolan ko bahut nazdek se dekhate beetaa hai.
ek muslim mitr se kaee saal pahale pataa chalaa ki islaam ka hara rang , vaastav me "sabz" hai, yaanee ped-podho kaa rang. Kuraan me bhee jannat ko sabz rang kaa hee bataayaa gayaa hai. aapakaa title padhkar mujhe apane un baraso puraane mitr kee yaad aa gayee, jinse meri dhram ko lekar badee teekhee bahas huyaa karatee thee.
vo sunaa hai n bade ped ke neeche kauee nayaa ped nahee ugataa ,bas jee praane ped ukhaade jaa rahe hai aur simented ped lagaaye jaa rahe hai jee :)
apane lie narak.........!
aapakee chintaa jaayaj hai.
vasudhaa kaa vaibhav chheenakar svarg kee kalpanaa
aakaash-kusum ke samaan hee hai.
vriksh dharatee ke dhan hain . unakaa sab par badaa rin hai.
lekin aajakal karjdaar to bahut naashukre
ho gaye hain . aapakee yah post sochane-samajhane kee
dishaa de rahee hai........kahate hue ki ......jaagate raho !!
===================================
aabhaar
daa.chndrakumaar jain
aaj bahut dinon baad safar par nikalee hoon ,aate hee dilodimaag ko chhoo lene vaalee post padhne ko milee ,isake liye bhaaee ko dhanyavaad .... !!laavanyaajee aapase thodee see jalan ho rahee hai ... ,itanee sundar jagah par aap jo rahatee hain !! main soch men pad gaee hoon ki mainne ye najaaraa dekhaa hain kaheen..? haan ,yaad aayaa muraadaabaad men .... vahaan kaee aise sthaan the jahaan dhoop paton se chhan kar aatee thee . harathalaa kolonee kee sadk ke donon oऱ ped lage the , jinake tane aapas men is tarah mile the maanon ek lambaa mndap banaayaa gayaa ho haraa - bharaa ...... post kaa antim chitr hraday vidaarak !!!
Post a Comment