kavitaa samay sammaan kee udghoshanaa

pahalaa kavitaa samay sammaan hindee ke varishthatam kaviyon men ek chndrakaant devataale ko aur pahalaa kavitaa samay yuvaa sammaanyuvaa kavi kumaar anupam ko diyaa jaayegaa. “dakhal vichaar mnch” aur “pratilipi” ke sahayog se hindee kavitaa ke prasaar, prakaashan aur us par vichaar vimarsh ke lie kee gayee pahal kavitaa samay ke antargat do vaarshik kavitaa sammaan sthaapit karane kaa nirnay snyojan samiti dvaaraa liyaa gayaa aur samiti ke chaaron sadasyon – bodhisatv, pavan karan, giriraaj kiraadoo aur ashok kumaar paandey – ne sarvasahamati se varsh 2011 ke sammaan chndrakaant devataale aur kumaar anupam ko dene kaa faisalaa liyaa. kavitaa samay sammaan ke tahat ek prashasti patr aur paanch hajaar rupaye kee raashi tathaa kavitaa samay yuvaa sammaan ke tahat ek prashasti patr aur dhaaee hajaar rupaye kee raashi pradaan kee jaaegee.

kavitaa samay sammaan har varsh 60 varsh se adhik aayu ke ek varishth kavi ko diyaa jaayegaa........ jisakee kavitaa ne nirntar mukhyadhaaraa kavitaa aur usake kainan ko pratirodh dete hue apane dhng se, apanee sharton par ek bhinn kaavy-snsaar nirmit kiyaa ho aur hamaare-jaise kavitaa-virodhee samay men nirantar sakriy rahate hue apanee kavitaa ko vibhinn shaktiyon dvaaraa anukoolit naheen hone diyaa ho. kavitaa samay yuvaa sammaan 45 varsh se kam aayu ke poorv men apuraskrit ek aise kavi ko diyaa jaayegaa jisakee kavitaa kee or, utkrisht snbhaavanaaon ke baavajood, apekshit dhyaanaakarshan n huaa ho. is varsh ke sammaan gvaaliyar men 25-26 faravaree ko ho rahe pahale kavitaa samay aayojan men pradaan kiye jaayenge.is varsh kee sammaan raashi bodhi prakaashan,jayapur ke saujany se pradaan kee jaayegee

kavitaa samay 2011: gvaaliyarh 25-26 faravaree

pooree duniyaa ke saahity aur samaaj men kavitaa kee jagah n sirf kam huee hai usake baare men yah mith bhee tejee se failaa hai ki vah is badalee huee duniyaa ko vyakt karane, use badalane ke lie anupayukt aur bhayaavah roop se aparyaapt hai. khud saahity aur prakaashan kee duniyaa ke bheetar kathaa saahity ko abhootapoorv vishvavyaapee kendreeyataa pichhale do dashakon se milee hai. ek arase tak kavitaa-kendrit rahe hindee paridrishy men bhee kavitaa ke saamane prakaashan aur pathan kee chunautiyaan kuchh is tarah aur is kadar darapesh hain ki hindee kavitaa se judaa har doosaraa vyakti usake baare men anavarat ‘snkat kee bhaashaa’ men baat karataa huaa najr aataa hai. lekin mukhyadhaaraa prakaashan dvaaraa prastut aur bahut had tak usake dvaaraa niyntrit is ‘chitran’ ke baraks blog, kavitaa paathon aur any vaikalpik mnchon par kavitaa kee lokapriyataa, aparihaaryataa aur asar hamen vivash karataa hai ki ham is bahuprachaarit ‘snkat’ kee ek kharee aur nirmam padtaal karen aur yah jaanane ki koshish karen ki yah kitanaa vaastavik hai aur kitanaa baajaar dvaaraa niyntrit ek mith. aur yadi yah saahity ke baajaar kee ek ‘vaastavikataa’ hai to bhee n sirf isakaa pratikaar kiyaa jaanaa balki us pratikaar ke lie jagah banaanaa, usakee nit nayee vidhiyaan aur avasar khojanaa aur unhen kriyaanvit karanaa kavitaa se jude har kaaryakartaa kaa - paathak, kavi aur aalochak – kaa saahityik, saamaajik aur raaj(naitik) karttavy hai.

dakhal vichaar mnch aur pratilipi dvaaraa kee gaee pahal “kavitaa samay” kaa udghaatan-aayojan 25-26 faravaree ko gvaaliyar men ho rahaa hai aur isakaa uddeshy in sabhee dishaaon men vichaar vimarsh aur kaarravaaee karane kaa hai. is do divaseey aayojan men ‘kavitaa ke snkat’ ke vibhinn pahaluon par jirah aur kavitaa paath ke kaee satron alaavaa kavitaa prakaashan ke vaikalpik avasaron par ek thos kaary-yojanaa ghoshit kee jaaegee.

sahabhaagitaa ke aadhaar par ho rahe is aayojan men bhaag lene ke lie deshabhar ke pachaas kavi-aalochakon kee sahamati praapt ho chukee hai jo snket hai ki is aayojan ko lekar hindee jagat men utsukataa aur utsaah hai aur ham is aayojan se kuchh thos parinaamon kee ummeed kar sakate hain. aagntuk lekhakon men jahaan ek or naamavar sinh, ashok baajapeyee, , veeren dngavaal, mngalesh dabaraal, naresh saksenaa, raajesh joshee, kumaar anbuj, leelaadhar mndaloee, madan kashyap, savitaa sinh, suman kesaree jaise varishth hain vaheen doosaree taraf vishaal shreevaastav, mahesh varmaa, pavan meraaj, sndhyaa navoditaa, jyoti chaavalaa jaise navaagntuk bhee shaamil hain. dillee ke filmakaar nitin pamanaanee poore aayojan par aadhaarit ek film kaa nirmaan kar rahe hain aur jayapur se aa rahe chitrakaar amit kallaa is poore aayojan ke dauraan kavitaaon par kendrit penting banaayenge aur jabalapur se aaye kalaakaar vinay ambar tathaa ashokanagar ke pnkaj deekshit kavitaa-postar pradarshanee lagaayenge. aayojan ke dauraan ek pustak pradarshanee bhee aayojit kee jaa rahee hai jisamen shilpaayan, pratilipi buks aur any prakaashanon kee kitaaben upalabdh rahengee.

( ashok kumaar paandey kee rapat )