dipak bharatadip kee shabd- patraika

       yah un tin yuva khiladiyon ko apana durbhagy hi manana chahiye ki baikhauf chal rahe maich fiksing jaise aparadh men kisi sanvaidhanik janch ejensi ke hastakshaep ka pahala shikar bane.  in tinon ne pahale kisi khiladi ko is aparadh men jel jate nahin dekha. kisi khakee vale ko kisi kriket khiladi ke ghar kee chaukhat par dand bajate hue nahin suna. inakee masoomiyat men kabhi khakee ka khauf nahin tha varan shvetavastradhariyon ka sanrakshan unhen devata ke aashirvad kee tarah lagata raha tha.  masoom hamane isaliye kaha kyonki in tinon khiladiyon ke khakee vastradhari surakshaaaprahariyon ke samane bina kisi prayas ke sare raj khol diye.  shatir aparadhiyon se pulis itani aasani se aparadh nahin ugalava pati.

    in tinon khiladiyon kee vajah se tanav jhel rahi unakee tim ke khiladiyon ko inakee giraftari ke bad khele gaye maich men har ka samana karana pad. anubhavi log usake khiladiyon ke khel par inakee giraftari ka tanav saf dekh sakate the.  baharahal itana tay hai ki maich fiksing ab itana aasan nahin rahane vala. doosari bat yah ki sanvidhan kee sarankshak sanstha pulis ka isamen hastakshaep ho gaya hai vah rukane vala nahin hai.  isase masoom dil vale naye  kriket khiladi jaroor darenge.

      purane kriket khiladiyon ne pulis ko stediyam men apani rakshaaa karate hue dekha hai. unake liye vah n to darshak hote hain n prashansak balki keval sarakar ke vetan bhogi unakee seva men rat rakshak hote hain.  yahi bhavana naye khiladiyon men ghar kar gayi hai. jab se desh men aantakavad badha hai tab se kriket maichon kee rakshaaa ke liye sthaniy pulis pranapran se jut jati hai.  yah alag bat hai ki in maichon se paisa kamane vale kuchh logon par aatankavadiyon ko bhi paisa dene ka sandeh hota hai.  videshon men baithe kuchh kathit aparadhiyon par maich fiksing yani satte se paisa kamane ke sath hi aatankavadiyon kee madad ka bhi aarop kee charcha anek  prachar madhyamoen par hota raha hai. sach kya hai? yah to kabhi samane nahin aaya par itana tay hai ki fiksing ka khel koee kamajor logon ka kam nahin rahane vala hai. 

    pahale bhi anek prakaran aaye par kabhi un par sanvaidhanik janch ejensi kee vakr drishti nahin gayi.  is bar dilli pulis dalabal ke sath maich fiksing pakadane ke liye jut gayi. sthiti yah ki dilli kee pulis munbaee se kathit aaropiyon ko utha layi.  pahale kaha jata tha ki pulis kee bajay kisi doosari ejensi se janch karayi jaye kyonki koee pulis doosare rajy jakar janch nahin kar sakati.  kabhi kabhi kriket ko niyantrait sansthaon se hi kaha jata tha ki tum kuchh karo.  fir kaha jata tha ki maich fiksing rokane ka koee kanoon nahanee hai.  inhin baton se naye logon meen maich fiksing karane kee pravritti badhi ho to aashchary nahin samajhana chahiye. dilli pulis ne apane parakram se yah to bata hi diya ki yah sab baten galat thi.  sattebaji rokane ke liye pulis ke pas kanoon hai. thagi rokane ka kanoon hai.  halanki anek rajyon men sthaniy pulis ne maichon par satta lagavane vale pakade hain par khiladiyon ko pahali bar pakad gaya hai.  doosari bat yah bhi thi abhi tak pulis any paranparagat aparadhon se jujhati rahi hai.  use yah manane men bahut samay laga hai ki is tarah maich fiksing bhi satte jaisa aparadh hai jisamen vah bina kisi upari aadesh ke apana parakram dikha sakati hai.

     ab ek bar agar is mamale men dilli pulis ne hastakshaep kiya hai to usaka prabhav  any rajyon aur shaharon kee pulis kee manasikata par bhi padega.  isaliye vah apane rakshait kriket khiladiyon par vah kabhi bhi vakr drishti dl sakati hain.  abhi tak mamale kee janch chal rahi hai.  anek log kah rahe hain ki isase maich fiksing rukane vali nahin hai.  jis tarah chor aur dakait pakade jate hai aur chhootane par  fir  unaka kam jari rahata hai par hamara sochana hai ki kriket men aisa nahin hoga.  kriket bhadrajanon ka khel hai. abhi tak maich fiksing bhi ek bhadr aparadh bana huaa tha magar pulis ke hastakshaep ne isakee paribhasha badal di hai.  sanbhav hai ki satoriye n mane aur naye khiladiaayon ko apane mohare banane ka kram banaye rakhen. ek dikkat unako aayegi vah yah ki unhen isake liye shaaatir aur aparadhi dimag ke khiladiyon ko chunana padega.  har samany kriket khiladi isake liye taiyar nahi hoga.  doosari samasya un khiladiyon ke sath bhi aayegi jo maich fiksing karate haine par pakade nahin jate.  unake pas paisa to khoob hoga par chain kee nind nahin so payenge. pulis ka dar achchhe khase kee nind haram kar deta hai.  maich fiksing bhi nahin chhod payenge kyonki unake aaka satoriye aisa karane nahin denge.

  kuchh vidvan kah rahe hain ki kunai men bhang nahin hai balki kunaa hi bhang vala hai. baharahal ab kriket khiladiyon kee maidan par har gatividhi par nazar rakhi jayegi. pulis ke anusar khiladiyon ne sattebajon ke anuroop gendabaji karane se poorv tauliya paint par latakane, shart ko oopar niche karane tatha hath par hath ferane ke sanket dene kee baten kahi thin.  isase hoga yah ki koee kiket khiladi agar kahin chhink dega, kabhi nak ragadega ya apane hi balon par hath ferega  to log samajhenge ki apane aaka satoriye ko sandesh de raha hai.  pahale fiksing ke aaropon ke karan hamane kriket dekhana band kar diya tha par ab yah dekhane ke liye kabhi dekhenge ki khiladi kaise kaise sanket banata hai.  pahale  yah janakar duhkh huaa ki hamane fiks maichon ko sach samajha par ab fiks mainchon ko dekhakar vyangy ka aanand lenge.  vaise bhi kriket maichon ko ab film kee tarah dikhaya jane laga hai.  aisa lagata hai ki maichon ke parinam kee patakatha likhi jati hai.  kisi kee likhi patakatha aanand uthane men harj hi kya hai?

   munbaee kee ek imarat dhah gayi.  usamen anek log hatahat hue. aath manjil vali us imarat ke dhahane se logon ka itani badi sankhya men hatahat hona hairan karane vala hai. is bare men anek janakariyan prachar madhyamon men dekhane ko mili.

vah imarat bina manjoori ke bani thi.

jamin van sanpada ka bhag thi.

nivasiyon ko makan muft men isaliye diye gaye taki kabhi rajy kee vakr drishti pade to rihayashi kahakar usake kadamon ko roka ja sake. matalab begharon ko vastu kee tarah upayog men laya gaya.

usamen ghatiya loha upayog men laya gaya.  buniyad kee lanbaee kam rakhi gayi thi.

is tarah kee anek baten samane aa rahi hain.  aankalan karane par yah samajh men aa raha hai ki use jaldabaji men logon ke bhale kee bajay jamin apane hisse men lane ke prayas men banaya gaya. anuman to yahi kiya ja sakata hai ki   pahale rihayashi banakar bad men use niyamit karakar fir vahin doosari badi imarat banakar adhik dhan banane kee koee yojana rahi hogi. shayad yahi karan hai ki sasta dhancha banakar pahale usamen majaboor log rakhe gaye.  unhen jamin hathiyane ke liye hathiyar banaya gaya.  kuchh logon ka kahana hai ki bharat manushy shram niryat karane vala desh hai. bharat men manushy shram sasta tatha sahaj sulabh hai. doosari bat yah ki yahan garibaon kee sankhya jyada hi hai. yahi karan hai ki garibaon ke kalyan ka vishaya  atyant lokapriy hai.  log roti ke liye majaboor hain.  roti pane kee lachari man mastishk kund kar deti hai. yahi karan hai ki garibaon ke kalyan karane ka nara kahin bhi diya jaye to bhid khinchi chali aati hai.  ek nara deta hai to bhid usake pas roti kee talash men aa jati hai. vahan khade khade thak jati hai to doosara nara lagata hai. fir vahan chali jati hai.  roti ke bad chhat pane kee lachari bhi kam nahin hai. vastra pana bhi kam majaboori nahin hai.  aise men agar koee muft roti, makan aur kapade ka nara de to fir usake pas logon ka hujoom aa hi jata hai.  manushy hi manushy ko vastu aur vishay banakar upayog karata hai.  sidhi bat kahen to jisake pas maya hai vah manushy hai jisake pas nahin hai vah vastu ya vishay hi ho sakata hai.  vah mayapatiyon ke liye kray vikray kee vastu ya charcha ka vishay hota hai.

dhahane se pahale vah imarat us drishy patal ka bhag thi jo hamare kathit vikas ka samagr roop hai.  jab bharat ke vikas kee tasvir dikhaee jati hai to anek badi imaraton ke drishy hi samane aate hain.  koee nahin dekhata ki in imaraton men samoochit samagri lagayi gayi ya nahin. vah anumati prapt hai ya avaidh!  anek bade shahar mahabade shahar ho gaye.  chhote shahar bade ho gaye. sabhi jagah imaraton ka jangal ban gaya hai.  bahumanjila imaraten vikas kee oonchaee ka praman hai. ham yah nahin kahate ki sari bahumanjila imaraton men buri samagri lagi hai. n hi yah kahate ki sabhi avaidh hain. saval yah hai ki yah sab dekhane vala kaun hai?  ham us imarat ko vikas ka vastavik roop mane to desh ke bhavishy kee bhayanak tasvir samane aa rahi hai.  vah imarat dhahi to log mar gaye par vikas ke kathit roop vala dhancha kahanee dhaha to fir kya hoga?  manushy antatah manushy hai.  use pashu pakshaiyon kee tarah samajha jaye ya shram kee vastu mana jaye par usake aacharan ka bahut mahatv hai. yah aacharan bhi tab tak thik jab tak usaka aarthik star thik hai par agar vah bigad to usaka man vishakt ho sakata hai. tab aparadho nka graf kitana oopar jayeg, yah alag se chinttan ka vishay hai.   manushy kee deh khatm ho jaye to thik hai par agar us deh men maujood man agar mar gaya to vah hinsak ho uthata hai.  mare man vale manushy aur pagal hinsak pashu men koee antar nahin rahata.

tin mah men bani imarat ka girana keval us sthan kee charcha ka vishay nahin ho sakata.  prachar madhyam bata rahe hain ki aise kaee sthan hai. yah sare sthan hamare vikas kee tasvir ka hissa hain.  aise men yah vichar to uthata hi hai ki aakhir hamare is vikas ka naitik aadhar kitana majaboot hai? usamen manushy man se paida kaunasi samagri lag rahi hai? usake majaboot hone kee kitani sanbhavana hai?

aakhiri bat yah ki bhautik vikas akela kuchh nahin hota. jab tak manushy ka adhyatmik vikas n ho vah is sansar men majabooti se nahin rah sakata.  vikas kee imarat kee majabooti ka roop usake bahari aakarshan se nahin varan aantarik dhanche se hai jo kisi ko dikhaee nahin deta par use sanbhale rahata hai.  us imarat ke girane se hatahat logon ke dikhaye gaye drishy atyant daravane the.  dil men itana dard paida hota hai ki sahanubhooti ke liye shabd dhanoodhana kathin ho jata hai. ek char varshiy ladakee kee aankhon men itani dhool thi ki vah use khol nahin pa rahi thi.  tab bhagavan se prarthana karane ka alava chara bhi kya ho sakata tha ki vah use jaldi thik kare.  baharahal dhahati imarat bikhare kee vikas kee ibarat likh gayi.