din men badee mez par postars aur kaagaz failaaye main dhoop peetee hoon . baareek maheen ilastreshnz . mere paas do maheene kaa samay hai . usake manyooskript ke shabdon ko main jeebh par ghulate mahasoos karatee hoon . har shabd ke arth teen chaar . talaashatee hoon gupt snket . shabdon aur vaakyon ke ooparee maayane ke bheetar bahatee nadee jo sirf mere liye kahee gaee hai . un arthon ke sndarbh khojatee hoon .
us din mainne kahaa thaa jaanaa chaahatee hoon kaheen azarabaijaan ,yaa peroo yaa fir kaahiraa kee kinheen tng galiyon men .
us din usane likhaa thaa us ladakee kee kahaanee jo kaheen naheen jaatee , jo sirf pooraa jeevan ek jagah bitaatee hai .
fir kahaa thaa mainne , chhitake huye dhoop men udaas rng aur udaas kyon lagate hain ?
us din usane likhaa thaa .. rng rng hote hain . von gog ke us kamare kee baat kee thee jahaan rng chatak dhoop se khilate the kisee khvaab men .
fir usane kahaa thaa , suno main 'ke' se zaraa zaraa nafarat karataa hoon .
aur mainne sunaa thaa , suno main 'ke' ko ab bhee naheen bhool paayaa hoon .
fir usane kahaa thaa ye ilastrshnz agar sahee n bane main inhen fenk doongaa .
mainne kahaa thaa jahannum men jaao .
shaam ko usane fon kiyaa thaa .
mainne poochhaa thaa , kahaan ?
usane kahaa thaa vaheen jahaan tumane mujhe bhejaa thaa .. jahannum men .
usake aavaaz kee hnsee mujhe lahakaa gaee thee . usane fon rakh diyaa thaa . mainne fon bahut der tak naheen rakhaa thaa . us din mainne dher saare skechez banaaye the . hairaan bhaunchak ladake kee , ek kataar men taalaab ke kinaare chalate battakhon kee , jngal ke chhor par ek akele ghar kee , moodee nikaale kachhuye kee , daudate choohon kee aur ant men do aankhen bas . meree ungaliyaan tadak rahee theen . raat ke baarah bajate the . mainne use fon kiyaa thaa ..
suno aa jaao .
usane kahaa , kyon ? mainne kahaa, isaliye ki meree gardan dukhatee hai , meree peeth akadatee hai , aa jaao .
meree aavaaz kee akad khatm ho gaee thee . usane fon rakh diyaa thaa . main so gaee thee ..thakee neend men .
15 comments:
ek film yaad aa gayee....jisame ek pentar ek saath do aurato ko pyaar karataa hai .....
aapakee kahaanee padhee thee.....par isakaa ant mujhe achchhaa lagaa....
oopar penting aapakee hee hai shaayad .....
pyaar ke rangon ki achchi chata bikheri...milat khilat reejhat khisat ...
hairaan bhaunchak ladake ne...jeebh par kuchh ghulataa mahasoos kiyaa ho shaayad...
behatar....
padh kar anand mila ...bahut suder... badhayee!
behatareen!
fir usane kahaa thaa , suno main 'ke' se jraa jraa nafarat karataa hoon .
aur mainne sunaa thaa , suno main 'ke' ko ab bhee naheen bhool paayaa hoon
sundar hai, rishton ko is tarah samjhna ... aur phir kahani ka ant ...manushya kitna bhi khud ko articulate karne ke bahane kare ... kitna kuch unarticulated choot hi jata hai... kya koi ise samajh sakta hai?
pahale barapakee pooree kahaanee padhate hain fir kamentiyaayengen ...
BAHUT SUNDAR
kuchh rishte bade ajeeb hote hai... kabhee kabhee vo, vo sab kuchh sun lete hai jo vo kahate hee nahee aur kabhee kabhee vo sab kuchh kah dete hai jo unhe sunanaa bhee nahee chaahiye..
thakee neend me aksar aavaaj kee akad kam hotee jaatee hai jaise kisee nashe kee khumaaree chadhatee jaatee ho aur dheere dheere insaan orijinal banataa jaataa ho...
dono ke beech kaa anakahaa samvaad pasand aayaa aur kahee gayee cheeje to behatareen hain hee..
kafi arse baad aapke blog par aaya aur ni:shabd hokar laut raha hu hamesha ki tarah..... kahne ke liye aap kaha kuch baki rakhti hain jo rakhti hai bas meh-susne ke liye hi to rakhti hain....
aur is mehsusne ke bad kuchh kahne ke layak kaha rah jata hai insan yaha
lekhan shailee men aate sakaaratmak badalaav kaa snket detee, pyaar ke anachhue ehasaas ko ukeratee, safal abhivyakti.
bas ?
... aage ?
atisundar! pooree padhvaao naa!.
aapako padhanaa ek khushanumaa anubhav hai. bahut se rngon ko apane men snjoee huee post ke saath ek behatareen chitr bhee dekhanaa achchhaa lagataa hai.
main chitrakalaa kaa vidyaarthee naheen hoon par isapar bahut padh chukaa hoon. yakeen maanen, aaj pahalee baar matees(main ise maatees padhataa hoon) kaa naam hindee men likhaa dekhaa hai. matees se kitane anabhijng hain hindee/angrejee jagat ke paathak. sabake lie pikaaso hee sab kuchh hai. vah aisaa pret hai jo beesaveen shataabdee ke parimndal par aisaa savaar huaa kee ab shaayad hee kabhee utare. khair...
aap chitr hameshaa chhotaa hee kyon lagateen hain. sach maanen, chitron ko badaa lagaane par bhee aapakaa kathy dabegaa naheen. baakee aapakee marjee. :)
kahaanee pooree padhnaa hai ..ye aadhee-adhooree ,ye kyaa baat huee .
Post a Comment