safeenaa e gme dil

kabhee aap ishq men pad jaate hain , kuchh padhate hain aur mohabbat ho jaatee hai . qurtul en haidar ko padhaa thaa jab das baarah saal kee rahee hoongee . aparamparaa ek patrikaa thee jisake sirf teen ank nikale . bade log jute the is patrikaa se aur isake chhapane se gharaiyaa snbndh bhee thaa jo khair mahattvapoorn naheen. bas itanaa thaa ki usake do ank hamaare ghar par the . pahale ank men ainee aapaa kee zilaavatan thee . us das saal kee umar men mujhe pahalaa ishk huaa. fir jahaan jahaan kahaan kahaan khoj kar unako padhaa .. unakee kahaaniyaan , unake kuchh upanyaas , aparamparaa ke doosare ank men riportaaj .

aap kisee lekhak ko pyaar karate hain to usake baare men umag kar baat karanaa chaahate hain , unakee likhee pnktiyaan aap hns kar ek pyaar bharee hairaanee se doosaron ke saath baantanaa chaahate hain . aap ishk men hote hain aur sabako bataa denaa chaahate hain . shabdon kee duniyaa ke chamakeele snsaar kee raushanee aapakee aatmaa men bharee hotee hai . hairaanee hotee hai ki doosare use dekh naheen paa rahe , shabdon ke jaadoo kee thaah naheen paa rahe . kaisee nazar hai ? kaisee aatmaa hai ? aur kaisee gareebee hai . kurtul ain haidar ke baare men baat karate hameshaa aisaa hee mahasoos huaa . lekin kaheen bhee unakaa naam liyaa , utsaah se chhalakate kitaabon kaa zikr kiyaa ..

oh , achchhaa ..aag kaa dariyaa haan haan , fir baat badal gaee... jaise koee deevaar khadee ho .

unakee "gardishe rnge chaman" paanch saat saal pahale padhee thee . kuchh bahut kuchh paagal huee thee . kuchh mitron se zikr kiyaa . is mugaalate men thee ki kurtul kee kitaab hai , kaheen bhee mil jaayegee . aise bholepan kaa tootanaa hee thaa . tab tak hindee saahity samaaj kee gareeb dishaahaarepan se vaastaa n padaa thaa . aag kaa dariyaa tak jo unakaa maignam opas samajhee jaatee hai , us tak pahunchane ke liye bhee kam takaleef naheen uthaanee padee . bhalaa ho shreeraam sentar kee pustak dukaan (afasos ab vo jagah bhee bnd huee )jinhonne minnat karane par kaheen se ek prati uthavaaee . ye kahaanee alag hai ki usakee chhapaaee , kaagaz kee kvaalitee sab , kaee kaee baar apane kngalepan men aapakaa dil tod den aur aap fir yaad karen ki kisee bhee aur videshee bhaashaa ke klaasiks kaise chamakeele saaj sajjaa men aapakaa dil judaate hain . khair , vo unake likhe ke prati meree agaadh anurakti hai ki us ghatiyaa kaagaz ke baavazood us duniyaa ne mujhe jakad pakad liyaa , chhoo liyaa . rnge chaman ab tak khoj rahee hoon. tamaam logon ko kah rakhaa , vaise log bhee jo us duniyaa ke hain. har jagah badee thndak dikhee aur mujhe is baat se hairaanee bharee takaleef aur n samajh men aane vaalaa gussaa .

aamer husain, taaeems litararee sappleement men likhate hain ki aag kaa dariyaa urdoo saahity men vo jagah rakhataa hai jo hispaanik saahity men van hndred eeyars aof solityood kaa hai . aur ye ki apane samakaaleen lekhakon, jaise milaan kunderaa aur maarkhez se unakee tulanaa kee jaaye to unake lekhakeey snsaar kee vrihattaa , unakee drishti , unakaa antaralok . samay ke paar aur usake pare jaataa hai . amitaav ghosh kahate hain ki vo beesaveen sadee kee sabase mahattvapoorn bhaarateey aavaaz hain . fir vo sabase mahattvapoorn aavaaz kyon hamen upalabdh naheen hai ? kyon jab ham mahattvapoorn kitaabon kee baat karate hain to kurtul kaa naam amooman us aasaanee se naheen liyaa jaataa ? kisee ne kabhee mujhe kahaa thaa ki vo urdoo kee hain , dont klem har aiz yor on (yahaan on matalab hindee saahity )

ek baar maine kisee se shikaayat kee thee kyon naheen unakee sab cheezen ek jagah ekatrit kee jaa sakatee hain . mujhe kopeeraaeet rools aur pablikeshan ke niyam bataaye gaye the . main naheen jaanatee unakee cheezon ke kopeeraaeets kisake paas hain, mujhe naheen pataa ki pablishing haauses un cheezon ko naheen chhaapataa jo kisee aur ne chhaapee hain pahale se . mujhe sachamuch in niyamon ke baare men kuchh naheen maaloom. main sirf ek adanaa paathak hoon jisako unake likhe se bepanaah mohabbat hai. main sirf ye jaanatee hoon ki un jaisee lekhikaa ke liye shaayad aise sab niyam tode jaa sakate hain aur is baat kaa kshobh ki main sirf adanaa paathak kyon hoon . main aise kisee samaaj kaa hissaa kyon naheen jahaan ek paathak kee haisiyat itanee mahattvapoorn ho ki kitaaben unake maang ko dhyaan men rakhakar muhaiyyaa karaayeen jaayen .

main yaad karatee hoon ki chaandanee begam, seetaaharan yaa gardishe rnge chaman me un hisson ko jahaan kahaanee khatm hotee hai aur loozalee strakchard baatacheet ke zariye vo hamen kaheen aur le jaatee hain , vahaan jahaan jeevan apanee snpoornataa men, apane kachche pakkepan men dhadakataa hai . un hisson ko padhakar kaee baar mujhe lagaa hai ki unase baat karanaa aisaa hee hotaa , agar mil letee to aur agar vo mujhe pyaar se , e ladakee idhar baitho ..kahateen .

net par khngaalate mujhe unake baare men bahut kuchh naheen milaa ..lekin razaa roomee ke unase milane kee daastaan milee, unakee kuchh audiyo links , yahaan bhee , kuchh unapar likhe puraane blog links mile ..yahaan

bas itanaa saa hee . kuchh din pahale zubaanabuks par seetaaharan kaa angrezee tarzumaa a seezan aof bitreyals dekhakar man prasann huaa thaa . is ummeed men hoon ki aise hee "kaare jahaan daraaz" aur "mere bhee sanamakhaane" kaheen mil jaayen .

unake baare men kuchh yahaan bhee padhaa jaa sakataa hai.

ye bhee takaleef kee hee baat hai ki net tak par unase snbndhit kitanee kam saamagree hai . ainee aapaa hoteen abhee, kahateen, achchhaa ladakee , too itanaa hee samajhatee hai?

shee vudnt haiv keyard a daim ..