gulamohar

kaalee daamar kee sadak
atee padee hai
jhare gulamohar ke foolon se
is dopaharee men
aao
chun len inhen
ye mausam
pataa naheen
kab beet jaaye
.............................................................

safed chaay kee pyaalee
aur laal gulamohar
jaise meree safed saadee
neeche laal paad
bas ek fool
kee kamee hai
aao
khons do n
mere baalon men
bas ek gulamohar

...........................................................
tapatee dopaharee men
samay thahar jaataa hai
daamar kee sadak
chamakatee hai peeth par padee
sarpeelee chotee jaisee
frok ke ghere men
gulamohar beenatee ladakee
kab badal jaatee hai
mareechikaa men
............................................

( oopar kee penting jyaarjiyaa o keef kee )

ham to seekh kar rahenge

aajakal mere sir par ek nayaa bhoot savaar huaa hai. main tairanaa seekh rahee hoon. bachapan se badee ichchhaa thee tairanaa seekhane kee. kabhee ek list banaaee thee ki kyaa kyaa seekhanaa hai. unamen ghud savaaree, sngeet , gaadee chalaanaa , tairanaa, chitrakalaa, skeeeeng , potaree, kaee cheezen shaamil theen

saal beetate gaye par inamen se koee snbhav naheen ho paa rahaa thaa. kabhee samay kaa abhaav , kabhee sikhaanne vaale kaa abhaav.


khudaa khudaa karake gaadee chalaanaa seekhaa. ab lagataa hai ki gaadee chalaane men aisee kaun see khaas baat hai.yahee hotaa hai jabatak koee cheez karanee naheen aatee tabatak utkat ichchhaa hotee hai use karane kee. par jab vo cheez karanee aa jaatee hai, turat ham use baayen haath kaa khel samajhane lagate hain.

khair abhee tairane ke saath aisaa naheen huaa hai. shaayad isaliye ki tairanaa seekhane kee prakriyaa abhee bhee jaaree hai.pahalee baar jab pool men gaee , tab reling pakad kar latakee rahee. jab bachche seekh rahe the tab unhen main thyoretikal seekh detee rahee thee. aashchary hotaa ki seekhanaa kyaa mushkil hai. bas haath aur pair hee to chalaane hain .harshil ne seekhaa nau saal kee umar men . paakhee ne shuruaat kee paanch saal kee umr se bachchon ke pool men flotars ke saath . ab maze men tairatee hai . harshil to khaasaa eksapart samajhataa hai apane aap ko . ab rol rivarsal ho gayaa hai.
pahale din paakhee mere saath thee . mujhe naseehat de rahee thee," mamaa sir paanee ke andar karo, aur jyaadaa. pair aise chalaao"

pahalaa din.....
pahalee baar jab pooraa sir andar kiyaa aur saaraa shareer paanee men tair gayaa aur jaise hee paanee ne shareer ko oopar fenkaa dar ekadam se kaafee kam ho gayaa. pahale din to bas yahee kiyaa . reling pakad kar sir paanee men aur shareer ko halkaa paanee men taitanaa mahasoos kiyaa.usake pahale paanee dekh kar dar lag rahaa thaa.

doosaraa din....
doosare din reling chhodanaa seekhaa. itanaa dar lagaa ki kyaa bataaoon . pair ke neeche thos zameen n ho to kitanaa asahaay mahasoos hotaa hai ye pataa chalaa. prashikshak ne ek baar aakar ekadam se mujhe reling se door dhakel diyaa. jo sabase pahalee pratikriyaa huee ghabadaahat kee . pair kaaboo men naheen the, koshish kee paanee men hee chal doon, bas reling haath men aa jaaye kisee tarah. ganeemat thaa ki chaar fut paanee hee thaa. lekin chulloo bhar paanee men bhee doobaa jaa sakataa ye pataa chalaa. dar aur jyaadaa badh gayaa.mendhak vaalee kahaanee ho gaee thee, pahale chaar fut koodaa fir teen fut fisalaa

teesare din ,
kam gaharaaee vaale taraf lagabhag beech men prashikshak ne khadaa kar diyaa .
" kndhe paanee ke andar karo fir dheere se sir neeche paanee men saans roke, pair se shareer ko aage thelo "
yaa khudaa reling bahut bahut door thee. ek tinake kaa bhee sahaaraa naheen thaa . prashikshak sar par savaar thaa. aasapaas mere jaise kaee log the,
dar ke baare men kyaa sochanaa. jaisaa kahaa gayaa vaisaa kiyaa.
"ab pair chalaao "
pair chalaanaa shuru kiyaa. yurekaa !!! reling haath men aa gaee thee . matalab itanaa to tair liye . aatmavishvaas ne zoradaar chhalaang lagaaee .
do baar, teen baar , chaar baar. har baar lagaa ab to ho gayaa . paanchavee baar pooraa shareer ghoom gayaa, ek ghulataniyaa,paanee munh ke andar, pair kaheen aur haath kaheen aur. badee mushkil se khade huye. aatmavishvaas ne daaeev maaree. bilakul tal par. isake baad paanee men shareer chhodane men har baar dar lagataa rahaa .
apane oopar badaa gussaa aayaa . ghar aakar bhee bade maayoos rahe. bachchon ne hausalaa badhaayaa. ye bhee kahaa ki tairanaa to itanaa aasaan hai aap dar kyon rahee hain.

chauthaa din....
aaj bahut himmat karanee thee . prashikshak ne kahaa aaj haath bhee chalaanaa hai . haath ke moovaments bataaye fir beech paanee men khadaa kar diyaa .
dil thaam kar badan ko paanee men chhod diyaa . pahale shareer halkaa hokar tair gayaa . fir pair chalaane shuru kiye. usake baad haath.
kuchh bhee sinakronaaeezd naheen thaa par shaayad kuchh sahee kar rahe honge kyonki jab paanee se sir nikaalaa to shuruaat ke jagah se kaafee kuchh door the. aaj kaa din achchhaa rahaa . yahee karate rahe aur paanee se dar khatm .

paanchavaa din....
ab mazaa aa rahaa hai . aaj bahut thak bhee gaye . shaayad ab sahee maayane men tair paa rahe hain .dillee door hai . jyaadaa gaharaaee vaale jagah se parahez ab bhee hai , par kam gaharaaee men dar khatm.

doston abhyaas zaaree hai. ek haftaa beet gayaa hai . agale hafte tak tairane kee takaneek men sudhaar honaa chaahiye. koee tips agar ho to bataayen
aage bhee aise hee koee naee cheez seekhane kaa iraadaa hai, par pahale ek kushal tairaak to ban loon

rsif ek aaeesakreem ke liye

meree nigaah tikee huee thee dheere dheere badhate hue anko par har pachchees kadam par ek kailoree aur .
paseene kee ek chhotee dhaar rgadan se hokar kndhon kee peshiyon ke raaste, reedh kee haddee par raastaa banaatee , badhanaa hee chaahatee thee .
abhee rsif das minat hue the . saans kuchh tej chalane lagee thee . saamane aaeene men ,anavarat ,ek lay se badhataa ek pair , fir doosaraa .
"sveeng yor aarms "
prashikshak kee aavaaj thee .
bolane men urjaa kharch naheen kiyaa .usee rftaar se se chalate chalate, halkaa saa sar hilaayaa .
kuchhek minat vah vaheen khadaa rahaa . meree rftaar aur lay ko naapataa taulataa . fir laut gayaa .
saans ab meree tej chal rahee thee . paseene kee dhaar , nadee ban chukee thee . reedh se hotee, chunachunaatee, siharaatee, neeche . binaa aasteen vaalee tee rshat badan par chipak gaee thee . baanhen paseene se nam . baal bndhe par bheege chidiyaa se sar par chipake . chehare paseene men nahaayaa, tamatamaayaa huaa .
kailoree kaauntar 185 par pahunch gayaa thaa . samay ,lagabhag saadhe athaarah minat .rftaar 7 ke aasapaas .
kitanee der aur , mere maalik !
aankhen ab saamane aaeene se hatkar kailoree kaauntar par chipak gaee theen . dimaag shoony . ab aur kuchh naheen soojh rahaa thaa . apane aap ko saamane aadamakad aaeene men dekhanaa bhee naheen .
185 se 200
200 se 215
225, 250
sau kadam aur . ab rftaar km karanee padegee . pair javaab de rahe hain . vaise bhee meree staiminaa kam hai .
naajuk hoon . shareer se naheen , man se .
fir bhee kitanee mehanat kar rahee hoon .
nahee, janaab ! main koee fitanes freek naheen hoon . par kyaa karen ek aaeesakreem ke liye itanaa kuchh to karanaa hee padataa hai . maanate hain n aap bhee .

...................................................................................................................................................................

( ye lekh "shabdaanjali men chhap chukaa hai)

intazaar kaa saleekaa

sochatee hoon
jab tak tum
naheen aate
is kamare ko
theek hee kar loon
khidakiyon par parde
kheench kar baraabar
hee kar doon

bikhare kaagaz
samet doon
apane baalon ko
joode men kas loon
aishatre men bikhare
sigaret ke tukadon se
aataa hai
tumhaare hothon kaa svaad
haan chakhaa hai mainne

is kamabakht
intazaar men
aur kyaa kyaa kar loon

dolatee hoon bechain
is kamare se us kamare
saans bharatee hoon
ek ke baad ek
saadee ke khonse palle se
tapak jaatee hai
muchadee see intazaar kee
ek aur ghadee

par jaanatee hoon
jab tum aaoge
main ho jaaoongee
ek jngalee billee
jhapat jaaoongee
tum par
kharonch daaloongee tumhaare chehare par
har lnbe pal kaa itihaas

fir n kahanaa
dobaaraa intazaar karane ko
ye nafaasat se intazaar
karane ke saleeke
mujhe aate naheen