puraanaa saal ,dubakaa kharagosh, beetaa samay

nootan varsh
dvaar khatakhataaye
aa jaayen ham ?



puraanaa saal
dubakaa kharagosh
beetaa samay



saantaa kee topee
misaleto kaa ped
tohafe saare



dhoom dhadaakaa
baarah baje kyaa ?
intazaar hai


rennadiyar
ghungharoo bajaataa hai
kairol dhun


naachate sab
khushee manaate rahe
kyon n roz


puraane patte
saa , gir gayaa saal
konpal footee


ginate rahe
ungaliyon pe ham
saal hisaab


sooraj bolaa
uth jaao bhee ab
naye saal men


kar len pran
fir naye puraane
is baar bhee


intazaar men
laayegaa saal kyaa
thodee see khushee


pichhalaa saal
ruthaa , itane bure
ham the naheen


gile shikave
chaadar ke andar
baandhee gatharee


fool khilaayen
titaliyaan rngeen
nootan varsh

kaanhaa

neele dnthal par
gulaabee pnkhudiyaan
sookhe patton par
giraa ek mor pnkh
kaheen sudoor van men
baansuree kee meethee taan

kautuk se kaan paate
bhayabheet mrigon kaa jodaa
kho jaataa hai kaheen van men

padmaasan men meraa shareer
goonjataa hai brahmanaad se
man ke antaratam kaksh men
yugal charan kamalon kee chhaap
dvaar hriday kaa khol
ekaakaar kar detaa mujhe
niraakaar men

aisaa kyon hai ?

aisaa kyon hai
ki kahane men
aur karane men
khaaee saa faasalaa ho
aadarshavaad japen
munh se
par jab vakt aaye
to baisaakhee thaam len
majabooree kee
jaroorat kaa
aur usake baavajood
bulndee bhar len
aavaaz men
aur kahen
aadarshavaad galat
thothe moolyon kee
zaroorat naheen

lapet len saafaa
siron par
sajaa len maur
pagadee par
aur kar den
ailaan
aaj kaa mooly
badal gayaa
ham hain naye yug ke
naye avataar
jahaan aadarshavaad
koree bhaavukataa hai
jahaan safalataa
sukoon hai
jahaan ant jarooree hai
prayojan naheen

aise kukuramutte bheed
betarah ug aaye hain
chaaron or
to fir aisaa kyon hai
ki aaj bhee
kisee gaandhee ke naam par
umad jaate hain aansoo
garv ke
kisee maartin loothar ke sapane
aaj bhee dete hain aakaash
udane ko

fir kyaa jarooree hai
is bheed kaa hissaa
ham bhee banen
kyaa ye prashn kabhee bhee
poochhaa hai aapane
khud se ?



aur ant men ek haaikoo

aadarshavaad
bichhaayaa sirahaane
sukoon neend

koko ,bobee , boris aur roket

bachapan kee ek bahut hee priy kitaab aaj yaad aa gaee. suneel jee aur jeetendr jee ne jab apane pyaare braando aur sindrelaa kee baat kee, to mujhe bhee apanaa koko yaad aayaa, jo aaj hamaare beech naheen hai. koko ke pahale bobee kee baat. aur agar bobee kee baat karen to boris aur roket kee baat kaise n aaye.
jab skoolee chhaatr the tab ek kitaab thee ,bobee boris aur roket, hamaare paas. motee jild vaalee, chamakate safed panne, pensil rekhaachitr aur pichhale do pannon par un kutton kee tasveer jo antariksh men gaye, laaeekaa , otvaazanaayaa aur any naam jo ab yaad naheen. tab un dinon ham ne kaee roosee kitaabon ke behad umdaa hindee anuvaad padhe, meeshkaa kaa daliyaa (shaayad lekhak n. nosov the ), nikeetaa kaa bachapan, bobee boris , vagairah
bobee boris aur roket , ye kitaab do doston kee kahaanee thee, boris aur genaa aur boris ke kutte bobee kee. boris aur genaa dinaraat anusndhaan men lage rahate. ek peepe ko roket banaakar aur apane pyaare kutte bobee ko antariksh yaatree banaakar ve koshish karate hain use antariksh men bhejane kee. prayaas asafal rahataa hai aur isee kram men ve bobee ko kho dete hain. bahut talaashane ke baavazood ve use khoj naheen paate. isee beech ghaayal bobee ko ek aavaaraa jaanavaron ke aashray men ghar mil jaataa hai. antariksh men kutton ko bhejane kaa sarakaaree anusndhaan chal rahaa hai aur kaee oonchee nasl ke kutton ko aajamaane ke baad ye nishkarsh nikalataa hai ki antariksh yaatraa ke liye jis tarah ke dhairy kee jaroorat hai vo sirf aavaaraa kutton men hee paayaa jaataa hai. usake baad bobee kee yaatraa "diler" banane kee shuru hotee hai. antariksh se safalataa poorvak vaapas aane par teevee par boris aur genaa use pahachaan lete hain aur unakaa sukhad milan hotaa hai.
kitaab itanee rochak thee ki ham use kaee baar padh gaye the. shailee mazedaar thee aur kahaanee men bachchon aur kutton kee maanasikataa kaa itanaa pyaaraa varnan thaa ki kaee baar badee teevr ichchhaa hotee ki kaash un bachchon see hamaaree jindagee hotee. hamaaraa jnyaan antariksh ke baare men bhee khaasaa badh gayaa thaa aur yooree gagaarin, vailenteenaa tereshkovaa jaise naam hamaaree zabaan par chadh gaye the .

baharahaal jo tasveer bobee yaani diler kee thee, vo jahan men kaid rah gaee thee. kaee saal baad jab harshil paanch saal kaa thaa, tab usakee jid par ham ek nau din ke behad pyaare se pille ko khareed laaye. harshil kaa tark thaa ki jab hamaare ghar kuttaa hogaa to vo kaee kaam kar diyaa karegaa, masalan subah baahar se akhabaar laayaa karegaa ( subah subah ye kaam kaun kare, is par kaee baar nokajhonk hotee ), usakee skool kee baig ko usake ajnyaanusaar sahee jagah par rakh diyaa karegaa, usake khilaune laa diyaa karegaa. aise tarkon se mujhe fusalaayaa jaa rahaa thaa. baap bete ne ye bhee aashvaasan diyaa ki mujhe pille kaa koee kaam naheen karanaa padegaa. use khilaanaa , ghumaanaa, nahalaanaa sab vo karenge.

jab vot aapake vipaksh men 2-1 ho to anjaam bataane kee kyaa jaroorat. khair pillaa aa gayaa aur harshil ne usakaa naamakaran 'koko " kiyaa. mere pitaa ne kahaa ki choonki ye harshil kaa bhaaee hai isaliye harshil sinhaa kee tarz par kuntal sinhaa, isakaa naam ho. kuntal aur koko, donon men saamajnsyataa thee so naanaa naatee ,donon kaa dil rakh liyaa gayaa. ye kuchh din baad pataa chalaa ki kuntal kumaar ,kuntal kumaaree hai, par tab tak hamaaree zubaan par koko jaayegaa, koko khaayegaa, vagairah aisaa baith chukaa thaa ki ise badalanaa ant snbhav naheen ho paayaa .

koko bahut bahaadur thee. bachapan men ek baar ek aavaaraa kutte ne usapar hamalaa kar diyaa thaa. tab maheene bhar usake ghaav par davaaiyaan lagaanaa, sirinj se use munh men davaaee khilaanaa ,ye sab aaj yaad aataa hai. jab chhotee thee to rooee kaa golaa lagatee kaee baar khaane kee tashtaree men , hadabadee men, munh ke bal gir jaatee. ham jab aofis se shaam ko ghar aate to harshil aur paakhee ke saath vo bhee ekadam hamaare oopar toot padatee. main sabako htaatee ,hnsatee, kahatee ruko to zaraa, dam lene do. kapade badal kar haath munh dhokar jab tak kamare se baahar aatee, koko dheeraj se daravaaje ke munh par baithee intazaar karatee. fir donon bachchon ke baad apanee baaree kaa intazaar karatee. bas ekatak mere chehare ko dekhatee aur aankh milane par halke se poonchh hilaatee, maano kah rahee ho,' koee baat naheen main kuchh der aur ruk sakatee hoon'
chaar baze usakaa biskit kaa samay tay thaa. chupachaap pichhale pnjon par khadee hokar maangatee. jab vah aise aatee, ham samajh jaate, chaar baj gaye. britainiyaa maaree gold ,usakaa priy biskit thaa. baad men ham us biskit ko koko kaa biskit kah kar hee bulaane lage the. isapar ek mazedaar vaakyaa yaad aa gayaa. koee mehamaan aaye the.unhen main chaay ke saath kuchh khaane kaa bhee pesh karanaa chaahatee thee par kuchh aisaa huaa ki us vakt kuchh bhee chaay ke saath naheen thaa dene ko ghar men, sivaay britainiyaa maaree gold ke. tre, chaay, biskit ke saath mez par. aagaman hotaa hai meree betee kaa. aur ekadam se bol padatee hai,
'are koko vaalaa biskit aantee khaayengee ' .
mehamaan kaa cheharaa dekhane laayak thaa. aur hamaaraa bhee.

is garmee men ,koko hamen chhod kar chalee gaee. jahaan use dafanaayaa, vahaan ped aur fool lage hain. hamaaraa ghar vahaan se dikhataa hai. usake jaane par harshil aur paakhee bahut roye. roye to ham bhee. aaj bhee kabhee kabhee neend men mere haath usake narm baalon ko sahalaate hain.
hamane bhee heeraaman kee tarah tab ek kasam khaaee, ab dobaaraa kisee jaanavar se itanaa pyaar naheen karenge.
(oopar kee ye tasveer koko kee hai. us kitaab men bobee bhee bilakul aisaa hee thaa.)

jannat yahaan hai

paanch din kee bhaagadaud ke baad saptaahaant kaa intazaar badee bekaraaree se rahataa hai. shukravaar kee shaam se hee lagataa hai ki ab mutthee men do din kaa khazaanaa hai, jaise chaahe kharch karo.
isabaar shanivaar ravivaar achchhaa beetaa. shanivaar ko mere baus kee donon betiyon kaa dillee ke trivenee kalaa sngam men arngetram thaa. gudagaanv se dillee jaanaa, do baar to sochanaa padataa hai par jab shanivaar kee subah unakaa fon aa gayaa to fir jaanaa tay hee kar liyaa. meree aath saal kee betee paakhee ko nrity aur sngeet kaa behad shauk hai. betaa ,harshil, khel men jyaadaa man lagaataa hai. isaliye jaane vaalon men main, mere pati, sntosh, aur paakhee the.
donon ladakiyon kaa bharat naatayam nrity itanaa sundar thaa ki teen ghnte kaise beete pataa hee naheen chalaa. ghar aakar paakhee ne elaan kar diyaa ki use bhee nrity seekhanaa hai. isake pahale vah penting seekh rahee thee aur ghar bhar men usake kalaakaaritaa ke namoone bikhare pade hain, kuchh to deevaaron par bhee. kisee kaa janmadin ho, koee tyauhaar ho, koee usakaa priy aayaa ho,ek minat men kaard haazir rahataa hai. kaee baar aise hee subah subah, jab skool kee chhuttee ho, mujhe aur sntosh ko ek kaard mil jaataa hai....

"mere pyaare maan paapaa ko,aapakee pyaaree betee kee or se jo aapako bahut pyaar karatee hai"

aise kaee kaard hamaare vyaktigat faaeels me snbhaal kar rakhe huye hain. mujhe pataa hai ki jab vah badee ho jaayegee tab hamaare liye ye hee sabase badaa khazaanaa honge.

mujhe yaad hai mere pitaa kee , bachapan men likhee huee ek chitthee. tab shaayad ve das gyaarah saal ke rahe honge. kaheen aasaam men koee jagah teetaagadh, shaayad. patr men to unhonne teetaabaar likh rakhaa thaa. koee pepar mil thaa shaayad vahaan. kuchh dinon ke liye vahaan the aur vahaan unakaa bilakul man naheen lag rahaa thaa. us patr men vaapas bulaane kee baat likhee thee. aspasht see bhaashaa aur hijje kee galatiyaan. tab ham bhee bachche the aur use padh kar khoob aannd liyaa thaa, khoob hnse bhee the. ye badaa mazedaar bhee lagaa thaa soch kar ki paapaa bhee kabhee hamaare jaise bachche rahe the. fir kuchh dinon baad maan ne ek tasveer dikhaaee thee. grup foto thaa, jisamen mere daadaa jee, unake bhaaee aur kuchh bachche. sab purush hee the us tasveer men. meree daadee kee mrityu bahut pahale ho gaee thee jab paapaa chaar paanch saal ke rahe honge.
tasveer men bade to kot pait aur british hait men hai. kinaare men ek behad maasoom aur sundar bachchaa ( aaj bhee bahattar saal kee umr men khaase haidsam hain) kameez, dhotee aur chamachamaate jooton men khadaa. maan ne hns kar bataayaa thaa ki ye paapaa hain. shaayad, joote naye dilaaye gaye the. aisaa paapaa bataate hain.

tab us tasveer ko dekh kar meraa baalaman achaanak bhar aayaa thaa. us bin maan ke bachche aur us galat salat hijje vaalaa patr kaheen ek saath jud gaye the. pitaa par bahut pyaar umadaa thaa. vaise bhee main unake bahut kareeb hoon. aaj bhee aise hee kabhee kabhee apane bachchon ko dulaar karate paapaa kee vo bachapan kee tasveer aur unakaa 'teetaabaara' vaalaa patr yaad aa jaataa hai.

khair, shanivaar achchhaa beetaa to ravivaar kyon peechhe rahataa. is baar ham nikal gaye sultaanapur bard sainkchuaree kee or. sardee abhee utanee to naheen pad rahee par fir bhee pakshee kaee dikhe. agale maheene tak shaayad aur bhee aa jaayen. jaate vakt aur lautate vakt bageechon se taazaa tode gaye meethe amarood aajabhee ghar ko sugndhit kiye huye hain. faarmahaauses ke deevaaron par laal, bainganee, safed bogan viliyaa ke jhaad behad khushanumaa lag rahe the. kheton men sarason kaa peelaa galeechaa, khushagavaar mausam, bachchon kee chahachaahat, neeche narm haree ghaas aur upar neelaa svachchh aasamaan. aur kyaa chaahiye.


omar khayyaam kee mashahoor rubaaee yaad aa gaee. usakaa hindee tarjumaa kahaan se khojoon .shaayad bachchan jee ne kiyaa hai. ab khojoongee lekin ek adanaa saa prayaas mainne bhee kiyaa, pnktiyaan sahee yaad naheen par jo bhaav yaad hain unake dam par ye pesh hai.........
(omar khaiyyaam ke prasnshakon se kshamaayaachanaa sahit )

"geeton kee pustak, shaakhon ke neeche

meethaa saa paanee ,do rotee ke tukade

pahaloo men tum ho to veeraanaa kyaa hai

mil jaayen ye sab to jannat yahaan hai"



(jise kahate hain litaral anuvaad ,vo naheen hai, bas bhaav hain...aur usadin kee meree manasthiti ko darshaate)

laaltoo jee ne kahaa "dhanyavaad pratyakshaa...