maayoos to hoon vaayade se tere

maayoos to hoon vaayade se tere

kuchh aas naheen kuchh aas bhee hai,
main apane khyaalon ke sadake

too paas naheen aur paas bhee hai.

dil ne to khushee maangee thee magar,

jo toone diyaa achchhaa hee diyaa.
jis gam ko taalluk ho tujhase,

vah raas naheen aur raas bhee hai.

palakon pe larajate ashkon men,

tasaveer jhalakatee hai teree.
deedaar kee pyaasee aankhon ko,

ab pyaas naheen aur pyaas bhee hai.

- saahir ludhiyaanavee

raat gulajaar ke sng kaat aayee, baabushaa

kuchh log bade saleeke se jindagee kee nabj ko thaamate hain. sahejate hain ghar ke kone, tarateeb se sajaate hain khvaab palakon par. sab kitanaa durust hotaa hai unakee jindagee men lekin ek roj jindagee uth ke chal detee hai aur aa thaharatee hai kuchh beehad, ast vyast, befikr alamast logon ke daravaaje par. kuchh is tarah jaise koee daragaah par thaur paataa hai. jidngee ko thenge par rakhane vaale logon ke aanchal men hee jindagee ko bhee panaah milatee hai. vo jab jab dard se saraabor hotee hai to ungaliyon se lahoo risataa hai pannon par aur n jaane kitanee roohen bheeg jaatee hain. kitanaa sahanaa padtaa hai n besaleekaa hone ke liye. usakee donon hatheliyon ko thaame hue baithee hoon aur dekh rahee hoon ki besaleekaa see is ladkee ne bhale hee kichan snbhaalanaa n seekhaa ho lekin kichan se lekar ghar kaa har konaa snbhaalane vaalon ko vo kis tarah ek aavaaj se snbhaale hue hai. kaun kahataa hai mohabbat se pet naheen bharataa, yahaan to rotee, paanee, davaa, daaroo sab mohabbat se hee chale jaa rahaa hai, bindaas chale jaa rahaa hai. aaj is vakt usakee hatheliyon kee garmee kee mahasoos karate hue, usakee rooh kee namee men doobate utaraate hue bade beman se yahee duaa detee hoon ki khudaa tere dard men koee kamee n rakhe.

aaj usee kee ek najm aas paas reng rahee hai. - pratibhaa

"naheen, tum 'maayaa' to naheen !
usake kaan kaa bundaa ho tum to, baabushaa
jo mahendar kee kmeej se lipataa padaa hai"
kahate hue nikal gayaa sadkon kaa maseehaa

raaten jo raat see naheen, sufaid see hain
ye dhundh hai, kuchh aur naheen, sigaret kee hai
kahataa hai, fefadon men naheen bhar sakaa tumhen
jalatee ho, koyale vaalee kachchee aag ho jaise
so yoon kiyaa ki saanson se baahar kiyaa tumhen
jo dhundh padee, kyaa gunaah hai, baabushaa ?

hah !

dhoop chadhte hee to bah jaaegaa ye naam meraa
kaar ke sheeshe pe likkhaa huaa yoon 'baabushaa'
haan, ab jaao tum to dhoondhoo alamaaree men
gumee kmeej jis pe ulajhaa hai ik bundaa
suno, ksam hai tumhe meree, yoon sare-mahafil
tadp ke ab n kabhee kahanaa tum, 'baabushaa'

bikharane kaa saundary

muskuraane lagate hain kofee ke mag
deevaaron par ugane lagatee hain dhadakane
daravaaje jaanate hain dil kaa sab haal
khidakiyon batiyaatee hee rahatee hain ghnton

khaalee sofon par khelate hain yaadon ke tukade
deevaar par lage kailendar ko lag jaate hain pnkh
jhukatee hee chalee aatee hain amalataash kee daaliyaan
ghar ke jaalon ko milane lagataa hai pyaaraa saa aakaar
jindagee se hone lagataa hai pyaar.

kalaaee ghadee mud-mud ke dekhatee hai beete vakt ko
reshamee parade kanakhiyon se jhaankate hain khidkee ke us paar
achaanak girataa hai koee bartan rasoee men
bhng karataa hai bheetar tak ke sannaate ko
farsh par bikharataa hai ek raag,

saaree aakulataa ko baanhon men bhar letaa hai
apanaa kamaraa
ulajhee alamaariyon men dhoondhate hue koee saamaan
mil jaataa hai kuchh jo khoyaa huaa thaa kabase
palaken jhapakaate hue binaa kahe gae shukriyaa
kaa pratiuttar detee hai alamaaree

kursee kaa koee siraa chupake se thaam letaa hai
aanchal kaa ek siraa
aur thahar jaataa hai vakt kaa koee lamhaa
farsh par bikharee huee kitaabon men ugatee hain shikaayaten
poore ghar men bikharaa huaa akhbaar kahataa hai
dekho, ise kahate hain bikharane kaa saundary

daravaaje par tngee ghntiyaan achaanak baj uthatee hain
kahatee hain ki ye kolabel kisee aur ke naheen
khud apane kareeb aane kee hai aahat hai.

sachamuch, cheejen tab cheejen naheen rah jaateen
jab ham unase laad lagaa baithate hain...

yoon aankh-aankh firanaa...

suno, maasoom, nirdosh , khaamosh aankhon men thahar jaane ko meraa bahut jee chaahataa hai...talaashatee firatee hoon aise theehe jahaan jindagee kee dhoop se jaraa see raahat mile. pal bhar ko hee sahee aise theehon men thaharane kaa apanaa ek sukh hotaa hai. tum samajhate ho naa?

to aaj kaa kissaa suno, aaj subah jaise hee main ghar se nikalee vo mere saamane se gujaraa. use dekhate hee main khil gaee. barabas hothon par muskaan tair gaee. vo bhee muskuraa diyaa. is muskuraane men aankhon kaa milanaa bhee shaamil thaa. ab ham donon raaston men the. apanee-apanee gaadiyon par. usakee aankhen mujhame kyaa dhoondh rahee theen pataa naheen lekin meree aankhon ko ek theehaa mil gayaa thaa. usakee aankhon men sharaarat bharane lagee. vo anadekhee karane kee koshish karataa, aankhen churaataa aur aisaa karate hue bhee usakee aankhen mujhe talaash rahee hoteen. gaadee kee raftaar usakee muskuraahat men chhup jaane ko betaab thee lekin usake saath rahane kee jid bhee.

jaane kaise hamaare raaste ek ho rahe the. ham har mod par ek saath mud rahe the. jaraa see jo main aankh se ojhal hotee, usakee aankhen mujhe dhoondhane lagateen aur jaise hee main dikh jaatee vo muskuraa detaa. ab ye khel khul chukaa thaa. vo der tak binaa palak jhapakaaye mujhe dekhataa rahaa aur main khilakhilaakar hns dee. mainne door se use haath hilaakar usakaa abhivaadan bhee kiyaa. vo thathaakar hns diyaa...

ham raaston men daudte rahe. usakee aankhon men yoon thaharanaa mujhe achchhaa lag rahaa thaa. aakhir ek mod par hamaare raaste badal gaye...vo muskuraate hue mud gayaa aur main bhee...najar padee ki jis mod se vo mudaa us mod par lagaa gulamohar sharaarat se muskuraa rahaa thaa...

mere kaanon men roj kee tarah kamaal gaa rahe the---

girataa saa jharanaa hai ishk koee
uthataa saa kalamaa hai ishk koee...

apanee maan kee god men baithakar kaheen jaate hue us dhaaee baras ke bachche kee aankhon men kuchh lamhon ke lie yoon thaharanaa...thaharanaa jindagee men thaa...

fir tum kyon kahate the ki tumhaaraa yoon aankh-aankh firanaa mujhe jaraa naheen suhaataa...bolo?

haraa...

kuchh jo naheen beetataa
samoochaa beetane ke baad bhee

aamad kee aahaten naheen dhnk paateen
intajaar kaa registaan

baad bheeshan baarishon ke bhee
baanjh hee rah jaataa hai
dharatee kaa koee konaa

bevajah haath se chhootakar toot jaataa hai
chaay kaa pyaalaa

sachamuch, klorofil kaa honaa
kaafee naheen hotaa pattiyon ko
haraa rakhane ke lie...