yaad ...

vo hr baar apane hee kisee chhoote hisse ke lie udaas hotee rahee ...
maan kee kokh men soyee thee jab goonjate the gird ve roomaanee nagmen yaa shaayad maan hee gunagunaatee theen apane ekaant men kaheen door jab din dhal jaaye "" aur usake man men goonth detee theen kisee doobatee saanjh kee laalimaa jo baad men aahistaa -aahistaa usake jeevan men ghulatee chalee gayee .
aankh khulee to rediyo kaa zamaanaa thaa . bhare-poore parivaar men god-god ghoomatee bachchee ghuttee kee tarah us daur ke sureele geet jazb kar rahee thee . dekhanaa seekhaa to deediyon ko "bindiyaa chamakegee " par thirakate dekhaa . aur samajhanaa seekhaa to fir kisee "ajeeb see shaam " ke saae aakar lipat gae usase .
"yoon hee tum mujh se baat karatee ho " kee khanak aur --" saat rng kaa sapaneelaa snsaar " use apane mohapaash men jakade rahaa .
"zindagee ke n samajh aane vaale safr " ke musaafiron kaa cheharaa usane kaee dafaa padhne kee koshish kee magar " zindagee kee pahelee " par-- "sapanon se aage jaane vaale raahee " hr baar nazar se ojhala hote rahe ....




vo shaam kuchh ajeeb thee ...

chitr-googal

maddham sur kee dopahar

aas-paas, gujrate vakt kee chahalakadamee men ek meethee dopahar karavat letee hai . din kaa , reshamee ujaas.... fisalataa .... chamelee ke ped kee haree pattiyon ko bhigotaa ,usakee chhaayaa men sustaate ujale foolon ke anbaar par boond-boond jharataa hai

kapot ke jode kee arddhachandraakaar udaan, neele aasamaan ke kainavaas par ubhar kar anaayaas... oonche ped ke kotar men, oonghee guturgoon ke saath khushk ho jaatee hai.gaalon par,dakkhinee havaa ke narm,mulaayam sparshon kee dulaar bharee chhaap...

eent par haree kaaee kee mahakatee kaaleen .... adhabeete itavaar kee khairiyat poochhatee huee

ekaant..ki jisamen apanen hone kaa ahasaas bhee maddham sur men bajataa hai


saavan , aakhiree saanson men nikhar , khoob itaraayaa . rukh badalatee dhoop, man kee khidkiyon se aatmaa ke bheetaree farsh tak bichh chalee ....use ,donon hatheliyon men thaamoon,rokoon ki lapet loon usase jism kaa, or-chhor .

solah-satrah baras pahale kisee kaintonment men tahalataa-ghoomataa samay...lahar-lahar badh aayaa

film kaa antim drishy, maanas par kaundhaa --

jaaved jng men shaheed ho gayaa
pachapan saal baad lndan men rooth bhee faut huee
binabyaahee