ramo praan me tum rame praan tum par---pathik jee

bachapan me sunee aur gaayee huee dhune kabhee bisaratee nahee hain . badee dhundhalee see yaad hai bas ek baar mere man me pathik jee maharaaj kee . magar unakee rachanaayen naanee v maan se bahut sunee bhee hain aur unake saath gaayee bhee . kahate hain jab do samay mil rahe hon us vaqt koee kaam nahee karanaa chaahiye . bahut se gharon me aaj bhee godhooli belaa me apane isht ke saamane deepak jalaayaa jaataa hai . jab ham nanihaal jaate the to vahaan badaa sundar niyam thaa- saanjh ke samay sab parivaar jan praarthanaayen gaate the-- pathik jee kee is kavitaa ko aaj blaag pe gunagunaane kaa man huaa,haalaanki dhun seemaa film ke geet kee hai magar koee upaay nahee--maan se jo svar sune ve kaanon me rach bas gaye--ab ise yoon hee gaate hai ham--


prabhu apane man me basaaoon tumhee ko
hraday me hradayadhan bithaaoon tumhee ko

kahee bhee rahoon par rahe dhyaan tum par
nikalate rahe yah virah gaan tum par
ramo praan me tum rame praan tum par
nirntar rahe jnyaan aur dhyaan tum par
sunoon mai tumhaaree sunaaoon tumhee ko
prabhu apane man me…--

yahee ek sveekaar meree vinay ho
vimal ho malin man sadaa dhyaan lay ho
tumhee se hamaaraa ye jeevan abhay ho
svachit chetanaa vritti mati prem may ho
har ek shvaans se ab pukaaroon tumhee ko
prabhu apane man me…--

tumhee ek jeevan ke aadhaar mere
parn devataa poojy saakaar mere
tumhee ek is paar us paar mere
mile ho mujhe prem avataar mere
jagat me dayaanaath paaoon tumhee ko
prabhu apane man me…--
pathik jee