ambapaalee

duhkh kee maun guhaaron par dvaar-dvaar baarate jnyaan kaa deep,batorate peedaa kee gathariyaan , tathaagat ek divas vaishaalee ke nikat aamravan men aa thahare . anek vyavasthit bhavan,praasaad,kootaagaar,upavan aur pushkarniyon se jagamagaataa vaishaalee nagar , un dinon dhan-dhaany poorn lichchhivee ganatntr thaa . nagar sajjaa v sughad vyavasthaa ke atirikt saundary jyoti ambapaalee kee upasthiti se aur bhee aakarshak , mohak prateet hotaa .
ambapaalee, jisanen tathaagat kee sharan praapt kar samaadhi kee uchchatam avasthaa kaa sparsh kiyaa, kahaa jaataa hai nagar ke raajodyaan men ek aamr vriksh ke neeche paaee gaeen thee . maalee ke haathon bachchee kaa laalan-paalan huaa v aam ke ped ke mool men paaee jaane ke kaaran naam padaa ambapaalee .

paalee jaise-jaise badee hotee raheen unakee saundary charchaa vaishaalee aur usake aas-paas basane vaale dhanikon ko apane mohapaash men baandhane lagee . poorn yuvatee hote hee use pradesh kee sabase sundar stree (janapad kalyaanee ) kahaa jaane lagaa . bade-bade lichchhivee saradaar usake roop snpadaa par ekaadhikaar karane ke lie laalaayit ho uthe . kuchh ne vivaah kaa prastaav bhejaa , kuchh ne pranay nivedan . dekhate hee dekhate param roopavatee ,nrity ,geet, chitrakalaa sahit anek vidhaaon men nipun ambapaalee sabakee chaahanaa ban gayeen . use praapt karane kee laalasaa se lichchhivee kshatriy aapas men vaimanasy paalane lage . jisake parinaamasvaroop pnchaayat dvaaraa ek anaath roopavatee stree ko nagar vadhoo kee upaadhi se vibhooshit kar yuddh kee sthitiyon ko kisee prakaar taalaa gayaa magar is nirmam nirnay ne ambapaalee ko us kee svatntrataa se vnchit kar ek ganikaa kaa jeevan jeene ke lie baadhy kar diyaa . aajeevan bhrasht abhijaaty varg ke raajakumaaron kee saajhee patnee banee rahane kee asahaneey vivashataa usake aanchal men girah ho gaee .

nagar kaa kuleen purush varg apanee is jeet par prasann huaa jabaki ambapaalee ke avachetan men kisee bhaaree uthal puthal ke snket ubhar rahe the. baaharee aadambar aur kaamanaaon ke rachaav ke baavajood usake man kee tahen bhakti aur jnyaan ke beej samete andar hee andar vyaakul theen
paalee apane jeevan men aane vaale parivartanon se anabhijny buddh ke vaishaalee aagaman par prasann hotee hai . tathaagat kaa usake nijee upavan men thaharanaa usake kalushit snsaar men uthane vaalee paavan lahar ke snket the . hraday men darshanon kee abhilaashaa snjoy aamrapaalee atynt saadhaaran vastron men bhagavaan buddh ke samaksh prastut huee . shaant chitt bhagavaan ke amrit vachan usake man kee jhulasee marubhoomee par barakhaa kee sheetal boonde ban barasane lage .

"tumhaaraa chitt dharmaabhimukh hai , yahee tamhaaraa sachchaa dhan hai, kyonki jeevnlok anity hai, ath: dharm ko chhodkar doosaree koee snpatti naheen ."tathaagat se dharmopadesh grahan kar paalee kaa hraday saansaarik vishayon se vimukh hone lagaa . man kee jadtaa guroo ke pavitr saannidhy se komal ho uthee . aatmonnati ke path par snbhavath yah usakaa pahalaa charan thaa . usane atynt vinamr bhaav se mahaamunee se praarthanaa kee -

" bhante ! bhikshu -sngh ke saath bhagavaan meraa kal kaa bhojan sveekaar kare ". sugat usakee shraddhaa dekh vah aatithy asveekaar n kar sake .

madhyaanh ke samay bhagavaan bhikshu sngh sahit ambapaalee ke ghar pahunche jahaan paalee ne svayn apane haathon se bhagavaan aur sabhee shishyon ko bhojan paros unakaa aadar satkaar kiyaa . isake pashchaat apane aamravan ko sadaa ke lie bauddh bhikshu sngh ko arpit karane ke udgaar prakat kiye jise bhagavaan ne maun se sveekaar kiyaa . kahate hain raajanartakee ambapaalee ke jeevan men yah nayaa mod thaa . ek aise maarg par chalane kaa aarambh jo tathaagat ke dikhaae prakaash se jagamagaa rahaa
thaa. moh,lipsaa,kaam,krodh se poornatayaa mukt ek nayaa janm . jyon tulasee ke bhaav--"sath sudharahin satasngati paaee.paaras paras kudhaat suhaaee " aage chalakar apane putr vimal, jinhen tathaagat kaa shishyatv praapt thaa, ke upadesh sun kar usane kesh katavaa lie aur sadaa ke lie bhikshunee ho gayee .

itihaas ke pannen aamrapaalee , bimbasaar v ajaatashatru kee prem kathaaen kahate hain . vaishaalee ko samraddh karane vaalee ganikaa kee chhavi aur prasngon ke saath ek aisee stree kaa roop varnan jisake kaaran us kaal men bhaaree raajanaitik badalaav hue .. isake vipareet bauddh saahity men use poornataa praapt bhikshunee kaa sammaanajanak sthaan praapt hai . shraddhaa, bhakti aur man kee virakti ke prabhaav se jisane any striyon ko bhee sngh men pravesh kaa adhikaar dilavaayaa . karunaa saagar bhagavaan buddh kee kripaa drashti se aatmaa ke vaastavik saundary ko pahachaane vaalee bhikshunee aamrapaalee nirntar saadhanaa maarg par chalatee rahee . apane baahy svaroop ko dhalate dekh buddh ke vachan doharaatee unhen saty maanatee kahatee rahee --

"tathaagat ke vachan kabhee mithyaa naheen hote
kadaleepushp kee kalee ke samaan rngavaale kabhee mere sundar daant the .vahee aaj jaraavasthaa men khndit hokar jau ke samaan peele rng vaale hain .
sundar mundaree aur svarnaalaankaaron se vibhooshit kabhee mere haath rahate the .vahee aaj jaraa ke kaaran gaanth-gatheele hain .
sundar,sukomal rooee ke faahe ke samaan kabhee mere donon pair the . vahee aaj jaraavasthaa men jhuriyaan padkar sookhe kaath se ho gae hain.

tathaagat ke vachan kabhee mithyaa naheen hote ."

( "kabhee meree kaayaa knchan thee ..." ahaa ! jindagee ke maee ank men prakaashit )

jab peelaa pattaa jharataa hai....ke . sachchidaannd

jab peelaa pattaa jharataa hai
haraa pattaa hnsataa naheen
vah sirf thodaa-saa kaanp uthataa hai
us faujee kee tarah
jo dekh rahaa hai
golee khaakar girate apane padosee ko.
sardee kee barfeelee chhuan se
jab foolane lagatee hain usakee nasen
dhyaan aataa hai use
niyati kaa rng hai peelaa
aur vah ho jaataa hai sunn.

aur peelaa pattaa sadtaa hai veg se
taaki vah ban sake haraa pataa
khilaa sake fool
agale basnt men
haraa pattaa naheen jaanataa kuchh bhee
marane ke baad aatmaaon ke
safr ke baare men.

hare patte kaa dukh peelaa-peelaa hai
peele patte kaa sapanaa haraa-haraa
isalie jab naujavaan hnsate hain
soorajamukhee khilate hain
aur.... haan, iseelie boodhon ke
aansoo jhilamilaate hain
maniyon kee tarah...

ke . sachchidaannd


kavitaa jo achchhee lagatee hai , man men ghar banaatee, baar- baar vaapas bulaatee ...


chitr- kaimare se

suno jikr hai kaee saal kaa..

gumasum dopahar chaitr kee buhaar laaee hai ustaad gulaam mustafaa khaan kee aavaaj ...yaad dilaatee ki vasnt dhale kaee din beete , faagun bujhe kaee roj ....

vo jo ham men tum men karaar thaa tumhen yaad ho ke n yaad ho
vahee yaanee vaadaa nibaah kaa tumhen yaad ho ke n yaad ho

vo naye gile vo shikaayaten vo maje-maje kee hikaayaten
vo har ek baat pe roothanaa tumhen yaad ho ke n yaad ho

koee baat aisee agar huee jo tumhaare jee ko buree lagee
to bayaan se pahale hee bhoolanaa tumhen yaad ho ke n yaad ho

suno jikr hai kaee saal kaa, koee vaadaa mujh se thaa aap kaa
vo nibaahane kaa to jikr kyaa, tumhen yaad ho ke n yaad ho

kabhee ham men tum men bhee chaah thee, kabhee ham se tum se bhee raah thee
kabhee ham bhee tum bhee the aashanaa , tumhen yaad ho ke n yaad ho

jise aap ginate the aashanaa jise aap kahate the baavafaa

main vahee hoon "momin"-e-mubtalaa tumhen yaad ho ke n yaad ho

momin

chitr- rajanee bhaargav jee ke kaimare se

kaun tarah se tum khelat horee

kaun tarah se tum khelat horee . svar - basavee mukharjee

chitr -googal saabhaar

sitaaron kee sajee mahafil n uth jaae ...ustaad gulaam mustafaa khaan

gjl sunate ,sahejate ... svar - ustaad gulaam mustafaa khaan


bahut bechain hai dil tum jahaan bhee ho chale aao
sitaaron kee sajee mahafil n uth jaae chale aao

tumhaaree berukhee ne yoon hamaaraa dil bahut todaa
usee dil ne tumhe aavaaj dee hai tum chale aao

udaasee kee haden ab chhoo rahe hai yaad ke nagamen
kaheen ham ban ke ek aansoo n bah jaae chale aao

suhaanee raat ab dene lagee loree jmaane ko
hamaaree aankh ko jhapakee n aa jaae chale aao

jraa saa ruk gayaa thaa hasarato kaa kaaravaan dil men
sitaare saath hee apane n le jaae chale aao





chitr- googal

knkar lagan kee kachhu dar naaheen..

sunate,sahejate ... daadaraa ... svar- rasoolan baaee

knkar lagan kee kachhu dar naaheen...




chitr-googal

nihaal-e-sabj jhoome hain gulistaan men ,sharaabee se ....

agavaanee

shahar ke oopar neele saaf aasamaan kaa shaamiyaanaa , man men binaa pnkh udne kee chaah , fijaa men ghule rafaakt ke kisse aur havaa men udtee gud pakane kee sondhee gndh kar rahee hai mukhabiree ki khushk ,thithurate mausam kaa mijaaj badalane koee nirntar badhaa aa rahaa hai hamaaree jaanib .
khidkee se dekhatee hoon sadk par bachchon ke kaee chhote dal ikatthaa hokar dvaar-dvaar dastak de rahe hain . meethee aavaajon men gurujanon kaa sahayog maangate hue unakee aankhen juganuon see jhilamilaatee hain .aas-pados ,jaan -pahachaana vaalon ko nimntrit karate .... ve sajaa rahe hain khule maidaanon ,snkaree galiyon aur makaan ke ahaaton men veenaapaanee - maan sarasvatee kee jhaankee . unake nanhe haathon se darshanaarthiyon ke maathe par kiyaa gayaa haldee kaa tilak aur diyaa gayee muththee bhar prasaad vasnt aagaman kee soochanaa hai .
vasnt jo abatak uneendaa baithaa thaa sudoor kndaraaon men , kohare kee nadee paar kar, murajhaae shishir kee pukaar par kheton , taalaabon ,kohasaaron par bade haule se utar aayaa hai . mausam kee ekarasataa todne ,baag - bageechon ke sheesh par lataaon,foolon kaa seharaa baandhane vah apane vastron par jame himakan angadaaee lekar bikherataa hai . dhoop kee gaadhee hotee parachhaaee usake pagachinh hain .

madhuban kee udaas beethiyaan buhaarataa rituraaj , rng aur gndh bharee kanakhiyon se kaheen kachanaar kee kaliyon men rng bharataa hai to kaheen khilaataa hai rookhee shaakhon par chnpaee fool . har gaanv,galee,mod vasnt kee shokhiyon kee charchaa sunaaee padtee hai --

milakar sanam se apane hngaam dilakushaaee
hnsakar kahaa ye hamane e jaan ! basnt aaee
najeer

kyaariyon men gendon kee paant muskuraakar dharatee par utare ritupati ko rijhaane kee koshish karatee hai .... upavanon men mudit man nrity karate mor use lubhaane kaa athak prayaas .chaaro taraf chhaayee suhaanee chhataa ko apane gird rokane, sahejane kaa man har praanee ke antas men umagataa hai .magar alamast vasnt kab ek thaur thaharaa ? vah to havaa ke jhoole par aviraam oonchee peng bharataa huaa jagat ke chappe- chappe par apanee upasthiti ukerataa chalataa hai. poorab -pashchim ,uttar - dakshin chaaron dishaaon ko apanee fool chhadee se snvaarataa vah sunataa hai taar saptak men koyal kee kook . titaliyon ke pnkh par viraajaa sair karataa hai bauraaee rasavntee amaraaiyon kee . kaviyon ke chhndon men saakaar hotaa kabhee-kaheen atak rahataa hai kuchha pal kisee udaas yaad men bhee -

yah udaas mausam aur man men kuchh tootataa saa
anubhav se jaanataa hoon vasnt hai ...
raghuveer sahaay

vasnt kee aamad ,usakee manohaaree chhaayaa, prakriti ke kan-kan se nithur dinon kee yaad aahistaa-aahistaa dhoomil kar detee hai . dhundh dhakee subahon ko madhumaasee gunagunaa prakaash dho-ponchh kar chamakaataa hai .... koee nanhee chidiyaa jharaberee par baithee dhoop kaa tukadaa chugate hue sabako jataatee hai --

chhaayaa saras vasnt vipin men, karate shyaam vihaar!
yuvatee janon ke sng raas rach ,karate shyaam vihaar!
jayadev

sajane-snvarane , singaar karane kee ritu vasnt , dharatee ke aanchal par take har nanhe boote ko foolane -falane, pallavit hone kee oorjaa pradaan karatee hai . kaiktas kaa knteelaa paudhaa ho yaa palaash kaa oonchaa ped . pathaar ke maathe sajee tesuon kee bndanavaar ho yaa maidaanon men foolee ,laharaatee sarason . vasnt kee hilor sab ko samabhaav se dulaaratee ,gudagudaatee gujratee hai . shaayar kee najr thaharatee hai -

yoon baar -e -gul se ab ke , jhuke hain nihaal-e -baag
jhuk-jhuk ke jaise karate hain ,do chaar yaar baat
meer
srrishti ke kan-kan men chhipee tapish ko apanee snehil chhuan se chatakh foolon men badal kar ,dharaa kaa shrngaar karanaa vaasntee dhoopeele dinon kaa hunar hai .usake ujaas men daal par kuhukatee kokilaa samoochee kaayanaat ko madhuritu kee shobhaa kaa madhur gaan sunaatee hai .sheetal-mnd ,surabhit bayaar mausam ke satarngee aanchal se khelatee it- ut ithalaatee dolatee rahatee hai aur bhnvare foolon ke adharon par gunjaar karate hue gunagunaate hain bahaar kaa geet .

bahaar aaee hai , gunche gul se nikale hain ,gulaabee se
nihaal -e -sabj jhoome hain gulistaan men ,sharaabee se

magar ye suhaanee chhataa kisee viyogee hraday men aboojh peer kaa sabab bhee hotee hai kabhee-kabhee . meer , behad shauk se jis bahaar par gaur karane kee baat karate hain rasakhaan, kee naayikaa ke man men vasnt ke usee anupam saundary se duhkh upajataa hai -

foolat fool sabai ban baagan bolat bhaunr basnt ke aavat.

koyal kee kilakaar sunai sab knt videsan te dhaavat॥
aise kathor mahaa rasakhaan joo naikahoo moree ye peer n paavat.
hook see saalat hai hiy men jab bairin koyal kook sunaavat ॥

vasnt sudh -budh khone ,reejhane -rijhaane aur pyaar karane kaa niraalaa parv hai . roothon ko manaane ,paradesiyon ko vaapas bulaane kaa . thnd ke bichhaune par aundhe pade hue din jab karavat lete hain vasnt chupake se unake kaanpate rukhsaaron par dhoop kaa gulaal mal jaataa hai . anjuree men peelee pnkhudiyaan samete bachche samavet svar men gaate hain -

kalush-bhed-tam har prakaash bhar
jagamag jag kar de !
var de, veenaavaadini var de
niraalaa




(ahaa !jindagee ke vasnt ank men prakaashit )