chhalaanga

jab se shaadee huee hai, shaanti chhai alag-alag makaanon men rah chukee hai. kiraaedaar kaheen makaan par kbjaa n kar le- is dar se koee makaanamaalik do-teen baras se adhik rahane hee naheen detaa. har makaan ke khidkee, daravaajon aur deevaaron kaa apanaa ek alag charitr hotaa hai jisake saath taalamel baithane men kuchh samay lagataa hai. aur jab tak insaan us charitr ke saath rahanevaale aaraam kaa koee sameekaran banaa paae, tab tak kiraaedaaron ke makaan se baahar hone kee baaree aa jaatee hai.

shaanti ko is makaan men aae lagabhag dedh saal hone ko aayaa. yah makaan shaanti ke rahe hue pahale ke sabhee makaanon se apekshaakrit badaa aur havaadaar hai. teen dishaaon men khulane vaalee badee-badee khidkiyaan aur ek kushaadaa baalakanee bhee hai. magar sabhee khidkiyon par lohe kee jaalee jadee huee hain yahaan tak ki baalakanee ke aage bhee lohe kaa ek bhaaree jngalaa lagaa ke use bnd kar diyaa hai. to baalakanee aur khidkiyon se havaa aur dhoop to aa sakatee thee magar kisee jaanavar yaa aadamee kaa aa paanaa naamumakin hai. kabootar- choohe aur gilaharee jaise chhote jaanavaron ke lie alabattaa koee rukaavat naheen hai. yah jngale aur jaaliyaan surakshaa ke najriye se pare shaanti ke lie badee pareshaanee kaa sabab raheen. pahale ke makaanon kee khidkiyon men bhee jngale the magar is makaan ke jngale kuchh jyaadaa hee saghan hain. aisee ki khidkee se baahar jhaankate hue najr baahar pasarane ke bajaae jngale se hee ulajh kar vaheen dam tod detee. ghar ke kaam-kaaj ke beech kuchh pal ke avakaash ke kuchh pal churaane ke lie ghar ke kisee bhee kone se baahar ke snsaar par najr ferate hue kabhee jo sustaatee to ek mukti ke bhaav ko praapt hone ke bajaay aur bandhan men bndhaa huaa mahasoos karatee. kabhee to use khud ke ghar ke bheetar kaid hone kaa ehasaas hotaa to kabhee use aakaash samet shesh snsaar ke jngale ke baahar bnd hone jaisee bhaav gras letaa.

doosare kaa makaan hai, kitane din rahanaa hai, kisee tarah din kaat lo aadi bhaavon se grast hokar shaanti apanee pareshaanee ko jbt karatee rahee. magar teen maheene pahale jab makaanamaalik se saamanaa huaa to shaanti ke man kee baat baahar aa hee gaee.

'aap ke makaan men sab achchhaa hai.. bas ye jngale nikalavaa deejiye! '

'kyon? '

'bahut ghutan hotee hai.. lagataa hai jel men bnd hain.. '

'kyaa baat kar rahee hain aap.. is se to badee hifaajt rahatee hai.. '

'hifaajt to jel men bhee badee rahatee hai.. '

makaanamaalik laajavaab hokar bhee hujjat karate hee rahe. lekin shaanti ke baar-baar aagrah karane par makaanamaalik ne agale maheene nikaal dene kee baat par vidaa lee. par shaanti ko dikh rahaa thaa ki vo vaaedaa kam aur taalanaa jyaadaa thaa. is baat ko lagabhag teen hafte gujr gae the jab kolonee men ek haadasaa ho gayaa.

shaanti imaaraton ke jis snkul men rahatee hai usee ke najdeek men ek naee bees mnjilaa imaarat roksee haaeets khadee ho gaee thee. pichhale chaar-paanch maheenon se usakee kuchh khidkiyon men battiyaan bhee jagamagaane lagee theen. pichhale hafte jab vo daftar se aa rahee thee to usane dekhaa ki roksee haaeets ke aage kuchh logon kee bheed jamaa hai jisake chalate traifik cheentee kee chaal par utar aayaa hai. usake skootar ke paas ruke motarasaaikil vaalon kee guftagoo par kaan dene se use pataa chalaa ki kisee naujavaan se imaarat kee baarahaveen majil se kood kar jaan de dee. is haulanaak khbar ke saath hee traifik men thodee halachal huee aur shaanti ko apane umad rahe jajbaat ko kinaare kar ke ghar kee dishaa men skootar aage badhaanaa padaa.

lautakar aaee to saare kolonee men isee haadase kee charchaa ho rahee thee. paarking men skootar khadaa karake ghar ke andar daakhil hone tak shaanti ko marane vaale kee kahaanee ke kaee snskaran sunane ko mile. aur agalee subah akhbaar men usee haadase kee surkhee thee aur tafseel bhee. khudakushee karane vaale naujavaan kee umar kul battees saal thee, ek bade baink kaa mainejar thaa, laakh rupaye ke oopar tanakhvaah thee, magar premavivaah karane ke baad talaak ho gayaa thaa. usake baad baink kee hee kisee jooniyar adhikaaree se prem karane lagaa thaa magar vo vivaahit thee aur apane pati ko chhodne ko taiyaar n thee. jis din yah haadasaa huaa vo mahilaa bhee usake saath flait men maujood thee. naujavaan din se lagaataar sharaab pee rahaa thaa to n jaane kis bhaavuk mauke kee uttejanaa men usane baalakanee se neeche chhalaang maar dee.

us din daftar men is maamale kee taarkik, naitik aur bhaavuk cheerafaad huee. kisee ne nae kism ke shaharee jeevan aur pashchimee moolyon ko dosh diyaa, kisee ne sharaab ko to kisee ne naujavaanee ko. ek saahab ne to had hee kar dee- unhone binaa jngale kee baalakanee ko dosh de daalaa. unake mutaabik insaan ke bheetar gaahe-bagaahe aisee bhaavanaa umadtee hee rahatee hai- oonchee imaaraton men khulee baalakanee rakhanaa to marane vaalon ko daavat denaa hai. aur aage unhone dillee kee kutub meenaar kee misaal bhee de daalee jisakee ooparee mnjilon men aaj bhee jaane kee manaahee hai kyonki jab rok naheen thee tab aae din koee n koee vahaan se chhalaang maar detaa. baat yaheen khtam ho jaatee to kuchh n thaa. is ke agale hee roj jis mahilaa ke tathaakathit prem men naujavaan ne apanee jaan dee thee, us mahilaa ne bhee apanee chaar mnjilaa imaarat kee baalakanee se chhlaang maar dee.

is maamale kee maarmikataa se alag shaanti ke man men ek alag hee aashnkaa palane lagee. apane makaan kee baalakanee ke khilaaf jo abhiyaan usane makaanamaalik se saath chhedaa thaa, us abhiyaan kee safalataa par kaale baadal mndalaate hue use najr aane lage. aur huaa bhee vahee jisakaa use dar thaa. agalee dafe jab makaanamaalik saahab aae to vo baalakanee ke jngale nikaalane ke apane aadhe vaaede se saraasar mukar gae. kahane lage ki vo apane kiraaedaaron ke saath kisee bhee haadase hone kee soorat paidaa karanaa naheen chaahate the.

shaanti kee najr aur khyaal ke vistaar ke aramaan to dhare ke dhare rah gae. ulate usane dekhaa ki vo makaan jinakee khidkiyon-baalakanee men pahale koee jaalee-jngale naheen the, unamen se tamaam par chamachamaate kaale nae lohe jade dikhaaee dene lage. tay thaa ki log dare hue the. un sab ke bheetar koee thaa jo chhalaang maaranaa chaahataa thaa yaa unhe lagataa thaa ki unake parivaar ke bheetar koee hai jo maar sakataa hai kabhee bhee chhalaang.

***

22 janavaree ko dainik bhaaskar men chhapee.