sundar

ek dina paakhee ne skool jaane se manaa kar diyaa. n bukhaar, n petadard, aur n hee doosaree koee takleef. paakhee vaisee ladkee naheen hai jo padhaaee se jee churaae yaa skool jaane men kotaahee kare. sabase avval to naheen aatee par padhaaee, khelakood aur doosaree sabhee gatividhiyon men bhee vo mana se bhaag letee rahee hai. isalie shaanti ne sochaa koee baat hogee tabhee manaa kar rahee hai. ek dina skool naheen jaaegee to aasamaan naheen gir jaaegaa. daftar ke lie der ho rahee thee, shaanti nikal gaee. doosare din bhee paakhee ne fir vahee baat doharaa dee – skool jaane kaa man naheen kar rahaa. shaanti ne sochaa chalo ek din aur sahee. paakhee umar ke aise makaam men pahunch rahee hai jis men man kaa mijaaj oopar-neeche hotaa rahataa hai - ho sakataa hai paakhee aisee hee kisee manodashaa se gujr rahee ho. lekin jab paakhee ne teesare din bhee inkaara men garadan hilaa dee to shaanti bhadk uthee- aakhir baat kyaa hai? kyon naheen jaanaa chaahatee skool?

‘bas naheen jaanaa mujhe.. mujhe naheen achchhaa lagataa skool..’

‘skool naheen achchhaa lagataa?’ ye to kuchh nayaa thaa.

‘huaa kyaa hai..? kisee se jhagadaa ho gayaa yaa teechar me kuchh kahaa hai.. ?’

‘naheen kuchh naheen huaa hai.. bas mujhe naheen jaanaa hai..’

paakhee kisee vishay men fel ho gaee ho isakee to shaanti kalpanaa bhee naheen kar sakatee magar fir bhee shaanti ne vo bhee poochh hee liyaa.

‘mammaa!! main kabhee fel huee hoon?’

‘to fir baat kyaa hai..?’

‘koee baat naheen hai..’

‘agar koee baat naheen hai.. to chalo, skool jaao..’

paakhee ke anek pratirodh ke baavajood shaanti ne daantakar dhamakaakar use taiyaar to kar diyaa par paakhee khade-khade tasue bahaane lagee. aansuon ke saath kaajal bhee bahakar aankhon ke idhar-udhar fail gayaa. chidchidaakara jab shaanti ne usakee soorat kee tulanaa kisee bhootanee se kee to paakhee ke avasaad kaa raaj khula gayaa.

‘haan!! bhootanee hee to hoon main.. aap hee ne paidaa kiyaa hai mujhe aisaa badasoorat.. iseelie kisee ko shakal naheen dikhaanaa chaahatee main..’

aur taba shaanti ko samajh aayaa ki paakhee apane aap se, apanee chehare ke saath asahaj hee naheen ho gaee balki apanee shakal se nafrat karane kee had tak chalee gaee hai. shaanti ko khyaal aayaa ki pichhale kuchha dinon se paakhee isee sur men pesh aatee rahee hai. skool hee naheen vo kaheen bhee naheen jaanaa chaahatee. ghar se nikalanaa aur logon kee najron kaa saamanaa karanaa hee usakaa rog hai. use lagane lagaa hai ki vo sundar naheen hai. baahar nikalanaa, aur duniyaa ke tamaam saundary se roobaroo honaa use ek yaatanaa saa lagane lagaa hai. shaam ko ghoomane yaa khelane ke lie baahar nikalanaa usane lagabhag bnd kar diyaa thaa. kabhee kisee ke ghar jaane kee baat aaee to koee bahaanaa banaa diyaa. aura koee ghar men aayaa to bhee kamare men hee bnd rahee. shaanti ne daantaa- naheen milanaa hai to mata milo, kam se kam namaste to kar lo. to bhee paakhee shakal dikhaane ko raajee naheen hotee rahee thee. kyon? kyonki use lagataa hai ki vah sundar naheen hai.

sundar na honaa koee aparaadh to naheen magar durbhaagy jroor hai. sundar paidaa huaa jaa sakataa hai. aasaana kaam hai. lagabhag sabhee log sundar hee paidaa hote hain. paidaa hote samay sundar aadamee marate vakt tak bhee sundar banaa rahegaa, yah bilakul naheen kahaa jaa sakataa. vaastav men yah nihaayata kathin kaam hai. sundarataa kaa umar ke saath badaa ulataa rishtaa hai. marate-marate tak aadamee kee saaree sundarataa n jaane kab kaise girakar-bahakar kahaan tirohit ho jaatee hai. koee viralaa hee marate samay bhee sundarataa bachaa le jaataa hai. sundarataa bilakul bhee sthaayee naheen, badee kshanik cheej hai. kaee baaree subah dekho to aaeenaa sundarataa kee gavaahee detaa hai magar daftara pahunchate-pahunchate saaree sundarataa n jaane kahaan jhad jaatee hai.

yah saba ulajhanen paakhee se saajhaa karanaa, use aur bharamaanaa hotaa. isalie shaanti ne use bahalaane kaa raastaa chunaa. aur use har tarah se siddh karane kee koshish kee vo kitanee pyaaree, anokhee aura khoobasoorat hai. par bahut jaldee hee shaanti ko samajh aa gayaa ki paakhee kaa sundarataa kaa paimaanaa shaanti bilakul bhee tay naheen kar rahee thee. film teevee, maigajeens, skool, aur saheliyon kaa samooh, sabane milajulakar paakhee ke man kee duniyaa men sundarataa ke jo maapadand tay kie the un par shaanti kaa ikhtiyaar lagabhag beasar thaa.

shaanti ko fira yah bhee yaad aayaa ki kuchh hafton se paakhee kee aaeene se kuchh adhik hee dostee ho chalee thee. aate-jaate aksar shaanti use kisee aaeene ke aage khadaa kuchh khoee huee yaa kuchh khojatee huee paatee. kabhee baal savaanr rahee hai, kabhee rolar lagaake baithee rahatee. din bhar men teen-chaar alag-alaga fesapaik pot letee. is umar men har ladkee ke yahee dhng hote hai to in harakaton ko lekara shaanti kabhee snjeedaa naheen huee. magar usake lie skool jaanaa chhod denaa shnkaa thodee chintaa karane vaalee baat huee.

sundarataa badaa tedhaa savaal hai. aur usako paane kee dagar badee fisalan bharee hai. shaanti apane anubhav se jaanatee hai ki aadarsh cheharaa-moharaa aur aakaar-prakaar rakhane vaalee auraten bhee apanee sundarataa ke prati bhayaanak roop se sashnkit rahatee hain. unhe lagaataar is aashvaasan kee bhookh hotee hai ki ve sundar hain. jis din das-baarah log unakee khoobasooratee aur aakarshan kee taareef n karen ve hataashaa aur vishaad ke gart men utaraane lagatee hain. kyaa hai yah sundarataa kaa prapncha jisamen sirf sundar honaa hee kaafee naheen, sundar maanaa bhee jaanaa chaahiye.

shaanti yaha bhee jaanatee hai ki sirf ooparee nain-naksh se sundarataa kee sharten pooree naheen hoteen. badee aankhon se n kuchh frk padtaa hai aur n gore rng se. agar aisaa hotaa to cheen aura afreekaa ke log sundarataa kee daud se pahale hee baahar ho jaate. asalee saundary to deha ke bheetar se kisee ujaale kee tarah baahar aataa hai. jab vo aataa hai to ham aksar usase bilakula bekhbar hote hain. aur jab naheen aataa tabhee kaa to saaraa ronaa hai.

khud shaanti ne aise n jaane kitane snshayon kaa traas sahaa hai. vo jaanatee hai unakee takaleef par ilaaj.. naheen jaanatee. abhee tak ke jeevan men usane aise snshayon ko anadekhaa kiyaa hai, taalaa hai, bharamaayaa hai. aur yahee tareekaa usane apanee betee par bhee aajmaayaa. use shahar ke ek sabase mahnge aura mashahoor sailoon men le jaakar heyarastaayalist ko saunp diyaa aur chupachaap vaheen baithakar faishana maigajeens ke panne palatatee rahee aur ehasaas karatee rahee ki ab vo naujavaan naheen rahee, naee peedhee kee duniyaa kuchh aur hai. jab sar uthaakar dekhaa to paakhee ke khoobasoorat lambe baal frsha par tukade-tukade pade the. shaanti ko unake jaane kaa jroor dukh thaa par paakhee ko bilakula naheen. vo khush thee aur chamak rahee thee. paakhee kee najr men usakaa cheharaa usakee kalpanaa ke kisee paimaane men jaakar baith gayaa thaa. aur ek ujaalaa baahar aane lagaa thaa usakee deh se. samasyaa kaa taatkaalik ant karake shaanti betee ko lie ghar aa gaee. par vo jaanatee hai ki yah samasyaa bhee pet kee bhookh kee tarah hai- kabhee shaant naheen hotee.

***

(is itavaar dainik bhaaskar men prakaashit huee)

makaan maalik

us dina itavaar thaa. jab se shaanti ne kaam karanaa shuroo kiyaa hai shaayad hee koee itavaar aisaa gayaa ho jaba usane sar n dhoyaa ho. jis tarah ke dhool-dhakkad se gujr kar use kaam par jaanaa padtaa hai usakee vajah se hafte men kam se kam ek baar aur use sar se shahar kee gard ko utaaranaa padtaa hai. hafte ke us din shaanti ko is kaam ke lie alag se samay nikaalanaa padtaa hai. aur agara aisaa n ho sake to use geele hee baalon men traifik ke beech se gujranaa padtaa aur saaree dhulaaee par dhool pad jaatee. us din bhee shaanti binaa kisee hadbadee ke baalakanee men khade hokar aaraam se baal sukhaa rahee thee. geele baalon ko patale gamachhe se fatakaarate hue jab vo aadhee jhukee huee thee tabhee usake kaano tak ek aisee takkar kee dhamak pahunchee jo aksar durghatanaa ke samay janm letee hai.

baalon ko chehare se hataakar jab shaanti ne sadk par dekhaa to taayaron se chinghaadtee huee ek lambee gaadee tejee se usakee aankhon ke saamane se ojhal ho gaee. shaanti ko kuchh samajh naheen aayaa to usane garadan ghumaakar doosaree dishaa men dekhaa to ek motarasaaikal palatee padee thee aur do log bhee gire pade the. shaanti kaa jee dhak se rah gayaa. fir unamen se eka dheere se uthaa aur paas pade apane mobaaeel men kuchh karane lagaa. par doosare me koee harakat naheen kee. vo vaise hee padaa rahaa. shaanti se vahaan khadaa naheen rahaa gayaa. vo gamachhaa vaheen daalakar neeche kee or bhaagee. ajay baahar ke kamare men baithakar itavaaree akhbaar chaat rahaa thaa. shaanti ko isa tarah hadbadaataa dekh vo bhee ghabaraa gayaa. vo bhee peechhe-peechhe bhaagaa.

jab vo neeche pahunche to donon jan jmeen par achet pade the. kisee men koee harakat naheen thee. shaanti ko thodee hairaanee huee. aas-paas ke kuchh aur log bhee thodee der men ikatthaa ho gae. donon ghaayalo ke shareer se risakar laal khoon sadk par idhar-udhar fail gayaa thaa. ek aundhe munh giraa huaa thaa aur doosare kaa aadhaa dikh rahaa cheharaa utanaa hee saamaany thaa jitanaa kisee bhee raah chalate aadamee kaa hotaa hai. shaanti ne unakee deh men kisee bhee harakat ko aankhon se tatolane kee koshisha kee par donon kaa badan lagabhag patthar kee tarah behis banaa rahaa. kuchh kahaa naheen jaa sakataa thaa ki ve jeevit the yaa mar gae the.

vo ek aisaa dussvapn thaa jisase har koee jaag padnaa chaahataa thaa. us dusvapn men kaid ho chukee una ghaayalon ko haath lagaane kee kisee kee himmat naheen huee- shaanti kee bhee naheen. magar usane pulis ko aur haspataal kee aapaat sevaao ko jroor fon kar diyaa. jab tak pulis aur unake baad embulens aaee, tamaashabeenon kee kaee khepen aakar jaa chukee theen. ajay bhee laut gayaa thaa aura shaanti bhee. lekin oopar jaakar bhee shaanti apanaa dhyaan dheere-dheere khoon se khaalee ho rahe una do janon se hataa naheen sakee. der tak baalakanee men khade hokar udhar hee dekhatee rahee. aur jaba pulis pahunchee to durghatanaa kee chashmadeed gavaah shaanti unhe ghatanaasthal par hee mil gaee. eka jimmedaar naagarik kaa kartavy pooraa karane shaanti pulis ke saath bhee chalee gaee. haalaanki ajay ne use is pulisiyaa jhamele se bachaane kee bahut koshish kee. yahaan tak ki usane shaanti ke badale khud jaane tak kee peshakash kee magar vo shaanti ko mnjoor naheen thaa. apane naareetv ko aisee anaitikataaon ke peechhe chhipaanaa shaanti ko kabhee gavaaraa naheen huaa.

pulis ko kaar ko rng aur maudal bataane se adhik shaanti ke paas kuchh thaa bhee naheen. lekin pulis vaalon men har kaam kee apanee gati aur paddhati hotee hai jo shaanti kee tabiyat ke jraa bhee anukoola naheen thaa. agar maukaa itanaa snjeedaa n hotaa to usane apanee chidchidaahat kaa daman n kiyaa hotaa. aur jab intajaar kaa paanee had se gujrane hee vaalaa thaa ek havaladaar ne aakar bataayaa ki donon janon men se ek ko bhee bachaayaa naheen jaa sakaa. shaanti ko to jaise yakeen hee naheen huaa kyonki unamen se ek to durghatanaa ke turant baad uthakar apanaa mobaaeel dekh rahaa thaa. yaha sochakar shaanti ek aparaadhabodh se grast ho gaee- use aisaa lagaa ki jaise usee kee chook se maanaveey jeevan kee yah haani huee ho. haspataal se ghar lautate hue vo baar-baar apane aap se savaal karatee rahee ki kyaa vo unako bachaane ke lie kuchh aur naheen kar sakatee thee?

apanaa bayaana darj karavaa kar shaanti ghar to aa gaee magar usakaa man marane vaalon ke saath hee banaa rahaa. agale do-teen din tak rah-rahakar vo durghatanaa ke dussvapn men laut jaatee rahee. fir chauthe roj daftar se ghar lautate hue use khaakee vardee men ek pahachaanee soorat apanee imaarat kee seedhiyon men dikhaaee dee. ye vyakti sthaaneey thaane kaa vahee havaladaar thaa jisane shaanti kaa bayaana darj kiyaa thaa. usase maaloom huaa ki kaee din tak marane vaalon ke sambandhiyon kaa kuchh pataa naheen chalaa. unake mobaaeel men adhikatar nambar dillee aur mumbaee ke the. aur ve saare nambara usake kaamakaajee sampark the aur unamen se ek bhee n to usake ghar-parivaar ke baare men kuchha jaanataa thaa aur n hee unake antim snskaar men koee dilachaspee rakhataa thaa. bahut nambara aajmaane ke baad ek sthaaneey nambar milaa. aur snyog se vo usake gharavaalon kaa hee ऩmbara thaa. havaladaar unhee se milane aayaa thaa kyonki ve shaanti kee hee imaarat men rahate hain. yaha jaanakar shaanti ko badaa jhatakaa lagaa.

usee shaam ko shaanti un abhaage maan-baap se milane gaee jinake bete kee laash chaar din laavaaris padee rahee aur unhe kuchh khbar naheen huee. aur jab khbar huee vo sanaake men the. ikalautaa betaa thaa. usee ke paraakram aur udyam kaa nateejaa thaa ki ve ek khule, havaadaar, bade ghar men rah rahe the varanaa unhone to apanaa pooraa jeevan snkaree jhopadiyon men gujaaraa thaa. par unakaa betaa bade sapane dekhataa thaa. karodpati hone kee ksam khaaee thee aur usee ksam ke lie abhee tak shaadee naheen kee thee. riyal stet ke dhndhe men kaafee paisaa banaayaa thaa usane. dillee aur mumbaee men kaee flaits khareed chhode the jinase khoob kiraayaa milataa thaa. par kuchh kharchaa naheen karataa thaa. na gaadee thee n bngalaa, kholee men rahataa thaa aur kam se kam men kaam chalaataa thaa. sab jod rahaa thaa karodpati hone ke lie- yah bataate-bataate usakee maan pachhaade maar kar rone lagee. shaanti ke paas durgesh raay kee maan ko dilaasaa dene ke lie shabd naheen the. haan, usakaa naama durgesh raay thaa.

baad men ghara lautakar use yaad aayaa ki ek vyakti kee pahachaan tab bhee naheen huee thee aur vo, manushyataa kee is bheed men anant bhaagadaud ke baad ek laavaaris aur benaam laash ke roop men murdaaghara men padaa huaa thaa. yah kaisaa jeevan thaa jisamen n jeene kaa koee sukh thaa aur n marane kee koee garimaa?

***

(is itavaar dainik bhaaskar men shaayaa huee)

freed pyaare..

freed aaj patane men doolhaa banaa huaa hai. kuchh meree tabiyat khraab hai aur kuchh kismat khraab hai jo usake nikaah men shaamil naheen ho paa rahaa hoon. freed aur aaj se aadhikaarik taur par usakee jindagee men shareek ho rahee sheemaa faatimaa ke sukhee aur sampann vaivaahik jeevan ke lie main shubhakaamanaaen detaa hoon.

kavitaa par kendrit priynkar bhaaee kee patrikaa akshar ke praveshaank men freed ke oopar meree yah chhotee see tippanee bhee chhapee thee, use saath men chaspaan kar rahaa hoon.

freed kaa kavikarm

freed kee kavitaaon men smriti hai. us smriti men ek durlabha paaradarshitaa hai. jisamen rng, bhaav aur vichaar chatak dhoop kee tarah khile rahate hain. aur choonki kahaa hee gayaa hai ki taap yaa dhoop se behatar rujanaashak doosaraa naheen hotaa isalie fareed kee kavitaaon men ek aisee nirdoshataa hai jo kisee chhote maasoom bachche kee tarah aap kaa man moha letee hai.

fareed ko main ek dashak se adhik samay se jaanataa hoon. vo peshevar kavi naheen hai. kavi banane kee mahatvaakaankshaa bhee kabhee naheen thee usamen aur n abhee bhee usamen is prakaar kaa koee dabaav main dekh paayaa hoon. kavitaa likhanaa usakaa abhee do-teen barasa kaa vikaas hai. 2007 men fareed ne paanee par ek kavitaa likhee thee, jo mainne apane nijee blaug par chaspaan kee thee. tamaam vaahavaahee ke baavajood fareed ne n to thok men kavitaa likhanaa shuru kiyaa aur n hee apanaa blaug hee banaane kee taraf qadam badhaayaa. zaahiran kavitaa likhane kee usakee preranaa chhapaas aur vaahavaahee se judaa, bhaavanaa ke udvelan men dabee huee rahee hai; jaisaa ki honaa bhee chaahiye.

lekin vo bhee apane kaal se svatntr naheen hai kyonki koee naheen hotaa. hindee kavitaa men jo naitik kaaryakartaavaad yaa maural ektivizm kaa rog lagaa huaa hai fareed bhee kaheen-kaheen us se grast nazar aate hain aur kisee saamaajik masale par apane naitik uchchabodh kee kroor drishti kaa prakshepan karate hain. ye raajanaitik shuchitaa yaa politikal karektedanes kaa keedaa hai. jo apanee nijee vivek par bharosaa karane ke bajaaya haradam sthaapit naitikataa ke maarg par chalane kee qavaayad karane lagataa hai. yah badaa bhaynkar roga hai aur achchhe-achchhe kaviyon ko anubhooti kee raah se ukhaad fenkane men ye kaamayaab rahaa hai. naitik kaaryakartaavaad ke chalate kavi apanee sahaj anoobhooti ko lagaataar sthaapit naitikataa para jaanchataa-parakhataa huaa is qadar sashnkit aur bhayaakul praanee men tabdeel hone lagataa hai ki bahuta jald vo vichaar ke naam par naarebaazee aur saraleekrit sameekaran parosakar anumodan batorane men hee apanee kavitaa kee safalataa maanane lagataa hai aur bhool jaataa hai ki apane bhaavanaatmak astitv ke saath ekataa kisee kavi kee hee naheen har manushy kee buniyaadee zaroorat hotee hai. vaichaarika parishkaar karane ko main galat naheen maanataa lekin kavitaa men aayaa huaa vichaar agar anubhooti kaa hamazaad naheen hai to usakaa nuqsaan kavitaa ko hee uthaanaa padataa hai kyonki vah paathak ke paas bhee apanee vibhakt avasthaa ke saath hee upasthit hotee hai.

jo aap ne dekhaa naheen usakee kalpanaa asambhav hai. kalpanaa kee udaan bhee vaastavikataa se seemit rahatee hai. aam taur par dekhaa gayaa hai ki jo kavitaa anubhooti kee zameen men ugatee hai, aur kavi kee apanee nijee anubhooti men kalpanaa kee penge bhara rahee hotee hai vahee kavitaa asaradaar banee rahatee hai lekin fareed men yah anokhee baat hai ki jo kavitaa usake jiye hue sach se naheen bhee panap rahee, aur jo raajanaitik shuchitaabodh aur naitika kaaryakartaavaad ke ghere se snchaalit maaloom detee hai, vah bhee maarak prabhaav chhodane men kaamayaab ho jaatee hai. yah badaa viral hunar hai isamen vichaar kee pradhaanataa hai aur anubhooti sahaayak kee bhoomikaa men hai. aksar aise prayog asafal saabit hote hain, magar fareed ab taka safal hai.

kavitaa se vaichaarikataa ko nikaal paanaa ab lagabhag asambhava hai. jaise ki ek baar shishu men jhooth bolane kee kalaa ne pravesh kar liyaa to usase pahale kee abodhataa ko tab tak paanaa sambhav naheen hotaa jaba tak ki vah buddh ke bodhibhaav men upalabdh n ho jaay. ek baar vichaar se bhrasht huee kavitaa, tamaam vaichaarik jhnjhaavaat se guzarakar, ek doosare star par jaakar hee nirdoshataa haasila kar sakatee hai aur kisee samyak snbuddh kee tarah shuddh bodh kee vaahak ban sakatee hai. kavitaa kaa kshan isee sambodhi kaa kshan hai. kavi kee kalaa sambodhi ke us viral kshan ko bhaashaa men pakada lene kee hai. mushkil bas yahee hai ki adhikatar kavi tamaam mahatvaakaankshaaon ke baavajooda sambodhi ke us star tak pahunchate naheen, aur jo kuchh pahunchate bhee hain vo nirantar vahaan tik naheen paate, fisalate rahate hain. prem kee tarah sambodhi bhee kabhee hotaa hai, kabhee naheen hotaa, vo sthir naheen kshanik hai.

fareed kee kavitaaon men sambodhi ke ve kshan dikhate hain. lekin saath hee fisalane kee sambhaavanaaen bhee. kyonki sambodhi, lagabhag sabhee praakritika tatvon kee tarah apane ko punurutpaadit karanaa chaahatee hai aur sambhavath kavi ko fir-fir use haasil karane ke lie ukasaatee hai. vedon kee apaurusheyataa kee jo baat hai use isee sandarbha men samajhe jaane kee zaroorat hai, ve paraakram se haasil naheen hote, unakaa ilahaam hotaa hai. sachchee kavitaa aur ilahaam men koee antar naheen. kavi kaa mool arth prajnyaavaan hee hai aura richaaen rachane vaalaa hee rishi hai.

fareed vedaant kaa vidyaarthee hai aur usane sambodhi kee kshanika upalabdhi kee hai. agar vah apanee hee upalabdhi se bhrasht n huaa to vah sachche arthon men kavi yaa rishi ho sakataa hai.

***

[neeche kee saaree kavitaaen meree is tippanee ke baad likhee gaeen hain.. aur kisee men bhee raajanaitik kaaryakartaavaad kee koee jhalak naheen hai. :) ]

allaah miyaan

allaah miyaan kabhee mujhase milanaa

thodaa vakt nikaal ke.

maalish knghee sab kar doongaa, teraa,

vakt nikaal ke.

ghoom ke aao gaanv hamaare.

dekh ke aao naddee naale.

fatee padee hai vahaan kee dharatee.

hausale himmat past hamaare.

chaaho to khud hee chal jaao.

varanaa chalanaa sng hamaare.

allaah miyaan kabhee neend se jaganaa

thodaa vakt nikaal ke.

maalish knghee sab kar doongaa, teraa,

vakt nikaal ke.

jhaank ke dekho,

khidkee aangan,

meraa ghar,

sarakaar kaa daaman.

khaalee bartan, khaalee boree,

khaalee jholee jeb hai meree.

allaah miyaan jraa idhar bhee dekho,

mehar teree us or hai.

bhar kar rakhaa ann vahaan par,

paharaa jahaan chahun or hai.

allaah miyaan kabhee theek se socho

thodaa vakt nikaal ke.

maalish knghee sab kar doongaa,

teraa, vakt nikaala ke.

bakaree

khet men ghaas charatee bakaree

paas se gujratee har tren ko yoon sir uthaa kar dekhatee hai,

maano pahalee baar dekh rahee ho tren.

jaise koee dekhataa hai gujratee baaraat,

jaise khidkee se sir nikaal kar koee dekhataa hai baarish,

jaise ekaagr ho kar sunataa hai koee taan.

tren gujr jaane ke baad,

us drishy aanand se nirlipt vah,

charane lag jaatee hai ghaas naye sire se.

kyon lagataa hai aisaa

pataa naheen kyon har baar lagataa hai,

rel par safar karate hue

ki teetee aaegaa aur tikat dekh kar kahegaa

ki aapakaa tikat galat hai

yaa aap galat gaadee men chadh gaye hain,

aapakee gaadee kaa samay to kuchh aur hai,

taareekh bhee galat hai,

aapane galat pletaform se galat gaadee pakad lee hai,

aap ultee taraf jaa rahe hain.

aur vah chen kheench kar utaar degaa

mujhe nirjan kheton ke beech.

ve din

raat ke koee das baje the. sadkon par traifik kee nadee kaa veg kuchh mand jroor huaa thaa par thamaa n thaa. kaalee raat men taaron kee chamak bhee thee. magar shahar dhool aur dhuen kee motee chaadar se dhakaa huaa thaa. sara uthaa kar dekhane par aasamaan to dikhataa thaa par taare naheen. hailojen kee raushanee men nahaaee sadkon par fisalate skootar par savaar ajay tak koee chamak naheen pahunchatee thee par shaanti kaa man n jaane kaise us taaron bharee raat ke roomaan men nahaayaa huaa thaa. ajay to chaahataa thaa ki vo kaar se chalen magar shaanti ne hee isaraar kiyaa ki puraane dinon kee tarah skootar se chalate hain. aura puraane dinon kee yaad men hee usane skootar ajay ko hee chalaane diyaa. peechhe kee seet par se tejee se gujratee duniyaa ek bahaav see maaloom detee hai. kabhee-kabhee sirf bahanaa hee achchhaa lagataa hai.

suneel, ajaya kaa sahakarmee hai, naee-naee shaadee huee hai usakee. vaise to navavivaahit duniyaa kee or adhik rukh karate naheen. ek doosare ko khojane ke lie hee samay kam padtaa hai. isalie suneel aur neetaa ne jab unhn khaane kaa nyotaa diyaa to unhai hairat huee aur khushee bhee. kisee navadampati ko dekhakara hameshaa ek sukh kaa anubhav hotaa hai. unamen kisee fool kee tarah prakriti kaa charam saundarya jhalakataa hai. mushkil se hee unake beech kabhee koee vivaadee svar lagataa hai. ek doosare ke sng pooree tarah raajee, ek doosare men pooree tarah rame hue, ek doosare men hee base hue-jame hue. unase milane ke khyaal se hee shaanti men ek utsukataa jaag gaee thee. aur jab ye tay kiyaa ki ve bachchon ko chhodkar jaayenge to use ve din yaad aane lage jab vo svayn ek navavivaahitaa thee. ve din bhee kyaa din the. un dinon men bhee snsaara thaa, log the, samaaj thaa par jaise koee kuchh ahamiyat naheen rakhataa thaa sivaay un donon ke. maano ve kamal ke patte kee tarah snsaararoopee jal par rahakar bhee usase geele naheen hote the. apanee bhaavanaaon ke dveep men ve aadam aur havvaa kee tarah nirdosh roop se rahate the. vahee nirdoshapan shaanti ko unake prati ek anokhe aakarshan se bhare hue thaa.

daravaajaa neetaa ne kholaa. saanvalaa rng lekin khilaa huaa. aam taur par peelaa rng saanvalee deh par naheen jaataa. par usakee deh men kuchh aisee kaanti thee ki halakee peelee saadee us par khoob fab rahee thee. suneel ko shaanti ne ajay ke saath pahale bhee dekhaa hai. par use usakee navavivaahitaa neetaa ke saath ek alag suneel ko dekhanaa thaa. donon ajay aur shaanti se alag-alag hokar mil rahe the fira bhee jaise ek doosare ko thaame hue the har pal. unakee ek-ek cheshtaa ek doosare ke bandhan men thee. haath chhoote hue the magar najron se bndhe the, najro se chhootate to mudraaon se bndhe rahate. unake haath aur pair bhee anaayaas hee ek doosare kee or unmukh rahate. vo ajay aur shaanti ko dekhakar muskaraa rahe the, hns rahe the, par asal men unakee ek-ek muskaan kaa srot aura lakshy ve svayn the. unako dekhakar shaanti men bhee ajay ke prati usake gahare aur puraane prem kaa rng ghulane lagaa, fir se prem kaa vahee svaad milane lagaa.

ghar chhotaa thaa par suruchipoorn thaa. unakee duniyaa kee tarah unakee grihasthee bhee seemit thee. ek kone men eka sitaar bhee rakhaa huaa thaa. shaanti ko utsukataa huee. neetaa ne bataayaa ki vo bajaatee hai. aur kuchha sunaane kee framaaeesh karane par bajaane ko raajee bhee ho gaee. sngeet sunanaa aur sngeetakaar ke saamane baithakar sunanaa aur use dekhanaa, donon ekadam alag anubhav hain. neetaa raag ke bhaavon ko saaj se hee naheen apane poore shareera se bhee abhivyakt kar rahee thee. shaanti ko usakaa ye andaaj badaa mohak maaloom diyaa aur vaha un bhaavon men itanaa doob gaee ki usane kab ajay kee baanh kasake pakad lee use pataa hee n chalaa. bhaavon kee tarnge usake shareer se ajay kee deh men risane lageen. par udhar se aane vaale bhaav itane anukool naheen the. shaanti ko lagaa jaise ajay usakee pakad men bahut sahaj naheen hai. usako ajaya ke shareer men ek tarah ke tanaav kaa anubhooti huee. shaayad ajay us sngeet kaa utanaa aanand naheen le paa rahaa thaa jitanaa shaanti. suneel kaa to kahanaa hee kyaa, vo to prem men doobaa thaa. usa poore maahaul men ajay ke badan se umadtaa vo tanaav hee use vivaadee svar lagaa. shaanti ne usa asahajataa ko varjit maanakar usakaa haath chhod diyaa. aur use jraa ahamiyat n dete hue bhool bhee gaee.

takreebana dedh ghnte baad jab ve ghar vaapas jaane ke lie navadampati se vidaa lekar lift men savaara hue tab tak shaanti ajay kee asahajataa aur tanaav donon ko bhool chukee thee. us kee tabiyat par una kshanon men bhee sngeet ke rumaan kaa rng taaree thaa. lift kaa daravaajaa bnd hote hee ve akele ho gae. un dinon men aise maukon par ajay jo karataa thaa use sochakar shaanti ke mana men jhurajhuree see ho gaee. usane chaahaa ki un dinon kee tarah ajay us par jhuk aae aur halake se choom le. usane tirachhee najron se dekhaa- ajay udaaseenataa se kaheen pare dekh rahaa thaa. shaanti ne chaahaa ki vo hee use choom le. vo usakee taraf jhukee bhee par lift kaa daravaajaa khulaa aura ajay binaa usakee or dekhe aage badh gayaa. shaanti girate-girate bachee.

lautate men bhee shaanti ne skootar ajay ko hee chalaane diyaa. aasamaan tab bhee taaron se gachhaa huaa thaa. aur isa baar raat se roomaan naheen baras rahaa thaa. ulate shaanti ke man se saaraa roomaan raat kee kaalimaa men ghulataa jaataa thaa. binaa toote bhee kaise pyaar kaa dhaagaa itanaa dheelaa pad jaataa hai ki usase udaasee ke sivaa kuchh aur naheen bunaa jaataa- binaa soche bhee shaanti is khyaal ke sahaare thahara gaee.

rasoee men paanee kee khaalee botalen bharate hue shaanti ajay se apane rishte ke baare men hee sochatee rahee. ajaya bhee frij se thandaa paanee lene rasoee men chalaa aayaa. ve din hote to ajay dheere se aakara usakee kamar men baanhen daal kar usakee garadan ko choom letaa. usane choomaa bhee magar shaanti kee kalpanaa men. vaastavikataa ke tal par frij kaa daravaajaa khole ajay chupachaap gatagata paanee peetaa rahaa. shaanti ke man men bas ek hee savaal ghumad rahaa thaa aur bahut rokane par bhee vo usake munh se nikal hee gayaa- ab tum mujhe pyaar naheen karate n?

yah sunate hee ajay ko jor kaa thasakaa lagaa aur vo khaansane lagaa.

***

(kal ke dainik bhaaskar men prakaashit huee)

chitr - vain gau

choohaa

raat sone ke lie thee. thak kar dharaashaahee ho jaane ke lie thee. par raat dar jaane ke lie bhee thee, neend ke jhonko men bhee jaagate rah jaane ke lie thee. raat men chaand, tnke hue taare, juganoo aur khushaboo palate the magar usee raat men duhsvapn aur raakshas bhee milate the. shaanti ne bachapan men hee raata ke donon matalab seekh lie the yaanee jee kar dekh lie the. fir ek lambe antaraal men shaanti ke lie raat behoshee kaa bichhaunaa banee rahee. aur ek doosaree duniyaa bichhaune ke neeche dabee rahee. paradon ke peechhe chhipee rahee.

aur fir eka din use ek aakriti dikhee. pahale rasoee ke plaitafaarm par, fir dastabin ke paas, aur fir apanee alamaaree ke neeche. unakaa chaaval jaisaa aakaar aur kaalaa rng shaanti ne pahale bhee dekhaa thaa. usakee smriti ke jis bhaag men unakee pahachaan sthit thee, us bhaag men bhayon kaa deraa thaa. vo moos kee lendee thee aur ghar men usake hone kaa arth thaa ki choohaa ghar men pravesh kar chukaa thaa.

choohaa, choohaa naheen thaa vo ateev shaktiyon kaa ek punj thaa. shaanti kee kalpanaa men vo kuchh bhee kar sakataa thaa. vo andheree naaliyon men fisal sakataa thaa, nnge bijalee ke taaron par daud sakataa thaa, bnd daravaajon ke aar-paar nikal sakataa thaa, aasamaan men uchhal sakataa thaa, patale se patale sooraakhon se bhee nikal sakataa thaa. khulee aankhon men choohaa chhotaa thaa par aankhen band hote hee choohaa hanumaan kee tarah apanaa aakaar badhaa sakataa thaa. par choohaa hanumaan naheen thaa, shaanti ke lie to bilakul naheen. usake lie to vo kaal thaa- mahaakaal. vo daanton se kutara sakataa thaa, pnjon men pakad sakataa thaa, daboch kar ragad sakataa thaa.

shaanti ke lie apanee urvar kalpanaaon ke saath ghar men rahanaa lagabhag asambhav ho gayaa. jab ghar men choohe ke hone kaa pahalaa nishaan milaa to raat ho chukee thee. achchhaa yah thaa ki khaanaa khaayaa jaa chukaa thaa, saaraa kaam khtm ho chuke the aur sone kee taiyaaree kee jaa rahee thee. par mushkil yah thee ki choohe ne use aise samay par gheraa thaa jab ki vo kisee kaam kee aad men apane bhay ko chhupaa naheen sakatee thee, ulate vo ek aisee avasthaa men utarane kee taiyaaree men thee jisamen har jaanavar niraa arakshit hotaa hai- neend. aur choohaa jaagane men jitanaa khaufnaak thaa usase kaee gunaa adhika khtaranaak vo neend men thaa. kyonki neend men andheraa thaa aur andheraa dar kee urvar jmeena thaa. us raat shaanti ne ek pal kee bhee neend naheen lee. aankhen bhee theek se n jhapakaayeen. battiyaan saaree raat jalatee raheen. agalaa din daftar vaalon ke lie bade vismay kaa dina thaa. pahalee baar unhone shaanti ko daftar men ubaasiyaan lete aur baithe-baithe jhapakiyaan lete dekhaa thaa. aur usakaa dhyaan bhee kaam par naheen kaheen aur thaa. din bhar shaanti fon par tamaama logon se lambe-lambe vaartaalaapon men kisee ek cheej ke baabat jaanakaaree letee rahee.

us shaam jab shaanti ghara lautee to usake haath men apane baig ke alaavaa ek aur badaa paiket thaa. us paiket men khaane kee cheej thee, choohe ke khaane kee cheej- jhar. jise aate kee goliyon men milaakar choohe kee raah men paros diyaa jaanaa thaa. paiket men lakadee aur lohe se banaa ek nanhaa ghar bhee thaa, jise log choohedaanee kahate hain. vo choohe kee shakti aur gati ko salaakhon men seemit karane kaa ek yntr thaa. us shaam shaanti ko apane khaane se adhik choohe ke khaane kee chintaa thee. bahuta jatan se usane poore ghar ko aate kee jhar milee goliyon sajaayaa. usake baad apane haathon ko kam se kam paanch baar dhoyaa, fir bhee khaane kaa ek kaur bhee n nigal sakee. jhar ke bhay se naheen, choohe ke hone ke tanaav se usake shareer men yuddh jaisee sthiti ho gaee thee. badan aise jal rahaa thaa jaise ek sau do bukhaar ho. us raat bhee shaanti ko neend naheen aaee. battiyaan jalatee raheen. raat bhar choohe kaa pret ghar bhar men kulaanche bharataa rahaa. shaanti kee neend aura chain ko tukadaa-tukadaa kutarataa rahaa. kutarane kee vo aavaajen shaanti ke kaanon men ghnto kee tarah bajatee raheen.

agalee subah ghar men saaree jahareelee goliyaan saabut padee theen aur choohedaanee bhee khaalee thee. ajay ne samajhaayaa ki sab shnti kaa vaham hai, koee choohaa-voohaa naheen hai ghar men. shaanti usakee baat par yakeen kar hee letee lekin daayaning tebal par rakhee falon kee tokaree men rakhe kelo men se ek men badaa saa eka chhed thaa. vaisaa hee ek chhed aaloo kee tokaree men rakhe ek aaloo men bhee thaa. ab koee shak naheen thaa ki choohaa pichhalee raat ghar men thaa aur sakriy thaa. shaanti kaa aatnk aur tab gaharaa gayaa jaba use apane bistar ke theek neeche choohe kee vishthaa ke kaale nishaan mile.

daftar men ek aur kathina din gujaarane ke baad shaanti kee aankhen sooj chukee theen aur unake neeche gahare kaale dhabbe pad chuke the. us raat bhay aur thakaan ke beech bhaaree gutthamagutthaa chalatee rahee. aur der raat ke baad ek aisaa antaraal aayaa jab shaanti kaa mastak paraast ho rahaa aur vo koee do ghnte besudha padee rahee. aur jab jaagee to hadbadaa ke. battee jal rahee thee, aavaajen lagabhag shaant theen. goolar ke peechhe se halakaa-halakaa ujaalaa honaa shuru ho rahaa thaa magar abhee chidiyon ne bolanaa shuru naheen kiyaa thaa. pare ghar men jal rahaa battiyon ke ujaale men shaanti ne dekhaa ki jhar kee goliyaan vaisee kee vaisee padee theen. choohe ne unhen chhuaa bhee naheen thaa. magar rasoee men rakhee choohedaanee khaalee naheen thee. ek kaalee lambee poonchh choohedaanee ke baahar pasaree huee thee. ubakaaee kee ek lahar shaanti ke pet se gale tak daud gaee. choohaa pakadaa gayaa thaa. shaanti ke avachetana men aatnk machaa sakane kee usakee ateev shaktiyon ko kheenchakar choohedaanee kee salaakhon men banda kiyaa jaa chukaa thaa. fir bhee shaanti usako seedhe dekhane kaa saahas naheen jutaa paa rahee thee. apanee saaree kaayarataa ke baavajood shaanti kee bachatee huee najren choohe kee aankhon se takaraa hee gaeen. gnde bhoore baalon se dhake usakee deh men jadee un do aankhon se apalak ghoor rahaa thaa use choohaa. una gaharee kaalee aankhon men kaheen koee aparaadhabodh naheen thaa. koee glaani, koee hinsaa, krodh, pratishodh, kuchh bhee naheen. ulate un men ek ajeeb saa aakarshan aur sammohan thaa.

aur un gaharee kaalee aankhon ke sammohan men shaanti bilakul bhoolane lagee ki vo kyon nafrat karatee thee usase? kyaa sirf isalie ki vo usake lukaachhipee ke khel kee himaayatee naheen thee? yaa isalie ki kisee jmaane men choohe pleg ke vaahak bane the? yaa isalie ki choohe aadamee kee banaaee maalikaanaa sarahadon ko naheen maanate aur kutton kee tarah aadamee ke aage dum naheen hilaate? koee bhee kaaran usakee gaharee kaalee aankhon jitanaa maasoom naheen thaa.

***

(aaj ke dainik bhaaskar men chhapee hai)

jhandaa

hafte bhar kee thakaan thee aur itavaar thaa. film dekhane ke lie bachcho kee jid bhee thee. bachche chhote jrur the par jid badee thee. shaanti kaa man to thaa ki dopahar men pair failaa ke so rahatee lekin bachchon kee jid ke aage jhukanaa hee padaa. pahale sochaa ki khaanaa khaa ke nikalenge fir bachchon kee jid ki khaanaa bhee baahar hee khaayenge. aur baahar khaanaa khaane kaa matalab hai ek badee dhanaraashi se sambandh vichchhed. paise ko pakad kaa rakhane kee chaahat ko kinaaraa kar bachchon kee ichchhaa ko aage rakhaa. makkhan ke saath aaloo paraanthe bane, khaae gae aur ek manornjak dopahar gujaarane sharmaa parivaar maul ko nikal padaa. kyonki pahale ke singal thiyetar sinemaahaul ab naheen bache. jo bache bhee unamen aisee filmen lagatee hain jo parivaar ke saath naheen dekhee jaa sakateen. nae sinemaa kaa nayaa thikaanaa maul ke malteepleks men hee thaa. shaanti aur ajay kee to ichchhaa thee ki koee hindee film dekhee jaay magar acharaj pair patakane lagaa ki kngafoo paandaa hee dekhenge aur vo bhee threedee. aur is jid ke bhee vijayee hote hee vo joote-moje pahanakar daravaaje par khadaa ho gayaa aur ratane lagaa ki mammee chalo, paapaa chalo!

maul ke aage gaadiyon kee ek lambee kataar thee. sabhee andar jaane kee muraad rakhate the. sharmaa jee kee gaadee bhee unheen men ek muntajir ho gaee. bahut pahale, kreeb das-baarah baras pahale kyaa gaadee vaale aur kyaa begaadee vaale, koee idhar dekhataa bhee naheen thaa. logon ko ye tak khyaal naheen thaa ki udhar ek chhotaa-motaa taalaab hai. gaureyaa, bulabul, lahatoraa, aur bhujngaa jaanate the aur chhote-bade bagale, kaue, aur kilakile bhee jaanate the ki jeth kee garamee ko chhod das-gyaarah maas taalaab men paanee milataa hai aur paanee men chhotee machhaliyaan, medhak aur kenchue milate hain. paas kee bastee ke skool gol karane vaale bachche aur kuchh anapadh aavaaraa bade bhee us taal ko jaanate the aur kaante men ek kenchuaa fnsaakar, aur gaanje kee ek kalee sulagaakar machchheemaar ban jaate the. us samay vo taal gnjediyon aur machchheemaaron ko maul thaa.

pahale maul naheen the. kooche the, galiyaan theen, thele the, mele the, beech sadk tak badhee huee dukaanen theen. keechad thaa, kachar-machar thee, bhinabhanaatee huee makkhiyaan theen, pinapinaate hue kutte the, rambhaatee gaaen theen, adkar khade saand the. moonchho par taav dete pahalavaan the, panavaadee the, unake paan kee mureed bheed thee. boree thee, kanastar thaa, peepaa thaa, bhainsaa thaa, bhainsaatolee thee, fereevaalon kee hajaar tarah kee bolee thee. plaastik n thaa, shovindo n thee, nae se nae faishan ke kapade pahane yooropee nain-naksh ke putale n the. pichhale yug kaa aur pichhade yug kaa puraanaa bhaarat kaheen-kaheen abhee bhee baakee hai, magar maul ke andar keval ubharate bhaarat kee jhaankee hai.

tikat lene men kaafee samay lag gayaa. utanee der men aas-paas lage postaron ke asar men bachchon ne aane vaalee filmon ko dekhane kee yojanaaen bhee banaa daaleen. aur haul men jaane ke lie snaiks kaauntar se hokar gujranaa thaa aur kuchh rakm ko vahaan bhee alavidaa kahanaa thaa. kahaa gayaa. paakhee ko meksikan naachoj khaane the aur acharaj ko paupakaurn. thandaa, kaalaa aur bulabuledaar pey donon ko chaahiye thaa. diyaa gayaa aur tab jaakar pushabaik seeton men baithane kaa maukaa aayaa. film shuru naheen huee thee, vijnyaapan chal rahe the. kuchh log baithe the, kuchh khade the, kuchh seedhiyon par naachoj aur paupakaurn le kar chadh rahe the. aur tabhee ek chetaavanee ne sabako chetaa diyaa- raashtragaan ke sammaan men khade hone kee chetaavanee. jo jahaan thaa, tham gayaa aur apane aap men tan gayaa. ek jhandaa skreen par ubharaa aur havaa kee ek lahar use faharaane lagee. ek samooh paarshv se raveendranaath kee rachanaa gaane lagaa -lagabhag nirutsaahit kar dene vaalee aavaaj men. kisee ne beadabee naheen kee. jaahir thaa sab skool gae the. thodee see asahaj kar dene vaalee baat ek hee thee ki jhandaa aur faharaane vaalee lahar donon hee dijital the. n jaane kyon yah baat shaanti ke gale men kaheen atak gaee aur intaraval men painsath rupaye kee kaipuchino lete hue bhee jhande ko hee sochatee rahee. hauleevud men taiyaar cheen kaa paandaa intaraval ke baad bhee teenon aayaamon men uchhalakood karataa rahaa lekin dijital jhandaa gale se naheen utaraa to naheen utaraa.

film khtm hone ke baad khaane ke maamale par bhee paarivaarik vivaad kee sthiti utpann ho gaee. paakhee ko sadaa kee tarah kuchh nayaa aajmaanaa thaa- is baar kee framaaeesh thaaee. acharaj ko apanaa manapasand pitjaa khaanaa thaa aur ajay kisee bhee tarah ke prayog karane ke mood men naheen thaa. vo chhole-bhatoore par ad gayaa fir shaanti ne kisee tarah chaaineej par sulah karavaaee. noodals nigalane ke pahale hee jhande vaalee baat gale se ugal aaee.

‘is tarah se jhandaa dikhaane kaa kyaa matalab hai?’

‘hamm?’ ajay ne anajaanepan men bhnve uchakaaeen.

‘are vo asalee jhandaa naheen thaa, kampyootar par banaayaa huaa jhandaa thaa. raashtragaan ke lie kyaa ek asalee jhandaa bhee naheen hai unake paas? aur kaise gaa rahe the rote hue?’

“kyaa frak padtaa hai shaanti.. tum bekaar hee har baat par seeriyas ho jaatee ho..” ajay ne maide ke lachchhe sudkate hue kahaa.

‘bekaar seeriyas ho rahee hoon?’

‘aur kyaa, kyaa frak padtaa hai logon ko ki jhandaa asalee hai yaa dijital? log to film dekhane aate hain jhande ko salaam karane thodee aate hain?’

ajay ke javaab se shaanti bilakul laajavaab ho gaee. baat sahee thee. ise to sarakaar kee maukaaparastee hee kahaa jaaegaa ki manornjan ke maksad se ikatthaa hue logon ko dekhakar vo deshabhakti kee ghuttee pilaa rahee hai. jaise yaad dilaa rahee ho ki khaao piyo kuchh bhee, magar bhoolo mat ki desh kaun saa hai aur jhandaa kaun saa hai. kyaa sarakaar ko apane naagarikon par itanaa bharosaa bhee naheen hai? daratee hai ki badalate hue bhaarat men log kaheen jyaadaa hee n badal jaayen? chaaineej khaane ke oopar italee kee gelaato aaisakreem kee parat jamaate hue shaanti ne dekhaa ki ek mote mahaashay ko, jinhone amareekaa ke jhande ko apane seene par sajaa rakhaa thaa. vaise yahee sajjan raashtragaan ke samay saans rokakar khade bhee hue the.

maul se lautate hue yahee sochatee rahee shaanti ki kyaa hotaa hai aakhir desh kaa matalab? vo kyaa kaagj par chhapaa koee nakshaa hai, koee jhandaa hai, koee dhun hai jise bachapan se sikhaa aur samajhaa diyaa jaataa hai? yaa aadamee kee bheetaree bunaavat men usakaa koee taanaa-baanaa padaa hotaa hai?

***

(is itavaar dainik bhaaskar men chhapee)