skootar kaa jeevana

mamaa, aapako pataa hai vivekaanand bhee beemaar padte the?

hamm? shaanti sone ke pahale ke saare kaam khtam karake sone kee taiyaaree kar rahee thee. magara paakhee kee ulajhanen abhee shesh thee.

haan mamaa, unakaa leevara khraab rahataa thaa aur bukhaar bhee bahut hotaa thaa. dast aur kai bhee ho jaatee thee.

achchhaa... kahaan likhaa hai ye sab?

intaranet par.. hamen eka esaaeenament milaa hai.. ek lekh likhanaa hai- vivekaanand hamen priy kyon hain. usee ke lie risarch kar rahee thee to intaranet par ek blaag milaa.. jisamen unakee daayaree ke tukade die hue hain. ..mamaa kativaat kyaa hotaa hai?

kativaat..? pataa naheen!

unako kamar men bhee darda rahataa thaa.. unhone likhaa hai kativaat se pareshaan hoon..

shaayad slipadisk ko kahate hai.. apanee teechar se poochhanaa..

mamaa unako garmee bhee lagatee thee bahut aur bahut jaldee thak bhee jaate the.. aur unhone ye bhee likhaa hai ki unake baala guchchhe-guchchhe safed ho rahe hain..

to isamen itane acharaj kee kyaa baat hai.. vo bhee insaan the.. jaise sab beemaar padte hain, vo bhee padte honge..

par mamaa vo to vivekaanand the.. itane bade snt..? mahaapurush.. mahaatmaa..??

mahaapurush-mahaatmaa the par apanee aatmaa kee vajah se. agar shareer se hee mahaatmaa honaa tay hotaa to fir koee pahalavaan hee sabase badaa mahaatmaa hotaa.

baat taarkik thee. paakhee ko samajh aa gaee vo apane kamare men laut gaee aur shaanti ne bistar par letakar apane shareer par se jaage rahane kee bndishen uthaa leen.

**

agalee subah shaanti kee badee buree gujree. naheen-naheen, usakaa vivekaanand se koee lenaa-denaa naheen thaa. tostara men tost jal gae. daravaaje se nikalate hue ek chhipee huee keel ne saadee men khonch lagaa dee. aur jab skootar men chaabhee daalakar angoothe se staartar dabaayaa to injan se koee aavaaj naheen aaee. baar-baar dabaane aur dabaate rahane par bhee injan maun banaa rahaa. shaanti ne stainda par khadaakar ke kam se kam bees-pachees baar kik maaree. fir bhee skootar men kisee tarah ke jeevana kaa snchaar naheen huaa. skootar kaee dinon se tng kar rahaa thaa par aisaa usake saath pahale kabhee naheen huaa thaa. shaanti kee imaarat ke peechhe hee ek shakeel aoto mekainik hai. skootar dhakelakara vahaan tak le jaakar usake havaale kar diyaa aur aoto pakadkar daftar chalee gaee. isee bahaane bade dinon baad aoto kee savaaree ke sukh-dukh fir se taajaa ho gae.

**

shaam ko bajaay ghar jaane ke seedhe shakeel ke gairaaj chalee aaee. kyonki usane vaadaa kiyaa thaa ki shaam tak banaa degaa. magara vahaan to najaaraa kuchh aur thaa. pahale to shaanti ko apanaa skootar kaheen dikhaaee hee naheen diyaa. aur shakeel se jab poochhaa ki usakaa skootar kahaan hai to vo daant chiyaar ke hnsane lagaa. shaanti ko badee kheej huee ki pahale to meraa skootar gaayab kar diyaa, fir hns rahaa hai. shaanti kee bebasee men shakeel ko badaa aanand mil rahaa thaa.

aap pahachaan naheen paa rahee naa..?

kop se bharee shaanti kuchha bolee naheen, bas use ghooratee rahee.

are ye padaa to hai aapake saamane..!

shakeel ne jmeen kee ora ishaaraa kiyaa. shaanti ne najr ghumaa ke dekhaa- jmeen par ek mailee-kuchailee masheen lagabhag aundhee hokar padee huee thee. usakaa vo chamakadaar pyaajee aavaran jisase vo use pahachaanatee thee, kaheen naheen dikh rahaa thaa. lohaa thaa, grees thee, acheenhe konon aur ghumaavon vaalee ek aakriti thee, aura in sab par pramukhataa jamaaye hue ek kaalaa matamailaa rng thaa. in sab kaa jo milaa-julaa bhaava shaanti tak pahunch rahaa thaa vo kaafee ajanabee thaa. shaanti ke man men usake skootar ke naam se jo bhaav upajataa thaa vo in kal-purjon se upaj rahe bhaav se kaafee alag thaa. jab shaanti ne gaur se dekhaa to use apane skootar kaa chhipaa huaa pyaajee rng dikhaaee padne lagaa. eka pahachaan mil jaane ke baad fir dheere-dheere donon bhaavanaaen gadd-madd hokar ek ho gaeen.

deedee, baahar se jaisaa dikhataa hai vaisaa andar se naheen hotaa!

kyaa huaa kyaa hai..?

kaaraboretar men kachadaa thaa.. aur deedee aapakaa egjaast bhee sad gayaa hai!

egjaast matalab..?

matalab.. aapake gaadee ke fefade sad gae hain.. badalee karane padenge.. deedee, skootar men aankh, naak, galaa, fefade, aant, gurdaa sab hotaa hai. iseelie to aadamee kee tarah skootar bhee beemaar hotaa hai. ye kah ke shakeel fir daant chiyaar ke hnsane lagaa. us din skootar naheen milaa.

**

shaam ko acharaj jab khelakara aayaa to usane savaal kiyaa- mamaa neeche aapakaa skootar naheen hai?

skootar ke fefade khraab ho gae hain.. vo aspataal men bharatee hai..

skootar ke bhee fefade hote hain..? acharaj ne poochhaa.

hamm.. meraa jo mekainik hai n shakeel, vo bataa rahaa thaa.. aur aise bataa rahaa thaa jaise skootar bhee koee jeetee-jaagatee cheej ho..

acharaj ko skootar ko jeetaa-jaagataa maanane men jraa bhee kathinaaee naheen huee. usake lie skootar to kyaa saare khilaune jeevit hain. jis din vo khreede jaate hain vo unakaa barthade hotaa hai. aur agar vo khilaunon kee dheemee upekshaa aur antim thokar ke prati bhee sachet hotaa to unakee maut ke roj par bhee apanee haamee bharataa. par tirachhee baat uthaaee paakhee ne jo vivekaanand kee mahaanataa ke beej unakee aatmaa men hai, yah subah hee sveekaar kar chukee thee.

tab to usamen aatmaa bhee hotee hogee?

aatmaa..kisamen?- shaanti thodaa achakachaaee.

skootar men..

skootar ke aatmaa kaise ho sakatee hai..? skootar ko bhagavaan ne thodee banaayaa hai, skootara ko to aadamee ne banaayaa hai..?

par aadamee ko to eeshvara ne banaayaa hai.. aur mainne padhaa hai ki eeshvar ne insaan ko apane hee jaisaa banaayaa hai.

baat to theek hai.. aura insaan ab masheen ko apanee chhavi men banaa rahaa hai- shaanti ne kahaa.

mamaa.. mainne to yah bhee padhaa hai ki snt jnyaaneshvar ne ek bhainse se mntr bulavaa die the.. yah siddh karane ke lie ki sab ke andar aatmaa hotee hai.

aur shaanti kee jubaan se ek ghisaa huaa saty fisal aayaa- haan bhagavaan to kan-kan men hote hain. magar kahane ke saath hee vo usamen nihit aashay se ulajh gaee- matalab skootar men bhee bhagavaan hain aur maukaa padne par vo bhee kabhee mntr bol sakataa hai aur apanaa eeshvaratv siddh kar sakataa hai.

**

raat sote hue shaanti apane skootar aur usakee aatmaa ke baare men sochatee rahee- vo bechaaraa vahaan shakeel ke gairaaja men anjar-pnjar khole ulataa padaa huaa hai. n jaane usakee aatmaa par kaisee chot pad rahee hogee. fir use vivekaanand kee beemaaree yaad aaee. aatmaa beemaar naheen hotee, beemaar to shareera hotaa hai. yah baat sochakar use badee tasallee huee aur usane shareer ko neend ke havaale kar diyaa.

***

(isee itavaar dainik bhaaskar men chhapee)