bee see see aaee kee asprishyataa

aakhir kyaa hai bee see see aaee? ye koee raajasattaa hai? paisaa paidaa karane vaalaa ek korporeshan hai? kisee vyakti yaa kuchh logon kee ijaaredaaree hai? kyaa hai? ek aam samajh yah kahatee hai ki desh karodo-karodo dilon men base khel kaa prabandhan karane vaalee snsthaa kaa mukhy kaam desh men kriket kaa poshan aur snrakshan karanaa honaa chaahiye. magar aisaa sachamuch hai kyaa?

jis snsthaa kaa naam hee bord for kantrol aof kriket in indiyaa ho shaayad us se aisee koee ummeed rakhanaa vyarth hai. vo kriket kaa niyntran karanaa chaahataa hai usakaa snvardhan naheen.

desh men antaraashtreey star ke khel aur usake neeche ke sabhee staron ke khel men jo bhayaanak antar hai us bhar se yah zaahir ho jaataa hai ki bee see see aaee jaisee snsthaa sirf paise aur povar ko haasil karane kaa addaa ban chukee hain. iseelie laaloo, yaadav aur arun jetalee jaise netaa bhee is khel kee or lapak chuke hain. magar jahaan paisaa aur povar bnt rahaa ho vahaan pavaar saahab kaise peechhe rah sakate hain.

pavaar saahab kaa kriket se kyaa sambandh hai, is savaal ko poochhane kee gustaakhee kaun kar sakataa hai bhalaa? pavaar saahab kee puraanee tamannaa hai ki vo is desh kaa pradhaanamntree bane. apanee is mahatvaakaankshaa ko pooraa karane ke lie ve har tikadam, har jugaad baithaane ko taiyaar hain. shiv senaa se lekar maakapaa tak jod-tod chal rahee hai. pradhaanamntree ban kar pavaar saahab is desh men kaisee arthavyavasthaa aur kaisee nyaay vyavasthaa kee sthaapanaa karenge is kaa namoonaa aap ko bee see see aaee kee gatividhiyon men mil jaaegaa.

aap shaayad bhool gae honge ki pavaar saahab ke poorvavartee bhee kisee se kam naheen the. unhone pavaar saahab ko haraane ke lie niyam qaanoon kee aisee, aisee kee taisee kee ki pavaar saahab bhee dng rah gae. jis ek vot se pavaar saahab bee see see aaee kaa chunaav haare the us vot ko dene kaa adhikaar daalamiyaa ne nyaayaalay men arjee dekar haasil kar liyaa thaa. ek chunaav- do ummeedavaar- ek ko vot dene kaa ek vishesh adhikaar- qaanoone ke thappe ke saath. khair!

pavaar saahab vo chunaav to haare magar agale chunaav men unhone daalamiyaa ko patak ke maaraa. aur adhyaksh kee kursee samhaalate hee daalamiyaa par bhrashtaachaar aur adhikaaron ke durupayog ke itane maamale thonk die ki daalamiyaa aaj tak adaalat ke chakkar kaat rahe hain. is namoone kaa saar ye hai ki pavaar se pngaa naheen lene kaa!

doosaraa namoonaa dekhane ko milataa hai zee sportas dvaaraa snchaalit aaee see el ke sandarbh men. agar aap bhool gae hon to aap kee yaadadaasht taazaa karane ke lie thodaa saa ghatanaa kram doharaataa hoon.
bee see see aaee ke maichon ke telekaast ke adhikaar ko lekar hameshaa se kuchh ajeeb golamaal hotaa rahaa hai. pavaar saahab ke kaafee pahale se bhee. ee es pee en aur setamaiks jaisee kampaniyaan to skor karatee raheen magar jab zee ke subhaash chandraa ne khaataa kholanaa chaahaa to sab se oonchee bolee lagaane ke baavajood use takneeki aadhaar par maidaan se baahar kar diyaa gayaa- aap ko sports chainal chalaane kaa anubhav naheen hai.

maamalaa adaalat men gayaa aur ek baar fir adaalat ne vyavasthaa ke paksh men faisalaa diyaa (ye adaalat har baar kaise pahachaan letee hai ki vyavasthaa ke saare faisale saaf,dhule, bedaag hote hain?). dubaaraa bolee lagaaee gaee zee tee vee ke munh par pattee baandh kar. aur telekaast kaa adhikaar ee es pee en ko de diyaa gayaa.

bechaare subhaash chandraa ne sochaa ki bee see see aaee kaa ballaa! jo niyam vo bataae usee se khelanaa hogaa. to unhone sportas chainal men anubhav haasil karane ke lie unhone ek kriket pratiyogitaa kaa aayojan kiyaa. jis men lokal star ke khilaadee antaraashtreey khilaadiyon ke saath kandhe se kandhaa milaa kar khenlege, bees-bees ovar ke maich men. is poore aayojan kaa snyojak kapil dev ko banaayaa gayaa. is kansept aur aaidiyaa kee chamak se sab kee aankhen chaundhiyaane lageen. seereez kaa naam diyaa gayaa aaee see el –indiyan kriket leeg.

khilaadee lapak-lapak kar aaee see el kee god men girane lage. bee see see aaee ke haath se tote ud gae. aur usakaa niyntran karane vaale log ek ajeeb se asurakshaa bhaav se gir gae. unhone saare khilaadiyon ko dhamakaanaa shuru kar diyaa ki jo aaee see el men khelegaa vo bee see see aaee ke saare toornaament se baahar ho jaaegaa! use bain kar diyaa jaaegaa! aur kapil dev ko to turant aanan faanan bain bhee kar diyaa gayaa.

saaree antaraashtreey teemon ke maujoodaa test aur van de khilaadee aaee see el se door rahe. magar tamaam aise khilaadee jinakaa kariyar khatm ho chukaa thaa yaa kharaab pradarshan ke kaaran ve teem se baahar the, ve aaee see el men shaamil ho gae.

desh ke aise tamaam khilaadee jo ranjee trofee khel-khel kar is nishkarsh par pahunch chuke the ki ab unhe kabhee test aur van de teem men naheen chunaa jaaegaa- unhe aaee see el men ummeed kee ek naee kiran dikhee. lekin adhikatar khilaadee bee see see aaee kee dhamakee ke chalate door rahe. pahalaa aaee see el huaa aur khaasaa kaamayaab rahaa. subhaash chandraa aur kapil dev kah-kah kar haar gae ki ham kriket kee sevaa karanaa chaahate hain magar bee see see aaee ne to unakee baat sunanee hee naheen thee. adaalat ne fir se vyavasthaa kaa saath diyaa.

aaj jo aaee pee el ho rahaa hai vo pooraa pooraa aaee see el kee naqal hai. farq sirf itanaa hai ki is aayojan men maujoodaa staars shaamil hain. varnaa sab kuchh ek jaisaa hai. aaj khabar aaee hai ki agar khilaadee aaee see el se taubaa kar len aur to bee see see aaee un par lagaa pratibandh hataa legaa.

vaise hee jaise vidharmee ho gae janon ko gomootr pilaa kar shuddhi kar lee jaay! par savaal ye hai ki jinhe vidrohee kahaa jaa rahaa hai aur vidharmee kee tarah asprishy banaayaa jaa rahaa hai, unhone koee vidroh bhee kiyaa bhee thaa? apanaa dharm badalaa bhee thaa?

main poochhanaa chaahataa hoon ki is tarah kee neeti kaa kyaa arth hai? aakhir aaee see el kaa aparaadh kyaa hai? kyaa ye ki vo aise kaee junoonee bachchon ko antaraashtreey star par apanee pratibhaa ko pradarshit karane kaa ek mnch muhayyaa kar rahaa hai? sau dedh sau aur khilaadiyon ko naukariyaan de rahaa hai? desh men rozagaar ke aur saadhan paidaa kar rahaa hai? vo kyaa khaas baat hai jo pavaar saahab ke ang-ang men chunne kaat rahee hai? is tarah kee haath umeth kar maidaan men sirf ham rahenge qism ke vyavahaar ko saamaajik arthon men gundaagardee kahaa jaataa hai aur aarthik arthon men ijaaredaaree.

ye hai pavaar saahab kee raajaneeti kaa namoonaa. jo nyaay, naitikataa, sah astitv aur svasth spardhaa ke sabhee maanadandon ko darakinaar karake sirf apanee sattaa ko sthaapit karane kee neeti men vishvaas rakhate hain. pradhaanamntree ke pad par pahunch kar aise vyakti se aap kis tarah ke netritv kee aas rakhate hain?

lainsiyolet kodet tomentoz harasoot

aajakal ek naee bhaashaa seekh rahaa hoon. pedon-paudhon men jaage nae shauk ke chalate un se sambandhit ek googal samooh kee sadasayataa haasil kar lee hai – indiantreepix . jab bhee kisee ped-paudhe ko pahachaanane kee koshish men mere paas maujood chaaron kitaaben haath khadee kar detee hain to is samooh par ek post, may tasveer chipakaa detaa hoon.

aur bas samooh ke 822 sadasyon men se ve bandhu jo ped ko pahachaanate hain, pahelee sulajhaa dete hain. aur ek baar ped kaa naam pataa chal jaay, khaasakar vaijnyaanik naam to net par tamaam aise srot maujood hain jo peda/jhaadee/lataa ke sambandh men vistrit jaanakaaree muhayyaa kar dete hain.

jo naee bhaashaa seekh rahaa hoon vo isee vanaspati shaastr se samabandhit hai. aap ke svaad ke lie ek namoonaa yahaan pesh kar rahaa hoon –

Muntingia calabura (L., Muntinginaceae) : Small tree with tiered slightly drooping branches with crowded distichous simple alternate strongly asymmetrical sticky-pubescent oblong acuminate obliquely subcordate thin serrulate leaves, soon wilting, 2.5-15 cm long, 1-6.5 cm wide; stipules linear, about 5 mm long, caducous, flowers bisexual, 1 or few in axils, on pedicels about 2-3 cm long; sepals 5 (rarely 6 or 7), each about 1 cm long, lanceolate-caudate, tomentose-hirsute; petals white, [or pink], broadly spathulate-deltoid, about 12-13 mm long, rotate, stamens about 75; filaments slender, distinct, 6 mm long, white; anthers small yellow; disc annular, around the ovary; hirsute; ovary stipitate, glabrous, 5-celled; stigma capitate, 5-riged; fruit 5-celled baccate, sub-globose, light red, 1-1.5 cm wide, sweet-juicy, with many small (1/2 mm) elliptic grayish yellow seeds, stigma persistent.

oopar se aisaa maaloom detaa hai ki yah angrezee bhaashaa hai par main yahaan likhe gae vivaran ke aadhe se adhik shabdon se parichit naheen hoon. ek glaasaree net se milee hai painsath panne kee. usako dekh kar hee thakaan ho sakatee hai. magar seekhane kaa aanand aksar bahut thakaano se paar le jaataa hai.

mainne dekhaa hai ki hindee men is prakaar ke samoohon kaa abhaav hai jabaki zaroorat tamaam. ab jaise shabd kee utpatti ke sambandh men hee ek samooh qaayam kiyaa jaa sakataa hai. kyaa kahate hain ajit bhaaee?















tasveer: mantinjiyaa kailaaburaa yaa jamaikan cheree yaa maraathee men kevanee.
yah ped sadak ke kinaare milaa magar pahachaan indiyanatreepiks ke doston ne karaaee.

islaam par kharee-kharee

tamaam padhe-likhe logon kaa maananaa hai ki islaam ek nihaayat kattar dharm hai aur usamen sudhaar kee koee gunzaaish naheen hai. aaj ke islaam kee jo taalibaanee aur vahaabee soorat hai us se yah mat kaafee sahee maaloom detaa hai. magar hameshaa se aisaa naheen thaa. islaam ke itihaas men pahunche hue peer kahe jaane vaale tamaam musalamaanon ne ise anek rngo se sajaayaa aur snvaaraa hai.

magar aajakal chalan kuchh aisaa huaa hai ki agar khudaa ko parade men rakhane kee baat hai to paigambar kee bhee tasveer naheen ban sakatee. kuchh daanishamnd to is had tak jaate hain ki khud bhee tasveer naheen khinchavaate aur kaimaron ko tod fenkane kee tabiyat bhee rakhate hain. unakaa bhalaa kaun karegaa main naheen jaanataa.

main paataa hoon ki mere bachapan se alag aajakal kaafee log takhane se oonche paijaame aur sharaee daadhee ke saath tahalate paae jaane lage hain. meree samajh ye hai ki agar koee is tarah kee pahachaan ke daayaron men surakshaa talaashane lage to nishchay hee us vyakti/samudaay men kamazoree kaa bhaav gahare ghar kar chukaa hai. vah apane samay ke saath kadam milaakar chalane ke bajaay ateet kaa palloo pakad kar ghisatane men apanee saarthakataa paa rahaa hai. yah duhkhad hai.

islaam kee aalochanaa aasaan naheen. aatnkavaad aur islaam men kattarataa kaa virodh karane vaale bhee quraan kee kisee aayat ke sahaare yaa muhammad saahab kee kisee hadees kee hee aad se aisaa kar paate hain. hindoo dharm kee pungee bajaane vaale aur eesaaeeyat ko lampoon karane vaale aap ko thok ke bhaav upalabdh honge magar islaam aur muhammad kaa makhaul udaanaa to door tark ke naam se hee log thar-thar kaanpane lagate hain.

blog kee duniyaa men ek bhaaee momin ne islaam par vivekapoorn kharee-kharee kahane kaa beedaa uthaayaa hai. un kee baaten badee sateek hain. kitanee graahy aur supaachy hotee hain ye to vaqt hee bataaegaa. blog par unakaa parichay naheen milataa magar itanaa tay hai ki ve jo bhee hain, dhany hain. main unakaa svaagat karataa hoon aur un ko is beehad kaam ko karane ke lie badhaaee aur shubhakaamanaaen donon detaa hoon.

ek javaan sher kee maut

feeroz khaan ab hamaare beech naheen hain. pichhale lagabhag ek saal se ve kainsar se peedit the. maafee chaahataa hoon – unake jaise javaanmard ke lie ‘peedit the’ kahanaa, unakee shaan men gustaakhee hogaa. 1939 men janme feeroz khaan kabhee boodhe naheen hue. javaanee men hee yah sher antim neend ko so gayaa; pataa naheen is baat par khush huaa jaay ki afasos kiyaa jaay. angrezee men ek frez hai – liv laaif king saaiz- vah unake oopar mukammal baithataa thaa.

vah moolath abhinetaa the. saath ke dashak men unhone bee gred filmon men naayak ke bataur aur e gred filmon men sah naayak ke bataur kaee filmen kee – kaee safal aur tamaam asafal. magar ham unhe sattar ke dashak ke anokhe andaaz vaale nirmaataa-nirdeshak ke bataur zyaadaa jaanate hain.

kyaa daur hai, kyaa chal rahaa hai, kyaa bik rahaa hai ityaadi kee paravaah kie bagair unhone apanee pasand kee filmen banaaeen. aparaadh, dharmaatmaa aadi filmon se shuruaat karake unhone qurbaanee aur jaanbaaz men apanaa charamotkarsh paayaa. apane bheetar hee bheetar ghutane vaale engree yng main ke parsonaa se bilakul alag unhone apanee tabiyat ke anuroop ek bekhauf, belaus, mastamaulaa naayak ke dhab men apane ko dhaalaa aur darshako kee vaahavaahee lootee.

baad ke daur men aaee unakee filmen bilakul naheen chalee, par unhone ghabaraakar faarmoolebaazee ke surakshaa kavach men dubakanaa kabhee naheen sveekaaraa. aur apanee sharton par jeete rahe.

tamaam log kah sakate hain ki unakee filmon kaa bhaarateey samay kee sachchaaee se koee sarokaar naheen rahaa. magar feeroz khaan vo akelaa shakhs thaa jo paakistaan jaa kar unakee aankh men ungalee daal kar unhe bhaarateey samaaj (aur paakistaanee samaaj bhee) kee sachchaaee kaa aaeenaa dikhaa kar aayaa. ye alag baat hai ki tamaam tathaakathit sarokaaradharmee feeroz khaan ke kaduve sach ke lie sharmindaa hote rahe aur maafee maangate rahe jabaki is haqabayaanee ke lie janaral musharraf ne unhe jeevan bhar ke lie paakistaan aane se bain kar diyaa.

faradeen khaan ke shabdon men unake pitaa ek rok staar* the. main unakee is raay se sahamat hoon. unakaa jaanaa hamaare beech se ek behad rngeen aur anoothee shakhsiyat kee vidaaee hai. main unhe salaam karataa hoon.

*roodh arthon men rok sngeetakaar magar samakaaleen arthon men ek aisaa vyakti jo apanee sharton par jeevan jeete hue ek selebreti saabit ho.

ghar par pul

jeevan to bhaiyaa ek safar hai. janm aur mrityu ke beech ke do atal saty ke beech kaa alpaviraam hai. sudheejan kahate hain ki jeevan to janm ke is paar aur mrityu ke us paar ke beech kaa ek chhotaa pul hai, aur pul se hokar bas guzar jaayaa jaataa hai. is rahaguzar men bojhaa halake se halakaa rakhaa jaataa hai. taaki man kare to pul par khade ho kar neeche ke bahaav ko dekh kuchh chintan-manan kar liyaa jaay! aur is pul par - yaa kisee bhee pul par - ghar naheen banaayaa jaataa!

magar sudheejanon kee baat kaun sunataa hai. kabhee-kabhee to sudheejan svayn bhee sudh-budh bhool kar pul par dumahalon-chaumahalon kee ataariyaan banaane men vyast ho jaate hain. aajakal ke baabaa-baapoo gan vaitaranee men gaiyaa kee poonchh ke chakkar men hain yaa snsaar men apanee poochh ke chakkar men hain; ye raaz kis se chhipaa hai.

khair, hamaare baabaa log kee mahimaa aparampaar hai jo kahate bhale hee kuchh bhee hon, baaqee duniyaa kee tarah vo bhee pul par ghar banaane men lage pade hain. unakaa kyaa dosha; aakhir ve bhee manushy hain.

par un bechaaron kaa kyaa jinakaa ghar hee pul par ho.. yaa ghar ke aage bhaaee logon ne pul banaa diyaa ho! ve aadhyaatmikataa ke is achaar kaa ras kaise paaen?



chitr: bhaayakhalaa poorv v pashchim ko jodane vaalaa pul, mumbaee

giragit

geetaanjali raav kee pahalee film printed renabo duniyaa bhar men dheron puruskaar bator chukee hai. unakee agalee film giragit jo eneemeshan feechar honee thee, paise kee kamee ke chalate atak gaee hai, aisee khabar hai. dukhad hai kyonki aap khud hee dekhie ki geetaanjali kee aankho aur ungaliyon ke beech saundary kaa kaisaa adbhut snyojan hai!

jo khag haun..

mitro, aajakal mere man-maanas par ped chhaae hue hain. unhe dekhanaa, unhe pahachaanane ke lie kitaabon men padhanaa, apane bhaaee se aur net ke nae ped-premee mitron se unake baare men charchaa karanaa, zyaadaa samay isee men jaataa hai. is shagal men do sukh hain – paidal vicharane kaa sukh aur kuchh nayaa jaanane kaa sukh!

isalie aajakal fir nirmal aanand aa rahaa hai. yah kab tak chalegaa, kah naheen sakataa? shahar men pedon kee seemit prajaatiyaan hain. ek roz saare ped pahachaanane jaayenge aur fir jaanane ke lie kuchh bhee nayaa naheen rah jaayegaa, agar main apanee jijnyaasaa ke daayare men belon, jhaadiyon aur titaliyon, keet-patngo ko shaamil n kar loon! yaa apane vicharane kaa seemaaen n tod doon!


















aap ke aanand ke lie neeche ke ek fool kee tasveer chipakaa rahaa hoon. yah kaim naam ke ped kaa fool hai. tebal telis ke gend ke aakaar kaa yah fool ek naazuk khushaboo kaa svaamee hai. kaheen-kaheen ise kadamb bhee kahaa jaataa hai.

vaise kadamb naam kaa ek aur bhee ped hotaa hai. vo kaanapur men mere ghar kee baahar kee sadak par qataar se lagaa huaa hai. magar pradeep krishan kaa kahanaa hai ki bhagavaan shree krishn jis kadamb ke neeche apanee leelaa rachate the, vah yahee kadamb hai jisakee tasveer aap dekh rahe hain.

rasakhaan isee ped kee daar par baseraa karanaa chaahate the..

maanush haun to vahee rasakhaani basaun gokul gaanv ke gvaalan.
jo pasu haun to kahaa basu mero charaun nit nand kee dhenu mnjhaaran.
paahan haun to vahee giri ko jo dharayau kar chhatr purandar dhaaran.
jo khag haun basero karaun mil kaalindee-kool-kadamb kee daaran..