jammoo men amaranaath shraain bord vivaad se upaje aandolan ke chalate hue paintees din ho gae. ab kaangres aarop lagaa rahee hai ki bhaajapaa logon ko bhadakaa kar chunaavee rotiyaan senkanaa chaahatee hai. magar jammoo ke kaangresee netaa bhaajapaaeeyon ke saath milakar jammoo bnd men hissaa le rahe hain. aur mujhe yah is baat kaa saboot maaloom detaa hai ki is aandolan se jammoo kee aam janataa kee aankaakshaaen jud gaee hain. par dukh kee baat ye hai ki aise aandolano ko apane hiton kaa saadhan banaane vaalon kee ban aaee hai. jammoo aur kashmeer ghaatee donon jagah billee ke bhaag se chheenke foot chuke hain.
udhar kashmeer ghaatee ke raajaneeti ke netaagan teevee par aa aa kar dhamakiyaan de rahe hain. koee kah rahaa hai ki 99 ekad zameen ke lie aap kashmeer se haath dho baithenge. koee apeel kar rahaa hai ki kashmeer ko fileesteen mat banaaiye. aur ye netaa is tarah kaa alagaavavaadee sur isalie alaap rahe hain kyonki chunaav nazadeek hain aur unhe lagataa hai ki in ubalate hue jazabaaton ke beech ve samajhautaavaadee samajhadaaree kee baaten karenge to unakee chunaavee naiyaa doob jaaegee.
par haalaat bure hain bahut bure. jab muslim kattarapnthee kashmeeree jamaaton ke dabaav men aakar gulaam nabee aazaad ne amaranaath shraain bord ko dee gaee zameen vaapas le lee thee tabhee unhone ek aisee buniyaadee galatee kar dee thee ki bhaajapaa aur any hindoo saampradaayik dal usakaa bharapoor faayadaa uthaakar janataa ko bhadakaa saken. shraaeen bord ko dee gaee zameen ko vaapas lene kaa faisalaa kisee bhee tarah se sahee naheen thaharaayaa jaa sakataa.
kashmeeree musalamaan ko dar hai ki is tarah zameen hathiyaa kar ke kashmeer ghaatee men hinduon ko bharane kee saazish kee jaa rahee hai. kyaa kisee ke dar ke aadhaar par sarakaar faisale karatee hai? mujhe dar hai ki doosaraa meraa galaa kaatane vaalaa hai isalie sarakaar mere dar ke aadhaar par use jel men daal de? ye to maainoritee riport jaisaa maamalaa ho gayaa. ghaatee ke logon kee snvedasheelataa ko sambodhit karane ke chakkar men ve jammoo ke logon ke prati snvedanaheen ho gae.
jammoo ke hinduon ko is baat par pratikriyaa karanaa svaabhaavik thaa khaasakar tab jab ki vahaan rahane vaalon men ek achchhee snkhyaa kashmeeree panditon kee ho jinhe bees saal pahale kashmeer ghaatee se khaded diyaa gayaa. ek lambe arase se ghaatee men muslim kattarapnthiyon ne alagaavavaad aur aatnkavaad kee raajaneeti kee hai, aaj jammoo se usakaa vidroop javaab aa rahaa hai.
ye samasyaa kaangres kee khadee kee huee hai jis kaa faayadaa bhaajapaa aur kattar kashmeeree sngathan uthaa rahe hain aur nuqasaan desh kaa ho rahaa hai.
27 tippaniyaan:
kaee baar sochataa hoon ki ye aag kab bujhegee...lekin javaab khud se kaee baar aataa hai chunaav ke baad.
dharmanirapekshataa kee jay, kaangres kee jay, maanavaadhikaaravaadiyon kee jay, gaandheevaadiyon kee jay, chalo aao ek-ek gulaab kaa fool "mahaboobaa" ko den…shaayad samasyaa hal ho jaaye…
jammoo ko senaa ko saunpane kaa faisalaa kiyaa lekin kashmeer ko naheen. kripayaa bataaye kyon
kyaa ye keval chunaav se hee snbndhit hai.
kaisaa savaal poochh rahe hain bhaaee..kashmeer to kab se senaa ke havaale hai..
senaa ko kashmeer me svaayattaa nahee hai anyathaa pnjaab kee tarah vnhaa bhee aatnkavaad kaa khaatmaa ho gayaa hotaa
mere hisaab se fileesteen vaale svatntrataa ke hakadaar hai aur jammoo vaale bhee
jis din gulaamon ke nabee aazaad nen 10 hektar zameen shraain bord ko dee thee usee din,en dee tee vee 24/7 par paricharchaa mo bhaag lete hue aal huryit kaanfrens ke sadar maulaanaa meer vaayaj no ek jhatke men ek baat kahee "ham vahaan gaajaa pattee naheen banane de sakate" .itanaa sunate hee barkhaadatt ne unako svich aanf kiyaa haule se muskaraayeen aur ravishnkar prasaad se savaal poonchhne lagee. arth saaf hai kashmeer volee men hindoo naam kee cheej nahee bachee hai,alahadagee pasnd kashameer men aisee graaund banaa chuke hain jisase kabhee bhee kashmeer ko alag desh kee ghoshanaa kar saken. bhaarat se kashmeer ke vibhaajan kee bhoomi taiyaar hai paakistaan ke raajaneetik haalaat aise nahee hai ki vah abhee khule aam huryit kee madad kar paae,samay kee prateekshaa kee jaa rahee hai. hamaare kaayar aur bhrasht raajanetaa aur usase bhee jyaadaa bhrasht meediyaa sekyularijm ke naam par desh todanen kee saajish men jis prakaar jaano anajaanen lagee huee hai yah atynnt hee dukh kee baat hai. islaam ke do rup hain ek hai khudaa par eemaan laane vaalaa aur doosaraa hai islaam par eemaan laane vaalaa. islaam par eemaan laanen vaalon kaa ek hee mishan rahtaa hai, zyaadaa se jyaadaa logo yaa deshon kaa islaameekaran karanaa,aur vah abhee tak safal bhee rahe hai, hamaaree aapakee udaarataa, kaayarataa yaa dogalee maanasikataa ke kaaran. pichhle 150-200 varshon men kitanen deshon kaa islaameekaran huaa hai?kyaa vah islaam kee ruhaanee shikshaaon ke aadhaar par huaa hai yaa yuddhak maanasikataa ke kaaran? vistaaravaad chaahe vah poonjeevaad,maarksavaad,islaamavaad yaa fir vah hindoovaad ke naam par hee kyon n ho kyaa usako aap jaayaj thaharaayenge? 1200/1300 varsh pahale yahoodee aur fir paarasee jeevan,dharm aur asmitaa bachaanen hetu bhaarat men sharan lete hain, 50/100 baras baad hindoo kahaan sharan lenge yah aap jaise sekyulars ko hee bataanaa padegaa ? kripayaa islaamee vistaaravaad kee raajaneeti kaa punh gnbheerataa se adhyyan,chintan aur manan karen! kripayaa aam musalamaan kee duhaaee n deejigaa, do joon kee rotee-rozee kee chintaa men rahanen vaale se kisee kaa koee bair n thaa n hai kintu yah aam jan baanglaadesh,paakistaan,afagaanistaan,iraak, eeraan, maleshiyaa,indoneshiyaa aadi-aadi ke bananen ke pahale bhee thaa,yah bhee n bhoolaa jaae.
kaatyaayan bhaaee, aap kahate hain ki islaam kaa prachaar aur prasaar yuddhak maanasikataa ke bal par huaa.. aur us par bhee pichhale dedh do sau saal par adhik zor de rahe hain..
meraa kahanaa hai ki islaam ke janm ke baad ke shuruaatee daur men zaroor islaam kee senaaen arab se lekar sindh tak aur pashchim men morakko tak daudee theen.. magar us ke baad se aisaa kuchh naheen huaa.. aur agar musalamaanon kee snkhyaa badhee hai to usakaa kaaran talavaar to bilakul hee naheen hai.. yadi vaisaa hotaa to hindustaan par aath sau saal ke shaasan ke baad hindoo kaise bahusnkhyak bane rahe jabaki maleshiyaa aur indoneshiyaa kee bahusnkhyak log musalamaan ho gae jise kabhee arabon, eeraaniyon yaa turkon ne naheen jeetaa aur n un par kisee videshee musalamaan ne raaj kiyaa.. ?
kattarapnthee naramapnthee hinsak ahinsak aapako sarvatr milege
aaj ahinduo ko aatnkavaad felaane ke lie kaee jagaho se sahaayataa milatee hai yah baat chhupee nahee hai
yadi hindu kattarapnthiyo ko bhee un kee tarah kahee se sahaayataa mil gayee to kyaa hogaa
vaise naramapnthee hinduo ko kattarapnthee banaane ke lie aapake kuchh ekatarafaa lekh bhee jimmedaar ho sakate hai
mai aapake lekhau tathaa vichaaro ko pratibndhit karane yaa hameshaa usakaa virodh karane kaa himaayatee nahee hoo parantu pakshapaat se bache
mai aapake jnyaan tathaa kshamataa kaa badaa mureed hoo kripyaa mere vichaaro ko anyathaa n le
tathyon men jaane se koee laabh naheen. jab itihaas likhaa jaaegaa to yah kahaa jaaegaa ki bhaarateey snsadeey pranaalee ke asafal hone kaa ek mukhy kaaran us kee chunaav padyati thee. hamaaree vartamaan chunaav pranaalee hee sab raajanaitik dalon ko (saamyavaadee aur maarksavaadee dalon ko chhod kar)is tarah ke saanpradaayik muddon ko chhed kar janataa ke khoon kee keemat par apanee rotiyaan senkane ko baadhy karatee hai. hamaaree jarjar vyavasthaa par likhie. in muddon ko aadhaar banaate hue. jis se logon kee aankhen khulen. aap men vah saamarthy hai.
log aalochanaa karate samay kyon apanaa naam chhupaate hain. saamane aa kar baat kyon naheen karate. unhen kis baat kaa bhay hai. main to kahataa hoon ki is desh ko ek hindoo yaa muslim raashtr banaane kee muhim chalaane vaale apanee muhim ko khulaa kyon naheen karate? jis par bahas ho sake.
meraa maananaa hai ki vichaaron ko khule roop men abhivyakt karane kaa saahas karane vaale hee samaaj men badalaav ke vaahak ban sakate hain.
bilkul sahee staind hai aapakaa -ek baar jab jameen de dee thee to fir vaapas naheen lenee chaahie thee -magar kattarapnthiyon kee aage sarakaar jhukee aur yah sab shuroo ho gayaa -par ab kyaa kiyaa jaanaa chaahie ?
kyaa fir se jameen amaranaath bord ko de diyaa jaanaa chaahie ?
aapake kathan "ye samasyaa kaangres kee khadee kee huee hai " ke hisaab se kyaa yaatriyo ko suvidhaae nahee milanee chaahie thee
samasyaa kattarapnthiyo ke kaaran se hai
kaangres ne kabhee bhee agar saanpradaayik raajaneeti shuru kee hai to usakaa jhandaa bhaa j paa ne hee aage badh kar thaamaa hai. baabaree masjid ke maamale men yah baat saabit ho chukee hai.
kashmeer ke saanpradaayik maahaul kee zimmedaar bhee kaangres hai. ab tak dharm ke naam par raasht banate aae hain .... kaangres raajy bhee banavaa rahee hai.
kyaa apratyaksh roop se kaangres, kashmeeree aatnkavaadiyon kee madad kar rahee hai ?
dinesharaay dvivedee jee
kyaa vichaar kee upayogitaa keval pahachaan bataane se hee hotee hai
kripyaa gugal se Anonymous aapashan hataane kaa anurodh kijeee
svatntrataa sngraam me kaee kraantikaariyo ne apanee pahachaan chhupaaee hai jaise subhaash baaboo
mai itanaa mahaan nahee par apanee pahachaan kee gopaniyataa bhng nahee karugaa
at me aapako muddaa badalane me kaamayaab hone par badhaaee
abhay tivaaree jee
"kyaa hame doosaro ke vichaar isalie anasune kar dene chaahie kyo ki amuk yaa to doosaree vichaaradhaaraa kaa hai yaa fir usakee pahachaan gopaniy hai"
is manovaijnyaanik mudde par likhane ke aap sabase kaabil hai. vaise yahee vichaar jammu sahit kaee any samasyaao kee jad hai kripayaa vichaar kare.
mere anaan mitr,
yadi main aap kee gopaneeyataa par koee etaraaz karataa to aap kee tippanee chhaapataa hee kyon? mujhe sirf gaaliyon aur nijee teekaa-tippanee se aitaraaz hai. rahee baat dinesh bhaaee kee to ve aap kaa virodh naheen kar rahe sirf aap se aur adhik saahas kee apekshaa rakh rahe hain, taaki aap samaaj ke badalaav men sakriy bhoomikaa nibhaa saken.. mujhe naheen lagataa ki aap ko un se koee shikaayat honee chaahiye..
subhaash baaboo ne bhee svechchhaa se naheen, paristhitiyon ke dabaav men aisaa qadam uthaayaa thaa..
abhay jee,maine kab kahaa ki150/200 varshon men yuddh ke maadhyam se maleshiyaa,indoneshiyaa,barmaa,maaladeev aadi kaa islaameekaran huaa? maine yah prashn uthaayaa hai ki pichhle 150/200 varshon men ukt deshon kaa islaamee karan kyon huaa hai,aur yadi aap yah kahanaa chaahte hain ki un sabhee deshon ke bahusnkhyak vichaaradhaaraa se prabhaavit aur anupraanit ho kar muslim hue hain to main punhnivedan karanaa chaahoongaa ki yah tathy aur saty ke vipareet hai.eeraan kee baat to chhoden,kaabul,gaandhaar se lekar bhaarat hote hue sudoor dakshin poorv eshiyaa ke samast kshetr men sanaatan dharmiyon,jainon aur bauddh mataavalambiyon kee hee bharamaar thee tathaa adhikaansh aabaadee aapraakritik ahinsaa ke vyaamoh se grasit thee.jisake pratikaar men bhakti aandolana{isamen vedaantee bhee sammilit hain} jahaan ek or sakriy thaa vaheen doosaree or islaam ke haraaval daste soofee santon ke rup men kaaryarat the. aise dvandv men fnse bahuasnkhyak samudaay ko jahaan ek or soofee snt rudh aasthaaon se digaa rahe the vaheen chhote-chhote sainik dalon ke saath aanen vaale islaamik aatataayee unakee jaan,maal tathaa ijjat kaa apaharan karanen men lage the{aise kabje vaale kshetron ko islaamee desh ghoshit karaanen ke lie turkee ke khaleefaa ko anaap-shanaap khiraaten bhent kee jaatee theen},door n jaakar kashmeer ke itihaas par nazar daalen-aladaad se shuru huaa yah khel kahaan pahunch gayaa hai yah aapake saamanen hai hee.jaraa uttar poorv ke itihaas par drishti daalen-1125 men asam men devavnsh kaa raaj thaa jisakee teesaree peedhee me prithu ke shaasan kaal 1206 ee0 men mohammad bin bakhtiyaar nen pahalaa hamalaa kiyaa thaa aur yah silasilaa 1613ee0 tak tab tak chalataa rahaa jab tak ki jahaangeer ke kaal men raajaa pareeksheet naaraayan ko paraajit kar mugaliyaa saltant men milaa n liyaa gayaa.yah ullekh isaliye kiyaa kyonki asam ke raajaaon ke aadhipaty men barmaa tak ke kshetr rahe the. isake lie aapako 1700 se 1930 tak chhpe puraanen itihaas parak granthon{ vijay chaturvedee jee se jaan kee amaan paaoon-asam kshetr ke lie kaalikaa puraan,kashmeer ke lie kalhan kee raajatarnginee,cheenee yaatriyon ke vivaran bhee } ko dekhanaa padegaa.ek ruchikar tathy bataanaa chaahoongaa-kyaa aapanen 1930 yaa usake pahale ke mudrit angrejee koshon ko dekhaa hai?tab aur ab kee dikshanareez ke arthon men aashcharyajanak antar milenge. yah tathy sahee nahee hai ki islaam kaa yuddhak itihaas shuruaatee kaal tak hee seemit rahaa hai-6thee shataabdee se lekar 1700veen shataabdee tak yah taandav jaaree rahaa hai. spen men kabje ke baad sakriy huye roman charch ke munh tod javaab ke baad yah silasilaa rukaa thaa. lokatntraatmak vyavaasthaaon ke uday honne ke baad islaamik rananeetikaaron nen bhee neetigat parivartan kiye. lokatantr men kyaa hathakande apanaae jaate hain alpasnkhyakavaad ke naam par, vah ham sab apaneen-apaneen drishti se dekh rahe hain aur jisakaa charam bhavishyat fal saiyyd shaahabuddeen ke is kathan men snketit hai-" if demokresee vil rimen, indiyaa vil bee a muslim kntree baai ve aaf paapuleshan in 2020." aur jahaan lokatantr naheen hai kyaa abhee vahaan vah grih yuddh kee sthiti kaa kaaran naheen banen hue hain? jahaan tak 800 saal tak paraadheen rahanen ke baavazood hindoo bahusnkhyak kaise rah gaye to 1600veen sadee tak afagaanistaan men hindoo raajaa daahir kaa raajy thaa,aur tab se afagaanistaan ke saath saath paakistaan, baangladesh ham banavaa chuke hain kashmeer aapake saamane hai, aane vaale varshon men, nepaal -uttarapoorv ke ilaake tathaa kashmeer men kyaa ghatanen vaalaa hai isakee aahat kyaa abhee bhee sunaayee naheen pad rahee? vaise vibhaajan ke pahale snyukt bhaarat kee janasnkhyaa 45 karod thee, naye banen paakistaan kee aabaadee 7 karod thee jisamen 10 laakh hindoo aur any the tathaa bnte hue bhaarat men 3 karod muslim the.paakistaan men ab 10hajaar ke lagabhag hindu shesh hain{maalthas kaa rivars laa aaf paapuleshan izaad ho gayaa hai shaayada}. baanglaadesh kee sthiti to buddhadev baaboo hee jyaadaa behatar bataa sakonge.
india men sabhi rajya bhasha ke aadhar par bane hain....jab rajy bhasha ke bina par ban sakte hain to dharm ke aadhaar par bhi ban sakta hai
uchit kathan
ati uchit kathan.
vidyaa bhaaratee ke "neenv kee eet" lekh se badaa prabhaavit rahaa hoo
mere kuchh prashn anachhuye hai kripyaa un par bhee prakaash daale visheshakar "kyaa hame doosaro ke vichaar isalie anasune kar dene chaahie kyo ki amuk doosaree vichaaradhaaraa kaa hai"
mere hisaab se yah kaee samasyaao kee jad hai
aakhir kyo hindoo muslim dharmavaadee maaksavaadee ityaadi khule man se aapas me snvaad nahee karate varan keval tarko tathaa kutarko se keval apanee baat ko hee manavaanaa chaahate hai
aapakaa anaam mitra
abhay jee, anaam mitr kee baat sahee hai... hamaaree parnparaa shaastraarth kee rahee hai use jeevit rakhanaa chaahie.
aapasee vichaar vimarsh se hee aage kee raahen banengee. par ek doosare ke sammaan dhyaan rakhaa jaae aur bhaashaa kee shuchitaa bhee banee rahe.
dinesharaay dvivedee jee
mai aapase aap par kee gaee tippanee ke lie kshamaa maagntaa hoo
shaastraarth kaa uddesh jaanakar aap meree galtee avashy maaf karege
abhay tivaaree jee is shaastraarth kaa shreeganesh aap praarambh kijeee kyoki aap sarvaadhik upayukt hai
aapakaa anaam mitr
kapil dev sharmaa
bhaaee kaatyaayan, maaf karen magar aap ke svar se lagataa hai ki aap ko musalamaan ke hone se hee aitaraaz hai? meree samajh men yadi koee svechchhaa se koee dharm chunataa hai to kisee ko aitaraaz kyon honaa chaahiye?
kapil jee, shaastraarth kee jo baat hai to use shreeganesh kaisaa karanaa.. vo to jaaree hee hai. bas usamen shaaleenataa banaae rakhanee hai bas..
aap kee saraahanaa ke lie shukraguzaar hoon.
abhay jee, tippadiyaon se yadi dukhh pahunchaa hai to mai hriday se khed vyakt karataa hoon. kintu aapakee "aap ke svar se lagataa hai ki aap ko musalamaan ke honen se hee aitaraaz hai," is tippadee se n keval asahamat hun varan dukhiht bhee hoon. musllam eemaan ho jinakaa aise musalamaanon ke honen par bhalaa kyaa koee aapatti kar sakataa hai? kintu khudaa par eemaan laanen vaalon ke mukaabil islaam par eemaan(? )rakhanen vaalon kee aaj taadaad jyaadaa hai, yahee saare fasaadaat kee jad hain aur inheen se meree naaittfaakee hai. yah meree apanee gadhee huee sonch naheen hai balki barason pahale aapake hee moolasthaan kaanapur ke kaaziye shhar maulaanaa mnzoor saahab aur soofiyaan huzoor saahb samet tamaam aalime mazahab se guftagoon ke baad is nishkarsh par pahunchaa thaa. ek any prashn aapanen khadaa kiyaa hai,"yadi svechchhaa se koee dharm chunataa hai to kisee ko aitaraaz kyon honaa chaahiye?" maasoom se laganen vaale is savaal ke peechhe kaee yaksh prashn upajate hain masalan koee mazahab kyon badalanaa chaahataa hai? badalanaa isalie kah rahaa hoon kyonki duniyaa bhar men mazahab janmajaat hotaa hai,chunaav to samajh aane par hee sambhav hai aur kyaa koee mazahab itanee aasaaneen se badalataa/chunataa hai?? agar aap yah kahanaa chaahate hain ki bhaarat men islaam ke aagaman se lekar ab tak jo bhee dharm parivartan hue hai vah adhikaanshath svechchhaa se hue hain to yah n keval asaty hai varan itihaas ko bhee jhuthalaanaa hogaa. dar asal abhay jee ham aap ek aise udyaan kee kalpanaa karate hain jisamen gulaab,gendaa,champaa,chamelee aadi bhaanti bhaanti ke fool hon,dharm rupee kintu ve ek aisaa baag chaahte hain jisamen ek hee nashal ke fool hon. yadi aapako lagataa hai ki mai galat bayaanee kar rahaa hoon to kripaa karake daa0 musheeroolahak kee kitaab "dharm nirapeksh bhaarat men islaam" evn yootyoob par daa0 zakeer naaik kee saafagoee kaa mulaahijaa karen.ek gambhreer shikaayat hai,chaahe hamalog vaale pnkaj pachauree hon,chaahe mukaabalaa vaale divaang hon yaa aap, vishay gambheer uthaate hain kintu manonukool zavaab n aanen par akasmaat jaise charchaa band kar dete hai usase kam se kam ek nishkarsh avashy nikalataa hai ki aap sabhee kee samaadhaan tak pahunchanen kee n to ichchhaa hai n hee dhairy.kapil dev sharmaa jee nen snvaad kee baat kee hai, dinesharaay dvivedee jee nen shaastraarth kee baat kee hai,shaastraarth shaastr aadhaarit hee ho sakataa hai jo shaayad yahaan sambhav naheen kintu vaad,snvaad aur.......to kiyaa hee jaa sakataa hai,haan manonukoolataa kaa aagrah chhodanaa padegaa. abhay jee kuchh bhee anyathaa lagaa ho to kshamaa karen aur blaag par aanaa hee ruchikar n lagataa ho to kripayaa mel yahaan mel karaden,punh dhrishtataa nahee karungaa.
aap vidvaan vyakti hain kaatyaayan jee.. aap apanee baaten mazabootee aur sabooton ke saath rakhate hain.. aur aap mere moolyavaan paathak hain jo apane vichaaron se meree likhee baaton ke doosare pahaloo bhee khol dete hain.. aap kee tippaniyon kaa sadaiv svaagat hai..
rahee baat samaadhaan kee to mujhe naheen lagataa ki mere chhote se blog kee ek post par tippanee ke aadaan-pradaan se hee samaadhaan nikal aaegaa.. vo kaheen adhik jatil yaatraa hogee.. ham aur aap jo kar rahe hain vo us dishaa men chhote-chhote qadam hain..
abhay jee,pahale hee aapake shodh parak lekhan se prabhaavit thaa.aaj aapakee sadaashayataa,udaarataa evn vaichaarik mat bhinnataa ke prati pradarshit sahishnutaa ko naman evn dhanyavaad.
ek tippanee bhejen