hindustaanee musalamaanon men sayyad kaun hain.. ?..jee baabhan hain.. pathaan baaboosaab yaanee raajapoot hain.. shekh kaayasth hain.. aur ansaaree julaahe hain.. ab musalamaan hone ke naate ye sab rotee bhale saath men khaa len.. magar betee.. n-n.. betee jaat men hee dee jaatee hai.. aap ko lag rahaa hogaa ki chalo yahaan tak to baat maanee par eesaaeeyon men kaun saa baabhan hotaa hai..? kuchh din pahale tak hamaaraa bhee yahee khyaal thaa ki eesaaee dharm men sab baraabar hote hain.. koee jaat paant naheen.. par hamaaree praacheen snskriti.. bade gahare snskaar botee hai.. aur fir ahir, julaahe, telee apanee jaat chhod den to chhod den.. ham baabhan apanee shreshthataa kaa garimaamay badappan sab jagah saath le kar jaate hain.. dharm badal jaane ke baad bhee.. eesaaee ho jaane ke baad bhee..
dekhiye ek nazar yahaan..
dekh rahe hain.. ye mere dvaaraa net par GRC Brahmin ke lie kee gaee sarch ke nateeje hain.. aur jo milaa hai vo shaadee ke klaaseefaaeed vijnyaapan hain.. yahaan par braahmin to saaf hai.. magar jee aar see kyaa hai..? jee aar see hai.. govan roman kaitholik.. to pooraa naam huaa govan roman kaitholik braahman.. aur govaa men sirf roman kaitholik braahman hee naheen hote.. roman kaitholik achhoot bhee hote hain.. ye varg aapas men hee shaadiyaan karate hain.. aur unake charch bhee alag alag hote hain.. govan machhuaaron kee puraanee hindoo jaati kunabee, eesaaee ho jaane ke baad bhale hee achhoot naheen rahee.. magar sabase nimn vargeey banee huee hai..
mere bhaaee snjay tivaaree govaa men saparivaar mauj kar rahe the.. blogar snjay tivaaree naheen, vaise vo bhee mere bhaaee hee hain.. sarayoo paaree hain to kyaa.. hain to baabhan heen ..par main unakee naheen apane sahodar.. bade bhaaee kee baat kar rahaa hoon.. un par yah rahasy udaghaatit huaa.. ve hil gaye.. fir unhone mujhe hilaayaa.. ab aap bhee hile rahiye.. aur apane dhaarmik aur jaateey snskaaron ko zaraa parakhate rahiye.. ho sakataa hai aap unake prati pooree tarah achet hon.. main apane baare men pooree tarah aashvast naheen.. apane mitron kee soochee men mujhe bahut saare sukul, misir aur paande dikhaaee de rahe hain..ahir ek bhee naheen..
10 tippaniyaan:
keral men dalit isaaiyon kee kabr kabristaan ke aakhiree chhor par rahatee hain.abdul bismillaah ne banaaras ke ansaariyon men 'gorakaoo','domaraoo' bhed kaa jikr kiyaa hai.
naheen naheen aapane dhyaan se padhaa hee naheen snjay tivaaree aapake vaale nahee idhar ke, ne ghoshanaa kee hai ki aajakal kee duniyaa men jaati paati mit gaee hai- ab yah braahman vaaky hai- brahm vaaky huaa. to ham kuchh nimnatar praaniyon ke lie aap log- shuklajee, tivaareejee, paandeyajee...tay karake bataa den ki sach kyaa hai. jaati hai ki gaee...
aapakaa jaati vimarsh achchhaa thaa.. kuchh nayee jaanakaaree milee..lekin dostee jaati yaa dharm dekh kar naheen kee jaatee ..vichaar aur unakaa marm dekh kar kee jaatee hai...
jaateey snskaar bade gahare hote hain. inase baahar aane ke lie atirikt roop se sachet prayaas jarooree hote hain. agar itanee brihad saamaajik soch ke baavajood aap abhee tak apanee jaati aur dharm se baahar koee aatmeey mitr naheen banaa paae to apanee pooree vaichaarik banaavat par aapako nae sire se vichaar karanaa chaahie. raajakishor ne apane ekamaatr upanyaas-sheershak yaad naheen- men likhaa hai ki agar aap hindoo hain to apane bndhan dheele karane ke lie aapako apane ek-do kilomeetar tak ke daayare men koee muslim hotal yaa aur naheen to chaay kee dukaan jaroor talaashanee chaahie. yah prayog karane kee jaroorat abhee tak mujhe naheen padee kyonki meraa daayaraa bhale hee kitanaa bhee chhotaa ho, lekin isamen daayavarsitee hai. agar aapako lagataa ho ki aapake daayare men yah cheej naheen hai, yaa kam hai to raajakishor jee kee salaah aajamaakar dekhane men koee harj naheen hai.
aapakaa dhyaan in baaton kee taraf jaa rahaa hai, ye shubh lakshan kahe jaa sakate hain. jaati aur varn vyavasthaa ke mool men bhee padaanukram (Hierarchy) kaa shaashvat siddhaant hee hai. ameebaa se lekar brahmaa parynt aisaa koee bhee jeev naheen, jo padaanukram men doosaron kee tulanaa men apanee sthiti ko lekar kisee n kisee prakaar kee grnthikaa shikaar n ho. snsaar ke saare jeev isee manodashaa ke shikaar hain. manushy to har desh, kaal aur paristhiti men kisee-n- kisee prakaar se shreshthataa kaa pad sopaan jaroor taiyaar kar letaa hai. dhany hain ve jo in grnthiyon ke shikaar naheen hain, ve yaa to nirjeev hain yaa fir svayn brahm!
saamaajik samaanataa kee avadhaaranaa ek yootopiyan avadhaaranaa hai. is avadhaaranaa ko dharatee par kabhee saakaar naheen kiyaa jaa sakaa, tathaakathit raam-raajy men bhee naheen. ek vyavasthaa ke taur par ise saakaar kar paanaa asnbhav hai. fir bhee, jab kisee vyakti ke man men doosaron ke prati samaanataa aur saamyataa ke bhaav udit hon to samajhanaa chaahie ki vah mukti kee raah par hai. lekin hamaare man men shreshthataa aur heenataa ke poorvagrah aur snskaar itane gahare hote hain ki unase baahar nikalane ke lie dikndeeshaning kee snpoorn prakriyaa se gujaranaa padtaa hai.apane man se shreshthataa grnthi ko samool nasht karanaa adhyaatm kee raah kaa pahalaa kadam hai.
dharm aur jaati ke bheetar aur baahar itane bhedabhaav aur khaanche hai ki kyaa bataaen . mujhe kuchh maukon par ahasaas dilaayaa gayaa ki main ‘alag’ hoon . ‘us’ dharm kaa hoon . mitron ne kabhee naheen par ajanabiyon ne ye ahasaas dilaayaa, khaasakar munbaee jaise mahaanagar men . flait lete vakt bildaron ne . usase pahale kiraaye se ghar dete vakt makaan maalikon ne . aur tab bahut talkhee paidaa huee man men, lagaa ki yaa to ye shuchitaa kaa kuchh jyaadaa hee aagrah hai yaa fir inake dimaag men deemak hai . aapane hilaayaa to fir se vo sab baaten yaad aa gayeen .
rochak jaanakaaree dee hai aapane. kaakesh jee kahate hain ki jaati dekhakar dostee naheen hotee. vichaar aur marm se hotee hai. do din pahale naee dillee ke ilaake men shoot kar rahaa thaa. kaimare se. ek jhaadoovaale kaa shaat chaahie the. kaimaraa dekh kar paseene aa gae. usane kahaa bnd keejie. hamane kahaa chintaa n karen. aise hee tasveer le rahe hain. agar aap manaa karenge to naheen lenge. lekin kaaran to bataa sakate hain. usane kahaa naheen bataaoongaa. mainne kahaa dost samajh kar bataa do.
jo baat kahee us par dhyaan diyaa jaanaa chaahie.
usane kahaa ki main dalit hoon. mainne kahaa to kyaa huaa. apanee mehanat kee khaa rahe ho. fir tasveer se parahej kyon? usane kahaa log jaan jaaenge. mainne kahaa log to jaanate hee honge ki tum dalit ho. usane kahaa main biraadaree kee baat naheen kar rahaa hoon. apane doston kee baat kar rahaa hoon. vo teevee men mujhe jhaadoon dete dekhenge to jaan jaaenge. ki main dalit hoon. meree dostee toot jaaegee. pahale vaalee baat naheen rahegee.
ye snvaad naee dillee kee sadk par indiyaa get ke paas ho rahaa thaa. mere paas koee aadarshavaadee javaab naheen thaa. sirf doston par usake bharose kee najaakat mujhe pareshaan kar rahee thee. kaakesh jee kyaa vaakaee dostee vichaar aur marm se hee hotee hai?
nirmal jee..jaati par lekh achchhaa hai. naee jaanakaaree ke saath. ek naee kitaab aaee hai anatachebals in rural indiyaa. vyaapak sarve ke saath. doodhiye ke kaarobaar men daliton ko doodh naheen dene se lekar jaatapaat ke tamaam varnan hain.
bhaiyyaa sabhee dharmo kaa ek hee haal hai lekin ye bataaye ham itane din gaayab rahe to aap ye peelee gaadee men baith kahaan ke liye nikalane kee taiyaaree kar rahe hain. aur bhee hai lekin ham kahaan hain ;) he he yoon hee chhed rahe hain aapako ham bhee baabhan hain chaahe gngaa paar ke hee sahee itanaa hak to banataa hai naa :)
abhay jee badhiyaa likhaa hai.
chaaturvarny vyavasthaa har jaati ke aantarik dhaanche men bhee alikhit-aghoshit roop se laagoo hai. braahmanon men bhee kitane hee shreshth aur nimn ke bhed vaale varg hain. jaateey bodh daan-puny aur nekee jaise snskaaron par bhee haavee ho jaataa hai. mere bachapan men ek muslim fakeer har hafte bhikshaa ke lie aataa thaa. vo aavaaj lagaataa - de de mahaadev baabaa ke naam par,allaa allaa karate raho ....parivaar ke ek bujurg mahaadev kaa naam sunakar bhikshaa dene ke lie utsaahit ho jaate magar allaa kaa naam sunate hee. udaaseen ho jaate aur kisee ke haathon bhikshaa bhijavaa dete . ekaadh baar to kahaa bhee ki hamaare ghar par allaa ke naam par mat maangaa karo.
isakaa kyaa kiyaa jaae...ham sirf muskuraa hee sakate hain n...apanee baaree aane par samajhadaaree dikhaane kee thaanee huee hai.
bhaaee mere!
is desh men dharm parivartaneey hai par jaati aparivartaneey . bade kavi-daarshanik aur dviraashtravaad ke siddhaant ke janak aur pairokaar muhammad ikabaal ko garv thaa ki ve braahmanon ke vnshaj hain . unake poorvaj (daadaa) kashmeeree braahman the .
main goaa men teen-chaar saal rahaa hoon . ath yah tathy mere jehan men thaa . yah desh hai meraa .... yah jo desh hai meraa ......
ek tippanee bhejen