pichhale dinon daa0 bheemaraav ambedakar kee pustak "achhoot: ve kaun the aur ve kaise achhoot ban gaye" ke saaraansh ke mere prayaas par nazar gaee hogee aap kee.. kuchh ne naheen bhee dekhaa hogaa.. har samay vyakti is tarah kee bhaaree saamagree padhane kee manhsthiti men naheen hotaa.. to aap sab ke lie aur un ke lie bhee jinhone in kadiyon ko dekhaa.. aur sab se badhakar apane lie main un nishkarshon ko rekhaankit karanaa chaahoongaa jo ambedakar ne apane is shodh ke uparaant haasil kie..kabaayalee samaaj aur chhitare log
aadim samaaj ghumantu kabeelon men bntaa samaaj thaa.. jo aapas men ladate rahate..krishi kraanti hone se kuchh log gaanvon me bas gae.. kintu kuchh log ghumntu bane rahe aur hamale karate rahe.. haare hue aur ujade hue kabeelon ke bikhare hue log.. doosare base hue kabeelon ke gaanvon kee seemaaon par rahate.. inhe chhitare log (broken men) kahaa gayaa.. is tarah kee parighatanaa duniyaa men har jagah huee.. aur base logon men aur chhitare logon men ek samajhautaa saa huaa.. jisake tahat kisee hamale kee haalat men chhitare log, base logon ke surakshaakavach kaa kaam karenge.. badalen men base hue log unhe rahane ko seemaa par jagah aur apane mrit pashu denge.. jinake maans khaal haddee aadi kaa ve upayog kar sakenge..
doosaree jagahon par chhitare log dheere dheere mukhyadhaaraa kaa ang ho gae par bhaarat men aisaa naheen huaa.. bhaarat men chhitare log achhoot ban gae.. kaise?
aary aur dravid
achhoot koee alag se paidaa huee haaree huee nasl naheen hai.. praacheen bhaarat men adhik se adhik do hee varg the.. aary aur naag.. aary koee prajaati thee yaa naheen is par shak hai..haan yah ek snskriti thee..jinake andar bhee do sngharsharat varg the.. rigvedee v atharvavedee.. aur naag, jinhe anyatr daas yaa dasyu bhee kahaa gayaa hai.. naag bhee ek snskriti thee.. inakee bhaashaa dravid thee.. in ke vnshaj aaj bhee poore bhaarat men hain.. par bhaashaa sirf dakshin bhaarat men simat gaee hai.. pahale dravid bhaashaa poore bhaarat men bolee jaatee thee.. kashmeer aur sindh men bhee.. jise paishaachee kahaa gayaa hai..
aaryon aur naagon me antarsambandh the aur vaivaahik sambandh bhee the..
vaidik snskriti aur gomaans
praacheen vaidik snskriti bali kee snskriti hai.. naramedh, ashvamedh aur gomedh aadi yajnyon men nar, ashv, go aadi kee baliyaan hotee theen.. ye baliyaan braahmanon dvaaraa dee jaatee theen aur ye braahman purohit mil kar saaraa maans aapas men baant lete the.. braahman pahale bhaynkar maansaahaaree the.. aur gomaans unakaa priy khaady thaa..roz roz kee is bali se samaaj braahamanon se aakraant thaa..
buddh kee kraanti
550 eesaa poorv men buddh kee dhaarmik kraanti se sab kuchh badal gayaa.. buddh ke maanaveey dharm kaa samaaj par gaharaa prabhaav padaa.. badee snkhyaa men raajaaon aur aam jan ne braahman dharm ko thukaraa kar buddh ke sachche dharm ko apanaa liyaa.. braahmanon kee pratishthaa aur rozagaar khatare men aa gayaa.. ve kaafee samay tak haashiye par chale gaye.. jabaki bauddh dharm kaa vistaar poore bhaarat aur bhaarat ke baahar poore eshiyaa men ho gayaa..
bauddh-braahman sngharsh men braahmanon kaa palatavaar
par braahman sngharshasheel rahe.. aur bauddh dharm se ladate rahe..vichaar se aur hathiyaar se bhee..185 eesaa poorv men maury shaasak brihadrath ke braahman senaapati pushyamitr ne usakaa sar kaat liyaa aur khud gaddee par aarudh huaa.. usake baad se desh men lagaataar bauddho ko hataakar braahman dharm ko punarsthaapit kiyaa jaane lagaa.. braahmanon dvaaraa kie jaa rahe is abhiyaan aur tamaam doosare uddeshyon kee poorti ke lie nayaa saahity rachaa gayaa.. jisamen agranee rahaa manusmriti..
manu smriti ne braahmanavaad ko majaboot karane ke tamaam koshishe kee.. puraane yajng vaale dharm ko punarsthaapit karane kee koshish kee.. samaaj men dheere dheere bauddhon ko parihaas kaa paatr banaayaa gayaa.. aur unase ghrinaa kee gaee.. bhikshuk bhikhaaree ho gayaa.. buddh buddhoo ban gayaa..
hindoo dharm men badalaav
parantu samay badal gayaa thaa.. aur janamaamas men ahinsaa kaa bhaav baith gayaa thaa jo krishi aadhaarit samaaj ke liye upayogee bhee thaa..bauddh dharm janataa ke lie braahman dharm se kaheen adhik aakarshak thaa.. to braahmanon ne paintaraa badalaa aur bauddho kee nakal karanaa shuru kiyaa unake jeevan darshan ko apanaayaa.. bauddho kee tarah mandir banaaye aur aur moorti poojaa shuru kee.. vaidik dharm men moorti poojaa kaa koee sthaan n thaa.. aur is sab se bhee badhakar braahman, gobhakshak se gorakshak ban gaye..magar kyon?
shaakaahaar-maansaahaar
bauddh pooree tarah shaakaahaaree naheen the... ve hinsaa ke virodhee the magar..mare jaanavar kaa aur aise jaanavar kaa maans khaa lete the jise unake liye maaraa n gayaa ho.. to bauddho se bhee do kadam aage nikalane ke lie braahmanon ne govadh ko sabase badaa paap ghoshit kar diyaa.. aur gomaans khaane vaale ko asprishy..
sabase pahale braahmanon ne gomaans khaanaa chhodaa.. kuchh ne to maansaahaar bhee chhodaa.. fir braahmanon kee dekhaadekhee abraahmanon ne bhee gomaans chhodaa.. kisane naheen chhodaa?
achhooton kaa janm
chhitare log jo gaanv ke seemaaon par rahakar paharue aur praacheen samajhaute ke tahat mrit jaanavaron ko thikaane lagaane kaa kaam kar rahe the.. aur mrit jaanavaron kaa maans khaate chale aa rahe hain.. ve chaah kar bhee gomaans khaanaa chhod naheen sakate the kyonki gaanv vaalon ke paas se vahee jaanavar praapt honge jo ve paalate hain yaanee ki go bail aadi.. aur isake alaavaa jeevikaa kaa koee doosaraa saadhan unake paas naheen thaa..
naee badalee huee sthiti men yah paap karm thaa.. aur is mahaapaap ko jaanakar bhee karate rahane ke kaaran chhitare log asprishy ho gaye.. is parighatanaa kee shuruaat kaa kaal ambedakar 400 ee. ke aas paas kaa tay karate hain..
kahaan gae sab bauddh?
ukt pustak men ambedakar itane hee nishkarshon kee charchaa karate hain par savaal aur bahut hain.. jo anyatr uthaaye gaye hain.. itanaa sab ho jaane ke baad bhee bauddh pooree tarah sattaaheen naheen ho gae the.. harshavardhan bauddhadharm kaa snrakshak thaa.. aur n hee shnkaraachaary ke baad tak unakaa vaichaarik roop se astitv samaapt huaa thaa.. to fir aaj hamaare desh men bauddh kyon naheen hain..? aakhir kahaan gae sab bauddh..? ye badaa prashn hai jisakaa javaab ambedakar kee kisee doosaree kitaab men talaashanaa hogaa..tasveeren:
sabase oopar, ambedakar vichaar magn
beech men, dravid vichaarak periyaar ke saath ambedakar
sabase neeche, 1956 men bauddh dharm apanaane ke baad ambedakar
13 tippaniyaan:
ambedakar ne vahee samajhaa jo samajh banaane men angrej kaamayaab rahe. fir bhee hamen yah naheen bhoolanaa chaahie ki ambedakar eesaaee ban jaate to kyaa hotaa?
ek pakke savarn kee tarah bole aap snjeev jee..jaise ambedakar koee svatntr vyakti naa hokar koee angrezon ke maauthapees hon.. yaa mittee ke maadho hon.. aap ne unako to naheen hee padhaa hai ye aap ke tippanee se saaf hai.. mat padhiye.. par is tarah kee tippanee karane ke pahale apane dharm shaastron kaa adhyayan kar leejiye.. apane dharm kee sachchaaee aap ko svayn pataa chal jaaegee..
maaf karen snjay jee .. galatee se aap kaa naam snjeev likh gayaa..
baabaasaahab ke vishaal avadaan se kaee vishayon men shodh ke vishay mil sakate hain.hamaare vishvidyaalay 'snjaya'-drishti se mukt hon , tab \
"baudh dharm hindoo dharm kaa hee ang hai" is par bhee kuchh likhaa gayaa hai yaa naheen? vaise is lekh ko padhakar aapake pichhle lekh padhane kee ichchhaa jaag gaee hai. achchhee jaanakaaree ke liye dhanyavaad!!
prashansaneey prayaas !
Pracheen ( Ancient ) Bhrat ke Brahman varg Gau -Maans khate the ye Dr Ambedker ji ne apne shodh - granth mei likha hai.
Yehan America mei BEEF = Cow Meat , bahot badee taadaad mei khaya jata ha.
Mexico aur Ecuador, Chile, Peru, Brazil jaise Southern American Nations mei COW = Gau ke , her ang - ko khya jane ki pratha hai.
Jo BEEF, ya anya tarah ka Maans nahee khate unke liye , Vegetarians ke liye, yehi saree cheejon se --
Dhrina - utpann hotee hai --
Ye bhee ek Sach hai.
( Maaf kariyega, tippani Angrezi mei likh rahee hoon )
Just wanted to share these thoughts. Thanx --
Good effort on bringing this detailed article series.
Rgds,
-- Lavanya
pahale to dhanyavaad, is saar-sngrah ke lie. vaakaee ek aisaa kaam kar diyaa hai aapane jo net par hameshaa jeevit rahegaa, ek kaam aur kar den ki anbedakar, aanbedakar, ambedakar, ambedakar, anbedakar jaise shabd keevard men daal den taaki dhoondhane vaalon ko ye saaree faailen mil saken jo aapane itanee mehanat se kriet kee hain. aapane pahale itanee mehanat se taaip karake sab upalabdh karaayaa aur fir mere se jaise bhondoo chhaatron ke lie kunjee bhee banaa dee. kyaa baat hai, yah bahut hee puny kaa kaam hai abhay bhaaee, kisee bhee kathit saahityik kalah se badhkar.
bauddh kahaan gae kaa savaal dilachasp hai...isakee ek vajah hindoo snskriti kee sarvagraasee yaa sarvagraahee (donon men se ek aap apanee marjee se chun sakate hain)honaa hai. buddh ko dashaavataar banaakar hinduon ne unako bhee bade kadaah men ghol diyaa, theek vaise hee jaise saare dravid devee-devataaon ko isakaa roop yaa usakaa rup banaa liyaa. vaise bhee bauddh dharm ek vaichaarik dharm thaa, sntulan kaa dharm, aadnbar ke khilaaf thaa, moortipoojaa kaa virodhee thaa (haalaanki bhakton ne asnkhy moortiyaan banaa daaleen gautam buddh kee), koee karmakaand naheen thaa, kul milaakar aisaa kuchh naheen thaa jo unhen alag pahachaan dilaa sake bhaarat bhoomi par. jaapaan, koriyaa, thaailaind jaise deshon men jahaan hindoo dharm kaa jor naheen thaa vahaan to ve bauddh ke roop men jaane gae lekin bhaarat men usee vishaal kadaahee men ubal rahe ghol men ghul gae jisamen kaee aur snpradaay. bauddh bhikshuon kee alag pahachaan unake choge se hai lekin alag se unakee pahachaan aisee naheen hai jo unhen bahusnkhy hinduon se alag kar sake. baakee raajaneetik taur par har varsh bauddh banane vaalon ke, hindu se bauddh aur fir hindu hone ke baare men to aap jaanate hee hain. bauddhadharm kaa raajaprashray dheere dheere khtm ho jaanaa bhee ek vajah rahee hogee, hindoo dharm kaa raaj se snbndh to hai lekin vah us tarah aashrit naheen rahaa jaise bauddh dharm. gautam buddh ke jaane ke baad vaisaa daarshanik snt koee naheen thaa to badee ko itane vaichaarik dharm ko kheench sake. ye sab bilkul anapadh aadamee ke anumaan hain, jaahir hai bahut khojane-beenane kee jroorat hai.
anaamadaasa
bhaaee abhay
jahaan tak meree jaanakaaree hai jo hajaaree prasaad dvivedee ne kaheen likhaa hai yaa to bauddh musalalamaan ho gaye yaa aaj ke jo dalit hain ve bauddh hain.
dhaaranaa to yah bhee hai ki pushyamitr shung jaise braahman raajaaon ne ek bauddh kaa sir laakar dene par deenaar ( sone ke sikke) dene kee raajaajnyaa dee huee thee . aise men yah bhee snbhav hai ki deeneer ke laalach men bauddhon kaa vadh kiyaa gayaa ho.
bhaarateey samaaj aur jaatiyon ke oopar vichaar karate hue yah baat shaayad dhurye mahoday ne bhee kee hai.
abhee tak aapakee shrrinkhalaa ke chauthe bhaag par hee thaa . aur aapane ye snkshipt vivaran pesh kar diyaa . ye achchhaa sujhaav hai ki saare ‘kee-vard’ daal diye jaayen . mainne apanee kuchh poston par angrejee men bhee kee-vard daale hain . aur isase jo log devanaagaree se naheen khojate unake lie aasaanee ho jaatee hai . meraa sujhaav hai ki angrejee men kee-vard naa daalen ho to avashy daalen . taaki aapakee mehanat door tak pahunche .
savaal mahattvapoorn hai ki bauddh kahaan gaye . is baare men khoj kee jaaegee . agar aapako anbedakar kee ‘ridals aof hindooijm’ mile to bataaeeyegaa .
bodhi jee kee baat tark-sngat lagatee hai....ek to baudhdon kaa sir kaat kar laane ke aadesh se kuchh logon se dar se baudhd dharm chhod diyaa hogaa aur madhy-kaal men kuchh log muslamaan ho gae honge...
nirntar dharm parivartan yaa nae dharm ko apanaane kee pravatti se ek baat to spasht hai ki logon kee ek badee taadaad aisee hai jo hameshaa se khud ko unchee jaati yaa varg ke baraabar dekhanaa chaahaten hain....
aapake dvaaraa prastut ambedakar ke saaraansh se ye baat samajh men aatee hai.
ek baar fir se is bahumooly post ke lie dhanyavaad.
savaal yah bhee hai ki bauddh bhaarat ke bajaay any eshiyaaee mulkon cheen, thaailaind, barmaa, jaapaan, viyatanaam, tibbat, koriyaa men kaise fail gaye aur khoob fale foole? vahaan ke bauddh vihaaron ko dekhen, jo saikadon saal puraane hain. hamen apane shahar ke kitane bauddh vihaaron ke baare men jaanakaaree hai? hamen charch mil jaayenge, par vihaar? agar aap bodh gayaa, naalndaa, raajageer, vaishaalee, saaranaath jaayen to paayenge ki jyaadaatar vikaas aur vihaar kaa kaam oopar ginaaye gaye deshon ne kiyaa hai. aisaa kyoon. jabbaar patel ne ambedakar par ek film banaayee hai, us film men baudgh dharm apanaane ke faisale kaa bhee chitran hai. aaj yah kahanaa, raajaneetik roop se aasaan lagataa hai ki bauddh, hindoo hain. ye kaam sikhon ke saath bhee hotaa hai. par ye sab varnaashram ke khilaaf, daliton vnchiton kee aavaaj ke roop men ubhare the. iseelie aap aaj bhee dekhen, ki bahutaayat bauddh kaun hain. savarn yaa dalit. abhay jee ek majaboot sndarbh banaane ke lie aap vaakaee badhaaee ke paatr hain. mainne apan dher saare doston ko, jo blaag kee duniyaa ke daayare men naheen hain, aapake post kee link bhejee aur un sabane isakee saraahanaa kee hai. inamen kaee dost jo daliton ke saath kaam karate hain, unake lie bhee yah padhnaa achchhaa anubhav rahaa. 'nirmal aananda' ab kaiyon kee sandarbh soochee men hai.
ehh.. love this style )
ek tippanee bhejen