maanoshee kaa kaavyasngrah - " unmesh "- jald hee bhaarat v kanaadaa men upalabdh hogaa. yah sngrah aanalaain flipakaart v amejon par bhee upalabdh hogaa. apanee prati abhee se surakshit karavaane hetu manoshi.unmesh@gmail.com par sampark karen.

haippee faadars de

roj raat ek kahaanee hotee thee. vahee kahaaniyaan roj-roj...haaloom khaa, baichaaraam, aur neelakamal-laalakamal. har ravivaar haath pakad kar main jaatee thee ghoomane, baajaar, aur vahaan har roj mujhe milatee thee mere haathon me ek barfee, bas ek, meraa eenaam :) har shaam mere saath gaane ke riyaaj men ve tabale par sngat karate the mere saath. aur har subah skool le jaate the apane skootar par...theek bilkul get ke saamane utaarate the..."kyaa aap mujhe door us mod par naheen utaar sakate? main ab bachchee naheen" par ve kabhee naheen sunate. duniyaa kee har ’speling’ unhen aatee thee aur jahaan ke saare ganit ke savaal unakee mutthee men the. aaj bhee unhen sab aataa hai...aisaa kuchh naheen jo vo n kar saken...sachchee!!! meraa bachapan sabase khoobasoorat bachapanon men se ek thaa...aur paapaa aapane banaayaa use sundar...sabase sundar...haippee faadars de, paapaa!

main "main" hoon

is saal bachchon ko padhaate huye, kaee anubhavon se gujrate hue ek badee seekh milee- protsaahan men balaa kee shakti hotee hai. bachche ko agar kuchh samajh naheen aa rahaa to vah usakee galatee naheen hai. use kyon daantaa jaaye, meree samajh se baahar hai. bhaarat men (ab shaayad sthit badal gaee ho )bachche ke nnbar kam aane par, yaa fel hone par kabhee us tarah dhyaan naheen diyaa jaataa thaa ki ho sakataa hai ki bachche men koee kamee ho jaise larning disabilitee yaa kuchh aur. daant dapat kar, maar-maar kar padhaa kar us bachche ke dimaag men jnyaan bharane kee koshish kee jaatee thee. bachche kaa manobal aur girataa thaa aur bachche men jitanee bhee kaabiliyat hotee thee, vah bhee kisee kaam naheen aatee thee.

mere klaas men 7-8 saal kee ek bachchee hai jo sharmeelee prakriti kee hai. baat kam karatee hai sharmeelee hone kee vajah se kuchh samajh n aaye to khud savaal karane se bhee hichakichaatee hai. usake maataa-pitaa se baat karake bhee yahee samajh aayaa ki vah ghar men bhee kam baat karatee hai aur bahut dheere bolatee hai aadi. use kakshaa men kaee baar samajhaayaa ki vah savaal kiyaa kare, binaa jhijhak poochhaa kare aadi.

kuchh dinon se mainne gaur kiyaa ki vah bachchee savaal poochh rahee hai yaa koee bhee baat kar rahee hai to kuchh chillaa kar. usakee apanee aavaaj naheen hai yah usakee, jaise jbaradastee chillaa kar, gale par bahut jor daal kar baat kar rahee hai. aaj use skool ke baad thodee der akele padhaate samay mainne usake kndhe par haath rakh kar usase poochhaa, " betaa, kyaa baat hai ki aaj kal dekh rahee hoon tum kuchh chillaa kar, gale par jor daal kar baat kar rahee ho. ho sakataa hai main galat hoon, yaa bataao agar main sahee hoon to." bachchee ne pahale to kuchh naheen kahaa. fir haamee bharee. kahaa - ghar men sab kahate hain ki mujhe jor se bolanaa chaahiye. mainne usase poochhaa, "to kyaa tum aisaa kar ke khush ho? kyaa tumhen kamfrtebal lag rahaa hai?" usakaa javaab thaa, "daraasal naheen". maine use samajhaayaa, ":jis cheej se tum apanee pahachaan kho do vah mat karo. agar tum dheere baat karatee ho to theek hai. yah koee galat naheen. haan kakshaa men koee presenteshan hai to alag baat hai, magar baat karane ke liye tumhen jor lagaa kar, chillaa kar baat karane kee jroorat naheen. maan lo mujhe koee kahe ki aapake chalane kaa dhng mujhe pasnd naheen, badal deejiye, to kyaa mujhe badal denaa chaahiye?" bachchee ne javaab diyaa, " naheen" mainne usase poochhaa, "kyon? tumhen aisaa kyon lagataa hai?" usakaa javaab thaa, "kyonki aap usase aap naheen rahengee aur khush bhee naheen rahengee." "bas yahee baat hai. agar ghar men koee kahe to kah denaa meree teechar ne kahaa hai ki mujhe "main" rahanaa hai. mujhe is tarah baat karanaa achchhaa naheen lagataa."

bachchee ke chehare par ek khushee kee aabhaa thee. bachchon ko samajhaanaa to aasaan hotaa hai par ham bade bhee kyaa aisaa kar paate hain? sabako khush karane ke liye apane ko kaee baar n chaahate huye bhee to badalane kee koshish karate hain ham. hamaaree pahachaan hee to ham hain. fir logon kee itanee paravaah kyon hotee hai hamen. kyaa is savaal kaa koee uttar hai?

nayaa varsh 2012- shubhakaamanaayen

"misej see, aaee haiv got a present fr yoo for krisamas"
"it vosnt nesesaree, han"
"bat aaee aolredee got it (runaase svar men)"
"reealee? aaee aem so veree eksaaited, aaee kaant vet tu open it, kaen aaee ges vhot it ij?"

aur ek muskaan khil gaee us bachche ke chehare par. krisamas kee chhuttiyon ko abhee 5 din aur the magar somavaar se hee bachchon se krisamas ke present milane lage the. sab utsaahit the. shuruaat men mainne kah diyaa ki yah jrooree naheen, tum sab mujhe achchhaa kaam kar ke dikhaate ho vahee mere liye prejent hai, magar jab dekhaa ki bachche dukhee ho jaate hain mere is bhaaree bharakam vaaky se to fir mainne apane shabd badal diye. ab har baar koee bachchaa mujhe bataataa ki vah mere liye krisamas kaa tohafaa khareed rahaa hai yaa vah use aaj gift raip karegaa, to main bhee use bade hee utsaahit ho kar kahatee ki vaah! main kitanee khush hoon ki mujhe itane tohafe mil rahe hain. aur bachche kitane khush ho jaate.

kabhee sochatee hoon ki ham bade bhee to bachche hee hote hain. hamaare diye hue kisee cheej ko koee khush ho kar n le to hamen bhee kitanaa dukh hotaa hai. ’naa-naa’ karane ke bajaay taareef kar ke tohafaa lenaa kyaa behatar naheen?

divaalee, eed, krisamas, kvaanjaa aur hanukaa ye saare tyauhaar ek do maheene ke andar hee padte hain. is saal in maheenon men mainne bhee bachchon ke saath bahut kuchh seekhaa. har tyauhaar ke oopar ham sabane mil kar vidiyo dekhe, kitaaben padheen, aur kisee aise vyakti ko kakshaa men us tyauhaar vishesh ke baare men kahane ko aamntrit kiyaa jo us tyauhaar ko manaataa hai. divaalee ke baare men mainne hee bachchon ko bataayaa, eed ke liye ek abhibhaavak ne aakar bachchon ko samajhaayaa aur krisamas ke liye ek krisachan teechar ne bataayaa. hanukaa (yah jews kaa tyauhaar hai aur 8 din tak manaayaa jaataa hai) ke liye koee milaa naheen magar ham sabane mil kar kitaaben padheen aur ek aart projekt kiyaa (hanukaa reeth banaayaa). kvaanjaa afreekan amereekan log 26 taareekh se le kar 7 din tak manaate hain. is tyauhaar ke baare men bhee mainne bachchon ko kitaab padh kar sunaaee aur unake rivaajon ko jaanaa. yah sab karane ke baad hamane in tyauhaaron ke beech kee samaanataayen aur paarthaky par gaveshanaa kee. 7-8 saal ke bachche ab in tyauhaaron ke baare men vistaar se jaanate hain aur in ke beech kee samaanataayen v bhinnataayen bataa sakate hain. aur samaanataa yah ki sabhee tyauhaaron men kisee bhagavaan ke doot yaa avataar kaa mahatv hai. har tyauhaar men roshanee kaa mahatv hai aur ghar sajaaye jaate hain, deeyaa yaa momabattee jalaaee jaatee hai aur sabase jrooree, achchhaaee kee buraaee par vijay kaa jashn manaayaa jaataa hai.

kal hee se krisamas kee chhuttiyaan shuru huee hain. bachchon kee "meree krisamas " aur " haipee nyoo eear" ke beech din khatm huaa kal. bachchon ke in aart projekt v aur kuchh kaamon ko lagaayaa hai skool kee deevaaron par. hanukaa reeth kaise banaayaa jaaye, intaranet se hee mil gayaa. intaranet to varadaan hai mere liye. inakee tasveeren naheen le paaee, par chhuttee ke baad is post ko apadet karoongee, tasveeron ke saath.

sabhee ko krisamas v naye varsh 2012 kee shubhakaamanaayen.

aaj hailoveen kaa tyauhaar thaa. bhootapreton ko yaad karate is tyauhaar ke din skool men bachche tarah-tarah ke kapade pahan kar aaye the. chhote-chhote pyaar- pyaare koodate-faandate bachche. koee kaddoo banaa thaa to koee chhotaa saa bhoot. koee maaikal jaikasan to koee titalee yaa paree. aur main unakee teechar ,chudail. sar par chudail kee topee pahan bachchon kaa subah svaagat karate huye bachchon kee khilakhil aur utsaah men mere andar bhee ek lnbaa din kaatane kaa utsaah bhar jaataa hai roz. chhote-chhote baig men kuchh khilaune aur kaindee bhar kar kakshaa ke kone kone men chhupaa rakhe the mainne. har baig men bachchon kaa naam likh diyaa thaa. fir bachchon ko un baig ko dhoondhanaa thaa aur unakaa naam milaa baig unhen dikh jaaye to vah baig unakaa. aise hee khel-khel men huee padhaaee aaj.

chhote bachchon ko padhaate huye unase kaafee kuchh seekhane ko milaa. praamis iz a praamis. kabhee bhee koee vaadaa kar ke n nibhaaoon to bachche kaise seekhnge ki jo vaadaa kisee se kiyaa kabhee to use nibhaanaa hai. chaahe ek kitaab padhane kee baat ho yaa koee puraskaar dene kee, agar vaadaa hai to use pooraa honaa hai. bachche bhee to jaanate hain ki hamaaree teechar ne kahaa hai to zaroor hogaa vah kaam. chaahe vah khel ho yaa padhaaee.

bachchon kee kaabiliyat par acharaj hotaa hai mujhe. kitane hee kaam hain jo sochatee hoon shaayad bachche naheen kar paayenge, par baad men hairaanee hotee unake kaam ko dekh kar. aart yaa kalaa bahut pasnd karate hain bachche. unako agar bataa diyaa jaaye ki kis tarah se unakaa kaam sabase achchhaa ho sakataa hai to vah bhee koshish karate hain. hameshaa hee ek udaaharan dikhaanaa zarooree hotaa hai. ek buraa udaaharan aur ek achchhaa udaaharan. jaise ki kisee prashn kaa bure udaaharan kaa javaab kaisaa hogaa aur achchhe udaaharan kaa javaab kaisaa hogaa. kisee achchhe javaab ke liye yaa achchhe kaam ke liye bachche ko kyaa karanaa hogaa ki vah kaam jo bachche ne kiyaa vah achchhaa kaam kahalaaye.

ek varkashaap men ek instraktar ne kahaa- "taalee bajaaiye, main aapako paas yaa fel bataaoongee" mainne teen baar taalee bajaaee. to instraktar ne kahaa." aap fel huee". mujhe samajh naheen aayaa. tab instraktar ne kahaa, " achchhaa ab main aapako bataatee hoon ki main aapake taalee bajaane ko kaise jaanch rahee hoon. mujhe taalee ek rhythm men chaahiye, 12123, 12123, 12123...is tarah yaa koee aur ‘paitarn’ . isake alaavaa us paitarn ko 3 baar doharaane par hee aapako nnbar milenge. to ab bajaaiye " . aise taalee bajaane par mujhe paas kar diyaa gayaa. instraktar ne bataayaa, bachche men kshamataa hotee hai magar zarooree hai ki bachchaa jaane ki use karanaa kyaa hai, kaise javaab likhegaa to use achchhe nnbar milenge.

mere bachchon ke kaam ke kuchh saimpal ke foto nikaale the. bachchon kaa kaam pradarshit karanaa bhee kitanaa zarooree hai. bachchon kaa is tarah kaa protsaahan unhen madad karataa hai aur achchhaa kar dikhaane kaa.

protsaahan bahut zarooree hai

bachchon ke saath roz jaane kitane hee anubhav hote rahate hain. kakshaa 2/3 ke chhaatr-chhaatraayen. 7-8 saal ke bachche. roz hee kisee n kisee vajah se ek baar khul kar hns lene kaa maukaa mil hee jaataa hai. yahaan ke niyam ke anusaar, saare din hee shikshikaa ko kakshaa ke bachchon ke saath rahanaa hotaa hai. chaahe koee bhee vishay ho, unhen ek hee shikshikaa ko padhaanaa hotaa hai (kuchh ek ko chhod kar). is tarah shikshaka/ shikshikaa aur bachchon ke beech kaa snpark bahut mazaboot hotaa hai. ek din mere skool n aane se bachche udaas ho jaate hain aur agale din bachchon se sabase pahale yahee sunane ko milataa hai, " aaee misd yoo yestarde". upasthiti maark karate samay bachche mujhe gudmaarnin kahate hain. kaarpet par baith kar bachche apanee pichhale din kee kaee ghatanaayen bataate hain. saaraa din unake saath kis tarah guzar jaataa hai pataa hee naheen chalataa.

kaee chhotee-chhotee baaten hotee hee rahatee hain. kal reeses ke samay do bachchiyaan mere paas aaeen, " aapake liye hamane ek kek banaayaa hai...chokolet aaising vaalaa". mainne kahaa achchhaa? vo kaise? to pataa chalaa ki reeses men unhonne khelate huye mittee aur patthar se mere liye ek kek banaayaa thaa. to vo chaahateen thee ki main us kek ko kaatoon. to bhaee ham ne bhee us kek ko kaataa...kahaa, kitanaa sundar hai...aadi :) bachchiyon kee chehare kee khushee dekhate banatee thee.

saraahanaa bachchon ke liye bahut badaa protsaahan kaa kaam karatee hai. protsaahan bhee do tarah ke hote hain- ek protsaahan vah ki bachche kisee cheez kee aashaa men apanaa kaam karen. yah achchhee baat hai magar doosaraa protsaahan vah jo ki jo andarunee parivartan laaye. bachchaa khud apanee zimmedaaree samajh kar us kaam ko kare, kisee praaiz kee aashaa men naheen. saraahanaa karate vaqt sirf itanaa kah denaa ki ’vaah bahut achchhaa javaab diyaa’ aur ek "gud" likh denaa kaafee naheen hotaa. saath men ye bhee bataayaa jaaye ki kyaa achchhaa thaa javaab men. isake alaavaa bhee javaab men aur kyaa honaa chaahiye thaa ki javaab aur achchhaa hotaa. kakshaa men galat javaab ke liye kabhee bhee sazaa naheen dee jaanee chaahiye. sazaa bhalaa kyon? ki use javaab naheen aayaa? yaa usakaa dhyaan naheen thaa padhaaee men. agar bachche ko naheen aataa koee javaab to maukaa diyaa jaaye ki vo apane saathee ke saath mil kar javaab talaashe aur fir khud injadipendetlee javaab de. is tarah bachchon men aatmavishvaas badhataa hai. sazaa ( vah bhee aisee jisase bachchaa kuchh seekhe) sirf vyavahaar yaa any vaajib vajah se dee jaanee chaahiye. jaise meree kakshaa men bachche koee kaam karanaa bhool jaayen (jaise reeding log yaa skool daayaree n saain karavaaee ho anubhaavakon se) to zaroor sazaa milatee hai unhen ki vo apanaa kaam yaad rakhen agale din ke liye. unhen apane moolyavaan reeses ke aadhe ghnte men se 2 minat dene hote hain yaani sabhee mitragan khelane gaye par vo do minat baad jaayenge. aur jo bachche yah sab saain karavaa ke laayen, unhen ek stikar milegaa aur 30 stikar ikatthaa kar len ve to ek praaiz. haan homavark n kare koee, to reeses men mere saath baith kar karanaa hogaa homavark...! praay: sabhee bachche apanaa kaam karate hain is tarah.

kal ek bachchee kaa janmadin thaa meree kakshaa men. mere paas ek baksaa hai, chhotaa saa kaardbord kaa. bachche jaanate hain ki teechar kaa yah treshar boks kisee ke janmadin par khulataa hai yaa teechar bahut khush ho kisee ke vyavahaar se to hee. to us vaqt us bachche ko us treshar boks se aankh bnd kar ke koee bhee cheez chunane kaa maukaa milataa hai. vah ek chhotee see kitaa b bhee ho sakatee hai, koee pen yaa koee khilaunaa bhee. bachche naheen jaanate ki us bakse ke andar kyaa hai. dekhaa jaaye to yah sab baahy protsaahan hain (extrinsic motivation) lekin kaee baaton ke liye bahut kaaragar. bachche dvaaraa kiye gae kisee bhee achchhe kaam kee saraahanaa aur yah bataanaa ki vo kaam kyon achchhaa thaa, isake kyaa achchhe fal huye andarunee protsaahan kaa udaaharan hai. usee ko niyam banaa lenaa bachchon kee aadat men dhal jaataa hai fir. poore jeevan ke liye ek achchhee shikshaa.

fir agale saptaah kee shuruaat hogee. bachchon kee khilakhilaahat sunane ko milegee aur unake saptaahaant ke anubhav sunane ko. main bhee unhen bataane ko utsuk hoon ki is saptaahaant meree pitsbarg kee yaatraa, rngeen pedon ko dekhate huye kaisee rahee.... fir fol kalars par kuchh chitr banaane kaa aart projekt usee se snbndhit...

ek prayaas- gjl -kiyaa hai pyaar jise

bachche man ke sachche

skool men padhaate huye kitane hee anubhav hote rahate hain. kuchh khatte, kuchh meethe...kaee chhotee-chhotee ghatanaayen hotee rahatee hain, magar zyaadaatar hee, ye ghatanaayen maanasapatal ke kisee kone men kuchh dinon ke liye kaid hotee hain aur fir dheere-dheere dhoomil. bachchon kee baaten, aksar hee mere chehare par ek muskaan bikher jaatee hai.

kal krisamas kee chhuttiyon ke pahale aakhiree din thaa skool kaa. padhaaee kam, gift-eksachenj aur khel zyaadaa. sabhee bahut khush the, bachche, teechar, sabhee...maahaul chhuttiyon kaa, krisamas kaa...

reeses ke baad, bachche kakshaa men aakar baithane lage the. sabake kakshaa men aane kaa intazaar kar rahee thee main ki ek bachchee aa kar udaas chehare se apanee seet par anamanee ho baithee. kakshaa teesaree kee vah bachchee, bahut hoshiyaar aur milanasaar hai. main usake paas gaee aur poochhaa-

"kyaa huaa betaa? aap itanee udaas kyon baithee hain? "

"kuchh naheen..."

"achchhaa, abhee baahar reeses men kuchh huaa? kisee sahelee yaa dost se anaban ho gaee? kyaa baat hai?"

"naheen kuchh naheen... "

"achchhaa jab tak tum apanee bhaavanaaon ke baare men bataaogee naheen kaise pataa chalegaa? isaliye apane dil kee baat kah denaa sabase achchhaa hotaa hai. kyaa huaa hai?"

"vo...vo...jenet hai n, vo richard ko, vo jo kakshaa doosaree men hai...use pasnd karatee hai. to krisamas ke liye richard ne jenet ko fool aur jvoolaree dee hai. to jenet usee ke saath khel rahee hai. mere saath naheen khel rahee."

ek baar man hee man hns padee main. kakshaa doosaree kaa 7 saal kaa bachche kaa kakshaa teesaree kee 8 saal kee bachchee ko pasnd karanaa aur is bachchee kaa bahut hee seeriyasalee is vaakaye kaa kahanaa aur fir use koee aisaa tohafaa n mil paane kaa gam...main ne apanee muskaan chhupaa kar utane hee gnbheerataa se kahaa,

"achchhaa, to ye baat hai. jenet to tumhaaree sabase achchhee dost hai, tum donon hee ek klaas men ho to use bataao ki tum bhee usake saath khelanaa chaahatee ho, aur richard bhee to tumhaaraa dost hai, teenon saath-saath khelo."

"par vo naheen khelate mere saath ab..."

"achchhaa to aisaa karo, unhen bataao ki is se tumhaaree bhaavanaayen aahat hotee hain. aur fir unhen bhee thodaa khelane do, tumhaare aur bhee kitane achchhe dost hain, unake saath bhee khelo..hai n?

"hmmm...."

bachche aahat hote hain to parishkaar man se kah dete hain. aur ham...apane aham men, aur bhee jaane kitanee baaten soch kar kah naheen paate...aur kyaa sab samajh hee paate hain?

aao saathee jee lete hain

udeeyamaan geetakaaron men mujhe amitaabh tripaathee ’amit’ ke geet achchhe lagate hain. ilaahaabaad men rah rahe, amit jee kaee vidhaaon men paarngat hain magar unake geeton men jo sarasataa aur sahajataa hotee hai, vah aajakal ke geetakaaron men bahudhaa naheen paaee jaatee hai. aap unake blaag rachanaadharmitaa par jaa kar unakee any rachanaayen padh sakate hain.aaj unakaa ek geet preshit kar rahee hoon.

aao saathee jee lete hain

vish ho yaa amrit ho jeevan

sahaj bhaav se pee lete hain

saghan kntakon bharee dagar hai

har pravaah ke saath bhnvar hai

aage hain snkat anek, par

peechhe hatanaa bhee dushkar hai.

vighnon ke in kaanton se hee

ghaav hriday ke see lete hain

aao saathee jee lete hai

niyati hamaaraa sabakuchh loote

man men basaa gharaundaa toote

jag viruddh ho hamase lekin

jo pakadaa vo haath n chhoote

kathin bahut par naheen asambhav

itanee shapath abhee lete hain

aao saathee jee lete hai

shvaason ke antim pravaas tak

jalatee-bujhatee huee aas tak

vilay-visarjan ke kshan kitane

poornatripti-anabujhee pyaas tak

badavaanal hee yadi yathesht hai

fir ham raah vahee lete hain

aao saathee jee lete hain

--amitaabh tripaathee ’amit’

mahaaveer sharmaa jee ko shraddhaanjali

gazal lekhane men meraa maargadarshan karane vaale, mere guru shree mahaaveer sharmaa jee ke nidhan par meree unako bhaavabheenee shraddhaanjali hai meraa ye post.

meraa man meree baat naheen sunataa hai- achalaa deepti kumaar

achalaa deepti kumaar jinhen kavitaa viraasat men mahaadevee jee se milee hai, kee ek kavitaa prastut hai- (unheen kee aavaaz men vidiyo dekhane ke kavitaa ke neeche jaayen)

hathee man

meraa man meree baat naheen sunataa hai

jo galiyaan peechhe chhoot chukeen,

jinamen apanee pahachaan naheen,

apane ugane ke badhane ke,

falane ke aur panapane ke,

hain baaqee jahaan nishaan naheen,

yah un galiyon men laut laut kar

apanaa sir kyon dhunataa hai?

meraa man meree baat naheen sunataa hai.

jo chaadar odh kuhaase kee,

karavat le maano soyaa hai,

apanee har koshish, har udyam

jisase takaraa kar khoyaa hai,

jis par apanaa adhikaar naheen,

jisakaa nishchit aakaar naheen,

us anadekhe kal ko lekar

yah kyaa-kyaa sapane bunataa hai.

meraa man meree baat naheen sunataa hai.

badh kar pairon ko chhoo failee,

yah vartamaan kee jo retee

hai apane saath bahaa laaee,

kitane dularbh seepee-motee.

yah to man kee apanee nidhi hai

par isako bhalaa kahaan sudhi hai?

kab jhuk kar vah is siktaa se

ye muktaa-maanik chunataa hai?

bas anajaane kal ko lekar

jaane kyaa sapane bunataa hai,

yaa soonee galiyon men jaa-jaa

apanaa sir kyon dhunataa hai

meraa man meree baat naheen sunataa hai.

jagat men jhoothee dekhee preet- guru poornimaa par

jagat men jhoothee dekhee preet .
apane hee sukhason sab laage, kyaa daaraa kyaa meet ॥

mero mero sabhee kahat hai, hit son baadhyo cheet .
antakaal sngee nahin kooo, yah acharaj kee reet ॥

man moorakh ajahoon nahin samujhat, sikh dai haarayo neet .
naanak bhav-jal-paar parai jo gaavai prabhu ke geet ॥

us mod se shuru karen ye zindagee- jagajeet sinh

jis mod par thahare ho, vahaan se do raaste hain, ek laut jaataa hai peechhe aur ek thahar jaataa hai. aage naheen jaataa. thahar kar peechhe mat dekho, aage dekhoge to bhee peechhe dekhanaa hogaa. bas thahare raho. havaa udaa le jaayegee to chale jaanaa, havaa ke saath. par tab bhee mat dekhanaa peechhe. vo tum naheen the, havaa thee jo gaee, tum to abhee bhee thahare rahoge, vaheen. kisee kaa haath pakad kar naheen, apanaa haath pakad kar raho, vo tumhaare saath thaa to vaheen hogaa, apane mod par thaharaa huaa, peechhe vo bhee naheen dekhataa hogaa, aage bhee naheen, bas vaheen, jahaan hai. prem vishvaas hai, sthirataa, aur kuchh naheen.

aaiye sunen ye sundar gazal, jagajeet kee aavaaz men.

do raveendr sngeet- prem eshe chheelo/aamaaro paraano jaahaa chaaye...

raveendr sngeet kee shrinkhalaa men aaj, do aur geet. bhaavaanuvaad karane kee koshish kee hai. kisee truti ke liye agrim kshamaa yaachanaa ke saath.

prem eshe chheelo ni:shabdo chaurone...

prem aayaa thaa, ni:shabd paanv se
tab svapn lagaa vo
naheen diyaa aasan
prem aayaa thaa...

bidaaee lee jab usane
aahat paa kar
gayaa thaa daud kar
tab vo shabd-kaayaa viheen
sunasaan raat men vileen
door path par jyon deepashikhaa
raktim mareechikaa
prem aayaa thaa..

bnglaa men
prem eshe chheelo ni:shabdo chaurone

taaee svapno mone holo taare
deenee taahaare aasan
prem eshe chheelo

beedaae neelo jobe
shabd peye
genoo dheye
se tokhuno shabd kaayaa biheen
nisheeto teemeere beeleen
dooro pauthe deepshikhaa
raktim moreecheekaa
prem eshe chheelo

doosaraa geet-

aamaaro paraano jaahaa chaaye ...

Get this widget | Track details | eSnips Social DNA

meraa praan jo chaahataa hai
tum bas vahee ho, o priy!
tumhaare sivaa is jagat men
meraa koee naheen aur
kuchh naheen hai, priy!

tum agar sukh n paao,
to sukh ke sndhaan men jaao
mainne to tumhen paayaa hai
hriday madhy
aur kuchh naheen chaahiye, o priy!

main tumhaare virah men rahoongee vileen
tumamen hee karoongee vaas
deergh divas, deergh rajanee, deergh baras maas,
yadi kisee aur se prem karo
yadi aur kabhee n fir sako
tab tum jo chaaho, vahee tumhen mile
main jitane bhee dukh paa loon, o priy!

bnglaa men

aamaaro paraano jaahaa chaaye
toomee taaee, toomee taaee go!
tomaa chhaadaa aar jogote moraa keho naaee
kichhoo naaee go!

toomee sukh jodee naahee paao
jaao sukhero sndhaane jaao
aami tomaare peyechhi hridayo maajhe
aar keechhoo naahi chaaee go

aamee tomaaree beerohe roibo bilin
tomaate koreebo vaas
deergho deebausho, deergh raujaunee, deergho barausho maash
jodee aaro kaare bhaalobaasho jodee aar feere naahee aasho
tobe toomi jaahaa chaao taahaa jaino paao
aami joto dookho paaee go!

yaad piyaa kee aaye

yaad piyaa kee aaye, ye dukh sahaa n jaaye...

sabase pahale the authentic - bade gulaam alee khaan kee aavaaz men ...ye dard aur kahaan...



aur ek nayaa tareeqaa, reemiks? magar asaradaar hai- vadaalee bndhu kee aavaaz- niraalaa



fir suniye ubharatee hueen- kaushikee chakravartee kee aavaaz- ab itanaa bas chuke hain bade gulaam alee khaan saahab jaise lagatee hai bas unheen kee ho kar rah gaee hai ye thumaree, kisee aur kee aavaaz men sunanaa kuchh ajeeb saa hee lagataa hai.

mitaalee (mukharjee) sinh- do gazalen

un dinon khoob gzalen sunatee thee, khaalee vaqt men. jagajeet sinh kee gzalen sabase priy theen. meree umr rahee hogee solah-satrah saal kee. isee tarah mitaalee mukharjee (mitaalee sinh) kee gaayee ek do gazalon ne dil men aisee jagah banaaee thee, ki ab bhee un gazalon ko sun kar ve din yaad aa jaate hain. unakee aavaaz kee deevaanee thee main. aaj unakee do gazalen sun rahee thee. ve din bhee kitane haseen the. :-)

ahamad faraaz kee ye gazal unakee aavaaz men-



kuchh pyaar jahaan men aise hain
ashkon men jo palate dekhe hain
dushman to n badale apane kabhee
hamadam hee badalate dekhe hain

kuchh n kisee se bolenge
tanhaaee men ro lenge

ham berahabaron kaa kyaa
saath kisee ke ho lenge

khud to hue rusavaa lekin
tere bhed n kholenge

neend to kyaa aayegee "fraaj"
maut aaee to so lenge

mitaalee jee kee hee gaaee huee ek aur gzal. shaayaree to khaas naheen par is gazal kee kampozishan men jaadoo thaa. jaane kitane hazaar baar sunaa hogaa use tab-



mujhe maaf kar mere hamasafar tujhe chaahanaa meree bhool thee
kisee raah par yoon hee ik nazar tujhe dekhanaa meree bhool thee

tujhe dekh ke kisee haal men, vo ulajhanaa zulfon ke jaal men
subaho-shaam tere khyaal men, meraa doobanaa meree bhool thee

tujhe dhoondhatee hai meree nazar n hai raastaa n koee dagar
vo galee galee vo nagar nagar tujhe dhoondhanaa meree bhool thee

mere khvaab bhee hain ajeeb se, tujhe dekh loon main qareeb se
mujhe too milaa hai naseeb se, yahee sochanaa meree bhool thee.

maan-baabaa- aaj tumhaare liye- raveendr sngeet

ek pooree zindagee ke kuchh lamhon ko jee lenaa hee kitanaa mushkil hotaa hai, vaheen aaj ek bahut pyaare jode ne aise kaee sunahare lamhon ko saath guzaarate huye apanee sunaharee varshagaanth yaani ki apane 50ven saal men pravesh kiyaa hai- mere maan-baabaa. aaj 26 janavaree ko unakee shaadee kee saalagirah hai. bachapan se hee maan ko kabhee bhee koee kaam indipendentlee karate naheen dekhaa hai, baabaa ne maan kaa ek raajakumaaree kee tarah khayaal rakhaa hai hameshaa. aaj bhee jab subah maan ko fon kiyaa, to pataa chalaa baabaa is avasar par maan kee pasnd kee mithaaee lene gaye the dukaan.

ye unake shaadee ke (50 saal pahale) avasar par chhapee ek kavitaa-


aaj is avasar par, bachapan se un donon kee aavaaz men jis gaane ko duet sunatee aaee hoon, us raveendr sngeet ko pesh kar rahee hoon-


tumi rabe nirabe
hridaye mam...
is gaane men hemnt daa v lataa jee kee aavaaz- film kuhelee

traifik tikat

mere draaiving ke kisson kaa zikr kar chukee hoon pahale. to ab to main eksapart ho chukee hoon (ye aur baat hai ki haaive se abhee bhee dar lagataa hai aur pati hon saath to kabhee bhool se bhee draaiving vheel ko haath naheen lagaatee).

kal skool ke paarking lot men mud hee rahee thee ki peechhe pulis kee gaadee kee bhayaanak "dhain-dhain" haarn kee aavaaz se chaunkee. " hain? kyaa ye mere liye hai? mainne kyaa kiyaa?" niyamaanusaar to mujhe usee vaqt gaadee daahinee taraf khadee kar denee chaahiye thee, magar mainne aur thodaa aage le liyaa aur vah pulis kee gaadee fir " dhain-dhain" . mainne gaadee rok dee. aur pulis vaalaa tezee se gaadee se utaraa. meree taraf tezee se aayaa.

mainne usase poochhaa, ( bilkul choohe jaisee aavaaz men- skveek skveek)- " kyaa baat hai?"

pulis vaalaa kadee aavaaz men bolaa, " main jab aapako rokane ke liye kah rahaa thaa, to aapane rokaa kyon naheen?"

" skveek skveek- rokaa to...mujhe naheen pataa thaa ki aap mujhe rok rahe the, par baat kyaa hai"

" aap stop saain par naheen rukeen theen"


" (skveek skveek)- rukee to thee.

" aapako pataa hai kampleet staap aur roling staap men farq hai? aap ko pooree tarah rukanaa thaa."

"hmm...rukee to thee...skveek..."

" apanaa laaisens den"

"jee...main itanee dar gaee hoon"


" dar kyon gaeen hain?"

" aap ...main dar gaee hoon (skveek)" (laaisens diyaa)


"gaadee ke pepars dikhaayen."


"jee- aaj ye mere pati kee gaadee hai, vah hee snbhaalate hain sab, dekhatee hoon"
(kisee tarah dhoondhate hue vo pepars mujhe mile.)


"aap gaadee men baithiye- main aapako kaararvaahee ke dokyooments aap tak laa kar doongaa.

"jee, theek hai"

meree haalat kharaab thee. jaane kitane kaa jurmaanaa ho aur oopar se agar paaints kate to jaane inshyorens kitanaa badh jaaye. uf! kahaan fns gaee subah-subah.

pati ko sel par fon kiyaa- "suno, majhe n traifik pulis ne pakadaa hai, kahataa hai, staap saain par naheen rukee"

unhonne tipikalee pati staail men kahaa," mujhe pataa thaa, tum se mainne pahale hee kahaa thaa, theek se dekh kar chalaayaa karo... yaar! dekho ab kitane kee faain lagaataa hai".

"kyaa yaar, main abhee pareshaan hoon..."

"theek hai, pareshaan ho kar kyaa hogaa, dekho kyaa kahataa hai vo"

koee 15-20 minat baad vah pulis vaalaa nikalaa apanee gaadee se aur meree taraf aayaa.

achaanak hee jaise hriday parivartan ho chukaa thaa usakaa.

usane kahaa, (bade hee pyaar se)- dekhiye, stop saain par pooraa rukanaa padataa hai. aap rol kar raheen theen. isake vaise to dedh sau daalar kaa jurmaanaa aur 3 paaints katate hain ,par aapako aaj main vaarning de kar hee chhod rahaa hoon. aaindaa kabhee aapane ye kiyaa to, fir maafee naheen milegee. "

meree jaan men jaan aaee. mainne kahaa (abhee bhee- skveek-skveek), " thainkyoo so mach".

" aur dekhiye, jab pulis peechhe se aapako rokane ko kahe to ruk jaate hain, tabhee usee vaqt"

" haan, par mujhe samajh naheen aayaa thaa ki aap mujhe rukane ko kah rahe the"

"par fir bhee, agar vo aapake liye naheen hogaa to, pulis aage badh jaayegee, par aapako rokanaa zarooree hotaa hai"

" jee.... thaikyoo, fir se"

aur pulis vaalaa apanee laal-peelee battee vaalee bhayaanak gaadee ghumaa kar chalaa gayaa.

baad men sochane par lagaa, shaayad usane meraa draaving rikaard kleen dekh kar pahalee khataa samajh kar maaf kar diyaa ho, aur skool men aksar hee abhibhaavakon kee gaadiyaan bahut pareshaan karatee hain , kaee kamplen aate hain, par jab use pataa chalaa ho ki main usee skool kee teechar hoon, to shaayad thodee naramee se kaam liyaa ho usane. chaahe jo bhee ho, ab main us stop saain par zaroorat se zyaadaa samay rukatee hoon, chaahe peechhe vaalee gaadee haarn maare yaa kuchh bhee kare, yaa vah pulis vaalaa aakar kahe ki staap saain par itanee der naheen rukate maidam.

main chhote, bade sabhee ko sahee sammaan doongaa

vo skool ke aafis ke saamane, any bachchon ke saath, farsh par baithaa apanee maan ke aane kaa intazaar kar rahaa thaa. mujhe usakee aankhon se do boond aansoo dhulakate dikhaaee diye. main use usakee kakshaa men naheen padhaatee par, use skool men roz dekhatee hoon. so , main usake paas jaatee hoon aur kahatee hoon, " kyaa baat hai bete? tum theek ho n? tumhaaree maan abhee aatee hee hongee".

vo meree taraf naheen dekhataa, aur dheere se kahataa hai, " main aapako dekh kar muskaraayaa, aap vaapas naheen muskaraaeen". " oh! aai aim so saaree bete, mainne to tumhen dekhaa hee naheen."

fir main usake saath ek chhotaa saa khel khelatee hoon, " chalo donon saath muskaraayen..ek...do...aur ye teen" donon saath muskaraate hain aur main apane peechhe khade usakee abhee pahunche maan ko bhee muskaraataa paatee hoon.

bachche kah paate hain...kyaa ham?...

pichhale dinon mere bachapan ke skool ke ek seeniyar ne aarkut par kuchh tasveeren lagaaeen. vah saauth afreekaa men vah steshan ghoom aayaa jahaan mahaatmaa gaandhee ko tren ke farst klaas kampaartment se utaar diyaa gayaa thaa. us ghatanaa ne unakee zindagee badal dee aur unhonne duniyaa ko badalane kaa soch liyaa. achaanak hee fir se jaise us kaale, patale, seedhe-saadhe aadamee ke liye ek baar shraddhaa umad aaee mere man men. kitanon men hotee hai himmat...?


pichhale saal, mainne apane skool men buleeng privenshan ko lekar kaafee kaam kiyaa thaa. kaee varkashaap men jaakar mainne jaanaa ki manovaijnyaanik yaa saaikolojikal buleeng bahut khataranaak hotee hai, aur bachchon men, khaasakar ladakiyon men hotee paaee jaatee hai. visheshakar unake saath jo skool men naye aate hain. unako anadekhaa karanaa, alag-thalag kar denaa, baat n karanaa, munh fer lenaa aadi...aur main sochatee thee, badon kee duniyaa kahaan alag hai?

aaj subah skool men ’aaj kaa vichaar’ padhaa gayaa, " main chhote, bade sabhee ko sahee sammaan doongaa."

aaj saaraa din jinjar-bred aadamee ko dhoondhate huye

chhuttiyon ke aane kee taiyaaree ho rahee hai skoolon men. kisee kakshaa men jinjar-bred men ban rahe hain to kisee kakshaa men hanukaa ke liye laitake ban rahe hain. skool ke sheet- utsav (vintar kansart) men pyaare- pyaare, chhote-chhote bachchon ko apane chhote-chhote haathon ko nachaa-nachaa kar gaane ke saath aikshan karate huye stej par dekh kar man anaayaas hee khush ho jaataa hai.

aaj meraa din in 3-4 saal ke bachchon ke saath jinjar-bred main ko dhoondhate huye nikalaa. badee mehanat se klaas men sab ne teechar kee madad se in jinjar-bred main kukeez ko banaayaa aur teechar jaa kar skool ke kichan men inhen avan men rakh aaee. magar jaise hee kuchh bachchon ke saath vo unhen lene pahunchee, jinjar-bred men to vahaan the hee naheen. sab ke sab bhaag chuke the avan se. to fir ham sab nikale unakee khoj karane.

pahale kichan men ek not milaa, jisamen likhaa huaa thaa- aap mujhe keyar tekar (skool kee safaaee aadi kaa dhyaan rakhane vaalaa staaf) ke aofis men dhoondhiye. vahaan jab bachche teechar ke saath gaye to unhen ek aur not milaa ki vo sab to bhaag kar kampyootar laib gaye hain. bachche vahaan dhoondh aaye aur is tarah ek ke baad ek kaee kakshaaon men, prinsipal ke aafis men aur skool men har jagah dhoondh aane ke baad vah unhen mile ...to laaibraree men. fir sab ne unhen laakar, un par kakshaa men aaising kar unhen khaa liyaa.

bachche kitane bhole hote hain. sab ke sab un jinjar bred kukeez ko is tarah dhoondh rahe the jaise sach vo bhaag kar kaheen chhup gaye hain. unake mil jaane par bachchon kee khushee ke eksapreshan ko shabdon men bayaan karanaa mumakin naheen.

in nanhen foolon ke kisson se ab lagataa hai meraa blaag sajataa hee rahegaa.

shreekaant aachaary- aamaar shaaraataa deen

bngalaa gaanon kee shrinkhalaa men, ye ek atynt madhur geet aaj, shreekaant aachaary kee aavaaz men. mainne is geet ko pahalee baar kuchh dinon pahale hee, bngaal se ek dost ke bhent karane par sunaa. itanaa madhur sngeet aur makhmalee aavaaz men is geet ko sun kar bhaashaa ko jaanane n jaanane kee zaroorat naheen rah jaatee hai. fir bhee shabd de rahee hoon saath men-



bnglaa me geet- (neeche hindee men bhaavaanuvaad)

aamaar shaaraa taa deen, meghalaa aakaash brishti tomaake deelaam
shudhu shraaban sndhyaa tuku tomaar theke cheye nilaam

hridayer jaanaalaa e chokh mele raakhi
baataasher baanshee te kaan pete thaakee
taake ee kaachhe deke
moner aanginaa theke
brishti tomaake toboo firiye dilaam

tomaar haath e ee hok raatri rachanaa
e aamaar svapn sookher bhaabanaa
cheyechhi pete jaake chaaeenaa haaraate taake
brishti tomaake taaee fire chaailaam

hindee men bhaavaanuvaad-

meraa saaraa ye din, meghamay aakaash, vrishti tumhen de dee mainne
bas shraavan sndhyaa hee ek tum se maang lee hai mainne

hriday kee khidakee par aankhen bichhaaye baithaa hoon
havaa ke bnsee par kaan lagaaye baithaa hoon
use hee paas bulaa kar
man ke aangan se
brishti tumhen fir bhee lautaa rahaa hoon


tumhaare haathon hee ho raatri rachanaa
yahee meraa svapn hai, sukh kee bhaavanaa
jise paanaa chaahaa hai, use chaahataa naheen khonaa
vrishti tumhen isaliye vaapas maangataa hoon

nanhen fool- roz hee ek nayaa mazedaar kissaa

"ab ke is mausam men nanhen
foolon se mahakee galiyaan hain"

is sher ko jab likhaa thaa to vo pyaare-pyaare, chhote-chhote bachche the dimaag men, jinhen padhaane kaa mauqaa milaa hai is saal. kakshaa kindargaartan se kakshaa doosaree tak ke bachche, 4 - 7 saal tak ke.

shuruaat men badee pareshaanee hotee thee. main ghabaraaee huee see in kakshaaon men jaatee thee. itane chhote bachchon ko padhaane kaa koee anubhav naheen thaa mujhe. magar ab koee 2-3 maheene baad, har din ek khushagavaar din hotaa hai aur har din ke naye kisson ko ghar aakar yaad kar ke chehare par apane aap muskaraahat aa jaatee hai. roz ek nayaa mazedaar qissaa.

abhee kal kee hee baat hai. kindaragaartan ke bachchon ko skool men hee, laaibraree le kar jaanaa thaa. unakee kakshaa se door, seedhiyon se oopar laaibraree men le jaanaa matalab, pahale hee hidaayaten doharaanee hotee hain-
"ham laain men kaise chalate hai?"
" munh par ungalee rakh kar...."
"kyaa ham laain men chalate hue apane dost se baat karate hain?
"n-heen--" (-koras men sabhee-)
"jab ham seedhee chadhate hain to kyaa zarooree hai?"
"seedhee kee reling pakadanaa"
aadi aadi...
is tarah se unako (main bachchon kee laain kee taraf munh kiye huye, apanee ungalee apane hothon par rakhe huye, dheere-dheere kdam dar kdam peechhe kee or chalate huye) laaibraree tak le kar jaatee hoon. yahaan bachche apanee pasnd kee kitaab lete hain aur ek bench par baith kar sab bachchon ke kitaab le lene tak prateekshaa karate hain.

kal dekhaa, bench par baithee, ye chhotee see bachchee, chaar-saadhe chaar saal, kee khoob khee-khee kar ke hns rahee hai. mainne poochhaa ki kyaa huaa hai? paas hee baithee doosaree bachchee ne bataayaa, "misez chatarjee, falaanaa iz teling dait de aar kising" . mujhe hnsee aaee, aur mainne kahaa, "vhaat iz it hanee? " to us bachchee ne apanee kitaab dikhaaee, paree kathaa thambaleenaa kee kahaanee men, aakhiree panne par raajakumaar aur raajakumaaree paas-paas khade the. vo kahane lagee, "de aar kising" . mainne kahaa, :" no de aar naat..., de aar stainding". bachchee ne thode dhyaan se us tasveer ko fir dekhaa aur mujhe samajhaate hue kahaa," yes, bat de aar goning tu kis aaftar" - (bas man men yahee kah paaee- jee achchhaa daadee ammaa)

ek bachchaa hai kakshaa pahalee men, use mainne kaareedar men chalate huye naheen dekhaa hai kabhee. vo apane jooton se lagaataar fisalate hue hee chalataa hai. aur fir brek lagaate huye, girate huye, aur fir fisalate huye...ham teechar bhee apanaa kaam karate hain, use roz samajhaate hain, aur vaapas jaakar fir chal kar aane ko kahate hain...aadi aadi, n vo sudharaa hai ab tak, n ham :-)

sabase achchhaa lagataa hai jab ye bachche khil-khil kar ke hnsate hain. chhotee-chhotee baaten inako hnsaane ke liye kaafee hotee hain. kal ek khel khilavaa rahee thee bachchon se. sabhee ek golaakaar men baithe. ek bachche ko khade hokar sabase pahale apanee ungalee ko pensil maan kar havaa men apanaa naam likhanaa thaa. fir apane sir ko pensil maan kar, fir apane pet ko , kuhanee ko, aadi aadi...unakee nishchhal hnsee dekhate banatee thee.

roz ke kaee kisse...jaane kitane, in do maheenon men hee...jo saalon se is umr ke bachchon ko padhaa rahe hain, unake paas to kisson kaa khazaanaa hogaa, isamen bhalaa kyaa sndeh hai...

bhaalobaasho shudhu bhaalobaasho- hemnt kumaar

bachapan men is gaane ko sunatee thee, el.pee. rekaard par. aaj ye aanalaain mil gaee. hemnt kumaar dvaaraa gaayaa ye bnglaa geet- bhaalobaasho shudhu bhaalobaasho. isake rachanaakaar kaun hain naheen jaanatee, par shaayad sngeet hemnt kumaar kaa apanaa ho, pakkaa pataa naheen. is gaane ke mithaas ke kyaa kahane.



bnglaa geet (neeche hindee men bhaavaanuvaad)


anek raat
jhimono chaand
shabd neee
kathaa koyonaa naa
bhaalobaasho shudhoo bhaalobaasho

maajhe-maajhe
paataa der
kaanaa kaanee
fish-fish
bahoo doore aakaashe te
taaraader mjalis
dootee hriday
svapnamay
anubhave baadhaa diyo naa

jooee bone shishire
aanaagonaa took-took
jonaakee aar jhaau shaakhaar
lookochooree choop-choop
dootee chokhe joto kothaa
snkete shore jeo naa
bhaalobaasho shudhoo bhaalobaasho

hindee bhaavaanuvaad

gaharee raat
nasheelaa chaand
sannaataa
baaten n karo
prem...bas prem

kabhee-kabhee
patton kee
kaanaafoosee
fis-fis
bade door aakaash men
taaron kee majalis
do hriday
svapnamay
anubhooti men
baadhaa n bano
prem bas... prem

joohee ban men
shishir ke beech
aanaajaanaa
tuk-tuk
juganu aur
jhaau kee daar
lukaachhipee
chup-chhup
do aankhon men
jitanee baaten
ishaaron se
door n jaao
prem...bas prem

kyaa aap sattar ke dashak men paidaa huye hain?

kyaa aap 70 ke dashak men paidaa huye hain? yaa aisaa kahen ki 80-90 ke dashak men bade ho rahe the...skool jaa rahe the, kaalej jaa (naheen jaa, badale men film dekhane) rahe the?

tab to -

- faintam, maindrek, bahaadur (vo ghode par...) aapake dreem heero the. aap agar ladakee hain, to "pret kaa vivaah" vaalee komik (vetaal) kaee baar padh chukee theen. isake alaavaa, lot-pot, chndaamaamaa, chnpak, nndan, chaachaa chaudharee aur saaboo, madhumuskaan aapake priy patrikaaon men se huaa karatee theen, aur padhaakuon ke liye kampiteeshan sakses rivyuh.

-amar chitrakathaa doston se badal badal kar padhanaa aur usakee sireez jamaa karanaa aapake liye garv kee baat hotee thee.

- kaimalin jyaamitee baaks aur floraa pensil aapako barthade par mile honge.

-chhuttee par jaane kaa matalab daadaa-daadee yaa naanaa naanee jee se milane jaanaa hotaa thaa.

-aaisakreem kaa matalab aarenj stik yaa vaneelaa kaa kon huaa karataa thaa. vaadeelaal, dinashaa aadi kuchh naye naam aane lage the aaisakreem kee duniyaa men.

-aapakee faimilee kaar fiyat (yaa ambaisaidar) thee.

-us gaadee men parde lage hote the, safed net ke bane huye, shaayad maan ke haathon seeye huye.

-shaayad ek chhotaa saa pnkhaa bhee lagaa ho gaadee mon.

-aap sarkas dekhane ek n ek baar to zaroor gaye honge jahaan, jhakamak kapadon men ladakiyaan karatab dikhaatee theen, baune jokar besar pair kee baaten kar hnsaate the aur kisee bait jaisee vastu se ek doosare ke peechhe maarate the.

-agar aapake ghar tee.vee. thaa to chitrahaar ke samay ghar par bheed jamaa honaa koee naee baat naheen thee. ravivaar ko shaam ko dooradarshan par sinemaa aur dopahar ko reejanal moovee (sabataaitals ke saath) aap bade shauq se dekhate the. krishidarshan kyon dikhaate hain aapako kabhee samajh naheen aayaa kyonki vo vaqt aapako padhaaee karane ke liye baithanaa padataa thaa . ravivaar ko subah dooradarshan par raamaayan aur mahaabhaarat ke vaqt poore shahar men karfyoo lag jaataa thaa.

-je.bee raman aur salamaa sulataan (baalon men gulaab ke fool ke saath, binaa muskaaye samaachaar padhate huye) aapake ghar ke sadasy ban baithe the. kisee netaa ke dehaant ho jaane par teen din kaa shok dooradarshan par aapako bahut peedaa detaa thaa, jab saare din baansuree aur shaastreey sngeet sunanaa padataa thaa.

-indiraa gaandhee kaa dehaant aur raajeev gaandhee aur amitaabh bachchan kaa teevee par unakee antim kriyaa par dikhaayaa jaanaa, seedhaa prasaaran, gharon mon teevee dekhane vaalon kee bheed, bhoole naheen honge aap.

-ghar men maardarn gajet ke naam par frij, miksee aur tee.vee. huaa karate the.

-disko deevaane naaziyaa hasan ke gaanon ke aap deevaane the.

-maan, pitaajee, skool ke teechar se maar khaanaa koee badee baat naheen thee.

-tasveeren kheenchanaa/khinchavaanaa badee baat thee. 36 filmon vaale kaimeraa se yaa kisee studiyo men jaa kar parivaar sahit foto khinchavaaee hogee aapane, jahaan sabhee saavadhaan kee avasthaa men khade hon.

-thode bade hone par ladakiyaan, mils aend boons padhaaee kee kitaabon ke neeche rakh kar kabhee to padhee hongee.

-binaakaa/sibaakaa geet maalaa rediyo par sunanaa....

yaaden bahut see hain...abhee bas itanaa hee ...

(ek faarvarded eemel se kaee ansh liye gaye hain, jisane sachamuch puraane din yaad dilaa diye...)


-

-

doob jaayen bas...multaanee kaafee- ustaad salaamat khaan

multaanee-kaafee raag sindhee bhairavee men ustaad salaamat khaan kee aavaaz men - doob jaayen bas...

multaanee kaafee ek tarah kee gaayakee hai jisamen soofee prabhaav dekhaa jaa sakataa hai. ise sindh aur pnjaab men bahut gaayaa jaataa hai. ye bahudhaa pnjaabee yaa sindhee bhaashaa men hotee hai. ye multaanee kaafee khvaajaa gulaam fareed kee likhee huee hai.