naagapnchamee

dinaank 14 agast, shanivaar kee chhuttee thee aur iseelie subah se kaam dheemee gati se chal rahaa thaa. indradev bhee subah se meharabaan the. baarish kee hee vajah shaayad akhabaar vaalaa der se aayaa, der matalab saadhe aath baje. ab ise to der hee kahenge. idhar akhabaar aayaa aur udhar meree betee prabodhinee kaa suprabhaat huaa. patneejee ne bhee aav dekhaa n taav, turnt bitiyaa ko hamaare havaale kiyaa aur nirdesh (aap aadesh bhee samajh sakate hain) die ki aaj use skool ke taiyaar karake ham ek achchhe pitaa hone kaa saboot den. sveekaar karanaa hee ekamaatr vikalp thaa hamaare saamane, so saunpaa gayaa kaam pooraa kiyaa. to bitiyaa ke saath-saath hamen bhee taiyaar hone men baj gae saadhe nau.

akhabaar uthaakar dekhaa, to naagaraaj kee tasveer ke saath likhaa thaa 'aaj naajapnchamee hai'. ye to bhalee karee pepar vaalon ne ki fotoo dekhakar tyauhaar maaloom pad gayaa, varanaa subah se galee men aisaa koee maahaul hee naheen thaa jisasase lage ki aaj koee khaas din hai. n to kisee naag vaale ne aavaaj lagaaee, 'pilaao naag ko doodha' aur n hee koee dhol vaalaa daravaaje par mngal dhvani karane aayaa. aaj se chh:-saat saal pahale indaur shahar men naagavaale kabhee-kabhee dikhaaee de jaate the. par ab to van vibhaag aur pulis kaa mahakamaa tatpar rahataa hai, jaise hee koee naagavaalaa dikhaa use pakadkar naagavaalee pitaaree jabt kar lee jaatee hai aur naagon ko jngal men chhod diyaa jaataa hai. isalie betee ko akhabaar men naag kaa foto dikhaayaa aur bataayaa ki aaj naagapnchamee kaa tyauhaar hai. vo bahut khush huee ki shaayad aaj skool n jaanaa pade. par jaldee hee usakee khushiyon par tushaaraapaat ho gayaa jab hamane bataayaa ki aaj bhee skool to jaanaa hee hai. khair abhee chaar saal kee umr men use naagapnchamee se koee lenaa-denaa naheen hai.

bitiyaa 10:45 par skool chalee gaee. shreemateejee ne rasoee kee deevaar par geroo se naagadev kaa paarnparik rekhaankan kar usee kaa poojan kiyaa. ham thodaa naastelajiyaa gae the. aisaa aksar ho jaataa hai......flaish baik..... '70 kaa dashak, dhaar shahar men peepalee baajaar....umr 8-10 saal. eestamain kalar kee chhaviyaan jehan men tair rahee hain. us samay naagapnchamee kee chhuttee hotee thee. isalie bachchon ke lie tyauhaar kaa majaa dogunaa ho jaataa thaa. bachche subah se taiyaar hokar ghar se baahar mohalle men nikal aate the. hamaaraa ghar T jnkshan par thaa. teenon dishaaon men 8-10 saath kee umr ke hisaab se lagabhag 15 gharon tak hamaare bhramanapath kee seemaarekhaa thee. to ham bhee aas-paas ke samavayask saathiyon ke saath nikal padte naagapnchamee kaa jaayajaa lene. subah se dasiyon naagavaale aavaajen lagaane lagate ..... pilaao naag ko do-a--a--a--a--a-dh...... yaa ...... naag ko doodh pilaa-a--a--a--a--a-o. ham bachchon ke lie romaanch ke kshan ve hote jab kisee ke ghar naagavaale ko poojaa ke lie bulaayaa jaataa. naag vaalaa ghar kee deharee par baith jaataa aur apanee potalee men se naag kee pitaaree nikaalataa. sabhee bachchon kee aankhe pooree khulakar jhapakanaa bnd ho jaatee ki ek bhee pal chook n jaae. oh, ab naagaraaj ke darshan hue, pitaaree men kundalee maare baithe yaa lete hain. naag vaale jo aamataur par kaal‍beliyaa samaaj ke hote the, naag ke aaraam men khalal daalakar use fan uthaane ko majboor karate. ab tak ghar kee mahilaa doodh kaa katoraa aur kunkum-akshat aadi poojan saamagree le aatee. naag vaale katore men naag kaa munh daalakar doodh pilaane kee ekting karataa aur naag se bhee karavaataa. ham sabhee bachche bahut hee dhyaan se katore men doodh kaa star jaanchate ki kitanaa doodh piyaa, doodh to utanaa hee banaa rahataa. ab ham sabhee bachche aapas men baat karake yah maan lete ki subah se hee doodh pee rahaa hai, to ab tak pet bhar gayaa hogaa. ab naag kaa munh katore baahar nikaal liyaa hai aur use poojan karane vaalee kaakee, buaa, maasee, daadee, naanee, bhaabhee ke saamane kar diyaa hai. (haan, khoon kaa rishtaa ho yaa n ho us samay poore mohalle men inheen paarivaarik snbodhanon kaa upayog hotaa thaa.) naag kaa munh mutthee men aisaa pakadaa hotaa ki saans bhee bumashkil aa-jaa paatee hogee. ek aur baat ham bachche khaasataur par dekhate the, vah thee naagaraaj kee lambaaee. jis bachche ke ghar par 3-4 feet kaa naag aa jaataa vah chaar dinon tak apanee garadan naag ke fan ke samaan uthaae ghoomataa rahataa. aur jin bachchon ke ghar chhote dedh futiye

bade hone par bhee kaee log aisaa hee karate rahate hain, parivaar men, padaus men, naatedaariyon men, samaaj men, aofis men - khaasakar netaaon, adhikaariyon yaa rasookhadaaron se sambandh bataane ke lie.

naag aate ve bechaare heen bhaavanaa se grast ho jaate aur bade naag vaalaa bachchaa inhen hey drishti se dekhataa. ab ye naag kee saaij to pooree tarah se gaimbaling thee. jab tak pitaaree n khule tab tak naag kee lnbaaee pataa hee naheen chalatee thee. kaee baar to padaus men naag dekhakar baanchhen khil jaateen. ab ye kahaan hotee hain aur kaise khilatee hain pataa naheen. ham daudkar maan ke paas jaate aur aanchal pakadkar anurodh karate ki paas vaalee babalee ke ghar par jo naag vaalaa hai naa, use ham bhee bulaaenge. par maan to ghar ke kaam ke hisaab se poojan karatee theen, koee muhoort naheen hotaa thaa bas andaajan 12 baje se pahale poojan kar lete the. ham maan ke manaa karane par man masos kar rah jaate. ghar par naagavaale ke aane par sthiti yah hotee ki ham ghar ke andar aur mohalle ke bachche deharee ke baahar se jhaankate rahate. kuchh himmatee aur jyaadaa mitravat bachche andar aakar hamaare paas khade ho jaate aur garv se baahar vaalon ko dekhate ki dekho hamaaree pahunch is ghar ke andar tak hai. kamobesh aisaa har ghar men hotaa bas andar aur baahar vaale bachche badal jaate. bade hone par bhee kaee log aisaa hee karate rahate hain, parivaar men, padaus men, naatedaariyon men, samaaj men, aofis men - khaasakar netaaon, adhikaariyon yaa rasookhadaaron se sambandh bataane ke lie. naagavaale ke saath kabhee-kabhee koee chhotaa bachchaa hotaa, jisake ve puraane kapadon kee maang karate. naagon kee charchaa agale do-chaar dinon kar skool men chalatee rahatee. sabhee bachche apane-apane jnyaan kaa aadaan pradaan karate rahate masalan - moonchhon vaalaa naag, ichchhaadhaaree naag, manidhaaree naag, naagin kaa badalaa, mntr se jahar utaaranaa aadi-aadi.

naagapnchamee ke din shaam ko dhaar men laal baag ke paas mel lagataa thaa. ab bhee lagataa hai. jise bhujariyaa kaa melaa kahate hain. vahaan kaee naagavaale shaam ko aakar baith jaate hain aur bas aise hee naagon kaa saarvajanik pradarshan hotaa hai, chadhaave men kuchh paise bhee mil jaate hain. bageeche men mittee kee ek baanbee jaisee rachanaa kee jaatee hai. yahaan log naagadev kee poojaa karate hain. bageeche ke aas-paas kee sadkon par jhoole, khaane-peene kee vastuon aur khilaunon dukaanen hotee hain. aaj bhee kaee baar yahaan mittee ke khilaune dikhaaee de jaate hain. gubbaare, pipaharee vaale ghoomate rahate hain aur aajakal cheen men ‍bane khilaune bhee rakhate hain. nipat bhaarateey kasbe-dehaat kaa maahaul hotaa hai. dngal kaa aayojan bhee hotaa hai.

aaj indaur men aise aayojan naheen ke baraabar rah gae hain kyonki yah shahar betahaashaa bhaagate hue metro sitee banane kee jid par adaa hai. meree betee in mele-thele ke baare men tabhee jaan paaegee jab main use teej-tyauhaaron yaa melon ke avasar par dhaar yaa aas-paas kisee chhote kasbe men le jaaoon.

jo log is lekh ko jhelate hue yahaan tak pahunch gae hain unakee veerataa ko naman aur dhanyavaad tathaa ab ant men kuchh tnt kee baat. tnt shabd maalavee men saar yaa tathy ke samakaksh hotaa hai. jo log '70 ke dashak men madhy pradesh men padhe hain unhonne kakshaa 3 yaa 4 men hindee kee pustak men 'naagapnchamee' kavitaa padhee hogee. paath bhee shaayad chauthaa rahaa hogaa. pustak kaa chauthaa paath hone se yah hotaa thaa ki agast maah men paath 4 aur naagapnchamee kaa tyauhaar kuchh dinon aage-peechhe aate the. isalie kavitaa bahut achchhee lagatee thee. du:kh kee baat yah hai ki aaj mujhe pooree kavitaa yaad naheen hai. shuroo kee chaar laainen is prakaar hain -
sooraj ke aate hee bhor huaa
laathee lejhim kaa shor huaa
ye naagapnchamee jhammak jham
ye dhol-dhamaakaa dhammak dham.

kavitaa bhool jaanaa matalab samay ke daur kaa dhundhalaa jaanaa hai. kisee ghisee rikord, kaiset yaa seedee jaisee atakatee yaaden. isase jyaadaa kuchh likhanaa munaasib naheen hogaa kyonki shree vishnu bairaageejee ne jo likh diyaa hai vo shaayad hee koee likh sake. kavitaa ke kho jaane ko jo bhaav unhonne die hain vo sngrahaneey hain. ise yahaan jroor dekhen. kavitaa kaa badaa hissaa aakaashavaanee vaale yoonusajee ne yahaan upalabdh karaayaa hai. yadi paathakon men se kisee ko pooree yaad ho yaa kaheen se mil jaae to mujhe yaa yoonusajee mel se bhej den yaa svayn apane blog par prakaashit karake hamen soochit kar den.

Read more...

giddhabhoj

abhee parason shaam ko ban-than ke nikale, aakhir shaadee men jeemane jaanaa thaa. jeemanaa naheen samajhe, maalavee men bhojan karane ko jeemanaa kahate hain. raaste men ghaanseeraamajee mil gae. ghaanseeraamajee khaalis maalavee kairektar hain. hamane poochhaa kidhar kee taiyaaree hai. chhootate hee bote, 'are vo falaanee jagah giddhabhoj men jaee riyo hoon.' ye sunate hee mere dimaag men mannoo bhndaaree kaa mahaabhoj chakkar kaatane lagaa. hairaanee se giddhabhoj ko jaraa spasht karane ko kahaa to bilkul anokhee baat saamane aaee. vo bhee usee shaadee men jaa rahe the jahaan main jaa rahaa thaa aur ve bhojan kee bafe pranaalee ko giddhabhoj kah rahe the. main to avaak rah gayaa, is nipat dehaatee ne bafe ko kaisee anokhee upamaa dee hai.

khair vahaan par pahunche to log abhee aa rahe the aur jo aa gae the ve ek doosare se mel-mulaakaat kar saamaajikataa badhaa rahe the. kuchh der baad jab bhojan shuroo huaa to thodee der tak to theek-thaak rahaa. lekin jab aur adhik mehamaan aa gae to bhojan ke lie tay jagah thodee chhotee lagane lagee. logon men itanaa dheeraj naheen thaa ki kuchh logon kaa bhojan ho jaane tak ruk jaaen. drishy aisaa thaa jaise log ek doosare ke oopar se khaane par toot pade hon. ab mujhe ye bafe paartee vaakee giddhabhoj lag rahee thee. har stree-purush apanee plet ek haath men lekar pndaal men ud rahe hain aur doosare haath men chammach yaa kaantaa lekar gulaab-jaamun, daheebadaa, noodals, mnchooriyan, aadi naanaa prakaar ke vynjanon ke shikaar ko udarasth kar rahe hain.

meree drishti kuchh dhundhalaa gaee hai.... haan ab theek najr aa rahaa hai...oh main dekh rahaa hoon oopar aasamaan men ek vyakti ud rahaa hai. haan giddh hee lag rahaa hai, lekin cheharaa to endarasan kaa hai aur pnkhon par yooniyan kaarbaaid likhaa hai. are ye kyaa... neeche pndaal kee jagah hajaaron bhopaal nivaasiyon ke shav dikhaaee de rahe hain. are vahaan to kuchh desee chehare vaale giddh bhee ud rahe hain. oh ye to insaanon ko apanee pleton men daale jaa rahe hain. ab to poore aasamaan men giddh hee giddh dikhaaee de rahe hain. lekin ye to narabhakshee naheen balki sarvabhakshee lag rahe hain. lo... abhee ek giddh ne ek sadk ko saanp samajhakar nigal liyaa hai. udhar bahut se hain jo sadken khaa rahe hain, kuchh ne baandh aur pul bhee khaa lie hain. stediyam bhee bade svaadisht hote hain, khel sngh kee chatanee ke saath to majaa dogunaa ho jaataa hai...yamee-a--a--a-...kaee baar khilaadiyon ko aur yadi mahilaa khilaadee ho to unakee ijjat ko bhee chakh lete hain. aakhir giddh hain to pet bharanaa jrooree hai, yadi taink poore naa paden to shaheedon ke kafan bhee khaa lete hain. bhaee laajavaab hain ye giddh, ek samooh ke hon yaa alag samooh ke, aksar milabaant kar khaate hain. bhainson kaa chaaraa khaa lete hain, to gareebon kaa raashan, mittee kaa tel vagairah bhee udarasth kar lete hain. baadh, sookhaa, bhookamp aadi kaee tarah kee raahat raashiyaan inakaa priy vynjan hai. vibhinn sarakaaree yojanaaen roj ke naashte ke lie hotee hain. kuchh giddh haaee profaail hote hain jo bade-bade saudon men kameeshan khaate hain aur kaee to desh kee asmat aur surakshaa bhee hajm kar jaate hain. kuchh chhutabhaiye giddh bhee hain jo faailen, arjiyaan, penshan, skolaraship aur aam janataa ke kaagj ko khaakar hee sntusht ho lete hain. kaee khaate naheen hain balki kaagjaat dabaakar shikaar men hissaa bntaa lete hain. kuchh giddh ijjat bachaane ke lie apanee sntaan ko bhee maar dete hain. ye giddh chaahate hain ki unake bachchon kee shaadee unake dharm aur jaati men hee ho lekin gotr yaa gaanv men naa ho.

unake gale men rng birnge dupatte hain, kuchh ke sir par topee aur kuchh ke badan par vardee hai. kuchh giddhon ne rngeen chashme bhee lagaa rakhe hain. in chashmon kaa rng haraa, bhagavaa, neelaa aur laal yaa kuchh bhee ho sakataa hai. aajakal safed chashmaa bhee prachalan men hai. ye chashme vaale giddh binaa chashme vaalon se jyaadaa khtaranaak hote hain. jaise laal rng vaale giddh logon ko aksar doosare chashme vaale giddhon se daraate hain aur fir...surakshaa aur aajaadee ke naam par khud hee pablik ko hajam kar jaate hain. ye chashme vaale giddh kabhee chashmaa hataakar duniyaa ko dekhanaa hee naheen chaahate.

vaise to giddhon kaa dharm jaati aadi naheen hote, fir bhee ye khud ko kisee khaas dharm ke logon kaa hitaishee, snrakshak, jhndaabaradaar aadi bataate hain. ye dharm ke naam par bhee logon ko jeem rahe hain. ye dhaarmik giddh apanaa hee raag alaapate rahate hain aur vividhataa se inhen nafarat hai. ye chaahate hain pooree duniyaa men bas inake jaise hee giddh hon, doosare yaa to khatm ho jaaen yaa inake jaise ho jaaen.

mujhe aur adhik saaf dikhaaee dene lagaa hai. poore desh ke aasamaan men giddh hee giddh udte najr aa rahe hain. ve poore desh ko nonch-nonch ke khaa rahe hain. par in chhote-bade giddhon ke bhojan chakr men antim roop se aam janataa hee kalevaa ban rahee hai...lekin main dekh rahaa hoon ki is aam janataa men bhee jo vyakti giddhon ko kosataa rahataa hai, vah bhee jab maukaa milataa hai to giddh banakar apane se kamajor ko shikaar banaa letaa hai. desh kee pooree aabaadee hee giddh ho gaee hai kuchh sthaayee aur kuchh asthaayee. saaraa mulk maraghat men tabdeel ho gayaa hai. saany-saany karataa sannaataa mere kaanon ko cheer rahaa hai.

poore desh ke aasamaan men giddh hee giddh udte najr aa rahe hain. ve poore desh ko nonch-nonch ke khaa rahe hain. par in chhote-bade giddhon ke bhojan chakr men antim roop se aam janataa hee kalevaa ban rahee hai...

stabdh dekh rahaa hoon main sabakuchh giddhon ke munh men jaate hue-desh kaa dhan, snsaadhan, snpadaa, sadk, rel, pul, baandh, jngal, praanee, janataa aur theek vaise hee arjun ne krishn ke viraat roop men praaniyon ko pravesh karate dekhaa thaa. mujhe tatvajnyaan praapt ho gayaa hai ki mainne manushy janm paayaa hai to apane karm karataa rahoon aur giddh men kanavart hone kaa vichaar bhee man men naa laaoon. oh... vo meree hee or aa rahaa hai, lekin meraa to kisee bhee dupatte, topee, vardee yaa chashme vaale giddh se koee seedhaa kanekshan naheen rahaa hai. shaayad usane meree post padh lee hai. vo mere sir par mndaraa rahaa hai...usake vishaal dainon kee havaa se mere sir ke bache baal laharaa rahe hain. aah... usane apane nukeele naakhoonon vaale pnjon se mere donon kndhe jakad lie hain. vo pakadkar jhakajor rahaa hai... main paseene se lathapath...cheekhanaa chaahataa hoon...meree chetanaa meraa saath chhod rahee hai...

vo aavaaj de rahaa hai...suno...are suno-a--a--a-...
indriyaan sajag hueen. oh! meree patnee mere donon kndhon ko pakad kar jhakajhor rahee hai.
'suno! aaj uthanaa hai yaa naheen?'
main bistar par hoon aur patneejee jagaane kee bharasak koshish kar rahee hain...to ye shreekhnd, raajabhog, petis, kulche, paneer aadi sootane se utpann khumaaree se paripoorn sapanaa thaa.

giddh drishy patal se chale gae hain. main bhee nahaakar akhabaar ke panne palatoongaa aur kaam par chalaa jaaoongaa aur fir vahee jindagee kee bhaagamabhaag, vahee maaraamaaree shuroo ho jaaegee jise saral bhaashaa men man ko tasallee dene ke lie rooteen kahate hain. achchhaa huaa vo sapanaa hee thaa lekin vo keval sapanaa hee thaa kyaa? giddh bhee to apane rooteen par chal pade honge.

iti giddham.

asveekaran: ye vichaar mere sapane kee khuraafaaten hain. inakaa kisee bhee ‍jeevit yaa mrit giddh athavaa maanav se koee snbndh naheen hai. naa hee isamen giddhon kaa apamaan karane kee koee koshish kee gaee hai. pashu-pakshee adhikaar vaale mahaanubhaav anyathaa n len. giddh aaj viluptapraay prajaati hai jo prakriti kee safaaee kar use sntuli rakhatee hai. aaie unake snrakshan men sahabhaagee banen.

chitthaajagat par sambandhit: Satire, Vulture, vyngy, giddh,

Read more...

surkh hotaa 'laala' vaad

.....unhonne 72 ko maar diyaa. to kyaa huaa? aakhir sarakaar ko is 'hare shikaara' kee kyaa jroorat thee? vaise ve log bhee to shikaar hee kar rahe hain. un aadivaasiyon kee gareebee, bhookh, ashikshaa, vishvaas, nirmal man kaa shikaar hee to kar rahe hain. ve kahate hain ki ve in vanaputron ko unakaa hak dilavaa rahe hain. jo hak ganatntr se naheen milaa vo ganatntr se dilaa rahe hain. vanopaj, shikaar, praacheen khetee par nirbhar ye log ek tarah se jngalaraaj men hee gujar karate hain. shikaar karo yaa shikaar ho jaao. abhee inakaa shikaar maaovaadee kar rahe hain. yadi svatntrataa praapti ke baad sarakaaree masheenaree theek se dhyaan detee to sarakaaree aadamee khaaovaadee banakar inakaa shikaar karate. matalab inakaa aakhet honaa to tay thaa. ho sakataa hai jin sthaaneey logon ne kabhee in vibhinn 'vaadiyon' ko apanaa madadagaar samajhaa ho ve aaj svayn ko asahaay aur thagaa mahasoos kar rahe hon. unakee sthiti filmee maafiyaa ke chngul men fnse heero ke jaisee ho gaee hai ki apanee marjee se aa to sakate ho parntu jaa naheen sakate. bilkul van-ve traifik. itane "saalon" kee sarakaar virodhee gatividhiyon, hinsaa aur samaantar sarakaar chalane par bhee logon kaa koee bhalaa huaa hogaa yaa unakee dainik jrooraten bhee pooree ho gaeen hongee, aisaa lagataa naheen hai. naksalee prabhaavit kshetr kee janataa nishchit roop se saanp-chhachhoondar kee sthiti men hogee. is laal aandolan ko chalaane vaalon men ab vaise hee tatvon kee ghusapaith ho gaee hai jaise shaharon men haftaa vasoolee, rngadaaree aadi karane vaale ek tay ilaake men samaantar sarakaar naheen to bhee khauf kee chakkee to chalaate hee hain jinamen shaharee aam aadamee pisataa hai. aandolan ke pranetaa kaanoo saanyaal ne is bhatakaav ko dekhakar aatmahatyaa kar lee. jab naksalavaad janmaa hogaa to snbhavat: usake lakshy uchit rahe honge kyonki ye aandolan prashaasanik kuprabndhan ke khilaaf thaa, parntu lakshy praapti ke tareekon ke baare men pooree tarah se aisaa naheen kahaa jaa sakataa. naksalabaadee se chalee yah dhaaraa samay, paristhiti, sthaan ke kaaran apanaa pravaah badalatee gaee aur sab jagahon kee gndagee bhee apane saath sametatee gaee. samay ke saath ulajhane bhee badhtee gaeen. jab saadhan hee glat ho gae to dishaaheenataa kee sthiti aanee hee thee.

aandolan adhikatar vahaan failaa jahaan bhookhe-ashikshit log the kyonki unhen baragalaanaa aasaan hai. vikasit, shikshit, rojagaar men lagee aabaadee men inakee paith snbhav naheen hai. un logon kaa bhee isamen yogadaan hai jo shikshit hain par unake paas kaam naheen hain yaa fir kaam karanaa naheen chaahate hain, yaa fir ve log jo shikshit to bahut adhik hain lekin unakee soch, unakee drishti par ek vichaaradhaaraa kaa chashmaa chadhaa hai. jab ankur footaa thaa tab hee is kharapatavaar ko pahachaanakar ukhaad fenkanaa thaa. par kuchh logon ne ise khaad paanee denaa shuroo kiyaa, aaj bhee de rahe hain. nateejaa sabake saamane hai. desh men jahaan praakritik aur khanij snpadaa hai vaheen par isakee laal jaden fail gaee hain. vartamaan men bhee inake netaa yaa sngathan pramukh kee giraftaaree par kuchh t‍thaakathit lokatntr bachaaoo sngathanon ne dillee men pradarshan kiyaa hai. kuchh saamaajik kaaryakartaaon ke bayaan aae hain ki dntevaadaa kaa ye naksalee hamalaa aopareshan green hnt kaa dushparinaam hai. surakshaabalon par aarop lag rahe hain ki ve gaanvon men ghusakar nirdosh aadivaasiyon se maarapeet karate hain. theek aisaa hee ham kaashmeer maamalon men bhee sunate aa rahe hain. inhen aatnkavaadee naheen kahaa jaataa to bas isalie ki ye isee desh ke naagarik hain? varanaa inamen aur baahar se aakar aatnk failaane vaalon men kyaa antar hai? dntevaadaa men sashastr surakshaa bal kee bakhtarabnd surngarodhee vaahan ko udaa dene vaale hathiyaar inhen paas-padaus se yaa door-daraaj se hee mile honge, jahaan inhen prashikshan bhee milaa hogaa. saat raajyon men lagabhag 150 jilon men naksalavaadee hinsaa kee aag fail chukee hai aur nishchit roop se baaharee shatru ise havaa dekar desh ko asthir karane kaa mnsoobaa paale baithe honge. yadi aisaa hee chalataa rahaa to uttar-poorv, pashchim bngaal, udeesaa, aandhr pradesh, chhatteesagadh, madhy pradesh aur dakshin ke raajyon men laal galiyaaraa ban jaaegaa jo nepaal hote hue seedhe cheen kee or jaaegaa.

yah baat bhale hee saty ho ki kaanoo saanyaal ne vnchiton ke lie is vichaaradhaaraa ko janm diyaa, parntu snbhavat: bhaarateeyataa ke abhaav kee vajah se lohiyaa aur jepee ke aandolan ke jaisaa deshavyaapee samarthan aur safalataa naheen milee. aaj bhee desh ke vibhinn bhaagon men, jahaan naksal yaa maao samasyaa naheen hai, saamaajik vishamataaen avashy hain, sarakaaree yojanaaen, pariyojanaaen v any saamaajik sarokaar samaaj ke har varg ko baraabaree se upalabdh naheen ho sake hain, fir bhee is vishamataa kee khaaee ko paatane ke lie graameenon yaa surakshaakarmiyon kee laashon nitaant hee gl‍t aur moorkhataapoorn raastaa hai. vnchiton ko hak dilaane aur saamaajik samasarataa sthaapit karane ke ahinsak tareeke bhee hain. aakhir gaandhee isee desh men hue hain aur aaj bhee poore vishv men praasngik hain.

ab lagataa hai paanee sar se oopar jaane men der naheen hai. sabhee raajaneetik dal ekajut hokar, nijee svaarth se pare soch rakhakar dridh ichchhaashakti se is faans ko nikaal sakate hain. litte kaa udaaharan saamane hai. samay rahate upaay nahee kie gae to saalon baad dillee se ye bayaan bhee naheen aa sakenge ki ye kaayaraanaa harakat hai, ye unakee hataashaa kaa parinaam hai, isake lie kathor kadam uthaae jaaenge, isamen videshee tatvon kaa haath hai.

[prastut aalekh dntevaadaa men 6 aprail 2010 ko surakshaakarmiyon par ghaat lagaakar kie gae hamale ke pratikriyaasvaroop hai. isamen dee gaee jaanakaaree aur vichaar meree saamaany samajh ke anusaar hain. paathak kee isase sah‍mati yaa asahamati ho sakatee hai yaa unake anusaar isamen kamiyaan bhee ho sakatee hain.]

Read more...

kishor: pyaar ajanabee hai

pichhale dinon kishor ‍kumaar par banee ek dokyoomentree dekhane ko milee. mojr beyar intaratenament li. dvaaraa nirmit aur sndeep raay dvaaraa nirdeshit 'jindagee ek safar kishor kumaara' lagabhag do ghnte bees minat kee film hai. isamen kishoradaa ke parijanon ke saath-saath un logon ke saakshaatkaar bhee hain jinhonne unake saath kaam kiyaa hai, jinhonne unake saath samay gujaaraa hai, jo unake samakaaleen rahe hain. sabhee logon se charchaa, mashahoor rediyo udghoshak ameen sayaanee saahab ne kee hai. is film ko dekhakar lagataa hai ki yah bahut saal pahale shoot kee gaee hogee. amit kumaar bahut yuvaa najr aae hain aur 'jaadoogara' aur 'toofaana' ke daur ke amitaabh hain, shammee kapoor ke bache baal kaale hain aur khichadee daadhee men safedee kam. aaj tak kishor kumaar ke baare men patr, patrikaaon, dooradarshan aadi se hee jaanane ko milaa thaa. is film se kishor daa ke jeevan aur shakhsiyat ke baare men thodaa aur jaanane ko milaa. fir bhee aisaa lagataa hai ki yah aadamee vah naheen hai jo oopar se logon ko najr aataa rahaa yaa fir usane hee khud ko logon ke saamane aisaa pesh kiyaa.



kisee film kaa naayak kishor kumaar ho to aamataur par yahee lagataa hai ki abhee vo naachataa-gaataa, yoodaling karataa aaegaa aur apanee harakaton se sab hnsaaegaa. par shaayad kishoradaa apane andar pataa naheen kitanaa dard samete hue the. unakee gaae hue geet sun kar lagataa hai ki geeto men peedaa unhonne apane andar se udelee thee. log yaa fir mee‍diyaa unakee knjoosee yaa khabt ke kisse bayaan karate rahe aur ham kabhee pooree tarah se naheen jaan paae ki vo shakhsiyat kyaa thee. kyaa vo sinik the yaa fir ek telent kee kuchh sanak thee. yaa doosare shabdon men kahen to vo ek moodee insaan the, ab itanee chhoot to mere khyaal se ek kalaakaar ko milanee hee chaahie. shaayad unhonne ek daayaraa banaa rakhaa thaa jisake andar vo shaayad hee kisee ko aane dete hon. ek spes, jo us harafanamaulaa insaan ne tay kiyaa thaa. usakaa apanaa spes jisamen bahut hee aatmeey logon ko jagah milee ho.


khair, main us shakhs par kuchh likhoon to vo saagar men se do boond ke baraabar hogaa. mainne us dokyoomentree men unakee ek aisee film ke kuchh seen dekhe jo dibbaabnd hokar rah gayee. film thee 'pyaar ajnabee hai' aur yah kishor kumaar prodakshan ke tahat hee ban rahee thee. heeroin, kishoradaa kee patnee leenaa chndaavarakar thee, jo us samay unakee patnee banee naheen theen. film ke naayak kishor hee the. nirmaataa, nirdeshak, gaayak aur sngeetakaar bhee kishor kumaar the. film kaa lekhan aur snvaad aadi bhee unheen ke the. snbhavat: geet bhee unheen ke rahe hon, abhee khojabeen par isakee jaanakaaree naheen milee hai. ye film to banate-banate rah gaee, par isakaa sngeet bhee baajaar men naheen aa paayaa. us dokyoomentree men do geeton kee jhalak bataaee gaee hai. donon adbhut hain. kishor daa ne geet aisee raaginee men baandhe hain ki sunane vaalaa bhee bndh kar rah jaataa hai. ek geet kaa mukhadaa 'pyaar ajnabee hai' hai, isakee knpo‍jishan itanee saral hai ki jo bndaa gaanaa n jaanataa ho vah bhee saath men gunagunaane lag jaae, par saral hone ke saath hee bahut hee madhur bhee hai. geet piyaano ke pees se shuroo hotaa hai. dheere se kishor mukhade ko shuroo karate hain. maddham lay men ridam laharaane lagatee hai aur geet us par tairataa huaa seedhe dil men utarane lagataa hai.

kishor ke lie kishor. naa dev ke lie, naa raajesh ke lie aur naa hee amitaabh ke lie. mahasoos hotaa hai jaise kishor ne khud ke lie gaayaa ho, n kelav parde par balki asal jeevan men.

aavaaj bilakul goldan vois, peedaa aisee jaise geet naheen kisee ne pighalaa sonaa kaan men udel diyaa ho. hont karatee chirayuvaa aavaaj, kisee dhundhabharee subah men koee bhatakee aatmaa mukti kaa geet gaa rahee ho. jaise koee maanjhee apanee kashtee lie gaataa jaa rahaa hai apane saahil kee talaash men. talaash kishor kee jeevan men kisee mnjil kee, kisee thaharaav kee. barason kee bhatakan ko jaise ek thaanv kee jroorat ho.


bhatakan-pahalaa vivaah, roomaa guhaathaakurataa, do jeeniyas ek saath n rah paae. alag honaa padaa. fir madhubaalaa kaa aagaman-dileep, bhaarat bhooshan, pradeep kumaar se vivaah n hone kaa dard, kishor-pahalee patnee ke vichhoh kaa dukh. logon ne kahaa prem naheen samajhautaa. kishor daa shaadee se pahale hee jaanate the vo naheen bachegee par shaadee kee aur ant tak nibhaayaa. yogitaa baalee-shaayad tel aur paanee kaa mel. shaayad yahee bhatakan kisee kinaare kee khoj men thee. kyaa kishoradaa film banaane ke lie film banaaee yaa leenaa men apane jeevan kaa lakshy dhoondhane ke lie ye geet rache. jo bhee ho geet men ek acheenhaa dard hai, baarish me dinon men mor kee tadpabharee koojan jaisaa. parde par bhee kishor ke chehare par yahee dard najr aataa hai. paartee men jode thirak rahe hain aur kishor ek mej ke peechhe baithe gaa rahe hain. door kshitij par adrisht ko dekhatee aankhen aur atal gaharaaee se aatee aavaaj. ek alakh jagaataa jogee. jogee kishor, thaur kee talaash men kishor.

poore geet men piyaano ridam ko sahaaraa detaa rahataa hai, saiksofon ke sur saanp se lipat jaate hain. intaralyood men piyaano apane bojh ko dheeme se saiksofon ko thamaa detaa hai aur fir vaapas le letaa hai. saaid ridam gaip ko bharatee chalatee hai. do antaron men geet pooraa hotaa hai aur ham nishchal rah jaate hain. baahar sannaataa! par andar kishor kee aavaaj kaheen gahare utar gaee hai aur geet goonj rahaa hai 'pyaar ajnabee hai'. pooree kaayanaat men ek mahak see ghul gaee hai. lagataa hai jaise dason dishaaon se kishor ne gaanaa shuroo kar diyaa hai, saraaund kishor ifekt!

baar-baar sunane par bhee abujh pyaas jagaane vaale geet kee ‍kavitaa padhie-

pyaar ajanabee hai jaane kahaan se aae

jaane kahaan se aae

pyaar ajanabee hai jaane kahaan se aae
pyaar ajanabee hai jaane kahaan se aae
kab jeevan men fool khilaae kab jeevan men fool khilaae
kab aansoo de jaae

pyaar ajanabee hai jaane kahaan se aae

pyaar hai vo rngo kaa baadal jeevan par jo chhaae
man chaahe to barase varanaa bin barase ud jaae
kabhee ye man kee pyaas bujhaae
kabhee ye aag lagaae
ret men ye motee saa chamake shabanam saa kho jaae


pyaar ajanabee hai jaane kahaan se aae
fir bhee isake peechhe peechhe man deevaanaa daude
jab tak tan men saans chale ye aas n isakee chhode
ek pal man ko chain ye de to ik pal chain churaae
ye anadekhe khvaab sajaae khvaab yahee dikhalaae


pyaar ajanabee hai jaane kahaan se aae
kab jeevan men fool khilaae kab jeevan men fool khilaae
kab aansoo de jaae
pyaar ajanabee hai jaane kahaan se aae
jaane kahaan se aae
jaane kahaan se aae


ab geet sunie:



aur ye hai chhotaa saa upalabdh veediyo:







doosare geet ke aodiyo aur veediyo donon hee ek minat se bhee kam avadhi ke mile hain. aamataur par kishor kee aavaaj men gajle kam hee sunee hain par yah geet bataataa hai ki yadi kishor gajl gaayakee men utare hote vahaan bhee sheersh par rahate. saaid ridam naav ke chappuon se taal milaatee hai. prem ko abhivyakti karate kishor abhinetaa naheen balki reeyal lage hai. premee kee devee ko suron ke arghy chadhaataa bnjaaraa. leenaa k‍ee khoobasooratee dekhie is geet men. bilkul mahue kee mahak aur khile tesoo. aur geet kyaa hai aisaa lagataa hai jaise kisee ne shahad men kaantaa dubokar jubaan men chubho diyaa ho.


geet ke bol hain:


hamaaree jid hai ki deevaanagee n chhodenge
hamaaree jid hai ki deevaanagee n chhodenge
n tum bhee koee ksar rakhanaa aajmaane men
junoon e ishk bhee kyaa shai hai is jmaane men


is geet kaa keval veediyo milaa hai, isakaa aannd leejie:





kishor kumaar ke in geeton ke prati ye keval meree anubhooti hai. ho sakataa hai aapako vaisaa n lage jaisaa mainne anubhav kiyaa hai. kishor kumaar par adhik jaanakaaree maneesh kumaarajee ne apane blog par par dee hai.

Read more...

hindee divas

hindee divas beet gayaa. deshabhar men rasm adaayagee bhee ho gaee. vibhinn vibhaagon ne hindee saptaah manaa liyaa. sarakaaree daftaron men soochanaa patt par puraane netaaon, saahityakaaron ye videshee vidvaanon ke hindee ke baare men vaktavy likhe gae. bainkon men likhaa 'hindee men chek sveekaare jaate hain'. angrejee maadhyam ke skoolon men hindee ke lie pratiyogitaaen aayojit kee gaeen. puraskaar vagairah bhee bnt gae. fir...fir jindagee kee dhaaraa rojmarraa kee tarah bahane lagee. maataaen garv se kahane lageen, yoo no, hamaaree betee to hindee men itanee vee-a--a--a--a-k hai naa ki bas. skoolon men hindee men bolane par sajaa, naheen panishament milane lagaa. jahaan sajaa naheen hotee vahaan teen saal kaa hindee bhaashee bachchaa jab skool men usakee teechar se hindee men kuchh bolataa hai to ve mahodayaa us alikhit niyam paalan karane men kotaahee naheen baratateen ki hindee bolane par jvaab hee naheen denaa hai, aakhir jhakh maarakar angrejee men hee bolegaa, jaisee bhee aae.

jaahir hai poore desh men yahee sab ho rahaa hai, fir bhee in sabake beech kuchh aisaa bhee hai jisase ek ummeed bndhatee hai. main apane kaaryaalay kee baat kar rahaa hoon. desh ke madhy men sthit madhyapradesh ke maalavaa praant ke indaur shahar, jise minee ‍munbaee bhee kahaa jaane lagaa hai, men ye sab dekhaa-sunaa hai mainne. paatron ke naam pahachaan kee gopaneeyataa kee drishti se badal die gae hain.
subodh daasaguptaa aur nooruddeen pashchim bngaal ke rahane vaale hain. donon kee maatribhaashaa baanglaa hai. jab donon se mulaakaat hotee hai to ve log mujhase hindee men hee baate karate hain. sujay kaakaatee aasaam ke vaasee hain. bas kaam ke silasile men indaur aanaa ho gayaa. dhannjay paatr aur anitaa saahoo udeesaa ke rahane vaale hain. ye log bhee mere sahakarmee hain. ye log bhee mujh se hindee men hee baat karate hain. is baat par aap log soch rahe honge ki ye to svaabhaavik hai kyonki mujhe to in sabhee kee bhaashaa aatee naheen hai isalie unhen hindee hee to bolanaa hogee. kuchh logon ko isamen bhaashaaee alpasnkhyakataa najr aa jaae. yaa fir hindee bhaashee logon kee daadaagiree bhee kah sakate hain. par aisaa kuchh bhee naheen hai. choonki bngaalee ko asamiyaa samajh men naheen aatee hai, to udiyaabhaashee ke lie baanglaa ek alag bhaashaa hai. isalie ye log keval mujhase hee naheen aapas men hindee men hee charchaa karate hain. mainne inhen kabhee bhee aapas men angrejee bolate naheen sunaa. jnyaan to angrejee kaa unhen paryaapt hai. ve log kaaryaalayeen aur baaharee kaam yadi angrejee men honaa hai to bakhoobee karate hain, fir chaahe vah patraachaar ho, meeting ho yaa fon kol.

yahaan pnjaab bhee hai, ramaneek kaur saloojaa, gurameet sinh eeshaar. gujaraat bhee hai, jayati shraaf, prajnyaa dave. mahaaraashtr bhee hai sunndaa kelakar, ullaas khare, nalinee deusakar. konkan (govaa) bhee hai, shaalinee jaanasan. jraa rukie dakshin bhaarat bhee hai, keral se sujaa iliyaamaa josef hain to karnaakat se jee. raamaanuj hain. hanumappaa tamilanaadu se hain to neelamani reddee aandhr pradesh se hain. mujhe chhodkar adhikaansh log angrejee maadhyam se padhe hain fir bhee aaj ye log apane aapasee snvaad ke lie angrejee par nirbhar naheen hain. unakaa hee ‍kahanaa hai ki angrejee ke bajaae ve log hindee men baat karane men jyaadaa sahaj anubhav karate hain. yah tark diyaa jaa sakataa hai ki yadi ye sab log ahamadaabaad men hote to gujaraatee bolate yaa fir chennaee men hote to tamil bolate. yah sahee bhee ho sakataa hai, parantu shaayad gujaraatee yaa tamil unhen seekhanee hotee, jabaki ye log jab indaur aae to tootee-footee, kaamachalaaoo hindee pahale se hee jaanate the. yahaan rahakar to unakee hindee men keval nikhaar aayaa hai.

aap log kyaa sochate hain? kyaa hindee desh kee snpark bhaashaa naheen hai? kyaa shreshthivarg aur hindee ke tathaakathit mathaadheeshon ne hee hindee ko angrejee kee bediyon men jakad naheen rakhaa hai?

chitthaajagat par sambandhit: hindee, raashtrabhaashaa, Hindi,

Read more...

mere baare men

vishesh kuchh bhee naheen hai mere baare men. ek aam bhaarateey, bhaarat ke hriday sthal madhy pradesh ke maalavaanchal men raajaa bhoj kee dhaaraa nagaree (vartamaan dhaar shahar) men paidaa huaa vaheen par bachapan beetaa, shikshaa bhee vaheen par huee, aur ab yaheen maalav maatee par devee ahilyaa ke indaur shahar men vebaduniyaa men kaaryarat hoon. khaalee samay men, jo ki aaj kee daudtee bhaagatee jindagee men se churaanaa padtaa hai, apane parivaar ke saath bitaanaa pasnd karataa hoon, fir bhee kuchh khaalee rah jaae to kuchh padhtaa hoon, isake baad bhee samay rahe to kore kaagj par kuchh aakritiyaan ukerane kaa prayaas karataa hoon, rediyo kaa shaukeen, aur kabhee kabhee teevee dekh kar us par bhee ehasaan kar detaa hoon. padhne men kahaaniyon aur nibndh ko praathamikataa, vijnyaan galp to bahut hee pasnd hai. isake baad kavitaa, naatak, upanyaas aadi par kripaa kee jaatee hai. vaise jab pasndeedaa vishay kee pustaken padhne ko naheen ho to kisee bhee vishay-dharm, darshan, raajaneeti, paryaavaran, itihaas, vijnyaan aadi- se kaam chalaa letaa hoon. filmen bahut dekhaa karataa thaa. rupahale parde ke lie deevaanagee thee. aaj bhee filmen dekhataa hoon par sinemaa haal men kam aur ghar par seedee, deeveedee par jyaadaa.

Read more...

vivashataa

kuchh chitthon par tippanee dene ke lie blogar yaa googal khaate se saain in karanaa hotaa hai. is vivashataa kaa parinaam hai yah.
yadi yah ghar achchhaa lagaa to bhavishy men yahaan deraa jamaayaa jaaegaa.
yadi koee bhatakate hue is veeraan ghar men chalaa aae to kripayaa mere vartamaan ghar maalav sndesh par chalaa aae.

Read more...