manthan

kanveyar belt par ugata mati ka sona…

nira tyagi

flaeet aaye ghante se oopar ho chala tha par un donon ka kahin ata-pata n tha… unake aane kee khushi men use dhaee sau mil ke safar ka pata n chala, par ab manjil par pahunch kar ek-ek minat ghanto se kam nahin… vo usake ghar pahali bar aa rahe the… pita ko to etaraz na tha kintu unakee sarakari naukari ijazat nahin deti beti ke ghar mahine bhar se jyada rah saken aur man ko unaka beti kee man hona rokata tha.. chalo donon aane ko to razi hue mahine bhar ko hi sahi…. jin baton ko ab tak vah chiththi aur fon par batati rahi hai vo khud dekh lenge jaise sooraj ka dharati se aksar naraj rahana aur badalon ko dharati se had se jyada pyar karana… har mausam men jamin ke har kone men ghas ka dhool-mitati ko jakade rahana… tayaron kee chikh ke bich shamashan kee shanti ka sadakon par pasare rahana.. bechare gile kapadon ko dhoop nasib na hona unaka landri kee mashinon men bhabhakati bhap men jhulasana… pani ke lote ka batharoom ke farsh ko tarasana, lote se pani udel khul kar nahane par pabandi hona… hava kee nami ko vind skrin par selotep kee tarah chipak jana aur skrepar ke sath mil kar behooda aavaz nikalana… gadi ka pet bhi usamen se nikal kar khud bharana.. anajan bachchon ka sadak par chalate chalate “pakee” bula kar abhinandan karana…yadi aap sahi aur galat vakt par thankayoo aur sari n kah pae to pyar bhari aankhon ke tir ke dard ko apani nasamajhi samajh kar bhool jana …

ab usakee aankhe aur kamar donon javab dene lage the … vo sabhi yatraee aane band ho gae the jinake sootakes aur baig par ero flot ke taig hon… kahan ho sakate hain tayalet men bhi itani der to nahin lag sakati .. inqauaayiri par yah usaka tisara chakkar tha … vo flaeet list chek kar ke use bata chuke hain unaka nam list men hai… usaka sanyam tootane laga aur chinta badhane lagi thi…

vah samay kee ganbhirata ko halka-fulka banane aur usake mathe par chinta kee lakeeron ko galon ke gaddhon men badalane ke lie apane honthon ko usake kano ke nazadik la dhire se fusafusaya…

“vo kahin rashiya men apane doosare hanimoon ke lie to nahin utar gae…” aur hi.. hi karane laga… usane ghoor kar usakee or dekha… aise avasaron par usaka sens aaf hayoomar use choonti kee tarah katata hai “bina usase kuchh baole vah inqauaayiri kee taraf badh gaee…

vah inqauaayiri par gidagid rahi hai kya vah baigej klem tak jakar unhen dekh aaye.. ab dedh ghanta ho chala tha… vo ek skuriti staf ke sath use andar bhejane ke lie taiyar ho gae … vah usake aage-aage ho li… diparachar lanj ko par kar sadi aur pent, kamiz, kot men do pahachane cheharon ko dhoondhane men use jyada samay nahin laga, vaise bhi vo akele hi the kanveyar belt ke pas … kanveyar belt khali thi, unake sootakes trali men the … tabhi use najar aaya kanveyar belt par chaval ka dher ug aaya hai jaise hi vah dher unake pas se gujarata hai … char hath badh kar us dher ko beg men udel rahe hain aur intazar karate hain. dharati ke ghoomane aur safed dher ka fir pas se hokar nikalane ka… vah bhag kar pichhe se jakar donon ko bahon bhar leti hai vo tino ek doosare ke kandhe bhigote hain…nak se soo…..soo karate hue muskurate hain ek doosare ko tishoo pas karate hain man use oopar se niche tak dekhati hai aur shikayat karati hai..

“too aisi kee aisi… na savan hare na bhadon… lagata nahin aakhari mahina hai kabhi to lage bitiya …..” tabhi safed dher pas se gujarata hai vah bhi hath badhati hai … man pakad kar jhidak deti hai “aisi halat men jhukana thik nahin… too bas khadi rah… bahut thakee lagati hai”..

pita ko kahati hai sootakes utar do baithane ke lie… vah man ko kya samajhae aisi halat men vo yahan kya nahin karati…
” kaha tha n inhen sootakes men bhar lete hain” man shikayat ke lahaje men baoli..

“are! mainne kaunasa mana kiya tha” pita jhalla kar baole…

“ab kya farak padata hai vo beg men the ya sootakes men” vo hamesha kee tarah donon ke bich refari bani
vo donon se jid karati hai vahan se chalane kee ..

“rahane do… man bahut achchha basamati chaval milata hai yahan”…

“par yah deharadoon ka basamati chaval hai…”
vah sikyoriti staf kee taraf dekhati hai, vo usakee taraf dekh kar muskurate hue sar hilate hue mud jata hai …
vah pahadon ke bich ghati men khadi hai, usake charon taraf dhan ke khet hain, vah muskurate hue dekhati rahati hai char hath badi tamanyata se apani mati ka sona beg men bhar rahe hain..

unake hathon se gujar anaginit safed danon kee mahak usake zahan men hamesha ke lie basane ja rahi hai…

nira tyagi

rang-parivartan
subhash nirav

aakhir manoharalal ji ka mantraee banane ka purana sapana sakar ho hi gaya. shapath-samaroh ke bad vah mantraaalay ke susajjit karyalay men pahunche to vahan unake prashansakon ka tanta laga huaa tha. sabhi unhen badhaee de rahe the.
desh-videsh ke pratishthit patraon ke patrakar aur sanvadadata bhi vahan upasthit the. ek sanvadadata ne unase poochha, “mantraee banane ke bad aap apane mantraaalay men kya sudhar lana chahenge?”
unhonne tatkal uttar diya, “sabase pahale main fijoolakharchi ko tatkal band karoonga.”
“desh aur desh kee janata ke bare men aapako kya kahana hai?”
is prashn par vah netaee mudra men aa gae aur dhara-pravah baolane lage, “desh men vikas kee gati abhi bahut dhimi hai. desh ko yadi unnati aur pragati ke path par le-jana hai to hamen vigyaaan aur takanaloji ka sahara lena hoga. tabhi ham ikkeesavin sadi men pahunch sakenge. isake lie desh kee janata ko dharmik andhavishvason se oopar uthana hoga.”
tabhi mantraeeji ke niji sahayak ne fon par bajar dekar soochit kiya ki unase chhattaragadh vale aatmanandaji maharaj milana chahate hain. mantraee mahoday ne kamare men upasthit sabhi logon se kshama-yachana kee aur ve sab kamare se bahar chale gae.
maharaj ke kamare men pravesh karate hi, mantraee mahoday aage badhakar unake charanasparsh karate hue baole, “maharaj, main to svayan aapase milane ko aatur tha. yah sab aapakee kripa ka hi fal hai ki aaja….”
aashish kee mudra men maharaj ne apana dahina hath oopar uthaya aur fir chupachap kursi par baith gae. unakee shant, gahari aankhon ne poore kamare ka nirikshan kiya aur fir yakayak vah chikh-se uthe, “bacho, manoharalal, bacho!….is hare rang se bacho. yah hara tumhari rashi ke lie ashubh aur ahitakari hai.”

mantraee mahoday ka dhyan kamare men bichhe hare rang ke keemati kalin, sofon aur khidakiyon par laharate hare pardon kee or gaya. poore kamare men haritima faili thi.

“janate ho, tumhare lie nila rang hi shubh aur hitakari hai.” maharaj ne unhen chetaya.
mantraee mahoday ne niji sachiv ko bulakar usase kuchh batachit kee aur fir maharaj ko sath lekar turant apani kothi chale gae.
ab mantraaalay ke varishth adhikari mantraee ji ke kamare se hare rang ke kalin,sofe aur parde jo unake poorvavarti mantraee ke aadesh par kuchh din poorv hi kharide gae the, hatavakar unakee jagah nile rang ke nae kalin, sofe aur parde mangavakar lagavane men yuddhastar par jute the.

***********

safar men
subhash nirav

“abe, kahan ghusa aa raha hai?”sir se panv tak gande bhikharinuma aadami se apane kapade bachata huaa vah lagabhag chikh sa pada. us aadami kee dasha dekhakar mare ghinn ke man hi man vah budabudaya-kaise dibbe men chadh baitha. agar arjensi n hoti to kabhi bhi is dibbe men n chadhata, bhale hi tren chhoot jati.

man ke siriyas hone ka tar use tab mila, jab vah sham sat baje aafis se ghar lauta. agale din, rajy men band ke karan relen radd kar di gaee thin, aur bason ke chalane kee bhi ummid nahin thi. at: usane rat kee aakhiri gadi pakadana hi behatar samajha.

ek ke bad ek steshan pichhe chhodati tren aage badhi ja rahi thi. khade hue log aahista-aahista niche farsh par baithane lag gae the. kaee adhalete-se bhi ho gae the.

“jahil! kaisi gandi jagah par ludhake pade hain! kapadon tak ka khyal nahin hai.” niche farsh par faile pani aur sands ke pas kee durgandh aur gandagi ke karan use ghinn aa rahi thi. kisi tarah bhid men jagah banate hue aage badhakar usane dibbe men andar kee or jhanka. andar to aur bhi bura hal tha. asabab aur savariyon se khachakhach bhare dibbe men til rakhane kee jagah nahin thi.

aage badhana asanbhav dekh vah vahin khade rahane kee vivash ho gaya. usane ghadi dekhi, sadhe das baj rahe the-rat ke. subah chhah baje se pahale gadi kya lagegi dilli ! rat-bhar yahin khade-khade yatraaa karani padegi-vah soch raha tha.

tren andhakar ko chirati aage badhati ja rahi thi. khadi huee savariyon men se do-char ko chhodakar shesh sabhi niche farsh par baith gaee thin aur aadi-tirachhi hokar sone ka upakram kar rahi thin.

“jane kaise nind aa jati hai inhen!” vah fir budabudaya.

tren jab ambala se chhooti to usakee tangon men dard hona aarambh ho gaya tha. niche ka ganda-gila farsh use baithane se rok raha tha. vah kisi tarah khada raha aur idhar-udhar kee baton ko yad kar, samay ko gujarane ka prayatn karane laga.

kuchh hi der bad, usakee palaken nind ke baojh se dabane lagin. vah aahista-aahista tangon ko modakar baithane ko huaa, lekin tabhi apane kapadon ka khayal kar sidha tanakar khada ho gaya. par khade-khade jhapakiyan jor marane lagin aur dekhate-dekhate vah bhi sands kee divar se pith tikakar gande aur gile farsh par adhaleta-sa ho gaya.

kisi steshan par jhatake se tren rookee to usakee nind tooti. michamichati aankhon se usane dekha-dibbe men chadha ek vyakti ek hath men brifakes uthae, aade-tirachhe lete logon ke bich se rasta banane kee koshish kar raha tha. usake samip pahunchakar us vyakti ne use yoon gande-gile farsh par adhaleta-sa dekhakar nak-bhaun sikodi aur budabudata huaa aage badh gaya,’jahil ! gandagi men kaise beparavah pasare pade hain !’

*************

data de darabar vich

pran sharma

pandit naradev ji nagar ke prasiddh bhajan gayak hain. bahut vyast rahate hain. khoob dimand hai
unakee. bhajan ga ga kar yani prabhu ka nam le lekar unhonne apana bhavy makan
khad kar liya hai. mahine men ek din ve bhajan gayakee ka karyakram apane ghar men bhi
rakhate hain. shraddhaluon kee bhid lag jati hai. unake bade kamare men baithane ko jagah nahin milati hai.
ek bar mera mitra mujhe pandit naradev ji ke ghar le gaya tha. unaka keertan chal
raha tha. ve apani bhajan mandali ke sath bhajan par bhajan gaye ja rahe the. kya
surili aavaz thi unakee! sun-sun kar shraddhalu jan prem bhav se jhoom rahe the aur
sath hi sath dhan kee barakha bhi kar rahe the. dhan kee barakha hote dekh kar pandit
naradev ji ka bhajan gane ka utsah duguna-tiguna huaa ja raha tha. har
bhajan kee samapti par ve kahate – shraddhaluo, aisi sangat bade bhagy se milati hai .
vatavaran men bhakti kee ufan leti dhara ko dekh kar pandit naradev ji ne apane
ati lokapriy bhajan ka sur alapa –
‘tan, man, dhan sab var de apane data de darabar vich’.
dhun badi pyari thi, mantramugdh kar dene vali. sun kar pashan hraday bhi pighal gaye.
shraddhalu jan tan, man to nahin var pae lekin dhan varane men koee pichhe nahin hata. shayad
hi kisikee jeb bachi thi. dekha dekhi meri jeb bhi nahin bach paee.
*********************************

aakankshaaa

pran sharma

“ari ,kya huaa jo vo painsath sal ka boodha khoosat hai ! hai to karodapati n ! !
ekadh sal men bechara ludhak jaega. usakee sari kee sari sanpatti kee too hi to – - – tab aish aur aaram se rahana. inglend ho ya indiya kaun chhaila–chhabila karodon keejayadad kee malakin ka hath mangane ko taiyar nahin hoga ? dekhogi, tujhase shadi karane ke lie hajaron ladake hi bhage aayenge .”

tis sal kee aakankshaaa ko man ka sujhav bura nahin laga.
doosare din hi agni ke sat feron ke bad vo boodhe khoosat kee ardhangini ban gayi.
*********************************

dar
sudha arod

dupahar kee furasati dhoop men shelf par muskurati kitaben thin.
karine se saji kitabaon men se ek nayi si dikhati kitab ko usakee ungaliyon ne halke se bahar saraka liya. use ulat – palat kar dekha. yah ek roomani upanyas tha. kavar par ek aakarshak tasvir thi.

usane kuchh pannon par ek udati si nigah dli. fir pahale panne par usakee nigah tham gaee . kitaba  ke pahale panne par dayin or oopar se chipakaee huee thi.
ab vahan kitab kee jagah sirf ek chippi thi.
usake nakhoon bhothare the. fir bhi chippi ka ek kona naram hokar khula.
usakee ungaliyan ab kaushal men doob gaee. use sirf chippi nikalani thi. kitab ka panna kharab kiye bina.
“koee fayada nahin , chhod de” , usane apani ungaliyon se kaha, “is chippi ko hatane ke bad bhi isake nishan kitab par rah jaenge.”
par ungaliyon ne suna nahin. ve apane kam men dakshata se tallin rahin. tab tak jab tak vah chippi ukhad nahin gaee.
usakee muskurahat failane se pahale hi simat gaee. chippi ke sath kitab ka thod sa kagaz bhi litadh gaya tha. us par likha nam aadha ragad khae kitab panne aur aadha chippi par tha.
vah apani soch se laut aaee thi. usane chippi ko kanpate hathon se dulara, sidha kiya, hatheli par rakha aur aaeene ke samane ja khadi huee. aaeene men nam sidha ho gaya tha.
**
ek jaduee tala jaise khula. vah sar tham kar baith gaee. vah is nam se parichit thi. yah usake pati kee premika ka nam tha.

fir takat lagakar uthi. usane apani ungaliyon ko kosa. kyon ve koee n koee khurafat karati rahana chahati hai?  kyon?

usake kanon men ek rooaabadar aavaz baji, vah tharatharane lagi.

us chippi ke pichhe gond laga kar use fir se chipakana chaha. par kagaz ungaliyon ke nirantar prahar se chhij gaya tha. vah gili chhap chhod raha tha.

usane khuli kitab ko dhoop men rakha aur badahavas si sara ghar dhoondhati firi, vaisi hi chippi ke lie. mej, daraj, shelf. dibbe, failen, lifafe, alamariyan, ti.vi. ke oopar, kitabaon ke bich. vah chhape hue dk ke niche ka anachhapa kagaj tha.

aakhir mila vah – purani dyari men rakhe dk tikat ke sath.

usane usi saiz kee chippi fadi, vaisa hi ulta nam likha. use ehatiyat se chipakaya. fir ungali ko zara maila kar us par fira diya.

us chippi ko kaee konon se usane dekha.

ab usane rahat kee sans li. sab thik tha.
**
usane itminan se kitab ko shelf par muskurati doosari kitabaon ke sath pahale kee tarah tika diya aur dupahar kee fursat odhakar let gaee.
***************************************

kadava sach

devi nagarani

soch ke sailab men dooba ramoo ped ke niche bujhi huee bidi ko jalane kee koshish men khud thithur raha tha. daravaze kee chaukhat par ghutanon ke bal baitha apani purani fati kambal se khud ko thithurate jade se bachane kee koshish men joojh raha tha, par kambal ke chhote-bade jharokhe unakee jarjar halat bayan karane se nahin chooke.

“ramoo yahan thandi men kyon baithe ho? andar ghar men jao” gali ke nukkad se guzarate hue dekha to usake pas chala gaya. ramoo mere aofis ka chaparasi hai.

“sahab andar bete-beti ke dost aaye hue hain. gana-bajana shor-sharaba macha huaa hai. sab jhoom-ga rahe hain. isalie main bahar….” kahakar usane thandi sans li.

“tumhari umr kee unhen koee fikr nahin, rat ke barah baj rahe hain aur yah barfili thand!”

“sahab dard kee aanch mujhe kuchh hone nahin deti ab to aadat si pad gayi hai. patni ke guzar jane ke bad bachche bade hokar aazad bhi ho gae hain, bas gulami kee sari bediyan unhonne mujhe pahana di hai. kahan jaoon sahab?” kahakar vah bachchon kee tarah bilakh pada.

mainne usaka kandha thapathapate hue nishabd rahat dene ka asafal prayas kiya aur soch men dooba tha kee agar main us halat men hota to !

“kya unhen bilakul paravah nahin hoti ki tum unake bap ho? kya kuchh nahin kiya tumane aur tumhari patni ne unhen bada karane ke lie?”

” vo biti baten hain sahab, ‘aaj’ mast javani ka daur hai, unakee mangen aur zarooraten main poori nahin kar pata, unakee pagaren kar deti hain. paisa hi unaka maee-bap hai.”

“to isaka matalab huaa, sansar basakar, bachchon ki paidaish se unake bade hone tak ka parishram, jise ham ‘mamata’ kahate hain koee maine nahin rakhata?”

“nahin malik! main aisa nahin sochata. duniya ka chalan hai, chakr chalata rahata hai aur inhin sangharshon ke tajurbat se jivan ko paripoornata milati hai. jivan ke har daur ka zayaka alag-alag hota hai. jo mitha hai use khushi se pi lete hain, jo kadava hai use nigal tak nahin sakate. bite aur aane vale palon ka samay hi samadhan le aata hai. kal-chakr chalata rahata hai, bite hue kal kee jagah ‘aaj’ leta hai aur aaj ka sthan ‘kal’ lega. yahi param saty hai aur kadava sach bhi.

devi nagarani

****************************

dav par dropadi

devi nagarani

kahate hain chor chori se jae par hera feri se n jae. anil bhi kitane vade karata, kie hue vade todata aur juaa ghar pahunch jata, apani khoti kismat ko fir fir aazamata. bas har par har usake hausale ko mat karati rahi.

ek din apani patni ko razadar banakar usake samane apani karatooton ka chittha kholakar rakhate hue kahan- “ab to mere pas kuchh bhi nahin hai jo main dav par laga sakoon. kya karoon? kya n karoon, samajh men nahin aata. kabhi to lagata hai khud ko hi dav par rakh doon.”

patni samajhadar aur salikedar thi, jhat se baoli- “ aap to khote sikke kee tarah ho, vo juaa kee bazar men kaesh ho nahin sakata ? agar aapaka zamir aapako izazat deta hai to, aap mujhe hi dav par laga dijie. is bahane aapake kisi kam to aaoongi.”

anil sunakar sharm se pani pani ho gaya. aur is tarah ke kataksha ke var se khud ko bacha n paya. han, ek bat huee. zindagi kee rah par sab kuchh har jane ke bad bhi, jo kuchh bacha tha use dav par har jane se bach gaya.

devi nagarani

************************************

lekhak parichay
hindi kathakara/kavi subhash nirav lagabhag pichhale 35 varshon se kahani, laghukatha, kavita aur anuvad vidha men sakriy hain. ab tak tin kahani-sangrah ”daity tatha any kahaniyan (1990)”, ”aurat hone ka gunah (2003)” aur ”aakhiri padv ka du:kh(2007)” prakashit. isake atirikt, do kavita-sangrah ”yatkinchit (1979)” aur ”roshani kee lakeer (2003)”, ek bal kahani-sangrah ”mehanat kee roti (2004)”, ek ladhukatha sangrah ”kathabindu”(roopasinh chandeh aur hiralal nagar ke sath) bhi prakashit ho chuke hain. anekon kahaniyan, ladhukathaen aur kavitaen panjabi, telagoo, malayalam aur bangala bhasha men anoodit ho chukee hain.
hindi men maulik lekhan ke sath-sath pichhale tin dashakon se apani man-baoli panjabi bhasha kee seva mukhyat: anuvad ke madhyam se karate aa rahe hain. ab tak panjabi se hindi men anoodit dedh darjan pustaken prakashit ho chukee hain jinamen ”kala daur”, ”panjabi kee charchit laghukathaen”, ”katha panjab-2”, ”kulavant sinh virk kee chuninda kahaniyan”, ”tum nahin samajh sakate”(jindar ka kahani sangrah)”, ”chhangya rukkh” (panjabi ke dalit yuva kavi v lekhak balabir madhopuri kee aatmakatha), paye se bandha huaa kal(jatindar sinh hans ka kahani sangrah), ret (harajit ataval ka upanyas) aadi pramukh hain. mool panjabi men likhi darjan bhar kahaniyon ka aakashavani, dilli se prasaran.
hindi men laghukatha lekhan ke sath-sath, panjabi-hindi ladhukathaon ke shraeshth anuvad hetu ”mata sharabati devi smriti puraskar 1992” tatha ”manch puraskar, 2000” se sammanit.
samprati : bharat sarakar ke pot parivahan vibhag men anubhag adhikari(prashasan)
sampark : 372, taeep-4, lakshami baee nagar, naee dilli-110023
ee mel : subhneerav@gmail.com
doorabhash : 09810534373, 011-24104912(nivas)

ek aur kasba
subhash nirav

dehatod mehanat ke bad, rat kee nind se subah jab rahamat miyan kee aankh khuli to unaka man poore mood men tha. chhutti ka din tha aur kal hi unhen pagar mili thi. so, aaj ve poora din ghar men rahakar aaram faramana aur parivar ke sath baithakar kuchh umda khana khana chahate the. unhonne begam ko apani is khvahish se roo-b-roo karavaya. tay huaa ki ghar men aaj gosht pakaya jae. rahamat miyan ka mood abhi bistar chhodane ka n tha, lihaja gosht lane ke lie apane bete sukkhan ko bajar bhejana munasib samajha aur khud chadar odhakar fir let gaye.

sukkhan thaila aur paise lekar jab bajar pahuncha, subah ke das baj rahe the. kasbe kee galiyon-bajaron men chahal-pahal thi. gosht lekar jab sukkhan laut raha tha, usakee nazar oopar aakash men tairati ek kati patang par padi. pichhe-pichhe, laggi aur bans liye laundon kee bhid shor machati bhagati aa rahi thi. zamin kee or aate-aate patang thik sukkhan ke sir ke oopar chakkar katane lagi. usane uchhalakar use pakadane kee koshish kee, par nakamayab raha. dekhate hi dekhate, patang aage badh gayi aur kalabajiyan khati huee mandir kee bahari divar par ja atakee. sukkhan divar ke bahut nazadik tha. usane hath men pakad thaila vahin sidhiyon par pataka aur furti se divar par chadh gaya. patang kee dor hath men aate hi jane kahan se usamen gazab kee furti aayi ki vah laundon kee bhid ko chirata huaa-sa bahut door nikal gaya, chehare par vijay-bhav liye !

kafi der bad, jab use apane thaile ka khayal aaya to vah mandir kee or bhaga. vahan par kuharam macha tha. logon kee bhid lagi thi. pandit ji chikh-chilla rahe the. gosht kee baotiyan mandir kee sidhiyon par bikhari padi thin. unhen hathiyane ke lie aasapas ke aavara kutte apani-apani takat ke anuroop ek-doosare se ulajh rahe the.

sukkhan aage badhane kee himmat n kar saka. ghar lautane par gosht ka yah hashra huaa janakar yakeenan use mar padati. lekin vahan khade rahane ka khauf bhi use bhitar tak tharra gaya- kahin kisi ne use gosht ka thaila mandir kee sidhiyon par patakate dekh n liya ho ! sukkhan ne ghar men hi panah lena behatar samajha. galiyon-bajaron men se hota huaa jab vah apane ghar kee or teji se badh raha tha, usane dekha- har taraf afara-tafari si machi thi, dukanon ke shatar fatafat girane lage the, log bag is tarah bhag rahe the mano kasbe men koee khoonkhar daity ghus aaya ho!

**************************

chor

subhash nirav

mi. nayar ne jaldi se paig apane gale se niche utara aur khali gilas mej par rakh baithak men aa gaye.

sofe par baitha vyakti unhen dekhate hi hath jodakar uth khad huaa.

”ramadin tum ? yahan kya karane aaye ho ?” mi. nayar use dekhate hi krodhit ho uthe.

”sahab, mujhe maf kar do, galati ho gayi sahab… mujhe bacha lo sahab… mere chhote-chhote bachche hain… main barabad ho jaoonga sahab.” ramadin gidagidne laga.

”mujhe yah sab pasand nahin hai. tum jao.” mi. nayar sofe men dhans-se gaye aur sigaret sulagakar dhuaan chhodate hue baole, ”tumhare kes men main kuchh nahin kar sakata. suboot tumhare khilaf hain. tum aafis ka saman churakar bahar bechate rahe, sarakar kee aankhon men dhool jhonkate rahe. tumhen koee nahin bacha sakata.”

”aisa mat kahiye sahab… aapake hath men sab kuchh hai.” ramadin fir gidagidne laga, ”aap hi bacha sakate hain sahab, yakeen dilata hoon, ab aisi galati kabhi nahin karunga, main barabad ho jaoonga sahab… mujhe bacha lijie… main aapake panv padata hoon, sar.” kahate-kahate ramadin mi. nayar ke pairon men let gaya.

”are-are, kya karate ho. thik se vahan baitho.”

ramadin ko sahab ka svar kuchh naram pratit huaa. vah uthakar unake samane vale sofe par sir jhukakar baith gaya.

”yah kam tum kab se kar rahe the ?”

”sahab, kasam khakar kahata hoon, pahali bar kiya aur pakad gaya. bachchon ke skool kee fis deni thi, paise nahin the. bachchon ka nam kat jane ke dar se mujhase yah galat kam ho gaya.”

is bich mi. nayar ke donon bachche daudate hue aaye aur ek rajistar unake aage badhate hue baole, ”papa papa, ye sam aise hi hoga n ?” mi. nayar ka chehara ekadam tamatama utha. donon bachchon ko thappad lagakar lagabhag chikh uthe, ”jao apane kamare men baithakar padho. dekhate nahin, kisi se bat kar rahe hain, nanasens !”

bachche ruaanse hokar turant apane kamare men laut gaye.

”ramadin, tum ab jao. daftar men milana.” kahakar mi. nayar uth khade hue. ramadin ke chale jane ke bad mi. nayar bachchon ke kamare men gaye aur unhen dntane-fatakarane lage. misej nayar bhi vahan aa gayin. baolin, ”ye achanak bachchon ke pichhe kyon pad gaye ? saval poochhane hi to gaye the.”

”aur vah bhi yah rajistar uthaye, aafis ke us aadami ke samane jo…” kahate-kahate vah ruk gaye. misej nayar ne rajistar par drishti dli aur muskarakar kaha, ”main abhi is rajistar par jild chadha deti hoon.”

mi. nayar apane kamare men gaye. ti.vi. par samachar aa rahe the. desh men karodon rupaye ke ghotale se sanbandhit samachar padha ja raha tha. mi. nayar ne ek larj paig banaya, ek sans men gataka aur munh banate hue rimot lekar chainal badalane lage.

**************************

‘raz ‘

- pran sharma

dharmapal ne telifon ka choga uthakar satapal ka fon nanbar milaya.fon kee lain angej thi.” pata nahin ki log fon par kya- kya baten karate hain? ghanton hi laga dete hain.kisi aur ko batakarane ka mauqaaa hi nahin dete  hain.” khijh kar usane fon par choga patak diya.

kamare men idhar-udhar chakkar laga kar dharmapal ne fir satapal ko fon kiya.doosari or se fon kee ghanti baji.dharmapal ke chehare par sabr ka pyala chhalaka.

” kaun ? “doosari aur se satapal kee aavaz thi.

” main dharmapal  baol raha hoon. satapal, tum bade ajib kism ke aadami ho. ek raz ko tumane kuchh hi dinon  men  yaron-doston men ugal diya. kya use tum apane dil men nahin rakh sakate the ? “

” kis raz ko ugal diya mainne ?

” vahi yashapal ka raz ki vo kisi aur byahi aurat se chhip- chhip kar ishk ladata hai.abhi-abhi vo mujhase lad kar gaya hai. bahut gusse men tha.”

” bhaee, tumane to mujhe yashapal ka raz bataya hi nahin tha. raz to yogaraj aur sudhir ne mujhe bataya tha.dharmapal , pakadana hai to unhen pakado.” satapal ne fon ke besa  par choga rakh diya.

dharmapal ne fon par yogaraj ko pakad ” yogaraj , tumane ye hangama kya barapa kar diya hai?”

” kaisa hangama,bhaee.samajha nahin.” yogaraj ne hairanagi zahir kee.

” kya tum ek raz ko apane dil men nahin rakh sakate the?”

” kis raz ko ? jara khol kar bat karo.

” vahi yashapal vala raz ki vo chhip-chhip kar kisi byahi aurat se rangaraliyan manata hai.usaka raz tumane satapal ko khol diya aur usane kaee yaron-doston  ko.mujhe tumase ye aasha kataee nahin thi.”

” dekho dharmapal, tum mugalate men ho. tumane to ye raz mujhase kaha hi nahin to khafa kyon hote ho ? raz to mujhe sudhir ne bataya tha. pakadana hai to use pakado.”

yogaraj ne bhi fon ke bes par choga patak diya.

dharmapal ko yad aaya ki raz usane sudhir ko hi  bataya tha. usane usako pakadana munasib samajha. fon lagane par sudhir kee patni baoli – ” kaun ?

” bhabhi ji, main dharmapal baol raha hoon. kya sudhir ghar men hai? “

” ji, nahin. kuchh mehaman aane vale hain. unake lie mitha – namakeen lene gaye hain.aane vale hi hain.aap kuchh der ke bad fon kar lijiye .thahariye, vo aa gaye hain. lijiye, unase bat keejiye.”

“  sudhir.”

” baol raha hoon , dharmapal.”

” tum achchhe hamaraz nikale ho ! ek raz ko tum apane pet ke kisi kone men daba kar nahin rakh sake.”

” kaun sa raz, mere yar ?”

” vahi yashapal ka kisi byahi aurat se luk-luka  kar milane vala raz.”

” are yar, ise tum raz kahate ho ?  ishk-vishk ke chakkar ko tum raz samajhate ho .ye rog bhi kahin chhipane se chhipata  hain? dekho, dharmapal, tumane mujhase yashapal ka raz bataya. bataya n ?

” bataya.”

” raz tha to use raz hi rahane dete.- – - main galat to nahin kah raha hoon ? – - – - chup kyon ho gaye ho ?  – - – - baolo n?”

dharmapal ko doosari or se telifon ke besa par choga rakhane kee aavaz sunayi di.

********************************

surakshaaakarmi

- pran sharma

ramasvaroop aur rajanarayan kaee salon se pulis vibhag men kam kar rahen hain. unake kam ko sarahate hue vibhag ne unhen udyogapati pi.ke.dharma kee surakshaaa men tainat kar diya.

pi.ke. dharma vahi udyogapati hain jo har sal desh kee pramukh parti ko ek karod rupayon kee dhanarashi chanda ke roop men dete hain. gat mas kisi agyaaat vyakti ne un par goli chala kar hamala kiya tha. goli unake sar ke das-gyarah mitar oopar hokar nikal gayi thi. unako koee jani nuksan nahin huaa tha.

midiya ne ukt ghatana ko pi.ke. dharma ka stant bataya. sarakara  ne isakee chhanabin karavaee. chhanabin par lakhon roopae kharch hue. jald hi ek sau prishthon kee riport chhapi. riport ka saransh tha – ” choonki pi.ke. dharma sainkadon sansthaon ko chanda dete hain isalie ve kaee eershyalu sansthaon kee hitalist men hain. ve sarakari surakshaaa vyavastha ke poore haqadar hain.”

pi.ke. dharma kee surakshaaa men tainat ramasvaroop aur rajanarayan ko tin mahine bhi nahin bite the ki unhen aur unake parivar ko jan se mar dene ke dhamakee bhare patra aur fon aane lagate hain. himmati hain isalie kuchh dinon tak dono ne un par koee dhyan nahin diya. lekin roz – roz ke dhamakee bhare patraon aur fonon se ve ghabara jate hain. apani chinta kam aur parivar valon kee chinta unhen jyada hai. apani aur apane parivar valon kee surakshaaa vyavastha ke lie unhonne poora vivaran apane vibhag ko bhej diya.

vibhag ne unakee darakhast ko namanjoor kar diya. javab men likha tha – ” aap surakshaaakarmi hain. aapako surakshaaa kee kya aavashyakata hai ? “

***********************