snskaar

.. shree namaskaar mahaamntr ..
namo arihntaann.
namo siddhaann.
namo aayariyaann.
namo uvajjhaayaann.
namo loe savvasaahoonn.
shree arihnt bhagavaan ko namaskaar ho.
shree siddh bhagavaan ko namaskaar ho.
shree aachaary mahaaraaj ko namaskaar ho.
shree upaadhyaay mahaaraaj ko namaskaar ho.
lok men sab saadhuon ko namaskaar ho.
jinhonne raag, dvesharoopee shatruon ko jeet liyaa hai, unhen arihnt kahate hain. moksh men viraajit siddh paramaatmaa kahalaate hain, saadhu, saadhvee, shraavak aur shraavikaa in chaaron teerthon ke
dhaarmik netaa aachaary hote hain. svamat aur paramat ke jaanakaar, dharmashaastr padhaane vaale upaadhyaksh kahalaate hain. aatm kalyaan kee saadhanaa karane vaale saadhu hote hain.

prabhu praarthanaa
he prabho aanand daataa,
jnyaan hamako deejie.
sheeghr saare avagunon ko,
door hamase keejiye.
leejiye hamako sharan men,
ham sadaachaaree banen.
brahmachaaree dharmarakshak veeravrat dhaaree banen.
prem se ham guroojanon kee,
nity hee sevaa karen.
saty bolen jhooth tyaagen,
mel aapas men sadaa karen.
nindaa kisee kee ham kisee se,
bhool kar bhee n karen.
dhairy buddhi man lagaa kar,
prabhu gun gaayaa karen.

prabhu praarthanaa
he prabhu aisaa man kar do
mudit rahe pratyek dashaa men, tosh sudhaaras paaven.
jag bhogon kee chakaachaindh men, bhool bhatak nahin jaaven.
raag dvesh eershyaa mad mamataa, sapanehin inhen n dhyaaven.
kare nirntar dhyaan aapakaa, prem se gun gaan gaaven.
anu anu aur paramaanu men, dekhen roop tumhaaraa.
sarv samarpan hoy aapame, rahe n ansh hamaaraa.
utpeedak n bane kisee ko, ho vinamr mridubhaashee.
sevaa dharm paraayan hove, taj kar aash pishaachee.
banaa hai yah tan bhav taraneko, doobat hai majhadhaaraa.
keeje kripaa safal ho jeevan, de do jaraa sahaaraa.
he prabhu aisaa man kar do.....

mahaamntr mahimaa
aiso pnch namukkaaro
savvapaavappanaasanon.
mngalaann ch savvesin
padhamn havaee mngaln..
yah paanch padon men namaskaar,
sab paapon kaa naash karane vaalaa hai,
snsaar ke sab mngalon men yah
pahalaa shreshth mngal hai.

mngalabhaavanaa
shivamastu sarvajagath
parahitanirataa bhavantu bhootaganaah.
doshaa prayaantu naashn,
sarvatr sukhee bhavatu lokaa..
sakal vishv kaa jay mngal ho,
aisee bhaavanaa banee rahe.
amit parahit karane ko man,
sadaiv tatpar banaa rahe..
sab jeevon ke dosh door ho
pavitr kaamanaa ur ullase.
sukh shaanti sab jeevon ko ho,
prasannataa janaman vilase
naath nirnjan bhavabhay bhajan
teen bhuvan ke he svaamee.
veetaraag sukhasaagar hai,
bhagavaan mahaaveer gunadhaamee..

laghukathaa: baanjh
ramaa devee ne apanee bahoo sunainaa par barasate hue kahaa ‘toone mere bete kee jindagee kharaab kar dee kalnkanee’ shaadee ko saat saal beet gae lekin ab tak mujhe koee potaa naheen de sakee. pataa naheen kis ashubh ghadee men paidaa huee thee. jaa nikal is ghar se. aisee baanjh aurat kee hamen jaroorat naheen. main apane ikalaute bete ravinesh kaa byaah kaheen aur kar doongee.
sunainaa kee saas ne dhakke v gndee gaaliyaan dekar use ghar se baahar nikaal diyaa. usakaa pati bhee apanee maan kaa kahaa maan apanee patnee ko maarataa peetataa thaa.
apane pati v saas kee yaatanaa-prataadanaa se duhkhee ho sunainaa apane gareeb pitaa raamadayaal ke ghar aa gayee. tathaa kabhee bhee sasuraal men lautakar n jaane kee kasam khaa lee. sunainaa badee bholee-bhaalee, susheel evn susnskrit ladakee thee. usake abhibhaavakaane ne use achchhe snskaar die the. usane saas v pati ke duhkhon se peedit hokar kabhee unakaa virodh naheen kiyaa, chupachaap apamaan evn maar sahatee rahee.
sunainaa kaa pati ravinesh jo padhaa likhaa thaa apanee maan ke bahakaave men aakar doosaree shaadee ke lie raajee huaa.
sunainaa ke pitaa ne bhee sunainaa ko manaakar doosaree shaadee ke lie raajee kar liyaa. kareeban do varsh ke baad ek shaadee ke samaaroh men sunainaa kee poorv saas ramaadevee aur poorv pati ravinesh kee sunainaa se achaanak bhent ho gayee. sunainaa kee god men ek nanhaa-munnaa pyaaraa saa bachchaa dekh donon hairaan rah gae. najaren mileen to sunainaa ne us par kataaksh kasate hue muskuraakar kahaa, ‘‘meraa apanaa bachchaa hai. badaa pyaaraa hai n.’’
are haan, sunaa thaa aapane apane ikalaute laadale kaa byaah doosaree jagah karavaa diyaa thaa. ab to aapako lallaa mil gayaa hogaa? ve donon sunainaa ke savaal kaa javaab die binaa hee aatmaglaani ke saath gardan jhukaakar aage badh gae kyonki doosaree shaadee ke baad bhee ramaa devee pote kaa munh dekhane ko taras gayee thee.

- do. pee. aar. baasudevan ‘shesh’

laghukathaa: paane ke pahale kuchh denaa seekho
ek suvikhyaat snt the. unake vishay men prasiddh thaa ki unake paas jaakar aasheervaad lene se manokaamanaa pooree ho jaatee hai. ek stree sntaan praapti kee ichchhaa se snt ke paas aaee aur bolee-‘‘sab kuchh hai mere paas, keval putr hee naheen hai. mujhe aasheervaad deejie taaki meraa aangan bhee haraa-bharaa ho.’’
snt ne use do mutthee bhune hue chane die aur kahaa-‘‘baahar baithakar ye chane khaa, jab bulaaoon tab aanaa.’’
stree aangan men baithakar chane khaane lagee. vahaan kaee bachche khel rahe the. stree ko khaataa huaa dekhakar lalachaayee aankhon se usakee or dekhane lage. stree ko yah achchhaa naheen lagaa. usane ek bachche ko daantate hue kahaa-‘‘kyaa hai re?’’ ‘‘hamen bhee chane do’’ ek baalak bol padaa. ‘‘bhaag yahaan se’’ stree ne dutkaar kar kahaa. magar baalak khade rahe. stree ne ek baalak kaa haath pakadakar marod diyaa to baalak cheekh uthaa. cheekh sunakar snt baahar aae. unhonne stree se poochhaa-‘‘kyaa huaa?’’ stree chidhakar bolee-‘‘hotaa kyaa? chane maang rahe hain aur tng kar rahe hain.’’
snt sthiti samajh gae aur bole-‘‘maan, jab tum muft ke chanon men se chaar daane in anaath baalakon ko naheen de sakeen to bhagavaan tumhen haad-maans kaa bachchaa kaise degaa? paane se pahale denaa seekho. jaao, pahale dene kee bhaavanaa man men paidaa karo, fir kuchh paane kee laalasaa karanaa.’’

sabase badaa aashchary
vanamen dharmaraaj yudhishthir ke chaaron bhaaee sarovar ke saamane mritak ke samaan pade the, pyaas tathaa bhraatrishok se vyaakul yudhishthir ke sammukh ek yaksh khadaa thaa. yaksh ke prashnon kaa uttar diye binaa jal peene ke prayatn men hee bheem, arjun, nakul tathaa sahadev kee yah dashaa huee thee. yudhishthir ne yaksh ko usake prashnon kaa uttar denaa sveekaar kar liyaa thaa. yaksh prashn karataa jaa rahaa thaa, yudhishthirajee use dhairyapoorvak uttar de rahe the, yaksh ke antim prashnon men se ek prashn thaa-snsaar kaa sabase badaa aashchary kyaa hai?

ahanyahani bhootaani gachchhanteeh yamaalayam.
sheshaah sthiratvamichchheenti kimaashcharyamath param..
saty-pratidin praanee yamalok jaa rahe hain. (sab dekh rahe hain ki pratidin unake aasapaas log jaa rahe hain) parantu darshak bane hue log sthir bane rahanaa chaahate hain, isase badaa aashchary snsaar men aur kyaa hogaa. yah uttar thaa dharmaraaj yudhishthir kaa.

svaabhimaan v ahn bhaav
pratyek vyakti ko svaabhimaan priy hai, vah chaahataa hai ki usake aatmasammaan ko thes naheen pahunche, aisaa tabhee snbhav hai jabaki doosaron ke aatmasammaan kaa bhee dhyaan rakhaa jaaye. aatmasammaan ahn bhaav se sarvathaa bhinn hai aatmasammaan ko thes tab pahunchatee hai jab koee apanee ijjat se khilavaad karataa hai, yaani n kahane jaisaa aavesh men kah detaa hai athavaa n karane jaisee koee baat ho jaatee hai, tab takaraav kee naubat aa jaatee hai v ek doosare par haavee hone kaa prayaas kiyaa jaataa hai athavaa ek doosare ko neechaa dikhaane kaa, jise kahaa jaataa hai aatmasammaan kee ladaaee, jo vastu sthiti kaa sahee jaayajaa lene par athavaa bhool kaa ahasaas hone par pashchaataap ke saath samaapt kee jaa sakatee hai, parantu ahn bhaav se vyaktigat svaarth athavaa eershyaa dvesh kee utpatti hotee hai jo lambe samay tak ek doosare ke liye eershyaavash nukasaan kee kaamanaa karate hain jisamen apanee hee aatmaa kaa ahit hai n ki saamane vaale kaa. ahn bhaav ahnkaar ko janm detaa hai jo vivek par pardaa daalane kaa kaam karataa hai jisase kaee baar sahee nirnay kar paanaa kathin ho jaataa hai ath ahn bhaav athavaa ahnkaar sarvathaa haanikaarak hai jo aatm utthaan v vyavahaarik abhyuday men bhee baadhak hai jahaan aatm sammaan kaa savaal paidaa hotaa hai vahaan bhee adhik ulajhane ke bajaay samasyaa ko saralataa se samajhane kaa prayaas kar vivaad ko samaapt kar denaa hee upayukt hai.

eershyaa v dvesh kee jvaalaa haanikaarak
vaise sabhee jeev kisee n kisee roop men eershyaa v dvesh ke dooshan se grasit hain, kaheen kam v kaheen adhik. badee machhalee chhotee machhalee ko aksar khaa jaatee hai, parantu yah prakriyaa eershyaa dvesh kaa parinaam naheen hai, kyonki badee machhalee ke saamane kaun see chhotee machhalee hai is se donon anabhijng hai. kutton kee jaati men eershyaa-dvesh kee maatraa adhik hotee hai, jyonhee ek kuttaa kisee aparichit athavaa baahar se aaye kutte ko dekhegaa to bhaunkane lag jaayegaa v shatrutaapoorn vyavahaar karegaa parantu usamen bhee yah gun hai ki apane aas paas rahane vaale v parichit kutton ke saath bair athavaa dvesh naheen rakhegaa. jabaki yah ajeeb saa lagataa hai ki jab maanav jaati men insaan praayh eershyaa-dvesh apane vaalon se athavaa parichiton se hee adhik karataa hai. yadi koee apane se aage badh jaataa hai athavaa kisee kee pragati nirantar ho jaatee hai tab lagataa hai ki aisaa kyon ho rahaa hai. yah soch kar ek doosare ke prati eershyaa-dvesh kee bhaavanaa panapane lagatee hai jo naheen honee chaahiye, yadi oopar vaalee laaeen badee hai to chhotee laaeen ko badaa karane kaa prayaas karanaa chaahiye n ki badee ko kaat kar chhotee ke baraabar laane kee bhaavanaa rakhanaa. mendhak jaati men praayh ek doosare kee taang kheenchane kaa pravritti adhik hotee hai jisakaa maanav jaati ko anukaran naheen karanaa chaahiye. aaj kisee doosare kee unnati v pragati ho rahee hai, kal apanee bhee ho sakatee hai, ath jaisaa aapakaa sochanaa athavaa vyavahaar hogaa usee kee punaraavritti saamane vaalon men aapake prati hogee, arthaat har kriyaa kee pratikriyaa avashy hotee hai ath eershyaa-dvesh ke dhuen ko panapane ke poorv hee shaant kar denaa chaahiye. eershyaa-dvesh se svayn kaa hee ahit hai, kisee doosare kaa kuchh bigadane vaalaa naheen.

snskaar kyaa hai?
snskaar kaa arth hai manushy ke andar chhupee evn dabee padee praacheen snskriti ko ubhaar kar saamaajik jeevan ke anusaar dhaalane kee ek anavarat prakriyaa. ek din men kharaab ho jaane vaale doodh ko dahee banaakar, ghee men parivartit karanaa, doodh kaa snskaar kar use paushtik banaanaa evn varshon kharaab n hone vaalaa ghee banaanaa hee snskaaritaa hai. bhaarateey jeevan padvati men snskaar pradaan karane kee sundar vyavasthaa hai. yah prakriyaa praarambh men ghar, fir vidyaalay, maidaan evn fir snsthaa aadi se anavarat chalatee rahatee hai.

kaise aur kahaan se yah oorjaa paidaa hotee hai?

lekhak: shambhu chaudharee

"jeevan oorjaa" ke pichhale bhaag men ham is baat par charchaa kar rahe the ki kaise aur kahaan se yah oorjaa paidaa hotee hai? isee beech mainne kisaan ke aatmahatyaa kee baat jod dee. aap bhee soch men pad gaye honge ki "jeevan oorjaa" ke is vishay se kisaan kee baat kaa kyaa lenaa-denaa. beech-beech men kaheen ham apane mool vishay se bhatak to naheen jaate?
haan ! ham apane mool vishay se bhatak gaye the. isee prakaar ham jab kisee kaary ko karate hain to hamaare andar ek saath kaee grnthiyaan kaary karane lagatee hai jo hamen apane kaary ko pooraa karane naheen detee. kaee baar kaary karane kee kshamataa samaapt hone lagatee hai. shareer thodaa vishraam khojane lagataa hai. theek isee prakaar mastishk bhee kaary karate-karate kuchh viraam chaahataa hai. punh vishraam ke pashchaat ham naee oorjaa ke saath kaary karane lagate hain. is prakriyaa men jo oorjaa praapt hotee hai ham ise bhee oorjaa kee shrenee men rakh sakate hain. parantu ham yahaan jis oorjaa kee baat kar rahe hain usase shareer kee thakaavat kaa koee lenaa-denaa naheen hotaa.
aap kisee khel ke maidaan men ek saath hajaaron logon ko dekhate hogen. do teem khel rahee hotee hai. dekhane vaale bhee do bhaagon men bnte hue hote hain. khel ek hee hai. ek teem dvaaraa gol karate hee, samarthakon men achaanak se ek saath oorjaa kaa snchaar dekhaa jaa sakataa hai, jabaki theek isake vipareet doosare samooh ke samarthakon men niraashaa jhalatee hai. yah hamaare-aapake jeevan kaa ang saa ban gayaa hai. ise kisee manochikitsak yaa vaijnyaanikon kee najaron se naheen dekhaa jaa sakataa. bas yahee maarg hai ki ham kis baat ko kis roop men apanaate hain. jo baaten hamen achchhee lagatee hai to hamamen oorjaa kaa snchaar hone lagataa hai aur jo hamen naheen achchhee lagatee, hamaaree oorjaa sust ho jaatee hai yaa vipareet dishaa men kaary karane lagatee hai.
theek isee prakaar hamaare shareer ke andar do grnthiyaan kaary karatee hai. ek jo hamen oorjaa pradaan karatee hai doosaree hamamen utpann honee vaalee oorjaa ko nasht karane kaa kaary karatee hai. hamen yah dekhanaa hogaa ki kaun see grnthi hamaare jeevan men jyaadaa prabhaavee ho rakhee hai. jis vyakti ke jeevan men kaary karane kaa utsaah banaa rahataa hai usake vyaktitva/cheharaa hameshaa tej se chamakataa milegaa. vaheen sarakaaree daftaron men kaam karane vaale karmachaariyon ke chehare hameshaa sust aur murajhaaye hue milegen. jabaki unako kisee baat kee chintaa naheen rahatee ki maah ke ant men ghar kaa kharch kahaan se laayenge. kramash:

kisaan kyon aatmahatyaa karataa hai?

lekhak: shambhu chaudharee

praayh ham dekhaten hain ki aksaraan hee aadamee baat-ve-baat mastishk men tanaav ko paale rakhaten hain. jo kisee n kisee prakaar se maanasik dabaav kaa kaaran banaa rahataa hai. ek baar mere ek mitr ne apane karmachaaree ko chaay laane ko kahaa. jab vah chaay lekar aayaa to use thodee deree ho gaee. chaay bhee thndee thee, bas kyaa thaa unake chehare par tanaav ne apanee jagah banaa lee. saadharanath isakaa mool kaaran yah hai ki hamaaree oorjaa jab adhik ho jaatee hai to use nikalane kaa koee maadhyam chaahiye jaise aapane dekhaa hogaa ki jab koee vyakti, kisee vyakti kee baat ko anasunee kar de to, vah vyakti chillaane yaa jor-jor se bolane lagataa hai. arthaat usake andar bolane kee oorjaa utpann ho rahee hai parantu koee sunanaa naheen chaahataa. bas vah vyakti chillaane lagataa hai. kaee baar ham apane gharon men apane bachchon se yaa parivaar ke any bade sadasyon se ham baat naheen karate to unakee yah oorjaa yaa to nasht hone lagatee hai yaa fir use maanasik rogee banaa detee hai.
"jeevan oorjaa" ke mahatv ko tab tak ham naheen samajh paayenge jab tak isake mukhy lakshan ko ham pahachaanane kaa prayaas naheen karenge. bhale hee ham kitane hee manochikitsak yaa vaijnyaanik prayog is par kar len ham kabhee bhee safal naheen ho sakate. isake liye aaj ham kuchh vishay se htakar baaten karate hain.

kaee baar main sochataa hoon ki-
"bhaarat ke arthashaastree jab tak vaataanukoolit chembar men band hokar videshee jnyaan ke bal par bhaarat ke bhaagy kaa faisalaa karate rahenge tab talak bhaarat ke kisaanon kaa kabhee bhalaa naheen ho sakataa. bhaarat men jo kisaan sonaa paidaa kar rahe hain ve to bhookhon mar rahen hain aur jo log isakaa vyaapaar kar rahen hain ve desh ke sabase bade dhanavaan hote jaa rahen hain. isakee mool samasyaa hai hamaare andar kaa jnyaan jo galat dishaa se arjit kee huee hai. ek majadoor jab kaam karataa hai to usake paas sirf itanaa hee jnyaan hotaa hai ki use jo bataayaa jaay vah kaary kar de. ye sabhee arthashaastree maatr majadooree kar rahen hai. is desh ke arthashaastree ke dimaag men pataa naheen kis khet kaa bhoosaa bharaa huaa hai ki ve itanee chhotee see baat ko bhee naheen samajh paa rahe ki desh men sirf kisaan hee aatmahatyaa kyon karataa hai? ek udyogapati kyon naheen aatmahatyaa karataa? abhee haal hee men satyam ke maalik ne karodon rupaye kee heraaferee kar dee. sarakaar use bachaane men jut gaee. duniyaa men kaee badee-badee kampaniyaan divaaliyaa ghoshit hotee jaa rahee hai, kram abhee bhee rukaa naheen hai. inamen se ham kisee ko bhee aatmahatyaa karate naheen dekhe, n hee kisee ne sunaa hee hai. parantu jab kisee kisaan kee fasal nasht hotee hai to vah kyon aatmahatyaa kar letaa hai?"
-kramash:

chitt ko shaant karen.

lekhak: shambhu chaudharee

"jeevan oorjaa" ke strot kaa pataa lagaane ke liye hamalog shree arjun aur shree krishn ke us snvaad par charchaa kar rahe the, jahaan shree arjun ke bhram, sneh, apanatv ne apanee shakti ko kamajor kar use niraashaajanak-kamajor karane kaa prayatn kar diyaa, aise samay men shree krishn ke sndesh ne unake is bhram, sneh aur apanatv ko samaapt kar yah bataayaa ki "tum jo dekh rahe ho vo aur jo soch rahe vah sirf ek maayaa hai" aur shree arjun ke andar naee oorjaa kaa snchaar kiyaa. ye oorjaa achaanak se kahaan se paidaa huee isee baat kaa adhyayan hamen yahaan karanaa hai. oorjaa kaise paidaa hotee hai.

1.prashnsaa karane se

2.maan dene se

3.svachintan se

4.chintaa n karane evn

5.chitt ko shaant rakhane se

1. prashnsaa karanaa:

ham yah baat jaanate hain ki yadi koee vyakti hamaaree prashnsaa karataa ho to hamen n sirf sunane men hee achchhaa lagataa hai, varan vah vyakti bhee hameshaa yaad rahataa hai aur jis kaary ko karane par us vyakti ne prashnsaa kee vaise yaa any kaary ko karane kee man men aur bhee tamannaa banee rahatee hai. arthaat oorjaa kaa snchaar banaa rahataa hai. yahee kaary jab ham kisee bachche ke dvaaraa banaaye kalaa-kriti ko puraskrit karate hain to us bachche men jo oorjaa kaa snchaar hotaa hai vah use chitrakaar, kavi, lekhak, saahityakaar, doktar, injeeniyar, vaijnyaanik aadi banaa detaa hai. kisee samay diyaa huaa ek chhotaa se sneh, pyaar yaa prashnsaa ke do shabd usake jeevan ko badal sakataa hai. oopar jaayen

2. maan denaa:

kisee ko maan denaa bhee snbndhit vyakti ke jeevan men oorjaa kaa snchaar karanaa hee hai. ham aur aap dainik jeevan men jab koee kaary karate hain to kaee baar aisaa bhee hotaa hai ki kisee bachche yaa apane se bade ke kaary men ho rahee galatee ke liye use yaa to tokate hee naheen yaa fir tokate hain to itanaa tokane lagate hain ki usake andar kaary karane kee kshamataa dheere-dheere samaapt hone lagatee hai. yahee kaary bachchon ko samajhaa kar yaa bade ko maan dete hue bhee unhen bataa sakate hain. isase usamen n sirf apanee galatee ko samajhane kee kshamataa kaa vikaas hogaa. naye kaary karane kee kshamataa bhee vikasit hotee hai. arthaat apanee bolane kee kalaa se hee ham naee oorjaa ko utpann kar sakaten hain. oopar jaayen

3. svachintan se:

svachintan kee kalaa ek saadhaaran kalaa hai ise har koee apanaa sakataa hai. ham praayh/akasar yah kahate paaye jaate hain ki "taaim(samay) naheen hai- kal baat karanaa yaa kal aanaa" koee kuchh maangane aa gayaa to use ek-do baar binaa lautaaye to usakaa jabaab hee naheen denaa. aisaa ghatanaa ham sabake jeevan men aam baat hai. ise aise bhee kahaa jaa sakataa ki hamamen aadat see ho gaee hai ki kisee kaam ko kal par taal denaa. isee kaary ko ham yadi samay ko niyamit kar len kisee bhee vyakti ke kaary ko taalane kee vajah usakaa kaary kar den yaa samay nishchit kar us kaary ko pooraa kar len to n sirf donon vyakti kaa kaam ban jaayegaa, samay bhee donon kaa any kaary karane ke liye bachaa rah jaayegaa, jise any kisee jarooree kaary men upayog kar sakagen. is tarah ke svachintan se jo oorjaa atpann hotee hai vah sthaaee hotee hai aur isase khud ko kaafee sntosh bhee milataa hai. oopar jaayen

4. chintaa karanaa:

praayh ham us baat kee chintaa karane lagate hain jo gujar chukaa hai yaa abhee aayaa hee nahee. arthaat vartamaan ko kal kee baat ke liye yaa bhavishy men hone vaale ghatanaakram ke liye abhee se chintit hokar apane vartamaan ko nasht kar dete hain. kuchh log chintaa men samay gujaar dete hain kuchh log chintit hokar us andher gufaa men kho jaate hain. yah kriyaa hamaare jeevan kee oorjaa ko nasht karane kaa kaary karatee hai. oopar jaayen

5.chitt ko shaant rakhanaa:

kaee baar ham bevajah hee pareshaan hote rahaten hai, is bevajah pareshaanee kaa koee kaaran naheen hotaa, yadi hotaa bhee hai to ham use tatkaal samaapt naheen kar sakate. jaise raat ko sote vakt yadi is pareshaanee ko chaahakar bhee door naheen kiyaa jaa sakataa, fir bhee ham raat ko karavaten badalaten rahaten hain. is karavat ke badalane se raat ko nidraa bhee naheen aatee aur mastishk men tanaav banaa rahataa hai. yah kram kabhee kisee baat ko lekar yaa kabhee kisee baat ko lekar kramashh hee chalataa rahataa hai nateejatan neend kee golee lenee pad jaatee hai, tanaav kabhee kam to kabhee adhik hotaa rahataa hai. is tanaav ko ham apane chitt ko shaant kar, kar sakaten hain aur isamen jo oorjaa kee bachat hogee use ham kisee any kaary men upayog kar sakaten hai. jab aap sone jaayen to dimaag ko apane vistar ke neeche rakhakar so jaaeeye yah baat main akasar apane mitron ko bhee kahataa hoon, ek baar meree patnee ko bhee yahee baat kahee to bolane lagee bas aapako kyaa? subah mujhe hee to jaldee uthanaa padtaa hai, bachche kee skool 7.00 baje se hotee hai, aap to 7 baje uthate hee ho.
mainne puchhaa- "isase uthane kaa kyaa snbndh" main to sirf sone ko kah rahaa hoon, abhee mastishk ko, chitt ko,shaant kar ke so jaaogee to subah tum hee apane aapako fresh mahasoos karogee. ekabaar kar ke to dekho.
usane puchhaa- "ki ye dimaag ko takiye ke neeche kaise rakhaa jaayegaa."
mainne use samajhaayaa - "bas bilakul saadhaaran see baat hai. bistar par jab sone jaao to saaree duniyaadaaree kee baat ko bhool jaao aur eeshvar se praarthanaa karo ki aaj jo gujar chukaa hai, usamen kaheen bhool huee ho to kshamaa karanaa aur kal jo aane vaalaa hai sabake liye achchhaa ho." bas itanee baat yaad karanee hai aur so jaanaa hai. kramashh

oopar jaayen

jeevan gatisheel hai

lekhak: shambhu chaudharee

jeevan gatisheel hai. ham aur aap hameshaa is baat ko lekar chintit to rahate hain ki kal kyaa hogaa. par kal ke oopar nirbhar naheen rahanaa chaahate, hameshaa bhavishy ko surakshit kiye jaane kaa prayatn aaj hee karate hain. jisane aaj ko surakshit banaa liyaa usakaa kal svath hee surakshit ho jaayegaa aur jo khud ko surakshit mahasoos karane lagegaa use kal kee chintaa bhee naheen rahatee ki kal kaisaa hogaa.
vaheen kuchh svatntr prakriti ke log bhee hote hain jise n to aaj kee chintaa rahatee n hee kal kee chintaa karate hain jo milaa khaa liyaa naheen milaa to koee baat naheen. sarvapratham hamen yah tay karanaa hogaa ki hamen kaise jeenaa hai?

jab ham kisee utsav kee taiyaaree karate hain yaa ghar men koee bachchaa janm letaa hai to is avasar par ek naee shakti kaa snchaar hamen hamaare andar dekhane ko milataa hai. vaheen jab ghar men kisee kee mrityu ho jaatee hai yaa kisee aise samaaroh men jahaan aapako maan naheen milataa to aapake andar kee oorjaa vipareet kaary karane lagatee hai jo aapako kamajor kar shithil banaa detee hai. jabaki shree arjun ke saath inamen se koee bhee baat laagoo naheen hotee. ve jo baat kar rahe the n to use kaayarataa kee shrenee men rakhee jaa sakatee hai aur naa hee use heenabhaavanaa kee shrenee men hee. n hee use ham kisee bhavishy kee chintaa kah sakate hain naa hee use kisee utsav yaa shok kaa maahaul kah sakaten hai. yuddhakshetr men ek yoddhaa ke is vyavahaar ko oorjaa se paripoorn rahate hue bhee jab kisee aise vaataavaran kaa saamanaa karanaa pade to ise raajaneeti bhee naheen kah sakate. to kyaa ham yah maan len ki is samay oorjaa ne sahee kaary karanaa bandakar shree arjun ko bhramit karane kaa kaary praarnbh kar diyaa thaa. yadi ise hee sahee maan len to punh shree krishn ne aisaa kyaa kah diyaa ki shree arjun kee oorjaa punh sahee dishaa men kaary karane lagee jo kuchh pal purv naheen kaary kar rahee thee. ham "jeevan urjaa" ke is bhaag men isee rahasy ko jaanane kaa yahaan prayatn karenge. kramashh -shambhu chaudharee

jeevan oorjaa

lekhak: shambhu chaudharee

jeevan men har insaan apane aapako kisee n kisee bndhanon/samasyaaon se jakadaa huaa paataa hai, chaahe vah paarivaarik, saamaajik, shaareerik, maanasik yaa kisee prakaar kee heenabhaavanaa se bhale hee grasit ho. in sabhee vishayon par yahaan ham vistaar se baaten karenge.

maanasik samasyaa:
maanasik samasyaa ko ham kaee bhaagon men yaa kaee roop men badal sakaten hain ise nayaa roop bhee diyaa jaa sakataa hai. yah svhchintan se svath hee parivartanasheel bhee hai aur ise niyatrnn bhee kiyaa jaa sakataa hai. jo paarivaarik, saamaajik, shaareerik samasyon se bhee jakadaa ho sakataa hai. binaa kisee kaaran ke maanasik samasyaa paidaa naheen ho sakatee.

heen bhaavanaa:
jabaki heenabhaavanaa ek rog maatr hai, isakaa ilaaj kisee ke bataaye maarg se hee kiyaa jaa sakataa hai. ise koee vyakti chaahakar bhee svath door naheen kar sakataa. yah ek praakar kaa maanasik jaal hai, jo manushy ko dheere-dheere apane jaal men ulajhaataa chalaa jaataa hai aur snbndhit vyakti ke jeevan men andheraa laane kaa har pal prayaas karataa rahataa hai. jisakaa koee vishesh kaaran naheen hotaa. streeyon ke andar akasar kapade aur gahane ko lekar yaa pati ke kaarobaar aur bachchon kee padhaaee ko lekar dekhee jaa sakatee hai, jabaki purushon ke bheetar ye lakshan rogaatmak yaa vnshaanugat bhee ho sakate hain.
snbhavath aap bhee isamen kisee ek paksh men apane aapako khade paayen, aisaa bhee ho sakataa hai ki aap khud ko donon hee pakshon men paate hon.

jeevan oorjaa kaa pratham adhyaay:
mahaabhaarat ke yuddh ke samay hamane arjun-krishn ke snvaad ko sunaa hogaa. aaj ke is adhyaay ko yaheen se shuroo karate hain.

drishtemn svajann krishn yuyutsun smupasthitam,
seedanti mam graatraani mukhn ch parishushyati.
vepathushch shareere men romaharshashch jaayete..

kurukshetr men jab arjun apanee maanasik sthati ko krishn ke saamane bayaan karataa hai to usake andar kuchh isee prakaar ke lakshan dekhe jaa sakate hain. "yuddh men apane hee priyajanon ko dekhakar meraa mukh sukhaa jaa rahaa hai, mere ang shithil ho rahen hain, main apane aapako khadaa rakhane men asamarth paa rahaa hoon.
uparokt shlok men arjun ne apane bheetar utpan ho rahe vaataavaran ko nihshnkoch bhaav se krishn (apane saarathee ) ko kahate hue, unase yuddh n karane kee apanee mnshaa ko jaahir kar khud ko saamaajik bndhan se mukt karane kee prarthanaa bhee karaten hai.
ham yahaan isee snvaad ke lakshanon par gaur karagen, to yah paaten hain ki maanasik samasyaa ke jo-jo lakshan hone chaahiye ve sabhee shree arjun men us samay vidyamaan paayen gaye, jabaki heenabhaavanaa ke lakshan ko yahaan naheen dekhaa jaa sakaa.
"vyaktitv vikaas" kee is shrrinkhalaa ko chaaloo karate samay man men ek saath kaee bhaav utpan hote gaye, jise kramavaar ham yahaan silasilevaar dene kaa prayaas karoongaa. krishn-arjun snvaad ke andar hamane dekhaa ki jab arjun maanasik sntulan ko khone lagataa hai to usakaa saarathee kis prakaar use sabal detaa hai. yah snvaad khud men ek vyaktitv vikaas kee ek mahatvapoorn kadee hai. kisee dharmashaastr ke vyaakhyaan ke roop men ise n lekar ham yahaan isake us hisse kee hee charchaa karenge jahaan shree arjun apane aapako kamajor anubhav karate hue man se uparokt shabdon kaa uchchaaran karaten hai- "seedanti mam graatraani mukhn ch parishushyati" ye ghatanaa hamaare aapake jeevan men bhee aam dekhee jaa sakatee hai. bhale hee isakaa svaroop bhinn-bhinn ho sakataa hai. aap aur ham sabhee saadhaaran praanee maatr hain. hamaare jeevan men har jagah mahaapurushon kee upasthiti snbhav naheen ho sakatee. yah kaary khud hee hamen karanaa hogaa, jise ham is "jeevan urjaa" ke strot se pooraa karane kaa prayaas karenge.
hamane dekhaa hai ki kaee baar parivaar men koee ghatanaa ghatatee hai to ham us ghatanaa kee soochanaa maatr se hee ro padte hain yaa kisee khushee ke samaachaar se mithaaeeyaan baantane lag jaate hain. ham kisee bhee jhan yaa to khud ko kamajor anubhav karane lagate hain yaa daudne lagate hain. kisee ichchhaa poorti se jab ham parivaar men khushiyaan baantate hain to aashaanukool n hone par gam men poore vaataavaran ko parivartit kar dete hain.
parantu shree arjun ke samaksh aisee koee ghatanaa akasmaat naheen ghatatee hai, fir bhee shree arjun apane aapako shithil kyon samajhane lage the. -kramashh