daine baale siree bhagavaan aur intalanechhanal fakeel

hafte ke ek niyat din khataadee aur usake aasapaas ke mohallon men bheekh maangane aane vaalaa ek boodhaa itanee jyaadaa dafe apanee behad sadiyal aur bharraaee huee aavaaj men daine baale siree bhagavaan ... daine baale siree bhagavaan kahate hue bheeshan bor kiyaa karataa thaa ki usake siree bhagavaan kaa jaap sunate hee log aataa-chaaval ityaadi ke katore lekar apane gharon se baahar nikal aate taaki boodhaa jaldee dafaa ho aur kaanon kee khaal n utaar paae. boodhaa logon kee dayaalutaa ko sveekaarane aur kisee prakaar kaa aasheervachan ityaadi dene men vishvaas naheen karataa thaa. vah usee asnprikt shailee men daine baale siree bhagavaan ... daine baale siree bhagavaan kaa jaap karataa huaa aage badhtaa jaataa aur log boodhe ko jaldee mar jaane kaa mook aasheervachan dete hue apane kivaad band kar liyaa karate.

lafttoo ko yah boodhaa kuchh jyaadaa hee pasand thaa aur vah usake khataadee paar karate hee bhaag kar usake paas jaataa aur us se thitholee kiyaa karataa. "challiyaa kyoon kabal kalane?" boodhaa ekaadh baar to usakee baat sunataa par usake baad usakaa paaraa chadhtaa aur vah jmeen par pade kisee dhele se lafttoo kee mundee ko nishaanaa banaane kee asafal koshish karataa. tab tak "beeyo o o o ...ee" kahataa lafttoo seftee jon men pravesh kar chukataa.

un jaadon men himaalay men dharamendar aur bamafataakaa maalaasinnaa kee pikchar aankhen lagee. ek baar punh laalasinh kee adbhut soshiyal naitavarking ke chalate hamen baakaayade hol ke bheetar skreen se aankhen sataakar dekhane kaa fokat suavasar praapt huaa. getakeepar laalasinh kaa jaananevaalaa thaa aur badaa laundiyaabaaj. yah doosaree soochanaa hamen laalasinh aur keval laalasinh ne dee thee. hamen laalasinh ke saath pikchar hol ke get par khadaa dekh baunaa tanik baukhalaayaa kyonki usake bijnes par chhotaa saa khataraa bhinnautaayamaan hone ko thaa lekin jab lafttoo ne baune ko jaldee-jaldee teen pattal banaane kaa aordar diyaa to baune ke aatmavishvaas men jraa badhottaree huee. abhee leejiye baaboojee kahakar vah apane mahaanakalaakarm men sannaddh hone ko hee thaa ki fuchchee kaptaan se bhee jyaadaa kalootaa ek bhusakait taaip kaa laundaa laalasinh ke paas aayaa aur unhonne aapas men behad bhaddee bhaddee gaaliyon kaa aadaan pradaan karate hue apanee antarng mitrataa ke aifeedaivit ko saarvajanik kiyaa. kaloote ne baune kee peeth par halkee dhaul see jamaate hue use bhee ek bhaddee gaalee dee aur ek beparavaah najr ham do piddiyon par daalakar laalasinh aur hamase apane peechhe aane ko kahaa.

kalootaa hamen ek gupt dvaar se bheetar le gayaa aur thard klaas kee sabase aage vaalee paant men hamen bithaakar nadee ho gayaa. binaa tikat pikchar dekhane kaa aanand dvigunit ho gayaa jab hamen intaraval men kokolaa aur moomafalee kaa fokat bhog lagaane ko milaa. kul milaakar pikchar ab tak badhiyaa chal rahee thee. bamafataakaa maalaasinnaa ke aate hee lafttoo meraa haath kas kar thaam letaa aur kuchh andabnd fusafusaane lagataa. dharamendar hameshaa kee tarah utanaa hee hokalet thaa jaisaa use hone kaa shraap milaa huaa lagataa thaa. lekin jab jab komedee ke drishy aate ham par mastee chhaa jaatee - pikchar men maimood bhee thaa aur madanapuree bhee aur aaneyaanyaanhaanhaanyaanyaan karate rahane se rogagrast kaainyaan jeevan bhee.

luft kaa klaaimeks tab aayaa jab maimood aur bamafataakaa haathagaadee men teparikordar jaisaa ek bachakaanaa saa vaijnyaanik upakaran le kar bheekh maangane kaa naatak karate hue de daataa ke naam tujhako allaa rakkhe gaane lage. pahale stainjaa ke khtm ho chukane par lafttoo kee samajh men dhun baith gaee aur usane agale stainje ke chaaloo hote hee apanee seet se khade hokar baakaayadaa koolhe matakaane kaa kaaryakram shuroo kar diyaa. peechhe kee seeton se "oe baith jaa be launde!" kaa uchchaar vibhinn shailiyon-gaaliyon men hone lagaa. laalasinh ne dapatakar lafttoo ko seet par bithaayaa par ab pikchar men man kisakaa laganaa thaa. usane mujhe chikotiyaan kaatate hue befaalatoo hnsanaa jaaree rakhaa. jaise taise pikchar nibatee. laalasinh ne hamase jaldee-jaldee nikal lene ko kahaa taaki koee parichit hamen vahaan dekh gharon par chugalee n kar baithe. vah svayn kaloote se ek dafaa milakar usakaa aabhaar vyakt karane kee mnshaa rakhataa thaa.

himaalay se baahar nikalakar ham seedhe ghar n jaakar bambaagher kee raah lag liye. mere poochhane par lafttoo ne bas aankh bhar maaree aur de daataa ke naam kaa jaap karanaa jaaree rakhaa. das minat men ham jaguvaa paunk ke ghar ke baahar the. nirdhan jaguvaa hamase is maayane men ameer thaa ki usake paas bairingagaadee thee. aisee gaadee mere paas almode men thee par raamanagar men hamaaree mitramndalee men aisee gaadee sirf jaguvaa ke paas thee. lafttoo is gaadee ko jaguvaa se kuchh din udhaar maangane kee neeyat se aayaa thaa. jaguvaa ne ahasaan maanate hue bahut khushee khushee yah satkarm kiyaa.

agale kaee din hamaaree shaamen is bairingagaadee kee savaaree karane men beetatee thee. ghaasamndee ke aage aspataal kee thodee see chadhaaee thee. ham lakadee ke fatton aur trakon ke bairingon se banee is gaadee ko saaid men dabaakar aspataal tak le jaate aur vahaan se usakee savaaree karate tejftaar se seedhaa ghaasamndee ke muhaane pahunch jaayaa karate. bntoo ise bahut chhotaa kaam maanataa thaa aur hamen bairingagaadee thaame dekhate hee apane ghar men ghus jaataa. use dar lagataa thaa ki kuchh aanyabaany kahakar lafttoo usakee bejjatee kharaab kar degaa. haan is kaaryakram men hamaare saath baagadbillaa, goloo aur yadaa kadaa maukaa nikaalakar aayaa fuchchee bhee shaamil ho jaayaa karate. ekaadh baar jaguvaa nirdeshak kee haisiyat se hamen bairingagaadee kee takaneekee jatilataaen sikhaa gayaa thaa ki kaise jyaadaa speed men gaadee ke aate hee fatton se bane pletaform ke aage lage ek chhed se chhotee se lakadee ko sadk par chhuaa dene se raftaar kam kee jaa sakatee hai.

ek baar main gaadee thaame aspataal kee chadhaaee chadh rahaa thaa aur lafttoo ghaasamndee par abhee abhee mauj kaat kar meraa intajaar kar rahaa thaa. use kuchh aaidiyaa soojhaa aur usane bhaagakar mere peechhe aakar kahaa "neeche lak de gaalee" mere kuchh samajhane se pahale usane mere haath se chheen kar gaadee jmeen par rakhee aur mujhe us par baith jaane kaa aadesh diyaa. main kuchh sakuchaataa saa us par baithaa hee thaa ki usane mujhe bamay gaadee ke aage ko thelanaa shuroo kiyaa. us par maimood vaalee mauj chhaa gaee aur usane mujhe dhakelane ke saath saath kahanaa shuroo kiyaa "de de, de de bhagabaan ke naam pe de de. intalanechhanal fakeel aae en ... tudako lakke laam tudako all lakke ... allaa lakke ... allaa lakke ..." aasapaas chal rahe logon men se kuchh ne ajeeb see dilachaspee se hamaaree taraf nigaahen daaleen aur kuchh ne "haraamee launde" kahakar lafttoo kaa utsaahavardhan aur meraa apamaaneekaran kiyaa. jis gati se mujhe thelaa jaa rahaa usase jaahir thaa ki mudit lafttoo naach rahaa thaa. kuchhek aavaaraa bachche hamaare tole men shaamil ho gae. achaanak saamane se lafttoo ke bade bhaaee ke aate hee hamaaraa kaaryakram samaapt ho gayaa. kaaryakram kaa ant vaisaa hee huaa jaisaa pahale hotaa aayaa thaa - lafttoo kee thukaaee, mujhe usake saath n rahane kee manahoos salaah aur bairingagaadee ko usake maalik ke paas turant pahunchaane kaa framaan.

lute-pite se ham bairingagaadee ko thaame bhavaaneegnj pahunche hee the ki baajaar vaalee ek galee se daine baale siree bhagavaan kahataa huaa luchche bhikhaaree namoodaar huaa. lafttoo ko kyaa soojhee usane apanee jeb se das-bees paise nikaal kar bhikhaaree se kahaa ki vah use ye paise jabhee degaa jab vah bairingagaadee men baithakar hamaare saath bambaagher tak chalegaa. bhikhaaree ne aankhen michamichaakar lafttoo aur mujhe pahachaanane kaa prayaas kiyaa aur kuchh der sochane ke baad paise thaam kar apanee potalee samet gaadee men baith gayaa. lafttoo ne bhikhaaree ko thelane kaa prayaas kiyaa par bah khaasaa bhaaree thaa so mujhe bhee laganaa padaa. lafttoo ne use salaahen denaa shuroo kiyaa "kitte din yeee kaitaa raegaa ... too bol bhaut kalataa e ... aitaa kal main tude ek nayaa gaanaa chhunaataa oon ... itako yaad kallegaa to bhaut paite milenge ..." ekadam se abhee abhee huee sutaaee bhoolakar usane jor jor se maimood-prograam staart kiyaa "de de, de de bhagabaan ke naam pe de de. intalanechhanal fakeel aae en ... tudako lakke laam tudako all lakke ... allaa lakke ... allaa lakke ..." bhavaaneegnj ke saare bhadee dukaanon se baahar aakar is drishy ko dekh kar thathaakar hns rahe the. is se lafttoo aur utsaahit huaa aur usakee aavaaj men aur josh bhar gayaa. ateek bhadee hamen pahachaan gayaa aur bolaa "haraamiyo kaae tng kar rae ho buddhe ko." lafttoo ne aankh maar kar us ke bade hone se dare binaa kahaa "bidanet e thabakaa apanaa apanaa bete ..."

bhikhaaree sambhavath kaafee thak aur chat chukaa thaa aur ek jagah jraa see chadhaaee aane par bairingagaadee ke thaharate hee apanee potalee samet bhaag khadaa huaa.

ham jaguvaa kee gaadee lautaa kar vaapas ghar laut rahe the. raaste men ateek bhadee ne hamen ek motee gaalee dete hue chetaayaa ki vah durgaadatt maassaab se hamaaree shikaayat karegaa ki ham kaise ek boodhe bhikhaaree ko pareshaan kar rahe the. lafttoo ne nirvikaar bhaav se javaab diyaa "apanaa apanaa bidanet e bete ..."

haath aae kisee khajaane ko majabooree men vaapas lautaa aane kaa shok hamaare beech pasaraa huaa thaa. achaanak lafttoo bolaa "bete maud aaee?" "haan yaar aaee lekin teraa bhaiyaa bahut haraamee hai."

"halaamee hai thaalaa magal gabbal chhe jaadaa naeen" kahakar usane jeb se paanch kaa mudaatudaa not nikaal kar dikhaayaa. kaee dinon baad itanee badee rakam dekhee thee to mujhe gash jaisaa aayaa. "kyaa bechaa toone?" mainne jaanaboojhakar beparavaah banane kaa draamaa karate hue us se poochhaa.

(jaldee hee aage kee kahaanee pesh karataa hoon saahebaan. kuchh ghareloo vivashataaon ne haath thaamaa huaa hai. dhairy dharane ke lie dhanyavaad.)

naagadaadangal aur dalee ko aag kaite ain

siyaabar baid jee ke rejeedens-kam-aushadhaalay kaa baraamadaa shaamon ko mohalle ke bade logon ke beedee foonkane aur gapabaajee kaa sabase priy sthaan thaa. is sthaan hamaaraa vaastaa bas tabhee padtaa thaa jab kabhee kabhaar kriket kee gend ke vahaan chalee jaayaa karatee. baid jee ko dekhakar lagataa thaa ki ve paidaa bhee gaandhee topee pahan kar hue honge. badon kee gappon ko sunate hue yah pataa chalataa thaa ki aajaadee se kuchh saal pahale baidajee angrejon se ladte hue ek baar ek din ko jel ho aae the. is baat se raamanagar bhar men baidajee kaa men badaa rasookh thaa aur aajaadee ke baad se lagaataar har svatantrataa divas par unhen kisee n kisee skool men mukhy atithi banaae jaane kaa rivaaj chal chukaa thaa. itane saare saalon tak svatantrataa divason ko skoolon men mukhy atithi banane rahane ke baavajood unake mukhy atithi banane ke utsaah men koee kamee naheen aaee thee. raamanagar men pichhale koee tees saalon ke dauraan padhaaee kar chuke har kisee shakhs ko unakaa bhaashan kareeb kareeb yaad ho chukaa thaa. pichhale saal is avasar par hamaare skool men unake aate hee samooche staaf aur seeniyar bachchon men khaufnaak chuppee chhaa gaee. pyaalee maattar ke judvaan bhaaee jaise dikhaaee dene vaale baidajee kee jbaan bhee jraa saa lagatee thee. unhonne hamaaraa aiseetaiseekaran kaaryakram chaaloo karate hue badee der tak pyaale bachcho, aadaraneee gurujan vagairah kiyaa aur hamen bataayaa thaa ki us din svatantrataa divas thaa aur ham use manaa rahe the. "aite bolliyaa jaite aap chhamallen ham koee dngalaat se aae hain. thab ko pataa e bete aad ke din gaandee buddaa paidaa huaa thaa. ..." fusafus jubaan men lafttoo satat bole chalaa jaa rahaa thaa. jab mainne usase kahaa ki gaandhee buddhaa do aktoobar ko paidaa huaa thaa to usane mujhe disamis karate hue aadhikaarik lahaje men vaktavy jaaree kiyaa : "ekee baat ai bete."

achaanak baidajee ekataal se drut taal par aa gae.

"balee balee yojanaaen ban raee ain bachcho desh ke bikaas ke lie ... hamaale paile paladhaanamantree neroo jee ne dish ke bikaas ke lie balee balee yojanaaen banaaeen ... balee balee masheenen bides se mngavaaeen ... relagaadiyaan aur motaren mngavaaeen ... paanee ke aul havaa ke jaaaj mngavaae ... tab jaa ke hamaalaa bikaas ho raa e ..." achaanak mainne seeniyar laundasamudaay ke bheetar ho rahee gatividhi par gaur kiyaa. aisaa lag rahaa thaa ki ve baidajee ke munh se pichhale kisee svatantrataa divas ke dauraan sunee huee kisee manornjak baat ke bole jaane kaa besabree se intajaar kar rahe the. unake mukhamandal batalaa rahe the ki un par hnsee kaa dauraa padaa hee chaahataa hai.

"neroo jee ne raamanagar men kosee nadee par daam banaayaa ... aur aise ee kitane ee saare daam banaae ... yahaan se bahut door ek jage par unne naagadaa dangal jaisaa daam banaayaa ... naagadaa dangal jaisaa daam hamaare desh men ee naeen saalee duniyaa men naeen ai ..." unake aakhiree vaaky ko dabee huee aavaajon men ek saath kaee saare seeniyar laundon ne baakaayadaa ripeet kiyaa aur hnsee ke daure chaaloo ho gae. mujhe lag rahaa thaa ki ab saamoohik sutaaee anushthaan praarambh hogaa lekin murgaadatt maastar aur prinsipal saahab ke alaave kaee saare maastaron ke cheharon par bhee muskaraahat thee. in adhyaapakon ne sambhavath yah bhaashan itanee dafaa sun liyaa thaa ki unakee balaa se bachche hnsen yaa jo chaahe karen. baidajee apamaan kee saaree seemaaon ko paar kar chuke the aur naagadaa dangal jaise kaee dangal jeet chukane ke baad shaayad gaamaa pahalavaan se bhee naheen darate the.

baidajee kaa bhaashan abhee aur chalaa. durgaadatt maassaab ne besharmee kee had paar karate hue karnal rnjeet nikaal liyaa thaa aur asahaay prinsipal saahab apane rishte ke maamoo kee sthool taund ko uthataa-girataa dekhane ke atirikt kuchh bhee kar paane se laachaar the. maukaa taadkar bekhauf lafttoo baithe baithe hee ghisatataa huaa aoditoriyam se baahar nikal chukaa thaa aur sambhavath apane priy desteeneshan tak pahunch chukaa thaa. baidajee ke baith jaane ke baad murgaadatt maastar ne haaramoniyam par apane ghise pite donon gaane bajaae aur hamane bhee majabooree men unakaa yathaasambhav besuraa saath diyaa. baansee kaagaj kee tel se lithadee thailiyon men boondee ke do-do laddoo thamaakar mishthaann vitaran huaa aur ham apane gharon kee taraf nikal pade.

lafttoo raaste men hee takaraa gayaa. usakee bahatee naak aur mitteesanee kameej bataa rahe the ki vah bamapakaude kaa bharapoor lutf uthaane ke saath saath idhar himaalay taakeej men lagee film vishvanaath kaa apanaa fevarit seen dekhakar aa rahaa thaa kyonki mujhe dekhate hee usane satarooghan sinnaa kaa param lafaadee poj dhaaran kar liyaa aur ek haath se apane baalon ko tanik sahalaate hue seeriyas aavaaj men kahaa: "dalee ko aag kaite ain aul bete budee ko laak ... aur uchh aag se nikale baarood ko vichhchhanaat kaite hain" satarooghan sinnaa se vah un dinon is kadar impraisd thaa ki jeb men hameshaa ek kaalee skaich pain rakhaa karataa aur maukaa milate hee apane honthon par usee kee shailee kee moonchhen banaa letaa.

najdeek aakar usane meree peeth par dhaul jamaaee aur maje lete hue poochhaa: "ban gayaa bete thab kaa naagalaadangal. tootiyaa ain thab chhaale." fir usane jmeen par giraa ek kaagaj kaa tukadaa uthaayaa aur use modkar apane sir par gaandheetopee kee tarah pahan liyaa aur baidajee jaisaa manahoos cheharaa banaate hue bhaashan denaa chaaloo kiyaa: "balee balee yodanaaen ban laee ain ... bale aae neloo jee ... bale bale daam ban lae ain ... tootiyaa thaale neloo jee ... jaaj khaleed lae ain ... koolaa khaleed lae ain ... mele kaddoo men gae chhaale baidajee aur neloo jee ... tal tailane talate ain yaal" usake chehare par param haraamiyat kaa bhaav aa chukaa thaa aur chaal men daant tat vaalee thumak. ek to baidajee ke bhaashan se main chataa huaa thaa doosare bahut joron kee bhookh lagee huee thee so mainne usake saath nahar jaane ke usake prastaav par jyaadaa tavajjo naheen dee aur anamanaa saa hokar ghar ke bheetar ghusaa.

laddoo vaalee thailee meree jeb men kisee mare mendhak kaa saa aabhaas de rahee thee. aise mare hue do-teen aur medhak ghar par aur dhare hue the jinhen meree bahanen apane apane skoolon se laaee theen.

bantoo ke daadaajee ke mar jaane kee vajah se usake mammee paapaa apane gaanv gae hue the. in dinon bantoo aur usakee bahan hamaare hee ghar khaanaa khaane aayaa karate aur dopaharon ko meraa jyaadaatar samay bantoo logon ke ghar raamanagar ke hisaab se kaafee aaleeshaan unake draaingaroom men sajee vastuon ko dekhane aur bantoo kee dher saaree minnten karane ke baad rikaard pleyar par mugl e aajm ke daayalaag sunane men beetane lagaa thaa. rikaard ke shuroo hote hee "main hindostaan hoon ..." vaalee kamentree chaaloo ho jaatee aur meraa man urdoo kee meethee meethee aavaajon men halakoren khaane lagataa. kabhee kabhaar main usake paapaa ke pustak sngrah par nigaah maaraa karataa. in kitaabon ke kavar durgaadatt maassaab kee kitaabon jaise hee balki unase bhee jyaadaa khataranaak huaa karate the. in aavaranon ko sushobhit karatee naariyon ke badan par aur bhee kam kapade hote the.

is baabat jab mainne lafttoo se usakee raay poochhee to usane fir vahee disamis karane vaalee ton men kahaa: "saee aadamee naeen ain bantoo ke paapaa. aap chhamallen kaalaa tatmaa painane vaalaa aadamee kabee saee naeen ho sakataa.

(jaaree)

gabbal the bee khatalanaak inchhaan kataaee maattar

lafattoo kee haalat dekh kar meraa man skool men kataee naheen lagaa. ulte durgaadatt maassaab kee klaas men arenjament men kasaaee maastar kee dyootee lag gaee. pyaalee maattar ne in dinon arenjament men aanaa band kar diyaa thaa aur hamaaree har har gnge hue khaasaa arsaa beet chukaa thaa. kasaaee maastar eksakloosivalee seeniyar bachchon ko padhaayaa karataa thaa, lekin usake kasaaeepane ke tamaam qisse samooche skool men jaahir the. kasaaee maastar raamanagar ke nazadeek ek gaanv semalakhaliyaa men rahataa thaa. aksar durgaadatt maassaab se dasek sekend pahale skool ke get se asembalee men bekhauf ghusate use dekhate hee n jaane kyon lagataa thaa ki baahar barasaat ho rahee hai. usakee sarason ke rng kee pataloon ke paanyache aksar mude hue hote the aur kameez baahar nikalee hotee. jootaa pahane hamane use kabhee bhee naheen dekhaa. vah aksar havaaee chappal pahanaa karataa thaa. haan jaadon men in chappalon kaa sthaan plaastik ke bedaul se dikhane vaale saindil le liyaa karate.

kasaaee maastar kee kadakaathee kisee pahalavaan sareekhee thee aur dasaveen baarahaveen tak men padhane vaale bachchon men usakaa khauf thaa. thoree buddhe aur murgaadatt maastar ke dhunaaee-kaaryakram kasaaee maastar ke vikhyaat kisson ke saamane bachchon ke khel lagaa karate. bataayaa jaataa thaa ki kasaaee maastar kee pulis aur sarakaaree mahakamon men achchhee pahachaan thee aur usake khilaaf kuchh bhee kah paane kee himmat kisee kee naheen huaa karatee thee. lafattoo ke asaadhaaran saamaanyajnyaan kee maarfat mujhe maaloom thaa ki agar kabhee bhee kasaaee maastar kaa arenjament men hamaaree klaas men aanaa hogaa to hamen behad satark rahanaa hogaa kyonki kasaaee maastar kaa dimaag chaachaa chaudharee kee tek par kampyootar se bhee tez chalaa karataa thaa. yah alag baat hai ki kampyootar tab keval shabd bhar huaa karataa thaa - ek asambhav akalpaneev shabd jisake orachhor kaa sambhavath bhagavaan ko bhee koee aaidiyaa naheen thaa. lafattoo ke kahane kaa matalab hotaa thaa ki kasaaee maastar ko skool bhar men padhane vaale har bachche ke vistrit baayodaataa zabaanee yaad the. "balaa khatalanaak inchhaan hai kataaee maattar bete! balaa khatalanaak! gabbal the bee khatalanaak!"

to gabbarasinh se bhee khataranaak is kasaaee maastar kee klaas men entree koee draamaaee naheen huee. kasaaee ne khade khade hee bahut aaraam se khud hee ataindains lee aur jab "pyaare bachcho!" kahakar kursee par apanaa sthaan grahan kiyaa, mujhe lafattoo kee baaton par se apanaa vishvaas ekabaaragee dhahataa saa mahasoos huaa. kasaaeemukh ko thodaa gaur se dekhane par pataa chalataa thaa ki usakee daaeen aankh baagadabille kee bhaanti elaelateetee yaanee luking landan toking tokyo yaanee dhainee thee. baaeen bhaunh ke beechobeech chot kaa puraanaa nishaan us mukhamandal ko khaasaa khaufanaak banaataa thaa. satarughan sinnaa taaip kee moonchhen dhaaran kiye, aisaa lagataa thaa, maano kasaaee apane aap ko jaayadai hee ismaat samajhane ke kutaiv se peedit thaa. kasaaee ke adhapake baal prachur maatraa men telaleepeekaran ke baavajood kisee sooar ke baalon kee tarah kade aur seedhe the. un dinon paraag patrikaa men ek upanyaas dhaaraavaahik chhap kar aa rahaa thaa. upanyaas kaa naayak bhaarat kee raashtreey poshaak yaanee patte ke ghutanne ke atirikt kisee bhee tarah ke mek ap men vishvaas naheen rakhataa thaa. kasaaee ke ataindens lete lete chhip kar dekhate hue ekaadh minat se bhee kam samay men mujhe yakeen ho gayaa ki ukt upanyaas ke lekhak ne kasaaee maastar ke chehare kaa vishad adhyayan karane ke baad hee upanyaas ke naayak kaa vaisaa huliyaa kheenchaa hogaa. mujhe yah kalpanaa karanaa manornjak lagaa ki kasaaee maastar keval ghutannaa pahane kaisaa nazar aaegaa.

ataindens ho chukee thee aur "pyaare bachcho!" kahate hue kursee men baithate hee kasaaee maastar kisee khyaal men snjeedagee se talleen ho gayaa. klaas ke baakee bachchon kee tarah main bhee agale do peeriyad ke dauraan kisee bhee star ke kaise bhee haadase kaa saamanaa karane ko taiyaar thaa. achaanak kursee se ek adhasoee see aavaaz nikalee: "pattal men khichadee kitane bachchon ne khaaee hai?"

kuchh samay se klaas men bas kabhee kabhee hee aane vaale laalasinh ke sivaay kisee bhee bachche kaa haath naheen uthaa. laalasinh ke uthe hue haath ko khaas tavajjo n dete hue kasaaee maastar ne kahaa - "yahaan se kuchh dooree par kaalaagadh kaa daam haigaa. main soch rahaa hoon ki tum saare bachchon ko kisee itavaar ko mhaan pe pikanik pe le jaaoon. aasheesh bete, hyaan koo aeeyo jaraa!" aasheesh klaas men nayaa nayaa aayaa thaa aur vah bhee apane aap ko jaayadai hee ismaat samajhane ke kutaiv se peedit thaa. usakaa baap raamanagar kaa esadeeem taaip kaa badaa afasar thaa aur yah tathy usakee har chaaladhaal men thasakaa thoonsane kaa vaazib aur nihaayat ghrinaaspad kaaran thaa. ki kasaaee maastar aasheesh ko naam se jaanataa hai, hamaare lie kshanik acharaj kaa vishay banaa. aasheesh kasaaee maastar kee bagal men khadaa thaa. maastar kaa abhibhaavakasulabh prem se bharapoor haath usakee peeth fer rahaa thaa. "aasheesh ke pitaajee raamanagar ke sabase bade afasar hainge. kal mujhe inake ghar khaane par bulavaayaa gayaa thaa. vhaeen mujhe je baat soojhee kee aasheesh kee klaas ke saare bachchon ko kaalaagadh daam pe pikanik ke baaste le jaayaa jaabai. aur saahab ne sarakaaree madad kaa mujhe kal hee vaadaa bhee kar diyaa hai. to bachcho apane apane ghar pe batalaa deejo ki aane baalai kisee bhee itavaar ko pikanik kaa aayojan kiyaa jaavaigaa. pikanik men desee ghee kee khichadee banaaee jaaegee aur use pattalon men rakhakar saare bachche khaavenge. khichadee khaane kaa asal aanand pattal men hai. ..."

khichadee, pattal, desee ghee, kaalaagadh, daam, saahab, aasheesh, pikanik ityaadi shabd poore peeriyad bhar bole gae aur kasaaee maastar kaa haath lagaataar aasheesh kee peeth ko sahalaataa rahaa. ghantee bajane hee vaalee thee jab "ai launde, too bo peechhe vaale, hyaan aaiyo tanee!"

paidaaishee baudam nazar aane vaale is ladake kaa naam zyaadaatar bachche naheen jaanate the. usakee pahachaan yah thee ki usake ek haath men chhh ungaliyaan theen. kasaaee maastar kee ton se samajh men aayaa ki paidaaishee baudam ko kuchh khuraafaat karate hue dekh liyaa gayaa thaa. vah maastar kee mez tak pahunchaa, kasaaee ne ek baar use oopar se neeche tak dekhaa. "jaraa baahar dekh ke aeeyo dhoop likallaee ki naa." klaas kaa daravaazaa khulaa thaa aur achchhee khaasee dhoop bheetar bikharee padee thee. paidaaishee baudam kee samajh men jyaadaa kuchh aayaa naheen lekin dar ke maare kaanpate hue kakshaa ke baahar jaakar aasamaan kee taraf nigaah maarane alaavaa usake paas koee chaaraa naheen thaa. vaapas lautakar usane hakalaate hue kahaa "nnnikal rahee maassaab..."

"to je bataa ki dhoop kaan se likalaa kare?" paidaaishee baudam ne fir se hakalaate hue kahaa "sssooraj se maassaab ..."

"je bataa raat men kyaa nikalaa kare?" paidaaishee baudam ke uttar kee prateekshaa kie binaa kasaaee ne kahaa: "raat men likalaa karai chaand. aur chaand kee vajai se raat men taare bhee likalaa karai hain. taare vaise to din men bhee likalaa karai hain par sooraj kee vajai se dikhaaee naa dete."

paidaaishee baudam ke kandhe par haath rakhakar kroor aavaaz men kasaaee maastar bolaa: "is bachche ko din men taare dekhane kaa jaadai sauk haigaa saayad jabhee to kheesen nipor riyaa thaa." itanaa kahate kahate usane apanee kameez kee jeb se ek naee pensil nikaalee aur paidaaishee baudam ke chhh ungalee vaale haath ko zor se apanee mez par rakh diyaa. kisee kushal kaareegar kee bhaanti usane paidaaishee baudam kee ungaliyon ke beech ek khaas staail men pensil fit kee aur agale hee kshan apane doosare haath se paidaaishee baudam ke haath ko itanee zor se dabaayaa ki usakee aankhen baahar aane aane ko ho gaeen. usakee baahar nikalane ko taiyaar aankhon ke koron se aansoo kee motee dhaar bahanaa shuroo ho gaee thee. kareeb aadhaa minat chale is jaghany pishaachakarm ko bhaagyavash peeriyad kee ghantee bajane se viraam milaa. maassaab ne pensil vaapas apanee jeb men samhaalee aur vaapas lautate paidaaishee baudam kee pichhaadee par ek bharapoor laat maarate hue hamen chetaayaa: "sooar ke bachcho! maassaab kee baat men dhiyaan naa lagaayaa aur jaadai naksaa dikhaayaa to ek ek ko nngaa kar ke latakaa doongaa."

paidaaishee baudam ke prati kisee prakaar kee sahaanubhooti vyakt karane kaa maukaa naheen mil sakaa kyonki tivaaree maassaab klaas ke baahar khade the. tivaaree maastar urf thoree buddhe ne gulaabee totaa banaane men hamen paarngat banaa chukane ke baad idhar doek maheenon se iskool jaatee laundiyaa banavaanaa chaaloo kiyaa thaa. kandhe par bastaa lagaae aur do haathon men guladastaa thaame skart-blaauz pahanane vaalee ghungharaale baalon vaalee yah badasoorat laundiyaa banaanaa zyaadaatar bachchon ko achchhaa lagataa thaa. lafattoo kee raf kopee iskool jaatee laundiyaa ke bedaul ashleel chitron se atee padee thee.

kisee tarah skool khatm huaa. main manahoosiyat aur pareshaanee kaa jeetaa jaagataa putalaa ban gayaa thaa lafattoo ke binaa. ghar pahunch kar beman se mainne kuchh doodh naashtaa samajhaa aur kapade badal kar nahar kee taraf chal diyaa. main nahar kee dishaa men mud hee rahaa thaa ki ghaasamandee ke saamane kee apanee dukaan se laalasinh ne aavaaz lagaakar mujhe bulaayaa. abhee vah skool kee poshaak men hee thaa. usake paapaa kaheen gae hue the aur vah lafattoo ko lekar chintit thaa. usane mujhe lafattoo kaa sabase kareebee dost samajhaa, itanee see baat se hee meree manahoosiyat kuchh kam ho aaee. sahee baat to yah thee ki mujhe pataa hee naheen thaa ki lafattoo ko asal men kyaa huaa thaa. vah beemaar thaa aur bahut beemaar thaa. bas. mainne laalasinh ko subah vaalee baat bataa dee ki kaise mainne lafattoo ke mammee-paapaa ko use muraadaabaad vaalee bas kee taraf le jaate dekhaa thaa aur kaise vah kaanp rahaa thaa garmee ke baavajood.

lafattoo ke baare men dasek minat baaten karane ke baad mere man se jaise koee bojhaa utaraa. laalasinh ne doodh-biskut sutavaayaa. pet bharaa hone ke baavajood laalasinh kee dukaan kaa doodh biskut kabhee bhee piroyaa jaa sakataa thaa. doodh-biskut sootate hue achaanak meree nigaah pasoo aspataal kee taraf gaee. jab se gobaradaaktar kuchchoo gamaloo naamnee hamaaree kaalpanik preyasiyon ke saath haldvaanee chalaa gayaa thaa, meree us taraf dekhane kee ichchhaa tak naheen hotee thee.

mujhe anaayaas us taraf dekhataa dekh laalasinh kah uthaa - "ye nayaa gobaradaaktar saalaa apane bachchon ko lekar naheen aanevaalaa hai bataa rahe the. naineetaal men padhatee hai isakee laundiyaa. bhaut maal hai bataa rahaa thaa fuchchee ..."

fuchchee! yaanee fuchchee kaptaan! naineetaalanivaasinee kanyaa ke baabat chalane hee vaalee masaalaapoorit baatacheet ko mainne kaatate hue laalasinh se poochhaa ki fuchchee kaptaan kahaan hai. "abe kal hee vaapas aayaa hai fuchchee raamanagar. saalaa aur kaalaa ho gayaa hai. ..."

fuchchee ke raamanagar punaraagaman ke samaachaar ne mujhe kaafee prasann kiyaa. fuchchee mere ustaad lafattoo kaa bhee ustaad thaa so usake maadhyam se lafattoo ke svaasthy ke baare men aadhikaarik soochanaa praapt kar paane kee meree ummeedon ko badaa sahaaraa milaa. laalasinh kee dukaan se nahar kee taraf jaane ke bajaay main apane ghar kee chhat par pahunch gayaa. dar asal main kuchh der akelaa rahanaa chaahataa thaa. bantoo ko vahaan n paakar mujhe tasallee huee. apanee chhat faandakar main dhaaboo kee chhat par maujood paanee kee tnkee se peeth tikaae baithane hee vaalaa thaa ki udhar hariyaa hakale vaalee chhat kee saaid se baagadabillaa aa gayaa. lafattoo aur fuchchee jaise ghuchchee-suparastaaron kee gairamaujoodagee ke kaaran baagadabillaa ab takareeban berojagaar ho gayaa thaa aur din bhar aavaaron sooaron kee tarah yahaan vahaan bhatakaa karataa. neeche saradaaranee ke skool men madhubaalaa tyooshan padhane aae bachchon ko koee inglish poyam rataa rahee thee. kuchh der idhar udhar kee baaten karane ke baad baagadabille ne asalee baat par aate hue mujhase aarthik sahaayataa kaa anurodh kiyaa. dar asal use ghar se athannee dekar dahee mngavaayaa gayaa thaa. halavaaee kee dukaan tak pahunchane se pahale hee ghuchchee khel rahe bachchon ko dekh kar usase rahaa naheen gayaa jahaan vah paanch minat men saare paise haar gayaa. baagadabille jaise taunchaa ustaad kaa ghuchchee men haaranaa aam naheen hotaa thaa. mere paas pachchees tees paise the jo mainne use agale din vaapas kiye jaane kee shart par use de diye, haalaanki main jaanataa thaa ki baagadabillaa kisee bhee keemat par un paison ko vaapas naheen chukaa sakegaa. vah bahut gareeb parivaar se thaa aur usakee maan inglish maastaraanee ke ghar bartan-kapade dhone kaa kaam kiyaa karatee thee. jaate jaate usane ek baat kahakar mujhe utfullit kar diyaa - "fuchchee tujhe yaad kar rahaa thaa yaar!" mere yah poochhane par ki fuchchee kahaan milegaa usane apanee chavannee jaisee aadhee aankh ko chauthaaee banaate hue donon haathon kee madhyamaa ungaliyon ko milaa kar ghuchchee kaa saarvabhaumik ishaaraa banaate hue kahaa - "vaheen! aur kahaan!"

main neeche utar kar bhaagataa huaa saah jee kee aate kee chakkee ke aage se hotaa huaa ghuchcheesthal pahunchaa par khel nibat chukaa thaa aur khilaadiyon ke badale vahaan naalee par pngat banaakar baithe chhote bachche saamoohik nibataan men mubtilaa the. ye itane chhote the ki unase abhee abhee sampann hue khel aur usake khilaadiyon ke baare men koee jaanakaaree haasil ho paane kaa koee matalab naheen thaa.

ghuchcheesthal se aage kaa jugaraafiyaa mere lie zyaadaa parichit n thaa so main man maare vaapas ghar kee taraf chal diyaa. bas adde par aakhiree gaadee aa lagee thee. aur din hotaa to lafattoo aur main dibboo talaashane vahaan zaroor jaate. maachis ke lebel ikaththaa karane ke shauk ko kinaare kar hamane teen chaar maheenon se dibboo yaanee sigaret ke khaalee dibbe ikathathaa karane kaa shauk paal liyaa thaa. dibboo ikaththaa karanaa maachis ke lebel ikaththaa karane kee banisbat zyaadaa edalt maanaa jaataa thaa kyonki dibbuon ke saath bhee ghuchchee jaisaa ek jue vaalaa khel khelaa jaa sakataa thaa.

itane men meree nigaah bas se baahar utarate manahoos soorat banaae lafattoo ke paapaa par padee. bas se baahar utarane vaale ve aakhiree aadamee the. yaanee lafattoo aur usakee maan vaheen hain muraadaabaad men. meraa anumaan galat bhee ho sakataa thaa kyonki yah sambhav thaa ki ve donon din ke kisee pahar vaapas laut aae hon aur ... aur ...

gaanth lagaa vahee thailaa lafattoo ke paapaa ke kandhe par tngaa thaa. din bhar kee pastee aur thakaan unake chehare aur deh par dekhee jaa sakatee thee. mere lie yah nirnaayak kshan thaa. main lapakataa huaa unake saamane pahunchaa aur "namaste ankal" kah kar unake saamane sthir ho gayaa. unhonne apanaa dhoolabharaa chashmaa aankhon se utaaraa aur mere sir par haath ferate hue mariyal aavaaz men kahaa "jeete raho bete, jeete raho."

"ankal lafattoo ..."

"bhartee karaa diyaa betaa muraadaabaad men usako. teree aantee bhee vaheen hai ..."

mujhe lafattoo ko aspataal men bhartee karaae jaane kee imej kaafee mailodraimaitik aur filmee lagee aur mujhe pikcharon men dekhe gae safed rng se ate aspataalon aur mareezon vaale saare seen yaad aane lage. main kuchh aur poochhataa, ve mere saamane se ghisatate se apane ghar kee dishaa men chal die.

bete haatee haatee hotaa ai aul daanaval daanaval

lafattoo kee satat udaasee aur usakaa zyaadaatar khaamosh rahanaa meree baradaasht se baahar ho gayaa thaa. tairaakee kee mauj ke baad ham jab bhee kaayapaddaa khelane kee shuruaat karate, lafattoo binaa koee notis die nahar se baahar aakar pichhale raaste se haatheekhaane kee taraf nikal jaayaa karataa. haatheekhaanaa mujhe bahut aakarshit karataa thaa lekin mujhe ghar se vahaan tak jaane kee ijaazat naheen thee kyonki haatheekhaanaa paakistaan ke pichhavaade men sthit thaa.

roz subah hamaare skool jaane se pahale ek haathee apane mahaavat ke saath ghar ke baahar se guzaraa karataa. haathee jaahir hai vaisaa hee thaa jaisaa ki haathee hotaa hai. raamanagar ke apane bilkul shuruaatee dinon men mere aur meree bahanon ke lie vah duniyaa kaa sabase badaa ajoobaa thaa. ekaadh kitaabon men main use dekh chukaa thaa par vah itanaa badaa hogaa, meree kalpanaa se baahar thaa. dheere dheere vah rozamarraa kee zindagee kaa hissaa ban gayaa aur hamen usakee aisee aadat pad gaee thee ki apane ain bagal men guzarate haathee ko dekh kar bhee ham kabhee kabhee use naheen dekhate the. haan agar chaachaa yaa maamaa vagairah ke bachche kinheen chhuttiyon men hamaare ghar aate to ham unhen sabase pahale bataate ki hamaare ghar ke saamane se roz subah haathee guzarataa hai - sachchee muchchee kaa haathee. aisaa bataate hue hamen apaar garv mahasoos hotaa aur kaafee saaraa supeeriyoritee kompleks bhee. tab lagataa thaa jaise vah hamaaraa apanaa haathee ho.

jngalaat dipaartament ke is haathee ke mutallik meree chand aofeeshiyal utsukataaon ke baabat mujhe lafattoo kaee jeekenumaa jaanakaariyaan muhaiyyaa karavaa chukaa thaa. masalan "haatee ek baal men ittee tattee karataa ai bete ki nagalapaalikaa kaa bamapulichh do baal bhal jaae" yaa "chhubai naachhte men ek pel khaataa ai haatee" "haatee kaa dlaaibal haatee kee peeth pal ee totaa ai kyoonki dalaaibal ke binaa utako neend naeen aa chhakatee." is laast vaalee soochanaa ko lekar ek dafaa baagadabille aur lafattoo ke beech ek seminaar kaayapaddaa khelate vaqt aayojit kiyaa jaa chukaa thaa. baagadabille kaa vichaar thaa ki haathee pahalee baat to sote hee naheen aur agar sote hain to let kar aur vo bhee ultaa let kar. aise men mahaavat ke usakee peeth par sone kee baat tarkasngat naheen lagatee thee. baagadabillaa yah bhee kahaa karataa thaa ki agar mahaavat kaa dimaag kharaab hogaa tabhee vah baith kar sone kee naukaree karegaa. vah bhee ek jaanavar kee peeth par. lafattoo haarane haarane ko thaa jab usane apanee pratyutpannataa kaa parichay diyaa. "bete main to baith ke bee chho chhakataa oon aul khale ho ke bee."

kaayapadde ko snkshipt brek dekar usane khade hokar aankhen moondeen aur baakaayadaa kharraate nikaale. minat bhar yah thetar karane ke uparaant vah ek ped ke thoonth par baithaa aur fir se aankhen moond kar kharraate maarane lagaa. jab tak baagadabillaa kuchh tark soch paataa lafattoo chillaakar aankh maarataa huaa bolaa "aul bete haatee haatee hotaa ai aul daanaval daanaval ... bee yo o o o ee ..."

lafattoo ke udaaseen ho jaane se bantoo bheetar hee bheetar zyaadaa prasann aur santusht lagane lagaa thaa. choonki mere paas lafattoosaannidhyarahit samay kuchh zyaadaa rahane lagaa thaa, bantoo mere jeevan men charas bone kaa kaam zyaadaa sinsiyaritee ke saath karane lagaa thaa. apane videshee maamaa ke laae puraane saamaan men se usane ek tootaa huaa videshee parakaar mujhe bataur upahaar diyaa. is toote parakaar men pensil fnsaane vaale hisse kee keel toot gaee thee aur kisee bhee jugaad taikneek ke prayog se usakee madad se kisee bhee tarah kaa golaa naheen banaayaa jaa sakataa thaa. is toote parakaar kaa yoo es pee yah thaa ki usakee mooth par angrezee men saaf saaf ’med in inglaind’ likhaa huaa thaa. mere parsanal kalekshan men yah pahalee imported cheez thee. tanik jhenp aur asthaaee glaani ke baavajood mujhe bantoo kaa aisaa karanaa achchhaa lag rahaa thaa. mujhe pataa thaa ki lafattoo is kaam kaa har haal men saarvajanik virodh karataa.

bantoo ke snsarg men ajeeb hokalet taaip kee cheezon men man lagaanaa padataa thaa. idhar kuchh dinon se meree pensil kee maang zyaadaa ho gaee thee aur maan har roz pensil maangane par savaaliyaa nigaahon se dekhaa karane lagee thee. main use pichhale hee din lee gaee takareeban khatm ho chukee pensil dikhaa kar kahataa ki unako baar baar chheelanaa pad rahaa hai kyonki unakee nonken chheelate hee toot jaayaa kar rahee hain.

dar asal bantoo ne kaheen se yah vaijnyaanik soochanaa praapt kar lee thee ki pensil kee chheelan ko do hafton tak paanee men dubo kar rakhaa jaae to ve rabar men tabdeel ho jaatee hain. so ham dim bhar apanee pensilen chheelate aur apane apane plaastik ke toote dabbon men chheelan ko ikaththaa karate jaate. ye dabbe dhaaboo kee chhat ke ek mufeed hisse men rakhe jaate the jahaan jaakar har shaam ko apane apane chheelabhandaar kaa muaayanaa kiyaa jaataa. dasek din men ham donon ke dabbe takareeban bhar gae. ek din baakaayadaa niyat kiyaa gayaa aur in dibbon men paanee daalaa gayaa.

jaisaa taisaa khel vagairah chukane ke baad ghar jaate samay ham in dabbon ko naak tak le jaate aur gaharee saanson se soonghaa karate. do teen din tak to koee khaas boo naheen aaee par usake baad chheelan sadane lagee aur dabbon se gandee baas see aane lagee. "mere maamaa kaa ladkaa bataa rahaa thaa ki shuroo men badaboo aaegee par pandrah din men vah materiyal khushaboodaar rabad men tabdeel ho jaaegaa."

main asamnjas men rahataa ki bantoo kee baat kaa yaqeen karoon yaa naheen.

idhar lafattoone n sirf skool aanaa band kar diyaa thaa, vah hamaare saath tairane aanaa bhee band kar chukaa thaa. yah badalaav mere lie ek bahut badee parsanal traijedee thaa.

ek din tairaakee ke baad jab ham kaayapaddaa khelane ko pituvaa laate ke aam ke bageeche kaa rukh kar rahe the to mainne lafattoo ko dheemee chaal se hariyaa hakale kee chhat kee taraf jaate dekhaa. vah khaasaa mariyal ho gayaa thaa yaa lag rahaa thaa. n usakee chaal men vah matak bachee thee n sharaaraton men usakee koee dilachaspee.

addoo kaa peechhaa karate daudate hue bhee chor nigaah se mainne use hariyaa hakale kaa zeenaa chadhate hue dekh liyaa. dasek minat baad mainne bahaanaa banaakar hariyaa hakale ke zeene kee raah lee. hariyaa kee chhat par pahunchate hee mainne jis pahalee cheez par gaur kiyaa vah thee havaa men failee tattee kee mariyal see gandh. usake baad meree nigaah lafattoo par gaee jo hamaaree chhat par jaa chukane ke bajaay dhaaboo kee chhat par khadaa badee hikaarat se kisee cheez ko dhyaan se dekh rahaa thaa. usane mujhe dekhaa to usake chehare kee hikaarat ek digree badh gaee.

hamaaree chhat kee taraf koodate hue usane mujhase poochhaa: "ye dabbe men kutte kee tattee toone lakhee thee labal banaane ko?"

mere dabee zubaan men haan kahane par usane zameen par thookaa aur kahane lagaa "tootiyaa thaalaa! mainne kaa taa naa ki ye bantoo ke chakkal men palegaa to tootiyaa ban daaegaa"

main dhaaboo kee chhat par thaa. hamaare donon dibbon ke bheetar kaa badaboodaar gobar sareekhaa asafal vaijnyaanikee utpaad bikharaa padaa thaa aur vaaqaee bahut baas maar rahaa thaa.

main jab tak kuchh kahataa mujhe apane peechhe aa chuke bantoo kee aavaaz sunaaee dee "ye kisane kiyaa be?"

bantoo ko sunate hee lafattoo palataa. bantoo bol rahaa thaa "aaj raat kee baat thee be. mere maamaa kaa ladakaa bataa rahaa thaa ki kal se isamen khushaboo aa jaatee aur badhiyaa rabar ban jaataa." vah vaheen khadaa huaa thaa aur baas ke baavajood gobar ke bagal men khadaa banaa huaa thaa.

videshee maamaa ke bete kaa zikr aate hee lafattoo fat padaa "tele maamaa ke inglaind men banaate honge kutte kee tattee chhe labal chhaale. gabbal koee tootiyaa ai bete! ... aur chhun ..." itane dinon tak adrishy rahe lafattoo kaa yah roop mujhe bahut achchhaa lag rahaa thaa. meraa man kar rahaa thaa ki usakaa haath thaam kar seedhaa bamapakaude vaale thele tak bhaag chaloon. lafattoo ne haal men seekhaa huaa daayalaag jaaree kiyaa " bantoo bete vo damaane lad gae dab gadhe pakaulee hagate the."

lafattoo dvaaraa bantoo ko daante jaane kaa silasilaa koee do minat aur chalaa aur zaraa der men ham donon vaakaee bamapakaude ke thele kee taraf jaa rahe the. main aashvast thaa ki lafattoo ke paas paise zaroor honge. lafattoo ke sirf ek bamapakaudaa mngavaayaa. mere vaaste. "yaal mude manaa kalaa ai daaktal ne. too khaa."

pakaudaa usee divy svaad se labarez thaa. lekin us se milee oorjaa ke baavajood main lafattoo kee beemaaree ke baare men us se poochhane kee himmat naheen jutaa paa rahaa thaa. main ’dostee’ film kaa koee daayalaag bhee yaad karane kee koshish kar rahaa thaa.

chupachaap ghar kaa rukh karate hue lafattoo ne bas adde par rukee ek bas kee ot men peshaab karate samay mujhe bataayaa ki use roz raat ko bhayaanak bukhaar aataa hai aur vah so naheen paataa aur yah bhee ki shaayad kal use kisee bade daaktar ko dikhaane muraadaabaad le jaayaa jaane vaalaa hai.

mujhe raat ko bahut der neend naheen aaee. subah main skool jaane ko sadak par utaraa to dekhaa ki ek haathathele par lete lafattoo ko bas adde kee taraf le jaayaa jaa rahaa thaa. haath men gaanth lagaa ek thailaa thaame usake paapaa aage aage the. thelaa dhakelane vaale pahalavaan ke peechhe subakatee huee usakee dubalee maan thee aur usakee badee bahan. un ke theek peechhe ek aur thelaa chalaa a rahaa thaa jisamen roz kee tarah bhains kaa meet le jaayaa jaa rahaa thaa. sherasinh kee dukaan ke is hisse se mand gati se aa rahe haathee kee soond dikhaaee dene lagee thee.

mainne asahaay nigaahon se lafattoo kee taraf dekhaa. vah buree tarah kaanp rahaa thaa aur garmee ke mausam ke baavajood usane kambal odhaa huaa thaa. mujh se aur naheen dekhaa gayaa. apanee bhar aaee aankhon ke kinaaron ko jaldee jaldee ponchhataa huaa main skool kee taraf bhaag chalaa.

jyaaul, uras kee moofallee, morram aur brichchhaaraupad - 6

lafattoo aur main hariyaa hakale kee chhat faand hee rahe the jab peechhe se bantoo kee aavaaz aaee: "ruko main bhee aa rahaa hoon yaar." zeenaa utar kar ham doodhiye vaalee snkaree galee men the. saradaaranee kaa skool kee taraf jaane ke bajaae ham baaeen taraf vaalee galee men mud gae jahaan se hamen seedhe ghaasamndee pahunch jaanaa thaa. ghaasamndee kee tamaam dukaanon ke aage log morram ke juloos ke vahaan tak pahunch jaane kee prateekshaa men the. ham laalasinh kee dukaan par pahunche hee the ki bantoo par bhay kaa dauraa saa padaa. vah vaapas ghar jaane kee baat karane lagaa to lafattoo ne thookate hue kahaa: "dalapok thaalaa."

darapok kahe jaane se bantoo kaa svaabhimaan aahat huaa aur usane vaapas jaane kee yojanaa multavee kar dee.

"ab yaeen pal luke lao" lafattoo saadhikaar bolaa.

juloos hamaare ghar se aage nikal rahaa thaa aur ham tak pahunchaa hee chaahataa thaa. raat ghir aane ke baavajood baindagaadee ke aage seenaa peet rahe chhote bachchon men se kuchh ke parichit chehare pahachaane jaa sakate the. morram ke juloos ko chhat se dekhanaa aur baat thee yahaan use roo-b-roo apane nazadeek aate dekhanaa aur. dholon kee dhamak jaise hamaare peton se uthatee huee dimaag tak pahunchatee lag rahee thee. yah rongate khade kar dene vaalee aavaazen theen.

baindagaadee ke ek taraf do badee badee degachiyaan rakhee huee theen. bachche degachee-inchaarj ke paas jaate, usakee chirauree karate aur muththee bhar kuchh maal paa-khaa kar punh seenaafodeekaran men lag jaate.

baindagaadee hamaare ain saamane thee. degachee-inchaarj ko mainne pahachaan liyaa. bantoo ne bhee. vah bantoo logon ke ghar chalatee rahane vaalee shaashvat marammaton kaa nirdeshan karane vaalaa baharaa mistree thaa jo baar-baar bataae jaane ke baavajood kuchh n kuchh aisee vaastushilpeey gadabad kar diyaa karataa thaa ki ghar lautane par bantoo ke paapaa use kaalaa chashmaa lagaae lagaae hee daantanaa shuroo kar diyaa karate the.

degachee-inchaarj ne bhee hamen door se taad liyaa aur ishaare se apane nazadeek bulaayaa. bantoo ne ek pal kee bhee der naheen lagaaee aur ham baindagaadee ke ain bagal men the. bahare mistree ne khoob bade bade teen pattalon men maal bhar kar hamen thamaayaa aur ham bijalee kee gati se ghaasamndee ke us taraf pasoo aspataal se sate ek teele kee taraf bhaag chale.

pattalon men jalebee vaalee garam garam boondiyaan bharee huee theen. bantoo ne boondee ke musalamaan hone kaa zikr kiyaa to lafattoo ne hikaarat se us se kahaa : "mainne kaa taa tudate apane thaat aane ko? tude vaapat daanaa ai to daa. hataa thaale ko!"

bantoo vaakaee darapok nikalaa aur bhaagataa huaa vaapas apane ghar chalaa gayaa. ham boondee ke maze lene kee proses ke charam par pahunchane ko hee the jab achaanak ek karraa tamaachaa khopadee par padaa. jab tak main is prahaar se samhal paataa doosaraa tamaachaa padaa. do sekend ke bheetar ham donon baankure zameen par the. do jodee bade bade haathon ne hamaare pattal samet kar koode kee tarah uchhaal die.

ek lafattoo kaa badaa bhaaee thaa ek usakaa beedeekhor dost.

hamaare kaan doodhiye vaalee galee tak naheen chhode gae. chhat par kee bheed aakhiree taajiyon ko nikalataa dekhane men mashagool thee. doodhiye vaalee galee ke muhaane par hamaare kaan chhode gae jo lagataa thaa do-do hisson men bnt chuke the. lafattoo ke bhaaee ne mujhe chetaate hue kahaa ki mujh hosyaar bachche ko usake bhaaee jaise haukalet se door rahanaa chaahiye. yah bhee musaliyon ke haath kee banee mithaaee khaa chukane ke badale men shaayad kal subah tak hamaare haath jhad jaaenge. aur yah bhee ki lafattoo ko to ab ghar par dekhaa jaaegaa.

dard, apamaan aur chhotaa hone kee vivashataa ke baavajood mujhe lafattoo ke bade bhaaee ke ajnyaan aur gadhepan par taras aayaa. haath jhadane hote to ab tak jhad chuke hote. mujhe bhaashan diyaa hee jaa rahaa thaa jab achaanak bijalee kee tezee se lafattoo apane bhaaee kee giraft se nikalaa aur "hat thaale!" kah kar aage andheron kee taraf bhaagataa chalaa gayaa. donon bade use pakadane bhaage to mainne apane dukhate kaan par haath lagaayaa. vah salaamat thaa. juloos kee aavaaz ab utanee kaanafodoo naheen rahee thee. main choron kee tarah hariyaa hakale kaa zeenaa chadhakar dhaaboo kee chhat falaangataa apanee chhat ke kriket maidaan vaale hisse kee taraf aa kar tnkee kee ot ho gayaa. raat ke khaane kee yojanaaen banaatee aapas men batiyaateen manthar kadamon se neeche utaratee auraten theen. maidaan saaf thaa. mainne thodaa oonchee aavaaz men kuchh gaanaa saa gunagunaanaa shuroo kar diyaa taaki ve meree upasthiti se vaakif ho rahen

"ab kab tak chhat par rahegaa. chal haath munh dho ke kitaab hitaab padh! bahut ho gayaa musaliyon kaa taajiyaa faajiyaa. kal se skool bhee hai."

neend rah rah kar tootatee rahee raat bhar . mujhe sapanaa dikhataa thaa ki lafattoo kee dhunaaee ho rahee hai aur vah "bachaao bachaao" kee guhaar lagaa rahaa hai. lekin subah vah apanaa bastaa thaame lafndarasnket "bee...yo...o...o...ee.." ke saath mujhe bulaa rahaa thaa.

usakaa cheharaa soojaa huaa saa lag rahaa thaa. mainne usake bhaaee dvaaraa baad men kiye gae vyavahaar ke baare men jaananaa chaahaa par jhenp mahasoos huee. usane meraa haath pakadakar aankh maarate hue kahaa: "haat to naeen dhalaa yaar telaa muchhaliyon ke haat kee boodee khaa ke bee!"

skool men asembalee ke samay prinseepal saahab ke saath ek sajjan khade the. khaakee vardee pahane ye sajjan pulis to kataee naheen lag rahe the. par ek tarah kee afasaree dhaj unake bheetar se zaroor tapak rahee thee. raashtragaan ke baad prinseepal saahab ne kahanaa shuroo kiyaa: "bachcho aaj aap ko jngalaat vibhaag se padhaare siree josee jee kuchh achchhee achchhee baaten bataaenge. pahale unake svaagat men aap log geet gaaen." murgaadatt maastar ne haaramoniyam samhaal liyaa. is tarah achaanak geet gaane kee ham men se kisee kee taiyaaree n thee. nateezatan maastar debaanan murgaadatt kee karkash dhvani sabase alag sunaaee de rahee thee. haarmoniyam jaise relagaadee kee bagl men reng rahee maalagaadee jaisaa alag svaramnjariyon kaa khaufanaak samaan baandhe thaa. havaa men kareeb teen hazaar bachchon ke teen hazaar aaroh avaroh ek dusare ko kaat-peet-khasot-noch rahe the "aapi kaa suaagat hai sireemaan. aapi kaa suaagat hai sireemaan ..."

is bheeshan raag nochakhasot ke baarahataalaa drutatam taal par aane ke uparaant khaakee josee jee ne ek ek kar pahale to saare maastaron kaa naam le le kar dhanyavaad kahaa. usake baad galaa khnkhaar kar kareeb aadhe ghante hamaaree aisee taisee kee. hamaaree samajh men itanaa hee aayaa ki hamen ped lagaa kar dharaa ko bachaanaa hai. aur ped lagaane kaa yah kaam chaubees ghante, taazindagee karate jaanaa hai jabhee dharaa bachegee.

khaakee josee ke maaik se hatane par ek baar punh prinseepal saahab ne morchaa samhaalaa. "josee saahab ke nirdeshan men aaj kachchhaa chhai aur saat ke bachche brichchhaaraupad hetu kosee daam pe jaaenge. brichchhaaraupad ke uparaant bachche chaaen to skool aa jaaven chaaen apane ghar chale jaaven. kal ko kachchhaa aath aur nau ke bachche yahee kaarajakram karenge ..."

yaanee chhuttee. brichchhaaraupad shabd kaa matalab lafattoo kee samajh men naheen aayaa to usane mujh se poochhaa. mainne use batalaayaa to vah bor hotaa huaa bolaa: "ittaa saa paudaa lagaane kaa ittaa balaa naam. balee naaintaapee hai."

cheekhate, chillaate dhool udaate hamaaraa kaafilaa daam par pahoonchaa. daam ke bagal men bane bachchaa paark ke bagal se ek raaste par hamen oopar chadhne ko kahaa gayaa. aage lakadee kaa ek get thaa. get par kareeb paanch manahoos aadamee khade the jo soorat se hee kaamachor aur chaparaasee lag rahe the. unhonne dapatakar hamen "ek-ek kar ke saalo!" kah kar ek-ek paudhaa thamaayaa. zyaadaatar paudhon kee pattiyaan sookhee huee theen aur ve bhayaanak tareeke se maragille lag rahe the.

aadhe paun ghante men in paudhon ko jaise-taise zameen men dafanaa kar ham neeche paark men the jahaan khaakee josee, murgaadatt maastar aur nestee maastar urf vilaayatee saand kaheen se le aaee gaee kursiyon par viraajamaan ho chuke the. unake saamane ek mez dharee huee thee. aur aage ham bachchon ke baithane ko daree bichhaa dee gaee thee. jab saare bachche saital ho gae aur hallaagullaa kam huaa to vilaayatee saand khadaa huaa aur praarambhik anushthaan ke taur par usane pahale khvaakkadhvani ke saath thook kaa golaa apane peechhe kee dharaa par uchhaalaa, ek dakaar jaisee lee aur hamen soochanaa dee - "ab saare bachchon ko brichchhaaraupad kaarajakram ke satafikat baante jaaenge."

do ghante tak naam pukaare jaate rahe. har bachchaa mez par jaataa aur khaakee josee se satafikat grahan karataa. shuroo ke chaalees pachaas bachchon tak to utsaah banaa rahaa usake baad bachche dheere dheere adhamare honaa shuroo ho gae. dhoop alag thee. mez par lagaataar chaay kee saplaaee jaaree thee.

jab mez par dharee satafikaton kee gaddee khatm hone ko thee, ek jeep bagal men aa rukee. jeep se petiyaan nikaalee gaeen aur bachchon ko ek ek kar ek kelaa aur ek samosaa thamaate hue apanaa munh kaalaa kar ghar foot lene kaa aadesh diyaa gayaa.

lafattoo is sab se is kadar chat chukaa thaa ki usane paark se baahar aate hee samosaa aur kelaa nahar kee taraf "hataa thaale ko!" kahate hue uchhaal diye.

aur din hote to lafattoo ne mez kursee par baithee satat chaay sudakatee trayee kee kitanee hee mazaaken udaa lee hoteen lekin vah pichhale kuchh dinon se kisee doosaree aakaashagngaa ke kisee doosare sauramandal ke sudooratam grah men jaa basaa thaa.

brichchhaaraupad kaarajakram ke chauthe din asembalee men gobaradaaktar kee upasthiti ne hamaaree dilachaspee ko zaraa saa havaa dikhaaee. us din baarahaveen klaas ne brichchhaaraupad karane jaanaa thaa. gobaradaaktar ne bhee ped, paanee, dharatee vagairah ke baare men apanaa jnyaan baghaarate hue brichchhaaraupad kaarajakram kee mahattaa ko rekhaankit kiyaa. nakalee taaliyon ke baad prinseepal saahab ne bachchon ko soochit kiyaa ki gobaradaaktar kaa sthaanaantarad ho gayaa hai aur yah ki saaraa shahar unakee yaad men aane vaale kaee saalon tak rotaa rahegaa. pndit raamalaayak 'nirjana' ne apanee rachee ek geet-shrॄnkhalaa sunaaee jisakaa aashay yah nikalataa thaa ki chaand sooraj to tab bhee roz aate rahenge lekin raamanagar kee sadaken gobaradaaktar ke binaa kabristaan men tabdeel jaaengee kyonki ve ab kabhee yahaan naheen aaenge.

raamalaayak 'nirjana' ne pahale se hee manahoos is asembalee ko manahoosatar banaane men koee kasar naheen chhodee thee.

chhuttee jaldee ghoshit kar dee gaee. mainne lafattoo se bamapakaudaa khaane chalane ko kahaa to vah maan gayaa. mere paas thode paise the. bamapakaudaa khaa kar ham manthar gati se ghar kee taraf jaa rahe the jab saamane se daudataa huaa laalasinh ham tak pahunchaa.

"tum saale mauj kaat rahe ho vahaan tumhaare maal haldvaanee jaa rahe hain. ek baar dekh to lo haraamiyo un ko!"

ajeeb see naasamajh badahavaasee men ham bhaagate hue pasoo aspataal ke get par pahunche. trak men saamaan laadaa jaa chukaa thaa aur gobaradaaktar kee gaadee kee gatimaan jhalak bhar 'asafaak deree kendr aur sentara' ke mod par nazar aaee.

ham donon vaheen baith gae. lafattoo kaa cheharaa safed padaa huaa thaa aur aisaa lag rahaa thaa ki vah ab royaa tab royaa. main to nakalee aasik thaa so mujhe kuchchoo gamaloo ke chale jaane kaa aisaa koee afasos naheen ho rahaa thaa. mujhe lafattoo kee chintaa huee.

gharaghar karataa trak jab chal diyaa to ham haare juaariyon kee tarah pasoo aspataal ke ahaate men pravisht hue. vahaan shmashaan jaisee murdanee chhaaee huee thee. gobaradaaktar ke ghar ke andar koee jhaadoo kar rahaa thaa. agale daaktar ke rahane ke lie ghar taiyaar kiye jaane kee taiyaaree shuroo ho chukee thee.

ghar ke baahar puraanee petiyaan, ekaadh dariyaan aur koodaa kacharaa bikharaa thaa. lafattoo ne achaanak kuchh dekhaa aur bhaagakar koode se usane apanaa ratteepaiyaan baahar nikaalaa. ye vahee ratteepaiyaan thaa jise usane us din kaar kee savaaree khaane ke baad "haau kyoot! haau kyoot!" kahatee hamaaree ek skartadhaarinee bhaabee par nyauchhaavar kar diyaa thaa.

"hataa thaale ko! hataa thaale ko! ... hataa! " kahate aaveg men lafattoo ne ratteepaiyaan ke taar ko buree tarah tedhaamedhaa banaa diyaa. ratteepaiyaan ko lekar vah nahar kee dishaa men bhaagaa. mainne usakaa anusaran kiyaa. vah mere pahunchane se pahale hee ratteepaiyaan ko nahar ke havaale kar chukaa thaa. usane ek runaasee nigaah mujh par daalee aur bhaagataa huaa bhavaaneegnj kee taraf nikal padaa.

agale din itavaar thaa. hamaaraa digambaradal tairaakee kaaryakram ke uparaant kaayapaddaa bhee khel chukaa thaa. yaanee ghar jaakar kuchh khaane kaa samay ho gayaa thaa. lafattoo paanee ke bheetar nngaa nishchesht letaa thaa. sab jaa chuke to mainne us se ghar chalane ko kahaa.

"too daa yaal. main kut thot raa oon." kah kar usane tez-tez tairanaa shuroo kar diyaa jab tak ki vah meree nigaahon se ojhal n ho gayaa.

jyaaul, uras kee moofallee, morram aur brichchhaaraupad - 5

jyaaul ke ghar kaa khaanaa yaad aate hee munh men paanee bhar aataa. ek baar mainne jyaaul se aisaa kahaa to vah mere aur lafattoo ke lie alag se plaastik ke dabbe men matar kee taharee banavaa kar laayaa aur apanee ammee kaa sandeshaa bhee ki ham jab chaahen taharee khaane unake ghar aa sakate hain. balki isee itavaar ko kyoon naheen aa jaate.

intaraval men jab saare bachche khelamaidaan kee taraf bhaag chale ham teenon ne klaasaroom men rahakar hee apanaa gupt lnch kaaryakram aayojit kiyaa. chhotaa saa plaastik kaa dabbaa aur khaane vaale do bhukhaane sooramaa. n pet bharaa n man. par luft aa gaee.

agale do itavaar hamane jyaaul ke ghar is luft kaa klaaimeks bhee mahasoos kiyaa. is men baadhaa ban kar aaeen kuchh chhuttiyaan. jyaaul apane naanaajaan ke ghar farukkhaabaad chalaa gayaa thaa in chhuttiyon men.

hamaaraa digambar tairaakee aur poliyeshtaraambar kaayapaddaa kaaryakram apane urooj par aa jaataa thaa is tarah kee chhuttiyon men. ek baar thak kar choor ham log gharon ko laut rahe the to aise hee baaton baaton men is baat par bahas chal nikalee ki chhuttiyaan kis baat kee chal rahee hain. goloo ne apane paapaa ke havaale se batalaayaa ki kuchh tyauhaar ek saath pad gae aur beech men itavaar bhee. ek din baad morram thaa. morram maane koee musalamaan tyauhaar. pichhalee baar morram ke taaim ham log raaneekhet kisee shaadee men gae hue the. us morram ke taajiyon aur dhol-damaamon vagairah kee baabat lafattoo aur bantoo ne mujhe itane kisse sunaae the ki is tyauhaar kaa naam aane se mujhe kuchh utsaah mahasoos huaa.

idhar lafattoo ke vyavahaar men dheere dheere kuchh parivartan aane shuroo ho gae the. usane kaayapaddaa khelanaa band kar diyaa thaa. ham aam kee daaliyon par chadhe rahate aur vah paanee men doobaa adhadoobaa rahataa. bahut bolataa bhee naheen thaa. n shaamon ko kriket khelane aataa. haan har shaam laalasinh kee dukaan par ham zaroor jaate the. meree nigaahen pasoo aspataal ke get se lagee rahaa karateen par lafattoo kisee doosare grah par pahunch chukaa thaa. yadaa kadaa vah koee ashleel gaanaa sunaataa yaa kisee pikchar ke daayalaag taaki laalasinh usakee udaasee ko taad n le.

mujhe ustaad kaa yah roop kataee pasand naheen aa rahaa thaa. lekin main asahaay thaa. meree itanee taab n thee ki us ke lie kuchh bhee kar sakoon. main himmat kar ke gamaloo kuchchoo kaa naam le letaa to vah "hataa thaale ko yaal" kahataa sadak par pade pattharon ko latiyaataa door tak thelataa le jaataa. kabhee kabhee vah bilaa vajah apane aap se "hat thaale kee" kahataa.

lekin morram kee subah vah "bee ... yo ... o ... o ... ee. .." karataa sadak par se mujhe bulaa rahaa thaa. mainne jhatapat chappal pahanee aur apane shaantivan arthaat baune ke thele kee taraf chal pade.

"bete pitale chhaal itte bale bale dhol baj raye the morram pe ki kaan foot gae te. aul ite bale oonte unte taadiye ... aap chhamalleven ... tele ghal kee that tak. bantoo te poot lenaa. main to tude ye kaine aayaa oon ki too dalanaa mat dhol chhaale aite badate ain ... "

hamane peton men priy vynjan piroyaa aur bahut dinon baad farsh se chipak kar aadhe ghante koee pikchar dekhee.

morram ke juloos kee aavaazen shaam chaar baje se paakistaan ke kisee sudoor hisse se sunaaee denaa shuroo ho gaee theen. samay beetate beetate dholon kee thaapen tez hotee gaeen. kareeb saadhe chhh baje juloos paakistaan seemaa par thaa. hamaaree chhat par darshakon kaa majamaa lagaa huaa thaa.

bahut door tak logon kaa hujoom nazar aa rahaa thaa. juloos men beech beech men bade bade shaanadaar taajiye nazar aa rahe the. behatareen kalaakaaree ke namoone ye chamachamaate taajiye main pahalee baar dekh rahaa thaa. juloos men sabase aage baindavaalee ek gaadee par do bade bade dhol bajaae jaa rahe the. gaadee ke aage apanee chhaatiyaan peetate kareeb sau bachche the. ve baar baar gaadee ke paas jaate hai vahaan se unhen kuchh milataa jise apane munhon men thoonsakar ve seenaa fodane men jut jaate. peechhe pataa naheen kitane saare to taajiye the aur kitane log. baindagaadee hamaare ghar se dasek meetar door rah gaee hogee jab dhol bajaane vaalon ke bheetar jaise koee devataa ghus gayaa. khule seenon vaale chaar-chaar hatte katte aadamee dhol peet rahe the aur sachamuch ghar kee deevaaron kee ek ek eent bajatee mahasoos ho rahee thee. taajiye vaakaee bahut oonche the aur lagataa thaa ki oopar tnge bijalee ke taaron men lipajh jaaenge.

dholon kee aavaaz bilkul kaanafodoo thee. aisee uttejanaa mujhe kabhee mahasoos naheen huee thee. baindagaadee ke peechhe badee umr ke pagalaae se ladakon-aadamiyon ko apane seenon aur peethon par rassiyaan-sontiyaan barasaate hue "yaa alee yaa alee" kahate dekhanaa ajab sanasanee bhar dene vaalaa thaa. is saare kolaahal ko dekhate kuchh bhee sunaaee de rahaa thaa. mujh se sat kar khade bantoo kee lagaataar kamentree chaaloo thee. alabattaa lafattoo ne jab kaan se apanaa munh sataakar "tal bete" kahaa to us paagalapan ke beech bhee mainne usakee aavaaz sun lee. usane aankh maar kar mujhe apane peechhe aane ko kahaa.

(jaaree - kal agalee laast kist. har haal men. abhee kaheen jaanaa pad rahaa hai.)

jyaaul, uras kee moofallee, morram aur brichchhaaraupad - 4

haalaanki jyaaul ke ghar ham usake badde par jaa chuke the, yah baat mere parivaar men kisee ko maaloom n thee. raat ko khaanaa khaate vakt jab mainne agale din jyaaul ke ghar jaane kee anumati maangee to use mil hee jaanaa thaa kyonki pitaajee pahale hee mujhe usake saath dostee badhaane ko kah chuke the. maan ne thodaa saa moonh banaayaa aur bolee : "yaheen kyoon naheen bulaa letaa hai us ko? koee jarooree hai us ke yahaan jaanaa?"

"are jaane do yaar bachchon ko aise hee duniyaadaaree pataa chalatee hai" kah kar faisalaa mere paksh men sunaa diyaa gayaa.

agale din main taiyaar ho kar jyaaul ke ghar jaane hee ko thaa ki maan ne kahaa: "ruk ek minat ko."

vah bhaag kar mandir vaale kone men gaee aur vahaan kuchh der roon-roon jaisaa karatee rahee. vaapas aa kar usane mere maathe par bhabhoot kaa teekaa lagaayaa aur kaalaa dhaagaa meree garadan ke gird baandh diyaa: "vahaan khaanaa haanaa mat kuchh. aur dar lagegaa to hanumaan chaaleesaa kaa jaap kar lenaa. ek baje tere baaboo aa ke le jaaenge tujhe."

poorvanishchit kaaryakramaanusaar lafattoo mujhe bas adde ke peechhe khadaa milaa. mere maathe par bhabhoot lagee dekh kar bolaa: "abee too battaa ai bete. thotaa taa battaa." usakee mnshaa mujhe apamaanit karane kee naheen thee par mujhe apamaanit mahasoos huaa. mainne jhatake men maathaa roomaal se saaf kiyaa aur apanee maan ke ukt krity ko difend karate hue kahaa ki maan ne apanaa kaam kiyaa mainne apanaa.

usane meraa haath thaam ke kahaa: "bulaa naeen maanate yaal!"

himaalay taakeez paar karate n karate us par puraanee rau chhaa gaee. usane do ungaliyaan munh men ghusedakar seetee bajaanaa bhee seekh liyaa thaa. sattaar maikenik kee dukaan ke baahar usane is kalaa kaa pradarshan kiyaa aur jald hee "...uhoon ... uhoon ...daant tat ... daant tat ..." kee matakadaar chaal men pahunch gayaa. main hairaan ho jaataa thaa use dekh kar. abhee abhee isake paapaa ne isakee chamadee udhedee hai magar ye kisee se darataa hee naheen. usake mujh par aise aise ahasaanaat the magar usane ek baar bhee kisee kaa havaalaa dekar meree bejjatee kharaab naheen kee thee jaisaa bantoo har doosaree baar kiyaa karataa thaa.

jyaaul ke ghar par hamaaraa intazaar ho rahaa thaa. aasamaanee libaas ne aaj gulaabee rng chadhaa liyaa thaa. usane hamen door se dekh liyaa aur hamen usakaa "ziyaa bhaaee! ziyaa bhaaee!" kahate hue bheetar jaate bolanaa sunaaee de gayaa. jyaaul kee ammee ne hamaare siron par haath firaaye aur allaa-allaa chaabee-taalaa jaisaa kuchh kahaa. gulaabee libaas ne hamen "aadaab bhaaeejaan" kahaa aur andar kaheen chalaa gayaa. jyaaul hamen apane kamare men le jaate hue bolaa "ye hamaaree baajee hain"

'baajee' shabd kaa matalab poochhane kee himmat naheen padee - bas man men das-bees savaal bhar umade. jyaaul ke paas bahut saaree kitaaben theen. mainne itanee kitaaben dukaan ko chhodakar kabhee-kaheen naheen dekhee theen - kitaaben kuchchoo gamaloo ke paas bhee theen par jyaaul kaa kalekshan avishvasaneey thaa. jyaaul ne hamen spailing vaalaa khel khelane kaa prastaav diyaa. lafattoo ne ek lotapot nikaal lee thee aur vah kisee bhee tarah kaa khel khelane ke mood men n thaa. "tum dono khelo yaal. mude naeen aatee inglit finglit! ..."

hamaaraa skraibal kareeb ek ghantaa chalaa. is daramyaan sharabat, sinvaee, samose ityaadi kaa bhog lag chukaa thaa. hamaare skraibal ko gulaabee poshaak baajee ke roop men ek umdaa darshak mil gayaa thaa. baajee shaayad jyaaul se ekaadh saal badee theen. har nae shabd par "bahut achchhe bhaaeejaan!" kahanaa unakaa taazaa takiyaa kalaam thaa shaayad.

lotapot men nakalee vyast lafattoo ne apanaa cheharaa is kadar chhupaayaa huaa thaa ki agar aadhe ghante vahaan rahane par baajee "aap naheen khelenge?" naheen poochhatee to ham use bhool hee jaate. "lafattoo ko khel pasand naheen hain. use komik achchhe lagate hain." mainne lafattoo kaa bachaav karate hue kahaa. "koee baat naheen, koee baat naheen" kahakar unhonne hamaare utsaahavardhan men jut jaanaa behatar samajhaa.

skraibal ke baad ham log baahar baraamade men aa gae. saamane nahar bahatee thee aur door tunnaakarmasthalee yaanee kosee daam kee jhalak dikh rahee thee. "aao bachcho! khaanaa lag gayaa!" andar se jyaaul kee mammee kee aavaaz aaee to meree foonk sarak gaee.

sinvaee, samose, sharabat tak to theek thaa par pooraa khaanaa. agar ghar men maan ko pataa lag gayaa to? aur maan liyaa khaane ko gaay-haay huee tab? ... main koee bahaanaa soch hee rahaa thaa ki lafattoo ne meree baanh thaamee aur aashvast karate hue apane saath bheetar daaining tebal par le chalaa. badhiyaa saaf safed tashtariyaan kareene se lagee huee theen. jyaaul kee ammee ne matar kee khushaboodaar taharee aur dahee ke donge khole aur bolee "bachchon ke hisaab se mirch bilkul naheen daalee hai bete. lo."

jeevan men mainne tab tak naheen jaanaa thaa ki matar kee taharee jaisee saadaa cheez is kadar svaadisht bhee ho sakatee hai. use sootate hue n to maan kee baaten yaad aaeen n tahamat se dhnke meet se lade haathathele kee. khaanaa khaa chukane ke baad muraadaabaadee ghevar milaa bataur sveetadish.

hamaare jaane kaa samay hone ko thaa aur main pitaajee kaa intazaar kar rahaa thaa jab jyaaul kee ammee ne bataayaa ki aofis se chaparaasee aakar bataa gayaa thaa ki pitaajee vyast hone ke kaaran naheen aa sakenge. mujhe thodaa tasallee huee ki vaapasee men lafattoo aur main kuchh der aur mauj kar sakenge.

jyaaul, usakee ammee aur baajee hamen kaalonee ke get tak chhodane aae. "aate rahanaa betaa! varanaa ziyaa to akele men har bakhat kitaabon men hee munh daale rahate hain. ghar par sab ko hamaaraa salaam kahanaa."

musalamaan ghar men lnch kar chukane jaisaa avishvasaneey kaaranaamaa kar chukane kaa sadamaa ekaadh minat rahaa jab lafattoo bolaa: "d‍yaaul kittaa att ai naa. aur utakee mammee bee." vah vichaaramagn hone ko thaa jab mainne musalamaan ghar men lnch karane ke baabat usake vichaar poochhe. "ale hataa yaal! itte pyaal chhe to melee mammee ne mude kabee naeen khilaayaa. kut naeen hotaa muchhalamaan huchhalamaan! bat ghal pe mat kainaa. d‍yaaul te main kai doongaa ki tele ghal pe naeen kaegaa."

ghar par chhotee bahanon ke sivaa koee n thaa. ve apanee gudiyon ke bachakaane khelon men mubtilaa theen. mainne itmeenaan kee saans lee ki turant khaanaa khaane ko koee naheen kahegaa. deh men garadan garadan talak svaad ataa huaa thaa.

ek shaam ham kriket khel rahe the. lafattoo hariyaa hakale kee chhat par pahunchaa dee gaee gend laane gayaa. is baar gend asal men doodhiye vaalee galee men chalee gaee thee. inheen dinon feelding men yah niyam laagoo kiyaa gayaa thaa ki sadak yaa doodhiye vaalee galee men gend pahunchaane vaale ko hee use laanaa hogaa. lafattoo ne apanee svaynsevee feelding snsthaa band kar dee thee.

bantoo neeche gayaa to main aur lafattoo chhat kee munder par apanee mundiyaan tikaae neeche jhaank kar dekhane lage. bantoo ko gend nazar naheen aa rahee thee aur vah idhar udhar khoj rahaa thaa. achaanak hamaare ain neeche hariyaa ke ghar kaa daravaazaa khulaa aur hamaaree ummeedon ko grahan lagaataa kuchchoo-gamaloo kaa khilakhil karate baahar aanaa ghatit huaa. unake peechhe peechhe hariyaa nikalaa aur usake baad hariyaa kee bahan aur usakee maan.

"ho gaee bete telee bhaabee kee thaadee fitt haliyaa ke taat. main kai laa thaa naa thaale ne fntaa liyaa ai utako."

jab tak bantoo gend laataa, ham donon baune ke thele kee taraf nikal chuke the. idhar mere maamaa aae the. aur jaane se pahale sab se chhipaa ke mujhe paanch kaa not de gae the so paise kee ifaraat thee. bamapakaudaa pet men jaate hee hamaare dimaag thodaa sthir ho jaayaa karate aur tab aisee snkatapoorn velaaon men ham kisee bhee vishay par lojikalee soch paate the.

"tal. laalachhing ke paat talate ain."

laalasinh kismat se dukaan par akelaa baithaa maachis kee teelee kee madad se kanagoo nikaal rahaa thaa. hamen dekhaa to usakaa cheharaa achaanak khil gayaa. "itte taim se kaan the be haraamiyo."

doodh-biskut kee mauj kaatee gaee. laalasinh ne tad se hamaare saamane savaal uchhaalaa: "gobaradaaktar to jaa rahaa haldvaanee. traansafar ho gayaa bataa rahe the. ab teraa kyaa hogaa kaaliyaa?" usane pyaar se lafattoo kee thodee sahalaaee.

"honaa kyaa ai. aapakaa namak khaayaa hai chhalakaal" apratyaashit roop se kaaliyaa ban gayaa lafattoo. fir jaldee se paalaa chenj kar ke gabbar ban kar bolaa: "le bete ab golee khaa!"

apane nanhe haathon ko jodakar usane pistaul kee soorat dee aur apanee hee kanapatee par lagaa kar kahaa: "dhichakyaaoon! dhichakyaaoon! dhichakyaaoon!" aur mar gayaa. laalasinh hnsate hnsate pagalaa gayaa thaa. "saalo jaldee jaldee aayaa karo yahaan. ittee boriyat hotee hai saalee."

laalasinh lafattoo kee aikting se impresd thaa par mujhe pataa thaa yah lafattoo kee difens maikenizm kaam kar rahee thee apane oopar aae aise vyaktigat vishaad ke atirek se ladane ko. lafattoo to tab bhee naheen royaa thaa jab usake paapaa use sadak par nngaa kar ke jallaadon kee tarah thur rahe the.

naheen. lafattoo tab bhee naheen royaa.

n tab. n baad men.

(jaaree - kal agalee laast kist)

pichhalee kadiyaan:

pahalaa hissaa

doosaraa hissaa

teesaraa hissaa