mainne aapake paas inhen bhejaa hai.... in logon kaa apane ghar par deevaalee ( 5 Nov 2010) shukravaar ko svaagat karen.

sabhee blaagar evn paathak ,
mainne kaee logon ko aap logon ke ghar kaa pataa aapase binaa poochhe de diyaa hai.....
meree aapase praarthanaa hai ki aap in logon kaa svaagat apane ghar par jaroor karen.....
ye log snbhavath...dinaank paanch navambar ( 5th November-2010) shukravaar ko.....
deepaavalee ke din aapake ghar par pahunchenge.
mere dvaaraa bheje gae logon kaa vivaran main neeche de rahaa hoon.....
aap inake svaagat kee taiyaaree karenge ...aisaa mujhe vishvaas hai....
ye log hain......
1) yash,
2) keerti,
3) vaibhav,
4) snpadaa,
5) khushee,
6) shaanti,
7) dhanalakshmee,
8) eshvary,
9) samriddhi,
10) unnati,
11) sntosh,
12) prem,

in logon se milakar aapako kaisaa lagaa...aap mujhe jaroor bataaen.....
shubh deepaavalee... sabake lie mngal kaamanaa....

kaary...snbndh...sntulan...tapasyaa....

jo log kaary ko pahalee praathamikataa dete hain, ve achchhe sambandh banaane men peechhe rah jaate hain....


aur jo log sambandh banaane ko pahalee praathamikataa dete hain, ve kaary pooraa karane men pichhad jaate hain....


kaary aur sambandh ke beech sntulan banaanaa tabhee snbhav hai jab aap madhy maarg ko apanaate hain....


lekin yah bhee kaee logon ke lie bahut hee kathin hai....sntulan banaanaa hee asalee tapasyaa hai.....

dhaaranaa....poorvaagrah......milaavat....

ham cheejon ko us roop men naheen dekhate hain jis roop men ve hotee hain...

ham use us roop men dekhate hain jaisaa ham dekhanaa chaahate hain....

yaani ham apanee dhaaranaa yaa poorvaagrah kee milaavat karake kisee cheej ko use ashuddh roopame dekhate hain.......

raam aur krishn ke vyaktitv men bhinnataa.....

aaiye dekhen raam aur krishn ke vyaktitv men bhinnataaen is bhajan ke maadhyam se.......

http://www.totalbhakti.com/members/bhajans.php?play=3774&startPostion=20&singerName=Anup+Jalota&visit=visit

raashtramndal khelon par aaj bharee padaa kriket men bhaarat kee jeet --midiyaa men chhaayaa rahaa kriket...

raashtr mndal khelon ke kavarej teevee chainalon par bahut kam aa rahe hain...
test maich ke kavarej pahale din se hee in khelon par bhaaree pad rahen hain...
kaee baar vibhinn chainalon par gayaa lekin medal tailee kaa list kaheen dikhaaee naheen de rahaa....
haan...kriket kaa skor-bord jaroor dikhaaee padaa.....

ayodhyaa faisale ke baad bhee kaee netaa bhadkaaoo bayaan dene se baaj naheen aa rahe.

ayodhyaa kaa faisalaa bhaarateey jan maanas kee bhaavanaaon ko lagabhag pooree tarah pratibinbit karataa hai...
aakhir maananeey jaj log bhee to isee samaaj men rahate hain....

fir bhee vot kee raajaneeti ke kaaran kaee netaa apane bayaan kuchh is tarah se de rahen hain, jisakaa lakshy unakaa vot baink hee hai.....

ye netaagan ye bhool hee jaate hain ki ab bhaarateey jan maanas paripakv hotaa jaa rahaa hai....

unake puraane faarmoole ab nayee peedhee par naheen chalane baale hain....

ayodhyaa kaa faisalaa bhaarat ke lie ek bahut badee parakh---faisale ke peechhe chhupe honge kaee faisale

jab aap ye post padh rahe honge tab tak ayodhyaa par faisalaa aa chukaa hogaa.....
mere vichaar se yah faisalaa bhaarat ke lie kisee esid-test (ACID-TEST) se kam naheen hone vaalaa hai.
is faisale ke peechhe kaee any faisale bhee chhupe honge . is faisale se kaee cheejon kee parakh bhee ho jaayegee.
bhaarat ke sabhyataa evn snskriti se judee kaee cheejon kee parakh is faisale se hogee....bhale hee vivaadaaspad rah jaae....

is faisale se nimnalikhit vinduon kee parakh bhee hogee :-

1) aitihaasik dharoharon ke rikaard rakhane kee vyavasthaa.
2) jameen jaayadaad ke rikaard rakhane kee vyavasthaa
3) saanpradaayik sadabhaav kaa tikaaupan
4) bhaarateey snskriti kee sthirataa
5) bhaarateey snskriti kee sahishnutaa kaa prabhaav
6) bhaarateey netritv kee parakh
7) videshon men bhaarat kee chhavi
8) bhaarateey nyaay-vyavasthaa kee parakh
9) bhaarat ke aadhyaatmik itihaas kee parakh
10) kaanoon vyavasthaa kee parakh

aise aur bhee kaee vindu honge jo daanv par honge......
main bhee ab faisale kaa intajaar kar rahaa hoon...nyaayaalay kaa bhee .....aur aapakaa bhee....namaskaar......

jindagee.....jeevan....

jeevan kaheen bhee thaharataa naheen hai.......

aandhee yaa toofaan se darataa naheen hai.....

too n chalegaa....to chal degee raahen.....

mnjil ko tarasegee teree nigaahen....

tujhako chalanaa hogaa.....

tujhako chalanaa hogaa.....

jaanch kaa ganit evn manovijnyaan----maths and psycology of inspection

INSPECTION

K M PRASAD, Sr. MANAGER(X),BWS, DUMPER,JAYANT,NCL

MATHEMATICAL ASPECT OF INSPECTION

Frequency of inspection should be more than the frequency of breakdown.

· Frequency of inspection should be more than the frequency of preventive maintenance.

· Frequency or total number of inspection should be more than the total frequency of breakdown and frequency of preventive.

· Number of items inspected should be more than the items mentioned in check-list during preventive maintenance.

· Number of items inspected should be more than the number of items failed in case of any breakdown occurs, to find out consequential failure of other parts.

· Time period of inspection should be less than shift changing time for running machine.

· Time period of inspection should be less than Tiffin break time for running machine.

· Time period of inspection for breakdown machine should be less than 10% of mean time to repair (MTTR), i.e. average time of repair for a particular fault, during a year.

· Time period of inspection should be less than 25% of active repair time (ART), i.e. actual time required for repair for individual failure .

· Time interval between inspections for a particular component should be less than mean time between failures (MTBF).

PSYCOLOGICAL ASPECT OF INSPECTION

·

People do what is inspected, not what is instructed.

· Truth is checked, verified and confirmed by surprise inspection only.

· People or crews responsible for doing the work normally avoid inspection due to fear of work to be done by them.

· People or crews responsible for doing the work normally hide the problems after inspection due to fear of work to be done by them.

· People or crews responsible for doing the work normally hide the problems after inspection due fear of punishment for not carrying the job earlier.

· People, who cannot do or act, take interest in either inspection or giving suggestions and direction.

· Person not responsible for doing the work is a good inspector.

· People do not inspect what is to be inspected, they inspect what they want to inspect.

MANAGERIAL ASPECT OF INSPECTION

· Inspection gives information about health status of machine or component.

· It helps in assessment of amount of work to be done.

· It helps in planning, preparation and execution of work.

· It helps in selecting the priority area of work.

· It helps in better deployment of manpower depending upon the nature of job.

· It helps in better use of low skilled manpower.

· Early detection of minor fault helps in arresting major breakdown or consequential failures.

· Early detection of fault provides more time for planning, preparation and execution and hence helps in arresting crisis and breakdown trap

· It helps in cost reduction by arresting major faults.

· Better resource management(man, material, infrastructure, time)

mukhy mntree niteesh kaa doosaraa post hindee men ..http://nitishspeaks.blogspot.com

bihaar ke mukhy mntree niteesh kumaar kaa doosaraa post unake blog par hindee men aayaa hai.... pahale post men angarejee ke kaaran unakee kaafee chheechhaaledar machee thee, khaasakar unake hindee pattee ke mukhy mntree hone ke kaaran.... hindee blog jagat ko unase kaafee shikaayat bhee thee....

unake post kee kuchh mukhy baaten is prakaar hain....
ve likhate hain--

"mere pahale post ke ek saptaah men saikadon respons mile hain sach kahoon to iname se kaee mere lie behad upayogee aur prerak hain chaahe arariyaa jilaa ke mo raashid rajaa hon yaa haidaraabaad ke vishvajeet yaa fir amerikaa se seemaa ..... in sabane un pramukh binduon kaa bakhoobee jikr kiyaa hai jinakee badaulat bihaar men badalaav kaa maahaul sugathit hotaa jaa rahaa hai."


"aapake snvaad mere lie atynt preranaadaayak hain."


"aapakee tamaam vyastataaon ke baavajood bahumooly respons bhejane ke lie main aapakaa aabhaaree hoon . har ek kaa jabaab de paanaa shaayad mumakin n ho . saptaah bhar men saikadon respons ke jariye vyakt kiye gae aapake vichaar n keval saraahaneey hain balki mere lie behad aham hain . inhen padhane ke baad main tathasth aur adig mahasoos kar rahaa hoon . inamen bihaar ko naee oonchaaee tak le jaane vaalee laakho preranaaen saaf nihit dikh rahee hain jo bhavishy men yah sunishchit karegee kee raajy men avasaron kee upalabdhataa logon kee kshamataaon aur ummeedon ko paripurnit kare."


"mere pahale hee post par aapake itane saare vichaar mujhe inhen praathamikataa men rakhane ko prerit kar rahe hain . meree koshish hai kee agale post men main in par charchaa karoon ."


ab lag rahaa hai ki kaee hindee blogar unake blog par jyaadaa vijit karenge aur apanaa kament bhee de sakenge....

doodh aur dahee se seekhen jeevan kee kadvee sachchaaee...(laddoo bolataa hai...injeeniyar ke dil se...)

doodh kee mahattaa sabhee jaanate hain aur dahee kee bhee. lekin main aaj dahee ke sahaare jeevan kee kuchh sachchaaee aur mainejament evn netritv se isakaa sambandh jod rahaa hoon... doodh to pashu evn maanav sabhee ko naseeb hotaa hai lekin dahee manushy kaa ek adbhut avishkaar hai. doodh praakritik roop men paayaa jaataa hai , lekin dahee jmaanaa yaa banaanaa keval manushy ke hee vash kee baat hai.


doodh jab apane aap fat jaataa hai to kharaab ho jaataa hai... doodh ko bachaae rakhane ke lie jyaadaa mehanat karanee padtee hai. baar-baar ubaalanaa padtaa hai... yaa fir frij men rakhanaa padtaa hai.. is pooree prakriyaa men samay evn dhan donon kharch hotaa hai.. usake baavajood usakee upayogitaa evn gunavattaa barakaraar rahane kee gaarntee naheen hai.


jindagee men har achchhee cheejon ko barakaraar rakhane men aisee hee mehanat, oorjaa evn samay kee aavashyakataa hotee hai. khaas kar un cheejon ko jo hamen sahaj, saral evn praakritik roop men upalabdh hai.


ab dahee par aate hain... doodh ko jab ham jaanaboojh kar kisee vishesh prakriyaa se faadte hain to dahee banataa hai yaa jamataa hai.... yaani ki doodh kaa roopaantaran hotaa hai... doodh se dahee banaane kee vidhi keval manushyon ko hee aataa hai.


dahee men n keval doodh ke saare gun maujood rahate hain valki yah jyaadaa supaachy hotaa hai... dahee men doodh se jyaadaa paushtik cheejen hotee hain... yah jyaadaa tikaaoo bhee hotaa hai.. thodaa khattaa ho jaane par bhee upayogee hotaa hai..


dahee dekhane evn mahasoos karane men doodh se kadaa maaloom hotaa hai lekin sabhee jaanate hain ki yah gun men doodh se halkaa evn behatar hotaa hai.


agar aap jindagee men achchhee cheejon ko jyaadaa samay tak barakraar rakhanaa chaahate hain to usakaa roopaantaran jarooree hai...doodh se dahee kee tarah...


dahee banaane kee prakriyaa hamen yah bhee sikhaatee hai ki bahut baar kisee gun kaa parivaartit roop doodh faadnaa yaa dahee jmaane jaisaa hee jyaadaa upayogee evn kalyaanakaaree hotaa hai... agar makasad sahee ho to...


jaise shuddh doodh kaee logon ko naheen pachataa hai vaise hee aapakaa shuddh gun bhee kaee logon ko naheen pachegaa.. aap apane vishesh gun ko dahee kee tarah roopaantarit kar len.


agar aap apane khoobee ko doodh kee tarah rakhanaa chaahate hain to usake fat jaane kaa khataraa aap uthaa rahe hain...


baaharee paristhitiyaan aapake shuddh gun ke doodh ko kabhee bhee faad sakatee hai... aapako use bachaane men edee-chotee kaa jor lagaanaa padegaa... aap ke paas samay aur urjaa kab tak rahegee..?


agar aap sachamuch kisee kaa bhalaa chaahate hain to use doodh se dahee men roopaantarit hone men madad karen.


doodh kee saralataa, mainej karane men jatilataa utpann karatee hai... evn dahee banaane kee jatilataa use n keval mainej karane men saralataa kaa kaaran banatee hai valki badalaav laakar usakee upayogitaa , gunavattaa evn tikaaupan ko badhaatee hai..


jatilataa ko snbhaalanaa mainejament hai lekin badalaav ko snbhaalanaa netritv hai....

aap dahee ban jaaie.... tike bhee rahenge,.... doodh ke saare gun ke saath ke atirikt.... aur bhee gun aa jaayenge , logon ke lie n keval supaachy honge balki sveekaary bhee .... bas roopaantaran chaahie.... shuddh doodh logon ko aasaanee se naheen pachataa hai....

niteesh kumaar , bihaar ke mukhyamntree ke blog par pahale post men hee 580 se bhee jyaadaa kament ..4099 se jyaadaa paathak lekin chir-parichit blaugaron kaa abhaav...(ye to ghamaasaan men ulajhe hain.)

aaj mainne bihaar ke mukhy-mntree shree niteesh kumaar ke blog--http://nitishspeaks.blogspot.com par vijit kiyaa. pahalaa post hee aayaa hai dinaank 19 aprail ko. pahale hee post par ab tak 580 se jyaadaa kament aa chuke hain. unake profaail par 4100 se bhee jyaadaa log vijit kar chuke hain. lekin sabase jyaadaa chaukaane baalee baat yah hai ki kament dene baale logon men chir -parichit blogar gaayab hain.

daraasal adhikaansh blogar to yahaan ghamaasaan men lage hain ki kaun achchhaa hai...kaun buraa hai..? kaun sahee hai..kaun galat hai..?

ham adhikaansh blogar ke saath samasyaa yahee hai ki jahaan apane vichaar rakhane chaahie vahaan to rakhate naheen hain... bhains ke aage been bajaate rahate hain aur apane ko sabase badaa teesamaarakhaan samajhate rahate hain... jab bihaar ke mukhyamntree, jo ek raajy ke niyntaa hain, ke blog par ham apanee baat naheen rakh sakate to adane-padane blogar ke post par apanee baat rakh kar apane desh kaa kitanaa bhalaa kar lenge.. ?

yah baat bhee ho sakatee hai ki hamaaree yaa aapakee baat n sunee yaa maanee jaay lekin ek snbhaavanaa to banatee hee hai... fir aisaa avasar kaun mukhy mntree detaa hai ki aap apanee baat rakh saken... ?

bihaar ek pichhadaa raajy hai. lekin niteesh jee ke is tarah blog par aane se bloging kee sveekaaryataa badhegee. main to ise bihaar men knpyootar kraanti kee ek nayee shuruaat ke roop men dekhataa hoon...

aap log bhee dekhenge ki ab bihaar se n keval bloging men valki knpyootar ke kshetr men jald hee bhoochaal aane baalaa hai...

raajanitik taur par bhale hee vivaad ho lekin yah blog bihaar ke logon men nishchit hee preranaa badhaane vaalaa saabit hone vaalaa hai...

mainne bhee liyaa bloging se brek...likhanaa kam..kament karanaa kam...padhnaa jyaadaa....(laddoo bolataa hai....injeeniyar ke dil se....)

mainne ab blog par likhanaa aur kament karanaa bahut kam kar diyaa hai..... jaisaa ki mainne pahale hee apane post par ishaaraa kar diyaa thaa ki bhale hee blog par post likhanaa kam kar doon , padhnaa jaaree rakhoongaa....

main kisee se koee shikaayat naheen kar rahaa hoon.... bas samajh lijeeye ki main ab lnbe-lnbe brek ke baad hee likhoongaa....

haan is baat kaa mujhe afsos rahegaa ki pichhale do -dhaaee maheene men jitane bhee foloar bane , jin logon ne mere blog par vijit kiyaa, jin logon ne mere post ko pasnd yaa naapasnd kiyaa... un sabhee ko mere kam post se takaleef hogee...

vaise bahut se log jo mere post se naaraaj honge yaa naapasnd karate honge , ve khush bhee honge...

bloging ek nayee vidyaa hai... isamen bahut snbhaavanaaen hai... bhavishy ujjaval hai....

ful taaim blogar ko main naman karataa hoon... nae blogar ko shubh kaamanaaen detaa hoon...

puraane aur safal blaugaron ko main dhanyabaad detaa hoon jinake blog evn post se mujhe kaafee kuchh seekhane ko milaa.... protsaahan bhee milaa.... preranaa bhee milee....

ant men .... main bloging chhod naheen rahaa hoon.... kam kar rahaa hoon.... padhnaa jaaree hai.... kyonki pitaajee ne kahaa thaa.----padhnaa chaahie....

choonki main nayee-nayee cheejon ko jaanane -samajhane kaa shauk rakhataa hoon... ath chhodne kaa to savaal hee naheen hai....

jab ek hindoo maan apane bachche ko namaaj ke samay masjid bhej detee...bhaag-teen ( samaapan)

maan ke anusaar bachchon ko namaajiyon ke paas bhejanaa usakaa vishvaas hai.... vah kahatee hai ki andhavishvaas to tab hotaa jab vah keval namaajiyon ke oopar nirbhar rahatee.... yaa is tarah ke jhaad-foonk par nirbhar rahatee....

vah kahatee hai ki bachcho ko najar naheen lagegee yah usakaa vishvaas hai.... andhavishvaas to tab kahaa jaaegaa jab yah kahoon ki najr naheen hee lagegee...

usake anusaar kattarataa tab kahee jaayegee jab kisee kee ichchhaa ke viruddh agar koee jabaradastee bachchon ko namaajiyon ke paas bheje... matalab agar apanaa vishvaas yaa andhavishvaas kisee ke oopar thope....

maan ke in baaton ko jab usake any aacharan se tulanaa karataa hoon to paataa hoon ki-----

maan ne kabhee hamalogon ko masjid jaane ke lie baadhy naheen kiyaa....

2)

e hindoo mahilaa hone ke baavajood usane hamalogon ko ghar men bhee poojaa-paath ke lie kabhee bhee baadhy naheen kiyaa... aaj bhee ghar men kisee ke oopar isakee baadhyataa naheen hai... meree bhee roj poojaa-paath karane kee aadat naheen hai... keval vishesh parv-tyohaaron par hee fool chadhaakar yaa agarabattee jalaakar aupachaarikataa pooree kar letaa hoon..

3)

jhaad-foonk ke oopar mere ghar men kataee vishvaas naheen hai....kisee ko bhee...

4)

jabaki meree maan roj subah poojaa karatee hai... hamalogon ke naashte ke plet men poojaa kaa prasaad (mishree, tulasee,...yaa any padaarth ) jaroor rahataa hai...

5)

usakaa maananaa hai ki poojaa –paath vyaktigat vishvaas kee cheej hai... man kare to karo... n kare to n karo....

jab maan kee any baaton kaa, bibhinn pustakon, bibhinn dharmon , any logon ke vichaaron kaa vishleshan karataa hoon to main yah nishkarsh nikaalataa hoon ki-----

namaaj kee pooree prakriyaa ek tarah kee dhyaan kee vidhi hee hai....yaani...medeeteshan.... jisase manushy kaa chitt saaf hotaa jaataa hai... bure vichaar aane kam hote jaate hain... manushy shaanti aur sadabhaav kee or aage badhtaa hai.... ahnkaar kaa star kam hotaa jaataa hai....

maan snbhavath isee tarah kee saaf chitt kaa jikr namaajiyon ke lie karatee hai.... hindoo dharm aur any dharm men bhee bibhinn prakaar ke medeeteshan yaa dhyaan ke oopar itihaas men jor rahaa hai...

maje kee baat yah hai ki sabhee dharmon men medeeteshan ko lekar koee matabhed naheen hai... vidhiyaan bhale hee alag alag ho... paddhati bhale hee alag alag ho... islaam men bhee aisaa hee hai... yahee kaaran hai ki islaam men bhee niraakaar par jor hai...

islaam kee shuruaat kareeb chaudah sau saal pahale huee , yaani hindoo aur eesaaee dharm ke baad... iseeliye hamaare hindoo poorvaj namaaj ko dhyaan ek nayee kee vidhi maanate rahe hain.. yahee kaaran hai ki namaajiyon ke prati hinduon men shraddhaa hotee hai... bhale hee unakee jeevan paddhati alag ho gayee ho.... meree maan bhee aise hee poorvajon kaa pratinidhittv karatee hai.... jisane apane poorvajon se sunaa hogaa yaa seekhaa hogaa.... yaa keval dekh kar hee maan rahee hogee....

daraasal praayh aisaa hotaa hai ki hamalog apane baap-daadaaon ke vichaaron ko, upadesh ko, seekh ko binaa heel-hujjat ke maan lete hain... maanane kaa mukhy kaaran upadesh yaa vichaar kee gunavattaa par najar kam hotee hai... unake paravaah yaa keyaring ke oopar jyaadaa hotee hai.... ki ve jo bataaenge yaa karenge, bhale ke lie hee karenge....

vahee upadesh jab dusare dete hain aur uname paravaah yaa keyaring kaa bhaav naheen hotaa hai tab hamen maanane men pareshaanee hotee hai...

dhyaan dene baalee baat yah bhee hai ki ---

ved kaa arth hai— “ jo kahaa gayaa hai...”

kuraaan kaa bhee arth hai--- “ jo kahaa gayaa hai...”

maje kee baat hai ki ye jo dharm granth hain, dharm pravartakon dvaaraa bole gae hain...., unako lipibaddh unake saathiyon yaa anuyaayion ne kiyaa hai....

ab sochiye, bolane men shabdon kaa utar-chadhaav hotaa hai.... haav-bhaav men utar-chadhaav hotaa hai... kisee shabd par jyaadaa jor , kisee vaaky par jyaadaa jor ....ityaadi... ityaadi...hotaa hai...

ab usee ko lipibaddh karane se usake ye saare bhaav kahaan se aayenge.... fir prasng ke anusaar shabdon ke arth badal jaate hain.... aaj nae sandarbh men puraane arth kaise kaam aayenge..?

jab dharm pravartak bolate honge , tab nishchit hee unake andar keyaring kaa bhaav rahataa hogaa.... naheen to itane saare anuyaayee ho hee naheen sakate hain....

dharm-grnthon kee rachanaa ke baad aur aaj ke tathaakathit bibhinn dharmon ke vidvaan logon ne itanee jyaadaa aur alag tarah kee vyaakhyaayen de chuke hain ki padhe-likhe log hee sabase jyaadaa bhramit hain..... meree maan jaise lagabhag anapadh lekin samajhadaar log dharm ke maamale men kataee bhramit naheen hain.... lekin padhe-likhe naasamajh logon kee bhee kamee naheen hai....

hindoo praarthanaa karate hain.... muslim namaaj adaa karate hain....

ab arth dekhen.... donon kaa ek hee arth hai.... bhagavaan yaa allaah ko dhanyabaad yaa shukriyaa adaa karanaa...

ab to arth hee bigaad die gae hain... logon ne “maanganaa” maan liyaa hai....

valki namaaj kee bibhinn mudraaen alag alag tarah kee yog mudraaon kaa mishran bhee hai....., jisase namaaj ek tarah kaa paekej ban jaataa hai jo tan, man aur chitt teenon ke lie hai...

islaam ke mool men hee prem aur bhaaeechaaraa kaa sandesh hai...

islaam kaa arth hee hai—“ allaah ko sveekaar aur samarpan...yaani allaah mujhe sveekaar karen...main apane aapako samarpit karataa hoon...

kaalaantar men , samay ke saath sabhee dharmon men hraas huaa hai,... ahnkaar men kamee aane kee bajaay bhaav men kamee aaee hai, bibhinn arth die jaa rahe hain lekin bhaavaarth gaayab hai..... poojaa , praarthanaa, namaaj , saadhanaa men aupachaarikataa nibhaaee jaa rahee hai... dharm kaa mool bhaav andhavishvaas aur kattarataa ne lenaa shuroo kar diyaa hai...

ant men main sharad kokaas ke die kament se is post kaa samaapan karanaa chaahoongaa......

“kuchh savaalo ke javaab nahee dhoondhe jaate to yah vaimanasyataa hee nahee hotee”

dhanyabaad...

jab ek hindoo maan apane bachche ko namaaj ke samay masjid bhej detee...( bhaag-do )

mujhe yaad hai , meree maan, jo ek hindoo mahilaa hai, shuddh shaakaahaaree parivaar, shaam ke namaaj ke samay ghar ke god vaale bachchon ko bhee, bade bachchon ke saath masjid bhej detee thee. roj to aisaa naheen hotaa thaa, kintu praayh hotaa thaa....

ajaan se maan ko namaaj ke samay kaa pataa chal jaataa.... vo shaam ko bachchon ko bhej detee... vahaan mohalle ke aur bhee hindoo parivaaron ke bachche bhee aate....

yahaan main sameer jee (udn tashtaree ) jee ke kament kaa jikr karanaa chaahoongaa jo unhonne pichhale post men likhaa hai—“ yah ghar ghar kee kahaanee huaa karatee thee.”...

hamalog masjid ke get par hee khade rahakar namaajiyon ke nikalane kaa intajaar karate.... chhote bachche god men rahate.... namaajee jab baahar nikalane lagate to saare bachchon ke oopar havaa men do-teen baar haath ferate,.. chutakee bajaate,... fir fook maar dete.... mujhe yaad hai ki jitane bhee bujurg namaajee hote ve praayh aisaa sabhee bachcho ke saath baaree-baaree karate the....

jaise-jaise bachcho kee umr jyaadaa hotee gayee, maan yaa chaachee bhejanaa kam kar detee... kahatee thee ki chhote bachchon ko hee jaanaa hai...jo bade ho gae hain unako jarooree naheen hai....

usake baad hamalog ghar aa jaate.. bahut chhote bachchon ko ghar men chhod kar fir khelane chale jaate....

maan aur chaachee aisaa kyon karatee thee..?

maan aur chaachee ke anusaar , namaajee jab namaaj padhate hain tab ve bhagavaan ( ve allaah naheen kahatee..! ..khair kyaa fark padtaa hai..? ) ke sabase nikat hote hain... unakaa man saaf hotaa hai... unakaa chitt saaf hotaa hai...

maan ke anusaar chhote bachche (maan dudhamuhen bachche ko fohaavaa yaa falistaa bachchaa kahatee... jo vilkul kore evn naasamajh hote hain...ye shabd abhee bhee bihaar ke dehaatee ilaakon men prayog kiyaa jaataa hai..) bhee bhagavaan ke sabase nikat hote hain... unakaa man bhee saaf hotaa hai... unakaa bhee chitt saaf hotaa hai...

maan ke anusaar ve bachcho ko bhagavaan se milane bhejatee hain.... isase unhen najar bhee naheen lagatee hai.... bure saaye se door rahaten hain....

maan kaa yah bhee kahanaa hai ki navajaat bachche neend men tabhee muskuraate hain jab unhen bhagavaan ke darshan hote hain..... aur ve tabhee darate hain yaa neend men hee rone lagate hain jab use shaitaan ke darshan hote hain....

shaitaan yaa bure saaye door rahen isalie ve aisaa karatee theen....

pichhale post ke kament men taarakeshvar giri jee kaa bhee yahee kahanaa hai -- “kisee kee najar naa lage iseeliye bachche namaaj ke samay jaate the....” lekin ve saath men yah bhee kahate hain – “ ek tarah kaa andhavishvaas hee hai..”

....thodee umr badhne par main maan aur chaachee se kyaa poochhataa thaa..?

1)...ek prashn to vahee thaa jo jo giri jee ne kahaa----- “ kyaa yah andhavishvaas naheen hai..?”

2)...kyaa sach men bhagavaan dikhaaee dete hain...?

3)...kyaa sach men shaitaan dikhaaee detaa hai...?

4)...kyaa sach men najr lagatee hai...?

5)...sach men shaitaan bhaag jaataa hai...?

aaj bhee mujhe yaad hai ki meree maan , jisane kabhee skool men vidhivat shikshaa naheen lee hai, bahut hee kam padhee-likhee hai, apane maayake men jisane kabhee masjid bhee naheen dekhaa .... mere prashnon ke uttar sahajataa aur saralataa se detee thee....

usake baatacheet se mujhe vishvaas , andhavishvaas aur kattarataa men jo antar samajh men aayaa ....vah aaj bhee kaee bahut jyaadaa padhe-likhe log bhee naheen samajhate hain....

maan kee baaten...aur meraa vishleshan bhee....agale post men..... any blaugaron ke kament ke bhee vishleshan saath men....