minee dee

chaar din baad jaa rahaa thaa minee dee ke yahaan| pataa thaa, cheekhegee, kahegee ki itane din gaayab the, n hee aate, kyaa aasamaan gir jaataa? padhaaee kaa bahaanaa karataa to kahatee ki, haan, jaise main badaa khalal daalatee hoon n, jaao ab n padegaa khalala|

usake baaoojee se darataa thaa main| haalaanki mere minee dee se milate rahane se unako koee aitaraaj n thaa, lekin mere dost meree khillee udaate the, “aaj kyaa khelaa re, ghar men ghus ke kaisaa khel khelataa hai”!| mere lie skool men kitanon se lad chukee thee minee dee!

baraamade men pahuchate hee usakee daadee mujhe dekhakar rone lageen| main kisee anahonee kee aashnkaa men kisee ke kuchh kahane kaa intejaar karataa rahaa| usakee daaee ne rote rote kahaa, “jaa babuaa, sushilavaa minee bebee ko aaj subere bhagaa le gail”|

teen roj beet gae the| bharee dupahariyaa men ham paanch saat jan khel rahe the ki tabhee rakeshavaa bhaagataa aayaa, “miniyaa pakadaa gail, okar baaoojee le aavaa taadan”!|

main daudtaa huaa teele se utaraa thaa| door se dhool udaatee sumo dikhaaee dee| peechhe kee seet par baithee thee minee dee, baal bikhare, safed kapade aur laal dupattaa| khidakee se mujhe dekhaa thaa usane, sir nikaalaa, kuchh der aur dekhaa......aur fir cheekhee.....


”baaboo, shaam men ghar aanaa.......kairam khelenge”!|

andheraa ho gayaa, chalo chalate hain

"tabiyat kaisee hai ab?"

"theek hai ab to....aaj aofis aayaa n...feeling betar"

"haan aofis bhee to tumhen ghar jaisaa hee lagataa hai"

"ghar se behatar kaho, vahaan to dhul bharee aandhiyaan chalaa karateen hain......kisee tarah raat ko subah karataa hoon"

"aur aofis?"

"yahaan aandhee naheen chalatee, yaa yoon kahoon ki aandhee bhee sharmaatee hai, profeshanals ke beech aane men........isee kaa faayadaa uthaataa hoon 12 15 ghnte pahale bitaaye n beetate the.......ab sukoon milataa hai"

"aandhee aur aofis.......puraanaa rishtaa hai..........dekhate dekhate dost, shahar, baajaar sab udaa le jaatee hai yah"

"kyaa dosh denaa, pair theek se tike hee naheen kabhee............"

"sab achaanak huaa n?"

"haan pataa hee naheen chalaa chalate chalate itane door aa gae..........kabhee thakaavat bhee mahasoos naheen huee"

"sabase bahaane kiye, minnaten keen, bataao main kahaan hoon........kaash tum hee pukaar lete....."

"chhodo jaane do, saamane dhalate sooraj ko dekho, roj kaa isakaa yahee kaam hai"

"tumhen yaad hai laast taaim ham yahaan kab aaye the? dher saaraa saamaan thaa apane paas......."

"haan, shauping kar yahaan aakar baithe the, kornar kee bekaree par chaay pee thee.............."

"saaraa saamaan ghar par abhee bhee padaa hai n....."

"aur tumane aaisakreem lee thee"

"bolo naa.......vo kaanch ke bartan kaa set....vo tutaa naheen naa?"

"tumhaare saath lee gayee ek ek cheej sahejakar rakhee mainne, bas tum..........................”

saamane doobate sooraj ne use aur kuchh kahane n diyaa.......shaam ke dhundhalake men is teele se shahar kee timatimaatee raushanee dekhaa kiyaa vah thodee der kee chuppee aur fir kuchh sisakiyaan.......apanee majabooriyon, bechaaragee par itanaa afsos kabhee naheen huaa use..........

"andheraa ho gayaa, chalo chalate hain"

karoge yaad to har baat yaad aaegee

"4 saal se saath men hain dillee men, saauth indiyaa men man naheen lagegaa|kuchh bhee karake yaheen ruk jaao pleej"

"kyaa karen kariyar bhee to jaruree hai n"

"hmmmm, ham kabhee rahe naheen udhar, pataa naheen kaise edajast karenge"

"aap rahiye yaheen, 2 saal kee to baat hai"

ek najar usakee aur dekhaa| kyaa rah sakatee ho mere binaa| tumhaaree chhodo, kyaa main rah sakataa hoon| kyaa karanaa hai, kahaan jaanaa hai, sab par to pahale mujhase haan karaatee ho|

"job hee hai, kaheen karen, dillee yaa saauth indiyaa, kyaa fark padtaa hai, 2 saal kee to baat hai!"
===========================================================================
kal dopahar hee usakaa mesej aayaa thaa| "haidaraabaad men job milee hai, shanivaar shaam ko jaanaa hai|"

vaise alag hue to 3 maheene beet gae, lekin aaj kee is khabar se man kuchh udaas saa hai| ek tootan see hai| bhale hee din kaat rahaa bngalaur men, ek sukoon jaroor thaa ki vo bhee yaheen hai| kyaa pataa saamane se aatee dikhaaee de jaae| kyaa pataa abhee daravaaje par dastak ho| ek mesej hee aa jaae| kam se kam usakee sahelee hee usakaa haal bataa jaae|

aaj mesej aayaa| "aaj shaam kee bas hai, ho sake to ek baar mil leejiye|"

kisee se milane men itanaa dar pahale kabhee lagaa naheen mujhe| milaa, shubhakaamanaaen deen, haal chaal poochhaa, bataayaa|

alag hote samay usakee aankhon men namee dhoondh rahaa thaa main, lekin usane meree aur dekhaa hee naheen| mere to lafj bhee bharabharaa rahe the, kamabakht tadp jubaan ko bhee naheen chhodtee| abhee 2 minat men bas aa jaayegee| kuchh kah loon, fir shaayad kabhee n milen|

"apanaa khyaal rakhanaa"

"haan"

ab dil kaheen aur lagaayaa n jaaegaa

ab dil kaheen aur lagaayaa n jaaegaa,

lagaayen bhee to vo taav laayaa n jaaegaa|

maajee ke die dard bataaoon kabhee naheen,

poochhoge gar to mujhase chhupaayaa n jaaegaa|

muskuraakar tumhen aaj bidaa karoon magar,

khataa maaf mujhase haath hilaayaa n jaaegaa|

cheharaa n dekhane kee kasam dilaa to dee,

khyaalon se us shakhs kaa saayaa n jaaegaa|

bebas ye dil meraa kuchh is kadar samajhaa,

ab aur kisee se ye samajhaayaa n jaaegaa|

mujhako bhulaa diyaa usane magar khudaa,

mujhase to mahaboob bhulaayaa n jaaegaa|

vaastaa 'jamaala' kaa neend se kab magar,

so jaae fir kisee se jagaayaa n jaaegaa|

bhaarat kaa sabase puraanaa mandir

bihaar ke bhabhuaa (kaimoor) jile ke maan mundeshvaree mandir ko bhaarat kaa sabase puraanaa mandir maanaa jaataa hai| eesaaaee (aakiryolojikal sarve aof indiyaa) ne bhee maanaa hai ki itihaas ke maddenajar yah desh kaa sabase puraanaa mndir hai.

yah mndir 608 feet oonchee kaimoor pahaadee par hai. mndir ke aasapaas paae gae shilaalekhon aur sarakaaree rekord ke havaale se bihaar raajy dhaarmik nyaas bord ke prashaasak aachaary kishor kunaal bataate hain ki mndir 108 eesvee men banaayaa gayaa. maanaa jaataa hai ki ise shak shaasanakaal men banaayaa gayaa. yah shaasanakaal gupt shaasanakaal (302 eesvee) se pahale kaa hai. do tukadon men paae gae ek shilaalekh par braahmee lipi ankit hai. jabaki gupt shaasanakaal men paaninee ke prabhaav ke kaaran vishuddh snskrit kaa upayog kiyaa jaataa thaa. vaise, yah mndir aur puraanaa bhee ho sakataa hai, eesaaaee aur itihaasakaaron dvaaraa shodh kaary jaaree hai|

yahaan pichhale 1900 saalon se aaj tak poojaa ho rahee hai. yahaan kaa ashtaakaar garbhagrih tab se ab tak kaayam hai. garbhagrih ke kone men devee kee moorti hai, jabaki beech men ashtadhaatu kaa chaturmukhee shivaling hain. mundeshvaree devee kaun hain isapar log ekamat naheen hai kyoonki is roop kee devee ko kaheen aur naheen dekhaa gayaa| ashtadhaatu kaa chaturmukhee shivaling bhee apane aap men anoothaa hai| pahaadee par sthit mandir tak jaane ke raaste ke donon taraf ganesh, shiv, patthar kee any kalaakritiyaan bikharee padee milatee hain|

kuchh saal pahale beeechayoo ke itihaasakaar aaee. es. roy ne mndir ke paas kheton se gujarate hue seelon (aaj kaa shreelnkaa) kee mudraa paaee thee. is par braahmee lipi men kuchh ankit thaa. raay ne 2004 men isakaa jikr nyoomijamaitik sosaaitee aof indiyaa kee patrikaa men likhe lekh men kiyaa. seelon ke teerthayaatriyon ke lie yah mudraa paasaport kaa kaam karatee thee. bhaarat men vibhinn raajavnshon ke shaasan kshetr men aane vaale bauddh sthalon tak un teerth yaatriyon kaa surakshit pahunchanaa mumakin ho paataa thaa. seelon ke raajaa mahaaraaj dattaagamaanee ne mundeshvaree kee pahaadiyon par stoop banavaayaa thaa. jaanakaar maanate hain ki uttar pradesh ke kusheenagar aur nepaal ke kapilavastu kaa raastaa mundeshvaree mndir se judaa thaa.

1900 varsh poorv maan mundeshvaree dhaam men chaaval (taandul) kaa bhog lagataa thaa aur prasaad svaroop yahee taandul bhakton ko vitarit kiyaa jaataa thaa. raajaa dvaaraa mundeshvaree dhaam men bhog lagaane ke lie 50 se 500 svarnadinaar (sikke) diye jaate the. jisake maadhyam se chaaval, pushp v any prasaad pratidin chadhaayaa jaataa thaa. svarnadinaar kee amerikaa men neelaamee ho rahee hai jise mahaaveer mndir, patanaa dvaaraa bhaarat mngaane kee prakriyaa chal rahee hai.

bihaar sarakaar dvaaraa ropave kee vyavasthaa sheeghr kee jaayegee| mandir ke aasapaas bikharee moortiyon ke lie sngrahaalay banaayaa jaa chukaa hai|

bhabhuaa banaaras se 60 kilomeetar aur gayaa se 150 kilomeetar kee duree par hai aur jeetee rod se yahaan aasaanee se pahunchaa jaa sakataa hai| agar rel se jaanaa chaahen to banaaras, mugalasaraay, saasaaraam, gayaa se mohaniyaan steshan (bhabhuaa rod) (mugalasaraay-gayaa laain par) aa sakate hain, vahaan se mandir tak ke lie vaahan hameshaa upalabdh hote hain|

rochak baat yah hai ki mandir kee dekh rekh saalon se ek muslim parivaar karataa aayaa hai jise janataa bhee saharsh sveekaar karatee hai|