dabe paanv

sherajng kee shaanadaar kitaab 'main ghumakkad vanon kaa' padhne ke baad unakee doosaree kitaabon ko padhne kee bhookh lie-lie jab main mitr bodhi ke ghar pahunchaa to meree najr unake khjaane ke ek kone men dabee aur doosaree kitaabon ke bojh se karaah rahee 'dabe paanv' par padee. ye aitihaasik lekhak vrindaavanalaal varmaa ke shikaar snsmaranon ko muajjamaa hai. bodhi ne udaarataa se kitaab kavar chadhaakar mere havaale kar dee aur mainne to kitaab paaee gaanth gathiyaaee.

kitaab men varmaa jee ne bundelakhand ke jhaansee, gvaaliyar, orchhaa aadi ilaakon ke jngalon men unake shikaar ke shagl kee teepen likhee hain. in teepon men syaar, kharahe-kharagosh, mor, neelaknth, teetar, bhatateetar, vanamurgee, hariyal, chandool,laalamuniyaan, saaras, panadubbiyaan, patokhiyaan, titaharee, magar, aur jalakuttaa jaise jeevon ke baare men to baat hotee hee chalatee hai. lekin mukhy taur par is kitaab men jngal ke bade jaanavar chinkaaraa, hiran, cheetal, tenduaa, kaalaa tenduaa, cheetaa, lakadbhaggaa, kheesadaar suar, reechh, saanbhar, neelagaay, naahar yaa baagh yaa sher, sinh, jngalee kutte(sunaa kutte) aur bhediye ke vyaktitv, aapasee antar aur vyavahaar kee tamaam anamol jaanakaariyaan hain- jaise bhaaloo niraa baharaa hotaa hai aur najr kaa kamajor hotaa hai usakaa ekamaatr sahaaraa usakee naak hotee hai. jab kabhee kisee aadamee roopee khtare ko achaanak vo apane paas paa jaataa hai to ghabaraakar us par hamalaa kar baithataa hai. svabhaav se vo bandaron kee hee tarah moolath shaakaahaaree hai. yaa fir lakadbhaggaa maukaa milane par apane hee bhaaee-bandhuon kaa bhakshan kar daalate hain. hinsr pashuon men tenduaa sabase adhik dheeth hotaa hai jabaki snsaar kaa sabase raftaar vaalaa praanee cheetaa,billee kee tarah paalatoo banaayaa jaa sakataa hai. haalaanki cheetaa ab hamaare desh se lupt ho chukaa hai. is tarah kee jaanakaariyon ke alaavaa kitaab men varmaa jee ke shikaar ke dilachasp anubhav hain.

is kitaab ko padhne se jo tasveer jehan men khinchatee hai usase samajh aataa hai ki aaj kee taareekh men vanyajeevan kee haani kee is bhaayanak traasadee ke lie jimmedaar do baate hain-

1) manushy kee badhtee aabaadee ke kaaran krishi bhoomi kaa hone vaalaa lagaataar vistaar. jisake chalate jngal ke jaanavar aur manushy seedhe sngharsh men fns gae. kitaab men baar-baar yah baat aatee hai ki cheetal, chinkaaraa, suar,hiran jaise jaanavar kisaanon khet men ghusakar fsal kaa sampoorn vinaash kar dete hain. jisake chalate kisaan yaa to svayn maukaa milane par in jeevon kee laathee-dandon se peet-peetakar hatyaa kar daalate hain yaa fir kisee bandookadhaaree shikaaree ke shikaar yajng men bharapoor sahaayataa karake in jaanavaron ke samool naash men apanee yogadaan karate hain. aur doosaree vajah hai..

2) bandook ke roop men ek aisaa bhayaanak aavishkaar jisane aadamee aur shesh praaniyon ke beech ke sameekaran ko pooree tarah se ekatarafaa banaa diyaa hai. teer kee maar aur gati se jaanavar fir bhee mukaabalaa kar sakataa thaa par golee kee maar aur gati ke aage jngal kaa har pashu nireeh aur bebas hai. parinaam aap dekh hee rahe hain- nnge v sapaat maidaan jisamen aadamee ke sivaa doosaraa jaanavar khojanaa mushkil.

kitaab kaa ek aur dilachasp pahaloo hai: kyonki kitaab 64 saal pahale 1957 men chhapee aur usake bhee kaafee pahale tukadon-tukadon men likhee huee hai, isalie usakee bhaashaa thodee alag hai aur usamen kuchh aise shabd aur prayog milate hain jo aajakal pooree tarah se chalan se baahar ho gae hain. masalan-

kalol (kilol)

parahaa (pagahaa?)

lagaan (lagaam?)

tehunee (kehunee)

paramaa (prathamaa tithi)

thiyaa

khees (daant)

dhee (dheeh)

a/aagot (aage kee ot)

bharakaa (gaddhaa)

daang (pahaad kaa kinaaraa)

jhor( jhaunr, jhaadee)

bagar (pashu samooh)

dhunkaaee / dhoonkaa (chhipakar ghaat lagaanaa)

thapadaar (thap kee aavaaj karane vaalaa)

murakanaa (lachak kar mud jaanaa)

dhabuaa (kheton ke oopar machaan kaa chhappar)

dah( nadee kaa sabase gaharaa bindu)

tauriyaa (chhotaa teelaa)

fureroo (shareer ko tharatharaanaa, knpaknpee lenaa)

aur kaee shabd aise bhee milate hain jo shabdakoshon men bhee naheen milate- inake ek soochee main yahaan de rahaa hoon-:

tifnsaa/tifnsee (ghadaa rakhane kee tipaaee)

jhidde (jhatake, dhakke)

khurakhund

chhareree

gaayaraa (sher aadi kaa kisee jaanavar ko maarakar baad men khaane ke lie chhod kar chale jaanaa)

tohataap

chhaunh (kharee chhauhon vaalaa sher)

raanjh (ek naale men raanjh ke neeche)

jhaans (jhaans ke neeche chhote naale men)

takaare (edee se ghutane tak pahanane kaa jootaa)

chul (vahaan tendue kee chul thee)

biroree (shikaar kaa ek prakaar, jab ber falate hon)

***

[kitaab men ek aur badaa dilachasp vaakyaa hai jab varmaa jee apane saathiyon ke saath jngal men daal-chaaval kee khichadee banaate hain aur jalaa baithate hain. jo aadivaasee in shaharee shikaariyon kee sahaayataa ke lie unake saath maujood thaa vo apanee khichadee alag banaa kar maje se khaataa hai kyonki vo aadivaasiyon men purohit (begaa kahalaane vaalaa)kaa kaam karane vaalaa hai aur kisee kaa chhuaa naheen khaataa. :) ]

* ek teesaree kitaab 'negal' bhee padh rahaa hoon. baabaa aamte ke putr prakaash aamte dvaaraa anaath ho gae jngalee jaanavaron ke paalane ke anubhav par aadhaarit ye bhee badee pyaaree aur nyaaree kitaab hai. unake sahayogee vilaas manohar ne likhee hai aur neshanal buk trast ne chhaapee hai.

padhane kaa sukh

padhee thee barason pahale ye kitaab . naam yaad naheen thaa bas itanaa yaad thaa ki kuchh meethaa sotaa bahaa thaa man men tab . kuchh bhaav atake the , koee dehaat kaa geet fnsaa thaa , kuchh jagamaagaate dhoop men nahaaee duniyaa kee chakaachaundh thee . saal beete par umag umag kar mitron se kitaab kee baat kee aur sharm men bhee doobee ki yaad naheen naam . aisaa bhee hotaa hai ? adhik pyaar men priy kaa cheharaa hee bhulaa denaa . fir kuchh apratyaashit snyog se kitaab milee . kuchh aise jaise foolon ke jngal se us ek nanhe fool ko khoj nikaalanaa . fir jab haath men aa gaee to bhay huaa ki is baar kitaab se meraa snbndh kis tarah kaa banegaa . tab se ab men duniyaa dhuree par kaee baar ghoom chukee thee . saahity aur jeevan ko samajhane ke mere sab aujaar badal chuke the . saahity samajhane men mainne ek prakaar kee dooree bhee izaad kee thee . bhole utsaah kee jagah shabdon se deetaichd aobasarvar kaa snbadh sthaapit kar liyaa thaa . main thodee jeded ho gaee thee . shilp kathy form par meraa dhyaan jaataa . main shabdon se upaje bhaav aur khel ke prati nirmam ho gaee thee . ek bhole neh kaa rishtaa khatm huaa , meree udaarataa khatm huee . main kisee kaareegar kee kushalataa dekhanaa chaahatee , us kushalataa se upaje ras kee anveshanaa karatee . kitaab ek jaadooee duniyaa ke srijan ke bajaay maheen kaareegaree ke mehanatee kraaft men badal gayaa jaise . is bholepan kaa khonaa dukhad thaa , udaasee bharaa . kuchh kuchh vaisaa jaise film dekhate vakt har samay is baat kaa chaukannaapan- ki is frem ko aur behatar kitane tareekon se shoot kiyaa jaa sakataa thaa – kaa bojh nirbaadh roop se aapake dekhane ke sukh ko baadhit karataa rahe . ye shaayad bade hone kee prakriyaa thee . man se aur samajh se bade hone kee . is bade hone men kuchh tatv chhoot jaane kaa dukh thaa . jeevan aisaa hai , man aisaa hai , aisaa hee honaa niyat hai aur is niyat se upaje dukh kaa kleeshe , aisee udaasee khatm kar de aisaa bhee naheen thaa .


kitaab kaisee ho , sochate hee lagataa jaise koee pooraa jeevan ho , jisamen dheron pagadndiyaan hon , beehad jngal ho , koonye se nikalaa meethaa jal ho , khaare aansuon kee gamak ho , thaharaa huaa maasoom sukh ho , chhaatee men dhnsaa dukh ho , raag ho rng ho , chhotee chhotee meethee baat ho , chuppee se upajaa geet ho , shaitaanee badamaashee ho , sab ho . aur sab aise saral pravaah men ho ki usake peechhe kee kaareegaree dikhe n . jaise mnsoor kaa gaayan . jaise vilambit taan kee taiyaaree . jaise bade brash ke baad maheen patale brash se faaeenar strok denaa . jaise meethaa koee toom toom tan naa kaa taraanaa . jaise barasaat ke dinon ke seelepan men sookhe kapadon kaa pahananaa .



aise badalaav ko haath men thaame kisee dhoop nahaaye pokhar men naak band karake chhalaang maarane kaa tuk banataa naheen thaa . kothaay pobo taare ? kahaan paaoon use ? saat sau panne kee kitaab aur ant tak usakaa naam naheen maaloom jisakee kahaanee hai . n , kahaanee kahanaa galat hai . jo jeevan men aise dhnsaa basaa hai ki jitanaa vilag hai utanaa hee ramaa bhee hai . jeevan aur manushy aur usakee prakriti ..bas yahee geet hai . samaresh basu kee ye kitaab adbhut ras kaa svaad hai . us bholee thaharee khushee kaa ek baar fir aasvaadan hai . jab samay kaa aisaa bodh ho ki samay hee n rahe , usakee paabndee n rahe , aise kisee din men , dhoop se aankhe bachaaye , bolapur , raadh pradesh , bakreshvar jaane kahaan kahaan baaulon kee sngat men jeevan ko samajhanaa , stree purush ke man ko samajhanaa , dongee par savaar , paanee ke hichakolon kee god men kisee anajaan gntavy kee or bahate jaanaa ..aisaa aannd hai , jahaan n milane kaa dukh , khojate paane ke sukh men doob jaataa hai . is kitaab men kahaanee jaisaa kuchh naheen hai . is kitaab men koee khel naheen hai , shabdon kaa koee jaadoo naheen hai . koee kahe ki ek hissaa padh kar sunaao to aisaa koee ek teekhaa chamakeelaa jaadoo se bharaa hissaa naheen hai . anuvaad kee vajah se ek kvent see baangalaa mishrit hindee hai . stree purush ke aapasee snbndh kee ajeeb goodh aur fir utanee hee saral , ek star par puraatan fir turat doosare star par ekadam sablaaeem aur khulee paribhaashaa hai . fir jeev aur eeshvar aur prakriti kee baat hai . us cheez kee humak hai jise paraseev kar paane tak kee samajh ho , khushanaseebee hai |

samaresh basu kee "kahaan paaoon use" , bhaarateey jnyaanapeeth se prakaashit hai

kism-kism ke aam | TSALIIM

kism-kism ke aam TSALIIM
aam kee bahut achchhee jaanakaaree dee hai aapane, dhanyavaada

chaangadev ke aanan‍dot‍sav

“kaheen to kuchh kamee rahanevaale log apane-aap jeene ke s‍tar ko adhooraa maanakar usake oopar koee s‍tar hai k‍yaa dhoondhte rahate hain. chaangadev, naaraayan, shnkar aur naam‍yaa vagairaa chhokare isalie ruchi le-lekar saahit‍y, naatak, sinemaa par bahut hee ach‍chhaa bolate. baapoo ko ek akhabaar men sinemaa-naatak par likhane kaa kolam mil gayaa thaa. isalie vah bhee ab inake beech kaayam rahataa. koee to ekaadh din deshee tharraa hee pilaataa. naak ban‍d karake hee k‍yon n ho lekin peenaa chaahie is jid se sab peete aur raat-bhar bakate firate.

kabhee gaanjaa peete, kabhee bhaang, yah sab oopar kaa s‍tar praap‍t karane ke aasaan raas‍te the. bam‍baee men har cheej aasaanee se mil jaatee. aur ek aasaan tareekaa thaa kaagaj aur s‍yaahee. isalie j‍yaadaatar log kuchh-n-kuchh likhate rahate. pradhaan aur baapoo to kolam likh-likhakar chaaron taru agranee lekhak ke roop men vikh‍yaat ho rahe the. shnkar kahataa inako jo pablisitee milatee hai vahee j‍yaadaa hai. paise vagairaa mile yah kaamanaa to ungalee pakadkar pahunchaa pakadne jaisee hai. baakee sabhee kalaaen mahngee hotee gaeen, isilie yah saahit‍y kalaa in sabake chngul men fns gaee! seedhe-saade log jab p‍yaar karate hen aur jab unakaa premabhng ho jaataa hai ach‍chhee see kavitaaen likh jaate hain. jeevan bhar utanaa ek gamalaa man-hee-man mahakaate rahate hain. fir bam‍baee ke futapaath par chaar aane men nobel puras‍kaar praap‍t karanevaalon kee pachaason kitaaben mil jaatee hain. tab ye sab log nish‍naat saahit‍yakaar to honge hee.”

“hin‍dee fil‍men bhee beech-beech men ach‍chhee hoteen. us samay barmanadaa bhee josh men the. kishorakumaar apane form men thaa hee. vaheedaa rahamaan bhee behad josh men thee. aise men fellinee kee fil‍m laa dol‍che vitaa bhee lagee thee. chaangadev ko ab sach‍chee-jhoothee duniyaa kee milaavat bahut hee adbhut lagane lagee. saaree duniyaa se ghrinaa karate rahane kee koee vajah naheen thee. k‍yonki isee duniyaa men chaarlee chaipalin hai, sat‍yajit aur ritvik hai kishorakumaar aur aaies jauhar hai. vaheedaa aur gurudat‍t hain. alee akabar aur bade gulaam hain. abhee bil‍kul is ghadee jin‍daa hain. in logon ne bhee hamaare samaan hee jeevan ke s‍varoop ko avash‍y hee jaanaa hogaa. sach to yah hai ki yah jin‍dagee fellinee kee fil‍mon jaisee meethee jin‍dagee hai. jeete rahanaa hai jitane din meethee maanakar chalanaa. geet sunate, kitaaben padhte, fil‍men dekhate, ham bhatthee kee sharaab peete, sigaret foonkate is aur us duniyaa kaa mishran kar jeete rahanaa. noorajahaan jaise, muhab‍bat karen khush rahen mus‍karaaen aise kahakar naachate-gaate har pal jaisaa hai vaisaa hee bhogate rahanaa. kadvaahat man men rakhane se kam to naheen hotee. kadvaahat ko an‍dar bheenchakar oopar aise fool khilaate rahanaa. aakhir hain kitane din? sach to yah hai ki ek had tak kadvaahat ko pachaae binaa jeevan itanaa meethaa ho hee naheen sakataa. isake alaavaa badee-badee anubhootiyon kaa aakalan bhee naheen hotaa. iseelie to yuddhon se ubare log mahaabhaarat, iliyad likh baithe. sabhee kalaakaaron ko kuchh-n-kuchh dukh hogaa hee. mujhe bhee hai. iseelie to in kalaakritiyon kaa pooraa aakalan hotaa hai. shnkar ko bhee kuchh-n-kuchh dukh hogaa hee. vah mujhe bataataa naheen. mainne bhee to use kahaan bataayaa hai?”

“..fir se yah sab. fir se din. fir se furr karate hee foolanevaale gub‍baare jaisaa jeevan chhaatee men.. main ab tak badee um‍meed se dukh sahataa rahaa ab badee um‍meed ke saath yah jeenaa bhee jee lenge. jeevan ke saath sam‍ban‍dh todnaa naheen- vah majabootee ke saath jakadaa rahataa hai. aur har cheej agar prachnd buree hai to‍ fir ab sab kharaab hee hai yah maanakar khushee ke saath jiyaa jaae. pahale mrit‍yu kaa vikaar aat‍yantik thaa, ab jeene kaa vikaar aat‍yantik maanakar chalanaa. donon sire hosh men rahakar dekhanaa ho jaaegaa. jng ke din khat‍m ab aanan‍dot‍sav.”

(maraathee men 1975, aur hin‍dee men anudit hokar 2003 men raajakamal dvaaraa prakaashit bhaalachndr nemaade ke mashahoor upan‍yaas 'bidhaar' se sahaj ut‍saah men yahaan-vahaan se uthaayee pnktiyaan)

tilakut-hilakut

jay govin‍dam, jay gopaalam
jay akaalam, jay akaalam.

galee-galee men shor hai
adigavaa bukarachor hai.

bukar kharee kaa boraa hai
nijavibhor ras-horaa hai.

chirakutaee chaapaakal mahaanad kahaayaa
snved-daliddar karikhaa magadh sajaayaa.

ise raat mat kaho

dont kol it naaeet

lekhak: amos oz

prakaashak: vintej

unnees sau navaasee negev dezart , tel kedaar .... garmiyon kaa mausam . chhotaa saa setalament . lambe samay tak saath rahane vaale saath saal ke sivil injeeniyar thiyo aur unase kaafee chhotee skool teechar noaa ke beech kaa bikharataa tootataa prem snbndh . noaa kaa chhaatr imaanuel kee mushkil samay men achaanak maut aur usase aaye toofaan ko jhelataa tel kedaar kaa samudaay aur us toofaan ke beech men noaa aur thiyo .

amos oz ke kahan men naazuk baareekee hai , shaam kaa dhoosar dhundhalaayaa rng hai , ek chatak udaasee hai , registaan kaa vistaar hai . jaise beetee raat ke andhere men kisee kharaashadaar aavaaz kee sngat men kisee takaleef bharee daastaan kaa binaa utaar chadhaav kissaa ho , jab samay kaa hisaab n ho , jab ungalee badhaakar aap logon ko chhoo saken , unakee takaleef apanee aatmaa par mahasoos kar saken . aisee hee kahaanee amos kahate hain . ulajhatee mahattvakaankshaa kaa, tootate snbndhon kaa , chhote kasbe ke aam jeevan kaa , man ke antaralok kaa . aur itane pyaar se kahaanee kahate hain , itane nazaakat se , aise saral haasy se ki snbndh kee bunaavat apane harek parat aur reshe men jitanee ujaagar hotee hai utanee hee gopan bhee hotee jaatee hai .

amos oz ke baare men:



aur isakaa ek pannaa suniye:



ek aur:



( konaa bahut dinon se khaalee thaa . fir lagaa ki kisee bhee kitaab kee charchaa kee jaaye . ravindr vyaas ne veb duniyaa men kitaabee konaa ke baare men likhate huye geet chaturvedee kee tippanee se samaapan kiyaa thaa ..jo sahee lagaa . to hindee n sahee angrezee yaa koee aur bhaashaa hee sahee ..likhen hamasab ..sannaate ko todate rahen .. bataate rahen ki padhaaee hai nirntar )

bheeshm saahanee kee "mere saakshaatkaar"

kisee bhee lekhak kee rachanaayen hee lekhak kaa pratinidhitv karateen hai lekin ukt lekhak se jude snsmaran, rachanaa yaatraa, nijee sngharsh bhee lekhak kee rachanaaon se kam naheen hotaa. renu jee kee rachanaavalee yaa parasaaee jee kee rachanaavalee men ham sirf unakee rachanaaon se hee parichit naheen hote balki us samooche kaalakhnd kee yaatraa kar daalate hain.

bheeshm saahanee ke vibhinn avasaron par liye gaye 27 saakshaatkaaron kaa snkalan mere saakshaatkaar hamen bheeshm saahanee kee rachanaa yaatraa se parichit karaataa hai.

bakaul bheeshm saahanee jee, "gapp shapp kaa apanaa ras hotaa hai. is gapp shapp men ham saanskritik kshetr men chalane vaale kaary kalaap, lekhak ke aapasee rishte, unhen pareshaan karanevaale tarah tarah ke masale, unake jeevan yaapan kee sthiti, unake aapasee jhagade aur man mutaav aadi aadi hamaaree saanskritik gatividhi se pardaa uthaate hai aur ham lekhak ko haad maans ke putale ke roop men dekh paate hain. lekhak apanee in kamajoriyon ke rahate apanee leek par chalataa huaa srijan ke kshetr men kaheen safal aur kaheen asafal hotaa huaa apanee is yaatraa ko kaise nibhaa paataa hai, ise ham usake jeevan ke pariprekshy men dekh paate hain"

faisalaa: jaroor jaroor jaroor padhiye.

kitaab kaa naam: "bheeshm saahanee : mere saakshaatkaar"
prakaashak: kitaab ghar 24 ansaaree rod naee dillee
varsh 1995
mooly ru.150.
aaeeesabeeen: 81-7016-320-X

are, o top ke popachio, sunate ho, kaan ke bahario?..

is b‍log ke apane aakhiree pos‍t par aayee ek pratikriyaa ke javaab men bhaiyaa chndrabhooshan ne jraa jhal‍laayee aavaaj men hindee kitaabee kone kee dinon-din behaal hote haal kee shikaayat darj karavaayee thee.. aur glat naheen karavaayee thee.. in gujre chnd maheenon men apane kitaabee kone kee sthiti kamobesh vaisee hee ho chalee hai jaise chhote shaharon men (yaa kahen, ab to har jagah?) hindee kitaabon kee dukaan par upalab‍dh saahityik done men jaise sukh kam, totake aur tone jyaadaa milate hain.. to kuchh usee andaaj men beech-beech men ham kuchh tone-totakon se kitaabee kone ko jiyaaye hue hain.. is tarah kitaabee konaa jeetaa rahegaa, magar kuchh usee tarah jeetaa rahegaa jaise bahut saare raash‍treeyeekrit bainkon kee saalaanaa hindee patrikaaen jeetee rahatee hongee?..

lekin apane hindee kitaabee kone kee is kachhuaa chaal kee aakhir dikkt k‍yaa hai? das jo yahaan ghoshit topachee dikh rahe hain, aur sab kitaabon ko lekar ut‍saahit rahanevaale jeev hain, huaa k‍yaa hai sabane kitaaben padhnee bnd kar dee hain? yaa aisaa gup‍t saahit‍y padh rahe hain ki usakee is b‍log par charchaa se unake paseene chhootane ke khtare honge? yaa ki dikkt sachamuch yah hai ki ber-aber jab kabhee padhnaa ho le, jrooree naheen ki paathy-saamagree hindee kee hotee ho? bhaee, aisee mushkil men maaf keejiegaa main khud ke anubhavon se saamaan‍yeekaran karane ko majaboor ho rahaa hoon, so kar rahaa hoon- ki apanaa padhnaa to hotaa rahataa hai magar jrooree naheen ki hindee men hotaa ho. kuchhek maheenon se jo baarah-pndrah kitaabon kee sngat chal rahee hai usamen hindee kee sirf ek kitaab hai, amritalaal naagar kaa upan‍yaas- khnjan nayan, aur usakaa vaachan bhee atak-atak kar hee chal rahaa hai..

to bhaiyyaa, hindee kitaabon ke laadle p‍yaare topachiyo.. v dhindhorachiyo.. sach‍chaayee aur samas‍yaa yah hai ki aap, hamaaree tarah, hindee men khaas kuchh padh hee naheen rahe hain? bhaiyyaa logo, samas‍yaa agar yah hai to seedhe-seedhe kahate, b‍log ke naam se ham ‘hindee’ kabaar kar use mahaj ‘kitaabee konaa’ banaaye diye hote? k‍yonki dilaajeej dos‍to, jeevan men kriyaat‍mak naheen to kuchh jnyaanaat‍mak gatividhi chalatee to rahe? ab jaise kris haraman ke likhe isee itihaas kee kitaab ko leejie, bhaaree kitaab paune chaar sau kee dikhee to kam se kam ek chauthaaee apane kaam kee hogee sochakar jijnyaasaavash mainne uthaa liyaa, ghar lautakar ulatanaa-pulatanaa shuroo kiyaa to ekadam se prasan‍n huaa ki yah to majedaar cheej nikalee, bhaee! koee anuvaadak premikaa hotee to use chat se kahataa ise hindee men taiyaar karane ke lie jut jaa, ki kuchh jnyaanaat‍mak dehaatiyon kaa bhalaa ho? khair, vah baad kee baat hai, fi‍lahaal abhee aapako soochit to kar hee rahaa hoon, dil‍lee yaa jahaan kaheen aoriyent longamain kee kitaaben lahaa sakate hain, baaboo kris haraman kee ‘a peepul‍s his‍taree aov d varl‍d’ kaa pataa keejie aur paune chaar sau kharch karake n keval ghar le aaie, balki jal‍dee padhkar nipataa bhee daaliye! majedaar hai, aapane ut‍saah dikhaayaa to jal‍dee usake ek-do his‍son se k‍vot bhee yahaan chadhaataa hoon..

baakee ek doosare kaam kee, mere, cheej yah hai ki ek fraanseesee, jraa anakan‍venshanal, itihaasakaar najr par chadhe hain, magar unakee kitaaben haath naheen chadh rahee.. kisee tarah aapake haath chadh sakatee ho to kripayaa mujh gareeb ko soochit karen..

aur is ‘hindee’ aur ‘kitaabee’ aur ‘kone’ kaa theek-theek k‍yaa karanaa hai jraa theek-theek bataayen.. kahaan ho, bhaiyyaa yoonus miyaan.. aur peeraharnkar bhaiyaajee?.. aise janataa kee laaifberee chalaaiegaa aap log? kuchh sharam-taram hai ki naheen? ki aprail kee garamee men usako bhee rooh-afajaa ke sharabat men dhokar pee gae hain?..

kaun des se 'deshanikaalaa'

filmee duniyaa ke irdagird bunee gaee rachanaaen hindee men jyaadaa naheen hain aur jo hain ve sahaj naheen hain. surendr varmaa kee 'mujhe chaand chaahie' hindee men abatak suparahit gae kuchh chunindaa upanyaason men ginee jaatee hai. ise shaastreeyataa aur sadk ke beech kaa ek pul bhee bataayaa gayaa, lekin das saal baad yadi isakaa punarpaath karen to aashvasti bhaav kam ho jaataa hai. bahut saare steeriyotaaips ko lesane vaalee mathaaree huee bhaashaa, jo shreelaal shukl kee 'raag darabaaree' aur manohar shyaam joshee kee 'kuru-kuru svaahaa' ke baad khud ko shesh kar chukee hai. aap padhte hain aur paate hain ki upanyaas men doosaree baar khojane ke lie kuchh bhee naheen hai. chhitaput kuchh aur udaaharan lie jaa sakate hain lekin hindee manojagat men sinemaa kaa jitanaa badaa dakhal hai, us hisaab se saahity men kainde kaa kuchh bhee maujood naheen hai.

dheerendr asthaanaa ke 'nayaa jnyaanodaya' men prakaashit haaliyaa upanyaas 'deshanikaalaa' se yah kamee pooree hotee hai, so baat naheen hai. kaayade se snbodhit bhee hotee hai yaa naheen, yah baat bhee poore bharose ke saath naheen kahee jaa sakatee. lekin ek 'laarjar dain laaifa' duniyaa ko usake ausat kad men aam insaanee najar se dekh paane kee snbhaavanaa is upanyaas men jaroor maujood hai. filmee duniyaa is kitaab men mahaj ek prishthabhoomi kee tarah maujood hai, theek vaise hee jaise munbaee shahar kee jeevntataa. lekin paise aur mahatvaakaankshaa kaa ek mahaabhnvar jab aapako kheench rahaa hotaa hai, tab bhee duniyaa kee aur kisee bhee jagah kee tarah aap apanaa svatntr astitv kaise banaae rakh sakate hain, is nodal pvaaint kee khojabeen ise filmee duniyaa ke shareer ke bajaay isakee aatmaa ke jyaadaa kareeb laa detee hai.

agar koee is upanyaas men hakeekat khojane chale to use hataashaa haath lagegee. shobhaa de apane upanyaason men jis duniyaa ko pachheet-pachheet kar dhotee huee apane poore rachanaakarm ko hee kamobesh ek dhobeeghaat banaa detee hain, vah duniyaa isamen kaheen najar naheen aatee. usakaa tuchchaapan, usakee galaajat, usake mahimaamndit manorog is upanyaas kee vishayavastu ko kaheen se chhoote tak naheen. in saaree cheejon kee upasthiti isamen sirf itanee hai ki ye shahar ko teen taraf se ghere samudr kee tarah binaa najar aae door hee door se aharnish haraharaatee rahatee hain. n inakee kaheen nindaa hotee hai, n stuti kee jaatee hai. ye yahaan vaise hee hain, jaise dillee men netaaon kee netaagiree aur dalaalon kee dalaalee- havaa kee tarah jyaadaa tng kie bagair chaugird bahatee huee.

kahaanee kabhee rngamnch se jude chaalees ke lapete men chal rahe ek yugal kee hai, jo kuchh din liv-in men saath rahane ke baad filahaal alag-alag rah rahe hain. naayikaa stej ke baraks filmee duniyaa ko agraahy naheen maanatee, haalaanki vahaan kuchh shuruaatee tapale khaa lene ke baad ek arse se vah tyooshan padhaane men mubtilaa hai. jabaki naayak apane aadarshavaad men kuchh din aur rngamnch ke lapete men rahakar filahaal filmon kee skript raaiting men haath aajamaa rahaa hai. beech-beech men donon kaa milanaa-julanaa bhee ho jaataa hai, lekin rishton men garmee naheen paidaa hotee. snyog se ek baar naayak kee ek koee cheej filmee duniyaa ke ek nae faarmoole men ant jaatee hai aur jindagee kee raah ravaan ho jaatee hai.

naayak ke haath men do paise aate hain to use vaaris kee chintaa sataatee hai. naayikaa ko fon karataa hai to use shuroo men yah betukee see baat lagatee hai. lekin snyog aisaa ki usee samay kisee aur nae faarmoole men usake abhinay ke lie bhee jagah nikal aatee hai. saaraa kissaa kisee pareelok jaisaa hai. idhar film milatee hai udhar isee khushee men vah maan banane kee raah par nikal padtee hai. kareear yaa bachchaa jaise ghanaghor duvidhaa vaale kuchh kshan bhee aate hain lekin yah takaraav jaanalevaa naheen banataa. filmee duniyaa men ab baal-bachchedaar heeroinon ke lie bhee gunjaaish banane lagee hai. apanee doosaree film men hee, jab vah prasiddhi aur utkrishtataa ke charam par hotee hai, to use chhodkar vah apane tyooshanon aur apanee betee kee duniyaa men hee magan rahane kaa faisalaa letee hai.

ek samay kaa aadarshavaadee naayak ab filmee duniyaa kee antarng mahafilon aur raajaneeti kaa hissaa ban chukaa hai. naayikaa kaa faisalaa use ahamakaanaa lagataa hai. saath rahane kee snbhaavanaa ek baar fir samaapt ho jaatee hai aur maan-betee apane 'deshanikaale' kee lay talaashatee rah jaatee hain. (kisakaa desh aur kaahe kaa deshanikaalaa? jab filmee kareear ke charamotkarsh par use chhod dene jaisaa badaa faisalaa naayikaa dvaaraa liyaa jaa chukaa hai aur apanee marjee kaa ek 'desa' usane pahale se hee rach rakhaa hai to khaamakhaa rone-bisoorane ke lie ise deshanikaale kaa naam denaa jabardastee kee naareevaadee jyaadatee naheen to aur kyaa hai?)

ekabaaragee lagataa hai ki is upanyaas men yathaarth ke baraks faintesee kuchh jyaadaa hee haavee ho gaee hai. kaheen yah munbaee film udyog kee beraham duniyaa kaa mahimaamndan to naheen? lekin insaanee faisalon ko agar insaanee duniyaa se judee kisee bhee kahaanee kaa mool tatv samajhaa jaae to is upanyaas ke kuchh bade maayane bhee banate hain. sakaaraatmak baaten isase jyaadaa naheen kee jaa sakateen. klaasikee, balki shreshthatar rachanaaon kee khaasiyat maanaveey nirnay aur maanaveey niyati ke jis takaraav men khojee jaatee hai, use nibaahane kaa dhairy is rachanaa men (sire se n bhee sahee to) lagabhag nadaarad hai.

nijee baatacheet men lekhak is adhairy ke lie kuchh lekhakeey ulatabaansiyon aur kuchh prakaashakeey dabaavon ko jimmedaar thaharaate hain. yah upanyaas daraasal raajendr yaadav aur dheerendr asthaanaa ke saajhaa prayaas ke roop men likhaa jaanaa thaa. apane hisse ke das-baarah panne likhakar raajendr jee ne dillee se dheerendr jee ke paas munbaee bheje bhee lekin vahaan jis mukaam se rachanaa aage badhee usakaa koee taral snbndh shuruaatee hisse ke saath naheen ban paayaa (vaise bhee 'tarala' snbndh rachanaakaaron men sndhyaakaaleen sabhaaon ke dauraan jitanee aasaanee se ban jaate hain utanee aasaanee se rachanaaon ke beech kahaan ban paate hain).

fir haarakar dheerendr jee ko shuruaatee hissaa bhee nae sire se likhanaa padaa. idhar 'nayaa jnyaanodaya' ke snpaadak raveendr kaaliyaa upanyaas chhapane kee tithi ghoshit kar chuke the, lihaajaa jo 'faainal draafta' tabatak ban paayaa thaa vah patrikaa ke paintaalees prishthon men chhap gayaa. rachanaa is roop men bhee dilachasp hai. bhaashaa men patrakaaritaa kee ravaanee hai (munbaee kee mahaabarasaat kee mahaa-riporting is prasthaapanaa kee pushti kuchh jyaadaa hee shiddat se karatee hai) aur antim ek-do pairaagraafon ko chhodkar filmee yaa saahityik steeriyotaaip bhee kaheen najar naheen aate. lekin jabatak kitaab ke roop men naheen chhapatee tabatak ise ghar kee ladkee ghar men hee rahane jaisee baat samajhaa jaanaa chaahie. pustakeey roop men aane tak antim tukade par kuchh aur kaam kar lene men mujhe koee buraaee naheen najar aatee.

ek panne kaa mazaa leejiye ... suniye....

kitaab kaa naam : nikeetaa kaa bachapan
lekhak : aleksaee tolastoy
anuvaadak : madan laal 'madhu'
chitrakaar : v. kaanaashevich
prakaashak : pragati prakaashan , mosko
kishor saahity pustakamaalaa

yah kitaab lekhak ne apane bete nikeetaa alekseyevich tolastoy ko sasneh samarpit kiyaa hai aur antim panne par prakaashak kaa ek sndesh hai

paathakon se
pragati prakaashan is pustak kee vishay vastu , anuvaad aur dizaaeen snbndhee aapake vichaaron ke liye aapakaa anugrihit hogaa.
aapake any sujhaav praapt karake bhee hamen badee prasannataa hogee. hamaaraa pataa hai
21 zoobovskee bulavaar
maasko , soviyat sngh

(ab ye pataa , pataa naheen hai bhee kaheen )



khair , isake kuchh ansh kaa mazaa leejiye .... .




aur ye bhee .....