tumhaare hone se

tumhaare hone se bahut fark padegaa

pahaad par

usakee unchaaee par

tedhe-medhe pahaadee raaston par

aur unapar gasht karate baadalon par bhee

baadalon se bheege hue pahaad

tumhaare saath khoobasoorat ho jaaenge

har raah haseen ho jaaegee

aur har unchaaee..

kyon pnditajee kee pratibaddhataa aur soshal inpaavarament saath-saath naheen chal sake?

bhaaskar.kaam se saabhaar

http://www.bhaskar.com/blog/index.php?blog_id=28
raajendr tivaaree
Editor, Bhaskar websites

kyaa 10veen men bord pareekshaa isalie khatm kee jaanee chaahie ki amerikaa, briten yaa fraans men 10veen kee bord pareekshaa naheen hotee? hamaaraa samaaj in samaajon se alag hai, hamaaraa itihaas bodh jyaadaa gaharaa hai, hamaare mooly jyaadaa neeche tak jame hue hain, aise men mujhe lagataa hai ki shikshaa ko lekar hamen apane samaaj, snskriti, itihaas ko dekhakar koee faisalaa lenaa chaahie. hamen samajhanaa padegaa ki khaamee kahaan hai, hamen samajhanaa padegaa ki gunavattaa kyon gaayab hotee jaa rahee hai? shuruaat praayamaree se karanee padegee. jab tak praayamaree men sudhaar naheen hotaa tab tak n to sekendaree kee gunavattaa sudharane vaalee hai aur n yoonivarsiteej kee. aur jab tak ye sab naheen sudharataa, hamaaraa vikaas khokhalaa hee rahegaa aur baahar se aane vaalaa koee kamajor jhonkaa bhee hamaare vikaas kee imaarat ko hilaa degaa.


meree praayamaree shikshaa bhaarat varsh ke ek chhote se gaanv men huee. tab kareeb 1500 kee aabaadee vaale hamaare gaanv ke praayamaree skool men hedamaastar samet teen maastar hote the aur bachche the kareeb 200. aasapaas ke chaar gaanv ke bachche bhee yaheen padhne aate the. hedamaastar sirf kakshaa paanch ke bachchon ko padhaate the aur baakee donon maastar saahab do-do kakshaaon ko padhaate the. in maastar saahabon kee saamaajik sthiti bhee bataate chalate hain – hedamaastar braahman the, ek maastar saahab kaayasth aur ek maastar saahab pichhade varg se. gaanv men 50 feesadee se jyaadaa pichhadaa varg, kareeb 15 feesadee musalim, 10 feesadee dalit aur baakee braahman, thaakur v any agadee jaatiyaan. aaj bhee main yaad karataa hoon ki bachchon kee padhaaee ko lekar un maastar saahab logon kaa samarpan. hedamaastar (yaanee pnditajee) subah-subah poore gaanv kaa chakkar lagaakar bachchon ko skool kee taraf thelate the. teenon maastar saahab najar rakhate the ki gaanv men kisakaa bachchaa paanch saal kaa ho gayaa hai. har nayaa seshan shuroo hone par unakee koshish hotee thee ki paanch saal pooraa karane vaale bachchon kaa naam skool men likh jaae. logon ko apane bachchon kee janmatithi to yaad naheen hotee thee, lihaajaa pndit jee anumaan se unakee janmatithi darj kar lete the. anumaan lagaane kaa tareekaa bhee bahut rochak thaa- kisee ne kahaa ki pndit jee pichhalee baar jab baadh aaee thee tab hamaaraa ladkaa yaa ladkee apanee ammaa ke god men thee, pichhalee baar jab aag lagee thee tab yah pet men thaa, jab majhilaoo kee shaadee huee thee tab yah apane pairon par chalane lagaa thaa aadi-aadi. aaj main sochataa hoon ki pooree do peedhiyon ke un logon kee janmatithi to pnditajee kee tay kee huee hai jo skool gae. aaj vahee unakee aadhikaarik janmatithi hai. aisaa kamitament kyaa aaj sarakaaree skoolon ke shikshakon men hai? shikshaa vyavasthaa men saarthak badalaav ke lie hamen pahale javaab talaashanaa hogaa ki kyon khatm ho gayaa yah kamitament?

main apanaa hee kissaa aage badhaataa hoon, shaayad hamen javaab talaashane men madad mile. ve 70 ke dashak ke antim varsh the. imarajensee khatm ho chukee thee aur janataa sarakaar thee. imarajensee ke dauraan kaa jo mujhe yaad hai, usake mutaabik nasabndee aur dalit (harijan) do hee baaten sunaaee detee theen. hamaare maastar saahabon ko bhee kes (nasabndee) lakshy mile hue the. oopar se unhen diptee saahab (blaak shikshaa adhikaaree) kaa lakshy bhee pooraa karaanaa thaa. ve log baat kiyaa karate the ki kes naheen poore hue to naukaree par ban aaegee. ve bechaare isee men dubale hote jaa rahe the ki imarajensee hat gaee, janataa sarakaar aa gaee. log apane ko inpaavard mahasoos karane lage.
tabhee mere skool men ek vaakayaa huaa. kakshaa paanch ke bachchon men se kuchh kaee dinon se sulekh likhakar naheen laa rahe the. pnditajee ko gussaa aa gayaa. pnditajee kee yooesapee hee unakaa kadk mijaaj thaa so unhonne un donon bachchon kee jamakar pitaaee kee. doosare din subah unamen se ek ke pitaa pnditajee ke paas aae aur kahaa ki bachche ko itanaa naheen maaranaa chaahie thaa. pnditajee ne chupachaap sun liyaa. baad men kakshaa paanch ke sabhee bachchon ke pitaa se jaakar poochhaa ki kyaa ve chaahate hain ki unake bachche kee pitaaee n kee jaae. jin logon ne haan kahaa, unake bachche alag se padhaae jaane lage aur jinhonne kahaa ki pnditajee aapakaa bachchaa hai, aapako padhaanaa hai, jaise chaaho vaise padhaao, unake bachchon ko alag se padhaayaa jaane lagaa. baad men jab ham bade skool gae tab pataa chalaa ki yahaan jo sekshan (varg) hote hain, ve to pnditajee ne gaanv ke skool men hee shuroo kar die the. fir dheere-dheere n pnditajee kadk rahe aur n doosare maastar saahab. pnditajee kee kapade kee dukaan thee jise ve shaam ko hee kholate the, ab din men bhee khulane lagee. maastar saahabon ko bhee chhoot mil gaee. ek maastar saahab ne padhaane ke saath daaktaree bhee karane lage aur maastar saahab kee jagah daagadar saahab ke roop men khyaati praapt kee. doosare ne apanee khetee khud karanee (pahale bataaee par denee padtee thee kyonki pnditajee skool se hilane naheen dete the ab pnditajee ne bhee apanee khetee khud shuroo kar dee thee) shuroo kar dee aur agale 10 saal men gaanv ke bade kaashtakaar banakar ubhare. dheere-dheere skool naamamaatr kaa rah gayaa. baad men to skool men paas karaaee ke bhee paise lagane lage. pichhale dinon pnditajee kaa dehaavasaan ho gayaa. ek saal pahale main jab gaanv gayaa to dekhaa, har ghar ke baahar motarasaaikil khadee thee, 25-30 traiktar the, paach-chhah maaruti theen, adhikatar makaan pakke ho gae the, sabhee bachche chappal pahane hue dikhaaee die. skool bhee badal gayaa thaa, maastar saahab ab maastaron men tabdeel ho gae the, do kamare aur ban gae the jisamen se ek men hedamaastar saahab rahate hain aur doosare men unakee opeedee chalatee hai. 25-30 saal pahale rope gae aam-amarood ke paudhe ab badee see baag ban gae the. hamane poochhaa ki isamen khoob aam lagate honge, logon ne bataayaa lekin isase milane vaalaa paisaa ab skool men naheen lagataa balki maastaron, pnchaayat aur oopar ke adhikaariyon men bnt jaataa hai.

gaanv hee naheen shaharon men bhee yahee huaa. sarakaaree skool apane bade-bade parisaron men apanee puraanee gunavattaa kee kabragaah banakar rah gae hain.
aakhir aisaa huaa kyon? kyon pnditajee kee pratibaddhataa aur soshal inpaavarament saath-saath naheen chal sake? inamen kahaan antaravirodh hai? kamaaee saadhan kyon aur kaise banatee gaee shikshaa? main samajhataa hoon shikshaa vyavasthaa men koee bhee sudhaar, badalaav tabhee kaaragar hogaa jab vah aise savaalon ke eemaanadaar javaabon kee neenv par khadaa hogaa.

mulaayam dikhane vaale kadk raajaasaahab aur lunjapunj dikhane vaale maayaavee kaansheeraam ke beech lauhapurush aadavaanee

badaa ajeeb saa samay hai. ve sab log jo kabhee kaangres ko gaalee dete naheen thakate the, aaj kaangres kee 200 se jyaadaa seeten aane se itanaa khush hain jaise unakee khud kee sarakaar ban gaee ho. aakhir aisaa kyaa ghatataa rahaa pichhale 20 saalon men. itanaa hee naheen ye sab log ab maayaavatee kaa marsiyaa bhee padhne lage hain. mujhe yaad hai 1988 ke chunaav. main us samay chhaatr thaa. amethee se raajeev gaandhee ke khilaaf daa. snjay sinh aur kaansheeraam chunaav lad rahe the. amethee men najaaraa dekhane laayak thaa. kaansheeraam us samay bade netaa naheen the. maayaavatee to seen men hee naheen theen. raajaa vishvanaath prataap sinh kaa dnkaa baj rahaa thaa. unako sunane ke lie ghnton log intajaar karate the aur kaansheeraam ghnton intajaar karate the ki log jut jaaen to ve apanee baat kahanaa shuroo karen. raajaa naheen fakeer hai, desh kee takadeer hai ke naaron ke beech raajaa saahab apanee jeb men ek parchee lekar chalate the jisamen unake mutaabik svis baink kaa vah khaataa nnbar huaa karataa thaa jisamen bofors deel kee dalaalee jamaa huee thee. ek taraf se raajeev gaandhee. upr vishvanaath prataap sinh kaa deevaanaa thaa. tamaam buddhijeevee aur vaikalpik raajaneeti kee baat karane vaale tamaam log raajaa saahab ke samarthan men amethee men deraa daale the. dillee-bihaar-upr ke kone-kone se aae in sab badkaa-badkaa samaajavaadee buddhijeeviyon ke beech kaansheeraam. kaansheeraam kahate the ki main to amethee se chunaav isalie lad rahaa hoon ki meree baat door tak pahunch sake. lekin n to koee akhabaar kaansheeraam ko gnbheerataa se letaa aur n hee inamen se adhikatar buddhijeevee.
main bhee apane varishth saathiyon ke saath raajaa saahab kaa rutabaa dekhane amethee gayaa thaa lekin vahaan rahakar yah bhaan huaa thaa ki ye jo kaansheeraam hai, aane vaale dinon men raajaneeti ko badal degaa. raajaa saahab ke lie to log pagalaae hee hue the. haan raajaasaahab ek jid par jaroor ade the ki aadavaanee aur unakee bhaajapaa ke saath vah mnch naheen sheyar karenge. yah baat deegar hai ki unane aadavaanee se seet edajastament jaroor kar rakhaa thaa. yah seet edajastament agale 20 saal tak gul khilaataa rahaa. mulaayam dikhane vaale kadk raajaasaahab aur lunjapunj dikhane vaale maayaavee kaansheeraam ke beech lauhapurush aadavaanee.
aage kee kahaanee agalee baar....

vaapas ho rahaa hoon

jee lnbe samay baad main blaagajagat men vaapas ho rahaa hoon. ab koshish rahegee ki kuchh n kuchh jaroor likhataa rahoon. lekin kathin din chal rahe hain aajakal, isalie vaadaa naheen hai.

blaag ko ve meediyaa hee naheen maanate

flikar par benet naamak ek fotograafar ne yah tasveer apane flikar blaag par daal rakhee hai. benet ke mutaabik yah foto nyooyaark ke taaim skvaayar par lage ek bilabord kaa hai. is bilabord men jabaradast seksual engal hai. isamen ladkee kaa kroch buls aaee par hai. edaraints v shepingayooths naamake blaags ne is par hallaa machaayaa. shepingayooths kee ekjeekyootiv daairektar emee jasel ne is baabat snbndhit knpanee taaraget kee tippanee chaahee to taaraget ne kahaa ki vah vah blaags ko meediyaa naheen maanatee isalie koee bhee javaab dene kee jaroorat naheen samajhatee.
is par amerikaa men theekathaak bahas shuroo ho chukee hai. ham sab logon ko bhee is dishaa men sochanaa chaahie aur apane-apane star par bahas (blaags ke alaavaa bhee jo meediyaa pletafaarm hamen upalabdh hon, unapar bhee) chhednee chaahie jisase ki ek maahaul bane aur blaags ko meediyaa kee shrenee kee pahachaan mile.

haan, aap bhee dimaagee kasarat kar sakate hain. bataaie ki aapakee samajh se yah ed seksual engal vaalaa hai yaa naheen. haan apane uttar ke samarthan men kuchh tark jaroor den-

inafleshan v riseshan, donon kaa dar

yah iloostreshan ikonaamist men chhapaa hai.

HAVING a little bit of inflation is like being a little bit pregnant. Is that old adage worth bearing in mind as consumer prices across the globe accelerate?

mohabbaten - vah jindagee se mohabbat karatee thee

23-24 saal pahale kee baat hai. ek 27 saal kee sundar laavanyamayee jindagee se romaans men mast yuvatee jo maadaling kaa kaam karatee thee, apanee shaadee par (javaanee kee dahaleej par kadam rakhate hee mohataramaa mohabbat kee raah par chal padee theen) milee 29 saal ke ek naujavaan se jisakee raajaneeti men jabaradast ruchi thee aur vah peris kaa sabase yuvaa meyar thaa. naujavaan kee nijee jindagee achchhee naheen chal rahee thee, use chaahie thee koee aisee chhaanv jo use sukoon de sake, yuvak ko lagaa ki yah ladkee to mere lie hee banee hai. yuvatee maadaling karatee thee aur apanee shaadee ke samay vah preganent thee. naujavaan meyar ne yuvatee v usake pati se dostee gaanthee. yuvatee ko milaa aisaa saath jo usakee bauddhik bhookh ko khngaal sake, aisaa saathee jo har shay ko maayane de sake, jo har darakht se jud sake aur har dhaar men jindagee mahasoos kar sake. donon ek raah par chal nikale. donon ke charche har galee men the. saalon mohabbat kee gaadee fulaspeed chalee. ek din meyar kee beevee ne dekhaa apane khaavind ke pagamaark jo is yuvatee ke kamare kee khidkee kee or ishaaraa kar rahe the. meyar baaboo rnge haath pakade gae. beevee to apane bachchon ko lekar alag ho lee. mohabbat kee gaadee haaeeve (byaah) par aa gaee. sabakuchh bahut romaanchak thaa. yuvatee se praudh ho gaee thee aur naujavaan to khilndad thaa hee. kenedee kee laaifastaail usakaa aadarsh thee. praudhaa apane premee kee raajaneeti kaa mainejament bakhoobee karane lagee. use majaa bhee aataa thaa. jindagee maje men thee binaa kisee bndish ke- havaa ke saath-saath, ghataa ke sng-sng. yuvak ek din apane mulk kaa mukhiyaa ban gayaa. vah yuvatee jo ab 10 saal ke bachche kee maan bhee thee, apane umr ke 50 saal poore kar chukee thee lekin jindagee se usakee mohabbat utanee hee intens thee jitanee is naujavaan ke saath is intens mohabbat kaa safar shuroo karate samay thee. vah pedon se batiyaate rahanaa chaahatee thee, nadiyon se athakheliyaan karate rahanaa chaahatee thee aur havaa ke saath-saath jeenaa chaahatee thee. usane koshish kee maheenon ki yah sab ho sake aur pratham mahilaa kee bhoomikaa men bhee koee ungalee n uthe. aakhir usane haar maan lee aur apane saathee se spasht kah diyaa vah elisee pailes ke lie naheen banee hai. vah jindagee se mohabbat karatee hai.

(aage us naujavaan kee naee mohabbat)