blog se vebasaait tak …

priy mitron!
meree kaavy vaatikaa ab poore bageeche kaa roop le chukee hai. ab blog kee kyaaree men ugee tulasee vebasaait ke bageeche men mahak rahee hai. is bageeche men aapako vividh kyaariyon kee mahak aur saundary ek saath milegaa. kripayaa oopar diye gae chitr par klik karen aur hamaare nae ghar padhaaren-

ek yug kaa ant

kavi samaaj ho yaa aadhyaatmik jagat… aaj kaa din samast snvedee samaaj ke lie vishaad kaa din hai. jain samaaj ke aachaary mahaaprajng aaj bhautik deh ko tyaag gae hain…! ve jitane bade snt the utane hee bade kavi bhee the. darshan aur vijnyaan ke beech nishpaksh rahate hue samaaj ko dishaa-nirdesh denaa aapake hee kaushal se snbhav thaa. aachaary tulasee ke shishy ne jain vishv bhaaratee ke roop men samaaj ko mahaan saugaat dee. aapakee vaichaarik kshamataaon ne aapako jain samaaj kee seemaaon se nikaal samast maanav jaati kaa aachaary banaa diyaa hai…

blog se vebasaait tak

priy paathakon!
"kaavyaanchal", jo ki ab tak aapako sirf meree rachanaaon se vaaqif karaataa thaa, ab apanaa daayaraa badaa kar rahaa hai aur blog kee bagiyaa se nikal kar vebasaait ke baag tak pahunch gayaa hai. is baag men aapako anek jaane-anajaane rachanaakaaron kee rachanaaen padhane ko milengeen.
yahaan se aap apane pasndeedaa kaviyon ko sun bhee sakate hain, dekh bhee sakate hain aur unakee kavitaaon par aadhaarit vaalapepars se apanaa deskatop bhee sajaa sakate hain.
aashaa hai ki aapakaa samarthan aur sahayog hamen milataa rahegaa.

-aapakaa apanaa
chiraag jain

http://www.kavyanchal.com/

meree raahon pe chalakar dekh lenaa

meree aankhon kaa mnjr dekh lenaa
fir ik pal ko samndar dekh lenaa
safr kee mushkilen rokengee lekin
palatakar ik dafaa ghar dekh lenaa
kisee ko bevafaa kahane se pahale
jraa meraa mukddar dekh lenaa
bahut tejee se badalegaa jmaanaa
kabhee do pal thaharakar dekh lenaa
hameshaa ko judaa hone ke pal men
ghadee bhar aankh bharakar dekh lenaa
meree baaton men raahen bolateen hain
meree raahon pe chalakar dekh lenaa
n poochho mujhase kaisee hai bulandee
main jab lautoon mere par dekh lenaa
mujhe ik betaaabee de gayaa hai
kisee kaa aah bharakar dekh lenaa
jmaane kee najr men bhee havas thee
tumhen bhee to mere parade khale naa
mire dushman ke haathon faisalaa hai
klam hogaa miraa sar dekh lenaa

ek pyaade se maat palategee

har naee rut ke saath palategee
khushboo-e-kaayanaat palategee
ye siyaasat hai is siyaasat men
ek pyaade se maat palategee
kisakee baaton kaa kyaa yakeen karen
peeth palategee baat palategee
rng parachhaaee tak kaa badalegaa
subh hogee to raat palategee
tum snbhal kar bas apanee chaal chalo
ik n ik din bisaat palategee
vakt jb-jab bhee karavaten legaa
jindagee saath-saath palategee

ahasaas kaa honaa achchhaa

unako lagataa hai ye chaandee au' ye sonaa achchhaa
main samajhataa hoon ki ahasaas kaa honaa achchhaa
mainne ye dekh ke mele men lutaa dee daulat
murdaa daulat se to bachchon kaa khilonaa achchhaa
jisake aagosh men ghut-ghut ke mar gae rishte
aisee chuppee hai buree; toot ke ronaa achchhaa
jisake kho jaane se rishte kee umar badh jaae
jitanee jaldee ho us abhimaan kaa khonaa achchhaa
ashk tejaab huaa karataa hai dil men ghutakar
dil galaane se to palakon kaa bhigonaa achchhaa
mire hote hue bhee koee miraa ghar loote
fir to mujhase mire kheton kaa daronaa achchhaa
jabaki har ped fkt beech men uganaa chaahe
aise maahaul men is baag kaa konaa achchhaa
raam khud se bhee paraae hue raajaa banakar
aise mahalon se vo jngal kaa bichhonaa achchhaa
usake lagane se meraa man bhee snvar jaataa thaa
ab ke shrringaar se ammaa kaa dithaunaa achchhaa

kisee eesh ko pranaam mat keejiye

naanak, kabeer, mahaaveer, peer gautam ko
pnth, desh jaatiyon kaa naam mat deejiye
jisane samaaj kee tamaam bediyaan mitaaeen
use kisee bedee kaa gulaam mat keejiye
man ke fkeer, alamast mahaamaanavon ko
rudhiyon se jod badanaam mat keejiye
maanav ke prati prem hee prabhu kee archanaa hai
bhale kisee eesh ko pranaam mat keejiye

ummeed

tum hameshaa mujhe doshee thaharaatee ho
ki main apane rishton men
ummeeden bahut rakhataa hoon
lekin samajh naheen paataa hoon main
ki ummeed ke binaa
nibh hee kaise sakataa hai
koee snbndh?

...ummeed ke binaa to
daan diyaa jaataa hai!

jeevnt ho uthee hai maan!

gaanv kaa puraanaa makaan
kachchaa-pakkaa frsh
deemak lagee jarjar chaukhat
aur deharee ke donon or
chikanaaee ke
do gol nishaan!

.....muddat huee
har saal deepaavalee par
deepak jalaate the do haath.
fir apane palloo kee ot men chhipaakar
havaa ke jhonke se bachaate hue
deevaar kee aad men
haule se deharee par
do deepak dhar aate the do haath.

......
.........n jaane kyon
aaj fir se
jeevnt ho uthee hai maan!

rikshaavaalaa : ek sntraas

daree-sahamee patnee
aur teen bachchon ke saath
kiraae ke makaan men
rahataa hai rikshaavaalaa.

bachche
roj shaam khelate hain ek khel
jisamen seetee naheen bajaatee hai rel
naheen hotee usamen
pakadm-pakadaaee kee bhaagadaud
n kisee se aage nikalane kee hod
n oonch-neech kaa bhed-bhaav
aur n hee chhupam-chhupaaee kaa raaj

....usamen hotee hai
''fatehapuree- ek savaaree''
-kee aavaaj.

chhotaa-saa bachchaa
puraanee paint ke paunche oopar chadhaa
rikshaa kaa haindil pakad
jor-jor se aavaaj lagaataa hai,
aur chhotee bahan ko savaaree banaa
pichhalee seet par baithaataa hai

...thodee der tak
ulte-seedhe paidal maarane ke baad
apane chhote-kaale haath
savaaree ke aage failaa detaa hai
nakalee rikshaavaalaa

poorv nirdhaarit kaaryakram ke anusaar
utar jaatee hai savaaree
apanee bhoomikaa ke saath men
aur mutthee men bndhaa
paanch rupaye kaa nakalee not
(....jo nikalataa hai
ek rupae ke saunf ke paikit men)
thamaa detee hai
nakalee rikshaavaale ke haath men.

tabhee khel men
pravesh karataa hai teesaraa bachchaa;
pakad rakhee hai jisane
ek gandee-sookhee lakadee
theek usee tarah
...jyon ek pulisavaalaa
dndaa pakadtaa hai apane nirmam haath men.

maarataa hai rikshaa ke taayar par
fir dhamakaataa hai use
pulisavaale kee taraha;
aur chheen letaa hai
nakalee bohanee ke
nakalee paise
nakalee rikshaavaale se
nakalee pulisavaalaa banakar
asalee pulisavaale kee tarah.