pariyon kee raanee.....anushkaa

o laadalee, meree chhail chhabeelee

titaliyon see hai chnchal, foolon see rngeelee

pariyon kee raanee, o raajadulaaree

teree adaaen, jahaan se niraalee

mere anganaa men chahake hai, chidiyon see aise
madhur sngeet ghole hai, kaanon men jaise

muskaraahat salonee, lage pyaaree pyaaree
dekh dekh main tujhako, jaaoon vaaree vaaree

too kiranon see ujval, geeton see raseelee
hai nadiyon nishchhal, parvaton see hatheelee

mere jeevan kee aashaa, in nayano kaa sapanaa
tujhako paakar lagaa, saaraa snsaar apanaa

hai sabakee too pyaaree, mere man kee sahelee
tere sng sng to, main bhee khilauno se khailee

nanhe kadamo se tere, naache meree khushiyaan
tere aane se roshan huee meree duniyaan

mere jeevan kaa anamol dhan meree chhotee see bitiyaa anushkaa aaj 4 saal kee ho gaee hai ....is khaas din par mere man ke bhaav kuchh is tarah se ubhare .....janmadin mubaarak ho pariyon kee raanee anushkaa !!

sannaate kaa shor

kyaa sun paate ho
tum bhee kabhee
in khaamosh lamhon men
chhipe athaah
sannaate kaa shor
jo pal pal mujhe
til til tadpaataa hai

geelee aankhon se main
jab jab khidkee se
taakatee hoon chaand ko to
bheegaa bheegaa saa hee
mujhe chaand bhee
nazar aataa hai


hizr kee lambee
raaton men chinghaadtee
tanhaaiyon kee sadaa
jab ghanaghor andhiyaaren
kaale baadalon
ke garjan
see bhayaanak
lagatee hai tab
hone lagate hai
achaanak saikadon
aaghaat dil par
yaadon kee bijaliyon
ke prahaaron se


aisee toofaanee raaton men
aksar bnd kamare men
bhaynkar
barasaat huaa karatee hai
jisame bah jaate hai
annt sapane, aashaaen aur
vishvaas man kaa

bhor hote hee

samet kar khud men

in toofaanee barabaadiyon

ke nishaa main ek

naye toofaan kaa

intazaar karatee hoon

kyaa sach

naheen dekh paate

tum kabhee

in barabaadiyon kee

kasak inake

gahare nishaan

jo mere dil par

chaspaa hai

jinhen main chaah kar bhee

chhupaa naheen paatee ....!!!!!

kyaa naam den?

ahasaason kaa ik bndhan

jahaan bin bole hee
sunaataa hai man ....
n nazar mile,n khbar magar
dil kaa dard
samajh men aataa hai
duhkh men duhkh
khushiyon se khushiyaan
mushkil men man ghabaraataa hai

n kahe kabhee
par dil ke geele
shabd sunaaee dete hai
mile naheen par rooh ke
rookhe zakhm
dikhaaee dete hai
tanhaaee ke
chubhate palon men

man men makhmal saa

ahasaas lage

duree meelon kee fir bhee

har pal dil ko

dil ke paas lage ...

is rishte kaa
koee naam naheen
magar duaaon kaa
hissaa-naataa hai
bhalaa- buraa
sab sachchaa lage
jab koee man se
man ko bhaataa hai


anubhootiyon ke
komal dhaage ko
aur kitane
nae aayaam den ....
man se man ke
is naate ko
man sochataa hai
kyaa naam den ??

mrig marichikaa

yathaarth aur parikalpanaaon ke adhar

bhaavanaaon ke saagar men uthatee lahar

saty samajh chhadm aabhaason ko

paane ko laalaayit huaa hraday

samaksh yathaarth ke aate hee

aabhaas kshanabhar men huaa vilay

tadpataa tarasataa vyathit man

nity pratikshan badhtee trishnaa kaa saar paanaa chaahataa hai

antaratam kee is trishnaa se paar paanaa chaahataa hai

hotaa prateet yathaarth saa kintu

aabhaas sadaa aabhaas hee to hai

jab lobh saritaa tat par gae to

jo haath lagaa vo pyaas hee to hai

kar door sabhee chhadm bhraantiyaan

chetanaa snchaar, vivek ke aadhaar sng

kaat kar vyarth jnjaal sabhee

aashaa niraashaa ke bhnvar ke us paar jaanaa chaahataa hai

is antaratam kee trishnaa se paar paanaa chaahataa hai

jab door khade ho parvat se dekhaa

sheetal, svachchh sarovar paayaa

jab pyaas bujhaane gae paas to

n boond neer kaa kahee par paayaa

chhadm sarovar yah aabhaasee, aabhaasee ye snsaar hai

aabhaasee sab rishte naate aabhaasee pyaar,dulaar hai

chhal aabhaas kee paribhaashaa ko

shaasvat saty, atal, avirat aadhaar paanaa chaahataa hai

is antaratam kee trishnaa se paar paanaa chaahataa hai

kachot kar man se avasaad sabhee

chir kar abhr yah andhakaaramayee

nishthaa v karm ke saadh pnkh

jaanaa chaahataa hai parikalpanaaon ke paar man

jahaan ud sake chetanaa kee ek sachchee udaan

yathaarth ke anant vishaal nabh men

jahaan mil paae vyaakul pnchhee ko praan

param shaanti, param tripti kaa vah dvaar paanaa chaahataa hai

is antaratam kee trishnaa se paar paanaa chaahataa hai

khushiyon bharaa ho saal nayaa aapake lie

har pal yahee hai dil kee duaa aapake lie
khushiyon bharaa ho saal nayaa aapake lie

mahakee huee umng bharee ho har ik subah
chaahat ke gul se path ho sajaa aapake lie

sngharsh ko saflataa kee milatee rahe muraad
ho jashn jeet kaa hee sadaa aapake lie

aangan men sabake jhoomake laharaaen bahaaren
jeevan ho jagamagaatee chhataa aapake lie

arpan sabhee ko hain mere shubhakaamanaa suman
utkarsh laae saal nayaa aapake lie

aap sabhee ko saparivaar navavarsh kee haardik shubhakaamanaaen....!!!

makhamal kee chubhan

bhaaree gahane, jaree vaale kapade aur foolon se gathaa maathaa aankhon men ajeeb see udaasee lie jotsanaa apane kaksh men baithee kisee soch men doobee hai . achaanak kaksh men usakee saas kaa aagaman hotaa hai..... jotsanaa, baahar baithak men itane mehamaan the . sabako theek se vidaa karanaa to door tum yahaan fat se chalee aaee .ye bhee koee baat huee bhalaa !!

jotsanaa achaanak chaunk kar kahatee hai....... maajee, baithe baithe pair sunn ho gayaa thaa iseelie yahaan chalee aaee . itane men hee jamunaa kaakee (maharee) kahatee hai ...are koee baat n hai bahuriyaan aise men tumakaa aaraam kee hee jarurat rahee . mehamaan to sab chale gae . ab jab lallaa le aaogee tab bhee to aaenge tab miliho fir se .....kahate hue jamunaa baithak se kuchh saamaan lekar aarahee hai . ammaa jee bahuriyaa ke peehar se ek se ek bhet laae the biyaaee jee .

too chup bhee rah jamunaa, mahaaraanee ke tevar aur bhee bad jaaenge. kyaa koee isee ke ghar se aaee hai bhent ! mere milane vaalon kee bhent ke aage to yah kuchh bhee naheen . haan par tujhe bhee kyon n pasnd aaenge ?? mahariyon kee pasnd jaisee hee to pasnd hai in gaanv ke logon kee. jamunaa kaakee apanaa saa mooh lekar chalee gaee... magar maajee kee baat abhee pooree kahaan huee thee . dekhon jotsanaa, tumhe buraa lage yaa bhalaa lekin kahe detee hoon is baat par bhaaskar se kuchh kah kar ghar men klesh n karanaa .....tumhaare maataa pitaa ko itanaa vichaar karate n banaa ki chhotaa gaanv hai chikitsaa suvidhaa kaa aabhaav bataa kar betee kee jachakee ke kharche se to unhonne fat se haath saaf kar lie ab kyaa betee kee god bharaaee main thodaa kharch naheen kar sakate the ...!! tumhaaree maan to mukhy atithi kee tarah aaee rasm khtm hote hee haath jod kar chal dee. yahaan kaam men haath bataanaa hogaa, yah bhaav to aae hee naa unake man men .. ..main kyaa kahoon maajee unake rukane par bhee aapatti hotee hai ki betee ke ghar log rah kaise jaate hai !! pitaajee ke ritaayarament men bhee abhee samay hai unhen aofis kaa bahut kaam hotaa hai lekin maajee vo apane saamarthy ke hisaab se itanaa kuchh laae to hai .... tum itanaa kuchh to aise kah rahee ho jaise 1-2 gaadee bhar kar saamaan aur kilo bhar sonaa laaen hai . jotsanaa ke aankhon se aansoo bah pade fir bhee maataa pitaa kaa apamaan sahanaa kisee ladkee ke lie jahar ke ghoont pine jaisaa hee to hai. bahut chaah kar bhee vo khud ko rok n sakee aur kah uthee maajee aap bhee jaanatee hee hai prasooti ke lie mujhe gaanv n bhejane kaa nirnay aapake bete kaa hai mere maataa pitaa kaa to naheen .....jotsanaa ke bol pure hee kahaan hue the ki use vajnadaar javaab sunane ko milataa hai;

"haan jaise hamen to pataa hee naheen ki yah pattee use kisane padaaee hai ....jaane kyaa jaadoo kar diyaa hai bete par, ab to kuchh sunataa hee naheen" .

fark sirf itanaa hee thaa ki is baar yah javaab jotsanaa ko apanee saas se naheen balki sasur jee se milaa thaa.bechaaree ke hraday ko badaa aaghaat huaa lekin saas ko to badaa bal milaa, aaj jng men unakaa saath dene ke lie ek sashakt samarthak bhee hai .

mahariyaan ghar men idhar se udhar ghoom ghoom kar apanaa kaam kar rahee thee unhen doosaree or kaam karane kaa nirdesh dete hue bhaaskar ke pitaa ne ek aur vishelaa baan daag hee diyaa ....gaanv men rishtaa kar kar pachhataa gae jee tum theek hee kahatee thee, padhee likhee ladkee ke chakkar men kuchh haath n lagegaa ultaa betaa hee haath se chalaa gayaa . ghairy kaa baandh toot hee gayaa aur sntaapit jotsanaa kah hee uthee pitaajee eeshvar saakshee hai mainne aapake bete se kuchh naheen kahaan aur fir bhee aapako apane samandhee se shikaayat hee hai to unhee se kah leejiyegaa filahaal mujhe n deejiye apane maataa pitaa ke naam ke taane ....kshamaa keejiye lekin abhee mere lie yah tanaav theek naheen .bheegee aankhon se dabe shabdon men anurodh svarup jotsanaa ne ye sab kahaa lekin is anurodh kaa asar kis par honaa thaa .....lo to ab hamaaraa kuchh kahanaa bhee inakee sehat par buraa asar kar rahaa hai jaise ham to apane bete kaa buraa hee chaahenge .....bhagavaan bachaaen aaj kal kee ladkiyon se ek kahon to das pakadaatee hai ....kahate hue bhaaskar ke pitaa dusare kaksh men chale gae !!

ab kyaa thaa maataajee kaa gussaa apane charam par pahuch gayaa ....vaah to yah sikhaayaa hai tumhaaree maan ne tumako is tarah baat kee jaatee hai badon se !! apane saas sasur ko do tuk javaab dete tumhe sharm naheen aatee jotsanaa .......ve aage kuchh kahatee usake pahale hee jotsanaa bol padee maajee mujhe kshamaa keejiye main aapake saamane bol rahee hoon lekin kripaa kare abhee aisee avasthaa men mujhe n rulaaiye meree hee baat naheen bachche ke svasth ke lie bhee achchhaa naheen hai ...kal hee doktar ne hamen sachet kiyaa hai meraa raktachaap uchy ho rahaa hai kaee dinon se ....jo theek naheen .

ohho !! to ab yah dosh bhee hamaare hee sar maado tum "dekhon tum ro rahee ho ye tumhaaree marzee hai. ham tumhe naheen rulaa rahe hai kahate hue jotsanaa kee saas chalee gaee ...kahee n kahee unake man men doktar kee chetaavanee kaa dar thaa lekin apane pote ke lie ...

achaanak hee kuchh kaanch ke baratan tootane kee aavaaz jor se aatee hai .....are kyaa huaa !!

jamunaa kaakee daud kar aatee usake pahale hee maajee pahuch gaee . jamanaa kaakee kee bahoo kajaree ke haath se kuchh kaanch ke bartan chhut kar toot gae ... he bhagavaan itanaa mahngaa nakkaashee vaalaa dinar set thaa . aree tujhe bhee yahee set milaa thaa todne ko . jamunaa teree bahoon men koee lachchhan naheen hai. itanaa mahngaa set tod diyaa ek paisaa n milegaa aaj kee majooree kaa to tujhe ...maaf karee dev ammaa jee bhele hee paiso n denaa, naaraaz n ho is par. pet se hai bichaaree .....haan to isakaa matalab kyaa kuchh bhee nukasaan karegee . kyaa yah anokhee hai jo pet se hai .....kahatee huee ghussaaee maalakin chalee gaee .

jamunaa kaakee bahut pyaar se apanee bahoo ko uthaate hue kahatee hai kaa bhao bahuriyaa ....maae pair sunn pad gao so uthate hee saamaan haath se chhut gao . o kachhu naaee bahuriyaa ro naahee, aisee dasaa men koee rot hai bhalaa !! chal chup ho jaa to ....yo kaam haoo karalet hoon . too jaa bahuriyaa ke kamaraa kee safaaee kar de fir doee ghar chale hai .

jotsanaa daravaaze kee aadh se sab kuchh dekh rahee thee. saath hee saath spasht roop se dekh rahee thee us antar ko jo mahal ke bheetar padhe likhe paise vaalon ke chhote vichaar men aur badee see puliyaa kee chhaanv men basee chhotee chhotee jhopad patteeyon men rahane vaale anapadh gareeb logon ke achchhe aur bhale vichaaron men thaa . kajaree ke kaksh men pravesh karate hee jotsanaa bolee kyon ree, tujhe kahaa thaa n jyaadaa vazan n uthaayaa kar. fir kyon itanaa sab uthaa rahee thee ??
bhaabhee maae kee bhee umar hai ab itanaa kaam kar thak jaatee hai . unhee kaa haath bataane ko kar rahee thee . kahate hue kajaree jotsanaa ke chahare kee or dekhate hee usakee soojee huee laal aankhen dekh kar kahane lagee ye kyaa bhaabhee tum roee ho . maae kah rahee thee esee dasaa men ronaa achchhaa naheen........... lallaa ghabaraat hai garabh men .

kuchh kah diyo kaa aammaa jee ne ?? are naa ree vo bhalaa mujhe kuchh kyon kahengee . vo bhee esee dashaa men aur aaj meree god bharaaee ke din !!

vo mere sar men bahut dard hone lagaa to aansoo nikal aae ....ab hamase n chhupaao bhaabhee !
tum itanee dheeraj vaalee esan darad se kahaan rone lagogee, toke maan baaboo gaae n achchhaa naheen lag rahaa hogaa iseelie n ?? ham n jaan sakengee kaa aakhir ham bhee to peehar chhod kar aaee hai . aaon thodaa sar dabaa de.....takiye par sar rakh kar kajaree jotsanaa kaa sar dabaane lagee . jotsanaa lete lete kajaree se kahatee hai too badee bhaag vaalee hai re kajaree. jamaanaa kaakee kitanee achchhee hai teraa kitanaa khyaal rakhatee hai. achchhee to maae hai hee magar aise main to sab hee apanee bahuriyaa kaa khyaal rakhe hai aur tauke bhaag kaa kam hai bhaabhee ?? itanee padhee likhee ho bade skool kee maastaranee ban gaee , bhaiyaa jee jaise achchhe roopavaan pati hai, mahal men bahoo ban kar aaee ho paisaa lattaa kee kisee cheej kee koee kamee hai kaa ??

in sabhee cheejon ke baad bhee jis kamee kaa ahasaas jotsanaa pratipal kar rahee thee vah to bas use sahan hee karanee thee kahee naheen jaasakatee thee . baat kaa rukh badalate hue jotsanaa kajaree se bolee kajaree pair to meraa bhee bahut sunn ho jaataa hai. too jaraa dhyaan rakh apanaa . maae kah rahee thee ham uchee neechee jmeen par raat ko sot hai n, to sheet se sunn pad jaaee hai par bhaabhee tum to makhamal ke bistar par sone vaalee tumhe sheet kaise lagee?? paanee men jyaadaa pair n rakhaa karo bhaabhee .....kajaree kee baaten sunate sunate jotsanaa soch rahee hee thee is makhamal ke bistar par kaaton kee kitanee chubhan hai usase yah jmeen par sone vaalee ekadam anajaan hai . is chubhan kaa ahasaas usake shareer ko naheen usake man aur aatmaa ko peedaa pradaan karataa hai . fir kajaree ko jaane kaa kah deevaar par tngee bhaaskar kee muskuraatee huee tasveer ko dekh apanee peedaa ko bhulaane kee koshish men ek gaharee saas lekar jotsanaa apanee aankhen moond adheer man ko shaant karane koshish karane lagatee hai ......

duaaen bhee dard detee hai

duaaen bhee dard detee hai
davaaon kee khtaa kyaa hai

dagaaon se bharaa meraa daaman

to ik teree vafaa kyaa hai

duaaen bhee dard detee hai

davaaon kee khtaa kyaa hai

chatak kar bah uthaa ye to

hai laavaa dard kaa dil ke

hamadardee naa raas aaee

bhalaa dil kee khtaa kyaa hai

duaaen bhee dard detee hai

davaaon kee khtaa kyaa hai

ab to din raat har pal

ashkon kee barasaat hotee hai

vo kahate hai bahaar aaee

main kyaa jaanoo samaan kyaa hai

duaaen bhee dard detee hai

davaaon kee khtaa kyaa hai

badaa meharabaan sitamagar hai

hajaaron zakhm detaa hai

khud hee anjaan hai lekin

bhalaa ye bhee adaa kyaa hai

duaaen bhee dard detee hai

davaaon kee khtaa kyaa hai

dariyaa-e-aab ye gaharaa

doob jaanaa hee kismat hai

magar isame jo naa doobe

to jeene kaa mazaa kyaa hai

duaaen bhee dard detee hai

davaaon kee khtaa kyaa hai

ulfat ke deep dil men jalaao to baat hai--------------raaneevishaal

roshan hai kaayanaat deevaalee kee raat hai
ulfat ke deep dil men jalaao to baat hai

nafarat kee aag dil men, jalaakar milegaa kyaa
roshan mahal unheen ke hain, jinakee bisaat hai

jagamag hai ek or mahal, aur ik taraf
kuchh ghar ke diyon ko to andheron se maat hai

tyauhaar adhoore se hain, khushiyaan hain adhooree
apanon se apane paas hon to koee baat hai

dil kee tijoriyon men rahe, pyaar kee daulat
badhatee hai baant kar bahut, ye vo saugaat hai

jalane lage ulft ke deeye, aman ke chiraag
tab maan leejiye ki, deevaalee kee raat hai

chaahat bulndiyon kee, kahaan leke aa gaee
mushkil safar hai 'raanee' aur koee n saath hai

janam janam kaa saath-----------raaneevishaal

maang sindoor, maathe par bindiyaa
rachaaee mehndee donon haath
saaj singaar kar, aaj main nikharee
lie bhaag suhaag kee aas
priy yah janam janam kaa saath

puny ghadee kaa puny milan banaa

mere jag jeevan kee aas
poorn huee main, paripoorn aabhilaashaa

jab se paayaa puneet yah saath
priy yah janam janam kaa saath

vrat, poojan kar de ardhy chandr ko
maangoo aasheesh vishaal ye aaj
jiyoon suhaagan, maroo sugaagan
rahe amar prem sadaa saath
priy yah janam janam kaa saath

har yug, har jeevan, mile saath tumhaaraa
rahe tumhee se chamakate bhaag
main-tum, tum-main, rahe ek sadaa ham
kabhee naa chhute yah vishvaas
priy yah janam janam kaa saath

aaj karavaa chauth ke paavan din pooree aasthaa aur vishavaas ke saath param pitaa parameshvar ke charanon men yah param abhilaashaa samarpit hai aur aap sabhee mere blog parivaar ko bhee meraa charan vndan aaj kament men apane sneh ke saath yahee aasheesh pradaan kare ki main har jeevan har janam akhnd vishaal saubhaagy praapt karoo ....

saadar pranaam

chaand hai meraa parades men

aaj chndaa too chamak naa ki

chaand hai meraa parades men...

ujjaval salonaa ye roop teraa

mujhe usakee yaad dilaaegaa

jaa chalaa jaa aaj too kaheen

kab tak mujhe yoon sataaegaa

chamakegaa jo too yoon raat bhar

to meree raat ye hogee doobhar

damakatee rahegee usee kee soorat

saaree raat mere khayaal men

fir ahasaas usase duree kaa ye

subah talak rulaaegaa ...

jaa ki sojaa too ghadee bhar

badaliyon kee aadh men

taaki moond sakoon aankhon ko

apane chaand ke hee khayaal men

palakon ke ambar par jab

chamakenge taare svapn ke

tab machal kar chaand meraa

mujhako gale se lagaaegaa

fir kategee judaaee kee raat bhee

diladaar ke hee aagosh men

aaj chndaa too chamak naa ki

chaand hai meraa parades men

aaj teraa main kyaa karoo

aanaa kisee din fir se too

jab aae mere aangan men chaand

tab dekhegee chaand kee chaandanee men

ye chaandanee bhee apanaa chaand ...

hogaa tab hee to ye pataa

hai too bhalaa yaa vo bhalaa

manabhaavanaa hai too hee jyaadaa yaa

adhik hai, mohakataa usake vesh men

aaj chndaa too chamak naa ki

chaand hai meraa parades men

chaand hai meraa parades men...!!!