mahngaaee devee - do ravindr kumaar

he mahngaaee devee teree mahimaa hai nyaaree,
too hai janataa pe aafat bhaaree.
kisee ne kahaa hai tujhako daayan,
kisee ne bolaa hai tujhako mahaamaaree.
tere kaaran uthaa hai janataa kaa chaantaa,
sakate me hai anbaanee, biralaa v taataa.
teree vajah se bike hai bngale,
toone hee gareeb kee chadhdhee utaaree.
tere kaaran huye hai anashan,
huaa hai pareshaan jan jan.
teree vajah se badhe hai karj,
chhoot gaye peechhe kaee farj.
he devee soon le too,
ye karun vinatee hamaaree.
sabako mile do vakt kee rotee,
naa murajhaaye kisee jhonpadee kee fulavaaree.
he mnhagaaee devee bas soon le too,
ye itanee vinatee hamaaree.

graam-vedakhedee, post- jhinjhaanaa,
jilaa- prabuddh nagar (uttar pradesh)

taajaa abhee banaayaa hoon!

- do॰ ajay nandan 'ajeya'

ek kavitaa meree sun lo, taajaa abhee banaayaa hoon!
aadarsh shrotaa dekh aapako, abhee jehan men aayaa hoon.
chairaaho sadak par gaataa hoon,
kuchh n kuchh sunaataa hoon.
sunataa naheen yadi koee,
to chaay bhee use pilaataa hoon.
‘‘vns mor’’ kee aavaaj se, meraa man harshaayaa hai.
ek kavitaa meree sun lo....2
meree apanee hee rachanaa hai,
koee nakal naheen bhaaee,
yah to kopee raait hai meree,
pakad men kabhee naheen aayee.
is ek kavitaa ko mainne, darjanon baar bhunaayaa hai.

ek kavitaa meree sun lo....2
mujhe sunane se matalab hain
chaahe ho koee bhee chhnd
arth bhale kuchh bhee nikale,
chaahe dimaag ho jaae band,
ho mukt chhnd yaa fir tukaant, mainne to sabhee gaayaa hai.
ek kavitaa meree sun lo....2
upaadhiyaa to milee naheen,
panne kie bahut kaale.
huaa ghar ke kaamo se bekhabar..
to beebee ne bhee sunaa daale.
naa ghar kaa rahaa naa ghaat kaa, bas aapalog kaa saayaa hai.
ek kavitaa meree sun lo....2
nireeh praanee n samajho kavi ko,
vah to raah bataataa hai.
ghar ko chhod saaree duniyaa ko,
naseehate yaad karaataa hai.
shaanti-kraanti donon sthitiyon men badaa rol nibhaayaa hai.
ek kavitaa meree sun lo, taajaa abhee banaayaa hoon!
aadarsh shrotaa dekh aapako, abhee jehan men aayaa hoon.

snpark kaa pataah
do॰ ajay nandan ‘ajey’
R.B - 149, RBI Colony,
R.k.Puram, New Delhi - 110022

paanee- jay kumaar roosavaa

main apane dost ke saath jaa rahaa thaa
usakee sun rahaa thaa apanee sunaa rahaa thaa
chalate - chalate mithaaee kee dukaan aaee
dekhate hee dost ne prem kee gngaa bahaaee
aur poochhaa - roosavaajee rasagulle khaaoge?
mainne kahaa - tum khilaaoge?
vo bolaa - khilaaoongaa, maine kahaa - khaaoongaa
achchhee-see kursee dekh
ham donon ne aasan jamaae
pndrah - pndrah rasagulle khaae
usake baad dost bolaa -
main jaraa paanee peekar aataa hoon
tumhaare lie laataa hoon
vah gayaa - lautakar hee naheen aayaa
120 roopayon kaa bil mainne chukaayaa
kuchh dinon baad -
ham donon fir saath-saath jaa rahe the
sun rahe the, sunaa rahe the
chalate - chalate
mithaaee kee doosaree dukaan aaee
dekhate hee dost nen
prem kee gngaa-yamunaa donon bahaaee
aur poochhaa - roosavaa jee pede khaaoge?
mainne kahaa - khaaoongaa
lekin is baar, paanee peene main jaaoongaa
-jay kumaar roosavaa, kolakataa

shree naresh agravaal kee kuchh naee kavitaaen-

1. pagadndee 2. kaise chukaa paayenge tumhaaraa rin 3. yah laalaten 4. baindabaaje vaale 5. har aane vaalee museebat 6. topee 7.hak 8. khushiyaan 9. poojaa ke baad 10. anubhootiyaan 11. manaalee men 12. yahaan kee duniyaa 13. kitaab 14. main sochataa hoon 15. tumhaare n rahane par 16. naye ghar men pravesh 17. duniyaa ke saare kuen 18. paark men ek din 9. dar paidaa karanaa 20. chitrakaar 21. vijnyaapan 22. niyntran

1. pagadndee

jahaan se sadaq khatm hotee hai
vahaan se shuroo hotaa hai
yah snkaraa raastaa
banaa hai jo kaee varshon men
ponvon kee thokaren khaane ke baad,
is par ghaas naheen ugatee
n hee hote hain laimpapost
sirf bharee hotee hai khushiyon
logon ke ghar lautane kee !

oopar jaaen

2. kaise chukaa paayenge tumhaaraa rin

raat jisane dikhaaye the
hamen sunahare sapane
kisee ajanabee pradesh ke
kaise lautaa paayenge
usakee svarnim roshanee

kaise lautaa paayenge
chond- sooraj ko unakee chamak
samay kee beetee huee umr
foolon ko khushaboo
jharanon ko paanee aur
logon ko unakaa pyaar

kaise lautaa paayenge
kheton ko fasal
mittee ko svaad
paudhon ko unake fal

e dharatee tumheen bataa
kaise chukaa paayenge
tumhaaraa itanaa saaraa rin .

oopar jaaen

3. yah laalaten

sabhee soye hue hain
keval jaag rahee hai
ek chhotee-see laalaten
rattee bhar hai prakaash jisakaa
ghar men pade anaaj jitanaa
bachaane ke lie jise
paharaa de rahee hai yah
raatabhar .

4. baindabaaje vaale

aadhee raat men
baindabaaje vaale
laut rahe hain
vaapas apane ghar
andhakaar ke pul ko
paar karate
jisake ek chhor par
khadee hai unakee dukhabharee jindagee
aur doosare chhor par
sajee-dhajee duniyaa

5. har aane vaalee museebat

usakee gatividhiyon
asaamaany hotee hain
door se pahachaananaa
bahut mushkil hotaa hai
yaa to vah koee baadh hotee hai
yaa to koee toofaan
yaa fir achaanak aaee gandh

vah apane aap
apanaa dvaar kholatee hai aur
binaa ijaajat pravesh kar jaatee hai

fir bhaagate raho
ghnton chhupate raho isase
jab tak vah door naheen chalee jaatee
hamaare man se

bachaa rah jaataa hai
usake dubaaraa laut aane kaa bhay.

oopar jaaen

6. topee

tarah-tarah kee topiyon
hamaare desh men
sabakaa ek hee kaam
sir dhakanaa - naheen ek aur kaam
vibhaajit karanaa
logon ko
alag-alag samudaayon men .

7.hak

prakriti kee sundarataa par kisee kaa hak naheen thaa
vo aajaad thee, isalie sundar thee
ek khoobasoorat chattaan ko todaqar
do naheen banaayaa jaa sakataa
naa hee ek bakaree ke jism ko do.
is dhoop ko koee naheen rok sakataa thaa
dheere-dheere yah chhaa jaatee thee chaaron taraf
isalie isake bhee do hisse naheen ho sakate
aur jo hisse sundar naheen the
ve ladaaeeyon ke lie pahale hee chhod diye gae the.

8. khushiyaan

mujhe thodee see khushiyaan milatee hain
aur main vaapas aa jaataa hoon kaam par
jabaki paanee kee khushiyon se ghaas ubharane lagatee hai
aur nadiyaan bharee hon, to naav chal padtee hai door-door tak.

vaheen sukhad aavaajen taaliyon kee
prerit karatee hai nartak ko mohak mudraaon men thirakane ko
aur chaand sabase khoobasoorat dikhaaee detaa hai
karavaan chauth ke din chunaree se sajee suhaaganon ko

har shaadee par ghode bhee doolhe ban jaate hain
aur badaa bhaaee behad khush hotaa hai
chhote ko apanee kameej pahane naachate dekhakar

ek thake hue aadamee ko khushee detee hai usakee patnee
ghar ke daravaaje ke baahar intajaar karatee huee
aur vaisee har cheej hamen khushee detee hai
jise sveekaarate hain ham pyaar se.

9. poojaa ke baad

poojaa ke baad hamase kahaa gayaa
ham visarjit kar den
jalate hue deeyon ko nadee ke jal men
aisaa hee kiyaa ham sabane.
saikadon deeye bahate hue jaa rahe the ek saath
alag-alag kataar men.
ve aage badh rahe the
jaise raatri ke munh ko thodaa-thodaa khol rahe hon, prakaash se
is tarah se meelon kee yaatraa tay kee hogee inhonne
pratyek kinaare ko thodee-thodee roshanee dee hogee
bujhane se pahale.
inake prasthaan ke saath-saath
ham sabane aankhen moond lee thee
aur in saare deeyon kee roshanee ko
ek prakaash punj kee tarah mahasoos kiyaa thaa
hamane apane bheetar.

10. anubhootiyaan

sachamuch hamaaree anubhootiyaan
naav ke chappoo kee tarah badal jaatee hain har pal
lagataa hai paanee saare dvaar khol rahaa hai khushiyon ke
cheejen tvaraa ke saath aa rahee hain jaa rahee hain
gaane kee madhur svar lahariyaan goonjatee huee rediyo se
maanon ye jheel ke bheetar se hee aa rahee hon
ham paanee ke saath bilakul saath-saath
aur naav ko dheere-dheere badhaataa huaa naavik
milaa rahaa hai gaane ke svar ke saath apanaa svar
aur ham kho chuke hain pooree tarah se,
yahaan kee sundarataa ke saath.

oopar jaaen

11. manaalee men

ye sev ke ped kitane ajanabee hai mere lie
hameshaa sev se rishtaa meraa
aaj ye ped bilkul mere paas
haath badhaaoon aur tod loon
lekin inhen todoongaa naheen
fir in soone pedon ko,
khoobasoorat kaun kahegaa.

oopar jaaen

12. yahaan kee duniyaa

bachchaa abhee-abhee skool se lautaa hai
khadaa hai kinaare par
chehare par bhookh kee rekhaaen
aur baahon men maan ke lie tadp.
maan aa rahee hain jheel ke us paar se
apanee nijee naav khetee huee
chappoo hilaataa hai naav ko
har pal vah do kadam aage badh rahee
bachchaa saamane hai
donon kee aankhen judee huee
khushee se hilatee hai jheel
havaa sarakatee hai dheere-dheere
kisee ne kisee ko pukaaraa naheen
ve donon nikal chale aaye theek samay par
yahee hai yahaan kee duniyaa.

13. kitaab

anaginat seedhiyaan chadhaऩe ke baad
ek kitaab likhee jaatee hai
anaginat seedhiyaan utarane ke baad
ek kitaab samajhee jaatee hai.

14. main sochataa hoon

main sochataa hoon sabhee kaa samay keematee rahaa
sabhee kaa apanaa-apanaa mahatv thaa
aur sabhee men achchhee snbhaavanaaen theen.
chhotee see ret se bhee bhavanon kaa nirmaan ho jaataa hai
aur saagar kaa saaraa paanee daraasal boond hee to hai.

raaste ke in pattharon ko
mainne kabhee thukaraayaa naheen thaa
inhen naheen samajh paane ke kaaran
inase thokar khaaee thee
aur ve bade-bade aaleeshan mahal
apane dhhate svaroop men bhee
aadhunikataa ko chunautee de rahe hain
aur unakaa aitihaasik svaroop aaj bhee jindaa hai.

15. tumhaare n rahane par

thodaa-thodaa karake
sachamuch hamane pooraa kho diyaa tumhen
pachhataavaa hai hamen
tumhen khote dekhakar bhee
kuchh bhee naheen kar paaye ham,
ab hamaaree aonkhen soonee hain,
jinhen naheen bhar sakateen
asnkhy taaron kee roshanee bhee
aur n hee hai koee havaa
maujood is duniyaa men
jo mahasoos karaa sake
upas‍thiti tumhaaree,
ek bhaar jo dabaaye rakhataa thaa
har pal hamaare prem ke ang
uth gayaa hai, tumhaare n rahane se
ab kitane halke ho gaye hain ham
tinake kee tarah paanee men bahate hue .

oopar jaaen

16. naye ghar men pravesh

varshon se taalaa band thaa
us naye ghar men
koee suyog naheen ban rahaa thaa
yahaan rahane kaa
aaj kisee shubh havaa ne
dastak dee aur khul gaye isake dvaar
dekhataa hoon , badh rahaa hai
isamen rahane ko chhotaa-saa parivaar
maataa-pitaa bachchon sahit
saath men daadaa-daadee
sabhee khush hain
aaj pahalee baar khaanaa banegaa
isake rasoee ghar men
chhonkan se mahakegaa saaraa ghar
kuchh bachaa-khuchaa naseeb hogaa
aas-paas ke kutton aur pakshiyon ko bhee
kuchh ped-paudhe bhee lagaaye jaaenge
saath men tulasee ghar bhee hogaa aangan men
pichhavaade men honge skootar aur saaikil
aur ek kone men sthaapit hongee
eeshvar kee kuchh moortiyaan .
kuchh oonche svar bhee sunaaee denge
kabhee-kabhaar daadaa ke
jo bataayenge
abhee ghar kee saaree surakshaa kaa bhaar
unheen ke sir par hai.

17. duniyaa ke saare kuen

mndaraa rahaa hai yah sooraj
apanaa prabal prakaash lie
mere ghar ke chaaron or
usake pravesh ke lie
kaafee hai ek chhotaa saa sooraakh hee
aur jindagee
jo bhee arjit kiyaa hai mainne
use bahaar nikaal dene ke lie
kaafee hogaa ek sooraakh hee
aur prashnsaneey hai yah taalaab
mittee men bane hajaar chhidron ke baavajood
bachaaye rakhataa hai apanee asmitaa
aur vndaneey ho tum duniyaa ke saare kuon
paataal se bhee kheenchakar saaraa jal
bujhaa dete ho pyaas har praanee kee .

oopar jaaen

18. paark men ek din

is paark men jamaa hote jaa rahen hain log
koee chupachaap nihaar rahaa hai
paudhon kee hariyaalee aur foolon ko
koee magn hai kursee par baithakar
prem kreedaa karane men,
koee badh rahaa hai aage dekhane kee utsukataa lie
koee vaheen baith gayaa hai ghaas par
thodee thndak kaa aanan‍d lene
kaee bachche alag-jagah par hain
jhoolaa jhoolate yaa doosare upakaranon se khelate hue
sabhee log fursat men hain, fir bhee vyast.
ab thodee der men favvaare chaaloo honge
rng-birnge man mohate hue
yahee aakhiree khushee hogee logon kee
fir lautane lagenge ve vaapas ghar
koee parishram naheen fir bhee thake hue.

19. dar paidaa karanaa

keval ugate yaa doobate hue soory ko hee
dekhaa jaa sakataa hai nngee aankhon se
fir usake baad naheen
aur jaanataa hoon
haathee naheen sunenge
baat kinheen talavaaron kee
le jaayaa jaa sakataa hai unhen door-door tak
sirf suee kee nok ke sahaare hee,
isalie sochataa hoon,
dar paidaa karanaa bhee ek kalaa hai .

oopar jaaen

20. chitrakaar

main tej prakaash kee aabhaa se
lautakar chhaayaa men pade knkad par jaataa hoon
vah bhee andhakaar men jeevit hai
usakee kathorataa saakaar huee hai is rachanaa men
komal patte makaee ke
jaise itane naajuk ki ve gir jaaenge
fir bhee unhen koee snbhaale hue hai
kahaan se dhoop aatee hai aur kahaan hotee hai chhaayaa
us chitrakaar ko sab kuchh pataa hogaa
vah us jhopadee se nikalataa hai
aur pravesh kar jaataa hai bade draaing room men
dekho is ghaas kee chaadar ko
usane kitanee sundar banaaee hai
us keematee kaaleen se bhee kaheen adhik manamohak.

oopar jaaen

21. vijnyaapan

tarah-tarah ke vijnyaapan ke kapadon se dhakaa huaa haathee
bhikshaa naheen maangegaa kisee se
vo chalegaa apanee mast chaal se
batalaataa huaa, shahar men ye cheejen bhee maujood hain
jinhen pahunchaayaa jaa sakataa hai
ghar tak minaton men.
vah badhtaa hai sadaq ke donon or sthit pedon ke beech se
apanaa khaanaa churaataa huaa.
mahaavat ko garv hai
naheen jaanaa padegaa use ghar-ghar maangane
bheed bharee sadaqon par karataa rahegaa vah yaatraaen
aur kautoohalavash log use dekhate rahenge
dheere-dheere daren bhee badhtee jaaengee
aur haathee aksar dikhaayee dete rahenge
jngal chhodaqar sadaqon par
yah unakaa achchhaa upayog.

22. niyntran

jin raaton men hamane utsav manaaye
fir usee raat ko dekhakar ham dar gae
jeevan snchaarit hotaa hai jahaan se
apaar prafullataa laate hue
jab asnchaalit ho jaataa hai
kachche anubhavon ke chhor se
ye vipattiyaan heen to hain.
kamare ke bheetar gamalon men
dheron fool kabhee naheen aayenge
ek din mittee hee khaa jaaegee
unakee sadee-galee daaliyaan.
bahaadur yoddhaa talavaar se naheen
apane paraakram se jeetate hain
aur binaa talavaar ke bhee
ve utane hee paraakramee hain.
saare niyntran ko taakat chaahie
aur vo main dhoondhtaa hoon apane aap men
kahaan hai vo? kaise use snchaalit karoon?
kabhee haar naheen maanataa kisee kaa bhee jeevan
vah use bachaaye rakhane ke lie poore prayatn karataa hai
aur main apanee taakat ke saare srot dhoondhaqar
fir se balishth ho jaataa hoon.

oopar jaaen

Naresh Agarwal, Jamshedpur 9334825981

yadi tor daak shune keu naa aase

kavivar ravindranaath thaakur

[bngalaa]
yadi tor daak shune keu naa aase taebe ekalaa chalo re.
taebe ekalaa chalo, ekalaa chalo, ekalaa chalo, ekalaa chalo re..
yadi keu kaethaa naa kaey, ore ore o abhaagaa,
yadi sabaai thake mukh firaaye,
sabaaee kare bhay-tabe paraan khule,
o tuee mukh fute tor maner kaethaa ekalaa baalo re..
yadi keu kaethaa naa kaey,
ore ore o abhaagaa,
yadi gahan pathe jaavaar kaale keu fire naa chaay- tabe pather kaantaa,
o tuee raktamaakhaa charanatale ekalaa dalo re..
yadi aalo naa dhare, ore ore o abhaagaa,
yadi jhadbaadale aandhar raate duaar dey ghare- tabe vajraanale,
aapaen buker paanjar jvaaliye niye ekalaa jvalo re..

[hindee men roopaantara]
teree aavaaj pe yadi koee n aaye, to fir chal akelaa re.
to fir chal akelaa, chal akelaa, chal akelaa, chal akelaa re..
yadi koee bhee n bole, ore ore o abhaage,
yadi sabhee mukh mode rahen,
sab daraa karen, tab dare binaa,
tere man kee baat, mukt-kanth, kah akelaa re..
yadi laut jaayen sabhee, ore ore o abhaage,
yadi gahan dagar chale, dekhe mud ke n koee tab raahon ke kaante,
o too rakt - rnge, charan - tale, dal akelaa re..
yadi deep n dharen, ore ore o abhaage,
jhadee - aandhee - bharee raat men, ghar band yadi karen tab vajr -
shikhaa se too apanee asthiyaan jalaa aur jal akelaa re..

Translated In Hindi by : Dawlala Kothari

aramaanon kaa takaraav-kunvar preetam

antas men ufanate
aramaanon kaa takaraav
har roj hotaa hai
haalaat se
aur kurukshetr banaa
hridayasthal fir
dhoondhane lagataa hai
usee krishn ko
jisane diyaa thaa sndesh
karmanyevaadhikaaraste kaa.
geetaa men kahe bol
goonjane lagate hain
preranaa banakar
dete hain paathey
aur samaa jaate hain
shanaih shanaih
hriday men
fir dastak dete hain
aatmaa ke aangan men
antatogatvaa
ufanate aramaanon kaa takaraav
paa jaataa hai samaadhaan
aur nikal padtaa hai
karm kee pagadndee par.
kunvar preetam

--

KUNWAR PREETAM
MAHANAGAR PRAKASHAN
309 B B GANGULY STREET, 2ND FLOOR
KOLKATA -700 012
WEST BENGAL

098300 38335

krishn kumaar yaadav kee teen kavitaaain

1. khatamal
raat ko baar-baar jaagataa hoon
paanch-chh: khatamalon kaa kaam
tamaam kar hee detaa hoon
fir bhee raktabeej kee bhaanti
ye ug aate hain
rassiyon kee jakadanon ke beech
apanaa aasaraa banaa rakhaa hai inhonne
ab to in rassiyon se bhee
dar lagane lagaa hai
kitane aramaanon se
ek khaat bunee thee
aur ek nishchitntaa kee neend
lenaa chaahataa thaa
par ab to lagataa hai
rassiyaan bhee meree naheen
khatamalon kee hee sunatee hain.

2. subah kaa akhbaar

aaj subah kaa akhbaar dekhaa
vahee maar-kaat, hatyaa aur balaatkaar
roj padhataa hoon in ghatanaaon ko
bas paatron ke naam badal jaate hain
kyaa ho gayaa hai is samaaj ko
ye ghatanaayen use udvelit naheen karateen
sirf khbar banakar rah jaatee hain
koee naheen sochataa ki yah ghatanaa
usake saath bhee ho sakatee hai
aur log use akhbaaron men padhakar
chaay kee chuskiyaan le rahe honge.

3. daakiyaa
chhod diyaa hai usane
logon ke jajbaaton ko sunanaa
lambee-lambee saadhiyaan chadhane ke baad
patr lekar
jhat se bnd kar
die gae
daravaajon kee aavaaj
chot karatee hai usake dil par
chaahataa to hai vah bhee
koee khushee ke do pal usase baante
kisee kaa sukh-du:kh vo baante
par unhen apane se hee fursat kahaan?

samajh rakhaa hai unhonne, use
daak dhone vaalaa harakaaraa
naheen chaahate ve use bataanaa
chitthiyon men chhupe gam
aur khushiyon ke raaj
fir vo paravaah kyon kare?
vah bhee unhen kaagaj samajh
bikher aataa hai seedhiyon par

in kaagajee jajbaaton men se
ab log utarakar chunate hain
apanee-apanee khushiyon
aur gam ke hisse
aur kaid ho jaate hain apane men.

krishn kumaar yaadav
bhaarateey daak sevaa, nideshak daak sevaaen
andamaan v nikobaar dveep samoohae portableyar-744101
Email: kkyadav.y@rediffmail.com
Blogs: http://kkyadav.blogspot.com
http://dakbabu.blogspot.com

talaash....rishte kee -shashi kaant sinh

thaame rishte kee dor, meraa ye jeevan shuroo huaa,
rishton kee angulee pakad, mai dharaa par chalanaa shuroo kiyaa,
rishton ke liye, rishton se judtaa chalaa gayaa,
rishton ke khaatir, main rishtaa nibhaanaa shuroo kiyaa.

rishton kee bheed men, talaashaa ek parachhaayee ko,
itaraayaa garv se khud par, paakar us rishten se pyaar ko,
lagaa mil gaee hai mnjil mujhe, is jeevan ke majadhaar men,
aisaa lagane lagaa, log jalane lage hai mere is rishte ke naam se.

samay ke saath, rishton ke maayane badalate chale gaye,
meree parachhaayee ko vo andheraa ban, dhakate chale gaye,
mujhe pataa n chalaa, kab meree parachhaayee peechhe chhut gaee,
mai to vahee khadaa rahaa, magar vo rishtaa mujhase rooth gaee.

agalee subah,
usee mod par mai, rishton ke aramaano ko nibhaataa rahaa,
un rishton ke beech, apanee us parachhaayee ko talaashataa rahaa,
fir se vo shaam aaee,
magar vo rishtaa mujhe najar naa aaee....
vo rishtaa mujhe najar naa aaee.

snpark pataah graam + post: majhaariyaan
jilaa: baksar
bihaar-802116
shashikiit@gmail.com

mai n samajhaa -raajoo "pndit"

mai n samajhaa mai naa jaanaa yu usakee
bevajah muskaraane kee,
dekh mujhe taak mujhe yu bevajah
chhup jaane kee..


ye shokiyaa, ye baankapan mere liye par
kisalie ??
thee n koee vajah jeene kee par kis lie
ham jee lie ??

man men jo thaa mere yaa usake fir kyon nahee
vo kah diyaa॥
bin koee vajah fir kyon jee rahe
hai ham ye duhkh lie..

aaj aalam ye hai ke pavan chalee to
aahat huee॥
yu lagaa ke mere daravaaje fir
koee aa gayaa॥

raam sachchaa, rab sachchaa, yaa khudaa sachchaa
hai yaaro.
tum bataao kyon bevajah aisee
meree haalat huee..

aaj vo jahaa bhee hogee khush hogee
mere khudaa,
samajh mere aataa nahee, bin usake kyon
n khush mai rah sakaa??

pyaar men balidaan hee sabase badee
gaathaa rahee...
par vo yaa mai balidaan kaun hai
de rahaa..??

ab ye vajah hai ke bevajah kee vajah
kyon mai khojataa??
ab vo nahee is jeevan men kyon nahee
dil maanataa॥

man hai jogee e "raajoo" ab to tan jogee
ban rahaa ॥
kyaa laaye the jo kho diyaa ye to
har koee hai jaanataa॥

snpark pataah
rajeevtripathi@southalltravel.com

tarasataa bachapan... -shashikaant sinh

apane naukaree ke dauraan mujhe baadh peedito ke liye kuchh kaam karane kaa sunahalaa maukaa milaa. jis silasile men mai bihaar ke khagadiyaa jile men kosee peedit logo ke hit ke kuchh kaam kiyaa. usee dauraan mujhe vahaa rah rahe logo ki gareebee ko najadeek se dekhane aur mahasoos karane kaa maukaa milaa. jile ke raashtreey raajyamaarg -31 par chal rahe dhaabon men kaam kar rahe bachchon ki jindagee se roobaroo hone kaa maukaa milaa. is rachanaa ke jariye mai unake dukhon ko samajhane kee koshish hai........

ai maan meraa dosh kyaa hai
ai mere paapaa meree galatee kyaa hai,
mai tere pyaare aanchal kee chhaavn ke liye tarasataa hoon,
mai paapaa ke peeth par chadhne ko tarasataa hoon,
mujhe apane us mamataa se judaa karane kee vajah kyaa hai?
mujhe apane takdeer par chhodne kee vajah kyaa hai?

jin haathon ko kaagaj aur kalam kee jarurat thee
un haathon men aaj logon kaa joothaa thaalee hai,
jin gaalon ko mammee ke choomane kee aramaan thee
un gaalon par maalik ke pnje kee nishaan hai,
ai maan ! kyaa kabhee sochaa hai kee meree haalat kyaa hai?
ai maan ! kyaa kabhee sochaa hai kee tere is laal kee dashaa kyaa hai?

ai maan ! meraa bhee man padhane ko karataa hai
paas hokar tere maathe ko choomane ko jee chaahataa hai,
bojh ban gayee is jindagee ko chhodkar
is duniyaa men kuchh ban kar dikhane ko jee karataa hai
ai mujhe jeevan dene vaalee maan !
meree ek vinatee sunegee kyaa?
mujhe is narak bhare jeevan se bachaane aaegee kyaa?

kabhee sochataa hoon ki tune mujhe is jahaan men laayaa kyon?
bachapan men hee in kandhon par itanaa bojh daalaa kyon?
pahale to sone se pahale teree yaad men rotaa bhee thaa
aajakal to joothe mej ko saaf karane men hee so jaataa hoon,
ai meree maan ! mujhe ek baar fir se loree sunaaogee kyaa?
ai maan mujhe apane aanchal men fir se sulaaogee kyaa?
teraa ye laal dard se karaah rahaa hai ise bachaane aavogee kyaa?

snpark pataah
At+Post: Majharia,
Dist: Buxar- 802116( Bihar)
Mob:9693161974

maan . tum udaas mat honaa! - sudhaa arodaa

madars de ke avasar par

maan ne un dinon kavitaayen likheen ,
jab ladkiyon ke
kavitaa likhane kaa matalab thaa
kisee ke prem men padanaa aur bigad jaanaa ,
kolej kee kopiyon ke pannon ke beech chhupaa kar rakhatee maan
ki koee padh n le unakee ibaarat
sahej kar le aayeen sasuraal
par unhen padhane kee fir
n fursat milee , n ijaazat !

maan ne jab sunaa ,
unakee shaadee ke lie rishtaa aayaa hai ,
kalakattaa ke skotish charch kolej se
bee kom paas ladake kaa ,
maan ne kahaa ,
mujhe naheen karanee angrejee daan se shaadee !
use hindee men likhanaa padhanaa aanaa chaahie !
naanaa ne daadaa tak pahunchaa dee betee kee yah maang
aur pitaa ne hindee men apane
bhaavee sasur ko patr likhaa !
maan ne patr padhaa to cheharaa raktaabh ho aayaa
jaise unake pitaa ko naheen ,
unako likhaa gayaa ho premapatr
sharamaate hue maan ne kahaa --
'' inakee hindee to mujhase bhee achchhee hai ''
aur kalakattaa se laahaur ke beech
rishtaa tay ho gayaa !

shaadee ke teen maheene baad hee main maan ke pet men thee ,
pitaa kalakattaa , maan laahaur men ,
jachagee ke lie gayeen theen maayake !
khoob fursat se likhe donon
premiyon ne hindee men prem patr ,
bas , ve hee chnd maheene
jab maan pitaa alag rahe ,
aur us alagaav kee saakshee
un khoobasoorat chitthiyon kaa pulindaa ,
jo laal kapade men ehatiyaat se rakh kar
aise sahejaa gayaa
jaise guru granth saahab par
laal saatan kee gotedaar chaadar daalee ho
ham donon bahanon ne unhen padh padh kar
hindee men likhanaa seekhaa !
shaayad paden hon alamaaree ke
kisee kone men aaj bhee !
umr ke is mod par bhee .
pitaa chhoone naheen dete jise .
paharedaaree men lage rahate hain ,
bas , maan jindaa hain unheen ibaaraton men ...
ham bachche to
apanee apanee jindagee se hee mohalat naheen paate
ki maan ko ek din ke lie bhee
jee bhar kar yaad kar saken ! .....

us maan ko --
jo ek raat bhee pooraa so naheen paateen theen ,
saat bachchon men se koee n koee hameshaa rahataa beemaar ,
kisee ko khaansee , sardee , bukhaar ,
taayafoyad , maleriyaa , peeliyaa
bachche kee ek karaah par
jhat se uth jaateen
saaree raat jagatee sirahaane ...
jis din sab theek hote ,
ghar men desee ghee kee mahak uthatee ,
tndoor ke satapude paraanthe ,
soojee ke halave men kishamish baadaam dalate
ghar men utsav kaa maahaul rachate !
dupahar kee fursat men
khud silatee hamaare skool ke frok ,
bhaaeeon ke paayajaame ,
bache hue rng birnge kapadon kaa kaanthaa silakar
chaadaron kee beraunak safedee ko dhak deteen ,
kroshiye ke kavar binateen ,
aur kaadhateen
saadee kaa nau gaj bordar !
paisaa paisaa jod kar
khadaa kiyaa unhonne vah saamraajy ,
jo ab saamraajy bhar hee rah gayaa
dhan daulat ke aishvary men namee bilaa gayee !
yoon bhee eent gaaron ke pakke makaanon men ab
eyar kndeeshanar dhunaadhaar thndee havaa fenkate hain ,
unamen vah khas kee chikon kee sugndh kahaan !
' menalaind chaaeenaa ' men chaar paanch hazaar kaa
ek dinar khaane vaale
kab maan ke tndooree satapude paraathon ko yaad karate hain ,
jinamen n jaane kitanee baar jalee maan kee ungaliyaan !

maan ,
ungaliyaan hee naheen ,
bahut kuchh jalaa tumhaare bheetar baahar
par kab kee tumane kisee se shikaayat ,
ab bhee khush ho n !
ki tumhaaree khoobasoorat frem men jadee tasveer par
mahakate chandan ke haar chadhaa
ham apanee farz adaayagee kar hee lete hain
tumhaare qarz kaa bojh utaar hee dete hain !

maan . tum udaas mat honaa ,
ki tumhaare lie sirf ek din rakhaa gayaa
jab tumhen yaad kiyaa jaayegaa !
bas , yah manaao
ki bachaa rahe saalon - saal
kam se kam yah ek din !

'kabeer tum kahaan ho' - do. deepti guptaa

kabeer tum kahaan ho.................
aaj is yug ko tumhaaree jroorat hai,
bhoole hue ko dishaa kee jroorat hai
dare hue ko vaanee kee jroorat hai,


tumane kahaa -----
'jo nar bakaree khaat hai, taako kaun havaal '
par, ab nar hee nar ko khaat hai, buraa dharatee kaa haal !

kabeer tum kahaan ho.................
aaj is yug ko tumhaaree jroorat hai,
bhoole hue ko dishaa kee jroorat hai,
dare hue ko vaanee kee jroorat hai,


tumane kahaa -----
'man ke matai n chaalie '
par - ab, man ke matai hee chaalie, svaahaa sab kar daalie !

kabeer tum kahaan ho.................
aaj is yug ko tumhaaree jroorat hai,
bhoole hue ko dishaa kee jroorat hai,
dare hue ko vaanee kee jroorat hai,

tumane kahaa -----
'too - too karataa too bhayaa, mujh men rahee n hoon '
par ab - too too main main ho rahee, har man men basee hai 'hoon',

kabeer tum kahaan ho.................
aaj is yug ko tumhaaree jroorat hai,
bhoole hue ko dishaa kee jroorat hai,
dare hue ko vaanee kee jroorat hai,

tumane kahaa -----
'raam naam nij paayaa saaraa, avirath jhoothaa sakal snsaaraa',
par ab-raam naam to jhoothaa saaraa,sundar,meethaa lage snsaaraa,


kabeer tum kahaan ho.................
aaj is yug ko tumhaaree jroorat hai,
bhoole hue ko dishaa kee jroorat hai,
dare hue ko vaanee kee jroorat hai,


tumane theek hee kahaa thaa -----
'jheenee jheenee beenee chadariyaa, odh ke mailee keenhee chadariyaa'
par,aaj huaa buraa haal yoon usakaa,mail se katatee jaae chadariyaa !


kabeer tum kahaan ho.................
aaj is yug ko tumhaaree jroorat hai,
bhoole hue ko dishaa kee jroorat hai,
dare hue ko vaanee kee jroorat hai,

varadaan - do. deepti guptaa

eeshvar ke darabaar men ek baar dharatee se laae gae vyakti se jab javaab talab kiyaa gayaa to, usake uttar sunakar eeshvar svayn varadaan banakar us par nyauchhaavar hone ko kuchh is tarah taiyaar ho gayaa -
eeshvar ne poochhaa - dharatee par tumane kyaa kiyaa
maanav - dharm
eeshvar - kyaa diyaa
maanav - pyaar
eeshvar - kyaa liyaa
maanav - dard
eeshvar - kyaa batoraa
maanav - nekee
eeshvar - kyaa baantaa
maanav - doosaron kaa dukh
eeshvar - kyaa todaa
maanav - durbhaav
eeshvar - kyaa jodaa
maanav - sadabhaav
eeshvar - kyaa mitaayaa
maanav - dvesh
eeshvar - kyaa kaayam kiyaa
maanav - shaanti
eeshvar - kyaa khoyaa
maanav - buraaee
eeshvar - kyaa paayaa
maanav - bhalaaee
eeshvar - tumhaaree jamaa poonjee
maanav - insaaniyat
eeshvar ko lagaa yah jroor koee snt yaa fakkd saadhu hogaa,logon ko pravachan detaa hogaa - poochhaa - karate kyaa ho?
maanav - lekhak hoon
eeshvar - lekhak ?
maanav - jee .
eeshvar - jaanate ho aise bhaaree - bhaaree kaam kitane kathin hai ?
maanav - jee aasaan hai !
eeshvar - aisee kaun see jaadoo kee chhadee rakhate ho tum ?
maanav - jee chhotee see kalam !
eeshvar - chhotee see kalam ?
maanav - jee usee men hai itanaa dam !
eeshvar - jhooth
maanav - jee, sach !
eeshvar - use kaise chalaate ho
maanav - syaahee men dubokar kaagj par chalaataa hoon .
eeshvar - usase kyaa hotaa hai ?
maanav - bade-bade hraday parivartan, bade-bade jeevan parivartan, dishaa parivartan, yahaan tak ki badee - badee kraantiyaan
eeshvar - kyaa kahate ho, kraanti to talavaar aur kataar kee dhaar par hotee hain,
maanav - jee, par klam in sab se painee hotee hai.
soe ko jagaatee hai, niraash ko uthaatee hai,
udaas ko hnsaatee hai, damit ko dam detee hai,
naasamajh ko samajhaatee hai, kroor ko komal banaa
pyaar kaa paath padhaatee hai, jeevan kee paraten khol
gahare arthon kaa parichay karaatee hai,
kyaa kahoon, kyaa - kyaa n kahoon
yah anokhee sabase hai
ved, kuraan, baaibil, sab isee ke dam se hai !
sach kahataa hoon mere bhagavan, main bhee isee ke dam par lekhak hoon
isee se k,kh,g dhvaniyon ko, shabdon men dhaalataa hoon
arthon se bharataa hoon aur ve jrooree kaam karake
samaaj aur jeevan ke prati, apanaa daayitv nibaahataa hoon
jinhen sunakar aap hairaan hain !!
srishtaa ne aise drishtaa ko varadaan dete hue kahaa
to theek hai aaj ke baad, jab bhee mujhe dharatee par
kuchh parivartan laanaa hogaa, main tumhaaree klam men utar aaoongaa,
tumhaaree klam ko divy aur dharatee ko svarg banaaoongaa !

maanav bolaa - "aur main dhany ho jaaoongaa" !!

Union Carbide: Bhopal Gas

bhopaal teen kaal - shambhu chaudharee

.	-1- chalatee trenon men, jindaa laashon ko dhonevaalaa, ai kabragaah- bhopaal! tumhaaree aavaaj kahaan kho gaee? jago aur bataa do, itihaas ko | tumane hamen chain se sulaayaa hai, ham tumhen chain se n sone degen. raat ke andhere men jalane vaale, ai shmashaan bho-paa-l.... jago aur jalaa do us naapaak iraadon ko jisane tumhen n sone diyaa, use chain se sulaa do. [prakaashit- dainik vishvamitr, kolakaataa 28 disambara1987]
.	-2- vah bheed naheen - bheden thee . kuchh jameen par soye saanse gin rahee thee. doston kaa ronaa bhee naseeb n thaa. chaandaal nrity karataa shahar, ai duniyaa ke loga; apanaa kabragaah yaa shmashaan yahaan banaa lo. agar kuchh n samajh men n aaye to, ek gaisayntr or yahaan banaa lo. mujhe koee afasos naheen, ham to pahale se hee aadee the is jahar ke, fark sirf itanaa thaa, kal tak ham chalate the, aaj daudne lage. kafan to milaa thaa, par ye kyaa pataa thaa? ek hee kafan se das murde jalegen, jalane se pahale bujhaa diye jaayegen, aur fir dafanaa diye jaayegen. [prakaashit- dainik vishvamitr, kolakaataa 02 disambara1987]
.	-3- bhaagatee - daudtee - chillaatee aavaaj... kuchh havaaon men, kuchh paavon tale, kuchh dab gayee, deevaaron ke beech. kuchh neend kee gaharaaiyon men, kuchh maut kee tanhaaiyon men kho gaee. kuchh maan ke pet men, kuchh kaagajon men, kuchh adaalaton men goongee ho gayee. gujaarish tumase hai daanav, tum n kho denaa mujhako, jahaan rahate hain maanav. [prakaashit- dainik vishvamitr, kolakaataa 5 navambar 1988] -shambhu chaudharee, ef.dee. - 453/2, saaltalek sitee, kolakaataa - 700106 email; ehindisahitya@gmail.com [Scrip code: Union Carbide: Bhopal Gase]

desh bhakti geet - shambhu chaudharee

1. meraa vatan
meraa vatan... meraa vatan..2
ye pyaaraa hindustaan-2
ham vatan ke hain sipaahee...
vatan ke paharedaar....2
meraa vatan... meraa vatan..2 ye pyaaraa - 2
dar naheen tan-man-dhan kaa...hamen
ham rakt bahaa degen...-2
vatan ke khaatir sarahad pe ham...
praan gavaan degen.
ye pyaaraa hindustaan -2
meraa vatan... meraa vatan..2 ye pyaaraa - 2
saat sooron kaa sngam dekho
jan-jan kee aavaaj
gaa rahe milajul sab
ek svar men aaj.
meraa vatan... meraa vatan..2 ye pyaaraa - 2

2. dhvajh pranaam

hind-himaalay, him shikhar,
keshariyaa meraa desh.
ujjval sheetal gngaa bahatee,
hariyaalee meraa khet,
poorv-pashchim, uttar-dakshin...
lokatntr meraa desh
chakradharaa dharatee maan tujhako
sheesh naman karate ham
maan ! sheesh naman karate ham!
ham sab bhaarat kee sntaan
hamako do aasheesh mahaan.
'jay-hinda', 'jay-hinda'
'jay-hinda', 'jay-hinda', 'jay-hinda'!

3.shraddhaanjali

naman tumhen, naman tumhen, naman tumhen,
vatan kee raah pe khade tum veer ho,
vatan pe jo mite vo tan,
naman tumhen.naman tumhen,
naman tumhen, naman tumhen,
ye shaheedon kee chittaa naheen,
bhaarat noor hai,
charanon pe chadhte 'hinda' ! tirnge fool hain.
mite jo man, mite jo dhan,
mite jo tan vatan kee raah pe khade tum veer ho,
vatan pe jo mite vo tan,
naman tumhen naman tumhen! naman tumhen! naman tumhen!

4.vatan kee naav

maaro mujhe ek aisee kalam se,
jisase fadkatee ho meree nabjen;
ladte rahen, ham lekar naam majhab kaa,
mujhako bhee jaraa aisaa lahoo to pilaavo,
barason se bhatakataa rahaa hun,
kaheen ek dariyaa mujhe bhee dikhaao;
banaa ke vatan kee naav yahaan pe;
mere man ko bhee thodaa to bahalaao.
marane chalaa jab vatan kaaravaan ban,
kab tak bachegaa jaraa ye bhee bataaen?

-shambhu chaudharee, ef.dee.-453, saaltalek sitee, kolakaataa-700106

faneendr kumaar paandey kee do kavitaaen

1. aasheervaad
aasheervaad kare tumhen chitt-chor.
tumako aasheervaadit kare chitt-chor.
raadhaa ke naayak prem saadhak nand kishor..
samaaj kaa kare samuchit vikaas-samaaj vikaas.
durbhaavanaaon kaa ho maanav man se nikaas..
sumanon kee sarvatr faile sarvatr suvaas.
sabake hridayon se nikale desh prem kee shvaas..
faneendr kaa ho jaave safal-vishvaas.
mam kavitaa suman se bikhare desh prem kee suvaas..
yatr-tatr sarvatr faile patrikaa samaaj vikaas.
hataave lekhanee se jan-jan kaa traas..
ho jaave sabako patrikaa kee chpraash.
aisaa jeete ye janataa kaa vishvaas..
bhaave to ise tum prakaashit kar denaa.

2. mahaakaalee kaa bhairavee gaan

paak adhikrit kashmeer ho aajaad
aadhyaatmikataa poorn ho samaaj-vikaas.
ho sab men shree raam kaa ab nivaas..
maatribhaav kaa ho maanav hriday men prakaash.
raashtreeyataa ko ho samarpit har shvaas..
aatnkavaad kaa karane ko sheeghr haraas.
bachchaa-bachchaa ban jaave veer-subhaash..
aatnkavaad kaa khatm ho jaave raaj.
jhele n traasadee fir se hotal taaj..
sarvatr ho fir se bhaarat men raam-raaj.
aatnkavaad n bigaadane paave koee kaaj..
sukh shaanti kee yatr-tatr-sarvatr chale rel.
netaa javaab den-aatnkavaad kaa ban kar patel..
aatnkavaad kaa n jhele-ab koee klesh.
karo aisaa kaaragar upaay kahataa tum se desh..
shaanti kee baaten kyaa sune ye dusht shaitaan.
kahataa yahee hamase mahaakaalee kaa bhairavee gaan..
kahate hamase karmasheel ban kar dato fir aaj.
karo aisaa kaam jisase paak aa jaave baaj..
yahee kahate bhagat-bos-baaee, aur aajaad.
paak adhikrit kashmeer ko ab karaao aajaad..

-faneendr kumaar paandey, sallaa simaltaa
champaavat-262523, uttaraakhand

mnthan -raamajeelaal ghodelaa ‘bhaaratee’

aadamee ke man men
har vakt chalataa hai
vichaar mnthan.
yah mnthan
usake apane
snjoye karmon
bhavishy ke sapanon
ugate soory
chamakate sitaaron
nihaaratee najaron
ufanate samandar
kaanpatee dharaa kaa
hee to hai.
yah mnthan
usakee shnkaaon
man ke bhram
jeevan kee aashaa
hriday kaa vishvaas
upaje sad vichaaron
chetan bhaavanaaon
paripakv snvegon
ko ullekhit karataa hai.
yah mnthan
usake peedhiyon ke
snskaaron
usake parishram
varshon ke sngharsh
janm janmaantaron ke
snchit karmon
kaa hee to hai.
yah mnthan
apane gun
doosaron ke dosh
subah shaayn
lambee hotee chhaayaa
kaayaa men chhipee
kaamanaaon kaa
hee to hai.
yah mnthan
badhatee hinsaa
paanv pasaarataa
kroor aatnk
aadamee kaa
ghatataa mooly
nirdoshon kee hatyaa
haafate logon
krndan karate bachchon
kaa hee to hai.

see/o raaj kloth stor,
loonakaranasar-334603, beekaaner (raaj.)

navavarsh mngalamay ho ! - do. anil sharmaa ‘anil’

navavarsh mngalamay ho,
navavarsh mngalamay ho.
tumhen nayee nayee khushiyaan milen.
khushiyon ke fool khilen..
vo path ban jaayen sugam.
jo path kntakamay ho..
navavarsh mngalamay ho,
navavarsh mngalamay ho.
tum jaao jahaan bhee kaheen.
khushiyaan barasaao vaheen..
nirbhay ho kaam karo.
naheen koee bhee bhay ho..
navavarsh mngalamay ho,
navavarsh mngalamay ho.
tum gaate raho premageet.
ban sab ke hiy ke meet..
kuchh naye-shabd tum do.
aur koee nayee lay do..
navavarsh mngalamay ho,
navavarsh mngalamay ho.
- do. anil sharmaa ‘anil’

‘‘svapn’’ - devendr kumaar mishraa

sapanaa tab hotaa hai sapanaa
jab khulatee hai neend
chalate svapn bilkul
sachchaaee hote hain
jeevan kee tarah.
duhkh hai to hai
sukh hai to hai
sapanaa chal rahaa hai
jo ghat rahaa hai
vo sahee hai.
ab ye to neend khulane
par nirbhar hai
ki sab apanaa lage.
neend aa gaee hai
sapane saty hain
svapn men hee jeevan hai maran hai
neend jo lambee hai
lagataa hai
kabhee khulatee bhee hai
to aankh band kar letaa hoon
is aas se ki shaayad
koee achchhaa sukh mil jaaye.
neend kee aadat pad gaee hai
n toote to behatar
aur khul gaee jis din aankh
us din sab svapn
chaahe jeevan hee kyon n ho.

- jain haart kleenik ke saamane
es. e. ef. kvaartars baaboo laaeen, paraasiyaa rod
chhindavaadaa (m.pr.) - 480001, mobaail: 9425405022

maand - taaoo shekhaavaatee

thndee, taaraan chhaaee raat, karaan doy baat
sajan ghar aao saa!
mhaarai hivadai raa roop hajaaraa, piu pyaaraa
ghar aao saa!
darakhat ho’gee doobadee saa! chadh r’yo joban jvaar
oomar ghoomar ghaal ree saa! gaavai roop malhaar
barasai bairas rut barasaat
hiyo hulasaat
sajan ghar aao saa!
aliyaan galiyaan knvalee kaliyaan, ur unamaad bharai
nugaraa bhnvaraa oparaa saa! nit kuchamaad karai
baithyaa chor lagaayaan ghaat
takai din raat
sajan ghar aao saa!
mala-malnhaayaa, malamal pai’ree, pal-pal deekyaa saa!
maandyaa maihndee maandanaa sab thaan bin feekaa saa!
supanai men hee ghadee syaat
karan do baat
sajan ghar aao saa!

rachayitaa kaa snpark pataa:
- taaoo shekhaavaatee
32, javaahar nagar, savaaee maadhopur-322001
Mobile No. 09414270336/ 09414315094

khoon bahaaoge -do. mohan ‘aanand’

bolo aatataayee bolo, kitanaa khoon bahaaoge.
bhaarat maataa ke aanchal men, gnde daag lagaaoge.
uttar dakshin poorab pashchim, bhaarat maataa kee chhaatee.
baant rahe tukadon-tukadon men, ye kyon zaalim utpaatee.
inase haath milaakar bolo, kyaa haasil kar paaoge.
bhaarat maataa ke aanchal men, gnde daag lagaaoge.
kyaa-kyaa soch-sochakar, maan ne tumako janm diyaa hogaa.
tere laalan-paalan men, kitanaa shram hom kiyaa hogaa.
usakaa seenaa chhalanee karake, tum kaise jee paaoge.
bhaarat maataa ke aanchal men, gnde daag lagaaoge.
jaati-paanti, majahab kaa maataa, bhed naheen sveekaaratee.
apanee godee men lekar vah, sabako sadaa dulaaratee.
aisee maan ko duhkh pahunchaakar, tum kaise sukh paaoge.
bhaarat maataa ke aanchal men gnde daag lagaaoge.
bolee-bhaashaa, kshetravaad par lahoo bahaane vaalon.
samajho naa kamajor kisee ko, khud ko jaraa sambhaalo.
tum bhee chngul men aa sakate, bhaag kahaan jaaoge.
bhaarat maataa ke aanchal men, gnde daag lagaaoge.
desh bachaa to jeene kaa hak, tumako milaa rahegaa.
varanaa gandee karatooton kaa, tumako gilaa rahegaa.
aisaa sabak sikhaa denge, tum sir dhun-dhun pachhataaoge.
bhaarat maataa ke aanchal men, gnde daag lagaaoge.
bolo aatataayee bolo, kitanaa khoon bahaaoge.
bhaarat maataa ke aanchal men, gnde daag lagaaoge.

rachayitaa kaa snpark pataa:
do. mohan aanand
sundaram bngalaa, 50 mahaabalee nagar
kolaar rod bhopaal (m.pr.)

helee! (aatmaa) - taaoo shekhaavaatee

helee jalamyo hai bo marasee, een men bol raam ke karasee.
mndir dhok’r chaae masajid, gurudvaaraan aradaas karyaan nit.
kaam n aanee koee bhee bidh, toon jitanee bhee karasee.
helee! jalamyo hai vo marasee, jag men jeev jalam nij paataan.
lekho letee haathoon-haathaan, saans jitaa ghaalai bemaataa.
utanaa lenaa padasee, helee! jalamyo hai bo marasee.
kyoon ho’ree hai karadee-kaathee, kaalachakr gati jaay n daatee.
sab nain heen milano hai maatee, gheensyo ho yaa ghadasee.
helee! jalamyo hai bo marasee, honee kadai talai neen taalee.
reet sadaan syoon aaee chaalee, pallav nuvaan ugntaan daalee.
paat puraanaan jhadasee, helee! jalamyo hai bo marasee.

rachayitaa kaa snpark pataa:
- taaoo shekhaavaatee
32, javaahar nagar, savaaee maadhopur-322001
Mobile No. 09414270336/ 09414315094

maang sakenge kshamaa vatan se - madhur gnjamudaaraabaadee

keval tan se milanaa kyaa hai, aaj milen ham antarman se.
prem bhaav kaa shuchi pravaah ho, door rahen har dvesh-jalan se..
varn bhale hee alag-alag ho, alag-alag ho bolee-baanee.
kintu hriday men sneh-bhaav kee, bahe satat dhaaraa kalyaanee..
ab kalyaan naheen ho sakataa, is kore baaharee milan se.
ek doosare ke parvon ko, milakar apanaa parv banaaen..
chhnte ghanaa asaan andheraa, hilamil holee-eed manaaen.
saal-saal muskaanaa seekhen, upavan ke har ek suman se..
koee bhatake naheen kaheen par, saare soot paraspar joden.
samarasataa ke vyavahaaron men, raajaneeti kaa naatak chhoden..
vinay, dayaa, karunaa apanaaen, bahen suvaasit malay pavan se.
raahen bhale alag hon sabakee, kintu lakshy hai ek sabhee kaa..
kam n sivaeeyon kee mithaas ho, rng n ho holee kaa feekaa.
chook gae to kyaa kah kar ham, maang sakenge kshamaa vatan se..

- hitaishee smaarak sevaa samiti
gnjamuraadaabaad-unnaav, u0pra0-41502

bhootapoorv - raamanirnjan goyanakaa

ham bhootapoorv hote, aaraam se sote
chaahe desh kee chintaa se naa ho sambandh
bhootapoorv kee surakshaa ke rahate kade prabandh
surakshaa bhee karodon kee blekakait kee aan-baan
bhootapoorv ke bngale kee mahal jaisee shaan
ghar baithe oopar se penshan paate
jahaan bhee chaahate havaaee jahaaj udaate
vartamaan ke hausale jahaan hote the past
bhoot ke sahaare poorv rahate mast-mast
ham bhee bhoot hote sarakaar hamaaree bhee chintaa karatee
hamaaree kaalee kutiyaa tak bhookhee naheen maratee
ek bngalaa mil jaataa sundar saa nyaaraa
shaak sabjee falon kaa bageechaa pyaaraa-pyaaraa
hamaaree bhee surakshaa ke hote kade prabandh
chaahe fir hamaaraa kisee bhee khatare se naa ho sambandh
vartamaan se bhoot praapt karane ke kaee faayade hain
kaheen upalabdhi to kaheen jhoothe vaayade hain
bhoot kaa vartamaan ko rakhanaa padataa hai dhyaan
kambakht kaheen munh naa kholade naa karade badanaam
n jaane kab kaun see faaeel khulavaade
kaun se puraane kaagajon kee foto kopee nikalavaade
isaliye bhoot ko chup rakhanaa jarooree hai
vartamaan ko bhee bhoot honaa usakee shaashvat kamajoree hai.

raamanirnjan goyanakaa,fainsee baajaar, guvaahaatee(asam)

byaah ko pndaal - raadheshyaam poddaar

(maaravaadee bhaashaa men)

gareebaan kee chhoryaan sisak rahee, the laakhaan ko pndaal banaayo.
ghadee do ghadee shobhaa karalee, pan koee k kaam n aayo.
ghanee chhoriyaan kvaanree baithee, vah naheen aganit peeso paayo.
maat pitaa gujaraan kar hai, ghut-ghut karake janam gnvaayo.
the samaaj s peeso paayo, par samaaj-hit men n lagaayo.
pet bhar kutto bhee nijako, isamn kaun badaaee paayo.
dekhyaa dekhee k saud mn, the to dhan n vyarth gamaayo.
oondee baat bichaaree konee, baniyaa hokar ghaato khaayo.
man men the lakshmeepati vishnu, rattee bhar bhee naheen sahishnu.
do peesaa bhee diyaa kisee n, to usan das baar ginaayo.
chnchal lakshmee sadaa n rahanee, chokhaa chokhaa kaal samaayo.
dhan dharatee naheen sng men chaalee, kyoon badapan ko dhong rachaayo.
bahatee gngaa haath pakhaalo, baarambaar n mauko paayo.
dhan kee teejee gati nishchit hai, jhootho the man n bharamaayo.
gareebaan kee chhoryaan sisak rahee, the laakhaan ko pndaal banaayo.

2. dahej-unmoolan kaa upaay

dahej unmoolan ke liye, sabhaa huee bahu baar.
netaaon ne bhee diyaa, bhaashan dhuaandhaar.
foto khinchavaaye bahut, naam chhapaa akhabaar.
maalaa se greevaa bhar gaee, taaliyon kaa ambaar.
kintu marj badhataa gayaa, jyon-jyon kiyaa upachaar.
dahej badhataa hee gayaa, surasaa mukh saa har baar.
tyaag aushadhi rog kee, jisakaa n kiyaa vyavahaar.
bhaashan se naheen utarataa, dahej kaa prabal bukhaar.
netaa bhee hai anekajan, unake putron kaa ambaar.
kisee putr ke byaah men, dahej n tyaagaa yaar.
bheetar hee bheetar liyaa, naheen log dikhaavan haar.
khaatir men lagavaa liyaa, das bees laakh kaa saar.
baakee kanyaa ke naam se, liyaa dahej bharamaar.
isee bhaanti ghar bhar liyaa, le bahumooly upahaar.
mukhautaa samaaj sudhaar kaa, samaaj bigaadanahaar.
sirf bhaashan men hee tyaag hai, dahej mitaavanahaar.
dhanapatiyon ke hee yahaan, kiyaa byaah-vyaapaar.
antarman men kaamanaa, mile dahej-bhndaar.
bahu kanyaaen samaaj men, baithee byaahanahaar.
par paisaa naheen paas men, sadgun kaa bhndaar.
unake yahaan par jo karen, netaa byaah-vyavahaar.
to dahej mit jaaegaa, yahee saty kaa saar.

- rachayitaa kaa snpark pataa:
P-180, C. I. T. Road, Scheme VI M
Kankurgachi, Kolkata - 700 054
Phone : (033) 2320 3082
Mobile : 9831475891