fir usake naam ..... dil kaa paigaam

dosto , namaskaar
aaj , yaani 02 aprail 2012 kee subah 7.00 baje hee udayapur - raajasthaan ke ek kavisammelan se kaavyapaath karake ghar lautaa hoon lekin meraa dimaag abhee bhee udayapur ke relave steshan par hee ghoom rahaa hai .......huaa yoon ki jab main kal shaam yaani 01 aprail 2012 ko dillee - freedaabaad aane vaalee apanee tren kaa intajaar kar rahaa thaa to achaanak meree najr ek shaadeeshudaa navayauvanaa par gayee .......vahee shakl- soorat, vahee nain naksh, vahee haav- bhaav, vahee tevar, vahee aakarshan, vahee muskuraahat , vahee til .....mujhe kaheen bheetar tak udvelit kar gayaa.......aur mere jehan men fir se ghoomane lage meree muhabbat ke dinon ke mnjr, usase hone vaalee mulaakaaten, usakee yaadon men doobee mere khvaabon kee raaten, vo ek- ek lamhaa jo usake saath mainne kabhee bitaayaa thaa ......aur main fir se doobataa gayaa apane puraane dinon men aur us saahil ko yaad karane lagaa jahaan par ek lahar ne kabhee mujhamen doobane kaa vaadaa kiyaa thaa lekin baad men usane apanee dishaa kisee aur samundar kee or parivartit kar lee........uff........ye ooparavaalaa bhee mere kaise kaise imtehaan letaa rahataa hai......baharahaal .....jyaadaa kuchh n kahate hue meraa haal - e - dil mere hee ek sher men haajir hai....

udaasee ke samundar men kabhee jab doobataa hoon main
thapede tnj karake poochhate hain haal kaisaa hai ......

kavi deepak guptaa
+91 9811153282
www.kavideepakgupta.com

prem divas yaani Valentine Day - 2012 - geet

aaj prem divas yaani Valentine Day hai.....is avasar par main apane puraane dinon ko yaad karataa huaa apanaa ek puraanaa geetapost kar rahaa hoon......ye mere jeevan kaa sachchaa aur bhogaa huaa geet hai

geet rachanaa - varsh 1998
------------------------------------
tumane pyaar kiyaa hee kab thaa
tum to keval bahak gayeen theen

do pag chalakar peechhe hatanaa
ye mujhako mnjoor naheen thaa
agar bharosaa karatee mujhapar
to fir saahil door naheen thaa

aalinagnbadh hokar kuchh pal
tum to keval mahak gayeen theen

mere bhaavon kee saritaa ko
tumane raah dikhaaee kyon
saath naheen chalanaa thaa to fir
mujhame alakh jagaaee kyon

tum nav konpal theen kalarav sun
shaayad kuchh pal chahak gayeen theen

kavi deepak guptaa
+91 9811153282
www.kavideepakgupta.com

meree ek nayee gjl

n man men mail hai mere n meree soch chhotee hai
buraa dil kaa naheen hoon main jraa see akl motee hai

meraa dil isalie milataa naheen kuchh khaas logon se
khree main baat kahataa hoon jo unako lagatee khotee hai

vahee shatarnj jeevan kee vahee fir vakt se ladnaa
khudaa ke vaaste insaan keval ek gotee hai

gareebee men bhee main yaaro hameshaa mast rahataa hoon
bhale peene ko paanee hai n khaane ko hee rotee hai

khudaa bhee hausalaa usako kabhee detaa naheen 'deepaka'
hamesh jo ye kahataa hai meree takdeer khotee hai

kavi deepak guptaa
+91 9811153282
www.kavideepakgupta.com

ek nayee gjl

khudaa se hod karane par tulaa hai
bashar is daur kaa ik chutakulaa hai

samajh aataa naheen kiradaar usakaa
kabhee akkhad kabhee vo chulabulaa hai

kabhee bhee jaaeee friyaad lekar
fkeeron kaa hameshaa dar khulaa hai

jo sukh- duhkh ko baraabar tolatee ho
hamaaree jindagee aisee tulaa hai

parinde aaj kitane khush hain dekho
kaee din baad ye mausam khulaa hai

kavi deepak guptaa
+91 9811153282
www.kavideepakgupta.com

sarasvatee poojaa - vasnt pnchamee ke din meree praarthanaa - 28 janavaree 2012

maan rahe , sammaan rahe au mujhame svaabhimaan rahe
chale lekhanee meree nirntar jab tak ur men jaan rahe
yahee kaamanaa hai meree ki sabako shikshaa - jnyaan mile
nav peedhee kee pratibhaaon ko bhee unakee pahachaan mile

aisaa de varadaan shaarade aisaa de varadaan
jo bhee tujhame dhyaan lagaaye ho usakaa kalyaan

har lay men teraa vndan ho har shabd teraa abhinandan ho
rach doon jo main bhaav suman vo surabhit karataa chandan ho
aas bharee rngeen toolikaa jeevan men nav rng bhare
nity ravi aalokit karataa man men nayee umng bhare

adharon par muskaan rahe au man men ho bhagavaan
aisaa de varadaan shaarade aisaa de varadaan
jo bhee tujhame dhyaan lagaaye ho usakaa kalyaan

kavi deepak guptaa
www.kavideepakgupta.com
+91 9811153282

meree ek taajaa gjl

gjb kaa noor chehare par alag muskaan hotee hai
fkeeron kee , adeebon kee niraalee shaan hotee hai

bataayaa thaa hamen logon ne , hamane aajmaayaa bhee
jo neeyat nek ho to raah bhee aasaan hotee hai

bhalaa ham doosaron se kyon karen tulanaa kisee kee bhee
harek insaan kee apanee alag pahachaan hotee hai

karen ham kitanee bhee koshish magar vo tal naheen sakatee
ki, honee hoke rahatee hai badee balavaan hotee hai

vo jo bejaan patthar hain vahee kal bol utathenge
taraasho aur dekho pattharon men jaan hotee hai

kavi deepak guptaa
+91 9811153282
www.kavideepakgupta.com
New Delhi , India

ek nayaa geet jo mainne is deevaalee par likhaa hai , shaayad aapako pasnd aaye ....kripayaa apanee pratikriyaa deejiyegaa

jo jaisaa hai usako vaisaa rahane do

kaun kahaan kisase kyaa kahataa kahane do

jo jaisaa chalanaa chaahe vo chalaa kare

main ye chaahoon ishvar sabakaa bhalaa kare

kuchh hote hain funk - funk kar jo jalate hain

kuchh hote hain jalabhun kar jo funkate hain

ghane andhere kitanee bhee saajish kar len

ujiyaare ke kadam kabhee naa rukate hain

hamako jeevan bhar deepak saa jalanaa hai

jisako jaisaa jalanaa hai vo jalaa kare

svaarath men sab nadiyon kaa dohan karake

rishton ke saare saagar hee reete hain

baahar se to khush rahane kaa dhong kiyaa

lekin bheetar se ghutaghut kar jeete hain

sabakuchh paakar bhee bas rote rahate hain

kaash ki knjooson ko daulat falaa kare

ham chup hain to ye mat samajho goonge hain

padhnaa aataa ho to padh lo khaamoshee

ham naa bahake hain aur naa hee bahakenge

hamane khud hee odhee hai ye madahoshee

apane man men ek fakeeraa gaataa hai

duniyaa ko khalataa hai to khalaa kare

kavi deepak guptaa

+91 9811153282

www.kavideepakgupta.com

New Delhi (NCR) Faridabad, India