vashingatan-baostan asela eksapres par mere samane kee sit par jo khidakee ke sath mahila baithi hain, vah pichhale paune ghante se fon par bat karane men lagi huee hain. unakee sit kee pith meri or hai, is karan mujhe dikh nahin rahin, par aisa lagata hai ki apane daftar ka koee masala hal kar rahi hain. unhen apane baos se shikayat hai, aur is bare men ya to apane sahakarmi se ya apane baos ke sahakarmi se bat kar rahi hain. lagatar baole ja rahi hain. kuchh mahilaen kitana baol sakati hain. aadha ghanta pahale unake sath jo doosari mahila baithi huee thin, vah apana laipatop, kot aur baig lekar jhunjhalati huee uthin aur aage kee kisi sit par chali gaeen. ek minat bad pi.e. sistam par aenaunsament huee – “yatraeegan kripaya dhyan den, jo yatraee fon par bat kar rahe hain ve apane sahayatraiyon ka dhyan rakhate hue kripaya apani aavaz dhimi rakhen, ya fir kaife-yan men chale jaen.” lagata hai mahila nanbar do sidha kandaktar se shikayat karane gaee thin. mujhe nahin lagata ki fon par bat kar rahi mahila ne yah udghoshana suni bhi, kyonki unakee batachit jari rahi — kuchh minaton ke lie aavaz thodi si dhimi zaroor huee. kuchh pandrah-bis minat bad pahale gaee mahila apana saman lekar vapas aaeen aur fir baithane lagin. lagata hai, jahan gaee thin vahan unhen man muaafik sit nahin mili thi. aaj gadi men samany se kuchh adhik bhid hai. aamataur par adhik yatraee nahin hote aur yadi aap do siton par akele baithana chahate hain, to aisi sit dhoondhane men dikkat nahin hoti. sath vahi baithate hain jo sath safar kar rahe hote hain. par aaj kuchh bhid hai. daraasal kal desh ke poorvottar kshaetra men kafi himapat huaa tha aur kaee relagadiyan radd ho gaee thin. mujhe bhi kal jana tha, par isi karan aaj ja raha hoon.
khair mahila nanbar do vapas to aaeen par pahale vali mahila ka vartalap samapt n hota dekh kar ek minat men hi fir jhunjhalati huee uthin, usi prakar apana laipatop, kot, baig uthaya aur fir kahin aur chali gaeen. ab nahin aaengi. mujhe unase suhanubhooti to hai (shayad kuchh zaroori kam kar rahi thin laipatop par, aur us men khalal ho raha tha), par relagadi men itane ekant kee apekshaaa kuchh zayada nahin hai? unhen kvayat kar men baithana chahie tha.
is bich mahila nanbar ek kee batachit jari rahi. main jab baltimor men tren men chadha tha to yah mahila pahale se baithi huee thin, shayad vashingatan se aa rahi thi. pahale se baten kar rahi thin. ek ghante ke bad filadelfiya ke aasapas unhonne fon rakha. par yah kya, alavida kahate hi yah to fir hailo kar rahi hain. abakee bar baos ko fon kar rahi hain. unase shayad kisi prakar kee sulah kar rahi hain. jis raftar se, aur jis pravah se baol rahi hain, mujhe nahin lagata agale ko hoon-han karane ka bhi mauka de rahi hain. jab se mainne yah likhana shuroo kiya tab se vah baos se bat kar rahi hain. ve chahati hain ki unake aur baos ke bich koee manamutav n rahe. unhen maloom hai ki unamen kuchh buraiyan bhi hain. kaee bar gosip men aisi baten kah jati hain jo nahin kahani chahien. par fir bhi, unako apane kam men adhik svatantrata chahie, apane kam ke dauran ve kin shaharon ko kavar karati hain, isaka nirnay svayan un par chhoda jana chahie.
mere sath kee sit par jo sajjan baithe hain, ve shuroo se hi apane kindal ee-buk ridar par kuchh padh rahe hain. shakl se amarikee nahin lagate, bharatiy bhi ho sakate hain, hispainik bhi. par mujh men himmat nahin ho rahi ki poochhoon. daraasal kuchh der pahale jo kandaktar (tisi) aaya tha, vah bhi shakl se bharatiy hi lag raha tha. usane tikat chaik karate hue mere nam ko doharaya tha – kaul. par sahi uchcharan ke sath nahin, is karan mainne poochhana uchit nahin samajha. khair, main uthakar kaife kar kee or chala jata hoon. kuchh chay vagaira le leta hoon. vahan kauntar par kaife karmachari ke sath vahi kandaktar khada hai. mujhe dekh kar usane mera nam doharaya – kaul. mainne poochha – “aapaka nam kya hai?” baole – “josh”. mainne doharaya – josh. ve baole – josh chaindrash. mujhe utsukata huee. unake gale men jo pahachanapatra latak raha tha vah tedha tha; main usakee or badha. josh ne pahachanapatra sidha kiya. mainne zor se padha – chandresh joshi. mainne kaha, aap to bharat se hain. ve khushi ka izahar karate hue baole, “han, main bharat se hoon, gujarat se. kya aap bhi…? aap kahan se hain?” mainne bata diya. sath men jitani gujarati aati thi, vah bhi baol di – “kem chho, maja man chho?” khair chandresh ji se kuchh der batachit huee, fir apani sit par lauta. dave ka dev to suna tha, joshi ka josh aaj pahali bar suna.
ab tak mere padaus kee mahila ka steshan aa gaya tha. unhen nyooyork men utarana tha. vah abhi bhi fon par thin. mere sath vale yatraee bhi vahin utar gae. unase parichay bhi nahin ho paya. mere lie abhi dedh ghante kee yatraaa shesh hai. main ab do siton par akela baitha hoon. yahan se zayada bhid nahin hai.
—
yah tha meri aajakee yatraaa ka vritant jo is irade se shuroo kiya tha ki bharat kee aur yahan kee rel yatraaa ke antar ko bayan kar sakoon. pichhale sal bhar se daftar ke kam se main is root par kam se kam pachas bar safar kar chuka hoon. char ghante ka safar hai, doori 450 kimi kee hai. amarika men rel yatraaa adhik prachalit nahin hai. mahangi bhi hai — havaee yatraaa se kahin adhik. aur sabhi shaharon men upalabdh bhi nahin. yah relagadi sab se tez relagadi mani jati hai — halanki yoorop ya chin-japan men yahi safar shayad kam samay men tay ho. shatabdi ke e.si. cheyar kar jaise hi dibbe hain. siten aarakshait nahin hoti, jahan marzi baith jao. vai-fai upalabdh hai. khanapan upalabdh to hai, par sit par nahin aata. ek dibba kaife-kar kahalata hai, vahan jakar bhojan kharidakar lana padata hai. vain-biyar aadi bhi upalabdh hai. kuchh gadiyon men jahazon jaisi trali seva shuroo huee hai, jis ke dvara bhojan apani sit se hi kharida ja sakata hai. tren men panch-chhah bizanes klas dibbe hai, aur ek farst klas. ek kvayat kar bhi hai, jis men bat karane kee ijazat nahin hai. yani yadi aap ko bilkul shantipoorn yatraaa chahie, kisi shor-sharabe ke bina, to kvayat kar men baith jaie. vahan aapako fon par bat karane kee bhi ijazat nahin hai, aapas men bat karenge to fusafusakar.
aapake sahayatraee kis bat par khafa ho jaen, isaka koee bharosa nahin. abhi kuchh hafte pahale, main isi safar par ja raha tha. ghar se nikalate samay jaldi men shev karate nikala tha, tvacha men kuchh jalan si ho rahi thi. batharoom men jakar aaftar-shev laga kar aagaya. mere sath kee sit par baithe yatraee baole, kya aapane kolon lagaya hai, mainne kaha, nahin aaftar-shev. ve baole, nahin mujhe kolon se elarji hai. yah kah kar ve apana saman samet kar kahin aur baithane chale gae. main sakapaka gaya, par apana saman failakar do siton par akela baith gaya.
isake viparit bharat men rel yatraaa karane ka alag hi anubhav yad aata hai. kafi samay ho gaya pahale kee tarah thri tiyar slipar kar men safar kie. dilli se jammoo ka safar vyaktigat karanon se hota tha, aur aam taur par thri tiyar se hi hota tha. barah chaudah ghante ke safar men apane kaibin ke sah yatraiyon se jo aatmiyata hoti thi, vah yahan kabhi nasib nahin ho sakati. yahan praivesi kee apekshaaa itani adhik rahati hai ki aatmiyata hona bahut kathin hai. tren ke daravaje ke bahar aarakshan chart par sab ke nam rahate hain. vah chiz yahan mumakin nahin hai. praivesi kee aisi taisi ho jaegi. bharat men chhote bade steshanon kee raunak, har steshan par utar kar idhaऱ udhar plaitafarm ka chakkar laga aana, kuchh khane ko, kuchh padhane ko kharid lana, aur tren chalane ke do saikand pahale vapas chadh jana, yah sab yahan kahan mayassar hai. plaitaform to aise soone hote hain, jaise matam chhaya ho. tren ke daravaze chalane se pahale lok ho jate hain, is karan daud kar bhi nahin pakad sakata.
baltimor steshan ka plaitaform aur nyooyork ke ek upanagar krotan harman ka plaitaform – maraghat ka sannata
kuchh din pahale apane angrezi blog par main ne kashmir par ek lekh likha jo kaee dinon se man men ubal raha tha, par kashmir men ho rahi hal kee ghatanaon ke karan ufan pada. is lekh ko kafi achchhi pratikriya mili — kuchh tippaniyan achchhi, kuchh buri. fesabuk aur tvitar par sainkadon logon ne ise sheyar kiya. lekh ka sar yah tha ki kashmir jitana bada dikhata hai, utana hai nahin. kashmiri musalaman aazadi le bhi lenge to unaka yah “desh” nahaega kya aur nichodega kya. kuchh pathakon ne sujhav diya ki ise hindi men chhapoon. isalie anuvad kar samayikee men bhej diya. niche mool angrezi lekh aur samayikee men chhape hindi anuvad kee kadiyan hain. kripaya padhen aur apani pratikriya avashy den. angrezi lekh par ek lanbe chaude vartalap ke zarie kuchh aur bindu samane aae hain.
googal ne urdoo ke shaukeenon ke lie bahut hi nayab tool upalabdh kara diya hai. pichhali 13 maee se googal anuvadak men urdoo jod di gaee hai, yani aap ab urdoo se, ya urdoo men, darjanon bhashaon ka anuvad kar sakate hain. googal transalet par jaie, “Translate from” men “Urdu ALPHA” chunie, “Translate to” men hindi, angrezi ya darjanon any bhashaon men se koee bhi chun lijie aur transalet ka batan dabaie. anuvadak abhi elfa, ya yoon kahen alif avastha men hai, is karan kuchh bachapana, kuchh shararaten to karega hi, par kul mila kar kam kee chiz hai.
badhiya bat yah hai ki is tool ka prayog n keval anuvad karane men kiya ja sakata hai, balki urdoo likhanen men bhi kiya ja sakata hai, aur kuchh shabdon ka hindi se lipyantaran karane men bhi prayog kiya ja sakata hai. yani yadi aap ko urdoo likhani padhani nahin aati, to bhi aap roman aksharon ka prayog kar urdoo taip kar sakate hain. dhyan rakhen ki Type Phonetically vala chaikabaoks sakriy ho, ab urdoo vale bakse men bhaarat likhen aur aap ko بھارت likha mil jaega.
kuchh varsh pahale main ne ek post likhi thi jis men main ne bataya tha ki jaise any bharatiy bhashaon men ek lipi se doosari men lipyantaran sanbhav hai, vah urdoo ke sath kyon sanbhav nahin hai. lipi kee bhinnata kee yah samasya kisi had tak googal ne is tool ke dvara hal kar di hai, halanki kamiyan abhi maujood hain.
anuvad kee kuchh kamiyan to badi rochak hain, aur inakee or dhyan dilane ke lie shueb aur aravind ka dhanyavad — un se baz par kuchh batachit huee thi is bare men. mulahiza faramaie googal-urdoo-anuvadak ke kuchh namoone
| urdoo men likhie | hindi anuvad |
| کراچی (karachi) | bharat |
| افغانستان (afaganistan) | bharat |
| انڈیا (indiya) | bharat aur padaus |
| پاکستان (pakistan) | bharat |
yani googal valon ko is kshaetra men bharat ke sivay kuchh nahin dikhata. yah vishesh anuvad urdoo se hindi men hi upalabdh hai, urdoo se angrezi men anuvad thik ho raha hai. yah aashcharch kee bat hai ki jab ki urdoo se hindi men anuvad sab se aasan hona chahie tha, isi men dikkaten aa rahi hain. are googal bhaee, kuchh nahin aata to shabd ko jas ka tas likh do. hindi se urdoo ke anuvad men bharat ka anuvad bharat hi hai, par bharat aur padaus likhenge to usaka anuvad hai انڈیا (indiya).
oopar die shabdon ke is skrinashot men dekhie
vaise kuchh urdoo prishth jo aap abhi tak nahin samajh pate the, ab samajh paenge. prishth ka yooaarael, ya masauda, googal ke anuvadak men dlie aur anuvad paie. samajh pane layak to anuvad ho hi jaega. udaharan ke lie shueb ke is blog-post ka anuvad
kuchh prashn hon, kuchh sanshay hon, kripaya tippani khane men poochhen. yadi aapako bhi kuchh ajibaogarib tarajame mile hon to avashy bataen.
Tags: google, translation, urdu
vishv bhar men aajakal aatankavad kee jitani ghatanaon ka pardafash hota hai, vah chahe bharat men ho, yorap ya amarika men — un men se adhikansh kee jaden kisi n kisi roop men pakistan se ja milati hain. nyooyork men kal pakistani mool ke amarikee nagarik faisal shahazad ka pakada jana isi silasile kee navinatam kadi hai.
midiya men jo riporten aaeen hain, un ke hisab se faisal shahazad ke pakade jane ka ghatanakram kisi jasoosi upanyas se kam nahin lagata. tin din pahale, yani 1 maee ko nyoo york ke taims skvayar men ek nisan pathafaindar kar khadi paee gaee, jis ka injan chaloo tha aur gadi men se dhunva nikal raha tha. aasapas ke logon kee satarkata aur pulis-ef.bi.aai. aadi kee mehanat se do din bad is gadi ke malik faisal shahazad ko tab pakada gaya jab vah pakistan kee or apani yatraaa aaranbh kar chuka tha. aazadi kee or apane safar ke pahale hisse men vah nyoo york ke je.ef.ke. havaee adde par dubaee ke jahaz men baitha tha. jahaz chalane vala tha, jab use roka gaya aur faisal ko giraftar kiya gaya. bharat ko is se sikh leni chahie.
faisal bhaee ne pichhale varsh hi amarikee nagarikata kee shapath li thi. usase pahale amarika men hi bi.es. aur em.bi.e. kiya tha — yani padha likha tha. us ne apani or se kafi satarkata se kam liya tha. sasti sekand haind gadi do hafte pahale kharidi thi. jisase kharidi thi, usase intaranet dvara sanpark kiya tha, kisi mol ke parking lot men mulakat kee thi, aur nakadi de kar gadi li thi. gadi ka us ke nam se sanbandh n jude, is lie use apane nam rajistar nahin karaya tha. us par kisi aur gadi ke nanbar plet laga lie the. gadi ke samane ke shishe ke andar gadi ka VIN (Vehicle Identification Number) khuda rahata hai, jisake sath chhedachhad karana gairakanooni hota hai. gadi ka malik koee bane, nanbar koee lage, par VIN se gadi kee mool pahachan bani rahati hai. is gadi men VIN ko mita diya gaya tha.
faisal ko shayad yah maloom nahin tha (mujhe bhi aaj hi maloom huaa), ki gadi ke nichale hisse men bhi injan par VIN khuda rahata hai. pulis ne us se gadi ke pichhale malik ka pata khoja. us ne faisal ke sath gadi ke vishay men jo eemel kiye the, usase faisal ke vishay men kuchh pata chala. ant men faisal ke nagarikata sanbandhi kagazon se us ka chitra lekar gadi ke malik ko dikhaya gaya, jisase usane faisal kee pahachan kee. faisal ko fatafat no-flaee list par dla gaya, par jab tak vah jahaz men baitha tab tak eyaralain ke kanpyootar men naee list aaee nahin thi. par is se pahale ki jahaz udata, yatraiyon kee soochi adhikariyon ke pas pahunchi aur jahaz ko udane se roka gaya. is poore marahale men adhikariyon kee satarkata ka to hath tha hi, kismat ne bhi adhikariyon ka khasa sath diya lagata hai. varana ek bar shahazad sahab karachi pahunch jate to allah hafiz.
prashn yah uthata hai ki pakistan men aisa kya hai ki poore vishv ko aatankavad niryatit karane kee unhonne faiktri laga rakhi hai? mana ki unhen amarikee nitiyon se ikhtilaf hai, par is tarah masoomon kee bhid par hamala karana, yah kya kisi kitab men likha hai? shayad ve sochate hain ki jo bhi marenge, un men se adhikatar kafir honge aur ve is tarah khuda ka hi kam kar rahe hain. hairani is bat kee hai ki kaee bar ye log padhe likhe naujavan hote hain. kitani nafarat chahie itani shikshaaa ko shoony karane ke lie. (oopar diya gaya chitra si.en.en. dot kom se liya gaya hai aur lagata hai faisal ke aurakut khate se hai.)
is ghatana ka sidha parinam yah hoga ki pakistaniyon ko amarika ka viza milane men aur dikkaten aaengi. eyaraporton par adhik chhanabin ka samana karana padega. intaranet par pakistani log in baton ka rona ro rahe hain. par yah koee nahin kahata ki isaka zimmedar kaun hai — sabhi log eyaraport valon par, amarikiyon par, naslabhed ka ilazam lagate hain, par yah koee nahin kahata ki is ka mool karan is tarah ke aatankee hain. jitana aisa aatankee padha likha ho, bholi soorat vala ho, utana hi nasl aadharit khojabin ka shikanja bada hota jata hai. mera padausi yadi yah mere bare men soche ki padaus ke is dakshain aishiyaee bande se savadhan rahana chahie to main use dosh nahi deta. dosh deta hoon ham jaise dikhane vale aise pakistaniyon ko jinhonne pakee ko ek napak shabd bana diya hai.
aise maukon par mujhe fir sudarshan kee likhi kahani har kee jit yad aati hai. yadi aajakal ka baba bharati din-dukhi-andhe ko dekh kar mukh modata hai ya un par vishvas nahin karata to is men galati baba bharati kee hai ya khadag sinh kee?
Tags: faisal shahzad, pakistan, terrorism
aaj hafingatan post men pichhale navanbar men hue pakistan faishan vik se yah tasvir chhapi hai. post nen lekh ka shirshak diya hai “vat d….?”. sach hai, tasvir apani kahani khud kahati hai, shabdon kee adhik aavashyakata nahin hai. mera bas yah kahana hai… yah faishan vik hai, ya faishan vik hai? aage padhane ke lie klik karen.. »
faravari men bharat yatraaa ke dauran karyakram bana shraeelanka ghoomane ka. shraeelanka bhraman ka anubhav bahut hi badhiya raha. vistar se jaldi likhoonga, filhal yah laghu-chitra-pravishti. vahan, chhate ka ek anootha prayog dekhane ko mila. aksar premi yugal chhata sath lekar chalate hain — akasmat varsha ho jae, usamen to kam aa hi jaega, par n bhi ho to aap kahin bhi apana niji pranay-kaksha bana sakate hain. gal antarrashtriy kriket stediyam ke pas khinche gae yah do chitra dekhie. aage padhane ke lie klik karen.. »
aaj subah subah googal khola to dekha googal ke sthan par nam hai “topika”. usake niche link tha “hamare nae nam ke bare men janen“. googal blog par bataya gaya hai ki googal ne apana nam kyon badala. aage padhane ke lie klik karen.. »
Tags: april fool, google, topeka
kaee sal pahale (2004 men) jab yah chittha shuroo huaa to yahi koee 20 chitthakar the hindi chittha jagat men — pathakon kee sankhya bhi ekadh sainkade se adhik nahin rahi hogi. intazar rahata tha ki koee likhe to ham padhen aur tippani karen. aajakee sthiti, jab hazaron kee sankhya men hindi chitthakar hain aur shayad lakhon men pathak hain, tab ek svapn lagati thi. sitanbar 2005 men likha yah lekh us svapn ko darshata hai. aage padhane ke lie klik karen.. »
main aajakal rajiv shraeenivasan ke chitthe ka niyamit pathak ban gaya hoon. rajiv ek 23 varshiy yuva chitthakar hain – par is chitthakar ke vishay men vishesh yah hai ki yah jis jagah se apana blog likh rahe hain, vah aajakal vishv kee sab se jokhim bhari jagahon men se ek hai. ji han, rajiv amarikee thal sena men leftinent (ya amarikee angrezi men – lyootinent) hain, aur aajakal palatan kamandar ke roop men kandahar afganistan men tainat hain. aage padhane ke lie klik karen.. »
is chitthe ko padhane vale sabhi doston ko naya sal mubarak. is din par is chitthe par bahut dinon bad kuchh badabad.
aaj ek naee dahaee shuru huee hai, jo ummid hai duniya ke lie kuchh khush khabar le kar aaegi. is sadi kee pahali dahaee men aatank ka hi baolabala raha – 9-11, 26-11, 7-7, eerak, afaganistan, eeran, soodn, aur n jane kya kya? par ghatanaen aam taur par ankon kee mohataj nahin hoti. samayachakr ke lie ek naee dahaee shuroo hone ka koee arth nahin hai. vishv ghatanakram ke lie 1 janavari 2010, aisa hi hai jaisa koee aur din. isalie yah ummid karana ki dahaee badalane se ghatanakram badal jaega, khud ko jhoothi tasalli dena hi hai. main ankavidya men vishvas nahin karata, is karan vyaktigat jivan me sadi ya dahaee badalane se kuchh hoga, yah nahin manata. aage padhane ke lie klik karen.. »
Tags: new year
Recent Comments