Posts
kaee samay se man thaa ki koee aisee jagah bane jahaan hindee kitaabon ke baare men naye sire se baat ho sake. agar kitaaben hongee to likhanaa aur padhnaa bhee bachaa rahegaa. hamaaree ye baatacheet hee hindee ko bachaa sakegee. ek tareekaa yah sochaa hai ki ham apanee apanee pasndeedaa hindee kitaabon kee feharist banaaen aur aapas men baante. main apanee pasndeedaa kitaabon kee feharist yahaan de rahaa hoon. ve kisee kram men naheen hain, n hee antim hain. sirf ve hain jinhonne mujhe bachaaye rakhane aur banaane men madad kee. jo mujhe abhee yaad hain. bahuteree to raayapur men raamakrishn mishan kee laaibreree men padhne ko mileen, jab main shaasakeey aadarsh vijnyaan mahaavidyaalay se beeesasee hone ke asafal prayaas kar rahaa thaa. fir baad kee bhee hain. hindee kitaaben hamaare vimarsh se baahar khisakatee jaa rahee hain. bhale hee hindee padhne vaalon kee snkhyaa badhee hai. ab jab main hindee pradeshon se baahar hoon to us tikadm ke baare men sochataa hoon, jahaan se ye pataa chal sake ki hindee men idhar kyaa chal rahaa hai. jo javaab milate hain ve futakar hote hain. ye hee kitanaa saaf hai ki ham kitaabon se jyaadaa hindee mathaadheeshon kee uthaapatak men kitanaa ras lete hain. ye ek koshish us vimarsh men vaapas jaane kee. yah jaanane kee ki jo kaheen rah- chhoot gayaa ho, use vaapas paayaa jaa sake. upanyaas ke naam hain, par kahaanee aur kavitaa men kaee jagah lekhak kavi ke naam se hee kaam chalaayaa hai.
upanyaas
1. ve din - nirmal varmaa
2. kitane paakistaan - kamaleshvar
3. apane apane ajanabee- ajnyey
4. naukar kee kameej – vinod kumaar shukl
5. deevaar men khidkee rahatee thee – vinod kumaar shukl
6. kalikathaa vaayaa baaipaas- alakaa saraavagee
7. khilegaa to dekhenge – vinod kumaar shukl
8. ek cheethadaa sukh – nirmal varmaa
9. shekhar ek jeevanee – ajnyey
10. naachyo bahut gopaal – amritalaal naagar
11. khnjan nayan – amritalaal naagar
12. yayaati – vishnu sakhaaraam khaandekar (mool maraathee)
13. mailaa aanchal – faneeshvar naath renu
14. aadhaa gaanv – raahee maasoom rajaa
15. raag darabaaree – shreelaal shukl
16. pahalaa giramitiyaa – giriraaj kishor
17. 74 daaun – ramesh bakshee
18. kasap – manohar shyaam joshee
19. aavaaraa maseehaa – vishnu prabhaakar
20. kuroo kuroo svaahaa – manohar shyaam joshee
21. kahaan paaoon use- samaresh basu kaalakoot (mool baanglaa)
22. amrit kunbh kee khoj men – samaresh basu kaalakoot (mool baanglaa)
23. topee shuklaa – raahee maasoom rajaa
24. kataraa bee aarajoo – raahee maasoom rajaa
25. shahar men karfyoo- vibhooti naaraayan raay
26. mitro marajaanee – krishnaa sobatee
27. gunaahon kaa devataa – dharmaveer bhaaratee
28.
kahaanee
29. sahaadat hasan mnto
30. premachnd
31. mohan raakesh
32. kamaleshvar
33. raajendr yaadav
34. nirmal varmaa
35. shreekaant varmaa
36. uday prakaash
37. jnyaanarnjan
kavitaa
38. raamacharitamaanas – tulasee daas
39. kabeer
40. ameer khusaro
41. najeer akabaraabaadee
42. snsad se sadk tak - dhoomil
43. saaye men dhoop - dushynt kumaar
44. duniyaa roj badalatee hai- aalok dhanvaa
45. naaron ke andhe shahar men- shishu rashmi
46. shahar ab bhee snbhaavanaa hai- ashok vaajapeyee
47. chaand kaa munh tedhaa hai – muktibodh
48. sudaamaa paande kaa prajaatntr – dhoomil
49. magadh – shreekaant varmaa
50. sadaaneeraa – ajnyey kee saaree kavitaaen
51. kaheen naheen vaheen – ashok vaajapeyee (saaree kavitaaen)
52. sab kuchh honaa bachaa rahegaa- vinod kumaar shukl (saaree kavitaaen)
vyngy
53. sharad joshee
54. harishnkar parasaaee
kaavy naatak
55. andhaa yug – dharmaveer bhaaratee
56. ek knth vishapaayee – dushynt kumaar
aapane hindee kee kaun see kitaaben padhee hain jo aapako lagataa hai mujhe padhnee hee chaahie.
Subscribe to:
Post Comments (Atom)
25 comments:
madhubaalaa, madhukalash - bachchan.
hariyaa harakyoolis kee hairaanee - manohar shyaam joshee.
bahut sahee kaam kiyaa aapane..jab mej par bahas kitaabon se hat kar saahityetar baaton kee or mudatee hai tab bahut jarooree hai kitaabon kaa vaapas mej par rakhaa jaanaa..ek behatareen feharist kitaabon me aapakee ruchi aur achchhe saahity ke prati aapake pyaar ko darshaatee hai..aapakee is baat se sahamat hoon ki hindee pradeshon se baahar jaane par achchhee kitaabon kee khoj aur shiddat se baahar aatee hai..aur unake prati anurakti bhee..
kuchh padhee huee kitaabon ke saath kaee any pustakon ke naam dekh kar unako padhane kee ruchi jaagrit huee..so khojanee padegee ek-ek kar.
feharist me apanee pasndeedaa kitaabon ke jikr kee aapakee baat par mujhe jo kuchh shaanadaar kitaaben yaad aatee hain
aapakaa bntee-mannoo bhndaaree(baal-manovijnyaan), mahaabhoj-mannoo bhndaaree (saamaajik-raajanaitik paridrishy), sookhaa baragad-mnjoor aitashaam(vartamaan muslim samaaj ke maanasik sngharsh), sooraj kaa saatavaan ghodaa-dharmaveer bhaaratee(nav-aupanyaasik-prayog), baaraamaasee-jnyaan chaturvedee (ek nimn madhyamavargeey parivaar kee kathaa ke bahaane bhaarateey samaaj kee vidambanaaon kaa raag darbaaree jaisaa katu-vyngyaatmak chitran), jheenee jheenee beenee chadariyaa-abdul bismillaah (banaaras ke julaahon par kendrit), jhoothaa sach-yashapaal (vibhaajan kee sabase samagr v traasad daastaan)
kuchh aur jo padhe yaad aate hain uname kissaa lokatntr(vibhooti naaraayan raay), neem kaa ped (raahee maasum rajaa), sootradhaar (snjeev), hamaaraa shahar us baras (geetaanjali shree) aakhiree kalaam (doodhanaath sinh), chitralekhaa(bhagavatee charan varmaa) mahatvapoorn hain.
kahaaniyon me kripayaa shivamoorti, snjeev v akhilesh ko avashy padhen jinakee kahaaniyaan hamaare samay kaa dastaavej hain, saath hee hemnt v avadhesh preet ko apanee pasnd ke aadhaar par rikamnd karoongaa..
..kaafee cheejen yaad dilaa deen..shukriyaa :-)
are vaah! nekee aur poochh -poochh.. kitaabon ke sheershak dekhakar ... dillee nagar paalikaa kaa badaa saa kamaraa , usamen saat alamaaree jild fatee kitaabon se bharee aur kursee mej lie baithaa ek ubaaoo saa cheharaa yaad aa gayaa .. kuchh sheershakon ke panne bhee palate hue hain jaanakar anapadh hone kaa ahasaas kam huaa hai... haan! fursat se bhejoongee apanee feharist..
aapakee list men kuchh to padhee huyee hain, aur kuchh abhee haal filahaal men khareed kar laayee hoon jald hee padh jaaungee. skool yaa kolej kee laayabraree men kabhee hindee kee kitaaben n dekhee n padhee, adhikatar to ghar par hee padhane kaa maukaa aayaa. dost bhee kuchh aise bane kee kisee ko padhne kaa shauk naheen to kisee se udhaar maang ke padhane kaa snyog bhee naheen banaa. net se daaunalod karake kuchh kitaaben padhee, par skreen par padhne men vo baat hee naheen aa paatee hai jo panne palatane men aatee hai. laaibraree jaane vaale log, ise chalaane vaale...sab shaayad kisee vilupt hotee prajaati men gine jaa sakate hain. mujhe aankade naheen maaloom, par kitaab padhne vaale log mujhe kam hote hee deekhate hain usapar hindee padhne vaale to aur bhee kam. haal men koee aisee hindee kee kitaab aaee bhee kahaan hai jo sabako pasnd aa jaae...n koee aisaa lekhak gin sakate hain...mujhe ummeed kam dikhatee hai hindee ke lie.
aap ne khoob list banaayee. post men raayapur kaa zikr kar ke aapane mujhe aj-had imoshanal kar diyaa. arasaa-e-daraaz huaa magar voh bholaa bholaa shahar yaad aataa hai...aur raam krishn laaibreree jisakaa membar men bhee thaa....raayapur shahar kee voh gujishtaa maasoomiyat aur logon kaa apanaapan....n jaane kyaa kyaa yaad aataa hai....kam-aj-kam nau baras hue jab aakharee baar rikht-e-safr baandh kar chalaa thaa....nam aankhon se...
outlook ne 10 kitaaben sujhaaye hain is maheene ke edishan men vo jaroor padhie.. kuchh kaa naam to vaise list men dekh rahaa hoon.
bahut hee achchhaa muddaa uthaayaa hai, samay milane par apanee vistrit soochee prastut karoongaa. is stuty prayaas ke lie badhaaee.
aaj se lagabhag bees varsh poorv 'hns' patrikaa men aisee heen ek soochee nikalee thee, jisamen kuchh ko chhod kar baakee saaree kitaaben usamen bhee darj theen. snyog se vah soochee mujhe praapt ho gayee thee aur mujhe lagaa thaa ki koee khajaanaa haath lag gayaa ho. main us vakt dillee men padhaaee ke silasile men gayaa thaa par kisee tarah se sar pe saahity padhane kaa dhun savaar thaa so mainne apane makaan maalik ke raashan kaard pe dillee pablik laaibreree kaa kaard banabaayaa aur us soochee kee saaree kitaaben padh daalee thee. nishchay heen us soochee men kaee aur kitaaben theen jinamen se kuchh kaa jikr 'apoorv' ne kar diyaa hai. mainne vo soochee not karake rakhee thee ki jab khud kamaaoongaa to khareed kar rakhoongaa aur baar-baar padhoongaa. par vo soochee kisee tarah laapataa ho gayee aur mainne yaadyaasht ke aadhaar pe kaee kitaaben khareedee par kaee saaree chhut bhee gayee. aaj aapake is prayaas se mujhe fir vo soochee mil gayee lag rahee hai. mujhe lagataa hai aur bhee log jab apanee pasnd jodenge to yah soochee kaafee vistrit ho jaayegee aur bahut saare nae logon kaa maargadarshan karegee.
usee hns men, agar mujhe sahee yaad hai, to do kitaabon kaa raajendr yaadav jee ne khaas taur pe jikr kiyaa thaa aur sabase behatar bataayaa thaa. ek to mujhe mil gayee thee aur mainne kaee baar padhee hai aur jitane bhee log mere kareeb aate hain main apanee prati dekar unase padhane kaa aagrah karataa hoon. vo hai ajeet kaur kee aatmakathaa ' khaanaabadosh' aur doosaree mujhe aaj tak naheen mil paayee vo hai, dileep kaur tivaanaa kee 'nnge paanv kaa safr'. agar koee mujhe ye kitaab kisee tarah bheja/padhavaa sake to main bahut aabhaaree rahoongaa.
jin bhaaiyon tak meraa ye kament pahunchataa hai...main sabase aagrah karataa hoon ki in donon ko padhane kaa maukaa mile to chhode naheen. ek ke baare men to main kah sakataa hoon ki ye amooly kitaab hai..
"ham kitaabon se jyaadaa hindee mathaadheeshon kee uthaapatak men kitanaa ras lete hain." sach kahaa. main maanataa hoon ki likhanaa aur padhnaa snskaaravaan honaa hai aur is tarah kee uthaapatak men bhaag lenaa apane snskaar poorn ho jaane kaa parichaayak hai. aapakee pustakon kee soochee se adhik mere man men ye jijnyaasaa ghar kar gayee hai ki kyaa vaakaee hindee bhaashee pradeshon men hindee ki pustaken sahaj upalabdh hain ?
chhote pustakaalayon kaa haal in das saalon men itanaa badatar huaa hai ki bas chaaron taraf kameeshan hee pasaraa dikhaaee detaa hai. ab atirikt shram is baat lagataa hai ki snkhyaa badh gayee hai saahity vaheen khadaa hai kaise khojen sahee kitaab to aapakee pahal saarthak lagatee hai. nae paathakon ke lie to naam hee kaafee hain jinase ve khoj saken.
25 faravaree 2008 ko vinod kumaar shukl jee par likhee meree post men aapane kahaa thaa ki ek lnbe samay se aap feharist banaanaa chaah rahe hain lekin banaa naheen paa rahe hain.
aur idhar aaj dekh rahaa hoon to
aapane soochee banaa lee hai.
kyaa baat hai. aapakee is list men se bahut see naheen padhee hai. dikkat yah hai ki vivekaannd aashram kee laaibreree men naee kitaaben jald aatee naheen, deshabandhu akhabaar kee laaibreree men kuchh to aa hee jaatee hai. dekhate hain vahaan bhee milatee hai yaa naheen.
ab isake alaavaa ek hee laaibreree aur bach jaatee hai raayapur men. shaheed smaarak vaalee sarakaaree laaibreree, vahaan kaa bhee sadasy ban jaataa hoon.
ram nagarkar ki `bus ka ticket'is good for light reading.even kids will enjoy it.
albert kamu ki ajnabi (the stranger) patan (the fall) padhiye... shayad aapne padhi ho ... fir... ek baar yaad dila dun...
chitralekhaa
naresh mehataa ke takareeban sabhee upanyaas aur kavitaa sngrah...masalan ,do ekaant,doobate mastool ,vahpath bndhu ,thaa,pratham faalgun ,dhoomaketu ek shruti evn ...nadee yashashvee hai ... is lie bhee ki em e preeviyas ke apane laghu shodh prabndh men mainne unhen chunaa thaa, inake baare men daave se ye kahaa jaa sakataa hai ki ..in upanyaason men saamajik yathaarth kaa chitran aur janachetanaa kee sajagataa ke saath maanavataavaad darshan bhee bakhoobee gunthaa gayaa hai jisame pratyek ghatanaa ,paristhiti .aur unake paatron kee sarjanaa ke peechhe ek vaichaarik garimaa hai ////saath hee yadi aap kuvar naaraayan ,vinod kumaar shukl ko pasnd karaten hen to nishchit hee aapako mehataa jee kee upanyaas kalaa bhee abhibhoot karegee ...ye list bahut badee hai ....fir kabhee
koee nayee post naheen ...??
intajaar kuchh jyaadaa balki bahut jyaadaa hee lambaa nahee ho gayaa is baar???
ummeed hai ki sab khairiyat hogee...
raayapur ke raamakrishn mishan pustakaalay kee aapane charchaa kee hai, is pustakaalay, svaamee aatmaannd jee aur shree hari dvivedee jee se main bhee laabhaanvit rahaa hoon. mere chhaatraavaas kaa kamaraa hee laaibreree ke bagal men thaa. aapakee soochee dekhakar aannd aayaa. nibndh padhnaa pasnd karen to hajaaree prasaad dvivedee, kuberanaath raay aur vidyaanivaas mishr ko jaroor dekhen.
Bandhu,jo koi bhi ho par ho bahut khoob,kitabo ki purani ,ek alag see khushboo wali duniya mey le aaye aap,mera aabhar .
aap ko Himanshu joshi ka upanyas
Tumharey Liye ,aur Anil Barve ka
Thank You Mr.Glad jaroor padhna chahiye.Kitabey to itni hai aur maine padhi bhi hai ki batani mushkil par wada raha dheerey dheerey likhoonga aapko .
Mera cell no hai 9425898136 hai aapsy baat karna chahoonga .Karengey kya?
Likhtey rahiye,kabhi merey blog Jeevansandarbh.blogspot.com per aiye meri kavitayen dekh kar bataiye kuch.
shesh fir
sasneh
dr.bhoopendra
Bahut purani yadey taaja kar di aapney ,sapney jaga deejiye/
Aapko merey matanusar Himanshu Joshi ki Tumharey Liye ,AnilBarve ki Thank you Mr.glad padhni chahiye .Kitabon ki duniya mey to rahta hi hoon par kai logo ko aaney jaga diya ,hardik aabhar.
sasneh
dr.bhoopendra
jeevansandarbh.blogspot.com
evaan e gjl - jeelaanee bano
aag kaa dariyaa- kurtal en haidar
magadh- shreekaant varmaa
kaashee kaa assee-kaasheenaath sinh aur eendhan-svayn prakaash bhee padh hee leejiye.
apoorv aur aapakee list ke baad kam hee 'hindee' kitaaben bachee hain jo meree nijee pasnd hain aur is list men chhoot gayee hain. kaaran ye bhee hai ki hindee saahity bahut kam padhaa hai. :
upanyaas: saaraa aakaash, mere saty ke saath prayog kee kahaanee, baaraamaasee, hariyaa harakyulis kee hairaanee.
kahaaniyaan: shailesh matiyaanee, shivaanee evn gulazaar kee kahaaniyaan
kavitaayen: dushchakr men srishtaa, trilochan,gulazaar, gorakh paandey, kee kavitaayen
naatak evn ekaankee: jin laahor ni vekhyaa o jamiyaa naee, mohan raakesh (haaeelee rikmanaded : aashaadh kaa ek din ), vijay tendulakar evn gulazaar ke naatak.
komiks : chaachaa chaudharee, supar kamaando dhruv, dogaa.
PS:140 aksharon kee saaree kahaaniyaan marmasparshee theen khaas kar kainsar ke rogee kee shaavar men rone vaalee.
raayapur kaa jo jikr post men hai, kam se kam 5 saal to main bhee isee ird gird mndaraataa rahaa hoon. pustakaalayon ke saath thaakur saahab kee pustak pratishthaan, dube jee kee raayapur buk dipo aur hareesh-mukul bhaaee kee raamachandr buk rstaal, kabhee-kabhaar kotak bhee hamaaraa addaa hotaa thaa. hareesh bhaaee kee dukaan kaa upayog to reeding room jaisaa bhee kar liyaa karate the. kitaabon kee soochee achchhee hai, sabhee avashy padhne yogy. renu kee paratee parikathaa adhik jarooree naam hai aur bhagavatee charan varmaa kee chitralekhaa...
vaise in dinon mainne kuchh post raayapur aur aasapaas par lagaaee hai, taajee hai raayapur men rajaneesh
shudhipatra-neelakshi singh,pili chatri wali ladaki-uday prakash,antim aranya-nirmal verma
Post a Comment