kitaaben bachengee to padhnaa bachegaa, likhanaa bhee

kaee samay se man thaa ki koee aisee jagah bane jahaan hindee kitaabon ke baare men naye sire se baat ho sake. agar kitaaben hongee to likhanaa aur padhnaa bhee bachaa rahegaa. hamaaree ye baatacheet hee hindee ko bachaa sakegee. ek tareekaa yah sochaa hai ki ham apanee apanee pasndeedaa hindee kitaabon kee feharist banaaen aur aapas men baante. main apanee pasndeedaa kitaabon kee feharist yahaan de rahaa hoon. ve kisee kram men naheen hain, n hee antim hain. sirf ve hain jinhonne mujhe bachaaye rakhane aur banaane men madad kee. jo mujhe abhee yaad hain. bahuteree to raayapur men raamakrishn mishan kee laaibreree men padhne ko mileen, jab main shaasakeey aadarsh vijnyaan mahaavidyaalay se beeesasee hone ke asafal prayaas kar rahaa thaa. fir baad kee bhee hain. hindee kitaaben hamaare vimarsh se baahar khisakatee jaa rahee hain. bhale hee hindee padhne vaalon kee snkhyaa badhee hai. ab jab main hindee pradeshon se baahar hoon to us tikadm ke baare men sochataa hoon, jahaan se ye pataa chal sake ki hindee men idhar kyaa chal rahaa hai. jo javaab milate hain ve futakar hote hain. ye hee kitanaa saaf hai ki ham kitaabon se jyaadaa hindee mathaadheeshon kee uthaapatak men kitanaa ras lete hain. ye ek koshish us vimarsh men vaapas jaane kee. yah jaanane kee ki jo kaheen rah- chhoot gayaa ho, use vaapas paayaa jaa sake. upanyaas ke naam hain, par kahaanee aur kavitaa men kaee jagah lekhak kavi ke naam se hee kaam chalaayaa hai.
upanyaas
1. ve din - nirmal varmaa
2. kitane paakistaan - kamaleshvar
3. apane apane ajanabee- ajnyey
4. naukar kee kameej – vinod kumaar shukl
5. deevaar men khidkee rahatee thee – vinod kumaar shukl
6. kalikathaa vaayaa baaipaas- alakaa saraavagee
7. khilegaa to dekhenge – vinod kumaar shukl
8. ek cheethadaa sukh – nirmal varmaa
9. shekhar ek jeevanee – ajnyey
10. naachyo bahut gopaal – amritalaal naagar
11. khnjan nayan – amritalaal naagar
12. yayaati – vishnu sakhaaraam khaandekar (mool maraathee)
13. mailaa aanchal – faneeshvar naath renu
14. aadhaa gaanv – raahee maasoom rajaa
15. raag darabaaree – shreelaal shukl
16. pahalaa giramitiyaa – giriraaj kishor
17. 74 daaun – ramesh bakshee
18. kasap – manohar shyaam joshee
19. aavaaraa maseehaa – vishnu prabhaakar
20. kuroo kuroo svaahaa – manohar shyaam joshee
21. kahaan paaoon use- samaresh basu kaalakoot (mool baanglaa)
22. amrit kunbh kee khoj men – samaresh basu kaalakoot (mool baanglaa)
23. topee shuklaa – raahee maasoom rajaa
24. kataraa bee aarajoo – raahee maasoom rajaa
25. shahar men karfyoo- vibhooti naaraayan raay
26. mitro marajaanee – krishnaa sobatee
27. gunaahon kaa devataa – dharmaveer bhaaratee
28.
kahaanee
29. sahaadat hasan mnto
30. premachnd
31. mohan raakesh
32. kamaleshvar
33. raajendr yaadav
34. nirmal varmaa
35. shreekaant varmaa
36. uday prakaash
37. jnyaanarnjan

kavitaa
38. raamacharitamaanas – tulasee daas
39. kabeer
40. ameer khusaro
41. najeer akabaraabaadee
42. snsad se sadk tak - dhoomil
43. saaye men dhoop - dushynt kumaar
44. duniyaa roj badalatee hai- aalok dhanvaa
45. naaron ke andhe shahar men- shishu rashmi
46. shahar ab bhee snbhaavanaa hai- ashok vaajapeyee
47. chaand kaa munh tedhaa hai – muktibodh
48. sudaamaa paande kaa prajaatntr – dhoomil
49. magadh – shreekaant varmaa
50. sadaaneeraa – ajnyey kee saaree kavitaaen
51. kaheen naheen vaheen – ashok vaajapeyee (saaree kavitaaen)
52. sab kuchh honaa bachaa rahegaa- vinod kumaar shukl (saaree kavitaaen)
vyngy
53. sharad joshee
54. harishnkar parasaaee
kaavy naatak
55. andhaa yug – dharmaveer bhaaratee
56. ek knth vishapaayee – dushynt kumaar

aapane hindee kee kaun see kitaaben padhee hain jo aapako lagataa hai mujhe padhnee hee chaahie.

LOVE STORY # 391: us raat kuchh naheen huaa. vah bahut zyaadaa sharaab peetaa thaa

vah bahut jyaadaa padhee likhee aurat naheen thee aur sirf pnjaabee men hee likhatee thee. doosaree bhaashaaon kaa likhaa vah bamushkil padh paatee thee aur isalie likhane men koee bahut tahajeeb naheen thee. vah boleevud par maree jaatee thee. usake lie kaamayaabee kaa asalee muqaam apane upanyaas yaa kahaaniyon kee film banate dekhanaa thaa. pnjaabee se angrejee men tarjumaa hone vaalee usakee pahalee novel pinjar (d skeletan) thee. ye tarjumaa mainne sirf mohabbat ke naate kiyaa thaa. mainne us kitaab kee pooree royaltee use de dee is shart par ki vah apanee lav laaif kaa pooraa chitthaa mujhe tafaseel se bataa de. kaee baithaken huyeen bhee. jis ikalaute ishk kaa jikr usane kiyaa vah filmee geetakaar saahir ludhiyaanavee ko lekar thaa, jisase vah kabhee milee naheen thee. par kht o khitaabat jaroor huyee thee. mujhe yah sunakar kaafee niraashaa huyee. mainne usase kahaa, ' itanee see baat to ek raseedee tikat ke peechhe likhee jaa sakatee hai.' baharahaal jab usane apanee aatmakathaa likhee to usakaa naam usane rakhaa - raseedee tikat (haalaanki raseedee tikat men jikr hai ki saahir laahaur men usase milaa karate the- editar, aautalukaindiyaa.kom)aakhirakaar ludhiyaanavee se usakee mulaaqaat yahaan dillee men huyee. usako udne se dar lagataa thaa, so vah bambaee se tren lekar pahunchaa. ve klaarijes hotal men mile, jahaan unakee mahaan prem kahaanee ko apane anjaam tak pahunchanaa thaa. kuchh naheen huaa. ludhiyaanavee bahut jyaadaa sharaab peetaa thaa.
( lekhikaa amritaa preetam kee mrityu par unake mitr khushavnt sinh kaa lekh. ise shraddhaanjalee kahane men ajagar ko snkoch hai)

LOVE STORY # 392: fon par tairatee huyee aavaaz asal kee aavaaz se alag hotee

bahut saare andhere khaamosh men beech ek shabd jaise ek jheel men uchhaalaa huaa knkar aur doobane se pahale fir fir uchhalataa huaa. us andhere khaamosh men aavaaz kaa apanaa amoort thaa, apanaa jaadoo, apanaa yathaarth. dooree kee khaaee ko laanghatee huyee, maaikalaenjelo kee penting men badhee huyee ungalee kee tarah. ek lambee rassee kaa siraa pakadtaa huaa, thamataa huaa, poochhataa huaa us sannaate kee jagah kaa pataa jahaan use utaranaa hai, adrishy kee seedhiyon se.
vah us adrishy kaa hissaa hotee. adrishy kee apanee aazaadee hotee. adrishy kaa apanaa vinyaas. jaise jaisaa chaahaa, vaisaa. andheraa makhamal ban jaataa. khush hone ke lie aonkhen bnd ho jaatee. aavaaz apane maayane us aazaad adrishy men gadhtee. aavaaz use jagaatee, chhedtee. aavaaz usake saath pyaar karatee. aavaaz usake bistar kee salavaton ko padhtee. aavaaz use sulaa detee. aavaaz usake sapanon aur smritiyon ko gadd madd kar detee. kabhee yahaan se bulaatee. kabhee vahaan se. aavaaz kavitaayen padhtee. aavaaz ek lambaa vaaky kahatee. aavaaz ek lambe vaaky ko dubaaraa kahatee. aavaaz kaee baar ek doosare vaaky ko adhooraa chhod detee. aavaaz chuppee ko taad jaatee, use samajhaa letee, bujhaa letee. aavaaz us vaaky ko pooraa karatee. aavaaz use pet se hnsaa detee. aur kaee baar itanee khaamoshee se bhar detee ki haath badhaakar kaanch par jaame kuhare kee tarah use saaf karanaa padtaa. aavaaz kaee baar shareer hotee, kaee baar aatmaa. aksar aavaaz ke maayane shabd ke maayanon se alag hote.
vah hunkaare bharatee. palat kar aavaaz detee. nae vinyaas aur vyaakaran ko rachate. jo aasamaan, khaamoshee, raat ke pahar, andheraa tay karataa.
fon par tairatee huyee aavaaz asal kee aavaaz se alag hotee. asal men bahut saaraa shor hotaa. thand, garmee, umas, paseenaa, chaand, badal, baarish, akhbaar, duniyaa. asal kaa ekaant bntaa huaa hotaa. asal kaa dhyaan kaee baar bhatakaa huaa.
vah andhere khaamosh men aavaaz kaa intajaar karatee. khaamosh andhere ekaant men aavaaz kaa apanaa sach thaa. aur asal kaa apanaa. donon ek naheen the.

LOVE STORY # 393: chaahataa hai ki vah galatee jindagee bhar usakaa peechhaa kare

(mitr kee hee)

log us pahaadee par devee ke darshan ke lie chadhaa karate hain. lekin vo donon ek doosare ke lie haanfate hue seedhiyaan chadh rahe the. unhen naheen pataa thaa ki oopar chadhne se kyaa hogaa. lekin unhen yah pataa thaa ki oopar chadhte aur utarate hue vo donon saath rah sakate hain. sabase oopar pahunchakar ve devee ke mndir men naheen gae. thode neeche ek chattaan ke peechhe baith gae. jab saansen thameen to donon ne us chattaan par apanaa naam likhaa. chattaan par jamee huee kaaee par naam likhane men dikkat bhee naheen huee. donon ko bhram n thaa ki chattaan par naam likhane se unakaa pyaar amar ho jaaegaa yaa fir yah naam kabhee naheen mitegaa. aadhe ghnte baad donon neeche utar aae. tab tak sooraj dhal chukaa thaa. vaapas lautate hue vo jngalon ke beech pahunch gae. pahale to ek doosare kaa haath thaame itane magan the ki pataa hee naheen chalaa. lekin jab andheraa gaharaane lagaa aur jngal ghanaa hone lagaa to donon ko mahasoos huaa ki yah raastaa glat hai.glatiyaan to har kisee ko sudhaaranee padtee hain varanaa vo sahee kie jaane tak peechhaa karatee rahatee hain. ek din usane glat raastaa chunane kee glatee sudhaar lee. vah akelaa rah gayaa.usake baad se vah us pahaadee par kabhee naheen gayaa. use yakeen hai ki us chattaan par jamee kaaee ne bhee agale mausam men apanee glatee sudhaar lee hogee aur naam mitaa die honge. sunaa hai ki ab mndir se utarakar jngal ke us raaste par koee naheen bhatakataa kyonki jngal vibhaag ne vah sadk hee bnd kar dee hai. jngal vibhaag ne bhee apanee glatee sudhaar lee.log use kahate hain ki usane pyaar karake glatee kee thee. use aisaa naheen lagataa. agar vah glatee thee bhee to vah use sudhaaranaa naheen chaahataa. chaahe to shaayad sudhaar bhee naheen sakataa. lekin vah chaahataa hai ki yah glatee jindagee bhar usakaa peechhaa karatee rahe.pyaar apanee smriti men bhee pyaar hee rahataa hai.

LOVE STORY # 460- 394: ek jindagee kee ek laain men duniyaa bhar se 66 kahaaniyaan pyaar kee

(dhoomil kee ek kavitaa aise shuroo hotee hai- o aparaadh see andhee, paap see ujaagar, aadam iraadon se bittaa bhar oopar uthee huee prithvee. ye 66 kahaaniyaan tvitar par mileen. ek aisee saait par jahaan aap angrejee ke 140 kairektars men apanaa rahasy likh kar us bhaar se mukt ho sakate hain, jo aapako khaaye jaa rahaa hai. ajagar pahale to unhen ek voyarist kee tarah padhtaa rahaa, par jald hee lagaa ki rahasy kee har pnkti ke peechhe ek jeetaa jaagataa snsaar hai, ek jeetee-maratee jindagee hai. charitr hain. 140 kairektar ke vinyaas men n baante ke dard se chhutakaaraa paate hue. jarooree naheen ki yahaan jo kahaa gayaa, vah sab kuchh sach ho. par ye aap bhee jaanate hain aur main bhee ye sab kuchh jhooth naheen hai kyonki ham sab ke sach kaa koee n koee hissaa isase milataa julataa hai. bhale hee jyaadaatar laainen amerikaa se hain. jyaadaatar rahasy auraton ke hain. jyaadaatar ulajhanen un faisalon ke baare men hain, jahaan jindagee duniyaa banane banaane kee deharee par kadam rakhatee hai. aur jyaadaatar bhayaavahataaen ek vaaky men kahee jaa sakatee hain, bhale hee ham unake likhane vaalon ko kabhee naheen jaan paaenge sivaa ek nnbar ke )
36467 achchhaa hotaa ki main apane pati ko kabhee n chhodtee. main apane bachchon kee aankhon men takaleef padh sakatee hoon. achchhaa hotaa ki main laut sakatee aur sab theek kar detee.
36538 sabase badaa dar meraa yah hai ki vah jis shakhs ke kaabil hai, vah main naheen hoon. mujhe yah khud ko roj bataanaa padegaa ki main vah shakhs banakar rahoon.
36520 mujhe das saal lage apane ebyoojiv pati ko chhodne men. ab vah kasamen khaa rahaa hai ki vah badal gayaa hai aur mujhe vaapas chaahataa hai. aakhir ab n kahane men itanee dikkat kyon ho rahee hai.
36428 beevee, kaamakaajee, fulataaim stoodent, pati doosaree stet men, mujhe n madad milatee hai n pyaar. bhaag jaane ke lie ek selibritee kee kalpanaa
36423 mujhe baat vaheen khatm kar denee thee, jab shaadee kee raat meree beevee ro padee thee, kyonki vah mere saath sonaa naheen chaahatee thee. yah 1993 kee baat hai.
36356 agar mujhe pataa hotaa ki shaadee is kadar mushkil hai, to shaadee paise ke lie kee jaatee.
36353 meraa mngetar mujhase dhokhaa kar rahaa hai, mujhe shaadee ke do roj pahale pataa chalaa. mainne fir bhee usee se shaadee kee, kyonki meraa koee dost naheen.
36259 beevee aur usakee sahelee aajakal jyaadaa milate julate naheen. main asal men bhale hee kuchh n karoon, par mujhe faintesiyon se pyaar hai.
36198 mere pitaa kaa ek seekret lav chaaild hai. mainne jaasoosee kar ye pataa lagaayaa. kisee se naheen kahaa.
36015 mujhe apanee beevee se pyaar hai, par mngalavaar kee har raat main kisee mard ke saath rahataa hoon. main ge hoon, par beevee ko naheen chhod sakataa.
35948 saal bhar pahale mainne abaarshan karavaayaa thaa. mujhe abhee bhee lagataa hai ki duniyaa men mujhase buraa koee naheen.
35702 mere pati ko naheen maaloom ki main apane therepist ke baare men saiksualee faintesaaij karatee hoon
35589 mere saath raat bitaane kaa shukriyaa. khud ko maar daalane kaa jab main majaak kar rahaa thaa, vah majaak naheen thaa. tumane meree jaan bachaa lee.
35210 iraak kaa apanaa dauraa khatm karane ke baad main naheen chaahataa ki tum ghar vaapas aao. tumase ubaranaa mere lie jarooree hai aur tumhaaree shakl naheen dekhanaa kaafee madadagaar hogaa.
35176 main apane pati ko pornograafee dekhane kee ijaajat naheen de sakatee kyonki meraa kahanaa hai ki vah n sirf bhaddaa hai aur fir auraton ke lie asammaananeey bhee. par main khud akele men pornograafee dekhatee hoon.
34969 kaee baar chaahataa hoon ki meree patnee mar jaae (chain se) taaki mujhe talaak ke kaagajon se mujhe usakaa dil n todnaa pade.
34948 meree maan ne apanee jindagee ke pyaar ko mere lie chhodaa. ab vah ek naakhush shaadee men teen aur bachchon ke saath hai. mujhe isase nafarat hai.
34896 meraa pati pornograafee dekhataa hai aur meraa kaheen aur chakkar hai. mujhe fir bhee lagataa hai, usakaa dhokhaa mujhase badaa hai.
34804 meree naukaree chhoot gaee, ham kngaal hain aur mujhe pataa chal gayaa ki pichhale 6 saalon se meraa pati mujhase dhokhaa fareb kar rahaa thaa. main apane bachchon kee khaatir khush rahane kaa naatak kar rahee hoon.
34725 main apanee beevee ko talaak de doongaa agar usane vajn ghataanaa shuroo n kiyaa. main usake aalas aur motaape se thak chukaa hoon.
34562 yah lagabhag tayashudaa hai ki meree beevee mujhase pyaar naheen karatee.
34201 pahalee mulaakaat men tumane mujhe bataa diyaa ki tum inafartaail ho aur mainne kahaa ki mujhe koee dikkat naheen. par ab mujhe bachche chaahie.
34195 mainne apane pati se dhokhaa diyaa. tab vah afgaanistaan kee jng men thaa.
34150 mainne abaarshan karavaayaa, kyonki meraa boyafrend ne majaboor kiyaa..mujhe tabhee pachhataavaa huaa. 4 maah baad vah chal basaa. kam se kam bachchaa to rah jaataa.
34120 mere pitaa meree maan se pichhale 26 saalon se dhokhaa kar rahe hain. main 29 saal kee hoon aur ve pichhale 49 saalon se saath hain. achchhaa hotaa vah unhen pahale hee chhod detee .
33868 pyaar men us aurat ke saath, jo mere pyaar men hain. shaadeeshudaa, baal bachchedaar, koee paravaah naheen.
33552 sochatee hoon mujhe pati se jyaadaa pyaar apane papee se hai. usamen koee dikkat naheen hai, par papee kitanaa beshakeematee hai.
33524 jab mere bachche museebat lagane lagate hain, to main inafartilitee blogs padhtee hoon aur khud ko fir bhaagyashaalee maanane lagatee hoon.
33516 main use chhodnaa chaahatee hoon par main aisaa karoongee nahee. main naheen chaahatee bachchon ko is sabase gujaranaa pade.
33326 mujhe apanee beevee se ab bilkul pyaar naheen. main shaadee se baahar aanaa chaahataa hoon, par mujhe dar apanee betee ko lekar hain.
33224 hamase alag auऱ door rah rahe daid se mainne kahaa ki aaee lav him, taaki ve mujhe kaar khareedane kaa paisaa de saken.
33051 main kaee baar us paise ko kharch karane ke tareekon ke baare men faitesaaij karatee hoon, jo mere pati ke marane par beemaa vaalon se milegaa.
32968 mujhe kainsar hai jisamen 4feesadee log hee 5 saal se jyaadaa bachate hain. main itanaa akelaa hoon aur shovar men khadaa hokar main roj rotaa hoon.
32920 mujhe pakkaa pataa hai main preganent hoon. dar is baat kaa ki vah mujhe chhod degaa.
32848 main 31 ef hoon, jo abhee bhee varjin hai. mujhe is baat kaa garv bhee hai aur sharmindagee bhee.
32840 bas abhee hee khatm huee mere pahale pyaar se ghnte bhar lnbee baatacheet. vah iraak men hai. abhee bhee chingaariyaan hain hamaare beech. main shaadeeshudaa, pet men teesaraa bachchaa. usakee sagaaee ho chukee hai.
32824 mujhe muhabbat hai usase jisase main kabhee koee snpark naheen rakhoongaa.
32777 is baat se kheejh hai ki mujhe is kaalpanik charitr (edavard) se jyaadaa pyaar hai banisbat khud apane boy frend ke.
37971 main 27 kaa hoon. aur mere selafon kontaikt men teen logon ke nnbar hain. ek to meraa khud hee kaa hai.
31565 main singal hoon teen bachchon ko paal rahee hoon. meree maan chaahatee hai main shaadee kar loon. par mujhe bachchon ko badaa karanaa aur singal rahanaa pasnd hai.
31465 meraa pati meree jindagee kaa pyaar hai. par kasam se main usake chehare par hameshaa mujhase shaadee karane aur bachche karane kaa pachhataavaa dekhatee hoon. main mar jaatee hoon.
31426 main roj rotee hoon kyonki main khud ko itanaa akelaa mahasoos karatee hoon. mere pati ko naheen pataa.
30834 mujhe pataa thaa ki tum khud ko maar daalane vaale ho.. achchhaa hotaa tumhen rokane ke lie mainne kuchh aur jyaadaa kiyaa hotaa.. bajaay tumhen tumhaaree jid par chhod dene ke.
30427 mainne apane pati ko bataa diyaa ki main lesabiyan hoon, taaki vah mujhase talaak maanganaa chaahe. kuchh saalon baad vah hairat men pad jaaegaa, jab main dubaaraa shaadee karoongee.
30409 jis insaan se aap duniyaa men sabase jyaadaa pyaar karate hain, usase bahas jeetanaa kitanaa takaleefadeh aur jeet kitanee khokhalee hotee hai.
30268 main is kadar in dinon daraa huaa hoon ki meree kutiyaa jald hee marane vaalee hai aur pooree duniyaa vah ikalautee hai, jo mujhase pyaar karatee hai.
28629 mujhe lagataa hai ki mujhe ab muhabbat men koee yakeen naheen rahaa. yah bahut hee takaleefadeh hai.
28619 pichhale do saalon men hamane ek baar bhee baat naheen ki par har din mujhe khud ko tumhen fon karane se rokanaa padtaa hai. mis yoo.
27554 mainne apanee daayaree men jhooth likhe. mujhe pataa thaa tum padhoge jaroor aur fir usake baare men baat bhee karoge. binaa adalabadal kiye. afasos ki meraa andeshaa sahee nikalaa.
27828 mere sabase pakke dost ne bas abhee abhee kahaa ki bajaay mere boy frend ke main usase shaadee kar loon. main yah sunane ke lie saat saal se intajaar kar rahee thee.
27977 aaj raat main apane pati se cheet karane vaalee hoon. aur jo akelee baat mujhe pareshaan kar rahee hai vah ye hai ki main pareshaan kyon naheen hoon is baat ko lekar.
27456 mujhe fikr hai ki vah mujhase vafaadaar nahee rahegaa. usane apanee beevee ko mere lie chhodaa thaa.
26216 daraasal ye bachchaa usakaa naheen hai.
32716 tumhaaraa ek betaa hai. vah khoobasoorat hai.
32695 beetee raat apane boyafrend se jidakarake tvilaait film dekhane ke baad mainne use edavard kahakar pukaaraa. tab ham bistar men the.
32640 tumhaaraa diye hue dijaainar boks kaa istemaal bataur esh tre ho rahaa hai :D ummeed hai tumase jaldee mulaakaat ho taaki tum dekh sako ki tumhaare binaa main kitanee khush hoon.
32536 main pet se thee, jab mainne pati ko ek aurat ke saath pakadaa. mainne gusse men abaarshan karavaayaa aur usase kahaa ki meraa misakairej huaa hai.
32510 usane kahaa thaa ki vah mujhase shaadee karane vaalaa hai. aisaa bole hue bhee paanch saal beet gaye.
32451 meree garlafrend implaant lagavaanaa chaahatee hai. mujhe vah jaisee hai, theek lagatee hai, par vah meree naheen sunatee. mujhe lag rahaa hai ki vah doosare mardon ko impres karanaa chaahatee hai.
32222 mujhe hameshaa lagataa thaa ki meraa boyafrend badasoorat hai aur misakairej hone par mujhe raahat huee kyonki main naheen chaahatee mere bachche kee shakl usake jaisee ho.
32176 mujhe apane parivaar ko ye bataane men dar lag rahaa hai ki mainne apane berojagaar poorv pati ko apane ghar men vaapas aane diyaa.
32146 meraa boy frend meree aadaten kharaab karataa hai jo kuchh mujhe chaahie vah sab khareedakar. ab usakee naukaree naheen rahee, main use damp kar rahee hoon. cheeyars!
32109 apane peeriyads aane kee khushee itanee pahale kabhee naheen huee, jaise aaj.
32091 pichhale 13 saal se main apanee patnee ke saath hoon auऱ usake pyaar men doobaa huaa, par aksar main doosaron ke baare men faintesaaij karataa hoon, kyonki main kabhee bhee kisee aur ke saath naheen gayaa.
32020 mujhe jisase pyaar hai, vah echaaaeevee pojitiv hai aur mujhe naheen pataa kyaa karanaa chaahie.
33583 agar abaarshan ke lie n gaee hotee, to main in dinon maan banane vaalee hotee.

picture: secrets of the floating world on flickr

LOVE STORY # 461: nadiyon ke beech dooriyaan thee, bahaav ke beech naheen

(usee mitr kee ek aur kahaanee)
unake chhote se shahar se denyoob nadee bahatee thee. ve donon denyoob ke kinaare hee pale-badhe the. isee nadee ke kinaare ve sapanon aur sach se parichit hue the. kisee bhee premee jode kee tarah unhen nadee achchhee lagatee thee. unhen koee bhee nadee achchhee lag sakatee thee lekin unake paas achchhee lagane ke lie sirf denyoob hee thee. ab nadee bahut pradooshit thee lekin usakaa achchhaapan barakraar thaa. ve javaan ho chuke the lekin nadee se unakaa lagaav banaa huaa thaa. ladkee ke maan-baap samay ke saath boodhe ho gae aur fir berojgaar. hngaree jaise desh men jeevan kathin hotaa jaa rahaa thaa. bahut sngharsh ke baad usane apanaa shahar chhodne kaa faisalaa kiyaa. denyoob ne kabhee kahaa naheen ki mat jaao. lekin usake pyaar ne jrur kahaa ki mat jaao. usane denyoob ko saakshee maanakar apanee kaumaaryataa pahale hee use saunp dee thee. lekin ladkee ke jeevan ke lie yah kaumaaryataa aur pyaar se thodaa badaa savaal thaa. shaayad denyoob se bhee badaa. isalie vah vahaan se nikal padee. usane khud ko samajhaayaa. apane pyaar ko bhee samajhaayaa ki dooree se pyaar khtm kahaan hotaa hai. vah tems ke kinaare rahane lagee. bahut dinon tak koshish karatee rahee ki tems men kabhee apane pyaar kee parachhaaeen dekh sake. kabhee vah nadee ke kinaare baithe apane sunahare palon ko yaad kar sake. lekin use niraashaa huee. use lagaa ki tems ko thodaa jyaadaa gurur hai. aisaa hotaa hai ki ham apane shahar-gaanv kee nadiyon men apanon ko dekhate hain aur use apanee jeevan yaatraa kaa saakshee maanate rahate hain. nadee kabhee naheen bataatee ki vah kyaa sochatee hai. ham dheere-dheere sabhee nadee ko ek jaisaa bhee maanane lagate hain. lekin use baad men pataa chalaa ki sabhee nadiyaan ek jaisee naheen hoteen. denyoob aur tems do alag-alag nadiyaan hain. udhar apanee priyaa se bichhudne ke baad ladke ko bhee denyoob badalee huee nadee lagane lagee thee. aksar vah nadee ke kinaare baithaa rahataa lekin ab nadee usase baat naheen karatee thee. bahut dinon baad, ek din, ladkee ne tems ke kinaare baithe-baithe apane pyaar ko yaad kiyaa. us din snyog se ladkaa bhee denyoob ke kinaare baithaa use hee yaad kar rahaa thaa. achaanak usane dekhaa ki tems men use apane pyaar kee parachhaaeen dikhaaee de rahee hai. use yakeen naheen huaa. udhar usake pyaar ko bhee denyoob men apanee priyaa dikhaaee pad rahee thee. yakeen use bhee naheen huaa. donon ke lie yah naee anubhooti thee. donon ne tay kiyaa ki is anubhooti ko usakee pooree gaharaaee se mahasoos karanaa chaahie. do door deshon men, ek hee din, kuchh manachalon ko do alag-alag nadiyon ke kinaare do mobaail fon mile. unake simakaards abhee bhee denyoob aur tems kee talee men kaheen bah rahe honge. unake beech ab snpark naheen hotaa.
donon nadiyaan ab bhee bhalee hain.

LOVE STORY # 462: usake aramaan the, kuchh majabooriyaan bhee theen, fir vah sapane dekhane lagee, jinhen tootanaa hee thaa

(usee mitr kee bhejee gaee ek aur kahaanee)
vah bahut khoobasoorat naheen thee. doharaa badan thaa par aakarshak hone ke saare tatv maujood the. use shahar men bahut se log jaanate the. kyon jaanate the yah bahut rahasy kee baat naheen thee. theek usee tarah jis tarah vaasavadattaa aur vasntasenaa kee khyaati rahasy kee baat naheen thee. ye aur baat hai ki log kahate hain ki vaasavadattaa aur vasntasenaa balaa kee khoobasoorat theen. lekin khoobasooratee jaisee duniyaavee cheej aksar dil aur jism ke maamalon men beeemaan ho jaatee hai.
vah jo karatee thee vaisaa karane ke lie usake paas apane tark the. berojgaar, bujurg aur vidhur pitaa, do chhotee bahanen aur ek chhotaa bhaaee aur vah akelee kamaane vaalee aadi-aadi. usake paas naukaree bhee thee lekin isee naukaree ne use doosaraa raastaa bhee dikhaayaa thaa. use is raaste men daalane vaalaa shahar kaa ek badaa seth thaa.
jo dhndhaa karate hain vo jaanate hain ki dhndhe men dil kaa maamalaa khtaranaak hotaa hai. taataa, bidlaa se lekar mittalon aur anbaaniyon tak yah baat sabako yaad rahatee hai. vaasavadattaa, vasntasenaa se lekar sundareebaaee, munneebaaee aur is ladkee tak ko yah baat theek se pataa thee. lekin itihaas gavaah hai ki vasntasenaa ne bhee glatee kee thee aur main gavaah hoon ki is ladkee se bhee glatee huee.
vah ab tak paison par sotee aaee thee. lekin is baar use kisee ne sapanon ke bichhaune par sulaa diyaa thaa. paisaa jaagane par bachaa rahataa thaa lekin sapanaa, jaisaa ki har sapane ke saath hotaa hai, jaagane par toot chukaa thaa.
ab kaee baras beet gae par usake sapanon ke tootane kee knpan abhee bhee aksar mahasoos hotee hai. khaasakar us ladke ke dil men jo n tab ro sakaa thaa aur n ab ro sakataa hai. ladkee pataa naheen ab kahaan hai.