hindi chitthakari shuru karane ke bad yah meri pahali divali hai. mera pahala chittha yahin vardapres par tha. halanki ab main apane naye pate par chala gaya hoon par mujhe bloging kee duniya men jo bhi thodi bahut pahachan mili vo isi chitthe se mili. isaliye aaj yahin se sabhi pathakon, ee-mel par sabaskraeeb karane vale pathakon ko aur sabhi jane-anajane mitraon, shubhachintakon ko dipavali kee badhaee v shubhakamanaain deta hoon. aap mere naye chitthe par aate rahen padhate rahen aur utsah vardhan karate rahen.
pesh hain meri pasand kee do kavitaain.
jalao diye par rahe dhyan itana
andhera dhara par kahin rah n jae
naee jyoti ke dhar naye pankh jhilamil,
ude marty mitti gagan-svarg chhoo le,
lage roshani kee jhadi jhoom aisi,
nisha kee gali men timir rah bhoole,
khule mukti ka vah kiran-dvar jagamag,
usha ja n pae, nisha aa na pae.
jalao diye par rahe dhyan itana
andhera dhara par kahin rah n jae
srijan hai adhoora agar vishv bhar men,
kahin bhi kisi dvar par hai udasi,
manujata nahin poorn tab tak banegi,
ki jab tak lahoo ke lie bhoomi pyasi,
chalega sada nash ka khel yon hi,
bhale hi divali yahan roj aae.
jalao diye par rahe dhyan itana
andhera dhara par kahin rah n jae
magar dip kee dipti se sirf jag men,
nahin mit saka hai dhara ka andhera,
utar kyon n aaen nakhat sab nayan ke,
nahin kar sakenge hriday men ujera,
katege tabhi yah andhere ghire ab
svayan dhar manuj dip ka roop aae
jalao diye par rahe dhyan itana
andhera dhara par kahin rah n jae
- niraj
aaj fir se tum bujha dipak jalao
hai kahan vah aag jo mujhako jalae,
hai kahan vah jval mere pas aae,
ragini, tum aaj dipak rag gao,
aaj fir se tum bujha dipak jalao.
tum naee aabha nahin mujhamen bharogi,
nav vibha men snan tum bhi to karogi,
aaj tum mujhako jagakar jagamagao,
aaj fir se tum bujha dipak jalao.
main tapomay jyoti kee, par, pyas mujhako,
hai pranay kee shakti par vishvas mujhako,
sneh kee do boond bhi to tum girao,
aaj fir se tum bujha dipak jalao.
kal timir ko bhed main aage badhoonga,
kal pralay kee aandhiyon se main ladoonga,
kintu mujhako aaj aanchal se bachao,
aaj fir se tum bujha dipak jalao.
- do. harivansharay bachchan
aur na hi itane naye ki aaj se 90 sal bad ke hindustan kee jhalak hi dikhala dete. to pahale to ham chup hi rahe lekin jab ek nayi nayi blogarani (mahila blogar) ne yahi saval kiya to hamen bhi apana blogagyaaan badharane ki khujali si mahasoos huee. hamane un donon ko samajhaya aur kaha dekhiye jab van de ke khiladi ko taist men khilaya jay to use thodi yad rahega ki vo kis inings men khel raha hai ..vo to keval ovaron ke aankade rakhata hai ya ran ret ke;vo bhi poore ditel men…. usi tarah jab teligram likhane vala chitthi likhane lage vo bhi ee-mel ke jamane men to aisi galatiyan hona lajami hai na.. 
