nayaa varsh aa gayaa; varsh 2012 aa gayaa; puraanaa varsh 2011 chalaa gayaa. is samay samaachaaron men logon kaa utsaah dikhaayaa jaa rahaa hai. ghar ke kamare men baithe-baithe hamen yahaan uraee men khushee men fode jaa rahe pataakhon kaa shor sunaaee de rahaa hai. logon kee khushee ko kam naheen karanaa chaahate, hamaare kam karane se hogee bhee naheen.
kaee savaal bahut pahale se hamaare man men naye varsh ke aane par, logon ke ati-utsaah ko dekhakar uthate the ki itanee khushee, ullaas kisalie? pataakhon kaa fodanaa kisalie? raat-raat bhar paartiyon kaa aayojan aur hajaaron-laakhon rupayon kee barbaadee kisalie? kaheen is kaaran se to naheen ki is varsh ham aatnkavaad kee chapet men naheen aaye? kaheen is kaaran to naheen ki ham kisee durghatanaa ke shikaar naheen hue? kaheen is kaaran to naheen ki hamen poore varsh sampannataa, sukh milataa rahaa?
isake baad bhee navavarsh ke aane se yah ehasaas ho rahaa hai ki bure din varsh 2011 ke saath chale gaye hain aur navavarsh apane saath bahut kuchh nayaa lekar hee aayegaa. deshavaasiyon ko sukh-samriddhi-safalataa-surakshaa aadi-aadi sab kuchh mile. snsaadhanon kee upalabdhataa rahe, aavashyakataaon kee poorti hotee rahe.
kaamanaa yah bhee hai ki is varsh men bachchiyaan ajanmee n rahen; kaamanaa yah bhee hai ki mahilaaon ko khauf ke saaye men n jeenaa pade; kaamanaa yah bhee hai kairiyar ke dabaav men hamaare naunihaalon ko maut ko gale lagaane ko majaboor n honaa pade; kaamanaa yah bhee ki krishi pradhaan desh men kisaanon ko aatmahatyaa karane jaise kadam n uthaane paden; kaamanaa yah bhee ki bhrashtaachaariyon kee koee naee nasl paidaa n hone paaye aur puraanee nasl kaa vikaas n hone paaye....kitanaa-kitanaa hai kaamanaa karane ke lie....naye varsh ke saath hone ke lie.
aaiye chand lamhon ke aayojan men hajaaron-laakhon rupayon kee barbaadee kar dene ke saath-saath is par bhee vichaar karen. is vichaar ke saath hee aap sabhee ko nav varsh kee shubhakaamanaayen...kaamanaa hai ki aap sabhee ko ye varsh 2012 sukh-sampadaa-surakshaa-sampannataa-sukoon se bharaa mile.
