baabaa naagaarjun kaa ek snsmaran – 6

(pichhalee kist se aage)

tnbaakoo kaa pattaa khont-khontakar baalachnd ne fir usamen choonaa milaayaa. palng ke neeche se stool kheenchakar baith gayaa aur suratee masalane lagaa .

main apane is khetihar heero se in dinon bahut ghabaraataa hoon . vah chaalees se oopar kaa ho chukaa hai . ek baar gaanv kaa sarapnch bhee chunaa gayaa thaa . saat-saat beton kaa baap hai ab hamaaraa balachanamaa . bechaaree suganee jaane kab se taras rahee hai ki ghar-aangan men ek bitiyaa bhee dolatee najr aae !

kaakaa, kahaan-kahaan bhaagate firoge ? main chhodoongaa naheen tumako, haan ! mujhako pitavaakar kahaan daal rakhaa hai ?

bedard nirmohee kaheen ke ! sharam naheen aatee hai, ek pothee adhooree chhod ke ant-shnt likhe jaa rahe ho ! jab tak mereevaalee pothee khtm naheen karoge likhakar, tab tak isee tarah bilallaa bane bhatakate rahoge misir jee mahaaraaj!

main aapako pakad ke vaapas le jaaoongaa. kaid karake akkad-lakkadvaalee pichhavaade kee apanee usee kuthariyaa men bnd kar doongaa...

main aapakee mittee paleet karoongaa...

main aapako kaheen kaa n rakhoongaa...

aap meree kahaanee kab tak pooree kar rahe ho ? chalo, saal-bhar kee muhalat detaa hoon. is arase men agar meree kahaanee ko lekar aapane chaar-paanch sau pannon kee ek aur paathee naheen likh daalee to bas...

kyaa kar legaa?

jaan se maar daalegaa kyaa ?

naheen, shaayad haath kaat daalegaa !

are, badaa gussail hai balachanamaa...peechhe pad jaataa hai, to fir tabaah kar detaa hai...

main use manaa loongaa...

haan, vah maan jaaegaa...

vah meraa maanas putr thaharaa n ?

jee haan, pitaajee !

yah to doosaraa svar hai... kisakaa svar hai ?

itanee jaldee bhool gae mujhe ? o vnchak pitaa ! lo, tumhaaraa ek maanas putr tumhen pranaam karataa hai, dukhamochan kee kaisee red maaree tumane ? aapake laabh lobh kaa shikaar vahee dukhamochan aapako apanee pranatiyaan nivedit kar rahaa hai, aary !

vats, ghabaraa kyon gae ? main tumhen bhoolaa naheen hoon . sheeghr hee tumhaaraa yathaarth roop paathakon ke samaksh upasthit karoongaa. pichhalee bhool ab aur naheen duharaaee jaaegee. aakaashavaanee-kendron kee duharee-tiharee boriyat kaa tumhen shikaar honaa padaa, tumhaaree lapasee ban gaee, isake lie main tumase maafee chaahataa hoon betaa !

aaeenevaalaa mukhadaa musakaraa rahaa hai . main sab samajhataa hoon.... vah kahegaa, dekho naagaa baabaa, tum n to apanee aurat, apanee sntaanon ke prati eemaanadaar ho, n maanas sntaanon ke prati hee !

bilakul theek kahegaa, main apanaa yah paap kabool kar loongaa. binaa agar-magar ke, binaa n-nu-n-ch ke sveekaar kar loongaa apanaa aparaadh...

jindagee men pahalee baar aisaa huaa hai ki mujhe kisee aaeene ke saamane itanee adhik der tak apane ko haajir rakhanaa padaa .

mujhe baar-baar raakesh kee khaam-khyaalee par hnsee aaee hai, kheejaa hoon baar-baar raakesh ke is duraagrah par. mere maalik (paathak-paathikaa vrind), aapako main ab kyaa bataaoon ki aaeene men apanaa mukhadaa dekhanaa kitanaa aavashyak hai! is jhamele se chhutakaaraa paane kaa aasaan tareekaa mujhe bachapan men hee maaloom ho gayaa thaa.... maheene-maheene saabit maathaa chhilavaa lenaa! aparaajitaa ko meree is sanak se sakht nafrat rahee hai .

vah jaane kitanee dafe mujh par rnj huee hogee, mahaj baalon ke savaal par ! pitaa ke is hath kaa bachche bhee makhaul udaate hain...

pichhale jeevan par gaur karataa hoon, to yaad aataa hai, athaarah varsh kee aayu tak shaayad athaarah baar bhee mainne sheeshe men apanaa munh naheen dekhaa hogaa . peechhe shaadee huee, to sasuraal ke us keli-kunj men aparaajitaa kee saheliyon ne mujhe faishan kaa k-kh-g sikhalaayaa ! sugndhit tel kee sheeshee, knghee aur aaeenaa mere banaarasavaale chhaatr-jeevan men tab tak saath rahe, jab tak ki gaandheejee kee aatmakathaa kaa paaraayan naheen kiyaa .

ab mahasoos karataa hoon ki aaeenaa mujhe nity dekhanaa chaahie . apane aalochakon ko yon ham das-bees gaaliyaan de hee lete hain, kintu pratiroop dekhate vakt hamaaraa nij kaa hee vivek apanee meemaansaa kar daalataa hai-- nishchhal aur sntulit ! usake saamane hamaare baajaaroo hathiyaar dhare hee rah jaate hain .

aaeene, teree jay ho ?

aaeene, ab aaj se too meraa saathee huaa !

ab main roj tujhase das-pndrah minat baaten kiyaa karoongaa. lekin naheen, yah to apanaa aaeenaa naheen .

raakesh, le jaao apanaa jaaduee sheeshaa...! isane to meraa maathaa hee khraab kar diyaa ! jaane kyaa-kyaa bakavaa liyaa hai !...

naheen bhaaee, mujhe naheen chaahie aaeenaa-faaeenaa !

kisee ko apanaa bedaa gark karanaa ho, to raakesh kee or rukh kare.... shreeyut mohan raakesh, haal mukaam charchaget, bnbaee, post jon nnbar 1; kyon bhaiyaajee, aapake nivaas-sthaan kaa pooraa pataa batalaa doon snsaar ko ?

snsaar yaanee vishv . vishv yaanee duniyaa-bhar ke sabhee raashtr . sabhee raashtr yaanee sabhee raashtron ke jhnde...

kyon saahab, jhnde kyaa raashtr ke hee huaa karate hain ?

kaashee-prayaag ke har pnde kaa apanaa alag-alag jhndaa hotaa hai . aapakaa bhee apanaa alag jhndaa ho sakataa thaa .

thaa naheen, hai ! hai, saahab hai ! meraa bhee apanaa jhndaa...!

achchhaa ! vahee jhndaa ! paarteevaalaa ? hnsiyaa aur hathaudaa ?

raam kahie. filahaal lagee hai mujhe kasake bhookh, isee se aur koee jhndaa soojh naheen rahaa hai. bas, apanaa to vahee ek pyaaraa jhndaa hai... maithil braahmanashaahee kaa peelaa jhndaa ! dekhiye bhaaee, hnsiye naheen . mere jhnde par badee machhalee kaa nishaan hai . kitanaa pyaaraa nishaan hai, machhalee....machhalee...!

sir chakaraa rahaa hai ?

bhookh bahut lagee hai ?

jaao n, chenboor jaakar machhalee-bhaat dataa aao . apanaa maithil mitr hai n tumhaaraa vahaan ?

naheen, abhee yaheen bijalee ke choolhe par khichadee taiyaar karataa hoon-- suresh bhaaee chaupaatee vaale apane room men itanaa to intajaam kar hee gae hain .

magar yah aaeenaa bhee to apanaa pind chhode n !

ab aakhiree jhaankee hai...

saamane apanee parachhaaeen ke ird-gird ek-ek do-do karake kaee chehare aage-peechhe dikhaaee de rahe hain--

k : tumane mujhe pitavaayaa thaa, mainne tumhen do varsh kee jel kee sajaa katavaayee thee. tumhaaree jataa tees haath lnbee thee, gorakhapur ke us paarasee majistret ne tumhaaree giraftaaree ke baad pahalaa kaam yahee kiyaa thaa ki jataa mundvaa dee... ilaake men tumhaare dhong kee tootee bolatee thee... naagaa baabaa ne bulahavaa ke baabaa kee maayaa ko pnkchar kar diyaa ! gavaahon ne adaalat men kahaa thaa-- yah vyakti moolath tamakuhee kaa rahanevaalaa musalamaan hai aur bhaagakar nepaal chalaa gayaa . vahaan se saadhu banakar lautaa-- kaale chehare kee laal aankhen baar-baar mujhe ghoor rahee hain !

kh : ek adhed aurat . raat ko sote samay knbal ke andar ghus aaee thee. tibbat kee ghatanaa hai, aparichit jagah, anajaane log . shnkaa aur aatnk se meree neend ud gaee . agale roj maaloom huaa, vah isalie saath sone aaooee thee ki main thnd ke maare sikudkar kaheen dam n tod doon !

g : amritasar kaa ek laal ! ham pati-patnee (1941 men) ko yah niraa bhondoo maan baithaa thaa . aparaajitaa ko rijhaane kee bechaare ne koshish kee, saikadon rupae kharch kar daale . use aashaa thee ki apane gnvaar pati ko chhodkar yah yuvatee usakee jeevan-snginee bananaa sveekaar kar legee . barelee, muraadaabaad, haridvaar, sahaaranapur jaane kitane dinon tak yah pnjaabee yuvak hamaare saath chipakaa rahaa !

gh : uttar pradesh kaa ek prakaashak . kaee hajaar rupae barabaad hue usake . isamen 40 pratishat kasoor usakaa apanaa bhee thaa .

ch : vayovriddh patrakaar . aapako mainne apanee painee klam chubho dee thee . badaa dard huaa bechaare ko...

chh : kaathamaandoo kaa ek sainik adhikaaree . unhonne teen raashtron kee mahngee sharaab ko aachaman karane kaa suavasar pradaan kiyaa .

bas, bnd karo apanee bakavaas...!

haan, sachamuch badee kataar hai un cheharon kee jinakee nigaahon men mere lie ulaahanaa bharaa hai.... baakee chehare kuchh aise bhee mitron ke hain, jinakee prashasti men mainne nirliptataa kaa parichay diyaa .

bhaaee, yah tod-jod kee duniyaa hai . is haath do, us haath lo ! varanaa jahannum men jaao...!

alavidaa, pyaare aaeene ! alavidaa !

(samaapt)

baabaa naagaarjun kaa ek snsmaran – 5

(pichhalee kist se aage)

aadamee ho to aadamee kee tarah raho n ! yah kyaa dhaj banaa rakhee hai tumane apanee ! chhote-chhote baal ugaae rakhate to chnchal maathe pe. nuchee moonchhon kaa thoonth aalam tumhaare mukhamndal ko praakrit aur apabhrnsh ke snyukt vyaakaran-jaisaa sajaa rahaa hai ! kapadon kaa yah haal ki bhadesapan aur knjoosee kaa sanaatan ishtihaar bane ghoomate ho ! charchaget ho yaa chaurngee, kanot ples ho yaa hajaratagnj, sarvatr tumhaaree yahee bhoomikaa rahatee hai . aadhunikataa yaa maadarnitee ko angoothaa dikhaane men tumhaaree aatmaa ko jaane kaun-see paritripti milatee hai ! o aanchalik kathaakaar, tumhaaree aankhen sachamuch footee huee hain kyaa ? apane any aanchalik anujon se itanaa to tumhen seekh hee lenaa thaa ki rahan sahan kaa altraamodarn saleekaa bhalaa kyaa hotaa hai . oh, tum maasko-peeking naheen pahunch sake ho ab tak ?... offoh maaee diyar naagaa baabaa! vhaat e pikyooliyar taaip aof puar felo yoo aar!... praag hee dekh aae hote! praaim ministar kee kothee ke saamane, teen moorti ke kreeb ekaadh baar hngar-straaik maar dee hotee, to fir budaapest dekhane kaa tumhaaraa bhee chaans shyor thaa...aur ab to sasur tumane apane aapako dubo hee liyaa hai. peekingavaalon ko is kdar gaaliyaan dene kee kyaa jroorat aa padee thee! dekh lenaa, kal yaa parason fir se ‘bhaaee-bhaaee’ ke vahee naare mukharit honge aur chugad kee tarah feekee-doobee nigaahon se cheenee-ganatntr ke dootaavaas kee baaharee prakaash-maalaaon ko tum dekhaa karoge ! o achhoot-aughad adooradarshee saahityakaar, tum sachamuch hee bhaaree bevakoof ho ! tumane maao-tse-tung, liu-shaao-chi aur chaaoo-en-laaee ko burjuaajee se udhaar lee huee gaaliyaan dee hain; koee ‘sachchaa’ kamyunist tumhen maaf naheen karegaa. bngaal ke tarun kamyuniston ko yadi tumhaaree ye kavitaaen anoodit karake koee sunaa de, to ve nishchay hee tumhaare lie nafrat men doobe hue do shabd kahenge. bas do hee shabd...
jee haan, do hee shabd kahenge !

batalaao to bhalaa kyaa kahenge?

--pratikriyaavaadee kuttaa !

aaeenaa ghoom gayaa hai yah sunakar... vah chakkar khaa rahaa hai... chakkar-par-chakkar... aur ek chakkar .. aur ek chakkar !

are, kab tak chakkar kaategaa aaeenaa ?

o bhaaee aaeene, yah tujhe kyaa ho gayaa !

itte-se kaam naheen chalegaa. abhee aur kuchh der tak apan aamane-saamane baithenge. bhaee, too ghabaraa kyon uthaa? kisee ne tujhe kuttaa kah diyaa? pratikriyaavaadee kah diyaa kisee ne?...to, kyaa huaa? aakhir mainne bhee to unake ishtadev ko gaaliyaan dee hain n? too ghoonse lagaayegaa, to doosaraa chup baithaa rahegaa kyaa?

vaah re ghoonsebaaj!

aaeenaa ek baar aur ghoom gayaa hai. abakee, shaayad parihaas kee bhngimaa men...

-- apanee shakl to dekho !

-- kyon, kyaa huaa hai meree shakl ko ?

-- paas-pados men kisee ke yahaan agar aadamakad badaa aaeenaa ho, to kabhee-kabhee vahaan pahunchakar apane shareer kee pooree parachhaaeen dekh aayaa karo n !

-- hat, bhaag yahaan se ! badatameej kaheen kaa !

-- bhaaree pahalavaan ho n, ghoonse kaa khyaal tabhee to aayaa hai...!

man-hee-man goregaanv pahunch gayaa hoon kshan-bhar ke lie . do. shuklaa ke kvaartar men aadamakd aaeenaa hai .

abhee utanaa bhulakkad naheen huaa hoon...

are, main to dhanush kee tarah bilakul hee jhuk jaaoongaa kuchh varshon men ! haay, main to budhaape kaa get-paas paane kaa hakdaar ho chukaa hoon... sir ke baal khichadee dikhate hain . moonchhon kaa bhee yahee haal hai . hatheliyaan ulataao, to patalee neelee nason ke jaal spndit najr aate hain . seene ke oopar gale ke donon chhor par neeche kee taraf gaddhe kisee kee bhee hamadard nigaahon ko apanee or kheench laaenge...

keshavadaas jee ne apanaa aisaa hee dhaanchaa dekhakar svagat kahaa hogaa--

kesav, kesan as karee jas arihoo n karaahin.
chndr badani mrigalochanee ‘baabaa’ kahi-kahi jaahin..

magar ksam eemaan kee, shapath janataa-janaardan kee, mujhe to apanaa yah ‘baabaa’ snbodhan behad priy hai . kishoree ho chaahe yuvatee, koee bhee chndrabadanaa mriganayanee apane raam ko ‘baabaa’ kahatee hai, to vaatsaly ke maare in aankhon ke kor geele ho jaate hain. apanee pratham putree jeevit rahatee to satrah saal kee hotee...

shaadee karane ke baad ghar se bhaagaa n hotaa, to hamaaree yah chndravadanee-mrigalochanee tees-battees varsh kee hotee .

pake baalonvaale aachaary keshavadaas kaa dharm-snkat kuchh aur hee prakaar kaa rahaa hogaa. budhaape men bhee chhichhorapan jinakaa pind naheen chhodtaa, hamaare yah bujurg nihsndeh usee koti ke the. haan, yah bhee ho sakataa hai ki keshavadaas ko badanaam karane ke lie kisee any eershyaalu kavi ne unake naam par yah dohaa likh maaraa ho... filahaal aachaary keshavadaas to mahaakaal kee atal god men se baahar aane se rahe, unakee or se shaayad koee any aadhunik aachaary mujhe batalaaenge, ukt dohaa kshepak hai. prateekshaa men rahoogaa.
magar apanee tedhee kamar kaa kyaa hogaa?

aatmaa ko sabal banaao, naagaa baabaa, deh kee fikr kyon karate ho, pyaare ! ‘nainn chhindnti shastraani, nainn dahati paavakh’ geetaa kaa ek bhee shlok yaad n rahaa?

to raakeshavaalaa aaeenaa theek hee kahataa hai, main boodhaa ho gayaa hoon. javaabee hamalaa apanee taraf se ab shabdon tak hee seemit rahegaa?

koee paravaah naheen! shabd ko apane poorvajon ne vajr se bhee badhkar shaktishaalee maanaa hai...

hoon... khair, ‘haare ko harinaam’ hee sahee.

shabdon kee golaabaaree jindaabaad! shabd-brahm kee yah baarood hamaare raashtr kee apanee vastu hai... etam bam yaa megaatan koee bhee akshar shakti kaa saamanaa naheen kar sakataa !

akshar shakti ke drashtaa, shabd brahm ke udgaataa...ham bhaarateey saahityakaar saptarshiyon ke vnshadhar hain . sun le re alaadeen ke aaeene ! jo bhee hamaaraa makhaul udaaegaa; usakee kalejiyaan took-took ho jaaengee !

khbaradaar ! hamen taane n maaranaa, ahamak...

mujhe toone darapok samajh rakhaa hai?

maaf keejiye, baabaa, aap kyaa kisee se naheen darate hain ?

vaah, darataa kyon naheen ! daraasal daranaa bhee utanee hee svaabhaavik kriyaa hotee hai, jitanee ki deeng maaranaa !

to aap kisase darate hain ?

apane paathakon se darataa hoon . balachanamaa se darataa hoon, varun ke beton se darataa hoon, dukhamochan aur ratinaath aur vaachaspati aur padmaannd aur mohan maanjhee se darataa hoon . knpaaundar aur us bahaadur beebee kaa khyaal aate hee maathaa dard karane lagataa hai ki bechaaree ke prati mujhase bhaaree anyaay ho gayaa hai . raat ko jab log so jaate hain, tab aksar meraa baalachnd aakar sirahaane khadaa ho jaataa hai . abhee us raat chaupaateevaale us kamare ke andar balachanamaa falaangakar chalaa aayaa, to pairon ke dhamaake se meree neend uchat gaee.

suratee faankenge, kaakaa ? aapake lie khaas tnbaakoo laayaa hoon jatamalapur ke mele se. vahee saraisaavaalaa badaa pattaa hai. soonghakar dekhiye n ?

aap to hamen bhool gae ho kaakaa ! naheen ? main jhooth kahataa hn ?

aap chup kyon ho, kaakaa ?

naheen khologe jbaan apanee ?

achchhaa, n kholo...

(jaaree)

baabaa naagaarjun kaa ek snsmaran – 4

(pichhalee kist se aage)

har saahityakaar gappee hotaa hai.... ahadee bhee hotaa hai aur daanbhik bhee. yah ahadeepan aur dnbh use oonchaa uthaate hain. dher-kee-dher kapaas otanaa motaa kaam huaa. maheen sooton kaa lachchhaa agar chhataank-bhar kee apanee takalee se aapane nikaal liyaa to ‘padmabhooshan’ ke lie itanaa hee paryaapt hai, bndhu !

aaeene ke andar jo naagaajee jhaank rahaa thaa, abhee-abhee usane bhabhaakar hns diyaa... baaharavaalaa naagaajee is par daant rahaa hai-- main teraa galaa ghont doongaa. paajee kaheen kaa ! bhilaaee yaa raaoorakelaa yaa durgaapur, kaheen kisee thekedaar kaa munshee hee ho jaataa bhalaa ! vah dhndhaa bhee behatar thaa, bachchoo !

aaeenevaalee aakriti ke honth hil rahe hain . mudraa se lagataa hai, kuchh gunagunaa rahaa hai...samajhe ? kah rahaa hai... klam ne gaalib nikammaa kar diyaa, varanaa ham bhee aadamee the kaam ke !

ab aage main tujhe apane kndhon par naheen dhooongaa, adanaa-see koee naukaree kar loongaa. bilakul asaahityik!

main oob gayaa hoon is atirikt yash se. jee karataa hai kabhee-kabhee ki koee aisaa tagadaa kukarm karoon jisase pichhalee saaree shoharat dhul-punchh jaae saahityakaaron kee !

apane hee ek sahriday bndhu ne ek baar ‘kukarm’ kaa badaa achchhaa avasar pradaan kiyaa thaa, tab kyon tum bhaage the? vah shaayad hee kabhee tumhen kshamaa kare !

mainne lekin usako maaf kar diyaa hai .

are pinakooraam, tum kyaa kisee ko yon hee bhoolanevaale ho ?

kyaa kahaa ? pratishodh kee meree bhatthee kabhee thndee naheen hogee ?

naheen, kabhee naheen. baat yah huee ki tumhaaraa saaraa bachapan ghutan aur kunthaa men kataa . greebee, kusnskaar aur roodhigrast pnditaaoo parivesh tumhen leel naheen paae, yah kitane aashchary kee baat hai ! pahale tum bhee vahee chutannaa aur janeoovaale pndit jee the n ? n puraanee paridhi se baahar nikalate, n aankhen khulateen, n is tarah yug kaa saath de paate...

naheen de paate yug kaa saath! vaah bhaee, vaah !

yah kisane thahaake lagaae ?

main ? kaun hoon main ? dnbh hoon, aaropit ‘igo’ hoon-- tumhaaraa apanaa hee sfeetasfurit ahnkaar! vyaktitv kaa aatop... kis mugaalate men pade ho, baabaa? kyaa akele tumheen ne yug kaa saath diyaa? baakee aur kisee ne jmaane kee dhadkan naheen sunee ? alassubah, burash se daant maanjate vakt aispro kee tikiyaa kaa suknth vijnyaapan, meeraa ke bhajan kee lataa-vitaanavaalee lahariyaan, aparaahn ke avakaash ko gudagudaanevaalee antarraashtreey test maich kee kamentree, snkat ke kshanonvaale udaas-anutapt anaaunsament... yah saaraa-kaa-saaraa yugeen spndan kyaa tumhaare kaanon tak pahunchataa rahaa hai ?

batalaao, batalaao n! chup kyon ho gae ?

gatisheelataa kaa saaraa shrey tumheen loot loge ?

gati naheen, pragati ! are haan, tum to pragatisheel ho n ! badbolaa pragativaadee !

jraa der ke lie apanee ‘pragati’ ke rngeen aur gunagune jhaagon ko alag hataa do n ! naagaa baabaa, pleej...!

aachaary shivapoojan sahaay chal base!

jee haan, varshon se shivapoojan baaboo kaa helth jarjar chalaa aa rahaa thaa .

...jee, bilakul theek framaayaa aapane . sahaayajee kaa aavirbhaav n hotaa, to bahuton kee kritiyaan, ‘asooryampashyaa’ chirakumaariyon kee tarah ghutakar rah jaateen. yah sahaayajee kaa hee tap thaa ki teen-teen peedhiyon kee paandulipiyon kaa uddhaar huaa.

jee, aapako bhee to yadaa-kadaa ‘aachaary naagaarjun’ ke taur par yaad kiyaa jaataa hai !

vaah jee, vaah, had kar dee aapane to ! apane kaanon ko is furatee se kyon chhoo liyaa hai aapane ?

naa baabaa, naa! aachaaryatv kaa vah labaadaa bhalaa mujhase dhoyaa jaaegaa ? apan to seedhe-saade gaoo-sareekhe praanee thahare...

maaf keejiye naagaarjun jee, aap utane seedhe-saade naheen hain...

haan...haan, ruk kyon gae ? kah jaao pooraa vaaky. beech men hee meraa rukh kyon naapane lage ?
lo, ab dekho tamaashaa! aaeene ke andaravaalaa cheharaa tamatamaa uthaa hai, aur baahar vaalaa cheharaa to patajhar kee feekee udaasee ko bhee maat dene jaa rahaa hai ! sachaaee kee saaree khataas kis tarah kalaee khotee hai . tathaakathit vyaktitv kee!...dekhaa aapane ?

theek to hai, main utanaa seedhaa-saadaa naheen hoon jitanaa dikhataa hoon. yah sidhaaee-- yah saadagee to balki duharaa-tiharaa dhong ho sakatee hai!

(jaaree)

baabaa naagaarjun kaa ek snsmaran – 3

(pichhalee kist se aage)

apanee uchchhrinkhalataa aur mastee kee dher-see baaten bataa chukane ke baad mainne aparaajitaa se poochhaa-- tum to sunatee hee rahee ho, kuchh apanee bhee batalaao n !

der tak musakaraate raheen deveejee . konchane par boleen-- le-dekar ek hee to devar hai apanaa, hafte men ekaadhabaar maukaa milataa hai . bas, baaton kaa gillee-dndaa khel lete hain. ghar baithakar do chhote bachchon ko snbhaalate, to tumhaaraa bhee vidyaapati tain bol jaataa !

bachapan ke dinonvaale kaee chehare saamane aa rahe hain. saare ke saare ladke hain-- do-teen badee umravaale, baakee hamaumr aur chhote. ek ladkee bhee jhaank rahee hai.

yah ladkee terah varsh paar karake chaudahaven men pravesh kar chukee hai. main snskrit kee vyaakaran madhyamaa kaa chhaatr hoon aur indukalaa ke pitaa shashinaath jee mere annadaataa hain (un dinon mithilaa men greeb chhaatron ko parivaar kaa sadasy banaakar adhyayan men varshon tak sahaayataa karane kee prathaa thee). indu mujhase kahaaniyaan sunatee hai, vidyaapati ke pad sunatee hai, kaudiyon kaa khel khelatee hai mere saath... isake pahale mujhe kahaan maaloom thaa ki ladkee kyaa hotee hai !

athaarah varsh kaa huaa, shaadee huee . tab aparaajitaa aur usakee dasiyon saheliyon ke darshan hue . yah ekadam naee baat thee mere lie . isake pahale paanch-saat saal usee maahaul men gujre the jahaan chhaatron aur adhyaapakon ke daramiyaan samalingee vyabhichaar ke aatnk kee ashubh chhaayaa vyaapt thee . log apane ladkon ko chhaatraavaason men bhejane se hichakate the . 1930-32 ke mahaan svaadheenataa-sngraam ke chalate ek-ek kainp-jel men das-das hajaar satyaagrahee rakhe gae the . unamen sabhee umr ke log the . vahaan bhee apraakritik seks-snpark ne apanaa rng dikhalaayaa thaa .

yah durbhaagy hai ki striyon aur purushon ko varshon alag-alag rahanaa pade. hamaaraa hindee-bhaashee kshetr saamaajik sahajeevan kee drishti se padosee pradeshon kee apekshaa adhik pichhadaa huaa hai. hamaaree yah laalasaa to rahatee hai ki filmon men nae-nae chehare dikhaaee paden, kintu apanee putree yaa putravadhoo ko ham ‘maryaadaa’ kee tiharee paridhiyon ke andar chheke rahenge! ladkee ke lie injeeniyaring yaa daaktaree kee padhaaee karanevaalaa yuvak haasil karanaa hai to das hajaar se lekar pachaas hajaar rupae kharch karenge, magar usako usakee ruchivaalaa jeevan-saathee chunane kaa avasar kadaapi naheen denge aur n use kaam karane kee chhoot denaa chaahenge . bekaaree aur saamaajik ghutan kee jhareelee bhaap bechaaree ke tan-man ko pngu banaatee jaaegee aur ham-- thahariye, mahaashay jee !

kaun ho, bhaaee?

is tarah to kaam naheen chalane kaa...

aap aaeene kee taraf naheen dekh rahe hain n ? kisane kahaa thaa ki janaab man kee jheel ke andar gote lagaa gae! main is darpan kee aatmaa hoon . roop-kathaaon vaalaa baitaal mere dar se thar-thar kaanpataa hai... to main bhee tum se daroon ?

naheen, naagaa baabaa, tum kaahe ko mujhase darane lage ! haan, itanaa jroor hai ki laaparavaahee karoge, to utpaat machaa doongaa. baithane naheen doongaa chain se, samajhe ?

lo bhaee, fir se edajast karo ise... shaabaash! kitanaa badhiyaa aaeenaa hai...!

kndhon ke peechhe se do chhotee-patalee baanhen idhar latak aaeen .

kaun ? urmi, tum ho ?

jee, pitaajee !

pagalee, saamane to aa !

unhoon, naheen aaoongee saamane . aapakee peeth ke peechhe chhipee rahoongee . kyaa hogaa saamane aakar ?

to, rnj hai too ?

ab ve chhotee-patalee baanhen dikhaaee naheen pad rahee hain . urmilaa thee n apanee ? das saal kee ho gaee . kaayade se padhtee-likhatee hotee, to chhathaveen shrenee kee chhaatraa hotee kisee skool kee... lekin usakee padhaaee kaa silasilaa chhoot gayaa hai n? urmilaa apane baap par behad rnj hai.

urmilaa choonki ladkee hai, bahut kuchh samajhane lagee hai .

shobhaakaant ne patanaa se kaee baar likhaa hai-- aapane, pitaajee, urmilaa ke baare men shaayad tay kar liyaa hai ki use moorkh hee rakhenge.

naheen, betaa tum glat samajh rahe ho. main bhalaa apanee putree ko maitrik bhee naheen karavaanaa chaahoongaa !

to yon hee maitrik ho jaayegee urmilaa?

maitrik men farst diveejan laayaa hai. patanaa kolej men pri-yunivarsitee klaasej kaa chhaatraa hai. bachapan men varsho tak bon tee0bee0 se aakraant thaa. ek taang shakti-shoony hai, isee se lngadaakar chalataa hai... unnees saal kaa yah tarun apane baap kee rag-rag pahachaanataa hai. use bhalee-bhaanti pataa hai, pitaajee baaten bahut karate hain, kaam naheen karate ! samoochaa parivaar patanaa yaa ilaahaabaad kaheen jamakar rahataa, to urmilaa bhee padh jaatee aur mnjoo bhee...

haan, betaa! main gappee hoon... ahadee bhee hoon aur daanbhik bhee .

(jaaree)

k‍yaa pataa ki raat hai ki aasamaan kaalaa hai

ulatabaansee

veeren dngavaal

jaise hee batan dabaataa hoon
gngaa ke paanee kaa banaa roshanee kaa ek jaal
chhapaak se mujhe le letaa hai
apane paaradarshee ras‍sad geele lapete men

k‍yaa pataa ki raat hai
ki aasamaan kaalaa hai
ki moongafalee ke beej men jo ki
daraasal jad bhee hai aur fal bhee
tel kab padnaa shuroo hotaa hai
jisamen chhaanee jaatee hain um‍daa sikeen poodiyaan

k‍yaa pataa ki ve sirf gende hain rabad kee
jo is kadar neenden haraam kie rahatee hai
un ladkon kee
aur vah bhee fitur fakat
sapanon men thoons ve saare chhak‍ke chaue
aur aakhir yah ilahaam bhee kab jaakar huaa

dil ke tasakate hue fode par
kach‍chee hal‍dee
yaa pakee pulatis bndhavaane ke bajaay
nash‍tar lagavaa lo
jinakee
koee kamee naheen