alavidaa!...ham chal die...

....alavidaa!...ham chal die...


jaanaa to hai sabhee ko ek din...
to ham kyon n aaj hee chal den...
kahaa-sunaa- likhaa maaf ho doston...
aap yahaan bane rahie khushee se...
hamen to bas ijaajat hee den....


khaalee naheen hai jholee hamaaree...
bharee huee hai sundar yaaden...
kuchh kamajor kshan...
kuchh haasy ke chatapate vynjan..
kuchh jeevan se jude tathy...
kuchh man kaa soonaa pan!
bhaavanaaon ke saagar kaa khaaraapan...
sheetal mad-mast nadiyon kee mithaas....
aur gairon se milaa huaa apanaapan...


sab kuchh baandh liyaa...
vichaaron ke dridh bndhan men...
lie jaa rahe hai sng apane...
potalee dil se lagaae hue...
path to ab bhee hai shaayad lnbaa...
mausam bhee shaayad hai khush-mijaaj...
par ham?...dil se hai kumhalaaen hue....


chhod kar jaa rahe yaaden apanee...
rachanaaon ke foolon men piro kar...
fool sookh bhee jaaenge to kyaa....
mahak banee rahegee umr bhar...


yaad aanaa hnmeshaa doston...
shubhakaamanaaen ham die jaa rahe...
naam oonchaa ho aap sabakaa....
safalataa kadam chumatee rahe,
samay ne ab pukaaraa hai hamen
...alavidaa!...ham jaa rahe!

aaee hai...ek khush khabar

hai!.....kuchh nae-pan kee talaash!




naheen hai koee nayaa vichaar...
saamane rakhane ke lie mere paas!
sab kuchh puraanaa hai..jaanaa pahachaanaa hai...
jo bhee snjoyaa huaa hai...khaas, khaas!


rachanaaen padh rahee hoon...har roj...
jaise baasee kadhee ko koee de rahaa ubaal!
baasee khaanaa khaa kar bhar rahaa hai pet...
to nayaa pakavaan banaanekaa kyon uthaae jnjaal!


chalie...apanee marajee kaa har koee maalik...
nuktaacheenee karane kaa hamen kyaa hai hak?
kisee ko ye karo...ye n karo kyon kahen...
apanee pahunch hai sirf apane tak!


firabhee aashaa hai kuchh nae foolon ke khilane kee...
jo taajagee de...preranaa den...de khushahaal mahak!
jaise kar rahaa hai vijnyaan tarakkee...
kyaa saahity naheen le sakataa sabak?


saahityik kisee aur duniyaase aae naheen hai....
vah rahate..vicharaten hai...hamaare beech,yaheen par!
rachanaa kaa kuchh nayaa pakavaan haradam...
banaakar parosaten hai...daten hue hai yaheen par!


khush khabar yahee hai ki 'parikalpanaa'....
betaabee se dhoondh rahee hai aaj unhen!
unakee kalaa kee kadr hogee yakeenan...
aadar,maan- sammaan bhee pradaan hogaa unhen!


vatavriksh aur parikalpanaa ke saath... aap....is link dvaaraa jud sakaten hai!...

http://urvija.parikalpnaa.com/2012/05/blog-post_03.html

kyaa kahataa kabeeraa is par...

samajh kar bhee naa-samajh hai ham!

chaahataa to hai man...
bahut kuchh kahanaa!
bitee baaton ko....
baar baar doharaanaa....
kisee se kuchh le kar...
kisee ko kuchh denaa!

par ye huee sirf....
apane man kee baat....
kisee ke man men kyaa samaayaa....
meree tarah hee...
har koee hai ajnyaat!
galatafahamiyaan anaginat....
jinakee naheen koee aukaat...
fir bhee unhen dil se nikaalanaa...
hai sabhee ke lie....bahut badee baat!

prem ras se hai bharapoor...
har dil kaa...har konaa...
is baat ko samajhataa hai...
har koee sayaanaa...
par har kisee par use lutaanaa...
chaahegaa kyaa koee deevaanaa?

prem kee gngaa bahaane kee baaten...
kitaabon men rah gaee hai dab kar...
saadhu-mahaatmaaon ke....
pravachanon men sunaaee detee hai aksar!
...par sun kar anasunaa karane kee aadat....
jor maar rahee hai hamaare andar....

...pyaare hai hamen jhagade aur klesh-kalah.....
nafarat aur badale kee bhaavanaa!
katu shabdon kee garm bauchhaaren.....
badaa hee achchhaa lagataa hai hamen....
mitron kaa pal bhar men shatru ban jaanaa!

kuchh kahane par....
dekhaa hai hamane aise sir-firon ko...
'mai aisaa hee hoon!' kahakar muskuraaten hue ...,
apane akhkhadapan par garv karaten hue ,
bade thaath se idhar-udhar itaraaten hue !

kyaa krishn....kyaa raam...
kyaa har har bhole...
kyaa jay shree bhagavaan!
najar aa rahaa hai har koee....
'naama' din-raat inheekaa japataa...
kyaa kahataa kabeeraa is par....
kaash!...ki aaj vah zindaa hotaa!

not...yah hamaare samaaj kee chhabee hai!...ise kripayaa vyaktigat naa liyaa jaae!


upanyaas ke unneesave panne kaa link diyaa jaa rahaa hai!


http://readerblogs.navbharattimes.indiatimes.com/mujhekuchhkehnahai/entry/19-%E0%A4%95-%E0%A4%95-%E0%A4%B2-%E0%A4%9C-%E0%A4%AC%E0%A4%A8-%E0%A4%97%E0%A4%88-%E0%A4%95-%E0%A4%B2-%E0%A4%A8-%E0%A4%89%E0%A4%AA%E0%A4%A8-%E0%A4%AF-%E0%A4%B8

khud apane aap se hai bekhabar...hamalog!

kaash!..apanee bhee khabar len...hamalog!

hnmeshaa doosaron kee khoj khabar lene men....
lipt rahate hai ham log....
usane kyaa pahanaa, kyaa khaayaa..
vah kahaan gayaa...kab aayaa...
usane ye kahaa...usane ye kiyaa....
sab jaanakaaree rakhaten hai hamalog!


vah bahut achchhaa hai....milanasaar hai....
kamaal kaa vyaktitv hai usakaa....
hnmeshaa madad karataa aayaa hai vah...aur
usakee prashnsaa ke bade bade pool....
khush ho kar baandh dete hai ham log....


lekin bhool jaate hai haradam....
apane gunon ko jaananaa....
apane prashnsaneey kaaryon ko pahachaananaa....
apanee khud kee peeth thapathapaanaa....
aisaa kyon karate hai ham log?


upahaar dete hai ham doosaron ko....
doosare bhee dete hai hamen....
lekin kabhee..apane aap se khush ho kar...
apane aap ko sundarasaa upahaar....
kyon naheen dete ham log?


kudarat ne banaaee hai sundar cheejen....
unamen se main bhee hoon ek...
madad mainne bhee kee hai bahutonkee...kaeebaar...
main bhee hoon bhalaa, saaf dil kaa aur nek...
...par apane par do meethe shabd.....
..kahaan kharch karate hai hamalog!


doosaron kee pasnd- naapasnd kee chintaa...
doosaron kee sehat kaa bhaaree khayaal...
doosaron kee duniyaa basaane kaa sapanaa...
doosaron ko khush rakhane kee dilee khvaahish..
kyaa sirf doosaron ke lie jee rahe hai hamalog?


apane lie bhee...kuchh kar gujaranaa....
beshak farj hai hamaaraa....
apane man ko khush rakhanaa...
apanee sehat kaa dhyaan rakhanaa...
apane aap se pyaar karanaa...kartavy hai hamaaraa!
kaash!.. itanee see baat agar samajh saken hamalog!

mai thaa dil-faink saiyaa...( haasy-kavitaa)

main thaa dil-faink sainyaa...(haasy-kavitaa)

ek golagappe...bhalle-paapadee bechane vaale yuvak ne apanee aapabeetee jab mujhe sunaaee ...to lagaa ‘kyaa baat hai!...yah kahaanee sirf mujh tak rahe...aisaa honaa theek naheen!...is kahaanee se sabak le kar to hajaaron manachalen ‘sainyaa’...shareef’bhaiyaa’men tabdeel ho sakate hai!...nekee aur poochh poochh!...is kahaanee ko kavitaa kaa roop de kar sunaane kee jarurat hai...to sunie vah kahaanee ..... ek haasy kavitaa ke khil-khilaate roop men...main dil-faink sainyaa,shareef bhaiyaa ban gayaa!....
vah ek manachalaa...dil-faink sainyaa....
aakhir shareef ‘bhaiyaa’ ban hee gayaa...
banaayaa ek haseenaa ne....kaise?
ham sunate gae...vah sunaataa gayaa!

bhalle-paapadeeyaan-tikkiyaan-paavabhaajee...
vo chatakhaare le le kar khaatee rahee...
sab udhaar ke khaate men likhavaatee rahee...
meraa dil aa gayaa thaa us par...
meree najar usake kndhe par tnge pars se ...takaraa kar vaapas lautatee rahee!
usakaa muskuraanaa hee pe-ment thaa mere lie...
sochaa mere lie pyaar hee hogaa ...
usake bhee dil men...
par...
us din jab usane ‘bhaiyaa’kah kar pukaaraa...
tab bhee apane upar mainne liyaa naheen!
sochaa kisee aur se kahaa hogaa bhaiyaa...
meree shakl to kisee bhaiyaa jaisee naheen!
lekin jab fir jor de kar bolee...
’bhalle to aaj rahane hee do bhaiyaa!...
bees gol-gappe khaa lie...kam to naheen!’
sun kar mere to hosh hee ud gae....
tab apane aap ko snbhaal paayaa naheen!

do din lag hee gae...fir snbhal hee gayaa....
jab vo fir aaee meree dukaan par...
mainne udhaaree kaa bil thamaa hee diyaa....
dimaag se hat chukaa thaa ‘sainyaa’!
ab main ban chukaa thaa gol-gappe vaalaa bhaiyaa!
so...zaraa bhee ghabaraayaa naheen...
haseenaa ke haath se takaraayaa meraa haath...
fir bhee main sharamaayaa naheen....

ab haseenaa par bhee najar daalien janaab!
muskuraaee vo...meree aankhon men aankhe daal kar...
daahinaa haath meree taraf badhaa kar...
‘aaee lavh yoo, haindasam!’ kahaa usane....
haath men thamaae hue bil par...
usane najar daalee hee naheen....
ab poore hosh men thaa main....
namaste kee mudraa men haath jod kar...
dhithaaee se seenaa taan kar... kah diyaa...
‘ bahan jee!...bil chukataa keejie jaldee se...
udhaaree kaa ghndhaa karanaa ab mere bas men naheen!
bhalle-paapadee-golagappe bechane vaalaa...
main bhaiyaa hoon....koee haindasam naheen!’....

...aur binaa udhaar chukaaen....
paanv patakatee huee...gaee vah haseenaa !
fir kabhee dikhaaee dee naheen!
paise chaahe doob gae...
ghaataa huaa to huaa...
par mujh jaise dil faink aashik ko...
shareef ’bhaiyaa’ banaanaa usakaa....
kyaa ek bhaageerath kaam naheen?....

( foto googal se saabhaar lee gaee hai!)

mere blog-post kee kismat khul gaee!

mere blog-post kee kismat khul gaee......

mainne likhaa ek blog-post!

netaajee kee kaalee karatoote....

vot maangane ke nae tareeke....

sarakaaree khajaane kaa durupayog...

jhoothe vaade...jhoothee kasamon kee baadh....

dabee hnsee me chhipee....luchchaaee....

aansooon ke aavaran men lipatee...be-sharamee...

sab shaamil thaa blog-post men....

intazaar thaa to bas!....ek tippanee kaa....

tippaniyaan jab mil gaee...meree kismat khul gaee !

mainne likhaa ek blog-post....

sarakaaree afasaron ke kaale kaaranaamen...

rishvat-khoree ke nae roop-rng...

faailon ke gum ho jaane ke baare men...

binaa kaaran tabaadale hone ke baare men....

pulis kes ke chalate...

aatmahatyaa yaa ekseedaint ke baare men...

sab kalam baddh kar diyaa mainne...

soch kar ki bas!...ek tippanee jarur milegee...

kuchh tippaniyaan mil gaee....meree kismat khul gaee!

mainne likhaa ek blog-post!

vyngy thaa velentaain de kaa...

aaj ke yuvaa ladake-ladakiyaan...

paashchaaty snskriti ke deevaane....

dikhaave ke prem ke paravaane....

unakee naa samajhee ko badhaavaa de rahe....

unake maataa-pitaa...unake abhibhaavak...

khulee aankhon se jo dekhaa...vahee likhaa...

aur pratikriyaaen jaananee chaahee mainne...

kuchh tippaniyaan mil gaee...meree kismat khul gaee!

blog-post kee baat kare to....

tippaniyaan jyaadaa n sahee....

....kam to milanee hee chaahie!

likhanaa saarthak huaa aisaa mere saathiyon...

....aisaa blog lekhak ko laganaa hee chaahie!

aisee 26 janavaree...aisaa ganatntr divas ..

...bahut achchhaa lag rahaa hai....kam se kam aaj ke din to deshabhakti kee yaad taajaa kar rahe hai netaa log !...
...aam aadamee kee to baat hee aur hai...aam aadamee to deshabhakti kaa josh dil men lie hue hnmeshaa se hee khadaa hai...use haradam lagataa hai ki 'vo subahaa, kabhee to aaegee...'

.....vah ek aisee subah kee kalpanaa har roj karataa hai ...jab mahngaaee ghategee, rishvat khoree mitegee, gareebee kitaabon ke pannon tak simat kar rah jaaegee ,kort ke lnbe samay tak latakate ...kes jaldee aur sahee faisale kaa rukh karenge, netaa log imaanadaaree aur sachchaaee se raajapaat snbhaalanaa shuroo karenge...to aam aadamee desh chhabee kuchh kuchh aisee hee dekhanaa chaahataa hai lekin use aaj jo desh kee chhabee dikhaaee de rahee hai vah kuchh aisee hai....

mainne navabhaarat taaims ke apane blog men is chhabee ko kavitaa ke roop men kuchh is prakaar se utaaraa hai...aap ke lie yahaan link prastut kar rahee hoon....bataaie yah sahee hai yaa galat!

http://readerblogs.navbharattimes.indiatimes.com/mujhekuchhkehnahai/entry/26-%E0%A4%9C%E0%A4%A8%E0%A4%B5%E0%A4%B0-%E0%A4%95-%E0%A4%AE-%E0%A4%97%E0%A4%B2%E0%A4%AE%E0%A4%AF-%E0%A4%A4-%E0%A4%AF-%E0%A4%B9-%E0%A4%B0-%E0%A4%94%E0%A4%B0-%E0%A4%B9%E0%A4%AE-%E0%A4%B0-%E0%A4%A8-%E0%A4%A4-%E0%A4%B2-%E0%A4%97