adhooree kavitaa

sochaa thaa mainne
likhoongee main bhee
dhadhakatee kisee ghatanaa par
sulagatee-sulagaatee
koee kavitaa.

saamane thaa akhabaar
surkhiyon men chhapaa thaa
apane pachahattar sainikon kee
hatyaa kaa samaachaar.

bhar aaeen aankhen
kalam uthaane se pahale
jud gaye haath
praarthanaa men
mile unakee aatmaa ko
shaanti
dhairy mile unake parijanon ko.
par jaane kaise
badal gaye praarthanaa ke shabd
shahar se door posted
pati kee mngalakaamanaa ke lie.

har baar yahee ho jaataa hai
milate hain tren men bam
udaaee jaatee hain patariyaan
aur isake pahale ki
bikharee huee laashon kee peedaa
ghaayalon kee cheekhen
mathakar kaleje ko
le sake shabdon kaa
aakaar,
ud jaatee hai
meree aankhon se neend!
chadh chukaa hogaa meraa betaa
aisee hee kisee tren men
ghar aane ke lie

kal hee huaa thaa
skool jaa rahe bachche ko
kheench le gaye the
apaharanakartaa.
bheeg gayaa man
sochakar
kaise jee rahee hogee usakee maan
kyaa-kyaa maan rahee hogee
mannaten,
jaane kahaan-kahaan tek rahee hogee
apanaa maathaa

lekin isake pahale ki
doob paatee main
usakee peedaa men
ghadee kee sooiyon ne
bataayaa
ki der ho rahee hai baaboo ko
skool se lautane men.
rakhakar haath kee kalam
dhaad-dhaad bajate kaleje ke saath
main nikal aaee
daravaaje par.

har baar sochatee hoon
is baar likhoongee
kuchh chubhataa saa.
lekin har baar rah jaatee hoon
apane hee bhay kee keerachon se
bindh kar.

jindagee kaa katoraa

beet rahe hain din
lie hue haathon men katoraa
bheekh maangate hue jindagee se,
jindagee kee!
roj dekhatee hoon katore ko
ulat kar , palat kar,
seedhaa kar, jhukaa kar.
koee boond hai kyaa isamen,
kisee ras kee?
naa, sookhaa hai, reetaa hai,
jaane kab se
aise hee padaa hai.
saath le chalo,
chal padegaa,
rakh do uthaa kar kaheen,
padaa rahegaa.
fenk do,
jhnnaataa rahegaa thodee der
fir sthir ho jaayegaa.
dhoop men tap jaataa hai
thndh men dnk maarataa hai
jindagee kaa katoraa
yoon hee saath chalataa rahataa hai.

ladakee jo naheen milee

kabhee huaa karatee thee/ kaheen ek ladkee/
ek chhote se ghar kee/ badee see raajakumaaree/
aankhon men lie hue sapane/ seene men bhare hue/
umng aur hausalaa/ kar rahee thee koshisha/
apanee snbhaavanaaon ko/ snbhav banaane kee/
koee shikaayat naheen thee/ ki/
sar par kitanee teekhee hai ghoopa/ yaa/ pairon ke neenche/
kitane pathareele hain raaste/
thee sirf ek chaahata/ jindagee ko jiyoon/
apanee sharton para/apane moolyon para/
jaane kidhar se aayaa/ samay kaa pahiyaa/
hnsataa huaa/ usake umng aur hausalon para/
dhakataa chalaa gayaa use/ paristhiyon ke gardo gubaar men/
gubaar ke chhatane para/peechhe jo rah gayee/vah thee/
samay ke pahiye ke neenche/ kuchalee huee/
sahamen kandhon aura/ jhuke hue sar vaalee/
ek aurata/ detee rahee der taka/ aavaajen/
aa mil jaa ree/ o ladkee/
toon to praan thee meraa/ rah gayee hoon main/
tere binaa/ sirf ek shareer ho kara/
dhoodhatee rahee use vo/ paagalon kee taraha/
chaaval kee boriyon ke peechhe/
aate ke kanastaron ke neeche/
dhobee kee bahee men/ raashan kee list men/
agarabattee ke dhuen men/ bistar par faile/ purush kee baahon men/
god men soye/ shishu kee aakhon men/ naheen milee vo/
kaheen naheen milee/ab bhee prateekshaa/ kar rahee hai usakee/
umr ke kisee mod para/ kabhee to mil jaaye/ kaheen/
ek baar lipat kara/ usake gale se/
ro to le/ jee bhar ke.

man kaa konaa

thodaa aur mar gayaa
man kaa vah konaa
jo shesh rahataa aayaa hai
ab tak tumhaare lie.
jaane kitane ulaahanon
anaginat taanon se
baar-baar chhalanee hotaa huyaa,
marane lagaa hai
aahistaa-aahistaa.
mainen bhee chhod diyaa hai daalanaa,
aashaaon kaa khaad
aasunon kaa paanee.
marataa hai ,
mar jaaye.
kyaa fark padtaa hai!
shaareer ko jindaa rahanaa chaahie,
jindaa rahegaa.
yoonhee uthataa baithataa rahegaa
tumhaaree bhaavon ke ishaaron par,
nibhaataa rahegaa
yntravat saare kriyaa-kalaap.
fir bhee naheen utar paayegaa
tumhaare ehasaanon kaa karj.
badee ichchhaa hai,
chitaa par chadhne se pahale bhee
poochh sakoon tumase
kyaa meree jindagee bhar kee
sevaaon kaa
koee mol hai tumhaare paas?
kyaa jutaa sakungee
us vakt bhee ,
itanaa saahas?

ek faisalaa

(gataank se aage)

chaandanee-- poochh kar aaoge kyaa?
aannd-- naheen, tum andhere men baithee ho to maine sochaa kuchh soch rahee hogee to distarb ho jaaogee .
chaandanee-- naheen distarb naheen houngee . tum aao. naa, laaeet mat jalaao. andhere men hee baithenge.
aannd-- jo hukm. a ..elo baith gae. ab bolo .
chaandanee-- oopar, idhar baitho. haan theek hai,
aannd-- are-are! kyaa baat hai. lagataa hai aaj devataa jyaadaa prasann hain.
chaandanee-- kaise?
aannd-- beevee andhere men paas bithaaye, god men sar rakhe to jarur hee devataa prasann hain.
chaandanee-- achchhaa bas, sharaarat naheen.
aannd-- theek hai, koee sharaarat naheen. ab bataao kyaa kahanaa hai?
chaandanee-- tum jaanate ho mujhe kuchh kahanaa hai?
aannd--(hns kar) itane dinon men tumhaare andaaj bhee naa samajhoon?
chaandanee-- kabhee- kabhee tum mujhe chakit kar dete ho.
aanad-- haan bolo kyaa kah rahee thee?
chaandanee-- tumhaare jaane ke baad bahut badee- badee baaten ho gayee theen .
aannd-- kahaan? haaspital men?
chaandanee-- haan. vijay ne sochaa hee naheen thaa ki meree shaadee ho gayee hogee.
aannd--(hns kar) achchhaa?
chaandanee-- aur aaj kalpanaa se bhee bahut saaree baaten hueen. mainne pahalee baar jaanaa ki saath rahate hue bhee aadamee itanaa akelaa ho sakataa hai. vijay ne usase prem vivaah kiyaa aur fir use ek aise frem men lagaa diyaa jisamen kabhee meree meree tasveer thee.
aannd-- kyaa?
chaandanee-- usane mujhase spasht shabdon men kahaa ki vijay ne use mere vikalp ke roop men chaahaa hai. usakee jindagee kaa soonaapan itanaa bhayaanak thaa ki usakee ek lahar ne mujhe andar tak knpaa diyaa. kitanaa kathin hai yah jaanate hue bhee ki yah vyakti mujhame kisee aur ko talaash rahaa hai, fir bhee use pyaar karaa.
aannd-- aur vah karatee hai?
chaandanee-- haan. vah karatee hai. mainne poochhaa thaa. usane kahaa, main bhale hee inake lie aapakaa vikalp hoon, lekin ye mere lie kisee kaa vikalp naheen hain. aannd, bachapan men mainne bhooton kee kahaaniyaan padhee thee. koee bhoot kisee aadamee men samaan jaataa thaa aur fir us aadamee kee apanee jindagee khtm ho jaatee thee.fir vah aadamee tamaam umr us bhoot kee jindagee jeetaa thaa. kalpanaa se mil kar mainne apane aap ko ek bhoot saa hee mahasoos kiyaa.
aannd-- naheen chaandanee aise॥
chaandanee-- (beech men hee) aannd, mainne tumase ek baat chhupaaee hai.
aannd-- kyaa?
chaandanee-- jindagee ke kinheen khaas kshanon men bahut baar main tumhaaree tulanaa vijay se kar baithatee thee. aannd main sveekaar karatee hoon ki kabhee- kabhee main sochane lagatee thee ki kaheen mainne koee galat faisalaa to naheen kar liyaa? naheen aannd, haath mat roko. ab kaheen koee shak naheen hai. aannd mainne jaanaa ki vijay kitanaa kamajor insaan hai. sirf apane-aap men jeene vaalaa , duniyaa ko sirf apanee najar se se dekhane vaalaa,har vyakti par apane -aap ko aaropit karane kee chaahat rakhane vaalaa ek aatmakendrit vyakti. bahut had tak shaayad ek asntulit vyakti. jo door se ek chattaan dikhataa hai par najadeek jaao to ek ghun lagee lakadee !mainne tumhen ek naye sire se jaanaa hai aannd, vo bhee apanee najar se naheen,kalpanaa kee najar se dekh kar. aur aannd, meree jindagee ko tumhaaree bahut- bahut aavashyakataa hai.
aannd-- chaandanee!
chaandanee-- haan aannd!!


(samaapt)




yah naatak mainne san 88 men aakaashavaanee patanaa ke lie likhaa thaa jo 'ek mulaakaat ke baad ' naam se prasaarit huaa thaa. isase judaa ek vaakayaa yaad aataa hai- is naatak kaa prasaaran kisee- naa- kisee kaaran se talataa hee jaa rahaa thaa. us samay ke draamaa daayarektar upaadhyaay jee -mujhe unakaa pooraa naam smaran naheen rahaa- ne mujhe kahaa "aapake is 'ek faisalaa' kaa faisalaa naheen ho paa rahaa hai, aap isakaa naam badal deejiye." to mainne isakaa naam badal diyaa aur tab sach hee isakaa prasaaran ho gayaa.

(gataank se aage)

vijay-- tumane bataayaa naheen thaa.
chaandanee-- tumane poochhaa naheen thaa.
vijay-- mainne sochaa naheen thaa.
chaandanee-- aashchary hai tumane kaise naheen sochaa thaa.
vijay-- kyaa dekhaa tumane is aadamee men?
chaandanee-- jindaadilee, jindagee ko jee lene ki chaahat.
vijay-- jindagee ko jeene kaa yahee tareekaa pasnd aayaa tumako?
chaandanee-- badaa sahaj hai. vidaaut enee kaplikeshan .
vijay-- tum apane aap ko dhokhaa de rahee ho. samajh naheen paa rahee ho apane aap ko.
chaandanee-- kabhee apane vishay men sochaa hai? are kalpanaa, aap kahaan jaa rahee hai? vijay?
vijay-- jaane do use. vah sab jaanatee hai.
chaandanee-- (teekhe svar men) kyaa yah bhee jaanatee hai ki tum apanee poorv premikaa ke saath usake pati ko sahan naheen kar paa rahe ho? jabaki tum khud vivaahit ho?
vijay-- tum galat samajh rahee ho. main sirf...
chaandanee--(beech men hee ) tum apane aap ko galat samajh rahe ho. tum yah soche baithe the ki chaandanee tumase alag ho kar akelee hogee. tumhaare yaadon ke sahaare jindagee gujaar rahee hogee. hai naa? tumhen yah dekh kar chot pahunchee hai ki meree tumase alag ek svatntr jindagee hai.
vijay-- mujhase alag tumhaaree koee svatntr jindagee naheen hai. vivaah kar lene se kyaa hogaa, tum aaj bhee mujhase pyaar karatee ho.
chaandanee --yah tumane kaise soch liyaa?
vijay-- kyoki tum aaj bhee meraa utanaa hee khyaal rakhatee ho. mere lie tumhaare paas aaj bhee utanee hee tatparataa hai.
chaandanee-- yah meree sadabhaavanaa bhee ho sakatee hai. puraanee pahachaan kaa khyaal bhee ho sakataa hai. naheen vijay, main tumase pyaar naheen karatee. agar pyaar karatee to apane pati ko tumase milaane naheen latee. (main sochatee thee ki itane dinon men tum badal gae hoge, lekin naheen, tum aaj bhee vaheen ho jahaan main tumhen chhod gayee thee. tab tum mere saath ek mitr ko dekh kar peshens looj kar gae the, aaj mere saath mere pati ko bardaast naheen kar paa rahe ho.
vijay-- dekho chaandanee॥
chaandanee-- naheen, tumhaaraa jyaadaa tenshan men aanaa uchit naheen hai. tum aaraam karo , main dekhatee hoon kalpanaa kahaan hain.

(thode viraam ke baad)
chaandanee-- kalpanaa, aap yahaan khadee hain?
kalpanaa-- haan, mainne sochaa meree upasthiti se aapalog distarb honge.
chaandanee-- shaayad hamadono ke kaaran aap distarb ho gayee hain
kalpanaa-- mere distarb hone kaa to prashn hee naheen hotaa hai, kyoki jis ghar men main rahatee hoon, us ghar kee buniyaad aap hee hain.
chaandanee-- aur ab shaayad us ghar men aap akelee rahatee hain.(kalpanaa kee lnbee saans) vishvaas keejiye main aapake akelepan ko badhaane naheen aaee hoon. saamarthy hotee to kam karane kee cheshtaa jaroor karatee.
kalpanaa--( vishaad yukt hnsee ke saath) mere khud kee cheshtaaen to mere akelepan ko kam naheen kar sakeen, shaayad aapakee kar paatee.
chaandanee-- ek vyaktigat prashn poochhoon?
kalpanaa-- poochhie.
chaandanee-- aapakee lav mairij hai yaa arenj?
kalpanaa-- lav.
chaandanee-- fir yah akelaapan kyonkar aayaa kalpanaa ?
kalpanaa-- main vijay ke jeevan men aapakaa vikalp ban kar aaee hoon chaandanee. ab bhee aapako mere akelepan ke lie poochhanaa hai?
chaandanee--(stabdh svar men) naheen. lekin aapane yah rishtaa sveekaar kyon kiyaa?
kalpanaa-- tab naheen jaanatee thee ki kis rishte ko jeene jaa rahee hoon. vijay kee vidvataa , unakaa gnbheer vyaktitv , kisee ko samajhane kee , usakee feelings ko mahasoos karane kee unakee kshamataa, aur in sab ke oopar 'main tumhen pyaar karataa hoon' is vaaky k vishaal aur gaharaa jaal. fir kahaan avakaash thaa aage kee jindagee ko sochane kee vyavahaarikataa barat sakane kaa. (lambee saans) vo to jab jindagee ke saare raaste bnd kar inake saath chalee aaee, to jaanaa , mainne sirf ek khaalee jagah bharee hai, apanee jagah banaaee naheen hai.
chaandanee-- vijay ne bataayaa naheen thaa?
kalpanaa-- bataayaa thaa. lekin yah naheen bataayaa thaa ki vo kalpanaa men chaandanee ko dhoondh rahe hain. aap sochatee hain , yah hamaaree pahalee mulaakaat hai. aap jaroor mujhase pahalee baar mil rahee hain, lekin mainne to aapako bahut baar dekhaa hai. vijay kee aakhon men, unakee kavitaaon men, aur bahut baar vijay ke pahaloo men khud ko hee chaandanee ke roop men dekhaa hai.
chaandanee-- kalpanaa bas, bas ab aur naheen.
kalpanaa-- (duhkh kee halkee hnsee ) jo aap sun naheen sakateen , use main jiyaa karatee hoon. jaanatee hain yah ekseedent kaise huaa thaa? hamalog ek long draaiv par nikale the. raaste men inhonne kahaa' chaandanee ko badaa shauk thaa is tarah ke long draaiv par jaane kaa lekin main hameshaa hee taalataa rahaa. shaayad dhairy kee seemaa kaheen se darak gayee thee, mere munh se nikal gayaa, main utar jaaoon gaadee se? meree upasthiti men chaandanee ke khyaal ke saath draaiv karane men asuvidhaa hogee. bas, itanaa hee paryaapt thaa. patnee ko paas bithaa kar premikaa kee baat karanaa gunaah naheen thaa, lekin meraa yah virodh jaroor gunaah thaa. tum min maainded ho, jo vyakti hai hee naheen, usase eershyaa karatee ho, tum kyaa sochatee ho tum chalee jaaogee to main naheen jee sakoongaa? main paryaapt hoon apane lie. mujhe kisee sahaare kee jarurat naheen. aur naa jaanaa kyaa- kyaa. aur pratyek vaaky ke saath gaadee kee badhatee speed. kab tak snbhalatee !
chaandanee-- ek baat kahoon? kahanee naheen chaahie fir bhee.
kalpanaa-- kyaa?
chaandanee-- itanaa sab kuchh jhelane kee vivashataa kyaa hai?
kalpanaa-- mainne intar - kaast mairej kee hai chaandanee. kahaan jaaoongee main? fir in sab ke baavajood main inhen pyaar karatee hoon. inhonne bhale hee mujhe aapakaa vikalp banaayaa lekin ye to mere lie kisee kaa vikalp naheen hain.
chaandanee--(lnbee saans) shaayad ab aapako kisee kaa vikalp banane kee jaroorat naheen pade.
kalpanaa-- aap meree vakaalat karengee?
chaandanee-- naheen. main aapakee vakaalat kar ke aap ko halkaa naheen karungee. haan, meree sthiti shaayad aapakee vakaalat kar de.
kalpanaa-- matalab?
chaandanee-- aannd ke saath meree sukhee jindagee shaayad aapako bhee sukhee kar jaae.
kalpanaa-- shaayad.
chaandanee-- mujhe duhkh hee kalpanaa, mainne anajaane men aapakee jindagee nasht kar kee hai aur aapake lie kuchh kar bhee naheen sakatee sivaa eeshvar se praarthanaa ke.
kalpanaa-- (dheere se) shaayad yahee mere kaam aa jaaye.


(drishy parivartan)

chaandanee--(svagat bhaashan) to aise the vijay tum. itane aatmakendrit , aur shaayad itane hee svaarthee bhee. mainne to tumhen aisaa naheen jaanaa thaa vijay. kyaa kisee priye vyakti ko pahachaanane ke lie kisee doosare kee aakhen jaruree hain? shaayad. kyoki meree mohit drishti koto tum bade oonche ,bade aadaraniye lagaa karate the. bahut- bahut tathasth ho kar dekhaa to thode ahnkaaree dikhe , bas. lekin aaj kalpanaa kee aankhon se dekhaa to tum to bade chhote dikhe vijay. itane chhote kee tumhaaraa kad kalpanaa se bhee se chhotaa ho gayaa. tumase to meraa aannd n jaane kitanaa oonchaa hai. badaa achchhaa huaa jo tumase ek mulaakaat ho gayee. naheen to n jaane kab tak main is afasos men jeetee ki kaheen tumhen chhod kar mainne koee galatee to naheen kee? vidhaataa kaa laakh- laakh shukr hai.
aannd-- chaandanee.
chaandanee-- (chaunk kar) haan?
aannd-- main aaoon ?

(gataank se aage)
chaandanee-- are! tum kab aaye?
aannd-- thodee der pahale . tum andhere men baithee thee to mainne sochaa shaayad tumhaaree tabiyat theek naheen . isalie naashtaa banaa kar le aayaa.
chaandanee-- achchhaa naheen kiyaa. daftar se aate-aate jut gae.
aannd-- tum bhee to daftar se hee aaee ho.
chaandanee-- tumase pahale aa gayee thee.
aannd-- oh, kam aan chaandanee! vaise kyaa baat hai? tum thakee- thakee see dikhatee ho. koee vishesh baat?
chaandanee-- vishesh to naheen, yoon hee ek chhotee see baat hai.
aannd-- kyaa?
chaandanee-- aaj vijay se bhent huee, ek peshent ke roop men.
aannd-- vahee vijay? tumhaare bachapan kaa dost?
chaandanee-- haan.
aannd-- kyaa huaa use?
chaandanee-- kaar ekseedent huaa hai. raait saaid bahut jyaadaa injyord hai. baanh disloket ho gayee hai, ghutane men fraikchar hai, do pasalee kraik kar gayee hai, sar men bhee chot hai. kulamilaa kar pojeeshan thodee theek naheen hai.
aannd-- oh , tab to chintaa kee baat hai . kar men akele the ? saath men koee...
chaandanee-- patnee hai. use halkee choten hain.
aannd-- tumane achchhee treetament to dee hai naa?
chndanee-- apanee aur se to har snbhav cheshtaa hai.
aannd-- chaandanee, tum kabhee yah mat sochanaa ki tum usakaa speshal keyar logee to main kuchh adaravaaij loongaa.
chaandanee-- main jaanatee hoon aannd.
aannd-- tum unakee achchhee dekh bhaal karanaa. unhen yah mahasoos naheen honaa chaahie ki tum badal gayee ho, yaa tumhaare man men koee rnjish hai. aadamee bure dinon men hee kisee ke kaam aataa hai.
chaandanee-- (kritajng svar men) thaink yoon aannd! tumane mujhe ek bhaar se mukt kar diyaa. main dar rahee thee , kaheen mujhase tumhaare prati koee aparaadh to naheen ho rahaa.
aannd-- (hns kar) dont bee silee chaandanee. meraa vishvaas itanaa chhotaa naheen.
chaandanee-- aaee lav yoon aannd!
aannd-- aaee no it daarling!
chaandanee-- tum miloge usase?
aannd-- jaroor. lekin pahale unhen jaraa theek ho jaane do. achaanak tumhaare saath mujhe dekh kar unhen shaayad achchhaa naa lage.
chaandanee-- ho sakataa hai. vah pahale bhee aisaa hee thaa, snbhav hai ab bhee naheen badalaa ho. (mood badal kar) chhodo hataao. kaafee vakt ho gayaa. bolo raat ke khaane men kyaa khaaoge?
aannd-- daits laaik a gud vaaif.
(donon hns padate hain)


(drishy parivartan)
nars-- gud maarning daaktar.
chaandanee-- gud maarning sistar. haau ij yor peshent?
nars--- faain. veree ko- oparetiv.
chaandanee--(halake se hns kar) gud.
kalpanaa-- namaskaar.
chaandanee-- namaskaar. kaise hain aapake hasabaind?
kalpanaa-- pahale se kaafee theek hain. taang ki plaastar kee vajah se thode tng hain.
chaandanee-- thodee pareshaanee to hogee hee. so rahe hain kyaa?
kalpanaa-- naheen, jaag rahe hain. main aapakee aavaaj sun kar nikal aaee thee. aaiye naa. (thodaa saa viraam)
chaandanee-- hailo vijay!
vijay-- (vismay se) tum?
chaandanee-- haan main. kyon? kalpanaa jee ne bataayaa naheen thaa kyaa?
kalpanaa-- naheen. mainne bataayaa naheen thaa. mainne sochaa, aapako achaanak saamane dekh kar jo khushee hogee, usase inhen vnchit kyon rakhaa jaaye?
vijay-- silee. oraten kitanee bhee umr kee kyon naa ho jaaen, unakaa bachapanaa naheen jaataa.
chaandanee-- oraton kaa yah bachapanaa yadi khtm ho jaaye to purushon ke jeevan se khushee kaa ek badaa jariyaa khtm ho jaayegaa . vaise tumane mujhe meree aavaaj se bhee naheen pahachaanaa thaa?
vijay-- naheen. meraa is or dhyaan naheen gayaa thaa. mainne kabhee aashaa hee naheen kee thee ki tumase kabhee aise bhee bhent hogee.
chaandanee-- isakaa matalab tum mujhe bilakul bhool gae the. its a gud saain for yor faimilee laaif.
vijay-- bahut jaldee nishkarsh par pahunch gayee?
chaandanee-- yah ek safal daaktar hone kee nishaanee hai. vaise tabiyat kaisee hai tumhaaree? kaisaa fil kar rahe ho? kaheen pen to naheen mahasoos kar kar rahe ho ?
vijay-- thodaa. chot hai to thodee peedaa to hogee hee naa?
chaandanee-- lekin ekseeden huaa kaise? tum to bahut achchhe draaivar ho?
vijay-- gaadee speed men thee. ek saaikil vaale ko bachaane men sadak ke kinaare utar gayee or ek ped se takaraa gayee. vaise tum kaisee ho?
chaandanee--(thodaa hns kar) bahut der baad khyaal aayaa? vaise main theek hoon or mainne koee ekseedent naheen kiyaa hai. (sab hns padate hain) ye achchhaa huaa kalpanaa jee ki aap bilakul bach gayeen.
kalpanaa-- main to inake oopar lad gayee thee, isalie mujhe kuchh naheen huaa. bas sar steyaring se takaraa gayaa thaa isalie sar men thodee chot aa gayee. a ..vijay, mainne naarngee kee faanke nikaal dee hain , aap khaa leejiye.
vijay-- chaandanee, tum jaise nikalaa karatee thee , vaise hee nikaal do.
chaandanee-- are!(asamnjas vaalee hnsee) .
kalpanaa-- kaise nikaalatee theen bhaee?
chaandanee-- kuchh khaas naheen, faankon ke chhilake utaar kar daane nikaal diyaa karatee thee. vaise hee nikaal deejiye. khaane men suvidhaa hogee. are raam! bahut vakt ho gayaa. mainne vaard kaa raaund to liyaa hee naheen.
kalpanaa-- lagataa hai seedhe yaheen chalee aaeen theen.
chaandanee--haan, fir baaton men vakt kaa pataa hee naheen chalaa. achchhaa main chalatee hoon. koee trabul ho mujhe khabar keejiyegaa. vaise to main khud hee aatee rahoongee. are, aap kyon uth raheen hain?
kalpanaa-- aapako chhod doon. nars kahaan chalee gayee?
chaandanee-- idhar hee kaheen hogee, main bhej detee hoon.
kalpanaa-- chaandanee jee, ek praarthanaa thee aapase!
chaandanee-- praarthanaa kee baat hai, kahiye naa?
kalpanaa-- jab tak vo yahaan hain, aap unakee dekh -bhaal daaktar chaandanee kee tarah naheen, sirf chaandanee kee keejiye. mujhe ummeed hai, isase vo jaldee achchhe ho jaayenge. aap samajh raheen hain naa?
chaandanee-- (dheere se) samajh rahee hoon. aur shaayad vo bhee jo aapane naheen kahaa. (kalpanaa kee lnbee saans)


(drishy parivartan)


aannd-- aa to gayaa hoon main chaandanee lekin pataa naheen mistar vijay mujhe dekh kar kaisaa fil karen?
chaandanee-- tumase mil kar kisee ne aajatak buraa fil kiyaa hai kyaa?
aannd-- so tumhaare vijay baabu kuchh alag kism ke vyakti hain naa.
chaandanee-- yah tum kaise jaanate ho?
aannd-- isake lie ek hee pahachaan kaafee hai.
chaandanee-- kaun see?
aannd-- tumhaare pahaloo men meraa paayaa jaanaa . (hns padtaa hai)
chaandanee-- (naaraaj ho kar) aannd!
aannd-- naaraaj ho gayee? achchhaa baabaa, ab naheen boloongaa.
chaandanee-- room nnbar 21. yahee hai usakaa kamaraa. pataa naheen so rahaa hai yaa jaag rahaa hai. (dastak kaa svar) kalpanaa jee...
kalpanaa--(door se najadeek aatee aavaaj) aaiye. aaiye naa. khulaa huaa hai.
chaandanee-- sab theek hai?
kalpanaa-- inhee se poochh leejiye.
chaandanee-- halo vijay. kaise ho?
vijay-- pahale se jyaadaa behatar.
chaandanee-- inase milo, mere hasabaind, mistar aannd. aur aannd, ye hain vijay.
aannd-- halo . bahut khushee huee aapase mil kar. main aapake lie buke laayaa hoon, apane bageeche ke foolon se taiyaar kar ke. ummeed hai aapako pasnd aaegaa.
vijay-- dhanyavaad.
chaandanee-- inase milo aannd, kalpanaa jee , vijay kee patnee.
aannd-- oh, namaskaar. main tab se soch rahaa thaa vijay jee ko achchhaa karane ke lie kaheen alag se to itanee sundar nars naheen bhejee gayee hai?
kalpanaa--(hns kar)dhanyavaad. baate achchhee kar lete hain aap.
aannd-- aapako pasnd aaee? chalie isee baat par aapako kuchh dene kaa man kar rahaa hai. lekin kyaa doon? vijay jee, aapake guladaste se ek fool le sakataa hoon?
vijay-- jaroor. aap pooraa bhee le sakate hain.
aannd-- naheen, pooraa to naheen, sirf ek loogaa. kalpane jee , yah ek fool aape lie.
kalpanaa-- shukriyaa, lekin main ise rakhoon kahaan?
aannd-- main ek achchhee jagah bataaoon?
kalpanaa-- jarur.
aannd-- apane baalon men lagaa leejiye. dikhiyegaa, yah jo kamaraa beemaar beemaar saa lag rahaa hai naa, ekadam se muskuraa uthegaa.
chaandanee--(dhamakee bhare svar men) aannd, dont bee romaitik.
aannd-- saaree, main to bhool hee gayaa thaa ki meree beevee paas hee khadeehai. (chaandanee, kalpanaa aur aannd kee halkee hnsee)
kalpanaa-- badee jaldee bhoolate hain aap?
aannd-- naheen to, jaldee naheen bhoolataa. vo to bas aapako dekh kar bhool gayaa thaa. mistar vijay, aap naaraaj to naheen ho rahe hai naa?
vijay-- naheen. achchhaa hee hai , inhen bhee apane man ke laayak baaten karane vaalaa milaa. vaise aap kaantrektar hai kyaa ?
aannd-- jee naheen, main injiniyar hoon.
vijay-- chaandanee se kahaan mulaakaat ho gayee aapakee?
aannd-- yaheen, isee haaspital men. leevar kee bimaaree le kar aayaa thaa. is beemaaree ke theek hote- hote dil kee beemaaree lag gayee.
chaandanee--(tokate hue) aannd!
aannd-- saaree. main bor to naheen kar rahaa aapako?
vijay-- naheen, main sun rahaa hoon aapako.
aannd-- lekin main ab chaloongaa. aafis ko achchhee der ho chukee hai. ishvar kare aap jaldee svasth ho jaaen. achchhaa kalpanaa jee , chalataa hoon. baaee diyar.
chaandanee-- baaee.
kalpanaa-- namaskaar.
aannd-- namaskaar. see yoo agen.
(thodee der chuppee)
vijay-- tumane bataayaa naheen thaa.
chaandanee-- tumane poochhaa naheen thaa.



(shesh fir)