kntiyaayug kee aasann garmiyaan

garmiyaan aane ko hain. dastak de hee dee hai. bijalee kee killat aasann hai. har galee kooche ke kinaare lage traansafaarmar garm ho kar bam bolenge. fir nithalle logon kee fauj khadee ho kar ghanton dekhegee ki kaise theek karate hain unako bijalee karmee. bahudhaa traansafaarmar badale jaate hain. unakaa tel risataa hai yaa choree jaataa hai!
aur bhee kaee tarah kee cheejen kharaab hongee. tharmal yaa haaidal (nirbhar karataa hai ki aapake ilaake ke paas kaun saa bijalee kaa jenareshan sors hai) se bijalee jaayegee. kaee baar andaragraaund kebal pnkchar ho jaayaa karegee. kaee baar be mausamee aandhee-paanee se bijalee band hogee. kaee baar lagegaa ki bijalee yadaa kadaa jaatee hai to kaee din aise lagenge ki bijalee yadaa kadaa aatee hai!
par ek cheej kntiyaafnsaaoo yooporiyan vaataavaran men tay hai, vah hai ekses kntiyaa fnsaane kee badaulat bijalee ke taar tootane yaa bijalee jaane kaa niyamit khel. yahaan shivakutee men pichhale paanch saal se rahate huye main yah khel yoon dekhataa rahaa hoon, jaise dhritaraashtr kee sabhaa men sabhaasad aaye din shakuni ko paase fainkate dekhate rahe honge - bor hote, par asahaay!

motee-maanoo

nattoo paande aajakal nanihaal aaye huye hain. ab dedh saal ke huye hain to kaarakunnee bhee usee star ke hain. kuchh jyaadaa hee. unakee naanee magan bhee hain aur pareshaan bhee rahatee hain. ajab kombineshan hai unakee khushee aur unakee vyagrataa kaa.

naanaa; pandit jnyaanadatt paandey unhe pradhaanamantree banaanaa chaahate hain aur ve hain ki apanee thumuki chalat vaale fej kee gatividhiyaan karane men hee vyast hain. koee gambheerataa naheen dikhaa rahe aage kee jimmedaariyon ke prati!

unako bhojan karanaa ek projekt hotaa hai. ek chhotee see thaalee, jisamen katoree embeded hai; men unakaa khaanaa nikalataa hai aur usake saath hone lagate hain unake nakhare – n khaane kee mudraayen dikhaane vaale. tab ghar ke saare log unhe bhojan karaane men jut jaate hain. koee taalee bajaataa hai. koee munnee badanaam sunaane lagataa hai to koee jo bhee shlok yaad hai, usakaa paath karane lagataa hai. yah sirf is liye ki nattoo paande kaa dhyaan bnte aur unake munh men ek kaur aur daal diyaa jaaye.

tippaniyon kaa pranaamavaadee yug

tippaniyon men pranaamavaadee yug kaa praarambh

tippaniyon kaa saadhuvaadee yug samaapt huaa. raveendr prabhaat chaahen to ise apane itihaasanaame men darj kar len. aaee no, sameeralaal shaayad aapatti darj karaayen. shaayad naa bhee karaayen - shaadee-vaadee ke intajaam men bijee hon to. sukul chaahen to saahitt vaalon se puchhavaa len. jyaadaa daaoot lage to naamavar sinh jee; yaa je he ne se, naye sammelan men jo koee kavee jee aaye the, unakaa vichaar bhee le len. apun ko koee farak naheen padataa.

bokariyaa, nandee, belapatr aur madhumeh

apanee pooar fotograafee par kheejh huee. bokariyaa nandee ke pair par pair sataaye unake maathe se tatakaa chadhaayaa belapatr chabaa rahee thee. par jab tak main kaimaraa set karataa vah utarane kee mudraa men aa chukee thee!

belapatr? sunaa hai ise pees kar lene se madhumeh naheen hotaa. bokariyaa ko kabhee madhumeh naheen hogaa. pakkaa. kaho to raamadeviyaa shart!

koj besd bloging (Cause Based Blogging)

kyaa karen, hindee sevaa kaa koj lapak len? par samasyaa yah hai ki abatak kee aath sau se jyaadaa poston men apanee lngadee-loolee hindee se kaam chalaayaa hai. tab achaanak hindee sevaa kaise kornar kee jaa sakatee hai?

hindoo-muslim ekataa kee baat ho rahee hai. yah ek nobal koj (noble cause) hai. log tapakaaye jaa rahe hain post. ve sochate hain ki agar ve n tapakaayen post to dngaa ho jaaye. desh bharabharaa kar gir jaaye. log baag bhee poore/thosa/mauna/mukhar samarthan men tipere jaa rahe hain – gngaa-jamunee snskriti (kyaa hai?) lahalahaayamaan hai. isee men shivakumaar mishr bhee fasal kaat le rahe hain.

udhar suresh chipaloonakar kee udagr hindutv vaadee poston par bhee log samarthan men bichh rahe hain. kesariyaa rng chatak hai. shuddh hare rng vaalee posten padhee naheen; so unake baare men kont se!

satat yuddhak (Continuous Fighter)

chh sau rupallee men saal bhar ladane vaalaa bhartee kar rakhaa hai maine. kampyootar khulataa hai aur yah chaaloo kar detaa hai yuddh. isake pop ap maisejej dekh lagataa hai pooree duniyaan jaan kee dushman hai mere kampyootar kee. har paanch saat minat men ek sandesh daayen-neeche kone men plukk se ubharataa hai:

bachchon kee pareekshaayen banaam ghar ghar kee kahaanee

maarch kaa maheenaa sabake liye hee vyastataa kee paraakaashthaa hai. varsh bhar ke saare kaary in svadhany 31 dinon men apanee nishpatti paa jaate hain. relave ke vaanijyik lakshyon kee poorti ke liye apane sahayogee adhikaariyon aur karmachaariyon kaa poorn sahayog mil rahaa hai par ek aisaa kaary hai jisamen main nitaant akelaa khadaa hoon, vah hai bachchon kee vaarshik pareekshaayen. padhaane kaa uttaradaayitv meraa thaa ath yah pareekshaayen bhee mujhe hee paas karanee theen.

pareekshaaon kaa apanaa alag manovijnyaan hai par jo bhee ho, bachchon kaa n isamen man lagataa hai aur n hee unake liye yah jnyaanaarjan kee vaijnyaanik abhivyakti hai. jhel isaliye lete hain ki usake baad greeshmaavakaash hogaa aur punh us kakshaa men naheen ragadnaa padegaa|

nattoo paande, nattoo paande kahaan gaye the?

nattoo paande nattoo paande kahaan gaye the?
jhoole men apane so rahe the
sapanaa kharaab aayaa ro pade the
mammee ne haal poochhaa hns gaye the
paapaa ke kahane pe bol pade the
snjay ne haath pakadaa dar gaye the
vaakar men dhakkaa lagaa chal pade the
nattoo paande nattoo paande kahaan gaye the?!

baalam gadelavaa aur cheel!

baalam mor gadelavaa badee jabaradast faagunee post hai. aape naheen padhee/sunee to vahaan ho aaiye! hindee bloging vahaan apanee samagrataa par hai.

baakee, savaal yah hai ki javaan patnee kaa gadelaa baalam (bachchaa pati) kyon hotaa hai? hotaa jaroor rahaa hogaa. shaayad bemel vivaah kaa yah rivars snskaran bhee samaaj kee koee jaroorat rahee ho. aajakal gadelaa baalam naheen deekhate. par meree maan ne ek kajaree bataaee jisamen baalam gadelaa hai.

baj kaa avataran aur ee-mel se posten

pichhale kuchh dinon men do naee baaten huee hain.

ek to jee-mel ne baj (Buzz) nikaalaa. usamen lapatiyaa gaye. fesabuk akaaunt sulaa diye. baj se suvidhaa-asuvidhaa par ho rahee chaunchiyaahat men kuchh khud bhee bajbajaaye.

doosare shivakumaar mishr kee dekhaa dekhee mobaail par inntaranet chadhvaa liye. shaam ko daftar se ghar lautate andheraa ho jaataa hai. kitaab naheen padhee jaa sakatee. so mobaail par intaranet par khabaren baanch lete hain des parades kee.

kaarban tyaag ke kredit kaa din

himaalay pighalegaa yaa naheen, pachauree jee 1.6 kimee ke liye vaahan kaa prayog kar rahe hain, bhaiyaa aap post-ped ho yaa pri-ped ho, see ef el lagaaiye, bijalee aur paanee bahumooly hai, aaee em dooing maai bit vhot abaaut yoo, kaarban kredit ityaadi.

bhaavee pradhaanamntree kaa stingopareshan

nattoo paande kee maaee kee sakht hidaayat thee ki usake suputr kaa koee nyood veediyo n liyaa jaaye. usako yah aashnkaa hai ki is veediyo kaa (bhavishy men) nattoo kee shaadee ke avasar par blaik mel karane hetu durupayog ho sakataa hai.

mere jaise tahalakaaee ke paas koee chaaraa n bachaa sivaay sting aopareshan (hindee men kyaa kahenge – dnk-snchaalan yaa dnsh-abhiyaana/dnshaabhiyaan?) ke. baath room men jab nattoo paande ko nahalaayaa jaa rahaa thaa to unakaa khidakee se veediyo utaar liyaa!

kabeer par jarooree vijit

mere mitr shree saiyad nishaat alee ne el es.em.es. kiyaa hai. vah jarooree hai mere, aapake, ham sab ke liye.
lihaajaa main prastut kar detaa hoon -

fon kaa jhumakaa

pichhale kaee dinon se spondilaaitis ke dard se pareshaan hoon. isakaa ek kaaran fon kaa galat poschar men prayog bhee hai. mujhe lambe samay tak fon par kaam karanaa hotaa hai. fon ke in-bilt speekar kaa prayog kar hainds-free tareeke se kaam karanaa sarvottam hai, par vah theek se kaam karataa naheen. doosaree or vaale ko aavaaj saaf sunaaee naheen detee. lihaajaa, maine apane kamyoonikeshan prakhand ke karmiyon se kahaa ki fon men koee hed fon jaisaa ataichament de den jo mere haath free rakhe aur haath free rakhane kee rakhane kee prakriyaa men fon ke hainnd set ko sir aur (ek or jhukaa kar) kndhe ke beech dabaanaa n pade.

hatu re, naaheen t tore…

---

baanee taraf hai pandaa kaa takht aur chhataree. beech men jameen par baithe hain is post ke naayak! daanee or vriddhagan.

shivakutee mandir se gngaa tat par utaratee seedhiyaan hain. usake baad baithate hai pandaa jo snaan kar aane logon ko snkalp – daan karaate hain. un pandaa jee se abhee meree duaa-salaam (soree, namaskaar-baatacheet) naheen huee hai. par savere savere vahaan baithe log ek niyamit drishy banate hain.

pandaa apane puraane se takht par aaseen hote hain. baarish kee sambhaavanaa hone par puraanee see chhataree lagaaye rahate hain. kuchh vriddh thodaa hat kar yoonhee baithe rahate hain.

pichhalee post par shree sateesh pncham jee ne tippanee kee thee:

jis hisaab se aapane (apane nivaas kee jagah kaa) varnan kiyaa hai vah kul milaakar 'kaashee kee assee' aur 'baarahamaasee' ke beech kee jagah lag rahee hai.

bahut sahee thaa! sirf ’raagadarabaaree’ jodanaa rah gayaa thaa!

isee kainavaas men beech men hote hain ek saanvale rng ke nnge badan, chaarakhaane kee lungee pahane dubale se aadamee – jo mukhaaree kar rahe hote hain yaa beedee munh men dabaaye hote hain. kyaa naam den unhen? raagadarabaaree ke paatr najar aate hain - baid jee ke anuchar.

jaanavar unase bahut hile mile rahate hain. jaanavar maane bakaree yaa kuttaa. yahaan foto men ek kutte ke saath unakaa snvaad hotaa deekh rahaa hai.

par shivapaalagnjee snvaad to us din huaa thaa jab ye sajjan beedee foonk rahe the aur bakaree unase satee mataragashtee kar rahee thee. vah baar baar use hataa rahe the par fir vah unake paas aa sat jaa rahee thee. unake “hatu re” kahane kaa asar naheen ho rahaa thaa.

gngaa tat par kukur se snvaad rat!

ant men kheejh kar ye sajjan ek haath men beedee liye aur doosare haath se bakaree dhakiyaate bole – hatu re, naanhee t tore gn*yaa men beedee jalaai deb (hat re, naheen to tere vishisht sthaan men beedee jalaa doongaa)!

jigar kee aag se piyaa ko beedee jalaane kaa aamntran karatee hai bipaasaa! aur yahaan ye kahaan jaa kar beedee jalaa rahe hain? isako shoot kar agar film banaayen to kyaa hogaa vah? samaantar sinemaa?

aur agar aap puraane jamaane ke hain to yah kahoongaa – ye sajjan shivakuteey samaantar ved ke hotaa-adhvaryu-udgaataa hai!

[aap poochhenge ki “shivakuteey samaantar ved” kyaa hai? “hotaa-adhvaryu-udgaataa” kyaa hote hain? ab sab savaal ke javaab hamen hee dene hain kyaa? ham to maatr post thelak hain! rendamaaijd vichaar jab tak gaayab hon, usase pahale post men likh maarane vaale. ham kyaa khaa kar bataayenge! aap to kuchh islaam ke vishay men jnyaanadaan karane vaale blogaraganon se poochhen, ve hindoo darshan par jabaradast shodhakaary kar rahe hain!]

---

aaj savere kaa apadet - shraavan maas samaapt hone par aaj gngaa tat par bheed gaayab thee. pandaa jee bhee apanee gaddee par naheen the. par hamaaree post ke naayak mahoday datuan chabaate apanee niyat jagah par baithe the. ek foto unakaa fir kheench liyaa hai. par kitane foto thelen blog par!

---

inhen padhen:
kaashee naath sinh jee kee bhaashaa
"kaashee kaa assee" ke raaste hindee seekhen
bhavishyadrashtaa

---

makkhiyaan aur teesamaarakhaan

---

arun dvaaraa diye link par jaa kar maaree gaee makkhiyaan

arun arodaa ne ek makkhee-maarak prograam kaa link diyaa. aap bhee traaee karen.

main saamaanyat: angoothaa choosaa (padhen solitaayar khelanaa) karataa thaa. par yah traaee kiyaa to bahut der tak ek bhee makkhee n maree. fir flaaee svetar kaa engal set ho gayaa to marane lageen. kaee makkhiyaan maar paayaa. antat: makkhee maarane kee hinsaabaat ne is prograam par jaanaa rokaa.

lekin yah lagaa ki yah chirakut intaranet-gem post thelak to ho hee sakataa hai.

aap jab makkhee maarate hain to ek aise varg kee kalpanaa karate hain, jo aapako apriy ho. aur ek makkhee maarane par lagataa hai ki ek *** ko dher kar diyaa.

us din main ek mahilaa patrakaar kee post padh rahaa thaa. bhaarat kee naukarashaahee sabase bhrasht! is mahaavaaky se koee asahamati jataa naheen sakataa. ab kisee jaagarook patrakaar ko yah makkhee-maarak khel khelanaa ho intaranet par to makkhee = naukarashaah hogaa. tees maarate hee sens aof setisfekshan aayegaa ki bade *** (naukarashaahon) ko maar liyaa.

aap agar kisee biraadaree ke prati khundakeeyataa par apanee oorjaa nyochhaavar karanaa chaahate hain to yah makkhee maarak prograam aapake bade kaam kaa hai. main yah is liye kah rahaa hoon ki yah hindee blogajagat is tarah kee khundakeeyataa kaa bahut badaa diseepetar hai. yah bahut se logon ko loonotik banane se bachaa rahaa hai aur bahut se loonotiks ko chinhit karane men madad kar rahaa hai.

at: aap bas difaain kar len ki *** kaun jaati/varga/samooh hai, jisapar aap vaastavik jagat men dhelaa naheen chalaa sakate par varchual jagat men dhele se maaranaa chaahate hain. aur fir hachak kar yah khel khelen. bas kisee vyakti yaa jeev vishesh ko aap *** naheen banaa sakate. aapako kaee makkhiyaan maaranee hain. masalan main *** ko furasatiyaa, aalok puraanik yaa sameeralaal difaain naheen kar sakataa! ye ek vyakti hain, varg naheen. aur inake prati varchual naheen, vyaktigat sneh hai.

makkhiyaan = naukarashaaha/patrakaara/vakeela/blogara/hindee blogara/chirakut blogar --- kuchh bhee set kar len.

aap kise set karane jaa rahe hain?

---

chaay kee dukaan par blog-vimarsh

---

ilaahaabaad men bloging par goshthee huee. yuvaa logon dvaaraa badaa hee profeshanalee mainejd kaaryakram. gadabad sirf ham not so yng logon ne apane maaik-moh se kee. maaik moh bahut galat taaip kaa moh hai. maaik aapako achaanak sarvajng hone kaa sammohan karataa hai. aapako achchhe bhale aadamee ko kacharaa karavaanaa hai to use ek maaik thamaa den. vah gareeb to direlament ke liye taiyaar baithaa hai. jo kuchh usake man men pakaa, adhapakaa jnyaan hai – sab thel degaa. jyaadaa vaah vaah kar dee to ek aadh gajal - geet – bhajan bhee sunaa jaayegaa.

maaik-aakraman se trast yuvaa aur any

bloging ko utsuk bahut yuvaa dikhe. yah dukhad hai ki ve mere thas dimaag kaa monolog jhelate rahe. yah monolog n ho, isake liye lagataa hai ki hafte men ek din unamen se 5-7 utsuk log kisee chaay kee dukaan par ikaththaa hon. vahaan ham saaree afasaree chhod-chhaad, prem se baat kar paayen unase. aofakors kat chaay aur ek samose kaa kharchaa unhen karanaa hogaa.

---

kvaikaayurved

---

kathavaidyon kee kamee naheen hai aaryaavart men. angarejee men kahen to kvaik (quack – neem hakeem). himaalayee jadeebootee vaalon ke sadak ke kinaare tamboo aur paas men bndhaa ek jarman shefard kukur bahudhaa deekh jaate hain. shilaajeet aur saannde kaa tel bechate ajeebogareeb poshaak men log jo n aadivaasee lagate hain, n aadhunik, bhee shaharee maahaul men paaye jaate hain. naamardee aur sheeghrapatan kaa ilaaj karane vaale akhabaar men vijnyaapan tak dete hain. bavaaseer – bhagandar¹ kaa ilaaj koee sahee saat aspataal men naheen karaataa hogaa. sab daayen – baanyen ilaaj suvidhaa talaashate hain.

kvaika+aayurveda=kvaikaayurved.

jab kvaikaayurvedeey vaataavaran chahunor vyaapt hai to use charak yaa sushrut snhitaa kee tarah kodeefaaee kyon naheen kiyaa gayaa? aur naheen kiyaa gayaa to ab karane men kyaa pareshaanee hai? kaun kahataa hai ki yah kodeefikeshan keval vaidik kaal men hee ho sakataa thaa. ab bhee der naheen huee hai. par abhee bhee yah naheen huaa to yah vedaang vilupteefaaee ho sakataa hai.

mujhe to is vishay men jaanakaaree naheen hai. anyathaa main hee pahal karataa kodeefikeshan kee. par man men sinsiyar halachal avashy hotee hai – jab bhee main paas kee ek tathaakathit daaktar saahab kee dukaan ke paas se gujarataa hoon. ye daaktar dvay kisee kshaar-sootr vidhi se bavaaseer-bhagandar kaa ilaaj karate hain. baakaayadaa daaktaree kaa laal kros kaa nishaan bhee lagaa hai – kvaikaayurved ko aadhunik jaamaa pahanaane ko.

motiyaabind ke maas-aopareshan kvaikaachaaryon dvaaraa bahudhaa kiye jaate hain. haddee bithaane aur fraikchar kaa ilaaj karate jarraah ab bhee aorthopedik daaktar kee takkar kaa kamaate hain. daanton kee daaktaree bahut samay tak cheenee daaktar binaa digree ke apane mongolaaid cheharon kee khyaati ke bal par karate rahe hain. aaj bhee dentist kee digree kee paravaah naheen karate log.

daaktaron kee snkhyaa kam hai, yaa unakee bajaay kvaikaachaaryon par bharosaa jyaadaa hai logon kaa – pataa naheen. shaayad yah hai ki bhaarat men svaasthy ke mad men log paisaa kam hee kharchanaa chaahate hain. lihaajaa kvaikaayurved kaa dnkaa bajataa hai.

---

1. vaise bavaaseer aur bhagandar men kyaa antar hai - yah mujhe naheen maalum. dono mal nikaasee se sambandhit hain - aisaa prateet hotaa hai. aapako antar maalum ho aur n bataayen to bhee chalegaa!

---

agale janam mohe keejau darogaa

---

meree patnee jee kee sarakaaree naukaree vishayak post par daa. manoj mishr jee ne mahaakavi chachchaa jee kee assee saal puraanee pnktiyaan prastut keen tippanee men -

desh bare kee butaay piyaa - harashaay hiyaa tum hohu darogaa. (naayikaa kahatee hai; desh jal kar raakh ho jaaye yaa bujhe; meraa hriday to priyatam tab harshit hogaa, jab tum darogaa banoge!)

haay! kyaa maarak pnktiyaan hain! e raba; yah janam to kandam hogyaa. agale janam mainoo jaroor-jaroor darogaa banaanaa tusee!

maine manoj jee se chirauree kee hai ki mahaakavi chachchaa se vistrit parichay karaayen. vah agale janm ke liye hamaare darogaaee-snkalp ko pusht karegaa.

---

begaaree par hindee

---

saahityakaar hindee kaa betaa-betee hai. shaayad vaseeyat bhee usee ke naam likh rakhee hai hindee ne. n bhee likh rakhee hai to bhee saahityakaar maanataa hai ki uttaraadhikaar kaanoonaanusaar nyaayavyavasthaa usee ke paksh men nirnay degee. hindee kaa jo bhee hai, usakaa hai, yah shaashvat vichaar hai saahityakaar kaa.^*

begaaree par post thelak

ham jaise blogar, jo n kaalajayee hain n maalajayee, vo riyaayaa kee tarah begaaree men hindee thel rahe hain. din bhar kee begaar khatane men jis tarah sukuroo haravaah saanjh ko chanaa-chabainaa paataa thaa (sukuroo kaa naatee ab gaanv men majooree me kyaa paataa hai, maalum naheen.); usee tarah hamen das bees tippaniyaan milatee hain. tippaniyon ke tappe par jhoom rahee hai hamaaree blogaree.

bhaashaa – aur khaas kar hindee bhaashaa, jyaadaa prayogaatmak libartee naheen detee. jyaadaa tipir tipir karo to hindee ke mahant log guraguraane lagate hain.

aaee no for shyor, mandee ke jamaane men jaise chhntanee hotee hai to sab se uththalloo tatv pahale nikaalaa jaataa hai; usee tarah hindee men chamachamaataa likhane vaale agar pajaa gaye (yaanee ifaraat men ho gaye/thasaathas bhar gaye) to sabase pahale hamaare jaise kinaaraa dikhaaye jaayenge. furasatiyaa aur sameeralaal chhaap to tab tak jugaad lagaa kar saahity ke tent men entree paa chuke honge!

yah tatvajnyaan hone par bhee ham jaise nigharaghat niyamit 300 shabd thelane ko pnhuch jaate hain.

bhaashaa kee bapautee aur bhaashaa ke prati kamitament kaa dam bharanaa blogar ke liye anargal (padhen – faalatoo-fanda/fainkolojikal) baat hai. blogar sahee maayane men anapolishda/anagadha/rookhe/khuradare ekperimenteshan par chalataa hai. bhaashaa – aur khaas kar hindee bhaashaa, jyaadaa prayogaatmak libartee naheen detee. jyaadaa tipir tipir karo to hindee ke mahant log guraguraane lagate hain. ho sakataa hai hindee bloging ke liye bahut upayukt bhaashaa hee n ho. yaa shaayad bloging bhaashaa se parimit honee hee n chaahiye (?).

ch chalee, mitr, post laayak thel hee diyaa hai. post hee to hai, kaun saa magnaa-kaartaa hai!

---

vaise sukuroo (jitanaa mujhe yaad aataa hai); vishayaanand men jitanaa vipann thaa, bhajanaanand aur brahmaanand men utanaa hee unnat. hamaare gaavon men kabeer-tatv bahutaayat men hai. kamee yah hai ki hamaare enteenaa bahut ghatiyaa hain vah tatv pakadane men! *- yah maanaa jaa sakataa hai ki hindee aaut-liv karegee vartamaan saahity aur saahity vidhaa ko.

---